ട്രോള്‍ ചെയ്യാന്‍ വേണ്ടി മാത്രമാണ് ഒരു വിഭാഗം പ്രിയ വാര്യരുടെ കണ്ണിറുക്കലിനെ എടുക്കുന്നത്. തന്നെ അനാവശ്യമായി ട്രോള്‍ ചെയ്യുന്നതിന്റെ ദുഖത്തിലാണ് പ്രിയ. നാല് വര്‍ഷത്തെ ഇടവേളക്ക് ശേഷം എത്തിയ നസ്രിയയെ വരവേല്‍ക്കാനും പലരും പ്രിയയെ ആണ് ട്രോളിയത്. ഇത് തന്നെ വളരെ അധികം വേദനിപ്പിച്ചെന്ന് തുറന്നു പറയുകയാണ് പ്രിയ.

‘എന്നെ ഹിറ്റാക്കിയ ഒരു കൂട്ടം ആളുകള്‍ തന്നെ എന്നെ ഇപ്പോള്‍ വലിച്ചു കീറാന്‍ നോക്കുന്നതിലാണ് സങ്കടം. ഈയടുത്ത് ‘കൂടെ’ സിനിമ ഇറങ്ങിയപ്പോള്‍ വന്ന ട്രോള്‍ എനിക്ക് വല്ലാതെ വിഷമമായി. നസ്രിയ നാല് വര്‍ഷങ്ങള്‍ക്ക് ശേഷം തിരിച്ചു വരുന്ന സിനിമയായത് കൊണ്ട് ട്രോളന്മാരും അത് ആഘോഷമാക്കുകയായിരുന്നു. അതിനവര്‍ എന്നെ ഇരയാക്കുന്നത് എന്തിനാണെന്നാണ് മനസിലാകാത്തത്.’ പ്രിയ പറഞ്ഞു.

ഒരു നടിയെന്ന നിലയില്‍ എന്തെങ്കിലും പ്രൂവ് ചെയ്യാനുള്ള അവസരം പോലും തനിക്ക് കിട്ടിയിട്ടില്ലെന്നും അഭിനയിക്കാന്‍ അറിയുമോ എന്ന് കണ്ട് അഭിപ്രായം പറയേണ്ട ആളുകള്‍ ഒരു കാര്യവുമില്ലാതെ തന്നെ കുറ്റപ്പെടുത്തുകയൊണെന്നുമാണ് താരം പറയുന്നത്. തന്റെ സിനിമ പുറത്തിറങ്ങി അഭിനയം കാണുന്നതുവരെ വിമര്‍ശനം ഒഴിവാക്കിക്കൂടെയെന്നാണ് പ്രിയ ചോദിക്കുന്നത്.

Watch Video: 

ഇന്‍ഫ്ലുവന്‍സര്‍ മാര്‍ക്കറ്റിങിലേക്ക് ചുവടുവെച്ചതിനെ തുടര്‍ന്നാണ് വന്‍കിട കമ്പനിയായ നെസ്‌ലെയുടെ ഉല്‍പ്പന്നമായ മഞ്ചിന്റെ പരസ്യത്തില്‍ അഭിനായിക്കാന്‍ പ്രിയ വാര്യര്‍ക്ക് അവസരം ലഭിച്ചത്. വിവിധ ഭാഷകളിലായി പുറത്തുവന്ന ചിത്രത്തിന് 20 ലക്ഷം രൂപയാണ് പ്രിയ പ്രതിഫലമായി ഈടാക്കിയത്. എന്നാല്‍ ഇത്രയും വലിയ തുക പ്രതിഫലം വാങ്ങിയിട്ടും നിര്‍മാതാക്കള്‍ പ്രതീക്ഷിച്ച ഫലമുണ്ടായില്ലെന്ന് മാത്രമല്ല സോഷ്യല്‍ മീഡിയയില്‍ പരസ്യത്തിന് വന്‍ ട്രോളും ഏല്‍കേണ്ടി വന്നു.

ഒവര്‍ ലുലു സംവിധാനം നിര്‍വഹിക്കുന്ന ‘ഒരു അഡാറ് ലൗ’ എന്ന പുറത്തിറങ്ങാനിരിക്കുന്ന ചിത്രത്തിലെ ‘മാണിക്യമലരായ പൂവി’ എന്ന ഗാന രംഗത്തിലെ കണ്ണിറുക്കലിലൂടെയാണ് പ്രിയ പ്രശസ്തയാകുന്നത്. ഏറ്റവും കൂടുതല്‍ ആളുകള്‍ കണ്ട ഗാനങ്ങളിലൊന്നായി മാണിക്യമലരായ പൂവി എന്ന മാറിയതോടെ ലോകത്തിന്റെ ശ്രദ്ധ നേടുകയായിരുന്നു നടി പ്രിയാ വാര്യര്‍.

Watch Video: 

ഇപ്പോള്‍ അഡാര്‍ ലവിലാണ് അഭിയനിച്ചുകൊണ്ടിരിക്കുന്നതെന്ന് പ്രിയ വാര്യര്‍ പറഞ്ഞു. മറ്റൊരു സിനിമയിലും കമ്മിറ്റ് ചെയ്തിട്ടില്ല. ഓഫറുകള്‍ വന്നുവെന്നതെല്ലാം ഫേക്ക് ന്യൂസാണെന്നും പ്രിയ വ്യക്തമാക്കി. വാര്‍ത്തകള്‍ കണ്ട് ബന്ധുക്കള്‍ പോലും വിളിച്ച് അന്വേഷിക്കുന്നുണ്ട്. ഒരു അഡാറ് ലവിന്റെ ഷൂട്ടിലാണ് ഇപ്പോള്‍. മറ്റെല്ലാ വാര്‍ത്തകളും അടിസ്ഥാന രഹിതമാണെന്നും പ്രിയ വാര്യര്‍ പറയുന്നു. ഇതുവരെ അത്തരം ഓഫറുകളൊന്നും ലഭിച്ചിട്ടില്ലെന്നും അങ്ങനെ വന്നാല്‍ അപ്പോള്‍ ആലോചിക്കുമെന്നും പ്രിയാവാര്യര്‍ വ്യക്തമാക്കി.

റണ്‍വീര്‍ സിങ്ങിന്റെ പുതിയ ചിത്രമായ സിംബയില്‍ നായിക കഥാപാത്രം പ്രിയ വാര്യറാണ് ചെയ്യുന്നതെന്നാണ് വാര്‍ത്തയുണ്ടായിരുന്നത്. ഒരു ദേശീയ പത്രത്തിന്റെ ഓണ്‍ലൈന്‍ പോര്‍ട്ടലിലാണ് വാര്‍ത്ത ആദ്യം പ്രത്യക്ഷപ്പെട്ടത്. പിന്നീട് ഇതിനെ ഉദ്ധരിച്ച് ചില മലയാളം പോര്‍ട്ടലുകളും വാര്‍ത്തയുമായെത്തി. ഈ വാര്‍ത്തകള്‍ക്ക് വിശദീകരണം നല്‍കിയിരിക്കുകയാണ് പ്രിയവാര്യറിപ്പോള്‍.

മനോഹരമായ ഈണത്തില്‍ ഉച്ചാരണശുദ്ധിയോടെ പാടുന്ന ബാലന്റെ വിഡിയോ പാട്ടിനു സംഗീതം നല്‍കിയ ഷാന്‍ റഹ്മാനാണ് തന്റെ ഫേസ്ബുക്ക് പേജില്‍ ഷെയര്‍ ഇത് ചെയ്തത്.

പോസ്റ്റിന്റെ പൂര്‍ണ്ണരൂപം:

നമുക്ക് വേണ്ടത് മാണിക്യ
മലരോ അതോ
മനുഷ്യകുരുതിയോ?

ഒരു സിനിമയിലെ പാട്ട് ആവിഷ്‌കാര സ്വാതന്ത്ര്യത്തിന്റെ പ്രശ്‌നമാണെന്നും അതിനെതിരെയുള്ള അസഹിഷ്ണുതക്കെതിരെ തങ്ങള്‍ക്കില്ലാത്ത പല്ലും നഖവും ഉപയോഗിച്ച് എതിര്‍ക്കുമെന്നും പ്രഖ്യാപിക്കുന്ന പോലീസ് മന്ത്രി കൂടിയായ മുഖ്യമന്ത്രി കണ്ണൂരിലെ
സുഹൈബ് എന്ന ചെറുപ്പക്കാരനെ നടുറോഡിലിട്ട് വെട്ടിക്കൊലപ്പെടുത്തിയ അക്രമികളെ ദിവസങ്ങള്‍ കഴിഞ്ഞിട്ടും പിടിക്കാതിരിക്കുന്നതിലൂടെ
കൊലയാളികള്‍ക്കും
ആവിഷ്‌കാര സ്വാതന്ത്ര്യം ഉണ്ടെന്ന്
സമ്മതിക്കുകയാണോ?

പാട്ടിനെതിരെ ഹൈദരാബാദിലെ ഒരു കൂട്ടം യുവാക്കളാണ് പരാതിയുമായി രംഗത്തെത്തിയത്. പാട്ടില്‍ പ്രവാചകനിന്ദ ഉണ്ടെന്നായിരുന്നു അവരുടെ ആരോപണം. അതിനിടെ, ഗാനം പിന്‍വലിക്കുകയാണെന്ന് സംവിധായകന്‍ ഒമറും പറഞ്ഞു. എന്നാല്‍ പിന്‍വലിക്കില്ലെന്ന് പിന്നീട് വ്യക്തമാക്കുകയും ചെയ്തു. ചിത്രത്തിലെ മാണിക്യമലരായ പൂവി…. എന്ന ഗാനം പ്രവാചകനെ നിന്ദിക്കുന്ന തരത്തിലുള്ള പരാമര്‍ശങ്ങള്‍ അടങ്ങിയതാണെന്ന് യുവാക്കള്‍ പൊലീസിന് നല്‍കിയ പരാതിയില്‍ പറയുന്നു. ഗാനം ഇംഗ്ലീഷിലേക്ക് തര്‍ജ്ജമ ചെയ്തപ്പോള്‍ ഇതിലെ പ്രവാചക വിരുദ്ധത വ്യക്തമായെന്നും ഇവരുടെ പരാതിയില്‍ പറയുന്നുണ്ട്.

പോസ്റ്റിന്റെ പൂര്‍ണ്ണരൂപം:

ഒമര്‍ ലുലു സംവിധാനം ചെയ്യുന്ന ‘അഡാര്‍ ലവ്’ എന്ന സിനിമയിലെ ‘മാണിക്യമലരായ പൂവി’ എന്ന ഗാനവും അതിന്റെ ദൃശ്യാവിഷ്‌കാരവും വലിയ വിവാദവും ചര്‍ച്ചയും ഉയര്‍്ത്തിയിരിക്കയാണല്ലോ. അതിനിടയില്‍ ഈ മാപ്പിളപ്പാട്ടിനെതിരെ ഹൈദരാബാദില്‍ ഒരു വിഭാഗം മുസ്ലീം മതമൗലികവാദികള്‍ രംഗത്തുവന്നിരിക്കയാണ്. പ്രവാചകനായ മുഹമ്മദ് നബിയെ നിന്ദിക്കുന്നതാണ് ഗാനം എന്നാരോപിച്ച് അതില്‍ കുറച്ചുപേര്‍ ഹൈദരാബാദിലെ ഒരു പൊലീസ് സ്‌റ്റേഷനില്‍ പരാതിയും നല്‍കിയതായി മനസ്സിലാക്കുന്നു. ഇതൊന്നും യാദൃച്ഛികമായി കാണാനാകില്ല. സ്വതന്ത്രമായ കലാവിഷ്‌കാരത്തോടും ചിന്തയോടുമുളള അസഹിഷ്ണുതയാണിത്. അസഹിഷ്ണുത ഏതു ഭാഗത്തുനിന്നായാലും അംഗീകരിക്കാന്‍ പറ്റില്ല. ഇക്കാര്യത്തില്‍ ഹിന്ദുവര്‍ഗ്ഗീയവാദികളും മുസ്ലീം വര്‍ഗ്ഗീയ വാദികളും തമ്മില്‍ ഒത്തുകളിക്കുന്നുണ്ടോ എന്ന് ആരെങ്കിലും സംശയിച്ചാല്‍ അവരെ കുറ്റപ്പെടുത്താന്‍ കഴിയില്ല.

പി.എം.എ ജബ്ബാര്‍ എഴുതിയ ഈ പാട്ട് തലശ്ശേരി റഫീഖിന്റെ ശബ്ദത്തില്‍ 1978ല്‍ ആകാശവാണി സംപ്രേഷണം ചെയ്തിരുന്നു. എന്നാല്‍ പ്രസിദ്ധ മാപ്പിളപ്പാട്ട് ഗായകന്‍ എരഞ്ഞോളി മൂസയാണ് ഈ പാട്ടിന് വലിയ പ്രചാരം നല്‍കിയത്. ‘മാണിക്യമലര്‍’ പതിറ്റാണ്ടുകളായി മുസ്ലീം വീടുകളില്‍, വിശേഷിച്ച് കല്യാണവേളയില്‍ പാടി വരുന്നുണ്ട്. നല്ല മാപ്പിളപ്പാട്ടുകളില്‍ ഒന്നാണിതെന്ന് പാട്ട് ശ്രദ്ധിച്ചവര്‍ക്കറിയാം. മുഹമ്മദ് നബിയുടെ സ്‌നേഹവും ഖദീജാബീവിയുമായുളള വിവാഹവുമാണ് പാട്ടിലുളളത്. മതമൗലികവാദികള്‍ക്ക് അവര്‍ ഏതു വിഭാഗത്തില്‍ പെട്ടവരായാലും, എല്ലാതരം കലാവിഷ്‌കാരത്തെയും വെറുക്കുന്നു എന്ന വസ്തുതയാണ് ഈ വിവാദവും നമ്മെ ഓര്‍മിപ്പിക്കുന്നത്. കലകളിലൂടെയും സാഹിത്യത്തിലൂടെയും മനുഷ്യനു ലഭിക്കുന്ന സന്തോഷവും വിജ്ഞാനവും അവര്‍ക്ക് സഹിക്കാന്‍ കഴിയില്ല. മതമൗലികവാദത്തിനും വര്‍ഗീയവാദത്തിനും എതിരായ ശക്തമായ ആയുധമാണ് കലയും സാഹിത്യവും. ആ നിലയില്‍ കലയും സാഹിത്യവും ഉപയോഗിക്കുന്നവര്‍ക്കൊപ്പമാണ് നാം നിലകൊള്ളേണ്ടത്.

അതേസമയം, മതവികാരം വ്രണപ്പെടുത്തിയെന്നാരോപിച്ച് പരാതി. തെലങ്കാനയില്‍ ഒരു സംഘം മുസ്ലീം യുവാക്കള്‍ ചിത്രത്തിലെ നായിക പ്രിയ പ്രകാശ് വാര്യര്‍ക്കെതിരെ ഹൈദരാബാദ് പൊലീസില്‍ പരാതി നല്‍കി.

ചിത്രത്തിലെ മാണിക്യമലരായ പൂവി എന്ന ഗാനം അടുത്തിടെയാണ് റിലീസ് ചെയ്തത്. യു ട്യൂബിലടക്കം മണിക്കൂറുകള്‍ക്കുള്ളില്‍ ഹിറ്റായ ഗാനം പ്രവാചകനെ നിന്ദിക്കുന്ന തരത്തിലുള്ള പരാമര്‍ശങ്ങള്‍ അടങ്ങിയതാണെന്നാണ് ഉയര്‍ന്നുവന്ന ആരോപണം. ഇത് ചൂണ്ടിക്കാണിച്ച് യുവാക്കള്‍ പൊലീസിന് പരാതി നല്‍കുകയായിരുന്നു. ഗാനം ഇംഗ്ലീഷിലേക്ക് തര്‍ജ്ജമ ചെയ്തപ്പോള്‍ പ്രവാചക വിരുദ്ധത വ്യക്തമായെന്നും പരാതിയില്‍ പറയുന്നു.

ചിത്രത്തിലെ മാണിക്യമലരായ പൂവി എന്ന ഗാനം അടുത്തിടെയാണ് റിലീസ് ചെയ്തത്. യു ട്യൂബിലടക്കം മണിക്കൂറുകള്‍ക്കുള്ളില്‍ ഹിറ്റായ ഗാനം പ്രവാചകനെ നിന്ദിക്കുന്ന തരത്തിലുള്ള പരാമര്‍ശങ്ങള്‍ അടങ്ങിയതാണെന്നാണ് ഉയര്‍ന്നുവന്ന ആരോപണം. ഇത് ചൂണ്ടിക്കാണിച്ച് യുവാക്കള്‍ പൊലീസിന് പരാതി നല്‍കി. ഗാനം ഇംഗ്ലീഷിലേക്ക് തര്‍ജ്ജമ ചെയ്തപ്പോള്‍ പ്രവാചക വിരുദ്ധത വ്യക്തമായെന്നും പരാതിയില്‍ പറയുന്നു.

അതേസമയം, പരാതി ലഭിച്ച കാര്യം ഹൈദരാബാദ് പൊലീസ് സ്ഥിരീകരിച്ചു. എന്നാല്‍ ഇക്കാര്യത്തില്‍ തുടര്‍ നടപടികളൊന്നും എടുത്തിട്ടില്ലെന്ന് പൊലീസ് വ്യക്തമാക്കി. പരാതിക്കാര്‍ ഇതുവരെ വീഡിയോയോ മറ്റു തെളിവുകളോ ഹാജരാക്കിയിട്ടില്ലെന്നും അതിനാല്‍ തന്നെ പരാതിയില്‍ എഫ്.ഐ.ആറും ഇട്ടിട്ടില്ലെന്നും പൊലീസ് പറഞ്ഞു.