തമിഴ്നാട് ന്യൂനപക്ഷ ക്ഷേമ മന്ത്രി കെ എസ് മസ്താന്‍, എ എം ആരിഫ് എംപി, രമേശ് ചെന്നിത്തല, പി ടി എ റഹീം എംഎല്‍എ, അഡ്വ. ഖ്വാജ മുഈനുദ്ദീന്‍ ചിശ്തി സംബന്ധിക്കും. വൈകുന്നേരം അഞ്ചിന് മര്‍കസ് പ്രസിഡന്റ് സയ്യിദ് അലി ബാഫഖി തങ്ങളുടെ പ്രാര്‍ത്ഥനയോടെ ആരംഭിക്കുന്ന ആത്മീയ-സനദ്ദാന പൊതുസമ്മേളനം സമസ്ത കേരള ജംഇയ്യത്തുല്‍ ഉലമ പ്രസിഡന്റ് ഇ സുലൈമാന്‍ മുസ്ലിയാര്‍ ഉദ്ഘാടനം ചെയ്യും. 532 യുവ പണ്ഡിതന്‍മാര്‍ക്ക് ബിരുദം നല്‍കി ഇന്ത്യന്‍ ഗ്രാന്‍ഡ് മുഫ്തി കാന്തപുരം എപി അബൂബക്കര്‍ മുസ്ലിയാര്‍ സനദ്ദാന പ്രഭാഷണം നടത്തും. സി മുഹമ്മദ് ഫൈസി അധ്യക്ഷത വഹിക്കും. സമസ്ത ട്രഷറര്‍ കോട്ടൂര്‍ കുഞ്ഞമ്മു മുസ്ലിയാര്‍, സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി, സയ്യിദ് ഫസല്‍ കോയമ്മതങ്ങള്‍ കുറാ, സമസ്ത സെക്രട്ടറി പൊന്മള അബ്ദുല്‍ഖാദിര്‍ മുസ്ലിയാര്‍, കോടമ്പുഴ ബാവ മുസ്ലിയാര്‍, സയ്യിദ് അബ്ദുല്‍ ഫത്താഹ് അഹ്ദല്‍ അവേലം, പേരോട് അബ്ദുറഹ്മാന്‍ സഖാഫി, എ പി അബ്ദുല്‍ കരീം ഹാജി, കെ കെ അഹ്മദ് കുട്ടി മുസ്ലിയാര്‍ കട്ടിപ്പാറ, വി പി എം ഫൈസി വില്യാപ്പള്ളി, എസ് വൈ എസ് സംസ്ഥാന പ്രസിഡന്റ് സയ്യിദ് ത്വാഹ സഖാഫി, സയ്യിദ് മുഹമ്മദ് തുറാബ് സഖാഫി, സയ്യിദ് ശിഹാബുദ്ദീന്‍ അഹ്ദല്‍ മുത്തനൂര്‍, സയ്യിദ് ശറഫുദ്ദീന്‍ ജമലുല്ലൈലി, സയ്യിദ് ഹബീബ് കോയ തങ്ങള്‍, ഇകെ ഹുസൈന്‍ ഖാദിരി, സയ്യിദ് അബ്ദുറഹ്മാന്‍ ഇമ്പിച്ചിക്കോയ ബായാര്‍, ഡോ. ഹുസൈന്‍ സഖാഫി ചുള്ളിക്കോട്, ഡോ. എപി അബ്ദുല്‍ ഹകീം അസ്ഹരി, എസ്എസ്എഫ് സംസ്ഥാന പ്രസിഡന്റ് ഫിര്‍ദൗസ് സഖാഫി സംബന്ധിക്കും.
‘എത്തിക്കല്‍ ഹ്യുമന്‍, പീസ്ഫുള്‍ വേള്‍ഡ്’ എന്ന ശീര്‍ഷകത്തിലാണ് ഈ വര്‍ഷത്തെ സമ്മേളനം വിഭാവനം ചെയ്തിട്ടുള്ളത്. പ്രമേയത്തിന്റെ വിവിധ തലങ്ങളെ ആസ്പദമാക്കി ശൈഖ് സായിദ് പീസ് കോണ്‍ഫറന്‍സില്‍ വിഷയമവതരിപ്പിക്കും.
കാന്തപുരത്തിന്റെ അഞ്ച് പതിറ്റാണ്ട് നീണ്ട മതാധ്യാപന ചരിത്രത്തില്‍ ഏറെ പ്രധാനമാണ് പ്രമുഖ ഹദീസ് ഗ്രന്ഥമായ സ്വഹീഹുല്‍ ബുഖാരി അധ്യാപനം. സ്വഹീഹുല്‍ ബുഖാരി അധ്യാപനത്തിന്റെ വാര്‍ഷിക സമാപനമായ ഖത്മുല്‍ ബുഖാരി സംഗമവും സമ്മേളനത്തിന്റെ ഭാഗമായി നടക്കും.
1978 ല്‍ സ്ഥാപിതമായ മര്‍കസുസ്സഖാഫത്തിസ്സുന്നിയ്യ രാജ്യത്തെ 23 സംസ്ഥാനങ്ങളില്‍ സ്‌കൂളുകള്‍, ഉന്നത വിദ്യാഭ്യാസ സ്ഥാപനങ്ങള്‍, ആശുപത്രികള്‍, സ്ത്രീ വിദ്യാഭ്യാസ കേന്ദ്രങ്ങള്‍, കുടിവെള്ള പദ്ധതികള്‍, തൊഴില്‍ പരിശീലന കേന്ദ്രങ്ങള്‍ തുടങ്ങിയവ സ്ഥാപിച്ചു പ്രവര്‍ത്തിക്കുകയാണ്.
വാര്‍ത്താ സമ്മേളനത്തില്‍ സ്വാഗത സംഘം ചെയര്‍മാന്‍ സയ്യിദ് അബ്ദുല്‍ ഫത്താഹ് അഹ്ദല്‍ അവേലം , ജനറല്‍ കണ്‍വീനര്‍ ബിപി സിദ്ദീഖ് ഹാജി കോവൂര്‍, മര്‍കസ് ഗ്ലോബല്‍ കൗണ്‍സില്‍- ആര്‍സിഎഫ്‌ഐ സി ഇ ഒ സി പി ഉബൈദുല്ല സഖാഫി, മര്‍കസ് ജോയിന്റ് ഡയറക്ടര്‍ കെ കെ ശമീം, മര്‍കസ് ഹയര്‍ എഡ്യൂക്കേഷന്‍ അസിസ്റ്റന്റ് ഡയറക്ടര്‍ ഡോ. മുഹമ്മദ് റോഷന്‍ പങ്കെടുത്തു

ജാമ്യം ലഭിച്ചവരെ പ്രതിപക്ഷ ഉപനേതാവ് എം.കെ മുനീ ര്‍, എം. കെ രാഘവന്‍ എം.പി, ഡിസിസി പ്രസിഡണ്ട് ടി സിദ്ദീഖ്,എം സി മായിന്‍ ഹാജി, എന്‍.സി അബൂബക്കര്‍, കെ.എസ്.യു സംസ്ഥാന പ്രസിഡണ്ട് കെ.എം അഭിജിത്ത്, സി. കെ.വി യൂസുഫ് തുടങ്ങിയവര്‍ ചേര്‍ന്ന് സ്വീകരിച്ചു.
ഇവര്‍ക്ക് കുന്ദമംഗലത്ത് സമരസമിതിയുടേയും നാട്ടുകാരുടേയും നേതൃത്വത്തില്‍ ഉജ്ജല സ്വീകരണം നല്‍കി. കഴിഞ്ഞ മാസം 26 ന് മര്‍ക്കസിന് മുമ്പില്‍ റോഡ് ഉപരോധിച്ച കേസിലാണ് ഇവര്‍ അറസ്റ്റിലായത്. അറസ്റ്റിലായ കുന്ദമംഗലം പഞ്ചായത്ത് മുസ്ലിംയുത്ത് ലീഗ് പ്രസിഡണ്ട് ഒ സലീം, സമര രംഗത്തെ വിദ്യാര്‍ഥികളായ റാഷിദ് എടവണ്ണപ്പാറ, അനസ് ഇരിങ്ങല്ലൂര്‍, റിന്‍ഷാദ് കളരിക്കണ്ടി, നിയാസ് കാരന്തൂര്‍ ,ജംഷാദ് കുറ്റിക്കടവ്, മുഹമ്മദ് അജ്‌ലാല്‍ പടിഞ്ഞാറതറ, ഷാനിദ് ഉള്ളിയേരി, ജവാദ് കൊല്ലം, മുഹമ്മദ് മിര്‍ഷാദ് ബാലുശ്ശേരി എന്നിവര്‍ക്കാണ് കോടതി ഇന്നലെ ജാമ്യം നല്‍കിയത്.
സമരം നടത്തിയ വിദ്യാര്‍ത്ഥികളെ സംഭവ സ്ഥലത്ത് നിന്നും ഒ സലീമിനെ പിറ്റേ ദിവസവുമാണ് അറസ്റ്റ് ചെയ്തത്. കുന്ദമംഗലത്ത് നടന്ന സ്വീകരണ പൊതുയോഗം എം.കെ രാഘവന്‍ എം.പി ഉദ്ഘാടനം ചെയ്തു. കോണ്‍ഗ്രസ് ബ്ലോക്ക് പ്രസിഡണ്ട് എം.പി കേളുക്കുട്ടി അധ്യക്ഷത വഹിച്ചു. കുന്ദമംഗലം ഗ്രാമപഞ്ചായത്ത് പ്രസിഡണ്ട് ടി.കെ സീനത്ത്, മുസ്ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി, മുന്‍ എം.എല്‍.എ യു.സി രാമന്‍, കെ മൂസ മൗലവി,ഖാലിദ് കിളിമുണ്ട, കെ പി കോയ ,ജില്ലാ യൂത്ത് ലീഗ് പ്രസിഡണ്ട് സാജിദ് നടുവണ്ണൂര്‍, ജില്ലാ എം.എസ്എഫ് പ്രസിഡണ്ട് അബ്ദുസമദ്, കോണ്‍ഗ്രസ് മണ്ഡലം പ്രസിഡണ്ട് ബാബു നെല്ലൂളി, സംസ്ഥാന യൂത്ത് ലീഗ് സെക്രട്ടറി ആഷിക് ചെലവൂര്‍, യൂത്ത് ലീഗ് നിയോജകമണ്ഡലം പ്രസിഡണ്ട് എം ബാബുമോന്‍, യൂസുഫ് പടനിലം, കെ.എം.എ റഷീദ്, ഒ.എം നൗഷാദ്, ഒ ഉസ്സൈന്‍,അരിയില്‍ അലവി , എ.കെ ഷൌക്കത്തലി, സി.വി സംജിത്ത്, സി.കെ.വി യൂസുഫ്, , ഒ സലീം, വാഹിദ്, രാജന്‍ മാമ്പറ്റ ചാലില്‍, കെ.പി സൈഫുദ്ദീന്‍, എന്‍.എം യൂസുഫ് എന്നിവര്‍ പ്രസംഗിച്ചു.

മര്‍കസ് വിഷയത്തില്‍ മുസ്‌ലിംലീഗിനെതിരെ ഒറ്റതിരിഞ്ഞുള്ള അക്രമണമാണ് നടക്കുന്നതെന്ന് മുനീര്‍ പറഞ്ഞു. സമരപ്പന്തല്‍ കെട്ടാന്‍ പറ്റില്ലെന്ന് പറയുന്നതില്‍ ന്യായമില്ല. നിരപരാധികളെ രാത്രിയില്‍ പൊലീസ് വേട്ടയാടുകയാണ്. സ്വകാര്യ വ്യക്തികള്‍ക്ക് വേണ്ടി പൊലീസ് സേവ നടത്തുകയാണെന്ന് അദ്ദേഹം കുറ്റപ്പെടുത്തി. മുസ്‌ലിംലീഗിന്റെ ആഭിമുഖ്യത്തിലല്ല മര്‍കസിന് മുന്നില്‍ സമരം നടത്തുന്നത്. കോഴ്‌സ് പഠിച്ച് വഞ്ചിതരായ 400ലധികം വിദ്യാര്‍ത്ഥികള്‍ നടത്തുന്ന സമരത്തിന് ഐക്യദാര്‍ഢ്യം പ്രഖ്യാപിക്കുക മാത്രമാണ് പാര്‍ട്ടി ചെയ്തത്. കാന്തപുരം വിഭാഗത്തിന്റെ വിദ്യാര്‍ത്ഥി സംഘടനയായ എസ്.എസ്.എഫ് അടക്കം മുഴുവന്‍ വിദ്യാര്‍ത്ഥി സംഘടനകളും സമരത്തിലുണ്ട്. എന്നാല്‍ ഇവര്‍ക്കെതിരെ നടപടി സ്വീകരിക്കാതെ എഴുതി തയ്യാറാക്കിയ ലിസ്റ്റിന്റെ അടിസ്ഥാനത്തില്‍ യു.ഡി.എഫ് യുവജനവിദ്യാര്‍ത്ഥികള്‍ക്കെതിരെ കേസ് രജിസ്റ്റര്‍ ചെയ്യുന്ന കുന്ദമംഗലം പൊലീസിന്റെ നടപടി അംഗീകരിക്കാനാവില്ലെന്നും മുനീര്‍ പറഞ്ഞു.