medical oxygen – Chandrika Daily

‘ഡല്‍ഹില്‍ ഓക്‌സിജന്‍ ലഭ്യത ഉറപ്പു വരുത്തണം’ ; സുപ്രീംകോടതി

Test User — Wed, 05 May 2021 11:06:14 +0000

ന്യൂഡല്‍ഹി : ഓക്‌സിജന്‍ വിതരണവുമായി ബന്ധപ്പെട്ട് കേന്ദ്ര സര്‍ക്കാറിനെതിരായ ദില്ലി ഹൈക്കോടതിയുടെ കോടതിയലക്ഷ്യ നടപടികള്‍ റദ്ദാക്കി സുപ്രീംകോടതി.
നിലവിലെ പ്രതിസന്ധികള്‍ കോടതിയലക്ഷ്യം കൊണ്ട് അതിജീവിക്കാനാവില്ല. ഉദ്യോഗസ്ഥര്‍ക്കെതിരെ നടപടിയെടുത്താല്‍ ഓക്‌സിജന്‍ ക്ഷാമം തീര്‍ക്കാന്‍ ആകുമോ എന്നും കോടതി ചോദിച്ചു. ഡല്‍ഹി ഹൈക്കോടതിയുടെ കോടതിയലക്ഷ്യ നടപടിക്കെതിരെ കേന്ദ്ര സര്‍ക്കാര്‍ നല്‍കിയ ഹര്‍ജിയിലാണ് സുപ്രീംകോടതി വിധി.
ഡല്‍ഹിക്ക് 700 മെട്രിക് ടണ്‍ ഓക്‌സിജന്‍ ഉറപ്പാക്കണമെന്നും ഓക്‌സിജന്‍ വിതരണത്തിനുള്ള കേന്ദ്ര സര്‍ക്കാരിന്റെ പദ്ധതി എന്താണെന്ന് അടുത്ത ദിവസം അറിയിക്കമെന്നും കോടതി കേന്ദ്രത്തോട് നിര്‍ദ്ദേശിച്ചു. ഓക്‌സിജന്‍ വിതരണം കൃത്യമായി കൈകാര്യം ചെയ്യുന്ന മുംബൈ കോര്‍പ്പറേഷന്‍ മികച്ച മാതൃകയാണെന്ന് കോടതി പറഞ്ഞു. ഓക്‌സിജന്‍ ഉറപ്പാക്കാനുള്ള നടപടികളുമായി ഡല്‍ഹി ഹൈക്കോടതിക്ക് മിന്നോട്ടുപോകാം. ഡല്‍ഹിയിലെ ഓക്‌സിജന്‍ പ്രതിസന്ധി പരിഹരിക്കാന്‍ അടിയന്തരമായി കേന്ദ്ര സര്‍ക്കാര്‍ ഇടപെടണമെന്നും കോടതി ആവശ്യപ്പെട്ടു.

തമിഴ്‌നാട്ടില്‍ 11 രോഗികള്‍ ശ്വാസംമുട്ടി മരിച്ചു

Test User — Wed, 05 May 2021 06:46:52 +0000

ചെന്നൈ : ഓക്‌സിജന്‍ ലഭിക്കാതെ തമിഴ്‌നാട്ടിലെ ചെങ്കല്‍പേട്ടില്‍ 11 രോഗികള്‍ മരിച്ചു. ഇന്ന്‌
പുലര്‍ച്ചയോടെയാണ് ദുരന്തമുണ്ടായത്. മരിച്ചവരിലേറെയും കോവിഡ് രോഗികളാണ്. ചെങ്കല്‍പേട്ട് ഹോസ്പിറ്റലില്‍ കഴിഞ്ഞ ദിവസം രാത്രിയോടെ തന്നെ ഓക്‌സിജന്‍ സിലിണ്ടറുകള്‍ കാലിയായിരുന്നു. എന്നാല്‍ ഓക്‌സിജന്‍ ദൗര്‍ലഭ്യം പരിഹരിക്കാന്‍ സാധിച്ചിരുന്നില്ല. ദിവസങ്ങളായി തമിഴ്‌നാട്ടിലെ പലയിടത്തും വലിയ ഓക്‌സിജന്‍ ക്ഷാമമാണ് നേരിടുന്നത്.സംഭവത്തെക്കുറിച്ച് അന്വേഷിക്കാന്‍ സംസ്ഥാന സര്‍ക്കാര്‍ ഉത്തരവിട്ടിട്ടുണ്ട്

രാജ്യത്ത് ഓക്‌സിജന് ക്ഷാമമില്ല ; ആരോഗ്യ മന്ത്രാലയം

Test User — Tue, 04 May 2021 06:09:16 +0000

ന്യൂഡല്‍ഹി: രാജ്യത്ത് ഓക്‌സിജന്‍ ക്ഷാമം ഇല്ലെന്നും ഉള്ള ഓക്‌സിജന്‍ ആശുപത്രികള്‍ കൃത്യമായി ഉപയോഗപ്പെടുത്തണമെന്നും കേന്ദ്രസര്‍ക്കാര്‍. ഇക്കാര്യത്തില്‍ കൃത്യമായ നിരീക്ഷണം വേണമെന്ന് അഡീഷണല്‍ സെക്രട്ടറി പിയൂഷ് ഗോയല്‍ ആരോഗ്യമന്ത്രാലയം ജോയന്റ് സെക്രട്ടറി ലവ് അഗര്‍വാള്‍ തുടങ്ങിയവര്‍ നടത്തിയ വാര്‍ത്താസമ്മേളനത്തില്‍ പറഞ്ഞു. ആശുപത്രികള്‍ ഓക്‌സിജന്‍ ഉപയോഗിക്കുമ്പോള്‍ കേന്ദ്ര ആരോഗ്യ മന്ത്രാലയം പുറത്തിറക്കിയമാനദണ്ഡങ്ങള്‍ കൃത്യമായി പിന്തുടരണം. ഓക്‌സിജന്‍ ലഭ്യത ഉറപ്പുവരുത്താനുള്ള നടപടികള്‍ സ്വീകരിച്ചുവരികയാണ്. ജനങ്ങളില്‍ ആശങ്കപ്പെടേണ്ടതില്ല. ഒരു സംസ്ഥാനത്തെയും ഓക്‌സിജന്‍ പ്രശ്‌നം കേന്ദ്രം തള്ളിക്കളയില്ല എന്നും അവര്‍ വ്യക്തമാക്കി.

ഡല്‍ഹിയില്‍ ഓക്‌സിജന്‍ എത്തിക്കണം കേന്ദ്രസര്‍ക്കാറിന് താക്കീതുമായി; സുപ്രീം കോടതി.

Test User — Mon, 03 May 2021 11:06:47 +0000

ന്യൂഡല്‍ഹി : നിരവധി കോവിഡ് ബാധിതര്‍ ഡല്‍ഹിയില്‍ ഓക്‌സിജന്‍ കിട്ടാതെ മരിക്കുന്ന സാഹചര്യത്തില്‍ കേന്ദ്ര സര്‍ക്കാറിന് താക്കീതുമായി സുപ്രീം കോടതി. തിങ്കളാഴ്ച അര്‍ദ്ധരാത്രിയോടെ ഡല്‍ഹിയില്‍ ആവശ്യത്തിന് ഓക്‌സിജന്‍ എത്തിക്കണം.സംസ്ഥാന സര്‍ക്കാരുമായി സഹകരിച്ച് ഓക്‌സിജന്‍ സ്റ്റോക്ക് ചെയ്യാന്‍ കേന്ദ്ര സര്‍ക്കാര്‍ പദ്ധതി തയ്യാറാക്കണം എന്നും കോടതി നിര്‍ദേശിച്ചു.
സുപ്രീം കോടതി ഡിവിഷന്‍ ബെഞ്ചാണ് ഉത്തരവ് പുറത്തിറക്കിയത്.

ഡല്‍ഹിയിലെ നിരവധി ആശുപത്രികളില്‍ രൂക്ഷമായ ഓക്‌സിജന്‍ ക്ഷാമം തുടരുകയാണ്. ഇതുസംബന്ധിച്ച് നിരവധി കേസുകള്‍ ഡല്‍ഹി ഹൈക്കോടതിയിലും സുപ്രീംകോടതിയില്‍ ഉണ്ട്. കഴിഞ്ഞ ആഴ്ച ഇതേ വിഷയത്തില്‍ അടിയന്തര നടപടികള്‍ കൈക്കൊള്ളാന്‍ ഡല്‍ഹി ഹൈക്കോടതി ഉത്തരവ് പുറപ്പെടുവിച്ചിരുന്നു.
പ്രതിദിനം 970 മെട്രിക് ടണ്‍ ഓക്‌സിജന്‍ നല്‍കണം എന്നാണ് കെജരിവാള്‍ സര്‍ക്കാര്‍ കേന്ദ്രസര്‍ക്കാറിനോട് ആവശ്യപ്പെട്ടത് എന്നാല്‍ ഇതിന്റെ പകുതി ഓക്‌സിജന്‍ മാത്രമാണ് നിലവില്‍ ഡല്‍ഹിക്ക് ലഭിക്കുന്നത്.ഡല്‍ഹിയില്‍ കോവിഡ് കേസുകള്‍ കുതിച്ചുയരുകയാണ്. 400 ല്‍ അധികം കോവിഡ് മരണങ്ങള്‍ ആണ് സംസ്ഥാനത്ത് കഴിഞ്ഞ ദിവസം റിപ്പോര്‍ട്ട്.