Goa: 11 leaders, including Sudin Dhavalikar of Maharashtrawadi Gomantak Party and Vijai Sardesai of Goa Forward Party, also take oath at the Raj Bhavan as cabinet ministers. pic.twitter.com/TQzT6WaasO

— ANI (@ANI) March 18, 2019

കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ രാത്രി വൈകിയും തുടര്‍ന്ന മാരത്തണ്‍ ചര്‍ച്ചകള്‍ക്കൊടുവിലാണ് പ്രമോദ് സാവന്തിന്റെ നേതൃത്വത്തില്‍ മന്ത്രിസഭ രൂപീകരിക്കാനുള്ള തീരുമാനം. രാത്രി 11ന് പുതിയ മുഖ്യമന്ത്രിയായി സ്പീക്കര്‍ പ്രമോദ് സാവന്ത് സത്യപ്രതിജ്ഞ ചെയ്യുമെന്നായിരുന്നു നേരത്തെയുള്ള വിവരം.

എന്നാല്‍ ഇതു റദ്ദാക്കിയതായും ഇന്ന് രാത്രി സത്യപ്രതിജ്ഞ നടക്കില്ലെന്നും ഡെപ്യൂട്ടി സ്പീക്കര്‍ മൈക്കിള്‍ ലോബോ പറഞ്ഞതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ആശങ്കകളുടെ മണിക്കൂറുകള്‍്‌ക്കൊടുവില്‍ രണ്ട് ഘടകകക്ഷികള്‍ക്ക് ഉപമുഖ്യമന്ത്രി സ്ഥാനം നല്‍കി പ്രശ്‌നം പരിഹരിച്ചതായും പ്രമോദ് സാവന്തിനെ തന്നെ മുഖ്യമന്ത്രിയാക്കാന്‍ തീരുമാനമായതായും വാര്‍ത്തകള്‍ വന്നു.

മൂന്ന് വട്ടം ഗോവ മുഖ്യമന്ത്രി (2000-05, 2012-14, 2017-2019) മനോഹര്‍ പരീക്കര്‍.
2014 മുതല്‍ മൂന്ന് വര്‍ഷം മോദി മന്ത്രിസഭയിൽ പ്രതിരോധ മന്ത്രിയായിരുന്നു.

ഗോവ മുഖ്യമന്ത്രി മനോഹര്‍ പരീക്കറുടെ ആരോഗ്യസ്ഥിതി ഗുരുതരാവസ്ഥയിലെന്ന റിപ്പോര്‍ട്ട് പുറത്തുവിട്ടതോടെ് ഗോവയില്‍ പരീക്കറിനു പകരക്കാരനെ കണ്ടെത്തുമെന്ന് ഡെപ്യൂട്ടി സ്പീക്കര്‍ മൈക്കള്‍ ലോബോ മാധ്യമങ്ങളോടാണ് അറിയിച്ചിരുന്നു.

Panaji: Visual from outside the residence of late Goa Chief Minster Manohar Parrikar. pic.twitter.com/zVsnmlIPCv

— ANI (@ANI) March 17, 2019

ഇതിനായി ബി.ജെ.പി ദേശീയ നേതാക്കള്‍ചേരുന്ന യോഗത്തില്‍ അടുത്ത മുഖ്യമന്ത്രിയെ തീരുമാനിക്കും. ഘടകകക്ഷികളുമായും ഇവര്‍ ചര്‍ച്ച ചെയ്യും. അതേസമയം, കോണ്‍ഗ്രസ് സര്‍ക്കാര്‍ രൂപീകരിക്കാനുള്ള നീക്കം ശക്തമാക്കിയതോടെ ബി.ജെ.പി കേന്ദ്രങ്ങള്‍ ആശങ്കയിലാണ്. എം.എല്‍.എമാരോട് സംസ്ഥാനം വിട്ടുപോവരുതെന്ന് കര്‍ശന നിര്‍ദേശം നല്‍കിയിട്ടുമുണ്ട്.

അതേസമയം, ഗോവയില്‍ സര്‍ക്കാര്‍ രൂപീകരിക്കാന്‍ അവകാശവാദമുന്നയിച്ച് പ്രതിപക്ഷനേതാവ് ചന്ദ്രകാന്ത് കവേല്‍ക്കര്‍ ഗവര്‍ണര്‍ മൃദുല സിന്‍ഹക്ക് കത്തയച്ചിട്ടുണ്ട്. ബി.ജെ.പി സര്‍ക്കാറിനെ പിരിച്ചുവിടണമെന്ന് കത്തില്‍ ആവശ്യപ്പെട്ടു.

നിലവില്‍ കോണ്‍ഗ്രസിന് 14 എം.എല്‍.എമാരുടെ പിന്തുണയാണുള്ളത്. ബി.ജെ.പിക്ക് 13 എം.എല്‍.എമാരാണുള്ളത്. രണ്ട് അംഗങ്ങളുള്ള ഗോവ ഫോര്‍വേഡ് പാര്‍ട്ടി, എം.ജി.പി പാര്‍ട്ടികളും ഒരു സ്വതന്ത്രനും എന്‍.സി.പി അംഗവും ബി.ജെ.പിയെ പിന്തുണക്കുന്നു.

ഏറ്റവും വലിയ ഒറ്റകക്ഷിയായ കോണ്‍ഗ്രസിനെ രാഷ്ട്രീയ കുതിരക്കച്ചവടത്തിലൂടെ മറികടന്നാണ് ബി.ജെ.പി ഗോവയില്‍ സര്‍ക്കാര്‍ രൂപീകരിച്ചത്. പ്രതിരോധമന്ത്രിയായിരുന്ന മനോഹര്‍ പരീക്കറെ തിരിച്ചുകൊണ്ടുവന്നാണ് മറ്റ് കക്ഷികളുടെ പിന്തുണ ഉറപ്പാക്കിയത്.

പരീക്കര്‍ കാന്‍സര്‍ ബാധിതനായതോടെയാണ് കാര്യങ്ങള്‍ കീഴ്മേല്‍ മറിഞ്ഞത്. പരീക്കര്‍ അല്ലാത്ത മറ്റൊരു ബി.ജെ.പി നേതാവിനെ അംഗീകരിക്കാന്‍ ഘടകകക്ഷികള്‍ തയ്യാറല്ല. ഒപ്പം കോണ്‍ഗ്രസ് കോടതിയെ സമീപിച്ചാല്‍ തിരിച്ചടി കിട്ടിയേക്കുമെന്ന ഭയവും ബി.ജെ.പിക്കുണ്ട്. അതുകൊണ്ട് ആരോഗ്യനില അതീവ ഗുരുരതമായി തുടരുമ്പോഴും പരീക്കറെ മാറാന്‍ അനുവദിക്കാതെ അധികാരത്തില്‍ തുടരുകയായിരുന്നു ബി.ജെ.പി.

റഫാല്‍ രേഖകള്‍ തന്റെ ബെഡ്‌റൂമിലുണ്ടെന്ന് കഴിഞ്ഞയാഴ്ചത്തെ മന്ത്രിസഭാ യോഗത്തില്‍ മുന്‍ കേന്ദ്ര പ്രതിരോധമന്ത്രി കൂടിയായ പരീക്കര്‍ വ്യക്തമാക്കിയെന്ന് ഗോവയിലെ മന്ത്രിയായ വിശ്വജിത്ത് റാണെ മറ്റൊരാളുമായി ടെലിഫോണില്‍ പറയുന്നതിന്റെ ശബ്ദരേഖയാണ് കോണ്‍ഗ്രസ് വക്താവ് രണ്‍ദീപ് സുര്‍ജേവാല മാധ്യമങ്ങള്‍ക്കു നല്‍കിയത്. പരീക്കറുടെ അവകാശവാദം സംബന്ധിച്ച് പ്രധാനമന്ത്രി പാര്‍ലമെന്റില്‍ മറുപടി പറയണമെന്ന് കോണ്‍ഗ്രസ് ആവശ്യപ്പെട്ടു.

Hear the leaked conversation with BJP MLA, @visrane, as he reveals Goa CM @manoharparrikar has hidden details of the #RafaleScam #RafaleAudioLeak pic.twitter.com/pIWnmFQp3q

— Congress (@INCIndia) January 2, 2019

യു.പി.എ സര്‍ക്കാര്‍ തീരുമാനിച്ചുറപ്പിച്ച റഫാല്‍ കരാറില്‍ ഭേദഗതി വരുത്തി നരേന്ദ്ര മോദി ഒപ്പുവെക്കുമ്പോള്‍ മനോഹര്‍ പരീക്കര്‍ ആയിരുന്നു പ്രതിരോധമന്ത്രി. റഫാല്‍ രേഖകള്‍ തന്റെ ബെഡ്‌റൂമിലുണ്ടെന്നും അതിനാല്‍ മുഖ്യമന്ത്രി സ്ഥാനത്തു നിന്ന് തന്നെ മാറ്റാന്‍ ആര്‍ക്കും കഴിയില്ലെന്നും പരീക്കര്‍ മന്ത്രിസഭാ യോഗത്തില്‍ പറഞ്ഞുവെന്നാണ് കോണ്‍ഗ്രസ് പുറത്തുവിട്ട ഓഡിയോ ക്ലിപ്പില്‍ റാണെ പറയുന്നത്.

റഫേല്‍ കരാര്‍ സംബന്ധിച്ച് ലോക്‌സഭില്‍ ഇന്ന് ചര്‍ച്ച നടക്കുന്ന സാഹചര്യത്തിലാണ് കോണ്‍ഗ്രസ് വിവാദമായ സംഭാഷണം പുറത്തുവിട്ടത്. റഫാല്‍ വിഷയത്തില്‍ സംവാദത്തിന് ധനമന്ത്രി അരുണ്‍ ജെയ്റ്റ്‌ലി കോണ്‍ഗ്രസിനെ വെല്ലുവിളിക്കുകയും കോണ്‍ഗ്രസ് ഇത് സ്വീകരിക്കുകയും ചെയ്തിരുന്നു. സംവാദത്തിന് തിയ്യതി കുറിക്കാന്‍ കോണ്‍ഗ്രസ് പാര്‍ലമെന്ററിലെ നേതാവ് മല്ലികാര്‍ജുന്‍ ഖാര്‍ജെ സ്പീക്കര്‍ സുമിത്ര മഹാജനോട് അഭ്യര്‍ത്ഥിച്ചു.

മുഖ്യമന്ത്രിയുമായി അടുത്ത ബന്ധം പുലര്‍ത്തുന്ന നാലു മാധ്യമപ്രവര്‍ത്തകരാണ് യു.എസിലെത്തിയത്. തന്റെ ആരോഗ്യസ്ഥിതിയെക്കുറിച്ചും മടങ്ങിവരവിനെക്കുറിച്ചും ഭരണത്തിലെ തന്റെ ഇടപെടലുകളെ കുറിച്ചും പറയാനാണ് മാധ്യമപ്രവര്‍ത്തകരെ വിളിപ്പിച്ചതെന്നാണ് വിവരം.

മുഖ്യമന്ത്രിയുടെ ഓഫീസില്‍ പ്രത്യേക ചുമതലയുള്ള ഉദ്യോഗസ്ഥര്‍ വഴിയാണ് പരീക്കര്‍ തങ്ങളെ വിളിപ്പിച്ചതെന്ന് മാധ്യമപ്രവര്‍ത്തകര്‍ പറഞ്ഞു.

‘ഏതു ആസ്പത്രിയിലാണ് കഴിയുന്നതെന്ന കാര്യം പരീക്കര്‍ ആദ്യം വെളിപ്പെടുത്തിയിരുന്നില്ല. അദ്ദേഹം ക്ഷീണിതനായിരുന്നു. രണ്ട് റൗണ്ട് കീമോതെറാപ്പി കഴിഞ്ഞിട്ടുണ്ട്. ഡോക്ടര്‍മാരുടെ അനുമതി ലഭിച്ചാല്‍ മാത്രമേ മടങ്ങി വരവിനെക്കുറിച്ച് ആലോചിക്കാന്‍ കഴിയുള്ളൂവെന്നാണ് അദ്ദേഹം പറഞ്ഞത്’, മാധ്യമപ്രവര്‍ത്തകന്‍ പറഞ്ഞു.

ആസ്പത്രി കിടക്കയില്‍ ഇരുന്നും താന്‍ ഭരണം നിയന്ത്രിക്കുന്നുണ്ടെന്ന് പരീക്കര്‍ അറിയിച്ചു. ചീഫ് സെക്രട്ടറിയുമായും പ്രിന്‍സിപ്പല്‍ സെക്രട്ടറിയുമായും എല്ലാ ദിവസം ഫോണില്‍ സംസാരിക്കാറുണ്ടെന്നും ഫയലുകളും ഡോക്യുമെന്റുകളും സ്‌കാന്‍ ചെയ്ത് ഇമെയില്‍ വഴിയും ഫാക്‌സ് വഴിയും അയക്കാറുണ്ടെന്നും അദ്ദേഹത്തോട് അടുത്ത വൃത്തങ്ങള്‍ പറഞ്ഞു.

തീരുമാനങ്ങള്‍ ഫോണിലും മെയില്‍ വഴിയും അറിയിക്കാറാണ് പതിവെന്നും പരീക്കര്‍ മാധ്യമപ്രവര്‍ത്തകരോട് പറഞ്ഞു.

ഡോക്ടര്‍മാര്‍ വിദഗ്ധ ചികിത്സ നിര്‍ദേശിച്ചതിനെത്തുടര്‍ന്നാണ് പരീക്കര്‍ അമേരിക്കയിലെത്തിയത്. പാന്‍ക്രിയാസ് കാന്‍സറിനെത്തുടര്‍ന്ന് ഫെബ്രുവരി 15 മുതല്‍ വിവിധ ആസ്പത്രികളില്‍ ചികിത്സയിലായിരുന്നു അദ്ദേഹം.