ബിജെപിയും ബിഎസ്പിയും തമ്മിലുള്ള സഖ്യം വരാനിരിക്കുന്ന ഒരു തെരഞ്ഞെടുപ്പിലും സാധ്യമാവില്ല. വര്‍ഗീയ പാര്‍ട്ടിയുമായി സഖ്യമുണ്ടാക്കാന്‍ ബിഎസ്പിക്ക് സാധിക്കില്ലെന്ന് മാധ്യമപ്രവര്‍ത്തകരോട് മായാവതി പറഞ്ഞു. എല്ലാവര്‍ക്കും എല്ലാ മതങ്ങള്‍ക്കും ഗുണമുണ്ടാകണമെന്നാണ് ബിഎസ്പി ആഗ്രഹിക്കുന്നത്. ഇതിന് നേര്‍വിപരീതമാണ് ബിജെപിയുടെ രാഷ്ട്രീയം. വര്‍ഗീയവും, മതപരവും മുതലാളിത്ത വ്യവസ്ഥിതിയില്‍ ഊന്നിയതുമായ ബിജെപി പ്രത്യയശാസ്ത്രത്തോട് ചേര്‍ന്ന് നില്‍ക്കാന്‍ ബിഎസ്പിക്ക് ആവില്ലെന്ന് മായാവതി വ്യക്തമാക്കി.

രാജ്യസഭ തെരഞ്ഞെടുപ്പിലും സ്‌റ്റേറ്റ് കൗണ്‍സില്‍ തെരഞ്ഞെടുപ്പിലും എസ്പിയെ തോല്‍പ്പിക്കാനായി വോട്ട് ചെയ്യുമെന്ന് മായാവതി പറഞ്ഞിരുന്നു. ഇതോടെയാണ് ബിഎസ്പി-ബിജെപി സഖ്യമുണ്ടാവുമെന്ന സൂചന വന്നത്. എന്നാല്‍ ഇത് അപ്പാടെ തള്ളിക്കൊണ്ടാണ് ബിഎസ്പി അധ്യക്ഷയുടെ പുതിയ പ്രസ്താവന.

അവസാന ഘട്ട വോട്ടെടുപ്പ് പൂര്‍ത്തിയാകാന്‍ മിനിറ്റുകള്‍ മാത്രം ശേഷിക്കെ രാഷ്ട്രീയ അണിയറയില്‍ ആര് അധികാരത്തില്‍ വരണമെന്ന ചര്‍ച്ചകള്‍ സജീവമാവുകയാണ്. ആന്ധ്രാപ്രദേശ് മുഖ്യമന്ത്രിയും ടിഡിപി നേതാവുമായ എന്‍ ചന്ദ്രബാബു നായിഡു ഡല്‍ഹിയിലെ 10 ജന്‍പഥിലെത്തി. പ്രതിപക്ഷസഖ്യ നീക്കവുമായി ഇന്നലെ ബിഎസ്പി നേതാവ് മായാവതിയുമായും എസ്പി നേതാവ് അഖിലേഷ് യാദവുമായും നായിഡു ചര്‍ച്ചകള്‍ നടത്തിയിരുന്നു. ഇന്ന് യുപിഎ അദ്ധ്യക്ഷ സോണിയ ഗാന്ധിയെ കണ്ട് രാഷ്ട്രീയ സഖ്യ ചര്‍ച്ചകള്‍ നടത്താനാണ് ലക്ഷ്യം. അതിനിടെ പ്രതിപക്ഷ സഖ്യനീക്കവുമായി ചന്ദ്രബാബു നായിഡു എന്‍സിപി നേതാവ് ശരത് പവാറുമായി കൂടിക്കാഴ്ച നടത്തി. ഇത് രണ്ടാം തവണയാണ് ശരത് പവാറുമായി നായിഡു ചര്‍ച്ച നടത്തുന്നത്. ലോക്‌സഭാ തെരഞ്ഞെടുപ്പില്‍ ആന്ധ്രാപ്രദേശ് വന്‍ വിജയം പ്രതീക്ഷിച്ചാണ് റായിഡുവിന്റെ ഇടപെടല്‍.

മേയ് 23 ന് തെരഞ്ഞെടുപ്പ് ഫലപ്രഖ്യാപന ദിവസം പ്രതിപക്ഷ കക്ഷികളുടെ ഒരു സംയുക്തയോഗം സോണിയ ഗാന്ധിയും വിളിച്ചു ചേര്‍ത്തിട്ടുണ്ട്. പ്രതിപക്ഷ കക്ഷികളുടെ ഐക്യവും ബിജെപി ഇതര സര്‍ക്കാര്‍ രൂപീകരണവുമായിരിക്കും സോണിയ ഗാന്ധിയുടെ യോഗത്തിലെ പ്രധാന അജണ്ടയെന്നത് വ്യക്തമാണ്. 

എസ്.പിയും കോണ്‍ഗ്രസും മായാവതിയെ വഞ്ചിച്ചുവെന്ന ആരോപണവുമായാണ് പ്രധാനമന്ത്രി നരേന്ദ്രമോദി കഴിഞ്ഞ ദിവസം രംഗത്തെത്തിയത്. മായാവതി കോണ്‍ഗ്രസിനെതിരെ രൂക്ഷ വിമര്‍ശം ഉന്നയിക്കുന്നതിനിടെ കോണ്‍ഗ്രസ്, എസ്.പി നേതാക്കള്‍ വേദി പങ്കിടുകയാണെന്ന് മോദി ആരോപിച്ചിരുന്നു. റായ്ബറേലിയില്‍ നടന്ന എസ്.പി യോഗത്തില്‍ എ.ഐ.സി.സി ജനറല്‍ സെക്രട്ടറി പ്രിയങ്കാഗാന്ധി പങ്കെടുത്തത് ചൂണ്ടിക്കാട്ടിയായിരുന്നു മോദിയുടെ വിമര്‍ശം. എന്നാല്‍ ഇതിനു പിന്നാലെ മോദിയെ തള്ളി മായാവതി രംഗത്തെത്തിയത് ബിജെപിക്ക് വീണ്ടും തിരിച്ചടിയായിരിക്കുകയാണ്.

ബിജെപിക്കെതിരെ പൊതു സ്ഥാനാര്‍ഥിയായ സോണിയയും രാഹുലും മത്സരിക്കുന്ന റായ്ബറേലിയിലും അമേഠിയിലും കോണ്‍ഗ്രസിന് വോട്ടുചെയ്യണമെന്ന അഭ്യര്‍ഥനയുമായാണ് ബി.എസ്.പി അധ്യക്ഷ മായാവതി രംഗത്തെത്തിയത്. അമേഠിയില്‍ എസ്പി പ്രവര്‍ത്തകര്‍ രാഹുലിന്റെ പ്രചാരത്തിന് എത്തിയതും ബിജെപി ക്യാമ്പിന് തിരിച്ചടിയായി.

ഇതിനിടെ പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്‍ശവുമായി എസ്.പി ദേശീയ അധ്യക്ഷന്‍ അഖിലേഷ് യാദവും രംഗത്തെത്തി. കോണ്‍ഗ്രസും എസ്.പിയും തമ്മിലുണ്ടാക്കിയ രഹസ്യ ധാരണ പ്രകാരം ഇരു പാര്‍ട്ടികളും ചേര്‍ന്ന് മായാവതിയെ വഞ്ചിച്ചുവെന്ന മോദിയുടെ പ്രസ്താവന പരാജയം ഉറപ്പായതില്‍ നിന്നുമുണ്ടായതാണെന്ന് അഖിലേഷ് പറഞ്ഞു. തെരഞ്ഞെടുപ്പിന്റെ നാലു ഘട്ടം കഴിഞ്ഞതോടെ മോദിയുടെ കണക്കു കൂട്ടുലുകള്‍ പിഴച്ചു. പരാജയം ഉറപ്പായതോടെ പുതിയ തന്ത്രം തേടുകയാണ്. ബ്രിട്ടീഷുകാരുടെ ഭിന്നിപ്പിച്ച് ഭരിക്കല്‍ തന്ത്രമാണ് മോദി യു.പിയില്‍ പയറ്റാന്‍ ശ്രമിക്കുന്നതെന്നും എന്നാല്‍ ഇത് ഇത്തവണ വിലപ്പോവില്ലെന്നും അദ്ദേഹം പറഞ്ഞു. വികസനം, കാര്‍ഷിക വരുമാനം തുടങ്ങി ഒന്നും തന്നെ ബി.ജെ.പിക്കോ മോദിക്കോ പറയാനില്ല. ഇനി ആകെയുള്ള രക്ഷ ജനങ്ങളെ തെറ്റിദ്ധരിപ്പിക്കുകയാണ്. എസ്.പി-ബി.എസ്.പി-ആര്‍.എല്‍.ഡി സഖ്യം അടുത്ത പ്രധാനമന്ത്രിയെ തീരുമാനിക്കുമെന്നും അഖിലേഷ് കൂട്ടിച്ചേര്‍ത്തു. മോദി 180 ഡ്രിഗ്രി പ്രധാനമന്ത്രിയാണ്. ജനസംഖ്യയുടെ ഒരു ശതമാനത്തെ മാത്രമാണ് അദ്ദേഹം പ്രതിനിധാനം ചെയ്യുന്നത്. പറയുന്നതിന്റെ നേര്‍ വിപരീതം മാത്രം പ്രവര്‍ത്തികുന്ന ആദ്യ പ്രധാനമന്ത്രിയാണ് മോദിയെന്നും എസ്.പി അധ്യക്ഷന്‍ ആരോപിച്ചു.

ന്യൂഡല്‍ഹി: ലോക്സഭാ തെരഞ്ഞെടുപ്പില്‍ കോണ്‍ഗ്രസിന് പിന്നാലെ ഉത്തര്‍പ്രദേശില്‍ ബിഎസ്പി-എസ്പി സഖ്യം ആദ്യ പട്ടിക പുറത്തിറക്കി. ആറ് മണ്ഡലത്തിലെ സ്ഥാനാര്‍ത്ഥികളുടെ പേരുമായി സമാജ്വാദി പാര്‍ട്ടിയാണ് ആദ്യ പട്ടിക പുറത്തുവിട്ടത്. അതേസമയം എസ്പിയുടെ ആദ്യ പട്ടികയില്‍ തന്നെ പാര്‍ട്ടി സ്ഥാപകനായ മുലായം സിങ് യാദവ് ഇടംനേടി. 2014ല്‍ ജനവിധി തേടിയ മെയിന്‍പുരിയിലാണു മുലായം സിങ് മത്സരിക്കുക.

ബിഎസ്പിയുടെ മായാവതിയുമായി കൂട്ടുകൂടിയതിനെതിരേ മുലായം നേരത്തേ രംഗത്തെത്തിയിരുന്നു. ഇതുസംബന്ധിച്ച് മകന്‍ അഖിലേഷ് യാദവിനെ വിമര്‍ശിക്കുകയും ചെയ്തിരുന്നു. എന്നാല്‍ തര്‍ക്കം തീര്‍ന്നെന്നാണ് ആദ്യ സ്ഥാനാര്‍ഥി പട്ടികയിലൂടെ വ്യക്തമാവുന്നത്.

Samajwadi Party releases first list of 6 candidates for Lok Sabha polls. Mulayam Singh Yadav to contest from Mainpuri. pic.twitter.com/KUiQdNIOjR

— ANI UP (@ANINewsUP) March 8, 2019

2014ല്‍ മെയിന്‍പുരിയിലും അഅ്സംഗഢിലും മല്‍സരിച്ച മുലായം മെയിന്‍പുരി ഒഴിയുകയായിരുന്നു. തുടര്‍ന്ന് നടന്ന ഉപതിരഞ്ഞെടുപ്പില്‍ എസ്പി നേതാവും യാദവ് കുടുംബാഗവുമായ തേജ് പ്രതാപ് സിങ് ജയിച്ചു. 1999, 2004, 2009 തിരഞ്ഞെടുപ്പിലും മെയിന്‍പുരിയില്‍ നിന്ന് മുലായമാണ് ജയിച്ചത്. അഅ്സംഗഢില്‍ 2014ല്‍ 3.64 ലക്ഷം വോട്ടുകളുടെ ഭൂരിപക്ഷത്തിനാണ് മുലായം സിങ് ജയിച്ചത്.

എസ്പിയുടെ ആദ്യ പട്ടികയില്‍ ബദുവാനില്‍ ധര്‍മേന്ദ്ര യാദവ്, ഫിറോസാബാദില്‍ അക്ഷയ് യാദവ്, ഇറ്റാവയില്‍ കമലേഷ് കഠേരിയ, റോബേര്‍ട്ട് ഗഞ്ജില്‍ ഭായിലാല്‍ കോല്‍, ബഹറയ്ച്ചില്‍ സബ്ബിര്‍ വാല്‍മികി എന്നിവരും ഇടം നേടിയിട്ടുണ്ട്. ഉത്തര്‍പ്രദേശില്‍ ആകെയുള്ള 80 സീറ്റുകളില്‍ ബിഎസ്പി 38 സീറ്റുകളിലും എസ്പി 37 സീറ്റുകളിലും സഖ്യമായി മല്‍സരിക്കുമെന്ന് അറിയിച്ചിട്ടുള്ളത്.

മായാവതിയേയും അഖിലേഷ് യാദവിനേയും അഭിനന്ദിച്ച തേജസ്വി, നിലവിലെ ദേശീയ സാഹചര്യം മുന്‍നിര്‍ത്തി സഖ്യം സഖ്യം അനിവാര്യമായിരുന്നുവെന്നും വ്യക്തമാക്കി. ബി.എസ്.പി-എസ്.പി സഖ്യത്തെ ജനങ്ങള്‍ പിന്തുണക്കുമെന്ന് തീര്‍ച്ചയാണ്. ലോക്‌സഭാ തെരഞ്ഞെടുപ്പ് കഴിയുമ്പോള്‍ യു.പിയില്‍ ബി.ജെ.പി ഇല്ലാതാകുമെന്നും അദ്ദേഹം കൂട്ടിച്ചേര്‍ത്തു.

അഖിലേഷ് യാദവിന്റെ നേതൃത്വത്തില്‍ എസ്.പിയും മായാവതിയുടെ നേതൃത്വത്തിലുള്ള ബി.എസ്.പിയും ചേര്‍ന്നുള്ള സഖ്യം യാഥാര്‍ത്ഥ്യമായാല്‍ ബിജെപിക്ക് കേവല ഭൂരിപക്ഷത്തില്‍ എത്താനാവില്ലെന്നും എന്‍.ഡി.എ 247 സീറ്റിലൊതുങ്ങുമെന്നുമാണ് റിപ്പോര്‍ട്ട്. നേരത്തെ സംഖ്യം സാധ്യമായ ഈ വര്‍ഷം നടന്ന ഉപതെരഞ്ഞെടുപ്പുകളില്‍ ഈ സഖ്യം ബിജെപിക്കെതിരെ വമ്പന്‍ ജയം നേടിയിരുന്നു. കോണ്‍ഗ്രസിന്റെ പിന്തുണയും സഖ്യത്തിനുണ്ടാകുമെന്നാണ് പ്രതീക്ഷിക്കുന്നത്.

അതേസമയം എസ്.പി-ബി.എസ്.പി സഖ്യം ഫലവത്തായില്ലെങ്കില്‍ 291 സീറ്റ് നേടി ബി.ജെ.പി അധികാരത്തിലെത്തുമെന്നും സര്‍വേയില്‍ പറയുന്നു.

യു.പിയിലെ 80 ലോക്സഭാ സീറ്റുകളില്‍ 71 ഇടത്തും ജയിച്ചാണ് എന്‍.ഡി.എ 2014 ല്‍ അധികാരത്തിലേറിയത്. എസ്.പിയും ബി.എസ്.പിയും ഒരുമിച്ച് നിന്നാല്‍ 50 സീറ്റോളം ഇരുകക്ഷികളും നേടുമെന്നാണ് സര്‍വേ. എന്‍.ഡി.എ 28 സീറ്റിലൊതുങ്ങും. കഴിഞ്ഞ തവണത്തേതിനേക്കാള്‍ 43 സീറ്റിന്റെ കുറവാണ് എന്‍.ഡി.എയ്ക്കുണ്ടാകുക.

അതേസമയം ഉത്തര്‍പ്രദേശില്‍ എസ്.പിയും ബി.എസ്.പിയും തമ്മിലുള്ള സീറ്റ് ധാരണ അവസാനഘട്ടത്തിലേക്കെന്ന് റിപ്പോര്‍ട്ട്. കുറച്ച് സീറ്റുകളിലൊഴികെ മറ്റ് കാര്യങ്ങളില്‍ ഇരുപാര്‍ട്ടികളും തമ്മില്‍ തീരുമാനമായതായാണ് റിപ്പോര്‍ട്ട്.

ജോഗിയുടെ ജനതാ കോണ്‍ഗ്രസ് ഛത്തിസ്ഗഡുമായി (ജെ.സി.സി) ചേര്‍ന്ന് ഉടന്‍തന്നെ തെരഞ്ഞെടുപ്പ് പ്രചരണം ആരംഭിക്കുമെന്നും പ്രചരണ റാലികള്‍ നടത്തുന്നത് സംബന്ധിച്ച് ഉടന്‍തന്നെ അന്തിമ തീരുമാനത്തിലെത്തുമെന്നും മായാവതി പത്രസമ്മേളനത്തില്‍ വ്യക്തമാക്കി. ‘ബി.ജെ.പി അധികാരത്തിലെത്തുന്നത് തടയാനുള്ള ശേഷി രണ്ട് പാര്‍ട്ടികള്‍ക്കുമുണ്ട്. പ്രാദേശിക പാര്‍ട്ടികള്‍ സന്നദ്ധമാവുകയാണെങ്കില്‍ അവരുടെ സഹായം സ്വീകരിക്കാന്‍ ഞങ്ങള്‍ തയ്യാറാണ്.’ മായാവതി പറഞ്ഞു ജെ.സി.സി 55-ഉം ബി.എസ്.പി 35-ഉം സീറ്റുകളില്‍ മത്സരിക്കുമെന്നും അവര്‍ വ്യക്തമാക്കി.

തെരഞ്ഞെടുപ്പില്‍ സമാനമനസ്‌കരായ പാര്‍ട്ടികളുമായി കൈകോര്‍ക്കുമെന്ന് ഛത്തിസ്ഗഡ് കോണ്‍ഗ്രസ് പ്രസിഡണ്ട് കമല്‍നാഥ് വ്യക്തമാക്കിയിരുന്നു. ജൂലൈ 15-ന് അദ്ദേഹം മായാവതിയുമായി കൂടിക്കാഴ്ച നടത്തുകയും ചെയ്തു.

അതേസമയം, ബി.എസ്.പിയുമായുള്ള സഖ്യശ്രമം കോണ്‍ഗ്രസ് ഉപേക്ഷിച്ചിട്ടില്ലെന്നും സൂചനയുണ്ട്. ബി.എസ്.പി 22 സ്ഥാനാര്‍ത്ഥികളെ മാത്രം പ്രഖ്യാപിച്ചത് ശുഭസൂചനയാണെന്നും 16 സീറ്റ് വരെ കോണ്‍ഗ്രസ് ബി.എസ്.പിക്ക് വാഗ്ദാനം ചെയ്തിരുന്നുവെന്നും ഒരു മുതിര്‍ന്ന കോണ്‍ഗ്രസ് നേതാവ് പറഞ്ഞു. മുന്‍ കോണ്‍ഗ്രസ് നേതാവായിരുന്ന അജിത് ജോഗിയെ മുഖ്യമന്ത്രിയായി ഉയര്‍ത്തിക്കാട്ടിക്കൊണ്ടുള്ള സഖ്യത്തില്‍ കോണ്‍ഗ്രസിന് താല്‍പര്യമില്ല. ചര്‍ച്ചകള്‍ വിജയിച്ചില്ലെങ്കില്‍ ബി.എസ്.പി – ജെ.സി.സി സഖ്യത്തില്‍ ചേരാതെ കോണ്‍ഗ്രസ് സ്വതന്ത്രരായി തെരഞ്ഞെടുപ്പിനെ നേരിട്ടേക്കും.

നിലവില്‍ ബി.ജെ.പിയാണ് ഛത്തിസ്ഗഡ് ഭരിക്കുന്നത്. രമണ്‍ സിങ് ആണ് മുഖ്യമന്ത്രി.

തെരഞ്ഞെടുപ്പിന് മുമ്പ് മിന്നലാക്രമണത്തിന്റെ ദൃശ്യങ്ങള്‍ പുറത്തുവിട്ടത് സര്‍ക്കാരിന്റെ പരാജയങ്ങള്‍ മറച്ചുവെക്കാനാണ്. അല്ലെങ്കില്‍ അവര്‍ എന്തുകൊണ്ട് സംഭവം നടന്നപ്പോള്‍ ദൃശ്യങ്ങള്‍ പുറത്തുവിട്ടില്ല?, സൈനികരുടെ പ്രവൃത്തിയെ തങ്ങള്‍ ബഹുമാനിക്കുന്നുവെന്നും എന്നാല്‍ ഇന്ത്യന്‍ സൈന്യത്തിന്റെ ധൈര്യത്തെ രാഷ്ട്രീയ മുതലെടുപ്പിന് ഉപയോഗിക്കരുത്. ബി.ജെ.പിയുടെ രാഷ്ട്രീയ ലക്ഷ്യങ്ങള്‍ മനസിലാകാതിരിക്കാന്‍ ജനങ്ങള്‍ വിഡ്ഢികളല്ല. മായാവതി പറഞ്ഞു.

Releasing video of #SurgicalStrike is nothing but an attempt by this government to distract people from their enormous failures before 2019. If they did it with intention of showing proof, then why did they not release video when strike was carried out?: #Mayawati #BSP pic.twitter.com/TrdmHX6wgu

— Behan Mayawati (@MayawatiUp) June 29, 2018

എം4 എ, ഇസ്രയേലി ടാവര്‍ ടി.എ.എ 1 റൈഫിള്‍സ്, ഗ്രനേഡ് ലോഞ്ചര്‍, ഗില്‍ഡ് സ്പിപ്പര്‍ റൈഫിള്‍സ് തുടങ്ങിയ ആയുധങ്ങള്‍ ഉപയോഗിച്ച് ഭീകരരെ ഇന്ത്യന്‍ സൈന്യം വധിക്കുന്നതും ബങ്കറുകള്‍ തകര്‍ക്കുന്നതിന്റെയും മറ്റും ദൃശ്യങ്ങളാണ് ഇപ്പോള്‍ പുറത്തുവിട്ടത്. ഡ്രോണുകള്‍, തെര്‍മല്‍ ഇമേജിംഗ് കാമറകള്‍ എന്നിവയുടെ സഹായത്തോടെയാണ് ആക്രമണ ദൃശ്യങ്ങള്‍ പകര്‍ത്തിയത്.

അതേസമയം സംഭവത്തില്‍ സൈനികരെ വോട്ടിന് വേണ്ടി ഉപയോഗിക്കുകയാണെന്ന് ആരോപിച്ച് കൊണ്ട് നേരത്തെ കോണ്‍ഗ്രസ് രംഗത്തെത്തിയിരുന്നു. ദേശീയ ചാനലുകളെല്ലാം പാകിസ്ഥാനിലെ ഭീകര ക്യാമ്പുകളില്‍ ആക്രമണം നടത്തുന്നതിന്റെ ദൃശ്യങ്ങള്‍ നേരത്തേ സംപ്രഷണം ചെയ്തിരുന്നു. എന്നാല്‍ ഇതാദ്യമായാണ് സര്‍ജിക്കല്‍ സ്‌െ്രെടക്കിന്റെ യഥാര്‍ത്ഥ വീഡിയോകള്‍ പുറത്തു വരുന്നത്.

Mayawati has spoken to Deve Gowda. Told the JDS leader to form the government in Karnataka with Congress support. Breaking on @IndiaToday

— Rahul Kanwal (@rahulkanwal) May 15, 2018

കര്‍ണാടക തെരഞ്ഞെടുപ്പില്‍ ഒരു കക്ഷിക്കും കേവല ഭൂരിപക്ഷം ലഭിക്കാതിരുന്നതോടെയാണ് രാഷ്ട്രീയ അനിശ്ചിതത്വത്തിന് തുടക്കമായത്. 105 സീറ്റ് നേടിയ വലിയ ഒറ്റക്കക്ഷിയായ ബി.ജെ.പി അധികാരത്തിലേറുന്നത് തടയാന്‍ ജെ.ഡി.എസ്സിനെ നിരുപാധികം പിന്തുണക്കാമെന്ന് കോണ്‍ഗ്രസ് വ്യക്തമാക്കുകയായിരുന്നു. കോണ്‍ഗ്രസിന്റെ പിന്തുണ സ്വീകരിച്ച ജെ.ഡി.എസ് എച്ച്.ഡി കുമാരസ്വാമിയെ മുഖ്യമന്ത്രിയാക്കാനാണ് തീരുമാനിച്ചിരിക്കുന്നത്.

അതേസമയം, കോണ്‍ഗ്രസ് – ജെ.ഡി.എസ് സഖ്യം അധികാരത്തിലേറുന്നത് വൈകിപ്പിക്കാന്‍ ബി.ജെ.പി ശ്രമം തുടങ്ങിയിട്ടുണ്ട്. ഗവര്‍ണറെ കണ്ട ബി.ജെ.പി മുഖ്യമന്ത്രി സ്ഥാനാര്‍ത്ഥി ബി.എസ് യെദ്യൂരപ്പ സര്‍ക്കാര്‍ രൂപീകരിക്കാന്‍ കഴിയുമെന്ന് ആത്മവിശ്വാസം പ്രകടിപ്പിച്ചിട്ടുണ്ട്.