മനോഹര്‍ പരീക്കറിന്റെ മരണത്തിന് പിന്നാലെ ഗോവയില്‍ രാഷ്ട്രീയ അനിശ്ചിതത്വം ഉണ്ടായ സാഹചര്യത്തില്‍ പാര്‍ട്ടി വിടുമെന്ന് ഗോമന്തക് പാര്‍ട്ടി പറഞ്ഞിരുന്നു. പരീക്കറിനാണ് പിന്തുണ നല്‍കിയിരുന്നതെന്നും ബി.ജെ.പിക്കല്ലെന്നുമായിരുന്നു സംസ്ഥാന അധ്യക്ഷന്റെ പ്രതികരണം. എന്നാല്‍, പ്രമോദ് സാവന്ത് അര്‍ധ രാത്രിയില്‍ ഗോവ മുഖ്യമന്ത്രിയായി സത്യപ്രതിജ്ഞ ചെയ്തതിന് പിന്നാലെ ഗോവയില്‍ മറ്റൊരു അര്‍ധ രാത്രിയിലും രാഷ്ട്രീയ വഴിത്തിരിവ് ഉണ്ടായിരിക്കുകയാണ്. മനോഹര്‍ അജ്‌ഗോന്‍കര്‍, ദീപക് പവാസ്‌കര്‍ എന്നിവരാണ് ബിജെപിയില്‍ ലയിക്കുകയാണെന്ന് വ്യക്തമാക്കി സ്പീക്കര്‍ മൈക്കള്‍ ലാബോക്ക് കത്ത് നല്‍കിയത്. ബുധനാഴ്ച്ച പുലര്‍ച്ചെ ഒരു മണിയോടെയാണ് എജിപി എംഎല്‍എമാര്‍ ലയനം പ്രഖ്യാപിച്ചത്.

മനോഹര്‍ നിലവില്‍ ഗോവയിലെ ടൂറിസം വകുപ്പ് മന്ത്രിയാണ്. എംജിപിയുടെ മൂന്നാമത്തെ എംഎല്‍എ ആയ സുധിന്‍ ദവാലികര്‍ കത്തില്‍ ഒപ്പുവച്ചിട്ടില്ല. ഗോവയിലെ ഉപമുഖ്യമന്ത്രിയാണ് ദവാലികര്‍. മൂന്നില്‍ രണ്ട് എംഎല്‍എമാരും കൂറുമാറിയതിനാല്‍ കൂറുമാറ്റ നിരോധന നിയമം ഇവര്‍ക്കെതിരെ നിലനില്‍ക്കില്ല.

നാടകീയതകള്‍ക്കൊടുവില്‍ ഇന്നലെ പുലര്‍ച്ചെയാണ് ഗോവയില്‍ ഡോ.പ്രമോദ് സാവന്ത് മുഖ്യമന്ത്രിയായി സത്യപ്രതിജ്ഞ ചെയ്തത്. അന്തരിച്ച മുഖ്യമന്ത്രി മനോഹര്‍ പരീക്കറുടെ ശിഷ്യനാണ് പ്രമോദ് സാവന്ത്. ദിവസം മുഴുവന്‍ നീണ്ട ചര്‍ച്ചകള്‍ക്കൊടുവില്‍ തികച്ചു നാടകീയമായിരുന്നു സത്യപ്രതിജ്ഞാ ചടങ്ങുകള്‍. മുഖ്യമന്ത്രിയെ കൂടാതെ 11 അംഗ മന്ത്രിസഭയും ചുമതലയേറ്റു. .പ്രമോദ് സാവന്തിനെ തീരുമാനിച്ചതിന് ശേഷവും തുടര്‍ന്ന ഘടക കക്ഷികളുടെ അവകാശവാദങ്ങളാണ് നടപടികള്‍ വൈകിപ്പിച്ചത്. കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ നടന്ന മാരത്തണ്‍ ചര്‍ച്ചകള്‍ക്കൊടുവിലാണ് പ്രമോദ് സാവന്തിന്റെ നേതൃത്വത്തില്‍ മന്ത്രിസഭ രൂപീകരിക്കാനുള്ള തീരുമാനം.

അതേസമയം, 14 എം എല്‍ എമാരുള്ള കോണ്‍ഗ്രസ് സഭയില്‍ കരുത്ത് തെളിയിക്കുമെന്ന് അവകാശപ്പെട്ടു. നേരത്തെ സര്‍ക്കാര്‍ രൂപീകരിക്കാന്‍ അവകാശവാദവുമായി കോണ്‍ഗ്രസ് ഗവര്‍ണര്‍ക്ക് കത്ത് നല്‍കിയിരുന്നു.

Goa: 11 leaders, including Sudin Dhavalikar of Maharashtrawadi Gomantak Party and Vijai Sardesai of Goa Forward Party, also take oath at the Raj Bhavan as cabinet ministers. pic.twitter.com/TQzT6WaasO

— ANI (@ANI) March 18, 2019

കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ രാത്രി വൈകിയും തുടര്‍ന്ന മാരത്തണ്‍ ചര്‍ച്ചകള്‍ക്കൊടുവിലാണ് പ്രമോദ് സാവന്തിന്റെ നേതൃത്വത്തില്‍ മന്ത്രിസഭ രൂപീകരിക്കാനുള്ള തീരുമാനം. രാത്രി 11ന് പുതിയ മുഖ്യമന്ത്രിയായി സ്പീക്കര്‍ പ്രമോദ് സാവന്ത് സത്യപ്രതിജ്ഞ ചെയ്യുമെന്നായിരുന്നു നേരത്തെയുള്ള വിവരം.

എന്നാല്‍ ഇതു റദ്ദാക്കിയതായും ഇന്ന് രാത്രി സത്യപ്രതിജ്ഞ നടക്കില്ലെന്നും ഡെപ്യൂട്ടി സ്പീക്കര്‍ മൈക്കിള്‍ ലോബോ പറഞ്ഞതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ആശങ്കകളുടെ മണിക്കൂറുകള്‍്‌ക്കൊടുവില്‍ രണ്ട് ഘടകകക്ഷികള്‍ക്ക് ഉപമുഖ്യമന്ത്രി സ്ഥാനം നല്‍കി പ്രശ്‌നം പരിഹരിച്ചതായും പ്രമോദ് സാവന്തിനെ തന്നെ മുഖ്യമന്ത്രിയാക്കാന്‍ തീരുമാനമായതായും വാര്‍ത്തകള്‍ വന്നു.

ഗോവയില്‍ ഞങ്ങള്‍ പിന്തുണച്ചത് പരീക്കറിനെയായിരുന്നുവെന്നും അല്ലാതെ ബി.ജെ.പിയെയായിരുന്നില്ലെന്ന് വിജയ് സര്‍ദേശായി പറഞ്ഞു. പക്ഷേ പരീക്കര്‍ ഇന്നില്ല. അതുകൊണ്ട് തന്നെ പാര്‍ട്ടിയെ ഇനി പന്തുണക്കണോ എന്ന കാര്യം ആലോചിക്കേണ്ടതുണ്ട്. ഓപ്ഷനുകള്‍ തുറന്നിരിക്കുകയാണ്. ഗോവയില്‍ നമുക്ക് സ്ഥിരത ആവശ്യമുണ്ട്. ഒരു പിരിച്ചുവിടല്‍ ഞങ്ങള്‍ ആഗ്രഹിക്കുന്നില്ല. ബി.ജെ.പിയുടെ നിയമസഭാ സമാജികരുടെ യോഗത്തിന് ശേഷമുള്ള തീരുമാനങ്ങള്‍ക്കായി കാത്തിരിക്കുകയാണെന്നും അതിന് ശേഷം തീരുമാനം പറയുമെന്നും അദ്ദേഹം കൂട്ടിച്ചേര്‍ത്തു.

40 എം.എല്‍.എമാരുള്ള അസംബ്ലിയില്‍ ഗോവ ഫോര്‍വേഡ് പാര്‍ട്ടിക്ക് മൂന്ന് അംഗങ്ങളാണ് ഉള്ളത്. ഗോവയില്‍ ആര്‍ക്ക് സര്‍ക്കാരുണ്ടാക്കണമെങ്കിലും ഗോവ ഫോര്‍വേഡ് പാര്‍ട്ടിയുടെ പിന്തുണ അനിവാര്യമാണ്. അതേസമയം, അടുത്ത മുഖ്യമന്ത്രിയെ കണ്ടെത്തുന്നതിന് ബി.ജെ.പി കേന്ദ്രനേതാക്കള്‍ നടത്തുന്ന ചര്‍ച്ചകള്‍ തുടരുകയാണ്. ഇന്നലെ രാത്രിവരെ ചര്‍ച്ച നീണ്ടുവെങ്കിലും തീരുമാനമായിട്ടില്ല.

ഗോവയില്‍ സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് പ്രതിപക്ഷനേതാവ് ചന്ദ്രകാന്ത് കവേല്‍ക്കര്‍ ഗവര്‍ണര്‍ മൃദുല സിന്‍ഹക്ക് കത്തയച്ചിട്ടുണ്ട്. ബി.ജെ.പി സര്‍ക്കാറിനെ പിരിച്ചുവിടണമെന്നും കത്തില്‍ ആവശ്യപ്പെട്ടിരുന്നു.

നിലവില്‍ കോണ്‍ഗ്രസിന് 14 എം.എല്‍.എമാരുടെ പിന്തുണയാണുള്ളത്. ബി.ജെ.പിക്ക് 13 എം.എല്‍.എമാരാണുള്ളത്. ഗോവ ഫോര്‍വേഡ് പാര്‍ട്ടി, എം.ജി.പി പാര്‍ട്ടികളും ഒരു സ്വതന്ത്രനും എന്‍.സി.പി അംഗവും ബി.ജെ.പിയെ പിന്തുണക്കുന്നു.

ഏറ്റവും വലിയ ഒറ്റകക്ഷിയായ കോണ്‍ഗ്രസിനെ രാഷ്ട്രീയ കുതിരക്കച്ചവടത്തിലൂടെ മറികടന്നാണ് ബി.ജെ.പി ഗോവയില്‍ സര്‍ക്കാര്‍ രൂപീകരിച്ചത്. പ്രതിരോധമന്ത്രിയായിരുന്ന മനോഹര്‍ പരീക്കറെ തിരിച്ചുകൊണ്ടുവന്നാണ് മറ്റ് കക്ഷികളുടെ പിന്തുണ ഉറപ്പാക്കിയത്.

പരീക്കറുടെ വിയോഗത്തില്‍ താന്‍ അതീവദു:ഖിതനാണെന്ന് കോണ്‍ഗ്രസ് അധ്യക്ഷന്‍ രാഹുല്‍ഗാന്ധി പറഞ്ഞു. രാഷ്ട്രീയത്തിനപ്പുറത്ത് ബഹുമാനിക്കുന്ന നേതാവാണ് പരീക്കറെന്നും അദ്ദേഹത്തിന്റെ കുടുംബത്തിന്റെ ദു:ഖത്തില്‍ പങ്കുചേരുന്നുവെന്നും രാഹുല്‍ഗാന്ധി പറഞ്ഞു. ഒരിക്കല്‍ മാത്രമേ പരീക്കറെ നേരിട്ട് കണ്ടിട്ടുള്ളൂവെന്നും അദ്ദേഹത്തിന്റെ വിയോഗത്തില്‍ അനുശോചനം രേഖപ്പെടുത്തുന്നതായും പ്രിയങ്കഗാന്ധിയും അറിയിച്ചു. പരീക്കറുടെ വിയോഗത്തില്‍ അനുശോചനം രേഖപ്പെടുത്തുന്നതായി രാഷ്ട്രപതി രാംനാഥ് ഗോവിന്ദും ട്വീറ്റ് ചെയ്തു.

പാന്‍ക്രിയാസില്‍ കാന്‍സര്‍ ബാധിതനായ പരീക്കറുടെ ആരോഗ്യനില വളരെ മോശമായതിനെ തുടര്‍ന്ന് ഇന്നലെയാണ് മരണം സംഭവിച്ചത്. പനാജിയിലെ വസതിയിലായിരുന്നു അന്ത്യം. മൂന്ന് വട്ടം ഗോവ മുഖ്യമന്ത്രിയായിട്ടുണ്ട് (200005, 201214, 20172019) മനോഹര്‍ പരീക്കര്‍.
2014 മുതല്‍ മൂന്ന് വര്‍ഷം മോദി മന്ത്രിസഭയില്‍ പ്രതിരോധ മന്ത്രിയായിരുന്നു.

പരീക്കറുടെ ആരോഗ്യസ്ഥിതി ഗുരുതരാവസ്ഥയിലെന്ന റിപ്പോര്‍ട്ട് പുറത്തുവിട്ടതോടെ് ഗോവയില്‍ പരീക്കറിനു പകരക്കാരനെ കണ്ടെത്തുമെന്ന് ഡെപ്യൂട്ടി സ്പീക്കര്‍ മൈക്കള്‍ ലോബോ മാധ്യമങ്ങളോട് അറിയിച്ചിരുന്നു. സര്‍ക്കാര്‍ രൂപീകരണത്തിന് തിരക്കിട്ട ചര്‍ച്ചകളും ബി.ജെ.പിയും നടത്തിയിരുന്നു. അതിനിടയിലാണ് മരണം സംഭവിച്ചത്.

മനോഹര്‍ പരീക്കറിനു പകരക്കാരനെ കണ്ടെത്തുമെന്നും മൈക്കള്‍ ലോബോ പറഞ്ഞു. ഇതിനായി ബി.ജെ.പി നേതാക്കള്‍ യോഗം ചേരുന്നുണ്ട്. ബി.ജെ.പി ദേശീയ നേതാക്കള്‍ചേരുന്ന യോഗത്തില്‍ അടുത്ത മുഖ്യമന്ത്രിയെ തീരുമാനിക്കും. ഘടകകക്ഷികളുമായും ഇവര്‍ ചര്‍ച്ച ചെയ്യും. അതേസമയം, കോണ്‍ഗ്രസ് സര്‍ക്കാര്‍ രൂപീകരിക്കാനുള്ള നീക്കം ശക്തമാക്കിയതോടെ ബി.ജെ.പി കേന്ദ്രങ്ങള്‍ ആശങ്കയിലാണ്. എം.എല്‍.എമാരോട് സംസ്ഥാനം വിട്ടുപോവരുതെന്ന് കര്‍ശന നിര്‍ദേശം നല്‍കിയിട്ടുമുണ്ട്.

അതേസമയം, ഗോവയില്‍ സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് പ്രതിപക്ഷനേതാവ് ചന്ദ്രകാന്ത് കവേല്‍ക്കര്‍ ഗവര്‍ണര്‍ മൃദുല സിന്‍ഹക്ക് കത്തയച്ചിട്ടുണ്ട്. ബി.ജെ.പി സര്‍ക്കാറിനെ പിരിച്ചുവിടണമെന്ന് കത്തില്‍ ആവശ്യപ്പെട്ടു.

നിലവില്‍ കോണ്‍ഗ്രസിന് 14 എം.എല്‍.എമാരുടെ പിന്തുണയാണുള്ളത്. ബി.ജെ.പിക്ക് 13 എം.എല്‍.എമാരാണുള്ളത്. രണ്ട് അംഗങ്ങളുള്ള ഗോവ ഫോര്‍വേഡ് പാര്‍ട്ടി, എം.ജി.പി പാര്‍ട്ടികളും ഒരു സ്വതന്ത്രനും എന്‍.സി.പി അംഗവും ബി.ജെ.പിയെ പിന്തുണക്കുന്നു.

ഏറ്റവും വലിയ ഒറ്റകക്ഷിയായ കോണ്‍ഗ്രസിനെ രാഷ്ട്രീയ കുതിരക്കച്ചവടത്തിലൂടെ മറികടന്നാണ് ബി.ജെ.പി ഗോവയില്‍ സര്‍ക്കാര്‍ രൂപീകരിച്ചത്. പ്രതിരോധമന്ത്രിയായിരുന്ന മനോഹര്‍ പരീക്കറെ തിരിച്ചുകൊണ്ടുവന്നാണ് മറ്റ് കക്ഷികളുടെ പിന്തുണ ഉറപ്പാക്കിയത്.

പരീക്കര്‍ കാന്‍സര്‍ ബാധിതനായതോടെയാണ് കാര്യങ്ങള്‍ കീഴ്‌മേല്‍ മറിഞ്ഞത്. പരീക്കര്‍ അല്ലാത്ത മറ്റൊരു ബി.ജെ.പി നേതാവിനെ അംഗീകരിക്കാന്‍ ഘടകകക്ഷികള്‍ തയ്യാറല്ല. ഒപ്പം കോണ്‍ഗ്രസ് കോടതിയെ സമീപിച്ചാല്‍ തിരിച്ചടി കിട്ടിയേക്കുമെന്ന ഭയവും ബി.ജെ.പിക്കുണ്ട്. അതുകൊണ്ട് ആരോഗ്യനില അതീവ ഗുരുരതമായി തുടരുമ്പോഴും പരീക്കറെ മാറാന്‍ അനുവദിക്കാതെ അധികാരത്തില്‍ തുടരുകയായിരുന്നു ബി.ജെ.പി.

അതേസമയം, ചികിത്സക്കായി പരീക്കര്‍ കുറച്ചുദിവസം എയിംസിലെ ആസ്പത്രിയില്‍ ചികിത്സയിലുണ്ടാകുമെന്ന് ആസ്പത്രി അധികൃതര്‍ അറിയിച്ചു. കഴിഞ്ഞ ഫെബ്രുവരിയിലാണ് പരീക്കറിന് അര്‍ബുദരോഗബാധ സ്ഥിരീകരിച്ചത്. പിന്നീട് അമേരിക്കയില്‍ ചികിത്സ തേടിയ ശേഷം ഗോവയില്‍ തിരിച്ചെത്തിയിരുന്നു. കഴിഞ്ഞ ദിവസം നിയമസഭയിലെത്തി ബജറ്റ് അവതരിപ്പിച്ചതിനു പിന്നാലെയാണ് അദ്ദേഹത്തെ വീണ്ടും ആസ്പത്രിയില്‍ പ്രവേശിപ്പിച്ചത്.

കോണ്‍ഗ്രസ് അധ്യക്ഷന്‍ രാഹുല്‍ഗാന്ധി കഴിഞ്ഞ ദിവസം അദ്ദേഹത്തെ നിയമസഭാ മന്ദിരത്തിലെത്തി മനോഹര്‍ പരീക്കറെ സന്ദര്‍ശിച്ചിരുന്നു. അതിനു പിറ്റേന്ന് കൂടിക്കാഴ്ച്ചയിലെ വിവരങ്ങള്‍ പുറത്തുവിട്ടുവെന്ന രീതിയില്‍ വിമര്‍ശനങ്ങളുമായി പരീക്കര്‍ രംഗത്തുവന്നു. എന്നാല്‍ ആത്മാര്‍ത്ഥമായാണ് സന്ദര്‍ശനം നടത്തിയതെന്നും കൂടിക്കാഴ്ച്ചയിലെ വിവരങ്ങള്‍ പുറത്തുവിട്ടിട്ടില്ലെന്നും രാഹുല്‍ഗാന്ധി വ്യക്തമാക്കുകയും ചെയ്തു.

സന്ദര്‍ശനം രാഹുല്‍ വിലകുറഞ്ഞ രാഷ്ട്രീയ നേട്ടത്തിനായി ഉപയോഗിക്കുന്നു. റാഫേല്‍ ഇടപാടിനെക്കുറിച്ച് തെറ്റായ വിവരങ്ങളാണ് പ്രചരിപ്പിക്കുന്നത്. ഇടപാടിനെ കുറിച്ച് ഞങ്ങളൊന്നും സംസാരിച്ചില്ലെന്നായിരുന്നു പരീക്കര്‍ പറഞ്ഞത്. എന്നാല്‍ നിലവില്‍ ജനങ്ങള്‍ക്ക് അറിയുന്ന കാര്യങ്ങള്‍ മാത്രമാണ് താന്‍ കഴിഞ്ഞ ദിവസം പ്രസംഗത്തില്‍ പറഞ്ഞതെന്നും സൗഖ്യം നേരാന്‍ മാത്രമാണ് താന്‍ സന്ദര്‍ശനം നടത്തിയതെന്നും രാഹുല്‍ പറഞ്ഞു. സാമൂഹ്യമാധ്യമത്തിലെഴുതിയ തുറന്നകത്തിലാണ് രാഹുലിന്റെ മറുപടി.

‘നിങ്ങള്‍ എനിക്കൊരു കത്ത് എഴുതി എന്ന് അറിഞ്ഞതില്‍ ഞാന്‍ നിരാശനാണ്. പക്ഷേ അത് മാധ്യമങ്ങള്‍ക്ക് ചോര്‍ത്തി നല്‍കും മുമ്പ് എനിക്ക് വായിക്കാന്‍ അവസരം നല്‍കണമായിരുന്നു. ആത്മാര്‍ത്ഥമായാണ് അസുഖബാധിതനായ നിങ്ങളെ ഞാന്‍ സന്ദര്‍ശിച്ചത്. അമേരിക്കയില്‍ നിങ്ങള്‍ ചിക്തിസയില്‍ കഴിയുമ്പോള്‍ ഞാന്‍ വിളിച്ചത് ഓര്‍ത്താല്‍ നിങ്ങള്‍ക്ക് അത് മനസ്സിലാകും,’ രാഹുല്‍ പറഞ്ഞു.

‘ജനങ്ങളാല്‍ തിരഞ്ഞെടുത്ത പ്രതിനിധി ആണ് ഞാന്‍. അത് കൊണ്ട് തന്നെ റഫേലില്‍ പ്രധാനമന്ത്രി നടത്തിയെ അഴിമതിക്കെതിരെ എനിക്ക് ശബ്ദം ഉയര്‍ത്തണം. നിങ്ങളെ ഇന്നലെ കണ്ടപ്പോഴുളള വിവരങ്ങളൊന്നും ഞാന്‍ എവിടെയും പറഞ്ഞിട്ടില്ല. നിങ്ങളെ കണ്ടതിന് ശേഷം ഞാന്‍ രണ്ട് പ്രസംഗങ്ങളാണ് നടത്തിയത്. ഈ രണ്ട് പ്രസംഗങ്ങളിലും ഇപ്പോള്‍ പൊതുസമൂഹത്തിന് അറിവുളള കാര്യങ്ങളാണ് സംസാരിച്ചത്. 2015 ഏപ്രിലില്‍ മോദി ഫ്രാന്‍സില്‍ റഫേല്‍ ഇടപാട് പ്രഖ്യാപിക്കുമ്പോള്‍ നിങ്ങള്‍ ഗോവയില്‍ ഒരു മത്സ്യ മാര്‍ക്കറ്റ് ഉദ്ഘാടനം ചെയ്യുകയായിരുന്നുവെന്നത് വസ്തുതയാണ്. പ്രധാനമന്ത്രി നടത്തിയ പുതിയ ഇടപാടില്‍ താന്‍ പങ്കാളിയായിരുന്നില്ലെന്ന് നേരത്തേ താങ്കള്‍ മാധ്യമങ്ങളോട് പറഞ്ഞിട്ടുമുണ്ട്. എല്ലാ മാധ്യമങ്ങളിലും അത് റിപ്പോര്‍ട്ട് ചെയ്യപ്പെട്ടിട്ടുണ്ട്,’ രാഹുല്‍ ഗാന്ധി പറഞ്ഞു.

‘എന്നെ ആക്രമിച്ച് പ്രധാനമന്ത്രിയോടും കൂട്ടാളികളോടും കൂറുളളവനാണെന്ന് കാണിക്കേണ്ട അങ്ങയുടെ സമ്മര്‍ദ്ധം എനിക്ക് മനസ്സിലാകും. ഇത്തരം കാര്യങ്ങളോട് ഞാന്‍ പ്രതികരിക്കാറില്ല. പക്ഷെ നിങ്ങളുടെ ലീക്ക് ചെയ്ത കത്താണ് എന്ന കൊണ്ട് ഇത് പറയിച്ചത്. നിങ്ങളോട് ഇന്നലെ ആശംസിച്ചത് പോലെ തന്നെ സൗഖ്യം നേരുന്നു,’ രാഹുല്‍ ഗാന്ധി കൂട്ടിച്ചേര്‍ത്തു. കഴിഞ്ഞ ദിവസമാണ് രാഹുല്‍ ഗാന്ധി പരീക്കറിനെ സന്ദര്‍ശിച്ചത്. ‘പുതിയ റഫേല്‍ ഇടപാടില്‍’തനിക്ക് പങ്കില്ലെന്ന് പരീക്കര്‍ പറഞ്ഞതായി രാഹുല്‍ ഗാന്ധി കഴിഞ്ഞ ദിവസം കൊച്ചിയില്‍ പറഞ്ഞിരുന്നു. ഇത് നിഷേധിച്ചായിരുന്നു നേരത്തേ പരീക്കര്‍ രംഗത്തെത്തിയത്.

നിയമസഭാ മന്ദിരത്തില്‍ രാഹുലെത്തിയതില്‍ ഞങ്ങള്‍ വളരെ സന്തോഷവാന്‍മാരാണ്. രോഗബാധിതനായ ഞങ്ങളുടെ മുഖ്യമന്ത്രിയെ കാണാനെത്തിയ സംഭവം ഞങ്ങള്‍ക്ക് പ്രിയപ്പെട്ടതാണ്. എല്ലാ ഇന്ത്യക്കാരും രാഹുലിന്റെ ലാളിത്യത്തേയും വിനയത്തേയും ആദരിക്കണം. അദ്ദേഹത്തെപ്പോലെയുള്ള നേതാക്കളെയാണ് ഗോവക്കും രാജ്യത്തിനും ആവശ്യമെന്നും മൈക്കിള്‍ ലോബോ പറഞ്ഞു.

മുഖ്യമന്ത്രിയെ സന്ദര്‍ശിച്ച രാഹുല്‍ അദ്ദേഹത്തിന് പെട്ടെന്ന് തന്നെ രോഗശമനമുണ്ടാവട്ടെയെന്ന് ആശംസിച്ചുവെന്നും അദ്ദേഹത്തിന്റെ സന്ദര്‍ശത്തിന് നന്ദിയുണ്ടെന്നും മൈക്കിള്‍ കൂട്ടിച്ചേര്‍ത്തു.

ഗോവ മുഖ്യമന്ത്രി മനോഹര്‍ പരീക്കറിനെ കാണാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഇന്നലെ നിയമസഭാ മന്ദിരത്തില്‍ എത്തിയിരുന്നു. കോണ്‍ഗ്രസ് എം.എല്‍.എമാരുടെ യോഗത്തില്‍ പങ്കെടുക്കാന്‍ എത്തിയതായിരുന്നു രാഹുല്‍ ഗാന്ധി. റഫേല്‍ ഇടപാടില്‍ പരീക്കറിനെതിരെ വിമര്‍ശനം ഉയര്‍ത്തിയതിന് പിന്നാലെയായിരുന്നു കൂടിക്കാഴ്ച്ച.

പാന്‍ക്രിയാറ്റിക് രോഗത്തിന് വിദേശത്തെ ചികിത്സക്കുശേഷം ഇന്ത്യയില്‍ തിരിച്ചെത്തിയിരുന്നു പരീക്കര്‍. എന്നാല്‍ രോഗം മൂര്‍ച്ഛിച്ചതിനെ തുടര്‍ന്ന് മാസങ്ങള്‍ക്കുമുമ്പ് ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട ഓഫ് മെഡിക്കല്‍ സയന്‍സില്‍ പ്രവേശിപ്പിക്കുകയായിരുന്നു. ഇതിനിടെ പരീക്കറുടെ ആരോഗ്യസ്ഥിതി മോശം അവസ്ഥയിലാണെന്ന രീതിയിലുള്ള ഊഹാപോഹങ്ങള്‍ സാമൂഹ്യമാധ്യമങ്ങളിലൂടെ പ്രചരിക്കുകയായിരുന്നു. ഈ സാഹചര്യത്തിലാണ് ഔദ്യോഗിക പ്രതികരണം പ്രത്യക്ഷപ്പെട്ടിട്ടുള്ളത്.

ഡല്‍ഹിയിലെ ചികിത്സക്കുശേഷം സ്വകാര്യവസതിയില്‍ വിശ്രമത്തിലാണ് പരീക്കര്‍. നേരത്തെ, മനോഹര്‍ പരീക്കറെ മുഖ്യമന്ത്രി സ്ഥാനത്തുനിന്ന് മാറ്റണമെന്ന് ആവശ്യം ഉയര്‍ന്നുവരുന്നിരുന്നു. പരീക്കറെ മാറ്റണമെന്ന് കേന്ദ്രമന്ത്രിയാണ് ആവശ്യപ്പെട്ടത്. കേന്ദ്ര ആയുഷ് വകുപ്പ് മന്ത്രി ശ്രീപദ് നായിക്കാണ് ഈ ആവശ്യവുമായി രംഗത്തെത്തിയത്. മുഖ്യമന്ത്രി മനോഹര്‍ പരീക്കറുടെ ആരോഗ്യസ്ഥിതി നല്ല നിലയിലല്ല. സംസ്ഥാനത്ത് ഇന്നല്ലെങ്കില്‍ നാളെ പുതിയ നേതാവിനെ കണ്ടെത്തിയേ മതിയാകൂ എന്ന് ശ്രീപദ് നായിക് പറഞ്ഞു.

കഴിഞ്ഞ ദിവസം പാര്‍ട്ടിയിലെ പോര് വെളിപ്പെടുത്തി മുന്‍ മുഖ്യമന്ത്രി ലക്ഷ്മികാന്ത് പര്‍സേക്കറും രംഗത്തെത്തിയിരുന്നു. പാര്‍ട്ടി സംസ്ഥാന അധ്യക്ഷന്‍ വിനയ് ടെന്‍ഡൂല്‍ക്കറെ മാറ്റണമെന്നായിരുന്നു ലക്ഷ്മികാന്ത് പര്‍സേക്കറിന്റെ ആവശ്യം.

സ്വന്തം നിലക്ക് തീരുമാനമെടുക്കാന്‍ കാര്യപ്രാപ്തിയില്ലാത്ത അധ്യക്ഷന്‍ രാജിവെക്കണമെന്നാണ് പര്‍സേക്കറുടെ വാദം. സ്വന്തം നിലക്ക് രാജിക്ക് തയാറായില്ലെങ്കില്‍ അദ്ദേഹത്തെ നീക്കം ചെയ്യാന്‍ കേന്ദ്രനേതൃത്വം തയാറാവണമെന്ന് പര്‍സേക്കര്‍ അഭിപ്രായപ്പെട്ടു. തനിക്ക് അദ്ദേഹത്തോട് വ്യക്തിപരമായ വിരോധമില്ലെന്നും പാര്‍ട്ടി താല്‍പര്യത്തെ മുന്‍നിര്‍ത്തിയാണ് താന്‍ ഇപ്പോള്‍ അഭിപ്രായം പറയുന്നതെന്നും അദ്ദേഹം കൂട്ടിച്ചേര്‍ത്തു.