malayalis – Chandrika Daily https://www.chandrikadaily.com Tue, 09 Jul 2024 10:07:54 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg malayalis – Chandrika Daily https://www.chandrikadaily.com 32 32 കുവൈത്തിൽ വാഹനാപകടം: ആറ് ഇന്ത്യൻ പ്രവാസികൾ മരിച്ചു https://www.chandrikadaily.com/six-indian-expatriates-die-in-car-accident-in-kuwait.html https://www.chandrikadaily.com/six-indian-expatriates-die-in-car-accident-in-kuwait.html#respond Tue, 09 Jul 2024 10:07:54 +0000 https://www.chandrikadaily.com/?p=302195 കുവൈത്ത് സിറ്റി∙ കുവൈത്തിൽ തൊഴിലാളികൾ സഞ്ചരിച്ച വാഹനം അപകടത്തിൽപ്പെട്ട് ഏഴ് ഇന്ത്യക്കാർ മരിച്ചു. രണ്ടു മലയാളികളുൾപ്പെടെ മൂന്നു പേർക്കു ഗുരുതര പരുക്കേറ്റു. ബിനു മനോഹരൻ, സുരേന്ദ്രൻ എന്നീ മലയാളികള്‍ക്കാണു പരുക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു.

അപകടത്തിൽപ്പെട്ടവർ സഞ്ചരിച്ച വാൻ അബ്ദുല്ല അൽ മുബാറക് ഏരിയയ്ക്ക് സമീപം അപകടത്തിൽപെടുകയായിരുന്നു. പ്രാദേശിക കമ്പനിയിലെ ജീവനക്കാരായ ഇവർ ജോലി കഴിഞ്ഞ് തിരിച്ചുവരുന്നതിനിടെ ​ഇന്ന് രാവിലെയാണ് അപകടമുണ്ടായത്. ഇവർ സഞ്ചരിക്കുകയായിരുന്ന വാഹനത്തിന് പുറകിൽ മറ്റൊരു വാഹനം ഇടിച്ച​തിനെ തുടർന്ന് വാനിന് നിയന്ത്രണം നഷ്ടപ്പെട്ട് പാലത്തിൽ ഇടിക്കുകയായിരുന്നു.

10 പേരായിരുന്നു മിനി ബസിലുണ്ടായിരുന്നത്. ആറുപേർ സംഭവസ്ഥലത്തും ഒരാൾ ആശുപത്രിയിലുമാണു മരിച്ചത്. പൂർണമായും തകർന്ന മിനിബസ് പൊളിച്ചാണ് ഉടൻ സ്ഥലത്തെത്തിയ എമർജൻസി റെസ്പോണ്ട് ടീം മരിച്ചവരെയും പരുക്കേറ്റവരെയും പുറത്തെടുത്തത്. ഉത്തരേന്ത്യക്കാരാണു മരിച്ച ഇന്ത്യക്കാരെന്നാണു പ്രാഥമിക നിഗമനം.

]]> https://www.chandrikadaily.com/six-indian-expatriates-die-in-car-accident-in-kuwait.html/feed 0 കുവൈത്ത് തീപിടിത്തത്തില്‍ മരിച്ചവരില്‍ കണ്ണൂര്‍, തിരൂര്‍ സ്വദേശികളും; മരിച്ച മലയാളികളുടെ എണ്ണം 13 കഴിഞ്ഞു https://www.chandrikadaily.com/kannur-and-tirur-natives-among-those-killed-in-kuwait-fire-the-number-of-dead-malayalees-has-reached-12.html https://www.chandrikadaily.com/kannur-and-tirur-natives-among-those-killed-in-kuwait-fire-the-number-of-dead-malayalees-has-reached-12.html#respond Thu, 13 Jun 2024 04:40:54 +0000 https://www.chandrikadaily.com/?p=300034 കുവൈത്ത് തീപിടിത്തത്തില്‍ മരിച്ച മലയാളികളുടെ എണ്ണം 13 ആയി. മലപ്പുറം തിരൂര്‍ സ്വദേശിയും കണ്ണൂര്‍ ധര്‍മടം സ്വദേശിയുമായാണ് മരിച്ചതായി ബന്ധുക്കള്‍ക്ക് വിവരം ലഭിച്ചത്. തിരൂര്‍ കൂട്ടായി കോതപറമ്പ് സ്വദേശി കുപ്പന്റെപുരയ്ക്കല്‍ നൂഹ് (40) ആണ് മരിച്ചത്. രണ്ടുമാസം മുമ്പാണ് നൂഹ് അവധി കഴിഞ്ഞ് കുവൈത്തിലേക്ക് മടങ്ങിയത്.

കണ്ണൂര്‍ ധര്‍മടം സ്വദേശി ബിശ്വാസ് കൃഷ്ണന്‍ (33) ആണ് മരിച്ചത്. ഇന്ന് രാവിലെയാണ് ബിശ്വാസിന്റെ മരണം സ്ഥിരീകരിച്ചത്. ഒരു വര്‍ഷം മുമ്പാണ് ബിശ്വാസ് കുവൈത്തിലെ കമ്പനിയില്‍ ജോലിയില്‍ പ്രവേശിച്ചത്.

പത്തനംതിട്ട ജില്ലക്കാരനായ ഒരാള്‍ കൂടി തീപിടിത്തത്തില്‍ മരിച്ചു. തിരുവല്ല പെരിങ്ങര പഞ്ചായത്ത് മൂന്നാം വാര്‍ഡില്‍ മേപ്രാല്‍ മരോട്ടിമൂട്ടില്‍ ചിറയില്‍ വീട്ടില്‍ തോമസ് സി ഉമ്മന്‍ ആണ് മരിച്ചതായി ഇന്ന് രാവിലെ ബന്ധുക്കള്‍ക്ക് വിവരം ലഭിച്ചത്. 4 വര്‍ഷം മുമ്പാണ് ഇയാള്‍ ജോലിക്കായി കുവൈത്തിലെത്തിയത്. ആകാശ് എസ്. നായര്‍, പി.വി മുരളീധരന്‍ നായര്‍, സജു വര്‍ഗീസ് എന്നീ പത്തനംതിട്ട സ്വദേശികള്‍ മരിച്ചതായി ഇന്നലെ തന്നെ സ്ഥിരീകരിച്ചിരുന്നു.

]]> https://www.chandrikadaily.com/kannur-and-tirur-natives-among-those-killed-in-kuwait-fire-the-number-of-dead-malayalees-has-reached-12.html/feed 0 കുവൈത്ത് തീപിടിത്തത്തില്‍ 49 മരണം; മരണ സംഖ്യ ഉയരാന്‍ സാധ്യത https://www.chandrikadaily.com/149-dead-in-kuwait-fire-the-loss-of-lives-including-malayalis-in-the-disaster-the-death-toll-is-likely-to-rise.html https://www.chandrikadaily.com/149-dead-in-kuwait-fire-the-loss-of-lives-including-malayalis-in-the-disaster-the-death-toll-is-likely-to-rise.html#respond Wed, 12 Jun 2024 09:30:14 +0000 https://www.chandrikadaily.com/?p=300005 കുവൈത്തിലെ മംഗെഫില്‍ കെട്ടിടസമുച്ചയത്തിലുണ്ടായ തീപിടിത്തത്തില്‍ 49 പേര്‍ മരിച്ചെന്ന് റിപ്പോര്‍ട്ട്. 40ല്‍ ഏറെപ്പേര്‍ക്ക് പരുക്കേറ്റു. രാജ്യത്തെ ഔദ്യോഗിക മാധ്യമമാണ് ഇതു സംബന്ധിച്ച വിവരങ്ങള്‍ പുറത്തുവിട്ടത്. മരിച്ചവരില്‍ കൂടുതലും മലയാളികളാണെന്ന് റിപ്പോര്‍ട്ട്. കൂടാതെ ഒരു തമിഴ്നാട് സ്വദേശിയും മരണപ്പെട്ടിട്ടുണ്ടെന്ന് ഇന്‍ഫര്‍മേഷന്‍ മന്ത്രാലയം. മരണസംഖ്യ ഇനിയും കൂടാന്‍ സാധ്യതയുണ്ട്.

പുലര്‍ച്ചെ നാലരയോടെയായിരുന്നു സംഭവം. മംഗെഫ് ബ്ലോക്ക് നാലില്‍ തൊഴിലാളികള്‍ താമസിക്കുന്ന എന്‍ബിടിസി ക്യാംപില്‍ ഇന്ന് പുലര്‍ച്ചെ നാലരയോടെയായിരുന്നു തീപിടിത്തം. മലയാളികള്‍ ഉള്‍പ്പെടെ 195 പേര്‍ ഫ്‌ലാറ്റില്‍ താമസിച്ചിരുന്നു. സഹായവുമായി ആരോഗ്യവകുപ്പു രംഗത്തുണ്ടെന്ന് കുവൈത്ത് ആരോഗ്യമന്ത്രാലയം അറിയിച്ചു. എന്‍ബിടിസി കമ്പനിയിലെ ഇന്ത്യക്കാരും മറ്റു രാജ്യക്കാരുമായ ജീവനക്കാര്‍ താമസിച്ചിരുന്ന ഫ്‌ലാറ്റിലാണ് തീപിടിത്തമുണ്ടായത്.

ഇവിടുത്തെ സുരക്ഷാജീവനക്കാരന്റെ മുറിയില്‍നിന്നാണ് തീ പടര്‍ന്നതെന്നാണു പ്രാഥമിക നിഗമനം. ഫ്‌ലാറ്റുകളില്‍നിന്ന് ചാടി രക്ഷപ്പെടാനുള്ള ശ്രമത്തിനിടയിലും പുക ശ്വസിച്ചുമാണു മിക്കവര്‍ക്കും പരുക്കേറ്റത്. ഇവരെ മുബാറക്, അദാന്‍, ജുബൈര്‍ തുടങ്ങിയ ആശുപത്രികളില്‍ പ്രവേശിപ്പിച്ചു. അഗ്‌നിശമനസേനയും പൊലീസും ചേര്‍ന്ന് പരുക്കേറ്റവരെ ആശുപത്രിയിലേക്ക് എത്തിക്കുകയാണ്.

തീ പടര്‍ന്നതിനെ തുടര്‍ന്ന് കെട്ടിടത്തില്‍നിന്ന് ചാടിയവര്‍ക്കാണ് ഗുരുതര പരുക്കേറ്റത്. തീ നിയന്ത്രണ വിധേയമാക്കി. പരുക്കേറ്റവരെ പുറത്തെടുക്കാനുള്ള ശ്രമം തുടരുന്നു. സംഭവസ്ഥലം പൊലീസിന്റെ സുരക്ഷാ വലയത്തിലാണ്. ഗതാഗതം വഴിതിരിച്ചുവിട്ടിട്ടുണ്ട്. തീ നിയന്ത്രണ വിധേയമാക്കിയതായി അധികൃതര്‍ പറഞ്ഞു. കെട്ടിടത്തിന്റെ ഉടമയെ അറസ്റ്റ് ചെയ്യാന്‍ കുവൈത്ത് ആഭ്യന്തരമന്ത്രി ശൈഷ് ഫഹദ് അല്‍ യൂസഫ് അല്‍ സബ പൊലീസിന് നിര്‍ദേശം നല്‍കിയതായി കുവൈത്തി മാധ്യമങ്ങള്‍ റിപ്പോര്‍ട്ടു ചെയ്തു.

]]> https://www.chandrikadaily.com/149-dead-in-kuwait-fire-the-loss-of-lives-including-malayalis-in-the-disaster-the-death-toll-is-likely-to-rise.html/feed 0 അരുണാചലിൽ മരിച്ച ആര്യയുടെയും ദേവിയുടെയും മൃതദേഹം വീടുകളിലെത്തിച്ചു https://www.chandrikadaily.com/the-bodies-of-arya-and-devi-who-died-in-arunachal-were-brought-home.html https://www.chandrikadaily.com/the-bodies-of-arya-and-devi-who-died-in-arunachal-were-brought-home.html#respond Thu, 04 Apr 2024 10:50:42 +0000 https://www.chandrikadaily.com/?p=294540 അരുണാചൽപ്രദേശിൽ മരിച്ച നിലയിൽ കണ്ടെത്തിയവരുടെ മൃതദേഹം നാട്ടിലെത്തിച്ചു. ദേവിയുടെ മൃതദേഹം തിരുവനന്തപുരം വട്ടിയൂർക്കാവ് മൂന്നാംമൂട്ടിലെ വീട്ടിലും ആര്യയുടെ മൃതദേഹം വട്ടിയൂർക്കാവിലെ വീട്ടിലേക്കും കൊണ്ടുവന്നു. നവീന്റെ മൃതദേഹം കോട്ടയത്തേക്കും കൊണ്ടുപോയി.ദേവിയുടെയും ആര്യയുടെയും സംസ്കാരം ശാന്തി കവാടത്തില്‍ നടക്കും.

അതേസമയം, സംഭവത്തില്‍ ബ്ലാക്ക് മാജിക് കേന്ദ്രങ്ങളുണ്ടോ എന്ന് പരിശോധിക്കാനൊരുങ്ങുകയാണ് പൊലീസ്. ആത്മഹത്യ ചെയ്ത സിറോ എന്ന സ്ഥലത്തിന് സമീപം ബ്ലാക്ക് മാജിക് കൺവെൻഷനുകൾ നടന്നോയെന്നും അന്വേഷിക്കുന്നുണ്ട്. ഇതിനിടെ മരിച്ച മൂന്ന് പേരുടെയും ഇ-മെയിൽ ചാറ്റ് സംബന്ധിച്ച വിവരങ്ങൾ കണ്ടെത്തിയതായി തിരുവനന്തപുരം ഡി.സി.പി നിധിൻ രാജ് വ്യക്തമാക്കി.

അരുണാചൽ പ്രദേശിന്റെ തലസ്ഥാനമായ ഇറ്റാനഗറിൽ നിന്ന് 120 കിലോമീറ്റർ അകലെയാണ് മൃതദേഹം കണ്ടെത്തിയ ഹോട്ടൽ സ്ഥിതി ചെയ്യുന്ന സിറോ താഴ്വര. ആത്മഹത്യ ചെയ്യാൻ എന്തുകൊണ്ട് സിറോ തെരഞ്ഞെടുത്തെന്ന ചോദ്യത്തിനുത്തരമാണ് പൊലീസ് അന്വേഷിക്കുന്നത്. സിറോയ്ക്ക് സമീപം ബ്ലാക്ക് മാജിക്കുമായി ബന്ധപ്പെട്ട ഘടകങ്ങളുണ്ടോ എന്നതാണ് പരിശോധിക്കുന്നത്. ഇതിനായി ലോവർ സുബാൻസിരി എസ്.പി കെനി ബഗ്രയുടെ നേതൃത്വത്തിൽ അഞ്ചംഗ സംഘത്തെ അരുണാചലിൽ രൂപീകരിച്ചിട്ടുണ്ട്.

ഇതിനിടെ നവീൻ, ദേവി, ആര്യ എന്നിവർ മരിച്ചുകിടന്ന മുറിയിൽ നിന്നും പ്ലേറ്റിൽ മുടി കണ്ടെത്തി. ഇതിന് ബ്ലാക്ക് മാജിക്കുമായി എന്തെങ്കിലും ബന്ധമുണ്ടോയെന്നും പൊലീസ് പരിശോധിക്കുന്നുണ്ട്. എന്തെങ്കിലും വിശ്വാസത്തിന്റെയോ മൂവരും വായിച്ച ഏതെങ്കിലും പുസ്തകത്തിന്റെയോ പ്രേരണ മരണത്തിന് പിന്നിൽ ഉണ്ടായേക്കാമെന്ന് തിരുവനന്തപുരം ഡി.സി.പി നിധിൻ രാജ് പറഞ്ഞു.

]]> https://www.chandrikadaily.com/the-bodies-of-arya-and-devi-who-died-in-arunachal-were-brought-home.html/feed 0 ദുബൈയില്‍ മലയാളികള്‍ക്കായി രണ്ട് ഈദ് ഗാഹുകള്‍ https://www.chandrikadaily.com/two-eid-gahs-for-malayalis-in-dubai.html https://www.chandrikadaily.com/two-eid-gahs-for-malayalis-in-dubai.html#respond Thu, 04 Apr 2024 09:53:30 +0000 https://www.chandrikadaily.com/?p=294524 ദുബൈ: തുടര്‍ച്ചയായ രണ്ടാം വര്‍ഷവും യുഎഇ ഇന്ത്യന്‍ ഇസ്‌ലാഹി സെന്ററിനും അല്‍മനാര്‍ ഇസ്‌ലാമിക് സെന്ററിനുമായി മലയാള ഭാഷയില്‍ രണ്ടും; ഉര്‍ദു, ഇംഗ്‌ളീഷ്, തമിഴ് ഭാഷകളിലായി ഓരോന്നും ഉള്‍പ്പെടെ മൊത്തം 5 ഈദ് ഗാഹുകള്‍ നടത്താന്‍ അനുമതി ലഭിച്ചതായി ഇന്ത്യന്‍ ഇസ്‌ലാഹി സെന്റര്‍ ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

അല്‍ഖൂസ് അല്‍മനാര്‍ ഇസ്‌ലാമിക് സെന്ററിലെ ഈദ് ഗാഹിന് മൗലവി അബ്ദുസ്സലാം മോങ്ങവും, ഖിസൈസ് ലുലു ഹൈപര്‍ മാര്‍ക്കറ്റിന്‌സമീപത്തെ ടാര്‍ജറ്റ് ഫുട്‌ബോള്‍ ഗ്രൗണ്ടിലെ ഈദ് ഗാഹിന് മൗലവി ഹുസൈന്‍ കക്കാടും നേതൃത്വം നല്‍കും. പെരുന്നാള്‍ ദിനത്തില്‍ രാവിലെ 6.06ന് ഈദ് നമസ്‌കാരവും തുടര്‍ന്ന് മലയാളത്തില്‍ ഈദ് പ്രഭാഷണവുമുണ്ടാകും.

ഖിസൈസ് സോനാപൂരിലെ ഉര്‍ദു ഈദ് ഗാഹിന് ഹാഫിസ് നഈമുള്ളാഹ് സനാബുലിയും, അല്‍ ബര്‍ഷയിലെ എന്‍ജിഎസ് സ്‌കൂളില്‍ നടക്കുന്ന ഇംഗ്‌ളീഷ് ഭാഷയിലെ ഈദ് ഗാഹിന് അയാസ് ഫൗസിയും, ഖിസൈസ് ക്രെസന്റ് ഇംഗ്‌ളീഷ് സ്‌കൂളിലെ തമിഴ് ഭാഷയിലുള്ള ഈദ് ഗാഹിന് ശൈഖ് മുഫാരിസ് താജുദ്ദീനും നേതൃത്വം നല്‍കും. ഈ 5 ഈദ് ഗാഹുകളിലുമായി മൊത്തം 25,000 പേര്‍ പങ്കെടുക്കുമെന്നാണ് സംഘാടകര്‍ പ്രതീക്ഷിക്കുന്നത്.

നാലു പതിറ്റാണ്ടായി യുഎഇയുടെ പൊതുമണ്ഡലത്തില്‍ നിസ്വാര്‍ത്ഥമായി പ്രവര്‍ത്തിക്കുന്ന യുഎഇ ഇന്ത്യന്‍ ഇസ്‌ലാഹി സെന്ററിന് നല്‍കിയ ഈ അംഗീകാരത്തിന് ദുബൈ ഭരണാധികാരി ശൈഖ് മുഹമ്മദ് ബിന്‍ റാഷിദ് അല്‍മക്തൂമിനും ദുബൈ മതകാര്യ വകുപ്പ് മേധാവി അഹ്മദ് ദര്‍വീഷ് അല്‍ മുഹൈറി, ഡയക്ടര്‍ ഡോ. ഉമര്‍ മുഹമ്മദ് അല്‍ കാത്തിബ് എന്നിവര്‍ക്കും ഹൃദയം നിറഞ്ഞ നന്ദി അറിയിക്കുന്നതായും ഭാരവാഹികള്‍ പറഞ്ഞു.

2010 മുതലാണ് അല്‍മനാര്‍ ഇസ്‌ലാമിക് സെന്ററില്‍ ആദ്യമായി മലയാളത്തില്‍ ഈദ് ഗാഹ് ആരംഭിച്ചത്. ജനബാഹുല്യം നിമിത്തമാണ് പുതിയൊരു ഈദ് ഗാഹിന് പരിശ്രമിച്ചതെന്നും ദേര, ഖിസൈസ്, മുഹയ്‌സ്‌ന, ഷാര്‍ജ ഭാഗങ്ങളിലുള്ളവര്‍ക്ക് ഖിസൈസ് ഈദ് ഗാഹ് വലിയ ഉപകാരമാകുമെന്നും ഭാരവാഹികള്‍ അഭിപ്രായപ്പെട്ടു.

1979ല്‍ ദുബൈ ആസ്ഥാനമായി തുടക്കം കുറിച്ച ഇന്ത്യന്‍ ഇസ്‌ലാഹി സെന്ററിന് മുഴുവന്‍ എമിറേറ്റുകളിലുമായി 10 ശാഖാ കമ്മിറ്റികള്‍ നിലവിലുണ്ട്. മത-സാമൂഹിക-സാംസ്‌കാരിക മേഖലകളില്‍ വൈവിധ്യമാര്‍ന്ന നിരവധി പ്രവര്‍ത്തനങ്ങള്‍ക്ക് നേതൃത്വം നല്‍കുന്ന ഇസ്‌ലാഹി സെന്റര്‍ വിവിധ ജീവകാരുണ്യ പ്രവര്‍ത്തനങ്ങളും ഏറ്റെടുത്ത് നടത്തി വരുന്നു. ദുബൈയിലെ അന്താരാഷ്ട്ര സമാധാന സമ്മേളത്തിന് തുടക്കം കുറിച്ച ഇന്ത്യന്‍ ഇസ്‌ലാഹി സെന്റര്‍, വിശുദ്ധ ഖുര്‍ആനിന്റെ യഥാര്‍ത്ഥ അധ്യാപനങ്ങള്‍ സമൂഹത്തിന് പരിചയപ്പെടുത്താനായി വിവിധ സംരംഭങ്ങള്‍ ആവിഷ്‌കരിച്ചു നടപ്പാക്കി വരുന്നു.

വ്യത്യസ്ത ഇടങ്ങളില്‍ നടക്കുന്ന വിദ്യാഭ്യാസ സംരംഭങ്ങള്‍, വിജ്ഞാന പ്രദമായ പൊതുപ്രഭാഷണങ്ങള്‍, പഠന സെഷനുകള്‍, ഖുര്‍ആന്‍ വിജ്ഞാന പരീക്ഷകള്‍ തുടങ്ങിയവ ആയിരക്കണക്കിന് വിദ്യാര്‍ത്ഥികളും സമൂഹത്തിന്റെ വിവിധ മേഖലകളിലുമുള്ളവരും പ്രയോജനപ്പെടുത്തുന്നു. യുഎഇയിലുടനീളം സജീവമായ വനിതാ വിംഗിന് കീഴിലും പ്രവര്‍ത്തനങ്ങള്‍ നടന്നു വരുന്നു. ദുബൈ ദാര്‍ അല്‍ ബിര്‍റ് സൊസൈറ്റിയുമായി സഹകരിച്ച് 1500ലേറെ പേര്‍ക്ക് ദിനേന ഒരുക്കുന്ന ഇഫ്താര്‍ ഉള്‍പ്പെടെ അനേകം റമദാന്‍ കാല പ്രവര്‍ത്തനങ്ങളും നടന്നു വരുന്നു.

അല്‍ മനാര്‍ സെന്റര്‍ ചെയര്‍മാന്‍ ഷംസുദ്ദീന്‍ മുഹ്‌യുദ്ദീന്‍, ഹാഫിസ് നഈമുള്ളാഹ് സനാബുലി, ഹുസൈന്‍ കക്കാട്, അബ്ദുസ്സലാം മോങ്ങം, ഇന്ത്യന്‍ ഇസ്‌ലാഹി സെന്റര്‍ പ്രസിഡണ്ട് അബ്ദുസ്സമദ് ആനപ്പടിക്കല്‍, റഫീഖ് ഇ.എം, അബ്ദുന്നസീര്‍ പി.എ എന്നിവര്‍ വാര്‍ത്താസമ്മേളനത്തില്‍ സംസാരിച്ചു. ഇന്ത്യന്‍ ഇസ്‌ലാഹി സെന്റര്‍ ഭാരവാഹികളായ അബ്ദുല്‍ വാഹിദ് മയ്യേരി, അബ്ദുല്‍ റഹ്മാന്‍ തെയ്യമ്പാട്ടില്‍, മുഹമ്മദലി പാറക്കടവ്, മുജീബ് വാഴക്കാട് തുടങ്ങിയവരും സന്നിഹിതരായിരുന്നു.

]]> https://www.chandrikadaily.com/two-eid-gahs-for-malayalis-in-dubai.html/feed 0 2024-ലെ സൈനിക പുരസ്കാരങ്ങൾ പ്രഖ്യാപിച്ചു; 4 മലയാളികൾ ഉൾപ്പെടെ 22 സൈനികർക്ക് പരം വിശിഷ്ട സേവാ മെഡല്‍ https://www.chandrikadaily.com/2024-military-awards-announced-param-vishishta-seva-medal-awarded-to-22-soldiers-including-4-malayalis.html https://www.chandrikadaily.com/2024-military-awards-announced-param-vishishta-seva-medal-awarded-to-22-soldiers-including-4-malayalis.html#respond Fri, 26 Jan 2024 06:08:31 +0000 https://www.chandrikadaily.com/?p=288905 2024 ലെ സൈനിക പുരസ്കാരങ്ങൾ പ്രഖ്യാപിച്ചു. നാല് മലയാളികൾ ഉൾപ്പെടെ 22 സൈനികർ പരം വിശിഷ്ട സേവാ മെഡലിന് അർഹരായി. ആറ് സൈനികർക്ക് കീർത്തി ചക്ര. മൂന്ന് പേർക്ക് മരണാനന്തരബഹുമതിയായാണ് കീർത്തി ചക്ര സമ്മാനിക്കുന്നത്. നാല് സൈനികർ ഉത്തം യു​ദ്ധ് സേവാ മെഡൽ അര്‍ഹത നേടി. 8 പേർക്ക് ശൗര്യ ചക്രയും 53 പേർക്ക് സേനാ മെഡലും 80 പേർക്ക് വിശിഷ്ട സേവാ മെഡലും ലഭിച്ചു.

മലയാളികളായ ലെഫ്റ്റനന്റ് ജനറൽമാരായ പി ഗോപാലകൃഷ്ണ മേനോൻ, അജിത് നീലകണ്ഠൻ, മാധവൻ ഉണ്ണികൃഷ്ണൻ നായർ, ജോൺസൻ പി മാത്യു എന്നിവർക്കാണ് പരമ വിശിഷ്ട സേവാ മെഡൽ. ലെഫ്റ്റനന്റ് ജനറൽ എസ് ഹരിമോഹൻ അയ്യർക്ക് അതിവിശിഷ്ട സേവാ മെഡലും മേജർ ജനറൽ വിനോദ് ടോം മാത്യു, എയർ വൈസ് മാർഷൽ ഫിലിപ്പ് തോമസ് എന്നിവർക്കും അതി വിശിഷ്ട സേവാ മെഡലും കേണൽ അരുൺ ടോം സെബാസ്ററ്യനും ജോൺ ഡാനിയേലിനും യുദ്ധ സേവാ മെഡലും ലഭിച്ചു.

]]> https://www.chandrikadaily.com/2024-military-awards-announced-param-vishishta-seva-medal-awarded-to-22-soldiers-including-4-malayalis.html/feed 0 ഓടിക്കൊണ്ടിരിക്കുന്ന കാറിന്റെ ഡോറിലിരുന്നും സണ്‍റൂഫ് തുറന്നും നൃത്തം ചെയ്തു; ബെംഗളൂരുവില്‍ 4 മലയാളികള്‍ പിടിയില്‍ https://www.chandrikadaily.com/danced-in-the-door-of-a-moving-car-with-the-sunroof-open-4-malayalis-arrested-in-bengaluru.html https://www.chandrikadaily.com/danced-in-the-door-of-a-moving-car-with-the-sunroof-open-4-malayalis-arrested-in-bengaluru.html#respond Sun, 17 Dec 2023 10:56:07 +0000 https://www.chandrikadaily.com/?p=285895 ഓടിക്കൊണ്ടിരുന്ന കാറിന്റെ ഡോറിലിരുന്ന് നൃത്തംചെയ്യുകയും അപകടകരമായരീതിയില്‍ വാഹനം ഓടിക്കുകയും ചെയ്ത 4 മലയാളികള്‍ ബെംഗളൂരുവില്‍ പിടിയിലായി.

മലപ്പുറം സ്വദേശികളായ സല്‍മാന്‍ ഫാരിസ്, നസീം അബ്ബാസ് (21) സല്‍മാനുല്‍ ഫാരിസ ്(21) മുഹമ്മദ് നുസൈഫ് (21) എന്നിവരെയാണ് ബെംഗളൂരു പൊലീസ് അറസ്റ്റ് ചെയ്തത്.

ഡിസംബര്‍ 14-ന് അര്‍ധരാത്രി കെംപെഗൗഡ എയര്‍പോര്‍ട്ട് എക്സ്പ്രസ് വേയിലാണ് നാലംഗസംഘം അപകടകരമായരീതിയില്‍ കാറില്‍ സഞ്ചരിച്ചത്. ഇതിന്റെ വീഡിയോ സാമൂഹികമാധ്യമങ്ങളില്‍ വ്യാപകമായി പ്രചരിച്ചതോടെ പൊലീസ് കേസെടുത്ത് പ്രതികളെ പിടികൂടുകയായിരുന്നു.

അറസ്റ്റിലായവരില്‍ സല്‍മാന്‍ ഫാരിസ് ഒഴികെയുള്ളവര്‍ ബെംഗളൂരുവില്‍ ബി.ബി.എ. വിദ്യാര്‍ഥികളാണ്. ദസറഹള്ളിയില്‍ കോളേജിന് സമീപത്തായാണ് മൂവരും താമസിക്കുന്നത്. സംഭവദിവസം സുഹൃത്തുക്കളെ കാണാനായാണ് സല്‍മാന്‍ ഫാരിസ് ബെംഗളൂരുവിലെത്തിയത്.

പിതാവ് ഡല്‍ഹിയില്‍നിന്ന് വാങ്ങിയ യൂസ്ഡ് കാറിലാണ് ഇയാള്‍ ബെംഗളൂരുവില്‍ എത്തിയതെന്നും തുടര്‍ന്ന് ഇവരെയും കൂട്ടി നഗരത്തില്‍ ചുറ്റിക്കറങ്ങുകയായിരുന്നുവെന്നും പോലീസ് പറഞ്ഞു.

നാലുപേരും ആദ്യമായാണ് കെംപെഗൗഡ വിമാനത്താവളത്തില്‍ വരുന്നത്. തുടര്‍ന്ന് കാറില്‍ സഞ്ചരിക്കുന്നതിനിടെ ഇവര്‍ ഡോറിലിരുന്നും സണ്‍റൂഫ് തുറന്നും നൃത്തം ചെയ്യുകയായിരുന്നു.

മറ്റൊരു കാറിലെ ഡാഷ്‌ക്യാമിലാണ് സംഭവത്തിന്റെ ദൃശ്യങ്ങള്‍ പതിഞ്ഞത്. ഈ ദൃശ്യങ്ങള്‍ പിന്നീട് സാമൂഹികമാധ്യമങ്ങളില്‍ പ്രചരിച്ചതോടെ പോലീസ് കേസെടുക്കുകയായിരുന്നു.

 

]]> https://www.chandrikadaily.com/danced-in-the-door-of-a-moving-car-with-the-sunroof-open-4-malayalis-arrested-in-bengaluru.html/feed 0 ബഹ്റൈനില്‍ വാഹനാപകടം: 4 മലയാളികള്‍ ഉള്‍പ്പെടെ അഞ്ചു മരണം https://www.chandrikadaily.com/car-accident-in-bahrain-5-dead-including-4-malayalees.html https://www.chandrikadaily.com/car-accident-in-bahrain-5-dead-including-4-malayalees.html#respond Sat, 02 Sep 2023 05:15:29 +0000 https://www.chandrikadaily.com/?p=272572 ബഹ്‌റൈനിലുണ്ടായ വാഹനാപകടത്തില്‍ നാലു മലയാളികള്‍ ഉള്‍പ്പെടെ 5 മരണം. മുഹറഖിലെ അല്‍ ഹിലാല്‍ മെഡിക്കല്‍ സെന്ററില്‍ ജീവനക്കാരായ അഞ്ചു പേരാണ് മരിച്ചത്. കോഴിക്കോട് സ്വദേശി വി.പി. മഹേഷ്, മലപ്പുറം പെരിന്തല്‍മണ്ണ സ്വദേശി ജഗത് വാസുദേവന്‍, തൃശൂര്‍ ചാലക്കുടി സ്വദേശി ഗൈദര്‍ ജോര്‍ജ്, തലശേരി സ്വദേശി അഖില്‍ രഘു എന്നിവരാണ് മരിച്ച മലയാളികള്‍. തെലങ്കാന സ്വദേശി സുമന്‍ രാജണ്ണയാണ് മരിച്ച അഞ്ചാമന്‍.

ഇവര്‍ സഞ്ചരിച്ച കാര്‍ ട്രക്കുമായി കൂട്ടിയിടിച്ചാണ് അപകടമുണ്ടായതെന്നാണ് വിവരം. ഇന്നലെ രാത്രി 10 മണിയോടെയായിരുന്നു അപകടം.സല്‍മാബാദില്‍ നിന്ന് മുഹറഖിലേക്കു പോകുമ്പോഴാണ് മലയാളികള്‍ ഉള്‍പ്പെട്ട സംഘം അപകടത്തില്‍പ്പെട്ടത്. മെഡിക്കല്‍ സെന്ററിന്റെ ആഭിമുഖ്യത്തില്‍ നടന്ന ഓണാഘോഷ പരിപാടികള്‍ കഴിഞ്ഞ് മടങ്ങുകയായിരുന്നു സംഘമെന്നാണ് വിവരം. ശുചീകരണത്തിന് ഉപയോഗിക്കുന്ന ട്രക്കുമായാണ് കാര്‍ കൂട്ടിയിടിച്ചത്.

 

]]> https://www.chandrikadaily.com/car-accident-in-bahrain-5-dead-including-4-malayalees.html/feed 0 ഭക്ഷണവും കുടിവെള്ളവുമില്ല; മണിപ്പൂരില്‍ മലയാളികള്‍ ദുരിതത്തില്‍ https://www.chandrikadaily.com/no-food-and-no-water-malayalees-are-in-distress-in-manipur.html https://www.chandrikadaily.com/no-food-and-no-water-malayalees-are-in-distress-in-manipur.html#respond Sun, 07 May 2023 06:13:03 +0000 https://www.chandrikadaily.com/?p=252075 കലാപം നടക്കുന്ന മണിപ്പൂരില്‍ മലയാളികള്‍ ദുരിതത്തില്‍. നാട്ടിലേയ്ക്ക് എത്തിക്കുന്നതിനെക്കുറിച്ച് നോര്‍ക്ക ഉറപ്പുനല്‍കുന്നില്ലെന്ന് മലയാളികള്‍. കടകള്‍ തുറക്കാത്തതിനാല്‍ ഭക്ഷണവും ലഭിക്കുന്നില്ല. കുടിവെള്ളം പോലും കിട്ടുന്നില്ലെന്നും പരാതി.

]]> https://www.chandrikadaily.com/no-food-and-no-water-malayalees-are-in-distress-in-manipur.html/feed 0 സുഡാനില്‍ നിന്ന് എത്തിയ മലയാളികള്‍ ബെംഗളൂരു വിമാനത്താവളത്തില്‍ കുടുങ്ങി https://www.chandrikadaily.com/malayalees-who-came-from-sudan-got-stuck-at-bengaluru-airport.html https://www.chandrikadaily.com/malayalees-who-came-from-sudan-got-stuck-at-bengaluru-airport.html#respond Fri, 28 Apr 2023 16:13:43 +0000 https://www.chandrikadaily.com/?p=250537 സുഡാനില്‍ നിന്ന് എത്തിയ മലയാളികള്‍ ബെംഗളൂരു വിമാനത്താവളത്തില്‍ കുടുങ്ങി. സഊദി വഴിയെത്തിയ 25 മലയാളികളാണ് കുടുങ്ങിയത്. യെല്ലോ ഫീവര്‍ പ്രതിരോധ വാക്‌സിന്‍ കാര്‍ഡ് നിര്‍ബന്ധമാണെന്ന് പറഞ്ഞാണ് ഇവരെ തടഞ്ഞുവെച്ചത്.

സര്‍ട്ടിഫിക്കറ്റ് ഇല്ലെങ്കില്‍ 6ദിവസം സ്വന്തം ചെലവില്‍ ക്വാറന്റൈനില്‍ പോകണം. ക്വാറന്റൈന്‍ ചെലവ് വഹിക്കാന്‍ കഴിയുന്ന സാഹചര്യമില്ലെന്ന് യാത്രക്കാര്‍ പറഞ്ഞു. ഇത്തരം ഒരു നിര്‍ദേശവും നോര്‍ക്ക നല്‍കിയിട്ടില്ലെന്നും സംസ്ഥാന സര്‍ക്കാരുമായി ബന്ധപ്പെടാന്‍ കഴിഞ്ഞിട്ടില്ലെന്നും യാത്രക്കാര്‍ പറഞ്ഞു.

]]> https://www.chandrikadaily.com/malayalees-who-came-from-sudan-got-stuck-at-bengaluru-airport.html/feed 0