പേരുകളടക്കം പ്രധാന ഉള്ളടക്കങ്ങൾ സ്വകാര്യതയുടെ കാരണം പറഞ്ഞ് ഒളിപ്പിച്ചുവെച്ച സർക്കാർ കൂടുതല്‍ വിവരങ്ങൾ ഒളിപ്പിച്ചത് ചതിയാണെന്ന് മാലാ പാർവതി റിപ്പോർട്ടറിനോട് പറഞ്ഞു. ഞെട്ടിപ്പിക്കുന്ന വിവരങ്ങളാണ് പുറത്തുവരുന്നത്. ഈ ചതി സർക്കാരിൽ നിന്നും പ്രതീക്ഷിച്ചില്ല. റിപ്പോർട്ട് വന്നാൽ സർക്കാർ നടപടിയെടുക്കുമെന്നാണ് കരുതിയതെന്നും മാല പാർവതി പറഞ്ഞു. നേരത്തെ പുറത്ത് വിടാൻ ഹൈക്കോടതി നിർദേശിച്ച ഭാഗങ്ങളിൽ നിന്ന് കൂടുതല്‍ ഭാഗങ്ങള്‍ പൂഴ്ത്തി വെച്ചത് റിപ്പോർട്ടറാണ് പുറത്തുകൊണ്ടുവന്നത്.