Meenakshi – Chandrika Daily

എയര്‍ഹോസ്റ്റസ് ആയിരുന്നു; കൊതിച്ചു നേടിയ ജോലി ഉപേക്ഷിക്കേണ്ടി വന്നു- ഉടന്‍പണം ഫെയിം മീനാക്ഷി

Test User — Tue, 17 Nov 2020 15:13:13 +0000

കൊച്ചി: വെള്ളിത്തിരയിലേക്കുള്ള വരവിനെ കുറിച്ച് മനസ്സു തുറന്ന് മീനാക്ഷി രവീന്ദ്രന്‍. 19-ാം വയസ്സില്‍ എയര്‍ഹോസ്റ്റസ് ആയി ജോലി കിട്ടിയെന്നും 22-ാം വയസ്സില്‍ തന്നെ അതു രാജി വയ്‌ക്കേണ്ടി വന്നു എന്നും അവര്‍ പറഞ്ഞു. വനിത മാസികയ്ക്ക് നല്‍കിയ അഭിമുഖത്തിലാണ് മീനാക്ഷി മനസ്സു തുറന്നത്.

’19-ാം വയസ്സില്‍ ക്യാംപസ് ഇന്റര്‍വ്യൂവിലൂടെയാണ് സ്‌പൈസ് ജെറ്റില്‍ കാബിന്‍ ക്രൂ ആയി ജോലി കിട്ടിയത്. ആദ്യം ഒരു മാസം ലീവ് എടുത്താണ് ‘നായികാ നായകനി’ല്‍ മത്സരിച്ചത്. അങ്ങനെ തുടരാനാകാതെ വന്നതോടെ, മൂന്നാം ക്ലാസ് മുതല്‍ കൊതിച്ചു നേടിയ ജോലി 22-ാം വയസില്‍ രാജി വച്ചു.’- അവര്‍ പറഞ്ഞു. ജോലി കളഞ്ഞതില്‍ വീട്ടുകാര്‍ക്ക് ആശങ്കയുണ്ടായിരുന്നു എന്നും എന്നാല്‍ അവര്‍ തന്റെ ആഗ്രഹങ്ങള്‍ക്കൊന്നും എതിരു നിന്നിട്ടില്ല എന്നും മീനാക്ഷി പറയുന്നു.

‘അച്ഛന്‍ ബാങ്കിലായിരുന്നു. അച്ഛന്‍ വിരമിച്ചത് ഒരു ജൂണിലാണ്. ജൂലായില്‍ എനിക്ക് ജോലി കിട്ടി. എല്ലാവര്‍ക്കും അതില്‍ വലിയ സന്തോഷമായിരുന്നു. അങ്ങനെയിരിക്കെയാണ് ഞാന്‍ ജോലി കളഞ്ഞത്. അപ്പോള്‍ സ്വാഭാവികമായും വീട്ടില്‍ ചെറിയ ആശങ്ക തോന്നുമല്ലോ. എന്തായാലും എന്റെ ഒരു ആഗ്രഹത്തിനും അവര്‍ ഇതുവരെ എതിരു നിന്നിട്ടില്ല. അച്ഛന്‍- രവീന്ദ്രന്‍. അമ്മ- ജയ ചേട്ടന്‍- ബാലു’ – അവര്‍ പറഞ്ഞു.

നായികാ നായകന്‍ എന്ന റിയാലിറ്റി ഷോയിലൂടെയാണ് മീനാക്ഷി മിനിസ്‌ക്രീനിലെത്തുന്നത്. സംവിധായകന്‍ ലാല്‍ ജോസ് പുതിയ സിനിമയ്ക്കായി നടത്തിയ റിയാലിറ്റി ഷോ ആയിരുന്നു അത്. മറിമായം എന്ന ഹാസ്യപരമ്പരയിലും അഭിനയിച്ചു. ഇപ്പോള്‍ ഉടന്‍ പണം എന്ന പരിപാടിയിലൂടെ വീട്ടകങ്ങളില്‍ സജീവ സാന്നിധ്യമാണ് താരം. ബിഗ്‌സ സ്‌ക്രീനും ധാരാളം അവസരങ്ങളാണ് മീനാക്ഷിക്ക്. മാലിക്, മൂണ്‍വാക്ക്, ഹൃദയം എന്നീ ചിത്രങ്ങളില് അഭിനയിച്ചിട്ടുണ്ട്.

മീനാക്ഷി ദിലീപിന്റെ ഗിറ്റാര്‍ വായിക്കുന്ന വീഡിയോ വൈറല്‍

chandrika — Fri, 20 Oct 2017 07:07:56 +0000

ക്യാമറക്കുമുന്നില്‍ അധികമൊന്നും പ്രത്യക്ഷപ്പെടാത്ത താരപുത്രിയാണ് മീനാക്ഷി ദിലീപ്. അടുത്തിടെ പ്രത്യക്ഷപ്പെട്ടവേദികളെല്ലാം പിന്നീട് വിവാദങ്ങളുടേതുമായിരുന്നു. ഇപ്പോഴിതാ മീനാക്ഷി ദിലീപിന്റെ ഗിത്താര്‍ വായിക്കുന്ന വീഡിയോ സാമൂഹ്യമാധ്യമങ്ങളിലൂടെ വൈറലായിരിക്കുകയാണ്. ഗിത്താര്‍ വായനയ്ക്ക് പുറമെ കൂട്ടുകാര്‍ക്കൊപ്പം ദീപാവലി ആഘോഷിക്കുന്ന ദൃശ്യങ്ങളുമുണ്ട്. കൂട്ടുകാരിലാരോ ഒരാള്‍ ഷൂട്ട് ചെയ്ത വീഡിയോ ആണ് പുറത്ത് വന്നിരിക്കുന്നത്. എന്നാല്‍ ഇത് എവിടെ വച്ചുള്ള ആഘോഷമാണെന്ന് വ്യക്തമല്ല. അടുത്തിടെ മീനാക്ഷി ഒരു സാരിയണിഞ്ഞ് നില്‍ക്കുന്ന ചിത്രവും വൈറലായിരിന്നു. എന്നാല്‍ ഇത് വ്യാജചിത്രമാണെന്നും വാദമുണ്ടായിരുന്നു. മീനാക്ഷി ദിലീപ് എന്ന ഫേസ്ബുക്ക് പേജിലൂടെയാണ് ചിത്രം പുറത്തു വന്നത്. ദിലീപ്- മഞ്ജുവാര്യരുടെ മകളാണ് മീനാക്ഷി.

watch video:

ദിലീപിനെ കാണാന്‍ കാവ്യയും മീനാക്ഷിയും ജയിലിലെത്തി

chandrika — Sat, 02 Sep 2017 11:49:41 +0000

ആലുവ: കൊച്ചിയില്‍ നടി ആക്രമിക്കപ്പെട്ട കേസില്‍ റിമാന്റില്‍ കഴിയുന്ന നടന്‍ ദിലീപിനെ കാണാന്‍ ഭാര്യയും നടിയുമായ കാവ്യമാധവന്‍ ആലുവ സബ്ജയിലിലെത്തി.
കേസുമായി ബന്ധപ്പെട്ട് ദിലീപിനെ അറസ്റ്റു ചെയ്ത ശേഷം ഇതാദ്യമായാണ് ഇരുവരും കൂടിക്കാഴ്ച നടത്തുന്നത്.
മകള്‍ മീനാക്ഷിക്കും പിതാവ് മാധവനുമൊപ്പമാണ് കാവ്യ ജയിലിലെത്തിയത്. മൂവരും ഇരുപത് മിനിറ്റോളം ജയിലില്‍ ദിലീപിനൊപ്പം സമയം ചെലവഴിച്ചതായാണ് വിവരം.
അച്ഛന്റെ ശ്രാദ്ധ ചടങ്ങുകളില്‍ പങ്കെടുക്കാന്‍ അങ്കമാലി മജിസ്‌ട്രേറ്റ് കോടതി ദിലീപിന് അനുമതി നല്‍കിയതിനു പിന്നാലെയാണ് കാവ്യയും മീനാക്ഷിയും ജയിലിലെത്തിയത്. കാവ്യ എത്തുന്നതിന് തൊട്ടു മുമ്പ് സുഹൃത്തും സംവിധായകനുമായ നാദിര്‍ഷായും ആലുവ സബ് ജയിലിലെത്തി ദിലീപിനെ കണ്ടിരുന്നു. എന്നാല്‍ പള്‍സര്‍ സുനിയുടെ ‘മാഡം’ വെളിപ്പെടുത്തലിനെക്കുറിച്ച് പ്രതികരിക്കാന്‍ കാവ്യ തയാറായില്ല. അതേസമയം, കാവ്യയുടെ വസ്ത്രവ്യാപാര സ്ഥാപനമായ ലക്ഷ്യയിലെ ജീവനക്കാരെ പൊലീസ് ചോദ്യം ചെയ്തു.