Mariya Sharappova – Chandrika Daily

മോള് മാപ്പാക്കണം; സച്ചിനെ ഞങ്ങള്‍ അറിയാന്‍ വൈകി; ഷറപ്പോവയുടെ പ്രൊഫൈലില്‍ മലയാളികളുടെ മാപ്പ് പറച്ചില്‍

web desk 1 — Thu, 04 Feb 2021 12:23:57 +0000

പണ്ട് സച്ചിനെ അറിയില്ലെന്ന് പറഞ്ഞതിന് ടെന്നിസ് താരം ഷറപ്പോവയെ മലയാളികള്‍ കയറി പൊങ്കാലയിട്ട സംഭവം മറന്നിട്ടുണ്ടാവില്ല. അന്നത്തെ ആ സംഭവത്തിന് ഇപ്പോള്‍ മാപ്പ് പറഞ്ഞ് ഇപ്പോള്‍ വീണ്ടും മലയാളികള്‍ ഷറപ്പോവയുടെ ഫെയ്‌സ്ബുക് പ്രൊഫൈലില്‍ ചെന്ന് മാപ്പ് പറയുകയാണ്. കര്‍ഷക സമരത്തിന് ആഗോള തലത്തില്‍ ലഭിക്കുന്ന പിന്തുണയെ എതിര്‍ത്ത് സച്ചിന്‍ ട്വീറ്റ് ഇട്ടതിന് പിന്നാലെയാണ് ഷറപ്പോവയെ തേടി മലയാളികള്‍ വീണ്ടുമെത്തിയത്.

കര്‍ഷക സമരത്തില്‍ പോപ്പ് ഗായിക റിഹാനയടക്കം പിന്തുണ അറിയിച്ച് രംഗത്തെത്തിയതിനു പിന്നാലെ സച്ചിന്‍ തെണ്ടുല്‍ക്കര്‍ അടക്കം അ തിനെ എതിര്‍ത്ത് ട്വീറ്റ് ചെയ്തിരുന്നു. ട്വീറ്റിന് താഴെ വലിയ പ്രതിഷേധം ഉയര്‍ന്നിരുന്നു. സംഭവം ട്രോളന്മാരും ഏറ്റെടുത്തതോടെ സച്ചിനെതിരായ ട്രോളുകളും നവമാധ്യമങ്ങളില്‍ സജീവമാകുകയാണ്. ഇതിനിടെയാണ് മലയാളികള്‍ പണ്ട് ഉണ്ടായ ഒരു സംഭവം ഓര്‍ത്തെടുത്തതും മാപ്പ് പറച്ചിലുമായി രംഗത്തെത്തിയതും.

2014ലെ വിംബിള്‍ഡണ്‍ വേദിയില്‍ വെച്ചാണ് സച്ചിനെ അറിയില്ലെന്ന് മരിയ ഷറപ്പോവ പറഞ്ഞത്. പിന്നാലെ ഷറപ്പോവയുടെ പ്രൊഫൈല്‍ ടാര്‍ജറ്റ് ചെയ്ത് മല്ലൂസ് കയറി ഇറങ്ങുകയായിരുന്നു.

ടെന്നിസ് താരം മരിയ ഷറപ്പോവ വിവാഹിതയാവുന്നു; വരന്‍ ബ്രിട്ടീഷ് വ്യവസായി

ചന്ദ്രിക വെബ് ഡെസ്‌ക്‌ — Fri, 18 Dec 2020 11:15:40 +0000

ലണ്ടന്‍: റഷ്യന്‍ ടെന്നിസ് താരം മരിയ ഷറപ്പോവ വിവാഹിതയാകുന്നു. നാല്‍പ്പത്തൊന്നുകാരനായ ബ്രിട്ടിഷ് വ്യവസായി അലക്‌സാണ്ടര്‍ ജില്‍ക്‌സാണ് വരന്‍. മുപ്പത്തിമൂന്നുകാരിയായ ഷറപ്പോവ ഈ വര്‍ഷം ഫെബ്രുവരിയിലാണ് പ്രഫഷനല്‍ ടെന്നിസില്‍നിന്ന് വിരമിച്ചത്. അഞ്ച് തവണ ഗ്രാന്‍സ്‌ലാം കിരീടം ചൂടിയിട്ടുണ്ട്. ഇന്‍സ്റ്റഗ്രാമില്‍ പങ്കുവച്ച പോസ്റ്റിലൂടെയാണ് വിവാഹ നിശ്ചയം കഴിഞ്ഞ വിവരം ഷറപ്പോവ പരസ്യമാക്കിയത്.

‘ആദ്യ കാഴ്ചയില്‍ത്തന്നെ ഞാന്‍ യെസ് പറഞ്ഞു. ഇത് നമ്മുടെ കൊച്ചു രഹസ്യമായിരുന്നു. അല്ലേ?’ – അലക്‌സാണ്ടര്‍ ജില്‍ക്‌സിനൊപ്പമുള്ള ചിത്രങ്ങള്‍ പങ്കുവച്ച് ഷറപ്പോവ കുറിച്ചു.

2018 ഒക്ടോബറിലാണ് ഷറപ്പോവയും അലക്‌സാണ്ടര്‍ ജില്‍ക്‌സും തമ്മിലുള്ള പ്രണയം പൊതുജന ശ്രദ്ധയിലെത്തുന്നത്. ബ്രിട്ടീഷ് രാജകുടുംബവുമായി അടുത്ത ബന്ധം സൂക്ഷിക്കുന്ന വ്യക്തി കൂടിയാണ് അലക്‌സാണ്ടര്‍. ബ്രിട്ടിഷ് – ബഹ്‌റൈന്‍ ഫാഷന്‍ ഡിസൈനറായ മിഷ നോനുവാണ് അലക്‌സാണ്ടറിന്റെ ആദ്യ ഭാര്യ. ഈ ബന്ധത്തില്‍ ഒരു കുഞ്ഞുണ്ട്.

സെര്‍ബിയയില്‍ ജനിച്ച ഷറപ്പോവ ടെന്നിസ് താരമാവുകയെന്ന ഒറ്റലക്ഷ്യത്തോടെയാണ് പിതാവ് യൂറിക്കൊപ്പം യുഎസിലെത്തിയത്. പോരാട്ടവീര്യം ഒന്നുകൊണ്ടു മാത്രം മികച്ച പരിശീലനം നേടി ടെന്നിസ് താരമാവുകയും ലോക ഒന്നാം നമ്പര്‍ പദവിയിലേക്കു കുതിച്ചെത്തുകയും ചെയ്തു. എന്നാല്‍, ഷറപ്പോവയ്ക്കു 2016 ഓസ്‌ട്രേലിയന്‍ ഓപ്പണിനിടെ ഉത്തേജക പരിശോധനയില്‍ പിടിക്കപ്പെട്ട് 15 മാസത്തെ വിലക്കു നേരിട്ട ശേഷം പഴയ ഫോമിലേക്കു തിരിച്ചെത്താനായില്ല. 373-ാം റാങ്കുകാരിയായിരിക്കെയാണ് ഷറപ്പോവ കളമൊഴിഞ്ഞത്.

കോര്‍ട്ടില്‍ ഷറപ്പോവക്ക് വിവാഹാഭ്യര്‍ത്ഥനയുമായി യുവാവ്; താരത്തിന്റെ പ്രതികരണ വീഡിയോ വൈറല്‍

chandrika — Fri, 01 Dec 2017 11:04:22 +0000

ഇസ്താബൂള്‍: ടെന്നീസ് ലോകത്തെ സുന്ദരിയായി അറിയപ്പെടുന്ന റഷ്യന്‍ താരം മരിയ ഷറപ്പോവക്ക് ആരാധകന്റെ വിവാഹ അഭ്യര്‍ത്ഥന. തുര്‍ക്കിയില്‍ ഇസ്താംബുളില്‍ നടന്ന പ്രദര്‍ശന മത്സരത്തിലാണ് കൗതുകകരമായ സംഭവം നടന്നത്. കഗ്‌ള ബുയ്കാക്കയെ 7-6, 6-0 എന്നീ പോയന്റില്‍ തോല്‍പ്പിച്ച് മത്സരത്തില്‍ ഏകപക്ഷീയമായി മുന്നേറി നില്‍ക്കുമ്പോളായിരുന്നു രഷ്യന്‍ താരത്തെ തേടി ഗാലറിയില്‍ നിന്നും വിവാഹാഭ്യര്‍ത്ഥ എത്തിയത്.

ഷറപ്പോവയെ ഒരു നിമിഷം നിശബ്ദമാക്കിയ ആരാധകന്റെ ചോദ്യം പിന്നീട് താരത്തില്‍ ചിരിപടര്‍ത്തുന്നതും മറുപടിയായി തലകുലുക്കുന്നതാണ് ആരാധകര്‍ കണ്ടത്. ഇതോടെ ഗ്യാലറി ഓന്നാകെ ചിരി പടരുകയായിരുന്നു.

Maria Sharapova’s response to a marriage proposal in Istanbul over the weekend #tennis pic.twitter.com/9CFZ4qDCvA

— Actual Human (@lynnlovestennis) November 28, 2017

ഗ്യാലറിയെ ഒന്നാകെ കേള്‍ക്കുന്ന തരത്തിലായിരുന്നു ആരാധകന്റെ ചോദ്യമെത്തിയത്. ആരാധകനിനേക്ക് തിരിയാതെ തലകുലുക്കിയ ഷറപ്പോവ, പിന്നെ ചോദ്യ കര്‍ത്താവിലേക്ക് തിരിഞ്ഞ് നോക്കാം എന്ന മറുപടിയും കൊടുക്കുകയായിരുന്നു. ടെന്നീസ് സുന്ദരിയുടെ പ്രതികരണം ആരാധക ലോകം ഏറ്റെടുത്തു കഴിഞ്ഞു.

ഇത് ആദ്യമായല്ല ടെന്നീസ് കോര്‍ട്ടില്‍ വിവാഹാഭ്യര്‍ത്ഥന നടക്കുന്നത്. 1995ല്‍ ജര്‍മര്‍ ടെന്നീസ് താരം സ്റ്റെഫി ഗ്രാഫിനും സമാനമായ അനുഭവമുണ്ടായിരുന്നു.

വിംബിള്‍ഡണ്‍ മാച്ചില്‍ കിംകോക്കെതിരെയുള്ള പോരാട്ടത്തിനിടയിലാണ് താരത്തെ തേടി ഗ്യാലറിയില്‍ നിന്നും വിവാഹാഭ്യര്‍ത്ഥ വന്നത്. യുവാവിന്റ തുറന്ന ചോദ്യത്തില്‍ ആദ്യം പതറിയ താരം നല്‍കിയ മറുപടി ഇന്നും ആരാധകരെ ചിരിപ്പിക്കുന്നതാണ്.

എന്നെ വിവാഹം കഴിക്കുമോ, സ്റ്റെഫി എന്ന ഉയര്‍ന്ന ചോദ്യത്തിന്, താങ്കളുടെ കയ്യില്‍ എത്ര പണമുണ്ടെന്ന മറുചോദ്യമാണ് സ്റ്റെഫി ഗ്രാഫി നല്‍കിയത്.

വീണു, നമ്പര്‍ 2

chandrika — Tue, 29 Aug 2017 19:03:28 +0000

ന്യൂയോര്‍ക്ക്: ഉത്തേജക വിവാദത്തെ തുടര്‍ന്നുണ്ടായ വിലക്കിനു ശേഷം കോര്‍ട്ടിലേക്ക് തിരിച്ചെത്തിയ മുന്‍ ലോക ഒന്നാം നമ്പര്‍ താരം റഷ്യയുടെ മരിയ ഷറപ്പോവ തിരിച്ചു വരവ് ഗംഭീരമാക്കി. മടങ്ങിയെത്തിയ ആദ്യ ഗ്രാന്റ്സ്ലാം ടൂര്‍ണമെന്റില്‍ തന്നെ ലോക രണ്ടാം നമ്പര്‍ താരം സിമോണ ഹാലപിനെ ഷറപ്പോവ അട്ടിമറിച്ചു. ഷറപ്പോവ കളം നിറഞ്ഞാടിയപ്പോള്‍ ഹാലെപ് യു.എസ് ഓപണിന്റെ ആദ്യ റൗണ്ടില്‍ തന്നെ പുറത്തായി. സ്‌കോര്‍ 6-4, 4-6, 6-3. നിലവില്‍ 146-ാം റാങ്കുകാരിയായ ഷറപോവ ഏറെ നാളായി പരിക്കിന്റെ പിടിയിലായിരുന്നു. എന്നാല്‍ കണക്കു കൂട്ടലുകളെയെല്ലാം വെല്ലുന്ന പ്രകടനമാണ് ആര്‍തര്‍ ആഷെ സ്റ്റേഡിയത്തില്‍ 30കാരിയായ ഷറപോവ കാഴ്ച വെച്ചത്. ജയത്തോടെ ഹാലപിനെതിരെ കളിച്ച ഏഴ് മത്സരങ്ങളിലും വിജയിച്ച റെക്കോര്‍ഡും അവര്‍ നിലനിര്‍ത്തി. ഫ്രഞ്ച് ഓപണില്‍ വൈല്‍ഡ് കാര്‍ഡ് ലഭിക്കാത്തതിനാല്‍ കളിക്കാനാവാതിരുന്ന ഷറപോവ പരിക്കു മൂലം വിംബിള്‍ഡണില്‍ കളിച്ചിരുന്നില്ല. മറ്റൊരു മത്സരത്തില്‍ സ്‌പെയിനിന്റെ മുഗുരുസ അമേരിക്കയുടെ വര്‍വര ലപ്‌ചെങ്കോയെ 6-0, 6-3 എന്ന സ്‌കോറിന് പരാജയപ്പെടുത്തി രണ്ടാം റൗണ്ടിലെത്തി. അതേ സമയം ജോഹന്ന കോന്റെയെ സെര്‍ബിയന്‍ താരം അലക്‌സാന്ദ്ര ക്രൂനിച്ച് അട്ടിമറിച്ചു. സ്‌കോര്‍ 4-6, 6-3, 6-4. മറ്റൊരു മത്സരത്തില്‍ ഏഴ് തവണ ഗ്രാന്റ്സ്ലാം ചാമ്പ്യനായ അമേരിക്കയുടെ വീനസ് വില്യംസ് സ്ലോവാക്യയുടെ വിക്ടോറിയ കുസ്‌മോവയെ 6-3, 3-6, 6-2 എന്ന സ്‌കോറിന് മറികടന്ന് രണ്ടാം റൗണ്ടിലെത്തി. പുരുഷ വിഭാഗം സിംഗിള്‍സില്‍ അലക്‌സാണ്ടര്‍ സ്വരേവ് ഡാരിയന്‍ കിങിനെ 7-6, 7-5, 6-4 എന്ന സ്‌കോറിന് തോല്‍പിച്ചപ്പോള്‍ മരിന്‍ സിലിച്ച് ടെന്നീസ് സാന്റ്ഗ്രന്നിനെ 6-4, 6-3, 3-6, 6-3.