മദ്യപിച്ച വ്യക്തികള്‍ പണം കൊടുത്ത ശേഷം കയ്യിലുണ്ടായിരുന്ന തോക്കെടുത്ത് ഭിത്തിയില്‍ വെടിവെയ്ക്കുകയായിരുന്നു. വെടിയുതിര്‍ത്ത ഇരുവരും ഓട്ടോറിക്ഷയില്‍ കയറി രക്ഷപ്പെട്ടു. ഹോട്ടല്‍ അധകൃതരുടെ പരാതിയില്‍ മരട് പോലീസ് കേസ് രജിസ്റ്റര്‍ ചെയ്തിട്ടുണ്ട്.

വെടിവെയ്പ്പ് നടത്തിയവരുടെ ദൃശ്യങ്ങള്‍ പോലീസ് ശേഖരിച്ചു. പ്രാഥമിക പരിശോധനയില്‍ പോലീസിന് വെടിയുണ്ട കണ്ടെത്താനായിട്ടില്ല. ഫോറന്‍സിക് സംഘം നാളെ പരിശോധന നടത്തും.

വാര്‍ത്താസമ്മേളനം വിളിച്ചു കൂട്ടി അടിസ്ഥാന രഹിതമായ ആവശ്യങ്ങളുമായാണ് എം.ടി രമേശ് രംഗത്തെത്തിയിരിക്കുന്നത്. മുസ്‌ലിം ലീഗ് നേതാക്കളെ വിഷയവുമായി ബന്ധപ്പെടുത്താനാണ് എം.ടി രമേശ് ശ്രമിച്ചത്. ഫാഷിസ്റ്റ് ശക്തികള്‍ക്കെതിരെ ശക്തമായ പോരാട്ടം നടത്തുന്ന പി.കെ കുഞ്ഞാലിക്കുട്ടിയെ പരാമര്‍ശിച്ച് മാധ്യമ ശ്രദ്ധ നേടാനും രമേശ് മുതിര്‍ന്നു.

പാര്‍ലമെന്റിലടക്കം ബി.ജെ.പിക്കെതിരെ ശക്തമായ വെല്ലുവിളി ഉയര്‍ത്തുന്ന മുസ്്‌ലിം ലീഗ് ദേശീയ ട്രഷറര്‍ കൂടിയായ പി.കെ കുഞ്ഞാലിക്കുട്ടി എം.പിയെ കേസുമായി ബന്ധപ്പെടുത്തി ചര്‍ച്ചയുണ്ടാക്കുക എന്ന ലക്ഷ്യമാണിതിന് പിന്നില്‍. വര്‍ഗീയ ശക്തികള്‍ക്കെതിരെ ശക്തമായ നിലപാടെടുക്കുന്ന മുസ്്‌ലിം ലീഗിനെ സി.പി.എമ്മുമായും മറ്റു വര്‍ഗീയ കക്ഷികളുമായും കൂട്ടിച്ചേര്‍ക്കാനും അദ്ദേഹം മറന്നില്ല. വേങ്ങര ഉപതെരഞ്ഞെടുപ്പ് നടക്കുന്ന സാഹചര്യത്തില്‍ ഉയര്‍ത്തിയ ആരോപണങ്ങള്‍ ഇടതുമുന്നണിയെ സഹായിക്കാന്‍ വേണ്ടിയാണെന്നാണ് രാഷ്ട്രീയ നിരീക്ഷകര്‍ പറയുന്നത്.

ജനരക്ഷാ യാത്ര ഒരാഴ്ച പിന്നിട്ടിട്ടും പ്രതീക്ഷിച്ച പ്രതികരണം ഉണ്ടാകാത്ത സാഹചര്യത്തിലാണ് പുതിയ വിഷയവുമായി പാര്‍ട്ടി രംഗത്തെത്തിയത്. യാത്രക്കിടെ ദേശീയ അധ്യക്ഷന്‍ ‘-അമിത് ഷാ മുങ്ങിയതും വാര്‍ത്തയായിരുന്നു. 2019 ലോക്‌സഭാ തെരഞ്ഞെടുപ്പ് ലക്ഷ്യമിട്ട് മാറാട് വിഷയം സജീവമാക്കുന്നതിന്റെ ഭാഗമായി ഇന്നലെ കുമ്മനം രാജശേഖരന്‍ മാറാട് സന്ദര്‍ശിക്കുകയും ചെയ്തിരുന്നു. അതിനിടെ ജനരക്ഷാ യാത്രയില്‍ പ്രവര്‍ത്തകര്‍ കൊലവിളി മുദ്രാവാക്യം നടത്തുന്നതില്‍ മുതിര്‍ന്ന ബി.ജെ. പി നേതാക്കള്‍ അതൃപ്തി അറിയിച്ചതും ചര്‍ച്ചയായിട്ടുണ്ട്.