മത്സരത്തിന്റെ തുടക്കം മുതല്‍ ആധിപത്യം മേരി കോം നേടിയിരുന്നെങ്കിലും ശക്തമായ ചെറുത്തുനില്‍പ്പാണ് ജിറ്റ്‌പോങ്ങ് നടത്തിയത്. 51 കിലോഗ്രാം വിഭാഗത്തില്‍ മേരി കോം ആദ്യമായാണ് കിരീടം ലക്ഷ്യം വെക്കുന്നത്.

ലോക ചാമ്പ്യന്‍ഷിപ്പില്‍ ആറ് സ്വര്‍ണം നേടുന്ന രണ്ടാം താരവും ആദ്യ വനിതാ താരവുമാണ് മേരി കോം. ഇതിഹാസ ക്യൂബന്‍ പുരുഷ താരം ഫെലിക്സ് സാവോന്‍ മാത്രമാണ് ലോക ചാമ്പ്യന്‍ഷിപ്പില്‍ ആറ് സ്വര്‍ണം മുമ്പ്് നേടിയിട്ടുള്ളത്. വനിതകളില്‍ അഞ്ച് സ്വര്‍ണം നേടിയിരുന്ന ഐര്‍ലന്‍ഡിന്റെ കാറ്റി ടെയ്ലറെയാണ് മേരി പിന്നിലാക്കിയത്. 2010 ലോക ചാമ്പ്യന്‍ഷിപ്പിലായിരുന്നു മേരിയുടെ ആദ്യ സ്വര്‍ണവേട്ട.

അതേസമയം, ഇന്നു നടന്ന 57 കിലോഗ്രാം വിഭാഗം ഫൈനലില്‍ സോണിയ ചാഹല്‍ തോറ്റത് ഇന്ത്യയ്ക്ക് നിരാശയായി. ജര്‍മനിയുടെ വാണര്‍ ഓര്‍നെല്ലയാണ് സോണിയയെ വീഴ്ത്തിയത്. സ്പ്ലിറ്റ് തീരുമാനത്തില്‍ 1-4നാണ് സോണിയയുടെ തോല്‍വി. മേരി കോമിന്റെ സ്വര്‍ണവും സോണിയയുടെ വെള്ളിയും ഉള്‍പ്പെടെ ഈ ലോക ചാംപ്യന്‍ഷിപ്പില്‍ ഇന്ത്യയുടെ ആകെ മെഡല്‍നേട്ടം നാലായി ഉയര്‍ന്നു. സെമിഫൈനലുകളില്‍ പരാജയപ്പെട്ട ഇന്ത്യന്‍ താരങ്ങള്‍ സിമ്രന്‍ജിത് കൗറും ലോവ്ലിന ബോര്‍ഗോഹെയ്‌നും വെങ്കലം നേടിയിരുന്നു.