അതേസമയം ജയില്‍ അധികൃതരുടെ അനുവാദപ്രകാരമായിരുന്നു ആസാറാം ഫോണ്‍ വിളിച്ചതെന്നും തടവുകാര്‍ക്ക് മാസത്തില്‍ ഒരിക്കല്‍ 80 മിനിറ്റ് ഫോണ്‍ വിളിക്കാന്‍ അനുവാദമുണ്ടെന്നും ഇതിന്റെ ഭാഗമായാണ് ബാപ്പു ഫോണ്‍ വിളിച്ചത്. ഇൗ സംഭാഷണത്തിന്റെ റെക്കോഡിങ്ങാവാം ഇതൊന്നും ജോധ്പുര്‍ സെന്‍ട്രല്‍ ജയില്‍ ഡിഐജി വിക്രം സിങ് പറഞ്ഞു. ഈ സംഭാഷണം അവര്‍ റെക്കോഡ് ചെയ്ത് പ്രചരിപ്പിച്ചതാവാമെന്നും വിക്രം സിങ് കൂട്ടിച്ചേര്‍ത്തു.

പഞ്ച്കുള: ബലാത്സംഗ കേസില്‍ വിവാദ ആള്‍ ദൈവം ഗുര്‍മീത് റാം റഹീമിനെ കോടതി ശിക്ഷിച്ചതിനെ തുടര്‍ന്ന് കഴിഞ്ഞ വര്‍ഷം പഞ്ച്കുള, സിര്‍സ എന്നിവിടങ്ങളിലുണ്ടായ കലാപവുമായി ബന്ധപ്പെട്ട് പൊലീസ് അനുബന്ധ കുറ്റപത്രം സമര്‍പ്പിച്ചു. റാം റഹീമിന്റെ ദത്തു പുത്രി ഹണീ പ്രീതിനും മറ്റും എതിരായാണ് കുറ്റപത്രം സമര്‍പ്പിച്ചിട്ടുള്ളത്. പൊലീസിന് അനുകൂലമായി സാക്ഷികളായി കൂറുമാറിയ മൂന്ന് ദേര സച്ഛാ സൗദ അനുയായികളുടെ മൊഴികള്‍ ഉള്‍പ്പെടുത്തിയാണ് പൊലീസിന്റെ അനുബന്ധ കുറ്റപത്രം.

കഴിഞ്ഞ വര്‍ഷം ആഗസ്റ്റ് 25ന് സി.ബി.ഐ കോടതി റാം റഹീം കുറ്റക്കാരനെന്നു കണ്ടെത്തിയതിനു പിന്നാലെ സിര്‍സയിലെ ദേരാ ആസ്ഥാനത്തു നിന്നും മണ്ണെണ്ണ, ആസിഡ്, വടികള്‍ എന്നിവ പഞ്ചുകുളയില്‍ എത്തിക്കാനായി തങ്ങള്‍ക്കു നിര്‍ദേശം ലഭിച്ചതായി മൂവരും പൊലീസിന് നല്‍കിയ മൊഴിയില്‍ പറയുന്നു. ദേര ചെയര്‍പേഴ്‌സണ്‍ വിപാസന ആയുധങ്ങളും ആളുകളുമായി പഞ്ച്കുളയിലെത്താന്‍ തനിക്ക് നിര്‍ദേശം നല്‍കിയതായി ഫത്തേഹാബാദ് സ്വദേശിയായ ഉശാ കുമാര്‍ നല്‍കിയ മൊഴിയില്‍ പറയുന്നു. രതിയ ബ്ലോക്കിന്റെ ചുമതലയുണ്ടായിരുന്ന പ്യാരെ ലാലിനെ താന്‍ ഇക്കാര്യം അറിയിക്കുകയും അദ്ദേഹമാണ് ഇക്കാര്യം ചെയ്തതെന്നും പേടി കാരണം താന്‍ വീട്ടില്‍ തന്നെ നിന്നതായും ഉശാകുമാര്‍ പറയുന്നു.

പൊലീസിന്റെ വാദങ്ങള്‍ക്ക് ശക്തിപകരുന്നതാണ് ഉശാകുമാറിന്റെ മൊഴി. ഗുര്‍മീത് റാം റഹീം സിങിനെ ബലാത്സംഗ കേസില്‍ കോടതി ശിക്ഷിച്ചതിനു പിന്നാലെയുണ്ടായ കലാപത്തില്‍ 36 ദേരാ അനുയായികള്‍ കൊല്ലപ്പെട്ടിരുന്നു. അതേ സമയം ആയുധങ്ങള്‍ എത്തിച്ചില്ലെന്നും ആളുകളെ മാത്രമാണ് എത്തിച്ചതെന്നുമാണ് പ്യാരേ ലാലിന്റെ മൊഴി. കോടതി വിധിക്കു പിന്നാലെ അനുയായികളെ കലാപത്തിനായി ദേരാ നേതാവിന്റെ സഹായികളായ ആദിത്യ ഇന്‍സാനും പവന്‍ ഇന്‍സാനും പ്രേരിപ്പിക്കുന്നത് കണ്ടതായാണ് കരംവീര്‍ സിങ് എന്നയാള്‍ പൊലീസിന് നല്‍കിയിരിക്കുന്ന മൊഴി. മൂവരും കൂറുമാറിയതോടെ പൊലീസ് സാക്ഷികളുടെ എണ്ണം 99 ആയി. ആദ്യ കുറ്റപത്രത്തില്‍ മൂന്ന് പത്രപ്രവര്‍ത്തകരും ദേരാ തലവന്റെ ഗണ്‍മാനും ഉള്‍പ്പെടെ 50 സാക്ഷികള്‍ മാത്രമാണ് ഉണ്ടായിരുന്നത്.

തിരുവനന്തപുരം: മാനഭംഗ കേസില്‍ കുറ്റക്കാരനെന്ന് കണ്ടെത്തിയ വിവാദ ആള്‍ദൈവവും ദേരാ സച്ചാ സൗദ തലവന്‍ ഗുര്‍മീത് റാം റഹീം സിംഗിനെതിരെ വിമര്‍ശനവുമായി നടനും സംവിധായകനുമായ ജോയ് മാത്യു രംഗത്ത്. ആള്‍ദൈവങ്ങള്‍ ചെകുത്താന്മാരുടെ അവതാരങ്ങളാണെന്നും ആള്‍ദൈവം എന്നതിന് പകരം ചെകുത്താന്‍ എന്ന് പറയുന്നതാണ് നല്ലതെന്നും ജോയ് മാത്യു പറഞ്ഞു. ആള്‍ദൈവങ്ങളെ ആരാധിക്കുന്നവരെ ആരാധകര്‍ എന്നതിനുപകരം അടിമകള്‍ അല്ലെങ്കില്‍ ചെകുത്താന്‍ സേവക്കാര്‍ എന്നോ പറഞ്ഞാല്‍ പാവം ദൈവവിശ്വാസികളെങ്കിലും ഹാപ്പിയാകുമെന്നും അദ്ദേഹം ഫേസ്ബുക്ക് പോസ്റ്റിലൂടെ പറഞ്ഞു.
ആള്‍ദൈവങ്ങളെ സംരക്ഷിക്കുന്ന രാഷ്ട്രീയക്കാരേയും ജോയ് മാത്യു വിമര്‍ശിച്ചു. ആള്‍ദൈവങ്ങള്‍ക്കെതിരെ ശബ്ദമുയര്‍ത്തിയ വിപ്ലവകാരികള്‍ തെരഞ്ഞെടുപ്പാകുമ്പോള്‍ പത്തി മടക്കും. ഇത്തരം ചെകുത്താന്മാര്‍ക്ക് വളരാന്‍ പറ്റിയ രാജ്യമാണ് ഇന്ത്യ. ഇത് അക്ഷരാര്‍ത്ഥത്തില്‍ ഭീകരാവസ്ഥയാണെന്നും ജോയ് മാത്യു പറഞ്ഞു. ചെകുത്താന്മാരെ പൂര്‍ണമായും തുടച്ചുനീക്കാന്‍ പ്രാപ്തമായ നിയമനിര്‍മാണം നടത്താന്‍ ഭരണകൂടത്തെ നിര്‍ബന്ധിതരാക്കും വിധം സുപ്രീംകോടതിയെ ഇടപെടുവിക്കുകയാണ് വേണ്ടത്. മുത്തലാഖിനെതിരെ അഞ്ചു സ്ത്രീകള്‍ നടത്തിയ നിയമ യുദ്ധം ഇതിന് പ്രചോദനമാകട്ടെയെന്നും അദ്ദേഹം കൂട്ടിച്ചേര്‍ത്തു.
ഒരു ബലാല്‍സംഗിക്ക് കോടതി ശിക്ഷവിധിക്കും മുന്‍പേ മുപ്പത്തിയാറുപേരുടെ ജീവന്‍ ബലി നല്‍കേണ്ടി വരുന്ന ഒരവസ്ഥ ഭീകരമാണ്. ഇങ്ങനെയുള്ള ചെകുത്താന്മാരുടെ അനുഗ്രഹാശ്ശിസ്സുകളോടെ വോട്ടു വാങ്ങി അധികാരത്തിലെത്തുന്നവര്‍ ചെകുത്താന്‍ വിളയാട്ടങ്ങളില്‍ നിശബ്ദരാകുന്നതിന്റെ കാരണവും മറ്റൊന്നല്ല. ഇവിടെയാണ് ജുഡീഷ്യറിയെ ആശ്രയിച്ചുമാത്രമെ ഈ രാജ്യത്ത് ഒരാള്‍ക്ക് ജീവിക്കാനാവൂ എന്ന് ബോധ്യമാവുക. വിദ്യാഭ്യാസത്തിന്റെ കുറവാണ് ചെകുത്താന്‍ സേവ വര്‍ധിക്കാന്‍ കാരണമെന്ന് സ്ഥാപിച്ച് ഇത് ഒരു ഉത്തരേന്ത്യയില്‍ മാത്രമുള്ള പ്രതിഭാസമാണെന്ന് പറഞ്ഞൊഴിയാന്‍ വരട്ടെ. വായുവില്‍ നിന്ന് ഭസ്മവും സ്വര്‍ണ മോതിരവും വാച്ചും എടുക്കുന്നില്ലെങ്കിലും വിദ്യാസമ്പന്നരെന്ന് മേനി നടിക്കുന്ന നമുക്കിടയിലും ഇമ്മാതിരി ചെകുത്താന്മാര്‍ക്കും അവരുടെ അടിമകള്‍ക്കും കുറവൊന്നുമില്ലെന്നും ജോയ് മാത്യൂ പറയുന്നു.