നാലു ജില്ലകളിലാണ് പ്രധാനമായും അക്രമം റിപ്പോര്‍ട്ട് ചെയ്യപ്പെട്ടിരിക്കുന്നത്. നോര്‍ത്ത് 24 പര്‍ഗനാസ്, ബുര്‍ദ്‌വാന്‍, കൂച്ച് ബിഹാര്‍, സൗത്ത് 24 പര്‍ഗനാസ് എന്നീ ജില്ലകളിലാണ് സംഘര്‍ഷം ഉടലെടുത്തത്. അക്രമങ്ങളില്‍ നിരവധി പേര്‍ക്ക് പരിക്കേറ്റിട്ടുണ്ട്. കൂച്ച് ബിഹാറിലെ പോളിങ് ബൂത്തില്‍ തൃണമൂല്‍ കോണ്‍ഗ്രസ് പ്രവര്‍ത്തകര്‍ നടത്തിയ ആക്രമണത്തില്‍ 20 പേര്‍ക്ക് പരിക്കേറ്റതായാണ് റിപ്പോര്‍ട്ട്.

വോട്ടെടുപ്പ് രാവിലെ 7 മണിയോടെയാണ് ആരംഭിച്ചത്. 621 ജില്ലാ പരിഷത്തുകളിലും 6157 പഞ്ചായത്ത് സമിതികളിലും 31,827 ഗ്രാമ പഞ്ചായത്തുകളിലേക്കുമാണ് തെരഞ്ഞെടുപ്പ് നടക്കുന്നത്. വൈകുന്നേരം 5 മണിക്ക് വോട്ടെടുപ്പ് അവസാനിക്കും. തെരഞ്ഞെടുപ്പില്‍ മുമ്പ് നടന്നിട്ടുള്ള അക്രമങ്ങളെ കണക്കിലെടുത്ത് ശക്തമായ സുരക്ഷാ ക്രമീകരണങ്ങളിലൂടെയാണ് തെരഞ്ഞെടുപ്പ് നടക്കുന്നത്.

സംസ്ഥാനത്ത് ക്രമസമാധാനം പാലിക്കാനായി 46000 പശ്ചിമ ബംഗാള്‍ പൊലീസിനേയും 12000 കൊല്‍ക്കത്ത പൊലീസിനേയും വിന്യസിപ്പിച്ചിട്ടുണ്ട്. കൂടാതെ മറ്റ് സംസ്ഥാനങ്ങളില്‍ നിന്നും 1500 സുരക്ഷാ ഉദ്യോഗസ്ഥരേകൂടി തെരഞ്ഞെടുപ്പ് നിയന്ത്രിക്കാന്‍ എത്തിയിട്ടുണ്ട്.

നേരത്തെ, ബി.ജെ.പി നേതാക്കള്‍ക്ക് മോദി താക്കീത് നല്‍കിയിരുന്നു. മാധ്യമങ്ങളുടെ ക്യാമറ കാണുമ്പോള്‍ തന്നെ ചാടിവീഴരുതെന്നും വാചകകസര്‍ത്ത് നടത്തി വെറുതെ മസാല വാര്‍ത്ത നല്‍കരുതെന്നും ജനപ്രതിനിധികള്‍ക്ക് മോദി അന്ത്യശാസന നല്‍കിയിരുന്നു. അടുത്തിടെ ബി.ജെ.പി എം.എല്‍.എമാരും എം.പിമാരും നടത്തിയ വിവാദ പ്രസ്താവനകള്‍ ബിജെപിക്ക് കടുത്ത തലവേദന സൃഷ്ടിച്ചതോടെയാണ് താക്കീതുമായി മോദി രംഗത്തുവന്നത്.

എന്നാല്‍ മോദിയുടെ താക്കീതിന് പിന്നാലെയാണ് സുരേന്ദ്‌സിങിന്റെ പരാമര്‍ശം. ജനങ്ങള്‍ തെരുവില്‍ കൊല്ലപ്പെടുകയാണ്. എന്നാല്‍ മമത ചെറുവിരല്‍ പോലും അനക്കുന്നില്ല. ബംഗാളിലെ ഹിന്ദുക്കള്‍ സുരക്ഷിതരല്ല. ശൂര്‍പ്പണഖയെ പോലെയാണ് മമത പെരുമാറുന്നത്. ഇനിയെങ്കിലും എന്തെങ്കിലും ചെയ്തില്ലെങ്കില്‍ കശ്മീരിലെ പോലെയാകും ബംഗാളിലെ അവസ്ഥ. ബംഗാളില്‍ നിന്ന് ഹിന്ദുക്കള്‍ക്ക് പലായനം ചെയ്യേണ്ടി വരുമെന്നും സുരേന്ദ്ര സിങ് പറഞ്ഞു.

‘തിങ്കളാഴ്ച്ച ഉച്ചയോടെയാണ് അമേരിക്കയില്‍ നിന്നും ലത്തീന്‍ എന്ന് പരിചയപ്പെടുത്തിയ ആളുടെ സന്ദേശമെത്തുന്നതെന്ന് വിദ്യാര്‍ഥി പറയുന്നു. ഒരു തീവ്രവാദഗ്രൂപ്പില്‍ അംഗമാണ് അയാളെന്ന് പരിചയപ്പെടുത്തി. ഇന്ത്യയില്‍ നിന്നും ഒരു പങ്കാളിയെ ആവശ്യമുണ്ട്. നിങ്ങള്‍ക്ക് ഒരു ലക്ഷം ഡോളര്‍ താരം. നിങ്ങള്‍ സുരക്ഷിതനായിരിക്കും. തയ്യാറാണോ? നിങ്ങള്‍ക്ക് കഴിയില്ലെങ്കില്‍ പെട്ടെന്ന് പറയൂ. മറ്റൊരാളെ തേടണം. ഒരു ലക്ഷം ഡോളര്‍ കളയരുതെന്നും അയാള്‍ പറഞ്ഞതായി വിദ്യാര്‍ഥി പറഞ്ഞു. താല്‍പ്പര്യമില്ലെന്ന് അറിയിച്ചതിനെ തുടര്‍ന്ന് ഇന്ത്യയിലേക്ക് വരാന്‍ പദ്ധതിയിട്ടുണ്ടെന്ന് അയാള്‍ വ്യക്തമാക്കിയതായി വിദ്യാര്‍ഥി പറയുന്നു. ഇന്ത്യയെ നശിപ്പിക്കുകയല്ല ലക്ഷ്യമെന്നും, ഒരാളെ ഇല്ലാതാക്കുക മാത്രമാണ് ഞങ്ങളുടെ ലക്ഷ്യമെന്നും അയാള്‍ പറഞ്ഞുവെന്നും വിദ്യാര്‍ഥി കൂട്ടിച്ചേര്‍ത്തു.

ബംഗാളിലെ ഖരക്പൂരിലെ പ്രാദേശിക ക്ലബ്ബാണ് മുഹറം ഘോഷയാത്ര വര്‍ഷംതോറും സംഘടിപ്പിക്കുന്നത്. എന്നാല്‍ അയല്‍ക്കാരനായ യുവാവിന് ക്യാന്‍സര്‍ രോഗമായതിനാല്‍ ഇത്തവണ ഘോഷയാത്ര വേണ്ടെന്ന് വെക്കുകയായിരുന്നു. ഇതിനായി സ്വരൂപിച്ച 50,000രൂപ യുവാവിന് ചിക്തസക്ക് കൈമാറുകയും ചെയ്തു. മൊബൈല്‍ റീചാര്‍ജ്ജ് കട നടത്തുന്ന യുവാവിന് ചികിത്സക്കായി 12 ലക്ഷം രൂപയാണ് ആവശ്യമായി വരുന്നത്. ഹോഡ്കിങ്‌സ് ലിംഫോമയാണ് ഇയാളുടെ രോഗം. നിലവില്‍ സരോജ് ഗുപ്ത ആസ്പത്രിയില്‍ കീമോതെറാപ്പിക്ക് വിധേയനായിക്കൊണ്ടിരിക്കുകയാണ് യുവാവ്. തന്റെ സഹോദരങ്ങള്‍ നല്‍കിയ സഹായത്തില്‍ താന്‍ അതിയായി സന്തോഷിക്കുന്നുവെന്ന് യുവാവ് പറഞ്ഞു.

മുഹറം ഘോഷയാത്രയും ഗണപതി വിഗ്രഹനിമജ്ജനവും ഒരേ ദിവസം നടത്തുന്നതിനെ തടഞ്ഞ് നേരത്തെ മമതാ സര്‍ക്കാര്‍ ഉത്തരവ് പുറപ്പെടുവിച്ചിരുന്നു. ആചാരങ്ങള്‍ ഒരേ ദിവസമായതിനാല്‍ ഉണ്ടായേക്കാവുന്ന പ്രായോഗിക ബുദ്ധിമുട്ടുകള്‍ കണക്കിലെടുത്ത് കൊണ്ടായിരുന്നു അത്. എന്നാല്‍ കൊല്‍ക്കത്ത ഹൈക്കോടതി ഇത് തടഞ്ഞു കൊണ്ട് രംഗത്തെത്തുകയും ചെയ്തു.

കാജോളിനെ അറിയില്ലെന്നും നിരവധി ചിത്രങ്ങളില്‍ ഷാരൂഖിന്റെ കൂടെ അഭിനയിച്ചിട്ടുണ്ടെന്ന് അറിയാമെന്നും മമത പറഞ്ഞു. എന്ത് തരം മാംസമാണ് കഴിച്ചതെന്ന് കാജോള്‍ ഭയമില്ലാതെ പറയണം. അപകടകരമായ അന്തരീക്ഷമാണ് രാജ്യത്ത് നിലനില്‍ക്കുന്നത്. ജനങ്ങള്‍ എന്താണ് കഴിക്കേണ്ടതെന്ന് ചിലരാണ് തീരുമാനിക്കുന്നതെന്നും മമത ബാനര്‍ജി കൂട്ടിച്ചേര്‍ത്തു.

എന്തുകൊണ്ടാണ് ഇത്തരത്തില്‍ ഭയം സൃഷ്ടിക്കുന്നത്. തന്നെ ജയിലിലടക്കാന്‍ ശ്രമം നടക്കുകയാണ്. എന്നാല്‍ മൊത്തം തൃണമൂലുകാരേയും ജയിലില്‍ അടക്കേണ്ടിവരും. ജനങ്ങള്‍ ഇതിന് മറുപടി നല്‍കുമെന്ന് ബി.ജെ.പിയെ പരോക്ഷമായി വിമര്‍ശിച്ച് മമത പറഞ്ഞു. വര്‍ഗ്ഗീയ സംഘര്‍ഷങ്ങള്‍ എങ്ങനെയാണ് ഉണ്ടാക്കുന്നതെന്ന് അവര്‍ക്ക് മാത്രമേ അറിയൂ. അവര്‍ ഹിന്ദുമതത്തിന്റെ അനുകൂലികളല്ലെന്നും മമത ബാനര്‍ജി കൂട്ടിച്ചേര്‍ത്തു.

നേരത്തെ സുഹൃത്ത് റയ്യാനൊരുങ്ങിയ വിരുന്നില്‍ കാജോള്‍ ബീഫ് കഴിക്കുന്നതിന്റെ വീഡിയോ ഫേസ്ബുക്കില്‍ പോസ്റ്റ് ചെയ്തിരുന്നു. ഇതിനെതിരെ ഹിന്ദുത്വവാദികളുടെ ആക്രമണം നടന്നു. തുടര്‍ന്ന് പോസ്റ്റ് അപ്രത്യക്ഷപ്പെടുകയായിരുന്നു. താന്‍ കഴിച്ചത് ഗോമാംസമല്ലെന്നും ബീഫാണെന്നും വ്യക്തമാക്കി കാജോള്‍ പിറ്റേന്ന് ഫേസ്ബുക്കില്‍ പ്രത്യക്ഷപ്പെടുകയും ചെയ്തു. ഈ സാഹചര്യത്തിലാണ് കാജോളിന് പിന്തുണയുമായി മമതയെത്തിയത്. കഴിച്ചതെന്താണെന്ന് പേടി കൂടാതെ പറയാന്‍ കാജോള്‍ പറയണമെന്നായിരുന്നു മമത പറഞ്ഞത്.

റാലിക്കുനേരെയുള്ള പോലീസ് അതിക്രമം കണ്ടപ്പോള്‍ തനിക്കൊരു ചിന്ത മാത്രമാണ് മനസ്സില്‍ വന്നത്. ആരെങ്കിലും മമത ബാനര്‍ജിയുടെ തല വെട്ടികൊണ്ടുവന്നാല്‍ താന്‍ 11ലക്ഷം ഇനാം നല്‍കുമെന്നായിരുന്നു യോഗേഷ് പറഞ്ഞത്. റാലിയില്‍ പങ്കെടുത്ത ജനങ്ങളെ ക്രൂരമായി തല്ലിച്ചതച്ച മമത പിശാചാണ്. എന്തിനാണ് പോലീസ് അതിക്രമം നടത്തിയതെന്നും യോഗേഷ് ചോദിച്ചു. നേരത്തേയും റാലികളില്‍ അക്രമം ഉണ്ടായതോടെയാണ് പോലീസ് കൂടുതല്‍ ജാഗ്രത പാലിച്ചത്.

ഇതാദ്യമായല്ല ബി.ജെ.പി നേതാക്കള്‍ മുഖ്യമന്ത്രിമാര്‍ക്കെതിരെ തിരിയുന്നത്. കേരള മുഖ്യമന്ത്രി പിണറായി വിജയന്റെ തലക്ക് ഒരു കോടി വിലയിട്ട ആര്‍.എസ്.എസ് നേതാവ് കുന്ദന്‍ ചന്ദിനെ പോലീസ് അറസ്റ്റുചെയ്തിരുന്നു. ഒരു കോടിരൂപയാണ് പിണറായിയുടെ തലക്ക് കുന്ദന്‍ ചന്ദ് വിലയിട്ടത്.

വാഹനങ്ങളില്‍ വീട്ടുപടിക്കല്‍ മാംസാഹാരങ്ങള്‍ എത്തിക്കുന്നതാണ് പദ്ധതി. പോത്ത്, കോഴി എന്നിവക്കു പുറമെ താറാവ്, എമു, ടര്‍ക്കിക്കോഴി എന്നിവയും എത്തിക്കും. സംസ്ഥാനത്ത് നിലവില്‍ മൂന്ന് വാനുകളാണ് പദ്ധതിക്കായി സര്‍ക്കാര്‍ അനുവദിച്ചിട്ടുള്ളത്. പരീക്ഷണ അടിസ്ഥാനത്തില്‍ നടത്തുന്ന പദ്ധതിയാണിത്. എന്നാല്‍ വിജയകരമാവുകയാണെങ്കില്‍ പദ്ധതി കൂടുതല്‍ വിപുലമാക്കാന്‍ സര്‍ക്കാര്‍ ശ്രമിക്കും. ഉത്തര്‍പ്രദേശില്‍ അറവുശാലകള്‍ നിരോധിക്കുന്നതിനെതിരെ മമതാ ബാനര്‍ജി രംഗത്തെത്തിയിരുന്നു. മനുഷ്യര്‍ മതത്തിന്റേയും ജാതിയുടേയും പേരില്‍ അവിടെ ഭയത്തോടെ ജീവിക്കുന്ന രീതിയാണ് കാണുന്നത്. എല്ലാവരും ഒന്നാണ്. അത് നടപ്പിലാക്കുകയാണ് സര്‍ക്കാരിന്റെ ലക്ഷ്യം. ഭരണഘടന അനുവദിക്കുന്ന എല്ലാം ജനങ്ങള്‍ക്ക് ഉറപ്പാക്കാന്‍ സര്‍ക്കാര്‍ തയ്യാറാണെന്നും മമത ബാനര്‍ജി പറഞ്ഞു.

ഉത്തര്‍പ്രദേശില്‍ യോഗി ആദിത്യനാഥ് മുഖ്യമന്ത്രിയായി അധികാരമേറ്റതിന് ശേഷം സംസ്ഥാനത്തെ അറവുശാലകള്‍ സര്‍ക്കാര്‍ അടച്ചുപൂട്ടുകയാണ്. ഇതിനെതിരെ സംസ്ഥാനത്തെ ഇറച്ചിവില്‍പ്പനക്കാര്‍ സമരത്തിലാണ്.