1. देश व खासकर उत्तर प्रदेश जैसे गरीबी, बेरोजगारी, महंगाई व पिछड़ेपन आदि से त्रस्त विशाल राज्य में भाजपा सरकार की लोगों को अति-लाचार एवं आतंकित करने वाली बुल्डोजर राजनीति से अब निर्दोष गरीबों की जान भी जाने लगी हैं, जो अति-दुखद व निन्दनीय। सरकार अपना जनविरोधी रवैया बदले। 1/2

— Mayawati (@Mayawati) February 15, 2023

‘ബിജെപി സര്‍ക്കാരിന്റെ ബുള്‍ഡോസര്‍ രാഷ്ട്രീയം നിരപരാധികളും പാവപ്പെട്ടവരുമായ മനുഷ്യരുടെ ജീവന്‍ അപഹരിക്കുന്നു, ഇത് വളരെ ദാരുണമാണ്. സര്‍ക്കാര്‍ ജനവിരുദ്ധ സമീപനം മാറ്റണം,’ അവര്‍ ഹിന്ദിയില്‍ ട്വീറ്റ് ചെയ്തു. ഈയിടെ യുപി സര്‍ക്കാര്‍ സംഘടിപ്പിച്ച ആഗോള നിക്ഷേപക ഉച്ചകോടിയെക്കാളും ഈ സംഭവം വാര്‍ത്തകളില്‍ ഇടംനേടിയെന്നും മായാവതി പറഞ്ഞു.

ഉത്തര്‍പ്രദേശിലെ കാണ്‍പൂര്‍ ദേഹത് ജില്ലയിലെ ഗ്രാമത്തില്‍ തിങ്കളാഴ്ചയാണ് 45 കാരിയായ സ്ത്രീയും 20 വയസ്സുള്ള മകളും പൊള്ളലേറ്റ് മരിച്ചത്. വീടിനുള്ളില്‍ ആളുണ്ടെന്ന് അറിഞ്ഞിട്ടും പൊലീസ് തീയിടുകയായിരുന്നെന്നാണ് കുടുംബത്തിന്റെ ആരോപണം. എന്നാല്‍ പൊലീസ് ഇക്കാര്യം നിഷേധിച്ച്‌ രംഗത്തെത്തി. എന്നാല്‍ സംഭവത്തില്‍ കൊലപാതകത്തിന് കേസെടുത്തിട്ടുണ്ട്.

സംഭവത്തില്‍ സബ് ഡിവിഷണല്‍ മജിസ്ട്രേറ്റ്, നാല് റവന്യൂ ഉദ്യോഗസ്ഥര്‍, ഒരു പൊലീസ് സ്റ്റേഷന്‍ മേധാവി, മറ്റ് പൊലീസുകാര്‍ എന്നിവരുള്‍പ്പെടെ 39 പേര്‍ക്കെതിരെ കൊലപാതകക്കുറ്റം ചുമത്തി കേസെടുത്തിട്ടുണ്ട്. മരണത്തെതുടര്‍ന്ന് പ്രദേശവാസികളും പൊലീസും തമ്മില്‍ സംഘര്‍ഷവും നടന്നിരുന്നു. പൊലീസിന് നേരെ നാട്ടുകാര്‍ കല്ലെറിയുകയും ചെയ്തു.

‘ഇത് എന്റെ അവസാനത്തെ തെരഞ്ഞെടുപ്പു പോരാട്ടമാണ്. മെയിന്‍പുരി മണ്ഡലത്തില്‍ നിന്ന് എന്റെ വിജയം ഉറപ്പാക്കണം’- വികാരാധീനനായാണ് സമാജ്വാദി പാര്‍ട്ടി നേതാവ് മുലായം സിങ് നേതാവ് ജനങ്ങളോട് വോട്ട് അഭ്യര്‍ഥിച്ചത്. വമ്പിച്ച ഭൂരിപക്ഷത്തോടെ എന്നെ നിങ്ങള്‍ വിജയിപ്പിക്കുമോ ഇല്ലെയോ എന്ന മുലായം സിങ്ങിന്റെ ചോദ്യത്തിന് അതെ എന്ന് ഉച്ചത്തില്‍ തടിച്ചു കൂടിയവര്‍ ഒന്നടങ്കം മറുപടി നല്‍കി.

എസ്.പി-ബി.എസ്.പി-ആര്‍.എല്‍.ഡി സഖ്യകക്ഷികളുടെ പൊതുവേദിയില്‍ വെച്ചാണ് മുലായം വികാരാധീനനായി പ്രസംഗിച്ചത്. മകനും എസ്.പി അധ്യക്ഷനുമായ അഖിലേഷ് യാദവും ബി.എസ്.പി അധ്യക്ഷ മായാവതിയും മുലായത്തിനു വേണ്ടി വോട്ടു ചോദിച്ചു. രണ്ടര പതിറ്റാണ്ടിനു ശേഷമാണ് മുലായവും മായാവതിയും ഒരേ വേദിയില്‍ വരുന്നത്. മായാവതിയെ പ്രശംസിച്ച മുലായം, തനിക്കു വേണ്ടി വോട്ട് അഭ്യര്‍ഥിക്കാന്‍ മെയിന്‍പുരിയില്‍ വന്നെത്തിയതിനുള്ള കടപ്പാടും അറിയിച്ചു. നാലു തവണ മുലായത്തെ പാര്‍ലമെന്റിലെത്തിച്ച മണ്ഡലമാണ് മെയിന്‍പുരി.

ലക്‌നോ: രണ്ട് പതിറ്റാണ്ടിനു ശേഷം വേദി പങ്കിടാനൊരുങ്ങി ബി.എസ്്.പി അധ്യക്ഷ മായാവതിയും സമാജ്‌വാദി പാര്‍ട്ടി സ്ഥാപക നേതാവ് മുലായം സിങ് യാദവും. ഉത്തര്‍പ്രദേശിലെ മെയിന്‍പൂരിയില്‍ ഏപ്രില്‍ 19 ന് പ്രതിപക്ഷ പാര്‍ട്ടികള്‍ സംയുക്തമായി നടത്തുന്ന റാലിയിലായിരിക്കും ഇരു നേതാക്കളുടേയും സാന്നിധ്യമുണ്ടാകുക. ഇതോടൊപ്പം സഖ്യകക്ഷിയായ ആര്‍.എല്‍.ഡിയും അണിനിരക്കുന്ന 11 റാലി ഏപ്രില്‍ എഴ് മുതല്‍ പത്തുവരെ നടക്കും. ഏപ്രില്‍ ഏഴിന് ദിയോബന്ദിലാണ് ആദ്യ റാലി.
സഹരണ്‍പൂര്‍, കൈരാന, ബിജ്‌നോര്‍, മുസഫര്‍നഗര്‍ എന്നിവയുടെ അയല്‍ജില്ലകളില്‍ നിന്നായിരിക്കും റാലി ആരംഭിക്കുക. രണ്ടാമത്തെ ഐക്യറാലി ഏപ്രില്‍ 13 ന് ബദ്വാനില്‍ സംഘടിപ്പിക്കും. മൂന്നാമത്തെ റാലി ഏപ്രില്‍ 16 ന് ആഗ്രയിലും നടത്തും. പ്രതിപക്ഷ പാര്‍ട്ടികളെല്ലാം ഒരുമിച്ച് നടത്തുന്ന നാലാമത്തേ റാലിയാണ് മെയിന്‍പൂരിയില്‍ വെച്ച് മഹാറാലിയായി നടത്താന്‍ തീരുമാനിച്ചിരിക്കുന്നത്. മായാവതിയേയും മുലായത്തെയും കൂടാതെ എസ്.പി നേതാവ് അഖിലേഷ് യാദവ്, ആര്‍.എല്‍.ഡി അധ്യക്ഷന്‍ അജിത് സിങ് തുടങ്ങിയ നേതാക്കളും റാലിയില്‍ അണിനിരക്കും. പ്രതിപക്ഷ പാര്‍ട്ടികളുടെ ഐക്യം ശക്തിപ്പെടുത്തുന്നതിന് വേണ്ടിയാണ് ഐക്യറാലി സംഘടിപ്പിക്കുന്നതെന്ന് എസ്.പി വ്യക്താവ് രാജേന്ദ്ര ചൗധരി അറിയിച്ചു.

ലക്‌നൗ: പ്രധാനമന്ത്രി നരേന്ദ്ര മോദി പരസ്യങ്ങള്‍ക്കും മറ്റു പ്രചാരണ പരിപാടികള്‍ക്കുമായി ചെലവഴിച്ചത് 3044 കോടി രൂപ. ബി.എസ്.പി. നേതാവും മുന്‍ ഉത്തര്‍ പ്രദേശ് മുഖ്യമന്ത്രിയുമായ മായാവതിയാണ് ആരോപണവുമായി രംഗത്തെത്തിയിരിക്കുന്നത്. വിദ്യാര്‍ത്ഥികളുടെ പഠനത്തിനും ജനങ്ങളുടെ ആരോഗ്യ പരിപാലനത്തിനും ചെലവഴിക്കേണ്ട തുകയാണ് മോദി പ്രചാരണങ്ങള്‍ക്കായി ഉപയോഗിച്ചതെന്നും മായാവതി പറഞ്ഞു. പ്രത്യേകിച്ചും ഉത്തര്‍പ്രദേശിനെ പോലൊരു പിന്നോക്ക സംസ്ഥാനത്തിന് ആ പണം ഏറെ ആവശ്യമായിരുന്നെന്നും അവര്‍ പറഞ്ഞു.
ബി.ജെ.പിക്ക് ജനങ്ങളുടെ പ്രശ്‌നങ്ങള്‍ പരിഹരിക്കുന്നതിനേക്കാള്‍ ആവശ്യമായി തോന്നുന്നത് പരസ്യങ്ങള്‍ ചെയ്ത് ജനങ്ങളെ വശീകരിക്കുകയാണെന്നും മായാവതി ട്വിറ്ററില്‍ കുറിച്ചു.
കല്ലറകളില്‍ നിന്നും പഴയ പ്രേതങ്ങളെ പുറത്തേക്ക് കൊണ്ടുവന്ന് സര്‍ക്കാരിന്റെ തെറ്റുകളെ മറയ്ക്കാന്‍ ശ്രമിക്കുകയാണ് മോദി ചെയ്യുന്നത്. തൊഴിലില്ലായ്മ, ദാരിദ്ര്യം തുടങ്ങിയ വിഷയങ്ങളില്‍ നിന്നും ജനങ്ങളുടെ ശ്രദ്ധ തിരിച്ചുവിടാനാണ് മോദിയുടെ ശ്രമം. ഇത് തെരഞ്ഞെടുപ്പില്‍ ഒരു വിഷയമാകാതിരിക്കാനുള്ള ശ്രമമാണത്. ജനങ്ങള്‍ ഈ തട്ടിപ്പില്‍ വീണുപോകരുതെന്നും മായാവതി ട്വീറ്റ് ചെയ്തിരുന്നു.

വാര്‍ത്താ സമ്മേളനത്തില്‍ സഖ്യപ്രഖ്യാപനം നടക്കുമെന്ന സൂചനകള്‍ ഇതിനകം വന്നു കഴിഞ്ഞു. അഖിലേഷ് യാദവിന്റെ സമാജ്‌വാദി പാര്‍ട്ടിയും മായാവതിയുടെ ബഹുജന്‍ സമാജ്‌വാദി പാര്‍ട്ടിയും സഖ്യമായി ഉപതെരഞ്ഞെടുപ്പുകളെ നേരിട്ടപ്പോള്‍ മികച്ച പ്രതികരണമാണ് ഉണ്ടാക്കാനായത്.

ഇതോടെ വരുന്ന ലോക്‌സഭ തെരഞ്ഞെടുപ്പിലും ഈ സഖ്യം തുടരാനുള്ള തീരുമാനത്തില്‍ ഇരു സംഘങ്ങളും എത്തിച്ചേര്‍ന്നതായുള്ള റിപ്പോര്‍ട്ടുകള്‍ ദേശീയ മാധ്യമങ്ങള്‍ പുറത്ത് വിട്ടിരുന്നു. നേരത്തെ, ഡല്‍ഹിയില്‍ മായാവതിയും അഖിലേഷ് യാദവും മൂന്ന് മണിക്കൂറോളം ചര്‍ച്ച നടത്തിയിരുന്നു.

ഇതില്‍ സീറ്റുകള്‍ വിഭജിക്കുന്നത് സംബന്ധിച്ചുള്ള ധാരണളായിട്ടുണ്ട്.ആകെയുള്ള 80 സീറ്റില്‍ 37 സീറ്റുകളില്‍ വീതം മത്സരിക്കാനുള്ള ധാരണയാണ് എസ്പിയും ബിഎസ്പിയും തമ്മില്‍ ഉരുത്തിരിഞ്ഞിരിക്കുന്നതെന്നാണ് സൂചനകള്‍. കോണ്‍ഗ്രസ് ഈ സഖ്യത്തിന്റെ ഭാഗമാകില്ലെന്നും ഉറപ്പായിട്ടുണ്ട്. കഴിഞ്ഞ തവണ 80ല്‍ 73 സീറ്റുകളാണ് ബിജെപി സഖ്യം നേടിയത്.

25 വര്‍ഷങ്ങള്‍ക്ക് ശേഷമാണ് ഇരുപാര്‍ട്ടികളും ബി.ജെ.പിക്കെതിരെ വീണ്ടും ഒന്നിക്കുന്നത് നേരത്തെ മുതിര്‍ന്ന നേതാക്കളായ മുലായാംസിങ് യാദവും കാന്‍ഷിറാമും പ്രയോഗിച്ച തന്ത്രം വിജയിച്ചിരുന്നു. സഖ്യം വിജയിക്കുകയാണെങ്കില്‍ ബി.ജെ.പിക്ക് കേന്ദ്രഭരണം എളുപ്പമാവില്ലെന്നാണ് റിപ്പോര്‍ട്ടുകള്‍.

അതേസമയം, കോണ്‍ഗ്രസിന് വ്യക്തമായ ഭൂരിപക്ഷം ലഭിച്ച രാജസ്ഥാനില്‍ നാളെയാണ് കോണ്‍ഗ്രസ് എം.എല്‍.എമാരുടെ യോഗം വിളിച്ചിരിക്കുന്നത്. സംസ്ഥാനത്ത് സര്‍ക്കാര്‍ രൂപീകരിക്കുന്നതിനുള്ള തന്ത്രങ്ങള്‍ സ്വീകരിക്കാന്‍ എ.ഐ.സി.സി നിരീക്ഷണ അംഗമായി കെ.സി.വേണുഗോപാലിനെ കേന്ദ്രനേതൃത്വം ഇതിനോടകം തന്നെ നിയോഗിച്ചിട്ടുണ്ട്. ഒറ്റക്ക് ഭൂരിപക്ഷം ലഭിച്ചില്ലെങ്കില്‍ സ്വതന്ത്രരുടെ പിന്തുണയോടെ സര്‍ക്കാര്‍ രൂപീകരിക്കാനാണ് കോണ്‍ഗ്രസ് തീരുമാനം.

ബി.ജെ.പിയുടെ ബി ടീമായ ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) സഖ്യത്തിലേര്‍പ്പെട്ടതോടെ ബി.എസ്.പി ബി.ജെ.പിയെ സഹായിക്കുകയാണ് ചെയ്തിരിക്കുന്നത്. ബി.എസ്.പിക്കെതിരെ കേന്ദ്ര ഏജന്‍സികളുടെ അന്വേഷണമാണ് തെരഞ്ഞെടുപ്പില്‍ ബി.ജെ.പിയെ സഹായിക്കാന്‍ മായാവതിയെ നിര്‍ബന്ധിക്കുന്നത്. ബി.എസ്.പി പ്രഖ്യാപിച്ച സ്ഥാനാര്‍ത്ഥികളെല്ലാം ബി.ജെ.പിയുടെ നാമനിര്‍ദേശ പ്രകാരമാണ്. ഇതെല്ലാം ഛത്തിസ്ഗഡിലെ ജനങ്ങള്‍ മനസ്സിലാക്കുന്നുണ്ടെന്നും സംസ്ഥാന കോണ്‍ഗ്രസ് അധ്യക്ഷന്‍ ഭൂപേഷ് ബാഗല്‍ പറഞ്ഞു.

അസംബ്ലി തെരഞ്ഞെടുപ്പ് ആസന്നമായ ഛത്തിസ്ഗഡില്‍ അജിത് ജോഗിയുടെ പാര്‍ട്ടിയായ ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) ബി.എസ്.പി വ്യാഴായ്ചയാണ് സഖ്യത്തിലേര്‍പ്പെട്ടത്ത്. 90 അംഗ അസംബ്ലിയില്‍ ബി.എസ്.പിയുടെ 22 സ്ഥാനാര്‍ത്ഥികളെ പ്രഖ്യാപിച്ച മായാവതി, 35 സീറ്റില്‍ ബി.എസ്.പി സ്ഥാനാര്‍ത്ഥികള്‍ മത്സരിക്കുമെന്നും ലഖ്‌നൗവില്‍ പറഞ്ഞിരുന്നു. തെരഞ്ഞെടുപ്പില്‍ സഖ്യം വിജയിക്കുകയാണെങ്കില്‍ അജിത് ജോഗി മുഖ്യമന്ത്രിയാകുമെന്നും വ്യക്തമാക്കി. ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) ചേര്‍ന്ന് ഉടന്‍തന്നെ തെരഞ്ഞെടുപ്പ് പ്രചരണം ആരംഭിക്കുമെന്നും പ്രചരണ റാലികള്‍ നടത്തുന്നത് സംബന്ധിച്ച് ഉടന്‍തന്നെ അന്തിമ തീരുമാനത്തിലെത്തുമെന്നും മായാവതി പത്രസമ്മേളനത്തില്‍ വ്യക്തമാക്കിയിരുന്നു.

അതേസമയം ബി.എസ്.പി പുതിയ സഖ്യം രൂപികരിച്ചതോടെ കോണ്‍ഗ്രസ് വീണ്ടും ദുര്‍ബലരായെന്നും,ബി.എസ്.പി-ജെ.സി.സി സഖ്യത്തിന് ബി.ജെ.പിക്ക് വെല്ലുവിളിയാവില്ലയെന്നും സംസ്ഥാന ബി.ജെ.പി അധ്യക്ഷന്‍ ധരംലാല്‍ കൗശിക് പറഞ്ഞു. വരാനിരിക്കുന്ന തെരഞ്ഞെടുപ്പില്‍ സംസ്ഥാനത്ത് ത്രികോണ മത്സരത്തിനാവും കളമൊരുങ്ങുക. എന്നാല്‍ തുടര്‍ച്ചയായ നാലാം തവണയും ബി.ജെ.പി ഛത്തിസ്ഗഡില്‍ സര്‍ക്കാര്‍ രൂപികരിക്കുമെന്നും അദ്ദേഹം കൂട്ടിച്ചേര്‍്ത്തു. 2003 മുതല്‍ ബി.ജെ.പിയാണ് ഛത്തിസ്ഗഡ് ഭരിക്കുന്നത്. രമണ്‍ സിങ് ആണ് മുഖ്യമന്ത്രി.