നീറ്റ് നടപ്പിലാക്കിയതോടെ മെഡിക്കല്‍ വിദ്യാഭ്യാസ പ്രവേശത്തില്‍ പുതിയ മാനദണ്ഡങ്ങള്‍ക്കായിരുന്നു സര്‍ക്കാരിന് ലഭിച്ചത്. എന്നാല്‍ സ്വാശ്രയ മാനേജുമെന്റുകളുമായി ഒത്തുകളിച്ച് എല്ലാ അവസരങ്ങളും കളഞ്ഞു കുളിക്കുകയാണ് സര്‍ക്കാര്‍ ചെയ്തതെന്നും ചെന്നിത്തല ആരോപിച്ചു.

ദോഹ: തൊഴില്‍ വിസയില്‍ ഖത്തറില്‍ എത്തുന്ന വിദേശികള്‍ക്ക് അവരുടെ രാജ്യത്തു വച്ചു തന്നെ ബയോമെട്രിക് ഉള്‍പ്പെടെയുള്ള സമ്പൂര്‍ണ മെഡിക്കല്‍ പരിശോധന നടത്താന്‍ സംവിധാനം വരുന്നു. നാല് മാസത്തിനുള്ളില്‍ ഇതുസംബന്ധിച്ച സൗകര്യങ്ങള്‍ നിലവില്‍ വരുമെന്ന് ഖത്തര്‍ ആഭ്യന്തര മന്ത്രാലയം വ്യക്തമാക്കി. മലയാളികള്‍ ഉള്‍പ്പെടെ തൊഴില്‍ തേടിയെത്തുന്ന ആയിരക്കണക്കിന് പ്രവാസികള്‍ക്ക് ആശ്വാസം പകരുന്നതാണ് ഖത്തര്‍ സര്‍ക്കാറിന്റെ നടപടി.
ഖത്തര്‍ ആഭ്യന്തര മന്ത്രാലയം നിയോഗിക്കുന്ന പ്രത്യേക ഏജന്‍സിയുടെ കീഴിലായിരിക്കും മെഡിക്കല്‍ പരിശോധന നടക്കുക. വിരലടയാളം ഉള്‍പ്പെടെയുള്ള എല്ലാ പരിശോധനകളും ഇവിടെവച്ച് തന്നെ പൂര്‍ത്തിയാക്കും. തൊഴില്‍ കരാര്‍ ഒപ്പിടലും നാട്ടില്‍ വച്ചായിരിക്കും. ഇന്ത്യ, പാകിസ്താന്‍, ശ്രീലങ്ക, നേപ്പാള്‍, ഫിലിപ്പീന്‍സ്, ടൂണീഷ്യ, ബംഗ്ലാദേശ്, ഇന്തൊനേഷ്യ എന്നീ എട്ട് രാജ്യങ്ങളിലാണ് ആദ്യ ഘട്ടത്തില്‍ ഇതിനുള്ള സൗകര്യങ്ങള്‍ ഒരുക്കുകയെന്ന് ആഭ്യന്തര മന്ത്രാലയ വൃത്തങ്ങള്‍ വാര്‍ത്താ സമ്മേളനത്തില്‍ അറിയിച്ചു.
ഇന്ത്യയില്‍ മുംബൈ, ഡല്‍ഹി, കൊച്ചി, ഹൈദരാബാദ്, കൊല്‍ക്കത്ത, ലക്‌നോ എന്നിവിടങ്ങളിലാണ് ആരോഗ്യ പരിശോധനാ കേന്ദ്രങ്ങള്‍ പ്രവര്‍ത്തിക്കുക. കേരളത്തില്‍നിന്ന് ഖത്തറില്‍ തൊഴില്‍ വിസ തേടുന്നവര്‍ക്ക് ഇതോടെ കൊച്ചിയില്‍ ആരോഗ്യ പരിശോധന പൂര്‍ത്തിയാക്കാന്‍ കഴിയും. സിംഗപ്പൂര്‍ ആസ്ഥാനമായ ബയോമെറ്റിക് എന്ന സ്ഥാപനവുമായി സഹകരിച്ചാണ് പദ്ധതി നടപ്പാക്കുന്നത്. ഇതുസംബന്ധിച്ച കരാര്‍ ഖത്തര്‍ ആഭ്യന്തര മന്ത്രാലയ ആസ്ഥാനത്ത് നടന്ന ചടങ്ങില്‍ ഇരു രാജ്യത്തിന്റെയും പ്രതിനിധികള്‍ ഒപ്പുവെച്ചു. ശ്രീലങ്കയിലെ കൊളംബോയില്‍ ആയിരിക്കും ആദ്യ പരിശോധനാ കേന്ദ്രം പ്രവര്‍ത്തനം ആരംഭിക്കുക. തുടര്‍ന്ന് ഓരോ കേന്ദ്രങ്ങളായി പ്രവര്‍ത്തനം തുടങ്ങും. നാലു മാസം കൊണ്ട് എട്ടു രാജ്യങ്ങളിലെയും കേന്ദ്രങ്ങള്‍ നിലവില്‍ വരും. ഇവയുടെ പ്രവര്‍ത്തനം വിലയിരുത്തിയ ശേഷം കൂടുതല്‍ രാഷ്ട്രങ്ങളിലേക്ക് വ്യാപിപ്പിക്കുകയെന്ന് ആഭ്യന്തര മന്ത്രാലയം വ്യക്തമാക്കി.

ഫീസ് നിയന്ത്രിക്കുന്നതിനല്ലെ രാജേന്ദ്രബാബു കമ്മീഷനെ ചുമതലപ്പെടുത്തിയിരിക്കുന്നതെന്നും രാജേന്ദ്രബാബു കമ്മീഷന് ഫീസ് നിര്‍ണയിക്കാന്‍ അധികാരമുണ്ടോ പിന്നെ ജംബോ കമ്മിറ്റിയുടെ ആവശ്യമെന്താണെന്നും കോടതി ചോദിച്ചു. ഈ വര്‍ഷത്തെ പ്രവേശന നടിപടികള്‍ പൂര്‍ത്തിയായ സാഹചര്യത്തില്‍ അതില്‍ ഇനി ഇടപെടുന്നില്ലെന്നും കോടതി പറഞ്ഞു.

അഞ്ച് ലക്ഷം രൂപ ഫീസായും ബാക്കി തുക പണമായോ ബാങ്ക് ഗ്യാരന്റിയായോ നല്‍കണമെന്നാണ് പുതിയ വ്യവസ്ഥ.

ഫീസ് അഞ്ചു ലക്ഷമായി നിലനിര്‍ത്താനും ബാക്കി തുകക്ക് ബോണ്ട് നല്‍കാനും ഉത്തരവിട്ട ഹൈക്കോടതി ഇടക്കാല വിധിയാണ് സുപ്രീം കോടതി തള്ളിയത്.

സ്വാശ്രയ മെഡിക്കല്‍ പ്രവേശനത്തിനുള്ള താല്‍ക്കാലിക ഫീസ് സുപ്രീംകോടതി പതിനൊന്ന് ലക്ഷമാക്കി ഉയര്‍ത്തി. അഞ്ച് ലക്ഷം രൂപ പ്രവേശന സമയത്ത് അടക്കണം. ബാക്കി തുക ബാങ്ക് ഗ്യാരണ്ടിയായും നല്‍കണമെന്ന് കോടതി ഉത്തരവിട്ടു.
അഞ്ച് ലക്ഷം രൂപയുടെ ഏകീകൃത ഫീസ് ശരിവെച്ച ഹൈക്കോടതി ഇടക്കാല ഉത്തരവ് ചോദ്യം ചെയ്തു മാനേജ്‌മെന്റുകള്‍ നല്‍കിയ ഹരജികളിലാണ് കോടതിയുടെ നടപടി. സര്‍ക്കാരുമായി കരാറിലേര്‍പ്പെടാത്ത സ്വാശ്രയ മെഡിക്കല്‍ സ്ഥാപനങ്ങളിലെ 85 ശതമാനം സീറ്റുകളിലും 5 ലക്ഷം രൂപയുടെ ഏകീകൃത ഫീസ് ഈടാക്കാമെന്ന ജസ്റ്റിസ് രാജേന്ദ്രന്‍ ബാബു കമ്മറ്റിയുടെ തീരുമാനം ശരിവെച്ച് കേരള ഹൈക്കോടതി ഇടക്കാല ഉത്തരവ് പുറപ്പെടുവിച്ചിരുന്നു. ഇത് ചോദ്യം ചെയ്താണ് മാനേജ്‌മെന്റുകള്‍ സുപ്രീംകോടതിയെ സമീപിച്ചത്.
കരാറിലേര്‍പ്പെട്ട കോളജുകള്‍ക്ക് പതിനൊന്ന് ലക്ഷം രൂപവരെ ഫീസ് ഈടാക്കാന്‍ കോടതി അനുമതി നല്‍കിയിട്ടുണ്ടെന്നും ഇത് തങ്ങള്‍ക്കും അനുവദിക്കണമെന്നും മാനേജ്‌മെന്റുകള്‍ വാദിച്ചു. എന്നാല്‍ കരാറിലേര്‍പ്പെട്ട സ്ഥാപനങ്ങള്‍ എല്ലാ സീറ്റുകളിലേക്കും പതിനൊന്ന് ലക്ഷമല്ല ഈടാക്കുന്നതെന്നും ഏതാനും സീറ്റുകളില്‍ അഞ്ച് ലക്ഷത്തിലും കുറഞ്ഞ ഫീസുകളിലും വിദ്യാര്‍ത്ഥികളെ പ്രവേശിപ്പിക്കുന്നുണ്ടെന്നും സംസ്ഥാന സര്‍ക്കാര്‍ കോടതിയെ അറിയിച്ചു. സര്‍ക്കാരുമായി കരാറിലേര്‍പ്പെടാത്ത മാനേജ്‌മെന്റുകള്‍ ലാഭക്കൊതി മൂലമാണ് ഹൈക്കോടതി വിധിയെ ചോദ്യം ചെയ്യുന്നതെന്നും സര്‍ക്കാര്‍ വാദിച്ചു. ഹൈക്കോടതി ശരിവെച്ചത് താല്‍ക്കാലിക ഫീസാണെന്നും അതില്‍ താല്‍ക്കാലിക ഇളവ് നല്‍കണമെന്നും മാനേജ്‌മെന്റുകള്‍ ആവശ്യപ്പെട്ടു. ഇതനുസരിച്ചാണ് താല്‍ക്കാലിക ഫീസായി പതിനൊന്ന് ലക്ഷം വരെ ഈടാക്കാന്‍ ജസ്റ്റിസ് എസ്.എ ബോബ്‌ഡെയുടെ നേതൃത്വത്തിലുള്ള ബെഞ്ച് അനുവദിച്ചത്.
അഞ്ച് ലക്ഷം രൂപ പ്രവേശന സമയത്ത് തന്നെ വിദ്യാര്‍ത്ഥികള്‍ അടക്കണം. ബാക്കി ആറ് ലക്ഷം ബാങ്ക് ഗ്യാരണ്ടിയായോ പണമായോ നല്‍കാം. പണമായി നല്‍കുന്ന ആറ് ലക്ഷം ഹൈക്കോടതിയുടെ അന്തിമ ഉത്തരവ് വരുന്നതുവരെ പ്രത്യേക അക്കൗണ്ടില്‍ സൂക്ഷിക്കണമെന്നും കോടതി പറഞ്ഞു.