‘എല്ലാം വലിച്ചൂരി എറിയുന്നതല്ല തട്ടവും മതവും വിശ്വാസവും മുറുകെപ്പിടിച്ചു നിലനിര്‍ത്തുന്നതാണ് ധീരത’- തട്ടമഴിക്കാന്‍ പറഞ്ഞയാള്‍ക്ക് മജീസിയ ബാനുവിന്റെ മറുപടി

ചന്ദ്രിക വെബ് ഡെസ്‌ക്‌ — Mon, 14 Sep 2020 08:32:43 +0000

കോഴിക്കോട്: മുസ്‌ലിം പെണ്‍കുട്ടികള്‍ തലമറക്കുന്നത് അവരുടെ ഇസ്‌ലാമികമായ വസ്ത്രധാരണവും പലര്‍ക്കും പ്രത്യേക താല്‍പര്യമുള്ള വിവാദ വിഷയമാണ്. തട്ടമിടാത്തവരോട് തട്ടമിടാന്‍ ആരെങ്കിലും പറഞ്ഞാല്‍ വ്യക്തി സ്വാതന്ത്ര്യം ഹനിക്കുന്നു എന്ന വാദവുമായി പലരും രംഗത്ത് വരാറുണ്ട്. എന്നാല്‍ ഇസ്‌ലാമിക വസ്ത്രധാരണത്തോടെ തന്നെ പൊതുമേഖലയിലേക്ക് കടന്നുവരുന്ന സ്ത്രീകളുടെ എണ്ണം ഇന്ന് വര്‍ധിച്ചു വരികയാണ്. എന്നാല്‍ അവരെ അപരിഷ്‌കൃതരായി മുദ്ര കുത്താനാണ് പലര്‍ക്കും താല്‍പര്യം. അത്തരത്തില്‍ തനിക്കുണ്ടായ ഒരു അനുഭവം പങ്കുവെച്ചിരിക്കുകയാണ് പവര്‍ ലിഫ്റ്റിങ്ങിലെ ലോക ചാമ്പ്യനും അറിയപ്പെടുന്ന ബോക്സിങ് പഞ്ച ഗുസ്തി താരവുമായ മജീസിയ ബാനു.

ധൈര്യശാലിയാണെങ്കില്‍ തട്ടമഴിച്ചു വെക്കാന്‍ ഇന്‍ബോക്സില്‍ വന്ന് ഉപദേശിച്ചയാള്‍ക്കുള്ള മറിപടിയാണ് അവര്‍ പങ്കുവെച്ചിരിക്കുന്നത്.

‘ധീരത തെളിയിക്കാന്‍ തലയിലെ തട്ടം അഴിച്ചു സ്വന്തം മതത്തെയും വിശ്വാസത്തേയും ഉപേക്ഷിച്ചു സമൂഹത്തില്‍ ഇറങ്ങാന്‍ വെല്ലുവിളിക്കുന്ന സഹോദരാ..

നിങ്ങള്‍ക്ക് തെറ്റി, അവസരം കിട്ടിയാല്‍ എല്ലാം വലിച്ചൂരി എറിയുന്ന ഇന്നത്തെ ഈ സമൂഹത്തില്‍ അഭിമാനത്തോടെ എന്റെ തട്ടവും, മതവും, വിശ്വാസവും മുറുകെപ്പിടിച്ചു നിലനിര്‍തുന്നതാണ് യഥാര്‍ത്ഥ ധീരത’- ഇന്‍ബോക്സിലെ സന്ദേശത്തോടൊപ്പം മജീസിയ ഫേസ്ബുക്കില്‍ കുറിക്കുന്നു.

നീ ശരിക്കും മോഡേണും ധൈര്യശാലിയുമാണെങ്കില്‍ ആദ്യം നീ നിന്റെ തട്ടമുപേക്ഷിക്കുകയാണ് ചെയ്യേണ്ടത്. നീ നിന്റെ മതത്തെ ഭയപ്പെടുന്നുണ്ടെങ്കില്‍ നീ നീകരുതും പോലെ മോഡേണും ധൈര്യവതിയുമല്ല എന്നാണ് അര്‍ത്ഥം- ഇതായിരുന്നു ഇന്‍ബോക്സിലെ സന്ദേശം.

https://www.facebook.com/majiziyabhanuofficial/posts/771477743432722?__xts__[0]=68.ARDFc8WPPmBs_Jk4R4gczKSQFItTF10vajZBRyHF0OhSAOHEZ8k-pFGk9CQjIv9MVQ42lpPx-n9Gtb4gNy22Jzsi7DT7GFMREP3_fGuvSInKWeU3hrEFcy3La6kTyKAAEhqC4TyoLzCa-i63o22ltolu__AVEyFztuz8M9iNiYKkkjPmIyHunEEGMAT0kC6W5vP48gwSGGvqEn24w-uavvtQzAJhBqCq7Y9kXnUuhKZNtPuE3y8zECJ6YstUUsQkCtIhcFKo2RqkaBTeD_grkw1jWz0_E62h0-kubwbrrhtCo6LkLpjQNseSNAEiLW0_tWAvgYMcrHULtOJz9sMlMJk&__tn__=-R

മജീസിയക്ക് തുര്‍ക്കിയിലേക്ക് പറക്കാം; സഹായഹസ്തവുമായി എം.ഇ.എസ്

chandrika — Sat, 07 Jul 2018 09:49:05 +0000

കോഴിക്കോട്: ഒക്‌ടോബറില്‍ തുര്‍ക്കിയില്‍ നടക്കുന്ന രാജ്യാന്തര പഞ്ചഗുസ്തി ചാമ്പ്യന്‍ഷിപ്പില്‍ പങ്കെടുക്കാന്‍ തയാറെടുക്കുന്ന ദേശീയതാരം മജീസിയ ബാനുവിന് സഹായഹസ്തം. എം.ഇ.എസ് സംസ്ഥാന കമ്മിറ്റിയാണ് ഒരുലക്ഷം രൂപയുടെ സഹായവുമായി മുന്നോട്ടുവന്നത്. വടകര ഓര്‍ക്കാട്ടേരിയിലെ സാധാരണ കുടുംബാംഗമായ മജിസിയക്ക് ചാമ്പ്യന്‍ഷിപ്പിനും പരിശീലനത്തിനുമുള്ള സാമ്പത്തിക പ്രയാസം ചൂണ്ടിക്കാട്ടി കഴിഞ്ഞ ദിവസം ‘ചന്ദ്രിക’ വാര്‍ത്ത നല്‍കിയിരുന്നു. ഇതേതുടര്‍ന്ന് എം.ഇ.എസ് സംസ്ഥാന പ്രസിഡന്റ് ഡോ. ഫസല്‍ ഗഫൂര്‍ താരത്തെ സ്‌പോണ്‍സര്‍ ചെയ്യാന്‍ താല്‍പര്യമെടുക്കുകയായിരുന്നു. തുക ഇവരുടെ ബാങ്ക് അക്കൗണ്ടില്‍ നിക്ഷേപിച്ചതായി എം.ഇ.എസ് അധികൃതര്‍ അറിയിച്ചു.
മാഹി ഡെന്റല്‍ കോളജിലെ അവസാന വര്‍ഷ ബി.ഡി.എസ് വിദ്യാര്‍ത്ഥിയായ മജ്‌സിയ, ഓര്‍ക്കാട്ടേരിയിലെ അബ്ദുല്‍ മജീദിന്റേയും റസിയയുടേയും ഏകമകളാണ്. ചെറുപ്പം മുതലേ പവര്‍ലിഫ്റ്റിംഗില്‍ താല്‍പര്യം പ്രകടിപ്പിച്ച കടത്തനാട്ടുകാരി ദേശീയ അന്തര്‍ദേശീയ മീറ്റുകളില്‍ നിരവധി മെഡലുകള്‍ സ്വന്തമാക്കി.

2016ല്‍ സ്‌ട്രോങ് വുമണ്‍ ഓഫ് കോഴിക്കോടും 2017ല്‍ സ്‌ട്രോങ് വുമണ്‍ ഓഫ് കേരളയുമായിരുന്നു. ഈ വര്‍ഷങ്ങളില്‍ സംസ്ഥാന ജില്ലാ പവര്‍ലിഫ്റ്റിങ് ചാംപ്യന്‍ഷിപ്പുകളില്‍ സ്വര്‍ണമെഡല്‍ നേട്ടവും കൈവരിച്ചു. 2017ല്‍ ആലപ്പുഴയില്‍ നടന്ന ഏഷ്യന്‍ ക്ലാസിക് പവര്‍ലിഫ്റ്റിങ് ചാംപ്യന്‍ഷിപ്പിലെ ഡെഡ് ലിഫ്റ്റില്‍ വെള്ളിമെഡല്‍ നേടിയും ശ്രദ്ധേയയായി. കഴിഞ്ഞ വര്‍ഷം ഇന്തോനേഷ്യയില്‍ നടന്ന ഏഷ്യന്‍ പവര്‍ലിഫ്റ്റിങ് ചാംപ്യന്‍ഷിപ്പില്‍ രണ്ടാംസ്ഥാനം നേടി. ഈ വര്‍ഷം ആലപ്പുഴയില്‍ നടന്ന കേരള സ്‌റ്റേറ്റ് ബെഞ്ച് പ്രസ് ചാംപ്യന്‍ഷിപ്പില്‍ സ്വര്‍ണമെഡലും മജിസിയയെ തേടിയെത്തിയിരുന്നു. കോഴിക്കോട് ജയജിമ്മിലെ ജയദാസനാണു പവര്‍ലിഫ്റ്റിംഗ് പരിശീലകന്‍. ഇ.വി സലീഷിന് കീഴിലാണ് പഞ്ചഗുസ്തി പരിശീലിക്കുന്നത്.

MAJEESIYA – Chandrika Daily

മജീസിയക്ക് തുര്‍ക്കിയിലേക്ക് പറക്കാം; സഹായഹസ്തവുമായി എം.ഇ.എസ്