malala yousufsai – Chandrika Daily

ആറ് വര്‍ഷങ്ങള്‍ക്ക് ശേഷം മലാല യൂസഫ് സായ് ജന്‍മനാട്ടില്‍ തിരിച്ചെത്തി

ചന്ദ്രിക വെബ് ഡെസ്‌ക്‌ — Thu, 29 Mar 2018 02:49:56 +0000

ഇസ്ലാമാബാദ്: പെണ്‍കുട്ടികളുടെ വിദ്യാഭ്യാസത്തിന് വേണ്ടി പ്രവര്‍ത്തിച്ചതിന്റെ പേരില്‍ താലിബാന്‍ ആക്രമണത്തിനിരയായ നോബേല്‍ സമ്മാന ജേതാവ് മലാല യൂസഫ് സായി തന്റെ ജന്‍മനാടായ പാക്കിസ്ഥാനില്‍ തിരിച്ചെത്തി. ആറ് വര്‍ഷങ്ങള്‍ക്ക് ശേഷമാണ് മലാല ജന്‍മനാട്ടില്‍ തിരിച്ചെത്തുന്നത്. ഇസ്ലാമാബാദ് എയര്‍പോര്‍ട്ടിലെത്തിയ മലാലയുടെ ദൃശ്യങ്ങള്‍ ജിയോ ടി.വി പുറത്തു വിട്ടു.

പാക്കിസ്ഥാനിലെ സ്വാത് താഴ്‌വരയാണ് മലാലയുടെ ജന്‍മദേശം. 2009ല്‍ ഇവിടത്തെ നിയന്ത്രണമേറ്റെടുത്ത പാക് താലിബാന്‍ സ്ത്രീ വിദ്യാഭ്യാസം നിരോധിക്കുകയായിരുന്നു. ഇതിനെതിരെ പ്രവര്‍ത്തിച്ചതിനാണ് മലാലക്കെതിരെ വധശ്രമമുണ്ടായത്. ചികിത്സക്കായി ലണ്ടനിലേക്ക് പോയ മലാല പിന്നീട് അവിടെ തുടരുകയായിരുന്നു.

2014ല്‍ പതിനേഴാമത്തെ വയസിലാണ് മലാല സമാധാനത്തിനുള്ള നൊബേല്‍ പുരസ്‌കാരത്തിന് അര്‍ഹയായത്. ഏറ്റവും പ്രായം കുറഞ്ഞ നൊബേല്‍ പുരസ്‌കാര ജേതാവാണ് മലാല.

റോഹിംഗ്യന്‍ ജനതയ്ക്കായി നാം ഉണരേണ്ട കാലമെത്തി: മലാല യൂസഫ്

chandrika — Sat, 09 Sep 2017 16:21:01 +0000

വാഷിങ്ടണ്‍: റോഹിംഗ്യന്‍ ജനതയ്ക്കായി ലോക ജനത ഉണരണമെന്നു നൊബേല്‍ പുരസ്‌കാര ജേതാവ് മലാല യൂസഫ് സായി അഭ്യര്‍ഥിച്ചു. ഈ സമയം നിശബ്ദരായി ഇരിക്കാന്‍ കഴിയില്ല. പതിനായിരങ്ങളാണ് വംശഹത്യയുടെ ഇരയായി മാറിയത്. റോഹിംഗ്യന്‍ ജനതയും പൗരന്മാരല്ലെ. എന്തിന് ഇവരെ മാറ്റി നിര്‍ത്തുന്നു. ജീവിക്കാന്‍ പോലും അവകാശമില്ലാെത പാലായനം ചെയ്യുകയാണിവര്‍. ഇതിനു പരിഹാരം കാണണം. മലാല വ്യക്തമാക്കി. ഇതു മനുഷ്യാവകാശ പ്രശ്‌നമാണ്. സര്‍ക്കാര്‍ ഇതിനെതിരെ പ്രതികരിച്ചേ മതിയാകൂ. ജനങ്ങളെ കൊന്നൊടുക്കുന്നു. അക്രമത്തിനു ഇരയാകുകയാണിവര്‍. കുട്ടികള്‍ക്ക് വിദ്യാഭ്യാസം പോലും നിക്ഷേധിക്കുന്നു. മതിയായ അവകാശങ്ങള്‍ പോലും ഇവര്‍ക്ക് ലഭിക്കുന്നില്ല. നാം ഉണരേണ്ട കാലമെത്തി. ഇതിനെതിരെ പ്രതികരിച്ചേ മതിയാകൂ. ഈ വിഷയത്തില്‍ ആങ്‌സാക് സൂകി പ്രതികരിക്കുമെന്നാണ് പ്രതീക്ഷ. മലാല വ്യക്തമാക്കി.
റോഹിംഗ്യന്‍ മുസ്‌ലിങ്ങളുടെ സ്ഥിതി ദുഖകരമാണെന്ന് ടിബറ്റന്‍ ആത്മീയാചാര്യന്‍ ദലൈലാമ പ്രതികരിച്ചു. റോഹിംഗ്യകളെ സഹായിക്കാന്‍ ലോകനേതാക്കള്‍ മുന്നോട്ട് വരണമെന്നും അദ്ദേഹം ആവശ്യപ്പെട്ടു.

ഇതിനിടെ മ്യാന്മറില്‍ റോഹിങ്ക്യന്‍ മുസ്‌ലിങ്ങള്‍ക്കെതിരായെ അതിക്രമങ്ങള്‍ അവസാനിപ്പിക്കണമെന്നാവശ്യപ്പെട്ട് ലോക വ്യാപക പ്രതിഷേധം ഉയര്‍ന്നു. ജപ്പാന്‍, ഇന്ത്യ, ഇന്‍ഡോനേഷ്യ, മലേഷ്യ, ഫിലിപ്പൈന്‍സ് എന്നിവിടങ്ങളിലെല്ലാം പ്രതിഷേധം അരങ്ങേറി. മ്യാന്മറില്‍ റോഹിങ്ക്യന്‍ ജനതയ്ക്കു നേരെ നടക്കുന്ന അത്രിക്രമങ്ങള്‍ അവസാനിപ്പിക്കണമെന്നാവശ്യപ്പെട്ട് നിരവധി പേരാണ് ജപ്പാനിലെ ടോക്കിയോയിലെ മ്യാന്‍മര്‍ എംബസിക്ക് മുന്നില്‍ സംഘടിച്ചത്. വടക്കന്‍ മ്യാന്‍മറില്‍ നടക്കുന്നത് സര്‍ക്കാര്‍ പിന്തുണയോടെയുള്ള വംശഹത്യയാണെന്ന് പ്രതിഷേധക്കാര്‍ ആരോപിച്ചു. ഇന്തോനേഷ്യയിലെ ജക്കാര്‍ത്തയിലും മഗലാങിലും നൂറുകണക്കിന് പേരാണ് മ്യാന്‍മര്‍ ഭരണകൂടത്തിനെതിരെ പ്രതിഷേധിച്ചത്. മലേഷ്യയില്‍ കൊലാലംപൂരിലെ മ്യാന്‍മര്‍ എംബസിക്ക് മുന്നിലും റോഹിങ്ക്യന്‍ അഭയാര്‍ഥികള്‍ക്ക് പിന്തുണ നല്‍കി റാലി നടന്നു. കഴിഞ്ഞ ദിവസം മ്യാന്മറില്‍ ആയിരത്തോളം റോഹിംഗ്യന്‍ ജനങ്ങളെ കൊലപ്പെടുത്തിയതായി യുഎന്‍ ഏജന്‍സി വ്യക്തമാക്കി. ഒട്ടേറെ പേര്‍ ദുരിതകയത്തിലാണ്. മ്യാന്‍മറില്‍ സ്ഥിതി അതീവ ഗുരുതരമാണെന്നും ലോക രാഷ്ട്രങ്ങള്‍ എത്രയും വേഗം നടപടികള്‍ കൈകൊള്ളണമെന്നും ഏജന്‍സി അറിയിച്ചു.

മലാല ട്വിറ്ററില്‍; ആദ്യ ദിവസം തന്നെ ലക്ഷം ഫോളോവേഴ്‌സ്

chandrika — Sat, 08 Jul 2017 07:01:51 +0000

ലണ്ടന്‍: പെണ്‍കുട്ടികളുടെ വിദ്യാഭ്യാസത്തിനും അവകാശ സംരക്ഷണത്തിനും വേണ്ടി പ്രവര്‍ത്തിക്കുന്ന പാകിസ്താന്‍ പെണ്‍കുട്ടി മലാല യൂസുഫ്‌സായി ട്വിറ്ററില്‍. തന്റെ ഹൈസ്‌കൂള്‍ പഠനം അവസാനിച്ച ദിവസമാണ് മലാല ട്വിറ്ററില്‍ അക്കൗണ്ട് തുറന്നത്. ആദ്യ ദിനം തന്നെ ലക്ഷം പേരാണ് മലാലയുടെ ഫോളോവേഴ്‌സായത്. ‘ഇന്ന് എന്റെ സ്‌കൂളിലെ അവസാന ദിനം. ട്വിറ്ററിലെ ആദ്യദിനം’ എന്നതായിരുന്നു മലാലയുടെ ആദ്യ ട്വീറ്റ്. ഇതിന് രണ്ടു കോടിയോളം പേര്‍ ലൈക്ക് ചെയ്തതായാണ് വിവരം. ഒരേ സമയം സന്തോഷവും വേദനയും നിറഞ്ഞതായിരുന്നു തന്റെ ഹൈസ്‌കൂള്‍ ജീവിതം. അത് പൂര്‍ത്തിയായിരിക്കുന്നു. ഉപരിപഠനത്തെക്കുറിച്ച് ആകാംക്ഷയുണ്ടെന്നും മലാല പറഞ്ഞു.

Today is my last day of school and my first day on @Twitter [THREAD]

— Malala (@Malala) July 7, 2017