2016-ലാണ് സംഭവമെന്ന് നടി പറയുന്നു. തിരുവനന്തപുരം നിള തിയേറ്ററില്‍ വെച്ച് സിദ്ദിഖ് അപമര്യാദയായി പെരുമാറിയെന്ന് രേവതി സമ്പത്ത് പരഞ്ഞു. സുഖമായിരിക്കട്ടെ എന്ന പ്രിവ്യൂഷോക്കിടെ സിദ്ദിഖ് തന്നെ ലൈംഗികമായി അധിക്ഷേപിക്കുകയായിരുന്നുവെന്ന് രേവതി പറഞ്ഞു. ആ സമയത്ത് തനിക്ക് 21 വയസ്സായിരുന്നെന്നും സിദ്ദിഖിന്റെ പെരുമാറ്റം തന്നെ വല്ലാതെ വേദനിപ്പിച്ചെന്നും നടി കൂട്ടിച്ചേര്‍ത്തു. വനിതാ കൂട്ടായ്മയായ ഡബ്ല്യൂസിസിക്കെതിരെ പരാമര്‍ശം നടത്താന്‍ നിങ്ങള്‍ക്ക് എന്ത് യോഗ്യതയാണ് ഉള്ളത്. നിങ്ങള്‍ മുഖം മൂടിയണിഞ്ഞ ജന്റില്‍മാനാണെന്നും രേവതി പറയുന്നു.

അമ്മയുടെ പ്രതികരണം അറിയിക്കാന്‍ സിദ്ദിഖും കെപിഎസി ലളിതയും വിളിച്ചുചേര്‍ത്ത വാര്‍ത്താ സമ്മേളനത്തിന്റെ വീഡിയോയും ഫെയ്‌സ്ബുക്ക് പോസ്റ്റിനോടൊപ്പം നടി പങ്കുവെച്ചിട്ടുണ്ട്.

രേവതി സമ്പത്തിന്റെ ഫേസ്ബുക്ക് കുറിപ്പ്

‘ഈ വീഡിയോ വീണ്ടും വീണ്ടും കാണുമ്പോള്‍ (അഭിപ്രായം പറയുന്നതില്‍ നിന്നും) എന്നെ തടഞ്ഞുനിര്‍ത്താനാവുന്നില്ല. തിരുവനന്തപുരം നിള തീയേറ്ററില്‍ 2016ല്‍ നടന്ന ‘സുഖമായിരിക്കട്ടെ’ എന്ന സിനിമയുടെ പ്രിവ്യൂവിനിടെ നടന്‍ സിദ്ദിഖ് എന്നോട് ലൈംഗികമായി അപമര്യാദയായി പെരുമാറാന്‍ ശ്രമിച്ചു. വാക്കാലുള്ള ലൈംഗികാധിക്ഷേപം 21-ാം വയസ്സില്‍ എന്റെ ആത്മവീര്യം കെടുത്തി. അതുണ്ടാക്കിയ ആഘാതം ഇപ്പോഴും ഞാന്‍ ഓര്‍ക്കുന്നുണ്ട്. 

അദ്ദേഹത്തിന് ഒരു മകളുണ്ടെന്നാണ് ഞാന്‍ മനസിലാക്കുന്നത്. അവള്‍ അദ്ദേഹത്തിനൊപ്പം സുരക്ഷിതയായിരിക്കുമോ എന്ന് ചിന്തിക്കുകയാണ്. നിങ്ങളുടെ മകള്‍ക്ക് സമാനമായ അനുഭവമുണ്ടായാല്‍ നിങ്ങള്‍ എന്തുചെയ്യും സിദ്ദിഖ്? ഇതുപോലെ ഒരു മനുഷ്യന് എങ്ങനെയാണ് ഡബ്ല്യുസിസിയെപ്പോലെ ആദരിക്കപ്പെടുന്ന, അന്തസ്സുള്ള ഒരു സംഘടനയ്‌ക്കെതിരേ വിരല്‍ ചൂണ്ടാനാവുന്നത്? നിങ്ങള്‍ ഇത് അര്‍ഹിക്കുന്നുണ്ടോ? സ്വയം ചിന്തിച്ച് നോക്ക്. ഉളുപ്പുണ്ടോ? ചലച്ചിത്ര വ്യവസായത്തിലെ മുഖംമൂടിയിട്ട, സ്വയംപ്രഖ്യാപിത യോഗ്യന്‍മാരെക്കുറിച്ച് ആലോചിക്കുമ്പോള്‍ ലജ്ജ തോന്നുന്നു’, രേവതി സമ്പത്തിന്റെ കുറിപ്പ് അവസാനിക്കുന്നു.

വിദേശത്തായിരുന്ന അക്ബര്‍ ഇന്ന് രാവിലെ ഡല്‍ഹിയില്‍ തിരിച്ചെത്തിയത്. അതേസമയം ആരോപണത്തില്‍ പ്രതികരിക്കാന്‍ അദ്ദേഹമോ സര്‍ക്കാര്‍ വൃത്തങ്ങളോ തയ്യാറായിട്ടില്ല.

#WATCH Delhi:Union Minister MJ Akbar returns to India amid accusations of sexual harassment against him, says, “there will be a statement later on.” pic.twitter.com/ozI0ARBSz4

— ANI (@ANI) October 14, 2018

വിദേശകാര്യമന്ത്രി സുഷമ സ്വരാജുമായി കൂടിക്കാഴ്ച നടത്താന്‍ എംജെ അക്ബര്‍ സമയം ആവശ്യപ്പെട്ടിട്ടുണ്ടെന്നാണ് സൂചന. ചില പ്രമുഖ മാധ്യങ്ങളും അദ്ദേഹത്തിന്റെ രാജി സ്ഥിരീകരിച്ച് വാര്‍ത്തകളും പുറത്തുവിടുന്നുണ്ട്. എന്നാല്‍ ഇതുവരെ ഔദ്യോഗിക സ്ഥിരീകരണം ആയിട്ടില്ല.

മുകേഷ് വിഷയത്തില്‍ ഞങ്ങള്‍ ടെസ് ജോസഫിനൊപ്പമാണ്. ഇപ്പോള്‍ മുകേഷിനെതിരെ പുതിയൊരു ആരോപണം കൂടി വന്നതായാണ് അറിയാന്‍ കഴിയുന്നത്. മുകേഷ് ഒരു ജനപ്രതിനിധി കൂടിയായ സാഹചര്യത്തില്‍ സര്‍ക്കാരും നിലപാട് വ്യക്തമാക്കണമെന്നും റിമ പറഞ്ഞു.

ദേശീയ തലത്തില്‍ മീ ടൂ ക്യാമ്പയിന്‍ ശക്തമാകുമ്പോള്‍ ആമിര്‍ ഖാനും അക്ഷയ് കുമാറുമൊക്കെ എങ്ങനെ നിലപാടെടുക്കുന്നു എന്ന് നമ്മള്‍ കണ്ടതാണ്. ഇവിടെ ഒരു നടന്‍ കുറ്റാരോപിതനായപ്പോള്‍ ഉടന്‍ ഫെഫ്ക പ്രസിഡന്റ് ബി.ഉണ്ണിക്കൃഷ്ണന്‍ അയാളെ വെച്ച് സിനിമ പ്രഖ്യാപിക്കുകയാണ് ചെയ്തത്. നടി പരസ്യമായി ആരോപണമുന്നയിച്ചിട്ടും ആലോചിക്കാമെന്നാണ് പ്രസിഡന്റ് മോഹന്‍ലാല്‍ പറഞ്ഞത്. ഇങ്ങെനെയിരിക്കെ മുകേഷിനെതിരായ പുതിയ ആരോപണം കേള്‍ക്കാന്‍ അമ്മക്ക് സമയമുണ്ടാകുമോ എന്ന് കണ്ടെറിയണമെന്നും റിമ പരിഹസിച്ചു.

അമ്മയാണ് അഭിനേതാക്കളുടെ ആകെയുള്ള സംഘടന. ഇവിടെ എന്തെങ്കിലും മാറ്റം വരത്തണമെങ്കില്‍ സംസാരിക്കേണ്ടതിന്റെ ആവശ്യമുണ്ടെന്ന് തിരിച്ചറിഞ്ഞതുകൊണ്ടാണ് വനിതാ കൂട്ടായ്മയുടെ മൂന്ന് അംഗങ്ങള്‍ സംസാരിക്കാന്‍ അമ്മയുടെ യോഗത്തില്‍ പോയതെന്നും റിമ കല്ലിങ്കല്‍ കൂട്ടിച്ചേര്‍ത്തു.

എക്‌സിക്യൂട്ടീവ് കമ്മിറ്റിയിലെ തന്നെ ഒരു അംഗം പറഞ്ഞിട്ടാണ് ആക്രമിക്കപ്പെട്ട നടിക്ക് വേണ്ടി കോടതിയില്‍ ഹര്‍ജി നല്‍കിയതെന്ന് നടിമാരായ രചനയും ഹണിറോസും പറഞ്ഞതെന്നും അത് ബാബുരാജാണെന്നും നടി പാര്‍വതി വെളിപ്പെടുത്തി. അയാള്‍ പിന്നീട് ചൂടുവെള്ളത്തില്‍ വീണ പൂച്ച എന്നാണ് ഇരയെ വിശേഷിപ്പിച്ചത്. വളരെ കുറച്ച് ആള്‍ക്കാര്‍ മാത്രമാണ് സമവായ ചര്‍ച്ചയില്‍ പെട്ടെന്ന് തീരുമാനമെടുക്കാമെന്ന് പറഞ്ഞത് എന്നാല്‍ അത് അവരുടെ ഒരു നാടകമായിരുന്നെന്ന് സംശയിക്കുന്നു. മീഡിയയോട് ഒന്ന് പറയരുതെന്നായിരുന്നു അവര്‍ ഞങ്ങളോട് പറഞ്ഞു കൊണ്ടിരുന്നത്. അവരുടെ ഒരേയൊരാവശ്യം ഇതു മാത്രമായിരുന്നുവെന്നും പാര്‍വതി പറഞ്ഞു.

സ്ത്രീകള്‍ പണം വാങ്ങിയ ശേഷം ആരോപണം ഉന്നയിക്കുന്നത്. രണ്ടു മുതല്‍ നാലു ലക്ഷത്തോളം രൂപ ഇങ്ങനെ വാങ്ങുന്നു. അത് കഴിഞ്ഞാല്‍ മറ്റൊരാള്‍ക്കെതിരെ ആരോപണവുമായി വരുന്നു. ഇത് ശരിയല്ലെന്നും ബി.ജെ.പി എം.പി അഭിപ്രായപ്പെട്ടു.
മീറ്റൂ ക്യാമ്പയിന്‍ ആവശ്യമാണ്. എന്നാല്‍ 10 വര്‍ഷത്തിനു ശേഷം ലൈംഗിക പീഡനം ആരോപിക്കുന്നതിന്റെ ഉദ്ദേശമെന്താണ്. വര്‍ഷങ്ങള്‍ക്കിപ്പുറം സംഭവങ്ങളുടെ സത്യാവസ്ത എങ്ങനെയാണ് പരിശോധിക്കുക.

ഇത് ദുഷ്ട സ്വഭാവമാണ്. ഇവ ദുരുപയോഗം ചെയ്യില്ലെന്ന് എങ്ങനെ പറയാനാകും. ഇതിലൂടെ ഒരു വ്യക്തിയുടെ ജീവിതമാണ് നശിപ്പിക്കപ്പെടുന്നത്, ഉദിത് രാജ് വ്യക്തമാക്കി.

താന്‍ അവരെ അറിയില്ല. ആ സ്ത്രീയെ ഓര്‍ക്കുന്നു പോലുമില്ല. ആരോപണങ്ങളെ ചിരിച്ചുതള്ളുകയാണെന്നും മുകേഷ് പറഞ്ഞു. എം.എല്‍.എ സ്ഥാനത്തുനിന്നും തന്നെ രാജിവെപ്പിക്കാനുള്ള ഗൂഢാലോചനയുടെ ഭാഗമാണിതെന്ന് സംശയമുണ്ടെന്നും കൂടുതല്‍ പ്രതികരിക്കാനില്ലെന്നും മുകേഷ് കൂട്ടിച്ചേര്‍ത്തു.

ഹോട്ടല്‍ മുറിയില്‍ വെച്ച് പീഡിപ്പിക്കാന്‍ ശ്രമിച്ചുവെന്നാരോപിച്ച് നടന്‍ മുകേഷിനെതിരെ ടെസ് ജോസഫാണ് രംഗത്തുവന്നത്.

ബോളിവുഡില്‍ വീശിയടിക്കുന്ന മീടു ക്യാംപയിന്റെ ഭാഗമായി ടെസ് ഇക്കാര്യം വെളിപ്പെടുത്തിയത്. കോടീശ്വരന്‍ പരിപാടിക്കിടെ നടന്‍ മുകേഷ് തന്നെ പലതവണ ബോട്ടല്‍ മുറിയില്‍ വെച്ച് പീഡിപ്പിക്കാന്‍ ശ്രമിച്ചതായാണ് ടെസ് ജോസഫ് ട്വീറ്ററിലൂടെ വെളിപ്പെടുത്തിയത്.

‘പലവട്ടം മുറിയിലേക്ക് തന്നെ വിളിപ്പിച്ചു. തന്നോട് മുകേഷിന്റെ മുറിയുടെ സമീപത്തേക്ക് താമസം മാറാനും നിര്‍ദേശിച്ചു. തൃണമൂല്‍ കോണ്‍ഗ്രസ് നേതാവായ ഡെറിക് ഒബ്രെയിന്‍ ആണ് അന്ന് തന്നെ സഹായിച്ചതെന്നും’ ടെസ് ജോസഫ് പറഞ്ഞു.

19 വര്‍ഷങ്ങള്‍ക്കു മുമ്പാണ് സംഭവം. ഡെറികുമായി സംസാരിച്ചതിനു ശേഷം താന്‍ അടുത്ത വിമാനത്തില്‍ മടങ്ങിയതായി ടെസ് ജോസഫ് ട്വിറ്ററില്‍ കുറിച്ചു. കേരളത്തിലെ ഒരു നടനെതിരെ ഇതാദ്യമായാണ് ‘മീ ടൂ’ കാമ്പയിനില്‍ വെളിപ്പെടുത്തല്‍ നടത്തുന്നത്.

ജിതേന്ദ്ര എന്നറിയപ്പെടുന്ന രവി കപൂറിന്റെ മാതാവിന്റെ സഹോദരന്റെ മകളാണ് പരാതിക്കാരി. ഹിമാചല്‍ പ്രദേശ് ഡി.ജി.പിക്കാണ് പരാതി നല്‍കിയിരിക്കുന്നത്. പരാതി പ്രകാരം 1971 ജനുവരിയിലാണ് സംഭവം നടന്നത്. അന്ന് പരാതിക്കാരിയായ സ്ത്രീക്ക് 18 വയസ്സും ജിതേന്ദ്രക്ക് 28 വയസ്സുമായിരുന്നു പ്രായം. സിനിമ സെറ്റായ ഷിംലയില്‍ വെച്ച് മുറിയില്‍ മദ്യപിച്ച് വന്ന് ജിതേന്ദ്ര പീഡിപ്പിക്കുകയായിരുന്നുവെന്ന് പരാതിയില്‍ പറയുന്നു.

ഹോളിവുഡ് സിനിമ ലോകത്തെ വമ്പന്മാരുടെ ലൈംഗിക അതിക്രമങ്ങള്‍ വെളിച്ചത്ത് കൊണ്ടുവന്ന മീ ടു ക്യാംപെയിന്‍ വൈറലാകുമ്പോഴും ഹിന്ദി സിനിമ ലോകത്ത് ആരുടെയും പേര് പുറത്ത് വന്നിരുന്നില്ല. 75 കാരനായ ജിതേന്ദ്ര സിനിമ നിര്‍മാതാവ് എന്ന നിലയിലും പ്രശസ്തനാണ്. അതേസമയം, ആരോപണം അടിസ്ഥാനരഹിതമാണെന്ന് ജിതേന്ദ്രയുടെ അഭിഭാഷകന്‍ റിസ്വാന്‍ സിദ്ദിഖ് പ്രതികരിച്ചു.