Mananthavadi – Chandrika Daily

മാനന്തവാടിയില്‍ വയോധിക സ്വയം വെട്ടി മരിച്ചു

webdesk17 — Sat, 30 Aug 2025 05:43:50 +0000

മാനന്തവാടി പയ്യമ്പള്ളിയില്‍ വയോധിക സ്വയം വെട്ടി മരിച്ചു. മുട്ടന്‍കര പൂവ്വത്തിങ്കല്‍ ചാക്കോയുടെ ഭാര്യ മേരി (67) ആണ് മരിച്ചത്. ഇന്നലെ രാവിലെ ഏഴേ മുക്കാലോടെയാണ് സംഭവം നടന്നത്. ഭര്‍ത്താവ് ചാക്കോ പള്ളിയില്‍ പോയി തിരികെ വന്നപ്പോള്‍ വീടിന്റെ വാതിലുകള്‍ അകത്ത് നിന്നും പൂട്ടിയ നിലയിലായിരുന്നു. വിളിച്ചിട്ടും വാതില്‍ തുറക്കാത്തതിനാല്‍ അയല്‍ വാസികളെ വിവരമറിയിച്ച് വാതില്‍ പൊളിച്ച് അകത്ത് കയറിയപ്പോഴാണ് മുറിവേറ്റ് കിടക്കുന്ന നിലയില്‍ മേരിയെ കണ്ടത്.

ഇടത് കൈയും കാലും സ്വയം വെട്ടിമുറിച്ച നിലയിലായിരുന്നു. മാനന്തവാടി മെഡിക്കല്‍ കോളജില്‍ എത്തിച്ചെങ്കിലും മരണം സംഭവിച്ചിരുന്നു.

വാര്‍ധക്യ സഹജമായ അസുഖങ്ങളും മാനസിക ബുദ്ധിമുട്ടുകളും ഉള്ള വ്യക്തിയായിരുന്നു മേരിയെന്ന് അയല്‍വാസികള്‍ വ്യക്തമാക്കി. മാനന്തവാടി പൊലീസ് നടപടികള്‍ തുടരുകയാണ്. മക്കള്‍: പരേതനായ ഷാജി, സന്തോഷ്, സംഗീത. സംസ്‌കാരം പിന്നീട് പടമല സെന്റ് അല്‍ഫോന്‍സാ ദേവാലയത്തില്‍ നടക്കും.

മാനന്തവാടിയില്‍ യുവതി വെട്ടേറ്റ് മരിച്ച സംഭവം; പ്രതിയെയും കാണാതായ കുട്ടിയെയും കണ്ടെത്തി

webdesk17 — Mon, 26 May 2025 05:02:02 +0000

തിരുനെല്ലി മാനന്തവാടിയില്‍ യുവതി വെട്ടേറ്റ് മരിച്ച സംഭവത്തിനു പിന്നാലെ കാണാതായ കുട്ടിയെയും പ്രതിയെയും കണ്ടെത്തി. അമ്മയെ വെട്ടിക്കൊന്ന പ്രതി ദിലീഷിനൊപ്പമാണ് ഒമ്പത് വയസുകാരിയായ കുട്ടിയെ കണ്ടെത്തിയത്. അടുത്ത തോട്ടത്തില്‍ നിന്നാണ് ഇരുവരേയും കണ്ടെത്തിയത്. കുട്ടിയെ ആശുപത്രിയിലേക്ക് കൊണ്ടുപോയി.

മാനന്തവാടിയില്‍ പൊലീസ് ജീപ്പിടിച്ച് വഴിയോരക്കച്ചവടക്കാരന് ദാരുണാന്ത്യം; നാലു പേര്‍ക്ക് പരിക്ക്

webdesk17 — Wed, 12 Mar 2025 11:58:16 +0000

കല്‍പറ്റ: മാനന്തവാടിയില്‍ പൊലീസ് ജീപ്പിടിച്ച് വഴിയോരക്കച്ചവടക്കാരന് ദാരുണാന്ത്യം. വള്ളിയൂര്‍ക്കാവ് ശ്രീധരനാണ് (65) മരിച്ചത്. നിയന്ത്രണംവിട്ട വാഹനം ശ്രീധരനെ ഇടിച്ചു തെറിപ്പിച്ച ശേഷം മറിയുകയായിരുന്നു. അപകടത്തില്‍ ഗുരുതര പരിക്കേറ്റ ശ്രീധരന്‍ ആശുപത്രിയില്‍ വെച്ചാണ് മരിച്ചത്.

ബുധനാഴ്ച വൈകീട്ട് മൂന്നു മണിയോടെ വള്ളിയൂര്‍ക്കാവ് ഓട്ടോസ്റ്റാന്‍ഡിന് സമീപമായിരുന്നു അപകടം. അമ്പലവയല്‍ പൊലീസിന്റെ വാഹനമാണ് നിയന്ത്രണംവിട്ട് മറിഞ്ഞ് അപകടമുണ്ടായത്. മോഷണക്കേസില്‍ പ്രതിയായ യുവാവിനെയും കൊണ്ട് സുല്‍ത്താന്‍ ബത്തേരി കോടതിയിലേക്ക് പോവുകയായിരുന്നു പൊലീസ് ഉദ്യോഗസ്ഥര്‍.

പ്രതി തലശ്ശേരി മാഹി സ്വദേശി പ്രബീഷ്, സി.പി.ഒമാരായ കെ.ബി. പ്രശാന്ത്, ജോളി സാമുവല്‍, വി. കൃഷ്ണന്‍ എന്നിവരാണ് ജീപ്പിലുണ്ടായിരുന്നത്. ഇവര്‍ക്കും പരിക്കുണ്ട്.

മാനന്തവാടിയിലും കടുവ ശല്യം; പശുവിനെ കൊന്നു; റെയ്ഞ്ചറെ തടഞ്ഞ് പ്രതിഷേധവുമായി പ്രദേശവാസികള്‍

webdesk13 — Sat, 14 Jan 2023 13:31:49 +0000

കല്‍പറ്റ: മാനന്തവാടി പിലാക്കാവില്‍ കടുവയുടെ ആക്രമണത്തില്‍ പ്രതിഷേധവുമായി പ്രദേശവാസികള്‍. എസ്‌റ്റേറ്റില്‍ മെയാന്‍ വിട്ട രണ്ടു വയസുള്ള പശുക്കിടാവിനെയാണ് കടുവ ആക്രമിച്ചത്. രണ്ടു മാസത്തിനിടെ മൂന്നാമത്തെ വളര്‍ത്തു മൃഗത്തിന് നേരെയാണ് കടുവ ആക്രമിക്കുന്നത്. നാട്ടുകാരുടെ ബഹളം കേട്ടാണ് കടുവ ഓടി പോയതെന്ന് ഉടമ ഉണ്ണി പറഞ്ഞു.

കഴിഞ്ഞ ദിവസങ്ങളില്‍ എസ്‌റ്റേറ്റില്‍ കടുവയെ കണ്ടതായി നാട്ടുകാര്‍ പറഞ്ഞിരുന്നു. വനമേഖലയോട് ചേര്‍ന്നാണ് എസ്‌റ്റേറ്റ് സ്ഥിതി ചെയ്യുന്നത്. കടുവാ അക്രമണം നടന്നിട്ടും ഉചിതമായ നടപടി സ്വീകരിക്കാത്തതില്‍ പ്രദേശവാസികള്‍ പ്രതിഷേധത്തിലാണ്. മാനന്തവാടി റെയ്ഞ്ചറെ നാട്ടുകാര്‍ തടഞ്ഞുവെച്ചു. കടുവയെ കൂട് സ്ഥാപിച്ച് പിടികൂടാന്‍ നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.