അക്രമത്തില്‍ മലേഷ്യന്‍ പൗരന്മാര്‍ അടങ്ങുന്ന സുമുദ് ഫ്ലോട്ടില്ല സംഘം തടവിലാക്കപ്പെട്ടതായി അന്‍വര്‍ വ്യക്തമാക്കി. മലേഷ്യക്കാര്‍ക്ക് സുരക്ഷ മുന്‍ഗണനയാണെന്നും അവരുടെ അവകാശങ്ങളും മനുഷ്യാവകാശങ്ങളും ലംഘിക്കപ്പെടുമ്പോള്‍ നിശബ്ദത പാലിക്കില്ലെന്നും അദ്ദേഹം കൂട്ടിച്ചേര്‍ത്തു. ഫലസ്തീന്‍ ജനതയുടെ അവകാശങ്ങളും അഭിലാഷങ്ങളും നിരാകരിക്കപ്പെടുന്നത് തുടരുന്നിടത്തോളം മലേഷ്യ ഉറച്ചുനില്‍ക്കുമെന്നും അദ്ദേഹം പറഞ്ഞു.

മാലിദ്വീപ് പ്രസിഡന്റ് മുഹമ്മദ് മുയിസു നിയമവിരുദ്ധമായി തടവിലാക്കിയ പ്രവര്‍ത്തകരെ ഉടന്‍ മോചിപ്പിക്കണമെന്ന് ആവശ്യപ്പെട്ടു. മനുഷ്യാവകാശങ്ങള്‍, നീതി, സമാധാനം എന്നിവക്കായുള്ള ന്യായമായ പോരാട്ടത്തില്‍ ഫലസ്തീന്‍ ജനതയോടുള്ള ഐക്യദാര്‍ഢ്യം മലിദ്വീപ് പ്രഖ്യാപിക്കുന്നുവെന്നും ഇസ്രാഈലിന്റെ നിയമവിരുദ്ധ നടപടികള്‍ക്ക് അന്താരാഷ്ട്ര സമൂഹം നിര്‍ണായക നടപടി സ്വീകരിക്കണമെന്നും അദ്ദേഹം പറഞ്ഞു.

പാകിസ്താന്‍ പ്രധാനമന്ത്രി ഷെഹ്ബാസ് ഷെരീഫ് ഇസ്രാഈല്‍ സേനയുടെ ആക്രമണത്തെ ശക്തമായി അപലപിച്ച്, തടങ്കലില്‍ വച്ചിരിക്കുന്ന സമാധാന പ്രവര്‍ത്തകരെ ഉടന്‍ മോചിപ്പിക്കണമെന്ന ആവശ്യവും ഉന്നയിച്ചു. 30 ലേറെ രാജ്യങ്ങളില്‍ നിന്നുള്ള 40 ലധികം കപ്പലുകളും 500 ലധികം വളന്റിയര്‍മാരും അടങ്ങിയ ഫ്ലോട്ടില്ലയെ ഗസ്സയില്‍ നിന്ന് 80 നോട്ടിക്കല്‍ മൈല്‍ (148 കിലോമീറ്റര്‍) അകലെ തടഞ്ഞതും, മനുഷ്യാവകാശ പ്രവര്‍ത്തകരെ കസ്റ്റഡിയില്‍ എടുത്തതും അന്താരാഷ്ട്ര നിയമവിരുദ്ധമാണെന്ന് വിവരം പറയുന്നു.

റോഡിനു സമീപം ക്യാമ്പിങ് സൗകര്യമൊരുക്കുന്ന ഫാം ഹൗസ് മണ്ണിടിച്ചിലില്‍ നശിച്ചതായി സംസ്ഥാന ഫയര്‍ ആന്‍ഡ് റെസ്‌ക്യൂ ഡിപ്പാര്‍ട്ട്‌മെന്റിന്റെ പ്രസ്താവനയില്‍ പറയുന്നു. മണ്ണിടിച്ചിലില്‍ 79 പേര്‍ കുടുങ്ങിയതായും ഇതില്‍ 23 പേരെ രക്ഷപെടുത്തിയെന്നും അധികൃതര്‍ അറിയിച്ചു.

ശിഹാബ് തങ്ങളുടെ വിയോഗത്തില്‍ ദുഃഖിതരായ അസംഖ്യ ആളുകളില്‍ അദ്ദേഹവുമുണ്ടായിരുന്നു. അദ്ദേഹം പാണക്കാടെത്തുകയും മരണാനന്തര ചടങ്ങുകളുടെ ഭാഗമാകുകയും ചെയ്തു. സംസ്ഥാനത്ത് മത, രാഷ്ട്രീയ, സാംസ്‌കാരിക സൗഹാര്‍ദ്ദം കാത്തുസൂക്ഷിക്കാന്‍ ശിഹാബ് തങ്ങള്‍ നടത്തിയ പ്രവര്‍ത്തനങ്ങള്‍ തലമുറകള്‍ക്ക് മാതൃകയാണെന്നാണ് അദ്ദേഹം പറഞ്ഞിരുന്നു. അന്ന് മുതല്‍ പാണക്കാട്ടെ കുടുംബാംഗങ്ങളുമായി അദ്ദേഹം സൗഹൃദം കാത്തുസൂക്ഷിക്കുകയാണെന്നും തങ്ങള്‍ ഓര്‍ത്തു.

ഏറെ പരിചിതനായ ഒരാള്‍ അധികാരത്തിലേറിയിരിക്കുന്നു എന്നതിലുമധികം സന്തോഷം നല്‍കുന്നതാണ് അദ്ദേഹത്തിന്റെ മനുഷ്യസ്‌നേഹത്തിലൂന്നിയുള്ള രാഷ്ട്രീയ കാഴ്ചപ്പാടെന്ന് സാദ്ഖലി തങ്ങള്‍ വ്യക്തമാക്കി. തെരഞ്ഞെടുപ്പിന് മുമ്പ് അദ്ദേഹം നല്‍കിയ അഭിമുഖത്തില്‍ പറഞ്ഞിരുന്നത് പോലെ അഴിമതി വിരുദ്ധമായ മികച്ച ഭരണം കാഴ്ചവെക്കാനും രാജ്യത്തെ വംശീയതയും മതാന്ധതയും ഇല്ലാതാക്കാനും കഴിയട്ടെ എന്നും ആശംസിച്ചു.

അദ്ദേഹം(സാക്കിര്‍ നായിക്ക)് ഒരു പ്രശ്‌നവും ഉണ്ടാക്കാത്തിടത്തോളം കാലം അദ്ദേഹത്തെ തിരിച്ചയക്കില്ല, കാരണം അയാള്‍ക്ക് ഞങ്ങള്‍ പൗരത്വം നല്‍കിയിട്ടുണ്ട്’, മലേഷ്യന്‍ പ്രധാനമന്ത്രി ക്വാലാലംപൂരില്‍ നടന്ന വാര്‍ത്താസമ്മേളനത്തില്‍ അറിയിച്ചു. കഴിഞ്ഞ ദിവസങ്ങളില്‍ സാക്കിര്‍ നായിക്കിനെ മലേഷ്യ നാടു കടത്തുമെന്ന വാര്‍ത്തകള്‍ പ്രചരിച്ചിരുന്നു. എന്നാല്‍ മലേഷ്യ വിടേണ്ടി വന്നാല്‍ ഇന്ത്യയിലേക്ക് മടങ്ങുകയില്ലെന്ന് സാക്കിര്‍ നായിക്കും പറഞ്ഞിരുന്നു.

വിദ്വേഷ പ്രസംഗങ്ങളുടെ പേരില്‍ അന്വേഷണം പ്രഖ്യാപിച്ചതിനു പിന്നാലെ 2016ലാണ് സാക്കിര്‍ ഇന്ത്യ വിട്ടത്. മലേഷ്യയിലെത്തിയ സാക്കിറിന് അവിടുത്തെ സര്‍ക്കാര്‍ സ്ഥിരതാമസത്തിനായി പൗരത്വം നല്‍കുകയായിരുന്നു. ഇന്ത്യയില്‍ ദേശീയ തീവ്രവാദ വിരുദ്ധ ഏജന്‍സിയുടെ അന്വേഷണം നേരിടുന്ന സാക്കിറിനെ എത്രയും വേഗം വിട്ടുനല്‍കണമെന്ന് ഇന്ത്യ പലവട്ടം ആവശ്യപ്പെട്ടങ്കിലും മലേഷ്യ ആവശ്യം നിരസിക്കുകയായിരുന്നു.

സാക്കിറിനെതിരേ റെഡ്‌കോര്‍ണര്‍ നോട്ടീസ് ഹാജരാക്കാന്‍ പലവട്ടം ഇന്ത്യയോട് ആവശ്യപ്പെട്ടുവെന്നും അങ്ങനെയെങ്കില്‍ അദ്ദേഹത്തെ അറസ്റ്റ് ചെയ്ത് ഇന്ത്യയിലെത്തിക്കാമെന്നും അറിയിച്ചതാണെന്നും എന്നാല്‍ ഇന്ത്യ ഇക്കാര്യത്തില്‍ പരാജയപ്പെട്ടുവെന്നും മലേഷ്യന്‍ സര്‍ക്കാര്‍ നേരത്തെ വ്യക്തമാക്കിയിരുന്നു. നായിക്കിന്റെ പ്രഭാഷണങ്ങള്‍ ഇന്ത്യയിലെ വിവിധ മതവിഭാഗങ്ങള്‍ക്കിടയില്‍ നിലനില്‍ക്കുന്ന സൗഹാര്‍ദ്ദം തകര്‍ക്കുമെന്നും വിദ്വേഷം വര്‍ധിപ്പിക്കുമെന്നുമായിരുന്നു എന്‍.ഐ.എയുടെ കണ്ടെത്തല്‍. അറസ്റ്റ് ഭയന്ന് 2016ല്‍ പിതാവ് ഡോ. അബ്ദുള്‍ കരീം നായികിന്റെ സംസ്‌കാര ചടങ്ങില്‍ പോലും സാക്കിര്‍ നായിക്ക് പങ്കെടുത്തിരുന്നില്ല.

മലേഷ്യന്‍ സര്‍ക്കാര്‍ സാക്കിര്‍ നായിക്കിനെ നാടുകടത്തുമെന്ന വാര്‍ത്ത പ്രചരിച്ച വേളയില്‍ ഇന്ത്യയിലെ നീതിയുക്തമല്ലാത്ത വിചാരണയില്‍ വിശ്വസിക്കുന്നില്ലെന്നും ഇന്ത്യയിലേക്ക് താന്‍ ഉടന്‍ മടങ്ങുന്നില്ലെന്നുമാണ് സാക്കിര്‍ പ്രതികരിച്ചത്. കേന്ദ്ര സര്‍ക്കാറിന്റെ ഭാഗത്തു നിന്ന് നീതിപൂര്‍വമായ നിലപാട് ഉണ്ടാകുമ്പോഴേ മടക്കമുള്ളൂവെന്നും അദ്ദേഹം വ്യക്തമാക്കിയിരുന്നു.

ധാക്ക സ്‌ഫോടന കേസ് പ്രതികളുടെ മൊഴിയെ തുടര്‍ന്നാണ് നായിക്കിനെതിരെ കേസെടുത്തത്. ഭീകരപ്രവര്‍ത്തനങ്ങള്‍ക്ക് പ്രേരിപ്പിച്ചത് സാകിര്‍ നായികിന്റെ പ്രാഭാഷണങ്ങളാണെന്നായിരുന്നു അവരുടെ മൊഴി. തുടര്‍ന്ന് ഇന്ത്യ വിട്ട നായിക്കിനെതിരെ കള്ളപ്പണ ഇടപാട് ഉള്‍പ്പെടെ ഒട്ടേറെ കേസുകള്‍ റജിസ്റ്റര്‍ ചെയ്തിട്ടുണ്ട്. 2016 ജൂലൈയില്‍ ഇന്ത്യ വിട്ട നായിക് മലേഷ്യയില്‍ അഭയം തേടുകയായിരുന്നു.

ക്വാലാലംപൂര്‍: മലേഷ്യന്‍ രാഷ്ട്രീയ പ്രമുഖന്‍ അന്‍വര്‍ ഇബ്രാഹിം ജയില്‍ മോചിതനായി. പുതിയ പ്രധാധനമന്ത്രി മഹാതീര്‍ മുഹമ്മദിന്റെ ആവശ്യപ്രകാരം മലേഷ്യന്‍ രാജാവ് പൊതുമാപ്പ് നല്‍കിയതോടെയാണ് മോചനത്തിന് വഴിതുറന്നത്. മോചിതനായ ശേഷം അന്‍വര്‍ ഇബ്രാമീമിന് പ്രധാനമന്ത്രി പദം കൈമാറുമെന്ന് മഹാതീര്‍ പ്രഖ്യാപിച്ചിട്ടുണ്ട്.
അല്ലെങ്കില്‍ അഞ്ച് വര്‍ഷത്തേക്ക് രാഷ്ട്രീയവിലക്ക് നേരിടേണ്ടിവരുമായിരുന്നു. മലേഷ്യയുടെ പുതിയ പ്രഭാതമാണ് മഹാതീറിന്റെ നേതൃത്വത്തിലുള്ള പ്രതിപക്ഷ സഖ്യത്തിന്റെ വിജയമെന്ന് ജയിലില്‍നിന്ന് പുറത്തുവന്ന ശേഷം നടത്തിയ ആദ്യ പ്രസ്താവനയില്‍ അന്‍വര്‍ പറഞ്ഞു. ജനാധിപത്യത്തിന്റെയും സ്വാതന്ത്ര്യത്തിന്റെയും തത്വങ്ങള്‍ മുറുകെ പിടിച്ചതിന് അദ്ദേഹം മലേഷ്യന്‍ ജനതയോട് നന്ദി പറഞ്ഞു. മലേഷ്യയില്‍ ഏറ്റവും കൂടുതല്‍ ജനപ്രീതിയുള്ള നേതാക്കളില്‍ ഒരാളാണ് അന്‍വര്‍ ഇബ്രാഹിം. ഒരുകാലത്ത് മഹാതീര്‍ മുഹമ്മദിന്റെ പിന്‍ഗാമിയായാണ് അറിയപ്പെട്ടിരുന്നത്്. 1998ല്‍ മഹാതീറുമായി തെറ്റിപ്പിരിയുകയും താമസിയാതെ അഴിമതിക്കേസില്‍ ജയിലിലുമായി.

യൂറോപ്യന്‍മാരോ പശ്ചിമേഷ്യയില്‍നിന്നുള്ളവരോ ആകാം ഇവരെന്ന് അന്വേഷണ സംഘം അഭിപ്രായപ്പെട്ടു. അല്‍ ബത്ഷിനെ കൊലപ്പെടുത്തിയ സ്ഥലത്തുനിന്ന് അല്‍പം അകലെ ഒരു തടാകത്തിന് സമീപം കൊലയാളികള്‍ എത്തിയ ബൈക്ക് കണ്ടെത്തിയിരുന്നു. ഇതുപയോഗിച്ചാണ് ഒരാളുടെ ഫോട്ടോ കണ്ടെത്തിയതെന്ന് പൊലീസ് ഇന്‍സ്‌പെക്ടര്‍ ജനറല്‍ മുഹമ്മദ് ഫുസി ഹാറൂണ്‍ മാധ്യമങ്ങളോട് പറഞ്ഞു.

ജനുവരി അവസാനമാണ് കൊലയാളികള്‍ മലേഷ്യയില്‍ എത്തിയതെന്ന് സംശയിക്കുന്നു. അവര്‍ രാജ്യത്തിന് പുറത്തുപോയിട്ടില്ലെന്നാണ് പൊലീസിന്റെ നിഗമനം. ഇസ്രാഈല്‍ ചാരസംഘടനയായ മൊസാദാണ് കൊലപാതകത്തിന് പിന്നിലെന്ന് അല്‍ ബത്ഷിന്റെ കുടുംബവും ഹമാസും പറയുന്നു. ഒരു വിദേശ ചാരസംഘടനക്ക് സംഭവത്തില്‍ പങ്കുണ്ടെന്ന് മലേഷ്യന്‍ അധികാരികളും വ്യക്തമാക്കിയിട്ടുണ്ട്. എന്നാല്‍ ആരോപണം നിഷേധിക്കാനോ സ്ഥിരീകരിക്കാനോ ഇസ്രാഈല്‍ ഇതുവരെ തയാറായിട്ടില്ല. അല്‍ ബത്ഷിന്റെ മൃതദേഹം ഇന്നലെ ക്വാലാലംപൂരിലെ പള്ളിയില്‍ മയ്യിത്ത് നിസ്‌കാരത്തിന് ശേഷം ഗസ്സയിലേക്ക് കൊണ്ടുപോയി.

ക്വാലാലംപൂര്‍ സര്‍വകലാശാലയില്‍ പവര്‍ എഞ്ചിനിയീറിങ് ലക്ചററായിരുന്ന അദ്ദേഹം തൊട്ടടുത്തുള്ള പള്ളിയില്‍ അസിസ്റ്റന്റ് ഇമാമായും സേവനമനുഷ്ഠിച്ചിരുന്നു. പ്രധാന ഇമാം തുര്‍ക്കിയിലെ സമ്മേളനത്തില്‍ പങ്കെടുക്കാന്‍ പോയതുകൊണ്ട് ബത്ഷാണ് നമസ്‌കാരത്തിന് നേതൃത്വം നല്‍കിയിരുന്നത്. അക്രമികള്‍ ആരാണെന്ന് തിരിച്ചറിഞ്ഞിട്ടില്ല. ഇസ്രാഈല്‍ ചാരസംഘടനയായ മൊസാദാണ് കൊലപാതകത്തിനു പിന്നിലെന്ന് ബത്ഷിന്റെ പിതാവ് ആരോപിച്ചു. സംഭവത്തെക്കുറിച്ച് അന്വേഷണം നടത്തി എത്രയും പെട്ടെന്ന് പ്രതികളെ പിടികൂടണമെന്ന് അദ്ദേഹം മലേഷ്യന്‍ ഭരണകൂടത്തോട് ആവശ്യപ്പെട്ടു.

Palestinian lecturer and Hamas member killed in Malaysia https://t.co/4VDZyZL8iW

— BBC News (UK) (@BBCNews) April 21, 2018

ഗസ്സയിലെ ജബാലിയയില്‍നിന്നുള്ള യുവ ഫലസ്തീന്‍ പണ്ഡിതനായിരുന്നു ബത്‌ഷെന്ന് ഹമാസ് അറിയിച്ചു. ഫലസ്തീന്റെ ഊര്‍ജ മേഖലയില്‍ സ്തുത്യര്‍ഹമായ സംഭാവനകള്‍ നല്‍കിയിരുന്ന പ്രഗത്ഭനായ ശാസ്ത്രജ്ഞനായിരുന്നു അദ്ദേഹമെന്ന് ഹമാസ് ട്വിറ്റര്‍ വഴി പുറത്തുവിട്ട പ്രസ്താവനയില്‍ പറയുന്നു. ഗസ്സയിലെ ഇസ്്‌ലാമിക് ജിഹാദ് പ്രസ്ഥാനത്തിന്റെ ഉന്നതനായ ഒരു നേതാവിന്റെ ബന്ധു കൂടിയാണ് അല്‍ ബത്ഷ്. ഫലസ്തീനില്‍നിന്നുള്ള വിദ്യാ സമ്പന്നരായ യുവാക്കളെയും ബുദ്ധിജീവികളെയും കൊലപ്പെടുത്തിയ നിരവധി സംഭവങ്ങളില്‍ മൊസാദിന് പങ്കുണ്ട്. ആഴ്ചകളായി ഗസ്സയുടെ അതിര്‍ത്തിയില്‍ ഫലസ്തീനികള്‍ പ്രക്ഷോഭം തുടരുകയാണ്. ഇസ്രാഈല്‍ വെടിവെപ്പില്‍ നിരവധി ഫലസ്തീനികള്‍ കൊല്ലപ്പെട്ടിട്ടുണ്ട്.

‘ഡീമോണിറ്റൈസേഷന്‍ (നോട്ട് നിരോധനം) എങ്ങനെയാവും ഞാന്‍ വ്യത്യസ്തമായി കൈകാര്യം ചെയ്യുക എന്നല്ലേ ചോദ്യം? ഞാനാണ് പ്രധാനമന്ത്രി എന്നു സങ്കല്‍പിക്കുക. അപ്പോള്‍ ഒരാള്‍ ഡീമോണിറ്റൈസേഷന്‍ എന്നെഴുതിയ ഫയല്‍ എനിക്കു നല്‍കുന്നു. ഞാനപ്പോള്‍ തന്നെ അത് ചവറ്റു കുട്ടയിലെറിയും. ചവറ്റു കുട്ടയിലും പിന്നെ മാലിന്യക്കൂനയിലുമായിരിക്കും അതിന്റെ സ്ഥാനം. അങ്ങനെയാവും ഞാന്‍ നോട്ട് നിരോധനം കൈകാര്യം ചെയ്യുക…’

നിറഞ്ഞ കൈയടിയോടെയാണ് ഈ മറുപടിയെ സദസ്സ് സ്വീകരിച്ചത്.

Congress President Rahul Gandhi tells us how he would have rolled out #Demonetisation better. #RGinMalaysia pic.twitter.com/2Tm82a8fjU

— Congress (@INCIndia) March 10, 2018

2016 നവംബര്‍ എട്ടിന് രാത്രി പ്രധാനമന്ത്രി നരേന്ദ്ര മോദി ആയിരത്തിന്റെയും അഞ്ഞൂറിന്റെയും നോട്ടുകള്‍ നിരോധിച്ചത് രാജ്യത്ത് വന്‍ പ്രതിസന്ധിയാണുണ്ടാക്കിയത്. കള്ളപ്പണം തടയാനെന്ന പേരില്‍ നടത്തിയ ഈ നീക്കം വന്‍ പരാജയമായി കലാശിക്കുകയാണുണ്ടായി. നിരോധിച്ച നോട്ടുകള്‍ 99 ശതമാനവും ബാങ്കുകള്‍ വഴി തിരിച്ചെത്തി എന്ന് കേന്ദ്ര സര്‍ക്കാര്‍ സമ്മതിച്ചിരുന്നു. തിരിച്ചെത്തിയ നോട്ടുകള്‍ ഇപ്പോഴും എണ്ണിക്കൊണ്ടിരിക്കുകയാണ് എന്നാണ് റിസര്‍വ് ബാങ്ക് ഓഫ് ഇന്ത്യ പറയുന്നത്.

കോടിക്കണക്കിനാളുകള്‍ക്ക് തൊഴിലും നൂറിലേറെ പേര്‍ക്ക് ജീവനും നഷ്ടപ്പെടുത്തിയ നോട്ട് നിരോധനം, രാജ്യത്തിന്റെ സാമ്പത്തിക വളര്‍ച്ചയെയും സാരമായി ബാധിച്ചു.

മൂന്ന് ദിവസത്തെ ദ്വിരാഷ്ട്ര സന്ദര്‍ശനത്തിനായി സിംഗപ്പൂരിലെത്തിയ രാഹുല്‍ ഗാന്ധി. ഇന്ത്യന്‍ വംശജരായ കമ്പനി സി.ഇ.ഒമാരുമായി ജോലി, നിക്ഷേപം, ഇന്ത്യന്‍ സാമ്പത്തിക രംഗം എന്നിവയെ കുറിച്ച് അദ്ദേഹം ചര്‍ച്ച ചെയ്തു.

With political discourse hitting new lows everyday, Congress President Rahul Gandhi shows how to gracefully handle detractors and call their bluff. #RGinSingapore #IndiaAt70 pic.twitter.com/OnTJz0kzUx

— Congress (@INCIndia) March 8, 2018

കോണ്‍ഗ്രസ് സമൂഹത്തിനെ തുല്യതയുള്ള ഒരു സംവിധാനമായാണ് കണ്ടത്, അതേ സമയം ബി.ജെ.പി ശാന്തിക്കും സമാധാനത്തിനും വലിയ പ്രാധാന്യം കല്‍പിക്കുന്നില്ല. സമൂഹത്തെ ഭിന്നിപ്പിക്കുന്നതിന്റെ ഗുരുതരമായ ഭീഷണി നമ്മള്‍ കാണുന്നുണ്ട്. ഇതു മൂലമുണ്ടാകുന്ന പ്രശ്‌നങ്ങള്‍ ഉയര്‍ന്നുവരികയാണെന്നും അദ്ദേഹം കൂട്ടിച്ചേര്‍ത്തു.
ജമ്മു കാശ്മീര്‍ വിഷയത്തില്‍ മോദി സര്‍ക്കാറിനെതിരെ ആഞ്ഞടിച്ച രാഹുല്‍ ഗാന്ധി യു.പി.എ സര്‍ക്കാര്‍ നയത്തെ പ്രശംസിക്കുകയുമുണ്ടായി.

Our Kashmir policy under Dr. Manmohan Singh was about building bridges with people. When UPA came to power in 2004, we were handed a J&K that was burning. We made a plan and worked on it for 9 years: Congress President Rahul Gandhi in Singapore.

— ANI (@ANI) March 8, 2018

ഡോ.മന്‍മോഹന്‍ സിങിന്റെ കീഴില്‍ ഞങ്ങളുടെ കശ്മീര്‍ നയം ജനങ്ങളള്‍ക്കിടയില്‍ പാലങ്ങള്‍ പണിയുന്നതായിരുന്നു. 2004ല്‍ അധികാരത്തില്‍ വന്ന യു.പി.എ കൈകാര്യം ചെയ്തത് കത്തിച്ചുകൊണ്ടിരുന്ന ഒരു ജമ്മു-കശ്മീര്‍ ആയിരുന്നു. തുടര്‍ന്ന് കാശ്മീരിനായി 9 വര്‍ഷത്തേക്കുള്ള ഒരു പദ്ധതി ആസൂത്രണം ചെയ്ത് പ്രവര്‍ത്തിക്കുകയാണ് ഞങ്ങള്‍ ചെയ്തതെന്നും കോണ്‍ഗ്രസ് പ്രസിഡന്റ് രാഹുല്‍ ഗാന്ധി പറഞ്ഞു.

Earlier today, I paid tribute to Netaji Subhash Chandra Bose at the INA memorial in Singapore.

On International #WomensDay we remember the INA’s Rani of Jhansi regiment, a symbol of strength and liberation for all women. pic.twitter.com/v3V5ot8Uf1

— Office of RG (@OfficeOfRG) March 8, 2018

ആളുകളുമായി നിങ്ങള്‍ ഇടപഴകുമ്പോള്‍, നിങ്ങള്‍ക്ക് ആളുകളെ കൊണ്ട് വരാം, നിങ്ങള്‍ അവര്‍ക്കൊപ്പം പ്രവര്‍ത്തിക്കുക, നിങ്ങള്‍ക്ക് അവരില്‍ വിശ്വാസത്തിലെത്താം. ഇങ്ങനെയാണ് പ്രവര്‍ത്തനം നടക്കുന്നത്. ഞാന്‍ അതു അനുഭവിച്ചിട്ടുണ്ട്, രാഹുല്‍ വിദ്യാര്‍ഥികളോടായി പറഞ്ഞു.

“ഞാന്‍ എന്റെ രാജ്യത്തെക്കുറിച്ച് അഭിമാനിക്കുന്നത് എന്തിനെന്ന് നിങ്ങള്‍ ചോദിക്കുകയാണെങ്കില്‍… അത് ബഹുസ്വരതയുടെ ആശയം എന്നുള്ളതാണ്. ഇന്ത്യയിലെ ജനങ്ങള്‍ക്ക് അവര്‍ ആഗ്രഹിക്കുന്ന എന്തും പറയാം, അവര്‍ക്കാവശ്യമുള്ളതെന്തും ചെയ്യാം, അതില്‍ അവര്‍ക്ക് ഒരു പ്രശ്‌നവും നേരിടേണ്ടിവരില്ല. എന്നാല്‍ ഈ ആശയത്തിനാണ് വെല്ലുവിളി ഉയരുന്നത്”, രാഹുല്‍ പറഞ്ഞു. ബി.ജെ.പി നേതൃത്വം നല്‍കുന്ന സര്‍ക്കാര്‍ രാജ്യത്ത് ഭീഷണിയുടം അന്തരീക്ഷത്തെയാണ് പ്രോത്സാഹിപ്പിക്കുന്നത് രാഹുല്‍ വ്യക്തമാക്കി.

തന്റെ കീഴില്‍ കെട്ടിപ്പെടുക്കുന്നത് ഒരു പുതിയ കോണ്‍ഗ്രസാണ്. കോണ്‍ഗ്രസിന്റെ മുന്നില്‍ ഇപ്പോഴുള്ളത് പുതിയ അവസരമാണ്. എല്ലാവരുടേയും മൂല്യങ്ങളും ആശയും ഉള്‍ക്കൊള്ളുന്ന ഒരു കോണ്‍ഗ്രസിനെ അവതരിപ്പിക്കുമെന്നും രാഹുല്‍ സിംഗപ്പൂരിലെ ഇന്ത്യന്‍ സമൂഹത്തെ അഭിസംബോധന ചെയ്യവെ പറഞ്ഞു. എല്ലാവരേയും ഉള്‍ക്കൊള്ളുന്ന ഒരു മാറ്റമാണ് രാജ്യത്തിന് ആവശ്യമെന്നും രാഹുല്‍ കൂട്ടിച്ചേര്‍ത്തു.
സിംഗപ്പൂരിന് പുറമെ മലേഷ്യയിലും രാഹുല്‍ സന്ദര്‍ശനം നടത്തുന്നുണ്ട്. സിംഗപ്പൂര്‍ പ്രധാനമന്ത്രി ലീ സീന്‍ ലൂങ്, മലേഷ്യന്‍ പ്രധാനമന്ത്രി നജീബ് റസാഖ് എന്നിവരുമായും രാഹുല്‍ കൂടിക്കാഴ്ച നടത്തും.