2003-ല്‍ കോണ്‍ഗ്രസ് അധികാരം വിട്ടൊഴിയുമ്പോഴാണ് ദുര്‍ഗലാല്‍ ഈ പ്രതിജ്ഞ എടുത്തത്. അന്ന് കോണ്‍ഗ്രസ് പ്രവര്‍ത്തകനായ ദുര്‍ഗലാല്‍ ഒരു തീരുമാനമെടുത്തു. ഇനി കോണ്‍ഗ്രസ് സര്‍ക്കാര്‍ അധികാരത്തില്‍ വരുന്നതുവരെ താന്‍ ഷൂ ധരിക്കില്ലെന്ന്. നീണ്ട വര്‍ഷങ്ങള്‍ കഴിഞ്ഞുപോയി. 2018-ല്‍ ദുര്‍ഗലാലിന്റെ ആഗ്രഹം സഫലമാവുകയായിരുന്നു. കോണ്‍ഗ്രസ് അധികാരത്തിലെത്തി. കഴിഞ്ഞ 15 വര്‍ഷമായി ദുര്‍ഗലാല്‍ ഷൂ ധരിച്ചിരുന്നില്ല. കഴിഞ്ഞ ബുധനാഴ്ച്ച മുഖ്യമന്ത്രി മധ്യപ്രദേശ് മുഖ്യമന്ത്രി കമല്‍നാഥിന്റെ സാന്നിധ്യത്തില്‍ ദുര്‍ഗലാല്‍ ഷൂ ധരിച്ചു. മുന്‍ മുഖ്യമന്ത്രി ദിഗ്‌വിജയ് സിങ്ങാണ് ദുര്‍ഗലാലിന് ധരിക്കാന്‍ ഷൂ നല്‍കിയത്.

മധ്യപ്രദേശില്‍ 2013- ല്‍ 230 സീറ്റുകളില്‍ വെറും 38 സീറ്റ് നേടിയാണ് ബി.ജെ.പിയോട് കോണ്‍ഗ്രസ് ദയനീയമായി തോറ്റത്. 2018-ല്‍ കോണ്‍ഗ്രസ് ഏറ്റവും വലിയ ഒറ്റക്കക്ഷിയായി മാറി. 114 സീറ്റില്‍ കോണ്‍ഗ്രസ് വിജയിച്ചപ്പോള്‍ ബിജെപി 109 സീറ്റില്‍ വിജയിച്ചു. കേവല ഭൂരിപക്ഷത്തിന് വേണ്ടിയിരുന്നത് 116 സീറ്റായിരുന്നു. മായാവതിയുടെ ബിഎസ്പിയും സമാജ്‌വാദി പാര്‍ട്ടിയും കോണ്‍ഗ്രസിനെ പിന്തുണച്ചതോടെ സര്‍ക്കാര്‍ അധികാരത്തിലെത്തുകയായിരുന്നു.

എ.കെ ആന്റണിയുടെ നേതൃത്വത്തിലാണ് നിയമസഭാകക്ഷി യോഗ ചേര്‍ന്നത്. ജ്യോതിരാദിത്യ സിന്ധ്യയാണ് കമല്‍നാഥിന്റെ പേര് യോഗത്തില്‍ നിര്‍ദേശിച്ചത്.
1968ല്‍ തന്റെ രാഷ്ട്രീയ ജീവിതം ആരംഭിച്ച കമല്‍നാഥ് ആദ്യമായാണ് മുഖ്യമന്ത്രി സ്ഥാനത്ത് എത്തുന്നത്. വെള്ളിയാഴ്ചയോ തിങ്കളാഴ്ചയോ സത്യപ്രതിജ്ഞ ഉണ്ടാവുമെന്നാണ് റിപ്പോര്‍ട്ടുകള്‍. അല്‍പസമയത്തിന് ശേഷം നടക്കുന്ന വാര്‍ത്താ സമ്മേളനത്തില്‍ ഔദ്യോഗിക പ്രഖ്യാപനം ഉണ്ടാവും.

The two most powerful warriors are patience and time.

– Leo Tolstoy pic.twitter.com/MiRq2IlrIg

— Rahul Gandhi (@RahulGandhi) December 13, 2018

മണിക്കൂറുകള്‍ നീണ്ട ചര്‍ച്ചകള്‍ക്കും അനിശ്ചിതത്വങ്ങള്‍ക്കുമൊടുവിലാണ് തീരുമാനം. മുഖ്യമന്ത്രിസ്ഥാനത്തിനായി കമല്‍നാഥിനൊപ്പം യുവനേതാവ് ജ്യോതിരാദിത്യ സിന്ധ്യകൂടി നിലയുറപ്പിച്ചതോടെയാണ് തീരുമാനം വൈകിയത്. ഡല്‍ഹിയില്‍ രാഹുല്‍ ഗാന്ധിയുടെ വസതിയിലാണ് ചര്‍ച്ചകള്‍ നടന്നത്. ഇരു നേതാക്കളുടേയും കൈകള്‍ കൂട്ടിപിടിച്ച് നില്‍ക്കുന്ന ഫോട്ടോ നേരത്തെ രാഹുല്‍ ഗാന്ധി സോഷ്യല്‍മീഡിയയില്‍ പോസ്റ്റ് ചെയ്തിരുന്നു.

“ഏറ്റവും ശക്തരായ രണ്ട് യോദ്ധാക്കന്മാര്‍ ക്ഷമയും സമയവും ആണെ”ന്നായിരുന്നു രാഹുല്‍ ഗാന്ധിയുടെ പോസ്റ്റ്.

ഇരുനേതാക്കളും തമ്മിലുള്ള തര്‍ക്കം സോണിയാ ഗാന്ധിയും പ്രിയങ്കാ ഗാന്ധിയും ഇടപ്പെട്ടതോടെയാണ് അനുരജ്ഞനത്തിലെത്തിയത്.

സ്വതന്ത്രരെ ഒപ്പം നിര്‍ത്തി സര്‍ക്കാര്‍ രൂപീകരിക്കാന്‍ മുഖ്യമന്ത്രി ശിവരാജ് സിങ് ചൗഹാന്റെ വസതിയില്‍ യോഗം ചേരുകയാണ്. 10 സീറ്റുകളില്‍ സ്വതന്ത്രരും ബി.എസ്.പിയും എസ്.പിയുമാണ് ഇവിടെ മുന്നിട്ട് നില്‍ക്കുന്നത്. എസ്.പിയുടേയും ബി.എസ്.പിയുടേയും പിന്തുണ ഇവിടെ കോണ്‍ഗ്രസിനാണ്. സ്വതന്ത്രരുടെ പിന്തുണ ഉറപ്പാക്കി ഭരണം നിലനിര്‍ത്താനുള്ള അവസാന ശ്രമമാണ് ബി.ജെ.പി നടത്തുന്നതെന്നാണ് സൂചന.

എന്നാല്‍ മധ്യപ്രദേശില്‍ നേരത്തെ തന്നെ കോണ്‍ഗ്രസ് സ്വതന്ത്രരുടെ പിന്തുണ ഉറപ്പിച്ചിട്ടുണ്ടെന്ന റിപ്പോര്‍ട്ടുകളും പുറത്തുവന്നിട്ടുണ്ട്. അതിനിടെ ബി.എസ്.പി നേതാവ് മായാവതി തങ്ങളുടെ എല്ലാ എം.എല്‍.എമാരോടും ഡല്‍ഹിയില്‍ എത്തിച്ചേരാന്‍ നിര്‍ദേശിച്ചിട്ടുണ്ട്. മധ്യപ്രദേശില്‍ സര്‍ക്കാരുണ്ടാക്കുന്നതുമായി ബന്ധപ്പെട്ടുള്ള ചര്‍ച്ചകള്‍ നടത്താനാണ് എം.എല്‍.എമാരോട് ഡല്‍ഹിയില്‍ എത്താന്‍ ആവശ്യപ്പെട്ടിട്ടുള്ളത്.

അതേസമയം, കോണ്‍ഗ്രസിന് വ്യക്തമായ ഭൂരിപക്ഷം ലഭിച്ച രാജസ്ഥാനില്‍ നാളെയാണ് കോണ്‍ഗ്രസ് എം.എല്‍.എമാരുടെ യോഗം വിളിച്ചിരിക്കുന്നത്. സംസ്ഥാനത്ത് സര്‍ക്കാര്‍ രൂപീകരിക്കുന്നതിനുള്ള തന്ത്രങ്ങള്‍ സ്വീകരിക്കാന്‍ എ.ഐ.സി.സി നിരീക്ഷണ അംഗമായി കെ.സി.വേണുഗോപാലിനെ കേന്ദ്രനേതൃത്വം ഇതിനോടകം തന്നെ നിയോഗിച്ചിട്ടുണ്ട്. ഒറ്റക്ക് ഭൂരിപക്ഷം ലഭിച്ചില്ലെങ്കില്‍ സ്വതന്ത്രരുടെ പിന്തുണയോടെ സര്‍ക്കാര്‍ രൂപീകരിക്കാനാണ് കോണ്‍ഗ്രസ് തീരുമാനം.

മധ്യപ്രദേശ് ബിജെപി സര്‍ക്കാറിനെതിരെയുള്ള ഭരണ വിരുദ്ധ വികാരത്തിന് പുറമെ കര്‍ഷകരുടെ രോഷം, തൊഴിലില്ലായ്മ, അഴിമതി എന്നിവ കോണ്‍ഗ്രസിന്റെ മുന്നേറ്റത്തിന് ഗുണം ചെയ്യുമെന്നാണ് സര്‍വ്വേ റിപ്പോര്‍ട്ടില്‍ പറയുന്നത്.

ന്യൂസ് നാഷന്‍ നടത്തിയ സര്‍വേയിലും കോണ്‍ഗ്രസ് പ്രതീക്ഷ നിലനിര്‍്ത്തുന്നതാണ്. നിയമസഭയില്‍ നിലവില്‍ 57 സീറ്റുകള്‍ മാത്രമുള്ള കോണ്‍ഗ്രസ് 107 മുതല്‍ 111 സീറ്റുകള്‍ വരെ നേടുമെന്നാണ് സര്‍വേ. നിലവില്‍ 166 സീറ്റിന്റെ ബലത്തില്‍ ഭരണം നടത്തുന്ന ബിജെപിയുടെ സീറ്റ് നില 109 മുതല്‍ 113 സീറ്റിലേക്ക് ചുരുങ്ങുമെന്നും സര്‍വേ വ്യക്തമാക്കുന്നു.

അതേസമയം ബി.ജെ.പി അധികാരത്തിലെത്തുമെന്നാണ് ടൈംസ് നൗ വാര്‍റൂം സ്ട്രാറ്റജീസ് സര്‍വ്വേ റിപ്പോര്‍ട്ടില്‍ പറയുന്നത്. 142 സീറ്റുകള്‍ ബി.ജെ.പി നേടുമെന്നും കോണ്‍ഗ്രസ് 77 സീറ്റുകള്‍ ലഭിക്കുമ്പോള്‍ മറ്റുള്ളവര്‍ 11 സീറ്റുകള്‍ നേടുമെന്നും ടൈംസ് നൗ സര്‍വ്വേ റിപ്പോര്‍ട്ടില്‍ പറയുന്നു.
നവംബര്‍ 28ന് 75.05 ശതമാനത്തില്‍ റെക്കോര്‍ഡ് പോളിങിനാണ് മധ്യപ്രദേശില്‍ വോട്ടെടുപ്പ് നടന്നത്. മുന്‍ തെരഞ്ഞെടുപ്പുമായി താരതമ്യം ചെയ്യുമ്പോള്‍ 2.53% വോട്ടിങ് ശതമാനം വര്‍ധനയാണ് ഉണ്ടായത്.

മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ അടക്കമുള്ള മുതിര്‍ന്ന ബി.ജെ.പി നേതാക്കള്‍ അനുനയ ശ്രമം നടത്തുന്നതിനിടെയാണ് സമീക്ഷ ഗുപ്തയുടെ രാജി. 2009 മുതല്‍ 2015 വരെ ഗ്വാളിയര്‍ മേയറായിരുന്നു സമീക്ഷ. മൂന്ന് തവണ എം.എല്‍.എയായ നാരായണ്‍ സിങ് കുശ്‌വാഹയാണ് ഇവിടെ ബി.ജെ.പി സ്ഥാനാര്‍ത്ഥി. പാര്‍ട്ടി വിടുകയാണെന്നും ഗ്വാളിയാര്‍ സൗത്തില്‍ സ്വതന്ത്ര സ്ഥാനാര്‍ത്ഥിയായി മത്സരിക്കുമെന്നും സമീക്ഷ അറിയിച്ചു. ഇവിടെ നാമനിര്‍ദേശ പത്രിക സമര്‍പ്പിച്ചിരിക്കുകയാണ് ഇവര്‍.

തെരഞ്ഞെടുപ്പിന് ആഴ്ച്ചകള്‍ക്ക് മുമ്പ് രാജസ്ഥാനില്‍ ബി.ജെ.പിക്ക് കനത്ത തിരിച്ചടിയായി പാര്‍ലമെന്റംഗവും മുന്‍ ഡി.ജി.പിയുമായ ഹരീഷ് മീണ രാജിവെച്ച് കോണ്‍ഗ്രസില്‍ ചേര്‍ന്നിരുന്നു. കോണ്‍ഗ്രസ് അധ്യക്ഷന്‍ രാഹുല്‍ഗാന്ധി ഹരീഷ് മീണക്ക് അംഗത്വം നല്‍കി. ഡല്‍ഹി എ.ഐ.സി.സി ആസ്ഥാനത്താണ് ചടങ്ങ് നടന്നത്.

മുന്‍ മുഖ്യമന്ത്രി അശോക് ഗെഹ് ലോട്ട്്, പിസിസി അധ്യക്ഷന്‍ സച്ചിന്‍ പൈലറ്റ് എന്നിവര്‍ ചടങ്ങില്‍ പങ്കെടുത്തു. ഹരീഷ് മീണയെ അശോക് ഗെഹ്‌ലോട് സ്വാഗതം ചെയ്തു. നിയമസഭ തെരഞ്ഞെടുപ്പിന് നാമനിര്‍ദ്ദേശ പത്രിക സമര്‍പ്പിക്കാനുളള രണ്ടാം ദിവസത്തിലാണ് രാജസ്ഥാനില്‍ ഹരീഷ് മീണയുടെ ചുവടുമാറ്റം. ശക്തമായ ഭരണ വിരുദ്ധ വികാരമാണ് രാജസ്ഥാനില്‍ നിലവിലുള്ളത്. ഇവിടെ കോണ്‍ഗ്രസ് വിജയിപ്പിക്കുമെന്നാണ് അഭിപ്രായ സര്‍വ്വേ ഫലം.

രാജസ്ഥാനിലെ സംസ്ഥാന പൊലീസ് മേധാവിയായിരുന്നു ഹരീഷ് മീണ. 2014- ലാണ് ഇദ്ദേഹം ബി.ജെ.പിയില്‍ ചേര്‍ന്നത്. പിന്നാലെ വന്ന പാര്‍ലമെന്റ് തെരഞ്ഞെടുപ്പില്‍ മത്സരിച്ച് വിജയിക്കുകയും ചെയ്തു.

രാജസ്ഥാന്‍, മധ്യപ്രദേശ്, മിസോറാം, ഛത്തീസ്ഗഡ്, തെലങ്കാന സംസ്ഥാനങ്ങളിലേക്ക് നവംബര്‍, ഡിസംബര്‍ മാസങ്ങളിലാണ് തെരഞ്ഞെടുപ്പ് നടക്കുന്നത്. ഛത്തീസ്ഗഡിലെ ആദ്യ ഘട്ട തിരഞ്ഞെടുപ്പ് നടന്നു. മധ്യപ്രദേശിലും ഛത്തീസ്ഗഡിലും ഭരണ വിരുദ്ധ വികാരം ഉണ്ടെങ്കിലും ബിജെപിക്ക് കനത്ത ക്ഷീണം ഉണ്ടാകില്ലെന്നാണ് അഭിപ്രായ സര്‍വ്വേ. എന്നാല്‍ രാജസ്ഥാനില്‍ കോണ്‍ഗ്രസിന് പിന്തുണ ഏറെയാണ്. മിസോറാമില്‍ ആര്‍ക്കും ഭൂരിപക്ഷമുണ്ടാവില്ലെന്നാണ് പ്രവചനം. തെലങ്കാന ടിഡിപി-കോണ്‍ഗ്രസ് ചേരിക്ക് ഒപ്പം ചേരുമെന്നും സര്‍വ്വേ ഫലങ്ങള്‍ പറയുന്നു.

രാഹുല്‍ ഗാന്ധി ഇന്നലെ രാത്രി പുറത്തിറക്കിയ ആദ്യ പട്ടികയില്‍ 155 സ്ഥാനാര്‍ത്തികള്‍ ഇടം പിടിച്ചു. തുടര്‍ന്ന് ഇന്ന് 230 അംഗ നിയമസഭയില്‍ 16 സ്ഥാനാര്‍ഥികളുടെ രണ്ടാം പട്ടിക കൂടി പുറത്തുവിട്ടു.

മൂന്ന് സിറ്റിങ് എംഎല്‍എമാര്‍ക്ക് ഇക്കുറി സീറ്റില്ല. നാല് പേര്‍ പുതുമുഖങ്ങളാണ്. ട്രൈബല്‍ വിഭാഗങ്ങള്‍ക്ക് പ്രത്യേക പരിഗണന നല്‍കിയാണ് പട്ടിക പുറത്തിറക്കിയിരിക്കുന്നത്. കഴിഞ്ഞ ദിവസം ബിജെപി 117 പേരുടെ പട്ടിക പുറത്തുവിട്ടിരുന്നു.

Congress declares list of 16 candidates for Madhya Pradesh assembly polls. The party had yesterday released a list of candidates for 155 seats pic.twitter.com/iqYinA4HVh

— ANI (@ANI) November 4, 2018

നിലവിലെ 57 എംഎല്‍എമാരില്‍ 46 പേരും പട്ടികയില്‍ ഇടം പിടിച്ചതായി കോണ്‍ഗ്രസ് നേതാവ് കമല്‍ നാഥ് പറഞ്ഞു. പ്രചാരണങ്ങള്‍ അതിവേഗം നടത്തുന്നതിനാണ് പട്ടിക നേരത്തെ പുറത്തു വിട്ടത്. ഇനി 75 സീറ്റില്‍ കൂടി സ്ഥാനാര്‍ത്ഥികളെ പ്രഖ്യാപിക്കാനുണ്ട്. ഇതില്‍ എട്ട് പേര്‍ കോണ്‍ഗ്രസിനെ പ്രതിനിധീകരിക്കുന്നവരായിരിക്കും എന്ന സൂചനയും പാര്‍ട്ടി വക്താക്കള്‍ നല്‍കി. എംഎല്‍എയായ സഞ്ജയ് ശര്‍മ, മുന്‍ എംഎല്‍എയായ പത്മ ശുക്ല എന്നിവരും പട്ടികയില്‍ ഇടം പിടിച്ചു. മുതിര്‍ന്ന കോണ്‍ഗ്രസ് നേതാവ് ദിഗ് വിജയ് സിങിന്റെ മകന്‍ ജയവര്‍ദ്ധന്‍ സിങ്, സഹോദരന്‍ ലക്ഷ്മണ്‍ സിങ് എന്നിവരും സ്ഥാനാര്‍ത്ഥികളാണ്. 2003ല്‍ ബിജെപിയില്‍ ചേര്‍ന്ന ലക്ഷ്മണ്‍ കഴിഞ്ഞയിടെ കോണ്‍ഗ്രസില്‍ തിരിച്ചെത്തിയിരുന്നു. കോണ്‍ഗ്രസിലെത്തിയ ബിജെപി നേതാവ് അഭയ് മിശ്ര റേവാ മണ്ഡലത്തില്‍ നിന്ന് മത്സരിക്കും. മുന്‍ കേന്ദ്രമന്ത്രിയും കോണ്‍ഗ്രസ് മുന്‍ സംസ്ഥാന അധ്യക്ഷനുമായ സുരേഷ് പച്ചൗരിയും മത്സര രംഗത്തുണ്ട്. പ്രതിപക്ഷ നേതാവ് അജയ് സിങ് കോണ്‍ഗ്രസിന്റെ ശക്തി കേന്ദ്രമായ ചുര്‍ഹാട്ടില്‍ നിന്ന് മത്സരിക്കും.
നിയമസഭയിലെ കോണ്‍ഗ്രസിന്റെ ഏക പ്രതിനിധിയായ മുസ്‌ലിം ആരിഫ് അഖ്വീല്‍ ഭോപാല്‍ നോര്‍ത്തില്‍ നിന്നും മത്സരിക്കും. ഈ മണ്ഡലത്തില്‍ നിന്നും അഞ്ച് തവണയായി ആരീഫ് മത്സരിച്ചു വിജയിക്കുന്നു. കോണ്‍ഗ്രസിലെത്തിയ മുന്‍ എന്‍സിപി എംഎല്‍എ ഹമീദ് ഖാസി ബുര്‍ഹാന്‍പൂരില്‍ നിന്ന് മത്സരിക്കും. കോണ്‍ഗ്രസ് പട്ടികയില്‍ 22 വനിതാ സ്ഥാനാര്‍ത്ഥികളാണുള്ളത്. ബിജെപിയില്‍ നിന്ന് 16 വനിതകള്‍ മത്സരിക്കും.

തെരഞ്ഞെടുപ്പ് നടക്കാനിരിക്കെ ബി.ജെ.പി വിട്ട പത്മ കോണ്‍ഗ്രസില്‍ ചേര്‍ന്നത് ബിജെപിക്ക് കനത്ത തിരിച്ചടിയായിരിക്കുകയാണ്. കമല്‍നാഥിന്റെ സാന്നിധ്യത്തില്‍ നടന്ന ചടങ്ങില്‍ പദ്മ ശുക്ല കോണ്‍ഗ്രസില്‍ ചേര്‍ന്നു.

Madhya Pradesh Social Welfare Board Chief Padma Shukla resigns from primary membership of BJP. She also held a state cabinet rank.Further details awaited (file pic) pic.twitter.com/1WllY7JXrQ

— ANI (@ANI) September 24, 2018

എന്നാല്‍ പത്മ ബിജെപി വിടാനുള്ള കാരണമെന്താണെന്ന് വ്യക്തമല്ല. മധ്യപ്രദേശിൽ ശിവരാജ് സിങ് ചൗഹാനെതിരെയും ബിജെപിക്കെതിരെയും ശക്തമായ പ്രതിഷേധങ്ങൾ നിലനിൽക്കുന്നുവെന്നും രണ്ട് മാസത്തിന് ശേഷം നടക്കുന്ന നിയമ സഭ തെരഞ്ഞെടുപ്പിൽ കോൺഗ്രസ് തിരിച്ചുവരുമെന്നുള്ള സർവ്വേ റിപ്പോർട്ടുകൾ പുറത്ത് വന്നിരുന്നു.

കമല്‍നാഥിന് സഹായികളായി നാല് വര്‍ക്കിംഗ് പ്രസിഡന്റുമാരെയും ഹൈക്കമാന്‍ഡ് നിയോഗിച്ചു. രാംനിവാസ് റാവത്ത്, ജിഡു പട്‌വാരി, സുരേന്ദര്‍ ചൗധരി, ബാലാ ബച്ചന്‍ എന്നിവരാണ് വര്‍ക്കിംഗ് പ്രസിഡന്റുമാര്‍.

പതിനഞ്ച് വര്‍ഷമായി മധ്യപ്രദേശ് ഭരിക്കുന്ന ബി.ജെ.പിക്ക് ഇത്തവണ കോണ്‍ഗ്രസ് കനത്ത വെല്ലുവിളിയാണ് ഉയര്‍ത്തുന്നത്. ഈ വര്‍ഷം അവസാനത്തോടെ നടക്കുന്ന തെരഞ്ഞെടുപ്പില്‍ ബി.ജെ.പിയെ വീഴ്ത്തി അധികാരം പിടിക്കാനുള്ള കഠിന ശ്രമത്തിലാണ് കോണ്‍ഗ്രസ്.