ഇസ്രാഈല്‍ ഫലസ്തീനില്‍ നടത്തുന്ന വംശഹത്യക്കെതിരെയുള്ള രാജ്യത്തിന്റെ ശക്തമായ നിലപാടാണിതെന്ന് സര്‍ക്കാര്‍ വ്യക്തമാക്കി. ‘ഇസ്രാഈല്‍ തുടരുന്ന വംശഹത്യയോടുള്ള പ്രതിഷേധവും മറുപടിയുമാണിത്. ഫലസ്തീനെതിരായ തുടരുന്ന ഇസ്രാഈലിന്റെ നടപടികളെ അപലപിക്കുന്നതിലും മാലദ്വീപ് ഉറച്ചുനില്‍ക്കുന്നു.’ സര്‍ക്കാരിനെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു.

ഇസ്രാഈലികള്‍ക്ക് പ്രവേശനവിലക്ക് ഏര്‍പ്പെടുത്തുന്നതിനുള്ള നടപടികള്‍ ആരംഭിച്ചത് 2024 ല്‍ മന്ത്രിസഭയുടെ ശിപാര്‍ശപ്രകാരമാണ്. ഇസ്രാഈലി പാസ്‌പോര്‍ട്ട് ഉടമകള്‍ മാലദ്വീപില്‍ പ്രവേശിക്കുന്നത് തടയാന്‍ ആവശ്യമായ നിയമ ഭേദഗതികളും ഈ ശ്രമങ്ങള്‍ക്ക് മേല്‍നോട്ടം വഹിക്കാന്‍ കാബിനറ്റ് സബ് കമ്മിറ്റി രൂപീകരിച്ചിരുന്നു. തുടര്‍ന്നാണ് പാര്‍ലമെന്റില്‍ ബില്ല് അവതരിപ്പിച്ചതും പാസായതും.

‘ദ്വീപില്‍ തുടരുന്ന ഇസ്രാഈല്‍ പൗരന്മാര്‍ രാജ്യം വിടണം. ഏതെങ്കിലും തരത്തില്‍ പ്രശ്നങ്ങള്‍ ഉണ്ടായാല്‍ സഹായിക്കാന്‍ ബുദ്ധിമുട്ടാകും,’ എന്നാണ് ഇസ്രഈല്‍ അറിയിച്ചത്. ശുപാര്‍ശയില്‍ ഇരട്ട പൗരത്വമുള്ള ഇസ്രാഈലികളും ഉള്‍പ്പെടുന്നുവെന്ന് മന്ത്രാലയത്തിന്റെ അറിയിപ്പുണ്ട്.

ഗസയില്‍ ഇസ്രാഈല്‍ നടത്തുന്ന അതിക്രമങ്ങളില്‍ പ്രതിഷേധിച്ചാണ് മാലിദ്വീപിന്റെ നീക്കം. ഇസ്രഈലികള്‍ മാലിദ്വീപില്‍ പ്രവേശിക്കുന്നത് തടയാന്‍ ആവശ്യമായ നിയമ ഭേദഗതിക്ക് മേല്‍നോട്ടം വഹിക്കാന്‍ ഒരു കാബിനറ്റ് ഉപസമിതി രൂപീകരിക്കാനും ഭരണകൂടം തീരുമാനിച്ചിട്ടുണ്ട്.

ഇതിന് പുറമേ ഫലസ്തീന്റെ ആവശ്യങ്ങള്‍ വിലയിരുത്താന്‍ രാജ്യത്ത് നിന്ന് പ്രതിനിധിയെ അയക്കുമെന്നും മാലിദ്വീപ് അറിയിച്ചിരുന്നു. ഫലസ്തീനികള്‍ക്ക് വേണ്ടി ധനസമാഹരണ ക്യാമ്പയിനും രാജ്യവ്യാപകമായി റാലിയും നടത്താന്‍ മാലിദ്വീപ് സര്‍ക്കാര്‍ ആഹ്വാനം ചെയ്യുകയുമുണ്ടായി. ഇസ്രാഈലിനെതിരെ ജനരോക്ഷം വര്‍ധിച്ച സാഹചര്യത്തില്‍ കൂടിയാണ് സര്‍ക്കാരിന്റെ നീക്കം. ഓരോ വര്‍ഷവും ഏകദേശം 11,000 ഇസ്രഈലികള്‍ മാലിദ്വീപ് സന്ദര്‍ശിക്കുന്നുണ്ട്. അതായത് മൊത്തം വിനോദസഞ്ചാരികളുടെ 0.6 ശതമാനം.

മാലദ്വീപിലെ ഏതെങ്കിലും വ്യക്തികളോ സംഘടനകളോ ആവശ്യപ്പെടാതെ എത്തിയ വസ്തുതാന്വേഷണ സംഘത്തിന്റെ സ്വതന്ത്രവും നിഷ്പക്ഷവുമായ വിലയിരുത്തലിന്റെ ഗുണം ഭരണകൂടത്തിന് നഷ്ടപ്പെട്ടതായി ലോ ഏഷ്യ പ്രസ്താവനയില്‍ വ്യക്തമാക്കി. അടിയന്തരാവസ്ഥക്കു ശേഷമുള്ള സുരക്ഷാ സ്ഥിതിഗതികള്‍ വിലയിരുത്തുന്നതിന് പ്രതിനിധികളെ അയക്കാന്‍ മാലദ്വീപ് ഭരണകൂടം അന്താരാഷ്ട്ര സംഘടനകളോട് ആവശ്യപ്പെട്ടിരുന്നു. ഇതുപ്രകാരമാണ് ലോ ഏഷ്യയുടെ സംഘം മാലെയില്‍ എത്തിയത്.

രാഷ്ട്രീയത്തടവുകാരെ വിട്ടയക്കാനും പുറത്താക്കപ്പെട്ട പാര്‍ലമെന്റ് അംഗങ്ങളെ തിരിച്ചെടുക്കാനും സുപ്രീംകോടതി ഉത്തരവിട്ടതിനെ തുടര്‍ന്നാണ് പ്രസിഡന്റ് യാമീന്‍ രാജ്യത്ത് അടിയന്തരാവസ്ഥ പ്രഖ്യാപിച്ചത്. മുന്‍ പ്രസിഡന്റ് മുഹമ്മദ് നഷീദിനെതിരെയുള്ള ഭീകരവാദ കേസ് കോടതി റദ്ദാക്കുകയും ചെയ്തിരുന്നു. എന്നാല്‍ കോടതി വിധി കാറ്റില്‍ പറത്തി ചീഫ് ജസ്റ്റിസിനെയും മറ്റൊരു മുതിര്‍ന്ന ജഡ്ജിയേയും പുറത്താക്കി പ്രസിഡന്റ് യാമിന്‍ അടിയന്തരാവസ്ഥ പ്രഖ്യാപിക്കുകയാണുണ്ടായത്. പ്രതിപക്ഷ എം.പിമാരെ തിരിച്ചെടുക്കുന്നതിലൂടെ പാര്‍ലമെന്റില്‍ തനിക്കുള്ള ഭൂരിപക്ഷം നഷ്ടപ്പെടാതിരിക്കാനാണ് അദ്ദേഹം ഇത്തരമൊരു നീക്കം നടത്തിയത്. അതേസമയം മുന്‍ പ്രസിഡന്റ് മഅ്മൂന്‍ അബ്ദുല്‍ ഖയ്യൂമിന്റെ മകളും ആരോഗ്യമന്ത്രിയുമായ ദുനിയ മഅ്മൂന്‍ രാജിവെച്ചു. പിതാവിനെ അറസ്റ്റ് ചെയ്യാന്‍ യാമീന്‍ ഉത്തരവിട്ടതിനെ തുടര്‍ന്ന് അവര്‍ക്കുമേല്‍ രാജിക്ക് സമ്മര്‍ദ്ദമുണ്ടായിരുന്നു. ഭരണകൂടത്തെ അട്ടിമറിക്കാന്‍ ശ്രമിച്ചുവെന്ന് ആരോപിച്ചാണ് അബ്ദുല്‍ ഖയ്യൂമിനെ അറസ്റ്റ് ചെയ്തത്.

രാഷ്ട്രീയ പ്രതിസന്ധി നിലനില്‍ക്കുന്ന മാലിദ്വീപില്‍ രണ്ട് ഇന്ത്യന്‍ മാധ്യമ പ്രവര്‍ത്തകര്‍ അറസ്റ്റിലായതായി റിപ്പോര്‍ട്ട്. സര്‍ക്കാരിനെതിരെ വാര്‍ത്ത നല്‍കിയ കുറ്റം ചുമത്തിയാണ് ഇന്ത്യക്കാരായ രണ്ടു മാധ്യമ പ്രവര്‍ത്തകരെ അറസ്റ്റ് ചെയ്തിരിക്കുന്നത്.

ഫ്രഞ്ച് വാര്‍ത്താ ഏജന്‍സി എഎഫ്പിയുടെ ലേഖകരായ മണി ശര്‍മയെയും അതീഷ് രാജ് വി പട്ടേലിനെയുമാണ് അറസ്റ്റ് ചെയ്തത്. ദേശീയ സുരക്ഷാ നിയമപ്രകാരമാണ് ഇവരെ തടവിലാക്കിയത്. മണി ശര്‍മ അമൃത്‌സറില്‍ നിന്നാണ്, അതീഷ് ലണ്ടനിലാണു താമസം.

അതേസമയം മാലിദ്വീപില്‍ നിലനില്‍ക്കുന്ന രാഷ്ട്രീയ പ്രതിസന്ധി പരിഹരിക്കുന്നതു സംബന്ധിച്ച് യുഎസും ചൈനയും ഇന്ത്യയുമായി ബന്ധപ്പെട്ടു. യുഎസ് പ്രസിഡന്റ് ഡൊണാള്‍ഡ് ട്രംപ് പ്രധാനമന്ത്രി നരേന്ദ്ര മോദിയുമായി ഫോണില്‍ ബന്ധപ്പെടുകയായിരുന്നു. ഇന്ത്യയുമായി ഇക്കാര്യം ചര്‍ച്ചചെയ്യുകയാണെന്ന് ചൈനയുടെ വിദേശകാര്യ വക്താവ് ജെന്‍ ഷുവാങ് തന്നെയാണു വെളിപ്പെടുത്തിയത്.

ന്യൂഡല്‍ഹി: രാഷ്ട്രീയ അനിശ്ചിതത്വം നിലനില്‍ക്കുന്ന മാലദ്വീപിലെ അബ്ദുല്ല യമീന്‍ സര്‍ക്കാറും ഇന്ത്യയും തമ്മിലുള്ള അഭിപ്രായ ഭിന്നത കൂടുതല്‍ രൂക്ഷമാകുന്നു. അയല്‍ രാഷ്ട്രമായ ഇന്ത്യയെ തഴഞ്ഞ് ചൈനയിലേക്കും പാകിസ്താനിലേക്കും സഊദി അറേബ്യയിലേക്കും പ്രത്യേക പ്രതിനിധികളെ അയച്ച യമീന്‍ ഭരണകൂടത്തിന്റെ നടപടിയാണ് ഇന്ത്യയെ ചൊടിപ്പിച്ചത്. അതേസമയം പ്രതിനിധിയെ അയക്കാമെന്ന് അറിയിച്ചെങ്കിലും ഇന്ത്യ നിഷേധിക്കുകയായിരുന്നുവെന്ന് ഡല്‍ഹിയിലെ മാലദ്വീപ് നയതന്ത്ര പ്രതിനിധി പ്രതികരിച്ചു.

പ്രതിപക്ഷ നേതാക്കളെ കുറ്റവിമുക്തരാക്കി ഉത്തരവു പ്രകടിപ്പിച്ച സുപ്രീംകോടതിയിലെ മുതിര്‍ന്ന ജഡ്ജിമാരെ ജയിലില്‍ അടക്കുകയും രാജ്യത്ത് അടിയന്തരാവസ്ഥ പ്രഖ്യാപിക്കുകയും ചെയ്ത അബ്ദുല്ല യമീന്‍ ഭരണകൂടത്തിന്റെ നടപടിയാണ് ഇന്ത്യന്‍ മഹാസമുദ്രത്തിലെ ചെറുദ്വീപുകളുടെ രാഷ്ട്രരൂപമായ മാലദ്വീപിനെ പ്രതിസന്ധിയിലേക്ക് തള്ളിവിട്ടത്. സുപ്രീംകോടതി വിധിയെ ഇന്ത്യ സ്വാഗതം ചെയ്യുകയും അടിയന്തരാവസ്ഥാ പ്രഖ്യാപനത്തെ അപലപിക്കുകയും ചെയ്തിരുന്നു. യു.എസും ബ്രിട്ടനും യു.എന്നും ഉള്‍പ്പെടെ ഇന്ത്യയുടെ അതേ നിലപാടാണ് സ്വീകരിച്ചിട്ടുള്ളത്. സുപ്രീംകോടതി വിധി നടപ്പിലാക്കാനും അടിയന്തരാവസ്ഥ പിന്‍വലിക്കാനും രാജ്യാന്തര സമ്മര്‍ദ്ദം ശക്തമായ പശ്ചാത്തലത്തിലാണ്, യമീന്‍ ഭരണകൂടം വിദേശ പിന്തുണ തേടുന്നത്.

മാലദ്വീപില്‍ സൈനിക ഇടപെടല്‍ നടത്തണമെന്ന് പ്രവാസ ജീവിതം നയിക്കുന്ന മുന്‍ പ്രസിഡണ്ട് മുഹമ്മദ് നഷീദ് ഇന്ത്യയോട് അഭ്യര്‍ത്ഥിച്ചിരുന്നെങ്കിലും ചൈന ഇതിനെ എതിര്‍ത്ത് രംഗത്തെത്തിയിരുന്നു. ഇതിനു പിന്നാലെയാണ് ഇന്ത്യയെ അവഗണിച്ച് ചൈന ഉള്‍പ്പെടെയുള്ള രാഷ്ട്രങ്ങളിലേക്ക് യമീന്‍ ഭരണകൂടം പ്രതിനിധികളെ അയച്ചത്. ഫലത്തില്‍ മാലദ്വീപ് വിഷയത്തില്‍ ഇന്ത്യയും ചൈനയും രണ്ടു പക്ഷത്ത് നിലയുറപ്പിച്ചിരിക്കുകയാണ്.
ധനമന്ത്രി മുഹമ്മദ് സഈദ്, വിദേശകാര്യ മന്ത്രി മുഹമ്മദ് അസിം എന്നിവരുടെ നേതൃത്വത്തിലുള്ള സംഘമാണ് ബീജിങും ഇസ്‌ലാമാബാദും സന്ദര്‍ശിക്കുക. കാര്‍ഷിക, തുറമുഖ വകുപ്പ് മന്ത്രി മുഹമ്മദ് ഷൈനീയുടെ നേതൃത്വത്തിലുള്ള സംഘം ബുധനാഴ്ച രാത്രി സഊദി തലസ്ഥാനമായ റിയാദില്‍ എത്തിയിട്ടുണ്ട്.

പ്രതിനിധി സംഘത്തെ അയക്കുന്നത് അടിയന്തരാവസ്ഥാ പ്രഖ്യാപനം ഉള്‍പ്പെടെ ആശങ്കയുണ്ടാക്കുന്ന നടപടികള്‍ക്ക് പരിഹാരമല്ലെന്ന് ഇന്ത്യന്‍ വിദേശകാര്യ മന്ത്രാലയം ആരോപിച്ചു. ജനാധിപത്യവും നിയമവാഴ്ചയും പുനഃസ്ഥാപിക്കുകയാണ് മാലെ ഭരണകൂടം അദ്യം ചെയ്യേണ്ടതെന്നും ഇന്ത്യ വ്യക്തമാക്കി.

അതേസമയം മാലെ പ്രതിനിധി സംഘത്തിന് അനുമതി നിഷേധിച്ചെന്ന ആരോപണത്തോട് ഇന്ത്യ പ്രതികരിച്ചില്ല. പ്രധാനമന്ത്രി നരേന്ദ്രമോദിയും വിദേശകാര്യ മന്ത്രി സുഷമാ സ്വരാജും വിദേശ സന്ദര്‍ശനത്തില്‍ ആയതിനാലാണ് അനുമതി നിഷേധിച്ചതെന്ന് സൂചനയുണ്ട്. ത്രിദിന സഊദി സന്ദര്‍ശനത്തിനായി സുഷമാ സ്വരാജ് ഇന്നലെ യാത്ര തിരിച്ചിരുന്നു. യു.എ.ഇ, ജോര്‍ദ്ദാന്‍, ഫലസ്തീന്‍, ഒമാന്‍ തുടങ്ങി ചതുര്‍രാഷ്ട്ര സന്ദര്‍ശനത്തിനായി പ്രധാനമന്ത്രി നരേന്ദ്രമോദി ഇന്ന് രാത്രിയും ഡല്‍ഹിയില്‍നിന്ന് തിരിക്കും. ഇതാണ് അനുമതി നിഷേധിക്കാന്‍ കാരണമെന്ന് കരുതുന്നതായി മാലദ്വീപ് നയതന്ത്ര പ്രതിനിധി അഹമ്മദ് മുഹമ്മദ് പറഞ്ഞു. അനുമതി തേടി ഇന്ത്യന്‍ വിദേശകാര്യ മന്ത്രാലയത്തിന് നല്‍കിയ കത്തിന് ഇതുവരെ മറുപടി ലഭിച്ചിട്ടില്ലെന്നും അദ്ദേഹം കൂട്ടിച്ചേര്‍ത്തു. മാലദ്വീപില്‍ സൈനിക ഇടപെടല്‍ സംബന്ധിച്ച യാതൊരു സൂചനയും ഇന്ത്യ ഇതുവരെ നല്‍കിയിട്ടില്ല. അതേസമയം ചൈനയുടെ നീക്കങ്ങള്‍ സസൂക്ഷ്മം നിരീക്ഷിച്ചു വരികയാണ്. മാലദ്വീപിനെ മുന്നില്‍ നിര്‍ത്തി ഇന്ത്യന്‍ മഹാസമുദ്രത്തില്‍ ചൈനയുടെ ഇടപെടലിന് ശ്രമിച്ചേക്കുമോ എന്നതാണ് പ്രധാനമായും ഉറ്റുനോക്കുന്നത്.

മാലെ: അടിയന്താരാവസ്ഥ പ്രഖ്യാപിച്ച മാലദ്വീപിലെ രാഷ്ട്രീയ പ്രതിസന്ധിയില്‍ ഇന്ത്യ ഇടപെടുന്നതിനെതിരെ ചൈനയുടെ മുന്നറിയിപ്പ്. ഇന്ത്യ ഇടപെട്ടാല്‍ പ്രശ്‌നങ്ങള്‍ കൂടുതല്‍ സങ്കീര്‍ണമാകുകയേ ഉള്ളൂവെന്ന് ചൈനീസ് വിദേശകാര്യ മന്ത്രാലയ വക്താവ് ഗെങ് ഷൂവാങ് പറഞ്ഞു. മാലദ്വീപിന്റെ പരമാധികാരത്തെ മാനിച്ചുകൊണ്ട് ക്രിയാത്മമായ നീക്കങ്ങള്‍ക്കാണ് അന്താരാഷ്ട്ര സമൂഹം ശ്രമിക്കേണ്ടതെന്ന് അദ്ദേഹം പറഞ്ഞു.

പ്രസിഡന്റ് അബ്ദുല്ല യമീന്‍ അടിയന്താരവസ്ഥ പ്രഖ്യാപിച്ച് കസ്റ്റഡിയിലെടുത്ത സുപ്രീംകോടതി ജഡ്ജിമാരെയും രാഷ്ട്രീയ നേതാക്കളെയും മോചിപ്പിക്കാന്‍ ഇന്ത്യ സൈനികമായി ഇടപെടണമെന്ന് ശ്രീലങ്കയില്‍ കഴിയുന്ന മുന്‍ പ്രസിഡന്റ് മുഹമ്മദ് നശീദ് ആവശ്യപ്പെട്ടിരുന്നു. സുപ്രീംകോടതി ജഡ്ജിമാരെയും മുന്‍ പ്രസിഡന്റ് മഅ്മൂന്‍ അബ്ദുല്‍ ഗയൂമിനെയും അറസ്റ്റ് ചെയ്ത കാര്യം ചൂണ്ടിക്കാട്ടിയപ്പോള്‍ ബന്ധപ്പെട്ട കക്ഷികള്‍ ആഭ്യന്തര തലത്തില്‍ പ്രശ്‌നങ്ങള്‍ പരിഹരിക്കാന്‍ ശ്രമിക്കണമെന്നാണ് ചൈനയുടെ നിലപാടെന്നായിരുന്നു ഷുവാങിന്റെ മറുപടി. ചര്‍ച്ചയിലൂടെ പ്രശ്‌നങ്ങള്‍ പരിഹരിക്കണമെന്ന് ചൈന അബ്ദുല്ല യമീനോട് ആവശ്യപ്പെട്ടോ എന്ന ചോദ്യത്തില്‍നിന്ന് അദ്ദേഹം ഒഴിഞ്ഞുമാറി. പ്രസിഡന്റ് യമീന് തന്ത്രപരമായി പിന്തുണ നല്‍കുകയാണ് മലദ്വീപിലെ പ്രതിപക്ഷ നേതാക്കള്‍ ആരോപിച്ചു.

മാലദ്വീപില്‍ ചൈനക്ക് വന്‍ നിക്ഷേപമുണ്ട്. ഫെബ്രുവരി 15ന് ചൈനീസ് ന്യൂ ഇയര്‍ ഹോളിഡേ ആരംഭിക്കാനിരിക്കെ മാലദ്വീപിലേക്കുള്ള യാത്ര ഒഴിവാക്കണമെന്ന് ചൈന പൗരന്മാര്‍ക്ക് നിര്‍ദേശം നല്‍കി. സില്‍ക്ക് റൂട്ട് പദ്ധതിയെ മാലദ്വീപ് പ്രശ്‌നങ്ങള്‍ പ്രതികൂലമായി ബാധിക്കുമോ എന്ന് ചൈനക്ക് ആശങ്കയുണ്ട്. അതേസമയം രാഷ്ട്രീയ തടവുകാരെ മോചിപ്പിച്ചുകൊണ്ടുള്ള വിധി സുപ്രീംകോടതിയിലെ മൂന്ന് ജഡ്ജിമാര്‍ ചേര്‍ന്ന് റദ്ദാക്കി. നശീദിനെ കുറ്റമുക്തനാക്കുകയും തടവുകാരെ വിട്ടയക്കാന്‍ ഉത്തരവിടുകയും ചെയ്ത സുപ്രീംകോടതിയുടെ അഞ്ചംഗ ബഞ്ചിലെ രണ്ടുപേരെ അറസ്റ്റ് ചെയ്ത ശേഷം ബാക്കിയുള്ള മൂന്ന് ജഡ്ജിമാര്‍ ചേര്‍ന്നാണ് പ്രസിഡന്റ് യമീന് അനുകൂലമായി വിധി പുറപ്പെടുവിച്ചത്.

മാലെ: അടിയന്തരവാസ്ഥ പ്രഖ്യാപിച്ചതിനു പിന്നാലെ മാലദ്വീപില്‍ പ്രതിപക്ഷത്തെയും ജുഡീഷ്യറിയേയും വേട്ടയാടി അബ്ദുല്ല യമീന്റെ നേതൃത്വത്തിലുള്ള ഭരണകൂടം. പ്രതിപക്ഷ നേതാക്കളെ മോചിപ്പിക്കാന്‍ ഉത്തരവിട്ട ചീഫ് ജസ്റ്റിസ് ഉള്‍പ്പെടെ രണ്ട് സുപ്രീംകോടതി ജഡ്ജിമാരെ സൈന്യം അറസ്റ്റു ചെയ്തു. സുപ്രീംകോടതി മന്ദിരത്തിലേക്ക് ഇരച്ചുകയറിയാണ് സൈന്യം ചീഫ് ജസ്റ്റിസ് അബ്ദുല്ല സഈദ്, ജഡ്ജ് അലി ഹമീദ് എന്നിവരെ കസ്റ്റഡിയില്‍ എടുത്തത്. അബ്ദുല്ല യമീന്റെ അര്‍ധ സഹോദരനും മുന്‍ പ്രസിഡണ്ടുമായ മഅ്മൂന്‍ അബ്ദുല്‍ ഖയ്യൂമിനെയും അറസ്റ്റു ചെയ്തിട്ടുണ്ട്. പ്രതിപക്ഷത്തിനൊപ്പം നിലയുറപ്പിച്ചതിന്റെ പേരിലാണ് ഖയ്യൂമിനെ തടവിലാക്കിയത്. കൂടുതല്‍ പ്രതിപക്ഷ നേതാക്കളെ അറസ്റ്റു ചെയ്‌തേക്കുമെന്ന് റിപ്പോര്‍ട്ടുണ്ട്.
രാഷ്ട്രീയ പ്രതിസന്ധി രൂക്ഷമായതോടെ ലണ്ടനില്‍ പ്രവാസ ജീവിതം നയിക്കുന്ന മുന്‍ പ്രസിഡണ്ടും പ്രതിപക്ഷ നേതാവുമായ മുഹമ്മദ് നഷീദ് ഇന്ത്യയുടേയും യു.എസിന്റെയും സഹായം തേടി. യമീന്‍ ഭരണകൂടത്തിലെ പ്രമുഖര്‍ക്കുമേല്‍ സാമ്പത്തിക ഉപരോധം ഏര്‍പ്പെടുത്തണമെന്ന് അമേരിക്കയോട് അഭ്യര്‍ത്ഥിച്ച നഷീദ്, ഒരു പടികൂടി കടന്ന് മാലദ്വീപില്‍ സൈനിക നടപടി ആവശ്യപ്പെട്ടാണ് ഇന്ത്യയുടെ സഹായം തേടിയത്. നഷീദ് ഉള്‍പ്പെടെയുള്ള പ്രതിപക്ഷ നേതാക്കളെ കുറ്റവിമുക്തരാക്കിയ സുപ്രീംകോടതി വിധിയെ നേരത്തെ ഇന്ത്യ സ്വാഗതം ചെയ്തിരുന്നു. സൈനിക ഇടപെടല്‍ വേണമെന്ന നഷീദിന്റെ ആവശ്യത്തോട് പ്രതികരിച്ചില്ലെങ്കിലും മാലദ്വീപിലെ രാഷ്ട്രീയ സ്ഥിതിഗതികള്‍ സസൂക്ഷ്മം നിരീക്ഷിച്ചു വരികയാണെന്ന് ഇന്ത്യന്‍ വിദേശകാര്യ മന്ത്രാലയം വ്യക്തമാക്കി.
കഴിഞ്ഞ ദിവസം ടെലിവിഷനിലൂടെ രാജ്യത്തെ അഭിസംബോധന ചെയ്യവെയാണ് രാജ്യത്ത് അടിയന്തരവാസ്ഥ പ്രഖ്യാപിക്കുന്നതായി മാലദ്വീപ് പ്രസിഡണ്ട് അബ്ദുല്ല യമീന്‍ വ്യക്തമാക്കിയത്. തന്റെ സര്‍ക്കാറിനെ അട്ടിമറിക്കാന്‍ സുപ്രീംകോടതിയും പ്രതിപക്ഷവും ചേര്‍ന്ന് ശ്രമിക്കുകയാണെന്നും സുപ്രീംകോടതിയെ വരുതിയില്‍ കൊണ്ടുവരുന്നതിന് അടിയന്തരാവസ്ഥ പ്രഖ്യാപിക്കുകയല്ലാതെ മറ്റു മാര്‍ഗമില്ലെന്നുമായിരുന്നു അബ്ദുല്ല യമീന്റെ പ്രതികരണം. ഇതിനു തൊട്ടു പിന്നാലെയാണ് ചീഫ് ജസ്റ്റിസിനെയും മറ്റൊരു ജഡ്ജിയെയും അറസ്റ്റു ചെയ്തത്. അഴിമതി, ജുഡീഷ്യറിയുടെ അമിതാധികാര പ്രയോഗം എന്നീ കുറ്റങ്ങള്‍ ചുമത്തിയാണ് ഇരുവരേയും ജയിലില്‍ അടച്ചിരിക്കുന്നത്. സുപ്രീംകോടതി വിധിയെതുടര്‍ന്ന് പ്രതിപക്ഷത്തിന് ഭൂരിപക്ഷമുള്ള പാര്‍ലമെന്റിന്റെ പ്രവര്‍ത്തനവും സര്‍ക്കാര്‍ മരവിപ്പിച്ചിട്ടുണ്ട്.

കഴിഞ്ഞ ദിവസം ടെലിവിഷനിലൂടെ രാജ്യത്തെ അഭിസംബോധന ചെയ്യവെയാണ് രാജ്യത്ത് അടിയന്തരവാസ്ഥ പ്രഖ്യാപിക്കുന്നതായി മാലദ്വീപ് പ്രസിഡണ്ട് അബ്ദുല്ല യമീന്‍ വ്യക്തമാക്കിയത്. ഇതിനു തൊട്ടു പിന്നാലെയാണ് ചീഫ് ജസ്റ്റിസിനെയും മറ്റൊരു ജഡ്ജിയെയും അറസ്റ്റു ചെയ്തത്. അഴിമതി, ജുഡീഷ്യറിയുടെ അമിതാധികാര പ്രയോഗം എന്നീ കുറ്റങ്ങള്‍ ചുമത്തിയാണ് ഇരുവരേയും ജയിലില്‍ അടച്ചിരിക്കുന്നത്. സുപ്രീംകോടതി വിധിയെതുടര്‍ന്ന് പ്രതിപക്ഷത്തിന് ഭൂരിപക്ഷമുള്ള പാര്‍ലമെന്റിന്റെ പ്രവര്‍ത്തനവും സര്‍ക്കാര്‍ മരവിപ്പിച്ചിട്ടുണ്ട്.