വിഷയത്തില്‍ ഹൈക്കോടതി സ്വമേധയാ എടുത്ത കേസ് ഇന്ന് ഡിവിഷന്‍ ബെഞ്ച് പരിഗണിക്കും. മുന്‍കരുതലിന്റെ ഭാഗമായി ഇന്നും കൊച്ചിയിലും സമീപ പ്രദേശങ്ങളിലും സ്‌കൂളുകള്‍ക്ക് അവധി പ്രഖ്യാപിച്ചിട്ടുണ്ട്. ഒന്ന് മുതല്‍ ഏഴ് വരെയുള്ള ക്ലാസുകളിലെ വിദ്യാര്‍ഥികള്‍ക്കും അങ്കണ്‍വാടികള്‍, കിന്റര്‍ഗാര്‍ഡണ്‍, ഡേ കെയര്‍ സെന്ററുകള്‍ക്കാണ് അവധി.

Zuckerberg, the consistent liar & cheat! For 17 years he has used Facebook for some of the worst practices, apart from helping & collaborating with fascist govts pic.twitter.com/qer7gqPuzZ

— Prashant Bhushan (@pbhushan1) September 29, 2020

സക്കര്‍ബര്‍ഗ്, സ്ഥിരമായ നുണയനും വഞ്ചകനും! ഫാസിസ്റ്റ് സര്‍ക്കാരുകളെ സഹായിക്കുന്നതിനും സഹകരിക്കുന്നതിനും പുറമെ 17 വര്‍ഷമായി ചില മോശം സമ്പ്രദായങ്ങള്‍ക്കായി അദ്ദേഹം ഫേസ്ബുക്ക് ഉപയോഗിച്ചു, പ്രശാന്ത് ഭൂഷണ്‍ ട്വീറ്റ് ചെയ്തു. പതിനേഴ് വര്‍ഷമായി സക്കര്‍ബര്‍ഗിനെതിരെ ഉയര്‍ന്ന് ആരോപണങ്ങളില്‍ ഫെയ്‌സ്ബുക് മേധാവി മാപ്പ് പറയുന്നതുള്‍പ്പെടെയുള്ള ഒന്നര മിനുട്ട് വീഡിയോ പങ്കുവെച്ചായിരുന്നു ട്വീറ്റ്.

ഫെയ്‌സ്ബുക്കും ബിജെപിയും തമ്മിലുള്ള അവിശുദ്ധബന്ധം ചൂണ്ടിക്കാട്ടിയുള്ള ടൈം മാഗസിന്റെ റിപ്പോര്‍ട്ട് പുറത്തുവന്നതിന് പിന്നാലെ കോണ്‍ഗ്രസ് നേതാവ് രാഹുല്‍ ഗാന്ധി കടുത്ത വിമര്‍ശനവുമായി രംഗത്തുവന്നിരുന്നു. ഫെയ്‌സ്ബുക്കിന്റെ ഇന്ത്യന്‍ ഘടകം ബിജെപിക്കായി നയങ്ങള്‍ മാറ്റിമറിച്ചുവെന്നായിരുന്നു വാള്‍സ്ട്രീറ്റ് ജേണല്‍ റിപ്പോര്‍ട്ട്. വിദ്വേഷ പ്രസംഗം നടത്തിയ ബിജെപി നേതാവിനെതിരെ നടപടിയെടുക്കാന്‍ ഫെയ്‌സ്ബുക്കും വാട്‌സാപ്പും മനഃപൂര്‍വ്വം മടിച്ചു എന്നായിരുന്നു റിപ്പോര്‍ട്ട്.

ഫെയ്‌സ്ബുക്ക് ഇന്ത്യയുടെ സീനിയര്‍ പോളിസി എക്‌സിക്യുട്ടിവ് അങ്കിദാസിനെതിരെയാണ് ആരോപണം ഉയര്‍ന്നിരുന്നത്. ഇതിന് പിന്നാലെയാണ് രാഹുല്‍ ഗാന്ധി ട്വിറ്ററിലൂടെ കടുത്ത വിമര്‍ശനം ഉയര്‍ത്തിയത്. ഫെയ്‌സിബുക്കും ബിജെപിയും തമ്മിലുള്ള അവിശുദ്ധബന്ധം വ്യക്തമാക്കുന്നതിന്റെ ഒടുവിലത്തെ തെളിവാണ് അമേരിക്കയിലെ ടൈം മാഗസിന്‍ റിപ്പോര്‍ട്ടെന്നായിരുന്നു രാഹുല്‍ ഗാന്ധിയുടെ ട്വീറ്റ്. ആരോപണത്തില്‍ അന്വേഷണം ആവശ്യപ്പെട്ട് ആഗസ്റ്റ് 18-നാണ് കമ്പനി സിഇഒ മാര്‍ക് സക്കര്‍ബര്‍ഗിന് കോണ്‍ഗ്രസ് ആദ്യ കത്തെഴുതിയത്.

വിദ്വേഷ പ്രസംഗം അടക്കമുള്ള ഫെയ്‌സ്ബുക്ക് ഇന്ത്യയുടെ പ്രവര്‍ത്തനങ്ങള്‍ക്കെതിരായ ആരോപണങ്ങളില്‍ കമ്പനി സ്വീകരിച്ച നടപടികള്‍ വ്യക്തമാക്കാന്‍ ആവശ്യപ്പെട്ടുകൊണ്ടാണ് ഇപ്പോള്‍ വീണ്ടും സക്കര്‍ബര്‍ഗിന് കത്തയച്ചിരിക്കുന്നത്. ഇന്ത്യയുടെ സാമൂഹിക ഐക്യം തകര്‍ക്കുന്ന തരത്തിലുള്ള വിദ്വേഷ പ്രസംഗങ്ങള്‍്ക്കും മറ്റും ഫെയ്‌സ്ബുക്കും വാട്‌സ്ആപ്പും അധികാരത്തിലുള്ള ബിജെപിക്ക് മനഃപൂര്‍വ്വം അനുവദിച്ചു നല്‍കിയെന്നാണ് കോണ്‍ഗ്രസിന്റെ ആരോപണം.

अमेरिका की टाइम मैगज़ीन ने WhatsApp-BJP की साँठ-गाँठ का खुलासा किया:

40 करोड़ भारतीय WhatsApp इस्तेमाल करते हैं और अब WhatsApp चाहता है कि उससे पैसों का भुगतान भी किया जाए। इसके लिए मोदी सरकार की स्वीकृति की ज़रूरत है।

इसलिए, BJP की WhatsApp पर पकड़ है।https://t.co/ahkBD2o1WI

— Rahul Gandhi (@RahulGandhi) August 29, 2020

വിഷയത്തില്‍ വീണ്ടും പ്രതികരിച്ച രാഹുല്‍, വാട്സാപ്പും ബിജെപിയും തമ്മിലുള്ള അവിശുദ്ധ കൂട്ടുക്കെട്ട് അമേരിക്കയിലെ ടൈം മാഗസിന്‍ തുറന്നു കാണിക്കുന്നുവെന്ന്  പറഞ്ഞു.

’40 കോടി ഇന്ത്യക്കാര്‍ ഉപയോഗിക്കുന്ന വാട്‌സാപ്പ് മോദി സര്‍ക്കാരിന്റെ അനുമതി ആവശ്യമുള്ള പേയ്‌മെന്റ് സ്ഥാപനമായി പ്രവര്‍ത്തിക്കാന്‍ ആഗ്രഹിക്കുന്നു.. അങ്ങനെ വാട്‌സാപ്പില്‍ ബിജെപിക്ക് ഒരു പിടിയുണ്ട്.’ രാഹുല്‍ ട്വീറ്റില്‍ കുറിച്ചു.

പേയ്‌മെന്റ് പ്രവര്‍ത്തനങ്ങള്‍ നടത്തുന്നതിനുള്ള ലൈസന്‍സിന് ലഭ്യാക്കുന്നതിന് പകരമായി, വാട്‌സാപ്പിന്റെ ഇന്ത്യയിലെ പ്രവര്‍ത്തനങ്ങളുടെ നിയന്ത്രണത്തില്‍ ഇടപെടാന്‍ ബിജെപിയെ അനുവദിച്ചുവെന്നാണ് ടൈം മാഗസിന്റെ റിപ്പോര്‍ട്ടിനെ ഉദ്ധരിച്ചുകൊണ്ട് രണ്ടാമത്തെ കത്തിലെ ആരോപണം. നാല്‍പത് കോടി ഇന്ത്യക്കാര്‍ ഉപയോഗിക്കുന്ന വാട്‌സ്ആപ്പ്, ബിജെപിക്കായി വിട്ടുവീഴ്ച ചെയ്യുകയും അവര്‍ നിയന്ത്രിക്കുകയും ചെയ്യുന്നുവെന്നുള്ള ടൈം മാഗസിന്റെ റിപ്പോര്‍ട്ട് സംബന്ധിച്ച് വിശദീകരണം നല്‍കാനും കത്തില്‍ ആവശ്യപ്പെടുന്നുണ്ട്. സംഘടനാ ചുമതലയുള്ള എഐസിസി ജനറല്‍ സെക്രട്ടറി കെ.സി.വേണുഗോപാലാണ് ഇത്തവണയും സക്കര്‍ബര്‍ഗിന് കത്തയച്ചിട്ടുള്ളത്.

കലാപത്തിനു വരെ ഇടയാക്കിയേക്കാമെന്ന് വിലയിരുത്തപ്പെട്ട വര്‍ഗീയ പ്രസ്താവന നടത്തിയ ബിജെപിയുടെ തെലങ്കാന എംഎല്‍എ രാജ സിങിനെതിരെ നടപടിയെടുക്കാന്‍ ഫേയ്സ്ബുക്ക് തയ്യാറായില്ലെന്നാണ് ഫേയ്ബുക്കിലെതന്നെ ഉദ്യോഗസ്ഥരെ ഉദ്ധരിച്ച് കമ്പനിയുടെ പക്ഷപാത നിലപാട് ചൂണ്ടിക്കാണിക്കുന്നത്. രാജ സിങിനെ ഫേയ്സ്ബുക്കില്‍നിന്ന് വിലക്കാതിരിക്കാന്‍ കമ്പനിയുടെ ഇന്ത്യയിലെ പോളിസി എക്സിക്യൂട്ടീവ് അന്‍ഖി ദാസ് ഇടപെട്ടുവെന്നാണ് വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്യുന്നത്.

വിഷയത്തില്‍ രൂക്ഷ വിമര്‍ശവുമായി ഇതിനകം തന്നെ കോണ്‍ഗ്രസ് അടക്കം പ്രതിപക്ഷ കക്ഷികളും രാഹുല്‍ ഗാന്ധിയും രംഗത്തെത്തിയിട്ടുണ്ട്. ഇന്ത്യയില്‍ ഫേസ്ബുക്കും വാട്സ്ആപ്പും ബിജെപിയുടേയും ആര്‍എസ്എസിന്റെയും നിയന്ത്രണത്തിലാണെന്ന് രാഹുല്‍ ഗാന്ധി തുറന്നടിച്ചു. ഫെയ്ബുക് മേധാവി സുക്കര്‍ബര്‍ഗും പ്രധാമന്ത്രി നരേന്ദ്രമേദിയും തമ്മിലുള്ള ചിത്രമടങ്ങുന്ന റിപ്പോര്‍ട്ട് പങ്കുവെച്ചാണ് രാഹുലിന്റെ ട്വീറ്റ്.

ബിജെപി-ആര്‍എസ്എസ് നിയന്ത്രണത്തിലായാണ് ഇന്ത്യയില്‍ ഫേസ്ബുക്കും വാട്സ്ആപ്പും പ്രവര്‍ത്തിക്കുന്നത്. അവര്‍ അതിലൂടെ വ്യാജവാര്‍ത്തകളും വിദ്വേഷവും പ്രചരിപ്പിക്കുകയും അത് വോട്ടര്‍മാരെ സ്വാധീനിക്കാന്‍ ഉപയോഗിക്കുകയും ചെയ്യുന്നു. ഒടുവില്‍ ഫേസ്ബുക്കിനെക്കുറിച്ചുള്ള അമേരിക്കന്‍ മാധ്യമങ്ങള്‍ പുറത്തുവന്നിട്ടുള്ള റിപ്പോര്‍ട്ട് അത് വ്യക്തമാക്കുന്ന വസ്തുതയാണെന്നും, രാഹുല്‍ ട്വീറ്റ് ചെയ്തു.

ന്യൂനപക്ഷങ്ങള്‍ക്കെതിരെ അക്രമത്തിന് പ്രേരിപ്പിക്കുന്ന പ്രസ്താവനകള്‍ നടത്തിയതിന്റെ പേരില്‍ ഫേയ്സ്ബുക്കില്‍നിന്ന് രാജ സിങിനെ വിലക്കുന്നതിനുള്ള നടപടികള്‍ പുരോഗമിക്കുന്നതിനിടെയാണ് ബിജെപിയുടെ ഇടപെടലുകള്‍ ഉണ്ടായത്. ഇത് ഭരിക്കുന്ന പാര്‍ട്ടിയോടുള്ള ഫേയ്സ്ബുക്കിന്റെ പക്ഷപാതപരമായ നടപടിയായാണ് റിപ്പോര്‍ട്ട് വിലയിരുത്തുന്നു. നേരത്തെ ജോര്‍ജ് ഫ്‌ളോയിഡ് മരണത്തിന് പിന്നാലെ അമേരിക്കയില്‍ ട്രംപ് അനുകൂല നിലപാട് സ്വീകരച്ചതിന് സുക്കര്‍ബര്‍ഗ് വിവാദത്തിലായിരുന്നു. തുടര്‍ന്ന് ട്വിറ്റര്‍ മേധാവിയുമായി വാക്ക്‌പോരിനും ഇത് കളമൊരുക്കിയിരുന്നു.

വിവാദ പ്രസ്താവനകളുടെ പേരില്‍ കുപ്രസിദ്ധനായ രാജ സിങ് റോഹിംഗ്യന്‍ മുസ്ലിങ്ങള്‍ക്കെതിരെ നടത്തിയ പ്രസ്താവന ഫെയ്സ്ബുക്കിന്റെ നയങ്ങള്‍ക്ക് വിരുദ്ധമാണെന്ന് ഫേയ്സ്ബുക്ക് തന്നെ വിലയിരുത്തിയിരുന്നു. എന്നാല്‍, ഫെയ്സ്ബുക്ക് നയങ്ങള്‍ ലംഘിക്കുന്നതിന്റെ പേരില്‍ മോദിയുടെ പാര്‍ട്ടിയില്‍പ്പെട്ട നേതാക്കള്‍ക്കെതിരെ നടപടി സ്വീകരിക്കുന്നത് കമ്പനിയുടെ ഇന്ത്യയിലെ വളര്‍ച്ചയ്ക്ക് തടസ്സമാകുമെന്ന ബിജെപി നേതാക്കളുടെ ഭീഷണിയെ തുടര്‍ന്നാണ് നിലപാടില്‍ മാറ്റം വരുത്തിയതെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.

എന്നാല്‍, കലാപത്തിന് കാരണമാകുന്ന വിദ്വേഷ പ്രസംഗങ്ങളും വിദ്വേഷജനകമായ ഉള്ളടക്കങ്ങളും തടയുക എന്നത് ഫെയ്സ്ബുക്കിന്റെ നയമാണെന്നും രാഷ്ട്രീയവും പാര്‍ട്ടി ബന്ധങ്ങളും പരിഗണിക്കാതെ ലോകമൊട്ടുക്കും ഈ നയം നടപ്പാക്കുകയെന്നാണ് കമ്പനിയുടെ നിലപാടെന്നും ഫെയ്സ്ബുക്ക് വക്താവ് പ്രതികരിച്ചു.

അതേസമയം, ഫെയ്സ്ബുക്കിലെ ഉന്നത ഉദ്യോഗസ്ഥരും ബിജെപിയും തമ്മിലുള്ള അടുത്ത ബന്ധമാണ് സംഭവം കാണിക്കുന്നതെന്നും ഇത് ജനാധിപത്യത്തെ ദോഷകരമായി ബാധിക്കുമെന്നും കോണ്‍ഗ്രസ് വക്താവ് പവന്‍ ഖേര പറഞ്ഞു.

ഫെയ്‌സ്ബുക്കില്‍ സുഹൃത്തുകളുടെ പഴയകാല ചിത്രങ്ങളും ഓര്‍മ്മകളും ‘കുത്തിപ്പൊക്കല്‍’ പതിവുള്ളതാണ്. എന്നാല്‍ ഫെയ്‌സ്ബുക്ക് മുതലാളി സാക്ഷാല്‍ സുക്കര്‍ബര്‍ഗിന്റെ പഴയ ചിത്രമാണ് ഇപ്പോള്‍ മലയാളികള്‍ കുത്തിപ്പൊക്കിയിരിക്കുന്നത്. 2017 ല്‍ പോസ്റ്റ് ചെയ്ത് ചിത്രത്തിനു താഴെയാണ് മലയാളികള്‍ നാടന്‍ ശൈലിയില്‍ കമന്റിട്ടിരിക്കുന്നത്.

നേരത്തെ ഫെയ്‌സ്ബുക്ക് സെന്‍സറിംഗിന്റെ കാര്യത്തിലും പ്രാദേശിക ഭാഷകള്‍ മൂലമുണ്ടാകുന്ന പരിമിതികള്‍ സുക്കര്‍ബര്‍ഗ് സൂചിപ്പിച്ചിരുന്നു. ഇന്ത്യയിലെ പ്രാദേശിക ഭാഷകളിലുണ്ടാകുന്ന ട്രോളുകളും മറ്റും നിയന്ത്രിക്കുന്നതിലെ പരിമിധിയാണ് ഫെയ്‌സ്ബുക്ക് സൂചിപ്പിച്ചിരുന്നത്.

വിഷയത്തില്‍ തങ്ങള്‍ക്കു തെറ്റുപറ്റിയെന്ന് സുക്കര്‍ബര്‍ഗ് തുറന്നുസമ്മതിച്ചു. കേംബ്രിഡ്ജ് അനലിറ്റിക്കയുമായി നടന്ന ഇടപാടില്‍ വിശ്വാസ്യതാ പ്രശ്‌നം സംഭവിച്ചുവെന്നും പ്രശ്‌നങ്ങള്‍ പരിഹരിക്കുന്നതിന് കാര്യമായ മാറ്റങ്ങള്‍ വരുത്തുമെന്നും സുക്കര്‍ബര്‍ഗ് പറഞ്ഞു.

50 ദശലക്ഷം പേരുടെ വിവരങ്ങള്‍ കോംബ്രിഡ്ജ് അനലിറ്റിക്ക ഫേസ്ബുക്കിലൂടെ ചോര്‍ത്തിയെന്ന ആരോപണത്തിലാണ് സുക്കര്‍ബര്‍ഗിന്റെ പ്രതികരണം.
ഫേസ്ബുക്ക് ആരംഭിച്ച വ്യക്തിയെന്ന നിലയില്‍ അതുമായി ബന്ധപ്പെട്ട് എന്തു സംഭവിച്ചാലും അത് തന്റെ ഉത്തരവാദിത്തമാണെന്ന് അദ്ദേഹം പറഞ്ഞു.

ഫേസ്ബുക്കില്‍ നിന്ന് വിവരങ്ങള്‍ ശേഖരിക്കുന്ന ആപ്ലിക്കേഷനുകളെ കര്‍ശനമായ പരിശോധനക്കു വിധേയമാക്കും. സ്ട്രാറ്റജിക് കമ്മ്യൂണിക്കേഷന്‍സ് ലബോറട്ടറീസ് ഗ്രൂപ്പും അതിന്റെ കീഴിലുള്ള കേംബ്രിഡ്ജ് അനലിറ്റിക്കയും ചേര്‍ന്നാണ് ഫേസ്ബുക്ക് ഉപയോക്താക്കളുടെ വിവരങ്ങള്‍ ശേഖരിച്ചത്.

അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ തെരഞ്ഞെടുപ്പു പ്രചാരണത്തിന് ഈ വിവരങ്ങള്‍ ഉപയോഗിച്ചതായും റിപ്പോര്‍ട്ടുണ്ട്.

റഷ്യന്‍ വംശജനായ അമേരിക്കന്‍ മനശാസ്ത്രജ്ഞന്‍ അലക്‌സാണ്ടര്‍ കോഗനാണ് ആപ്പ് ഫേസ്ബുക്ക് വഴി നല്‍കാന്‍ അനുമതി തേടിയത്. ആപ്പ് വാങ്ങുന്നവരുടെ സ്വകാര്യ വിവരങ്ങള്‍ അയാള്‍ മുന്നറിയിപ്പു നല്‍കി നേടിയെടുത്തു. അനലിറ്റിക്ക എന്ന സ്ഥാപനത്തിന് ഒന്നരക്കോടി ഡോളര്‍ നല്‍കിയത് ട്രംപിനെ പിന്തുണക്കുന്ന കോടീശ്വരന്‍ റോബര്‍ട്ട് മെര്‍സറാണ്.

കുഞ്ഞ് ആദ്യമായി ഉച്ചരിച്ച വാക്ക് ഫേസ്ബുക്ക് എന്നാണോ എന്ന ഐടി പ്രേമികളുടെ ചോദ്യത്തിന് മറുപടിയായി സൂക്കര്‍ബര്‍ഗ് തന്നെയാണ് തന്റെ ഫേസ്ബുക്ക് പോസ്റ്റില്‍ ഇക്കാര്യം വെളിപ്പെടുത്തിയത്. ചിത്രത്തിന്റെ രൂപത്തിലായിരുന്നു മകളുടെ ആദ്യ ഉച്ചാരണം സൂക്കര്‍ബര്‍ഗ് പങ്കുവെച്ചത്. കുടുംബത്തില്‍ മാക്‌സിന് ഏറെ പ്രിയപ്പെട്ട ഒരാളുമൊത്തുള്ള ചിത്രമായിരുന്നു അത്.

ഹംഗേറിയന്‍ ഷീപ് ഡോഗിനെ ഡോഗ് എന്നു വിളിച്ചുകൊണ്ടായിരുന്നു മാക്‌സ് ആദ്യ വാക്ക് ഉച്ചരിച്ചത്. ‘ബീസ്റ്റ് എന്നു പേരുള്ള നായയെ ഡോഗ് എന്നാണ് വിളിച്ചത്. എന്നാല്‍ ബീസ്റ്റ് എന്ന പേര് അവള്‍ക്ക് പിടിച്ചെടുക്കാന്‍ സാധിച്ചിട്ടില്ലെന്ന് സൂക്കര്‍ബര്‍ഗിന്റെ ഭാര്യ പ്രസില്ല ചാന്‍ പ്രതികരിച്ചു. കുഞ്ഞുമാക്‌സിനൊപ്പമുള്ള ചിത്രം ഫേസ്ബുക്കില്‍ വൈറലായതോടെ ബീസ്റ്റ് എന്ന നായയും സൂക്കര്‍ബര്‍ഗ് കുടുംബത്തില്‍ നിന്ന് താരമായി. മാക്‌സിന് ഫേസ്ബുക്ക് തുടങ്ങുന്നുണ്ടോ എന്ന ചോദ്യത്തിന് സൂക്കര്‍ബര്‍ഗിന്റെ മറുപടി അമ്പരിപ്പിക്കുന്നതായിരുന്നു. ഫേസ്ബുക്കിന്റെ നിയമങ്ങള്‍ക്കനുസരിച്ച് അവള്‍ തന്നെ സ്വന്തം അക്കൗണ്ട് ക്രിയേറ്റ് ചെയ്യട്ടെയെന്നായിരുന്നു സൂക്കര്‍ബര്‍ഗ്-പ്രസില്ല ദമ്പതികളുടെ മറുപടി.