ത്രിപുരയിലേയും നാഗാലാന്റിലേയും ജനവിധി അംഗീകരിക്കുന്നുവെന്നും ജനവിശ്വാസം വീണ്ടെടുക്കുമെന്നും രാഹുല്‍ കഴിഞ്ഞ ദിവസം പ്രതികരിച്ചിരുന്നു. എന്നാല്‍ മേഘാലയയില്‍ ജനവിധി അട്ടിമറിച്ച് ബിജെപി സര്‍ക്കാര്‍ രൂപീകരിച്ചതോടെയാണ് രാഹുല്‍ ശക്തമായ പ്രതികരണവുമായി രംഗത്തെത്തിയിരിക്കുന്നത്. 60 നിയമസഭാ സീറ്റുകളുള്ള മേഘാലയയില്‍ 21 സീറ്റുകള്‍ നേടിയ കോണ്‍ഗ്രസ് ആയിരുന്നു സംസ്ഥാനത്തെ വലിയ ഒറ്റകക്ഷി. എന്നാല്‍ തന്ത്രപരമായ നീക്കങ്ങളിലൂടെ മുന്നണി രൂപീകരണം നടത്തിയ ബിജെപി സര്‍ക്കാര്‍ രൂപീകരിക്കാന്‍ അവകാശവാദമുന്നയിക്കുകയായിരുന്നു. ബിജെപി പിന്തുണയോടെ എന്‍പിപി അധ്യക്ഷന്‍ കോണ്‍റാഡ് സാങ്മ സത്യപ്രതിജ്ഞ ചെയ്ത് അധികാരമേറ്റു. 60 അംഗ നിയമസഭയില്‍ 34 എംഎല്‍എമാരുടെ പിന്തുണയോടെയാണ് സാങ്മ മുഖ്യമന്ത്രിയായി അധികാരമേറ്റത്.

With just 2 seats, the BJP has usurped power in Meghalaya, through a proxy.

Like in Manipur & Goa, showing utter disregard for the mandate of the people. Obsessed instead with grabbing power, using big money to create an opportunistic alliance.#DemocracyDemonetised

— Office of RG (@OfficeOfRG) March 5, 2018

The Congress party respects the mandate of the people of Tripura, Nagaland and Meghalaya.

We are committed to strengthening our party across the North East and to winning back the trust of the people.

My sincere thanks to each and every Congress worker who toiled for the party.

— Office of RG (@OfficeOfRG) March 5, 2018

സഖ്യകക്ഷിയില്‍ നിന്ന് ബിജെപിയെ പുറത്താക്കണമെന്നും അല്ലാതെ തന്നെ കേവല ഭൂരിപക്ഷം ഉണ്ടെന്നും കാണിച്ചാണ് ഹില്‍ സ്‌റ്റേറ്റ് പീപ്പിള്‍സ് ഡെമോക്രാറ്റിക് പാര്‍ട്ടി നിലപാട് തിരുത്തി രംഗത്ത് വന്നത്. മുഖ്യമന്ത്രിയെ അംഗീകരിക്കില്ലെന്ന് വ്യക്തമാക്കിയ എച്ച്.എസ്.പി.ഡി.പി സത്യപ്രതിജ്ഞ ചടങ്ങ് ബഹിഷ്‌കരിച്ചതായാണ് വിവരം.

തങ്ങളുടെ തീരുമാനത്തിന് മറ്റ് സഖ്യകക്ഷികളുടെ പിന്തുണ ഉറപ്പാക്കാന്‍ എച്ച്.എസ്.പി.ഡി.പി ശ്രമം തുടങ്ങിയിട്ടുണ്ട്. ഇന്നലെ രാത്രി തന്നെ യുണൈറ്റഡ് ഡെമോക്രാറ്റിക് പാര്‍ട്ടി നേതാക്കളുമായി ഇവര്‍ ചര്‍ച്ച നടത്തിയതായാണ് വിവരം.

#Meghalaya: Visuals of preparation of oath taking ceremony of Meghalaya CM elect Conrad Sangma & others in Shillong pic.twitter.com/QpgBNpSoOk

— ANI (@ANI) March 6, 2018

#WATCH Oath taking ceremony of Meghalaya CM elect Conrad Sangma and others in Shillong https://t.co/uraKkvfdhQ

— ANI (@ANI) March 6, 2018

അതേസമയം മേഘാലയയില്‍ സത്യപ്രതിജ്ഞാ ചടങ്ങിനായുള്ള ഒരുക്കങ്ങള്‍ പുരോഗമിക്കുകയാണ്. സര്‍ക്കാര്‍ രൂപീകരിക്കാന്‍ ഗവര്‍ണര്‍ ക്ഷണിച്ചതായും ഇന്ന് തന്നെ സത്യപ്രതിജ്ഞ ചെയ്യുമെന്നും നാഷണല്‍ പീപ്പിള്‍സ് പാര്‍ട്ടി (എന്‍. പി.പി) അധ്യക്ഷന്‍ കോണ്‍റാഡ് സാങ്മ നേരത്തെ വ്യക്തമാക്കിയിരുന്നു. രാവിലെ 10.30നാണ് സത്യപ്രതിജ്ഞാ ചടങ്ങുകള്‍.

അതേസമയം ബി.ജെ.പിക്കും എച്ച്.എസ്.പി.ഡി.പിക്കും രണ്ട് അംഗങ്ങള്‍ വീതമാണ് ഉളളത്. ഈ രണ്ടു മുന്നണികള്‍ ഇല്ലാതെ തന്നെ 32 അംഗങ്ങളുടെ പിന്തുണ എന്‍.പി.പിക്ക് ഉണ്ട്.
എന്നാല്‍ എച്ച്.എസ്.പി.ഡി.പി പിന്തുണ പിന്‍വലിച്ചാലും എന്‍.പി.പി-ബി.ജെ.പി സഖ്യത്തിന് ഭരണം നേടാന്‍ തടസമാകില്ല. 60 അംഗ നിയമസഭയില്‍ എന്‍.പി.പിക്ക് 19 ഉം ബി.ജെ.പിക്ക് രണ്ടും യുണൈറ്റഡ് ഡെമോക്രാറ്റിക് പാര്‍ട്ടിക്ക് ആറും പീപ്പിള്‍സ് ഡെമോക്രാറ്റിക് ഫ്രണ്ടിന് നാലും അംഗങ്ങളുണ്ട്. ഇതിനു പുറമെ എന്‍.പി.പി-ബി.ജെ.പി മുന്നണിക്ക് ഒരു സ്വതന്ത്രനും പിന്തുണ പ്രഖ്യാപിച്ചിട്ടുണ്ട്.

അതേസമയം ഏറ്റവും വലിയ ഒറ്റകക്ഷിയായ കോണ്‍ഗ്രസിനെ സര്‍ക്കാരുണ്ടാക്കാന്‍ ക്ഷണിക്കാത്ത ഗവര്‍ണറുടെ നടപടിയില്‍ പ്രതിഷേധമുയര്‍ന്നിട്ടുണ്ട്. ബി.ജെ.പി പണം വാരിയെറിയുകയാണെന്നും മറ്റു പാര്‍ട്ടികളുടെ തോളില്‍ കയറിയിരുന്ന് വെടിയുതിര്‍ക്കാനാണ് ബിജെപിയുടെ ശ്രമമെന്നും മുന്‍ മുഖ്യമന്ത്രിയും കോണ്‍ഗ്രസ് നേതാവുമായ മുകുള്‍ സാങ്മ പ്രതികരിച്ചു.

മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ മുകുള്‍ സാങ്മ ഇന്നലെ കാലത്ത് ഗവര്‍ണറെ കണ്ട് സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചിരുന്നു. ഇതോടെ മേഘാലയയില്‍ കോണ്‍ഗ്രസ് വീണ്ടും അധികാരത്തില്‍ എത്തുമെന്ന വാര്‍ത്തകള്‍ പുറത്തുവന്നു. എന്നാല്‍ വൈകീട്ടോടെ കോണ്‍ഗ്രസിതര പാര്‍ട്ടികള്‍ സര്‍ക്കാര്‍ രൂപീകരിക്കാന്‍ തീരുമാനിച്ചതായി നാഷണല്‍ പീപ്പിള്‍സ് പാര്‍ട്ടി(എന്‍.പി.പി) പ്രഖ്യാപിച്ചതോടെയാണ് കാര്യങ്ങള്‍ കീഴ്‌മേല്‍ മറിഞ്ഞത്. എന്‍.പി.പി തലവന്‍ കോണ്‍റാഡ് സാങ്മ മുഖ്യമന്ത്രിയാകുമെന്ന സൂചനയും പാര്‍ട്ടി നല്‍കി.

NPP’s Conrad Sangma met #Meghalaya Governor to stake claim to form government. Oath ceremony to take place on 6th March at 10.30 am. pic.twitter.com/27NaL1UAwV

— ANI (@ANI) March 4, 2018

രണ്ട് അംഗങ്ങള്‍ മാത്രമുള്ള ബി.ജെ.പിയാണ് കരു നീക്കത്തിനു പിന്നിലെന്നാണ് റിപ്പോര്‍ട്ട്. ഏതു വിധത്തിലും കോണ്‍ഗ്രസിനെ അധികാരത്തിനു പുറത്തിരിത്തുക എന്ന ലക്ഷ്യത്തോടെയാണ് എന്‍.പി.പി ഉള്‍പ്പെടെയുള്ള കക്ഷികളെ ബി.ജെ.പി കൂട്ടുപിടിക്കുന്നത്. മേഘാലയ നിയമസഭാ തെരഞ്ഞെടുപ്പില്‍ കോണ്‍ഗ്രസിനെ വീഴ്ത്താന്‍ എല്ലാ അടവുകളും ബി.ജെ.പി പുറത്തെടുത്തെങ്കിലും ഫലം കണ്ടിരുന്നില്ല. വടക്കുകിഴക്കന്‍ സംസ്ഥാനങ്ങളില്‍ പൂര്‍ണമായി ആധിപത്യമുറപ്പിക്കുക എന്ന ബി.ജെ.പിയുടെ മോഹത്തിനാണ് ഇതോടെ തിരിച്ചടിയേറ്റത്. ഇത് മറികടക്കുന്നതിനാണ് ചെറു കക്ഷികളെ കൂട്ടുപിടിച്ച് ബി.ജെ.പി അധികാരത്തിലേക്ക് കുറുക്കുവഴി തേടുന്നത്.

59 അംഗ സഭയില്‍ 29 അംഗങ്ങളുടെ പിന്തുണയാണ് സര്‍ക്കാര്‍ രൂപീകരിക്കാന്‍ വേണ്ടത്. എന്‍.പി.പിക്ക് 19 എം.എല്‍.എമാരാണുള്ളത്. ബി.ജെ.പിക്കും എച്ച്.എസ്.പി.ഡി.പിക്ക് രണ്ടു വീതവും അംഗങ്ങളുണ്ട്. ഇവര്‍ക്കു പുറമെ ആറ് അംഗങ്ങളുള്ള യു.ഡി.പിയുടെ പിന്തുണയും തങ്ങള്‍ക്കുണ്ടെന്നാണ് എന്‍.പി.പി അവകാശപ്പെടുന്നത്. എന്നാല്‍ ഇന്നലെ കാലത്ത് മാധ്യമങ്ങളെ കണ്ട മുകുള്‍ സാങ്മ യു.ഡി.പി പിന്തുണ കോണ്‍ഗ്രസിനാണെന്ന് വ്യക്തമാക്കിയിരുന്നു. ഇതോടെ യു.ഡി.പി മേഘാലയ രാഷ്ട്രീയത്തിലെ കിങ്‌മേക്കറാകുമെന്ന് ഉറപ്പായി. ഇതിനിടെ എന്‍.പി.പി നേതൃത്വത്തില്‍ രൂപീകരിച്ച പീപ്പിള്‍സ് ഡമോക്രാറ്റിക് ഫ്രണ്ടിനെ(പി.ഡി.എഫ്) പിന്തുണക്കാന്‍ തീരുമാനിച്ചതായി യു.ഡി.പി പ്രസിഡണ്ട് ദോങ്കുപാര്‍ റോയ് പറഞ്ഞു. കോണ്‍ഗ്രസ് പിന്തുണ തേടിയിരുന്നെങ്കിലും ഭരണ സ്ഥിരത ഉറപ്പാക്കുന്നതിനാണ് പി.ഡി.എഫിനെ പിന്തുണക്കുന്നതെന്ന് ദോങ്കുപാര്‍ റോയ് കൂട്ടിച്ചേര്‍ത്തു.

എന്നാല്‍ തെരഞ്ഞെടുപ്പ് നടന്ന മൂന്നും 60 നിയമസഭാ മണ്ഡലങ്ങള്‍ വീതം മാത്രമുള്ള ചെറിയ സംസ്ഥാനങ്ങളാണ്. ചെറിയൊരു ഓളം സൃഷ്ടിക്കാമെന്നതിനപ്പുറം 2019ലെ പൊതുതെരഞ്ഞെടുപ്പിനെ സ്വാധീനിക്കാനുള്ള ശക്തി ഈ സംസ്ഥാനങ്ങള്‍ക്കില്ല.

ഗുജറാത്ത് നിയമസഭാ തെരഞ്ഞെടുപ്പില്‍ കാഴ്ച വെച്ച ശക്തമായ മുന്നേറ്റത്തോടെ രാഹുല്‍ ഗാന്ധിക്കു കീഴില്‍ കോണ്‍ഗ്രസ് തിരിച്ചുവരവിന്റെ പ്രതീതി സൃഷ്ടിച്ചിരുന്നു. ഇത് ശരിവെക്കുന്നതായിരുന്നു ബി.ജെ.പി ഭരിക്കുന്ന സംസ്ഥാനങ്ങളായ മധ്യപ്രദേശിലെയും രാജസ്ഥാനിലെയും ലോക്‌സഭാ, നിയമസഭാ സീറ്റുകളിലേക്ക് നടന്ന ഉപതെരഞ്ഞെടുപ്പു ഫലങ്ങള്‍. കനത്ത തോല്‍വിയാണ് ഇവിടെ ബി.ജെ.പിയെ കാത്തിരുന്നത്. ഇതിനിടെ ലഭിച്ച വിജയം എന്ന നിലയിലാണ് ത്രിപുര, നാഗാലാന്റ്, മേഘാലയ ഫലങ്ങള്‍ ബി.ജെ.പിക്ക് ആശ്വാസം പകരുന്നത്.

ഇതില്‍ തന്നെ നാഗാലാന്റില്‍ നിലവില്‍ ബി.ജെ.പി ഉള്‍പ്പെടുന്ന നാഗാലാന്റ് പീപ്പിള്‍സ് ഫ്രണ്ടിന്റെ(എന്‍.പി.എഫ്) നേതൃത്വത്തിലുള്ള എന്‍.ഡി.എ സഖ്യമാണ് ഭരണത്തിലുള്ളത്. എന്‍.പി.എഫുമായി തെറ്റിപ്പിരിഞ്ഞ് മുന്‍ മുഖ്യമന്ത്രി ടി.ആര്‍ സെലിയാങ് രൂപീകരിച്ച എന്‍.ഡി.പി.പിയെ കൂട്ടുപിടിച്ചാണ് ബി.ജെ.പി തെരഞ്ഞെടുപ്പിനെ നേരിട്ടത്. തനിച്ചു മത്സരിച്ച എന്‍.പി.എഫ് 27 സീറ്റ് നേടിയപ്പോള്‍ ബി.ജെ.പിയും എന്‍.ഡി.പി.പിയും ചേര്‍ന്ന് നേടിയതും 27 സീറ്റാണ്. ചെറു കക്ഷികളെ കൂട്ടുപിടിച്ച് എന്‍.പി.എഫ് സര്‍ക്കാര്‍ രൂപീകരിച്ചാല്‍ ഫലത്തില്‍ നാഗാലാന്റില്‍ ബി.ജെ.പി പ്രതിപക്ഷത്തിരിക്കേണ്ടി വരും.

മേഘാലയയില്‍ ശക്തമായ വെല്ലുവിളി നേരിട്ടെങ്കിലും ഏറ്റവും വലിയ ഒറ്റകക്ഷിയാകാന്‍ കഴിഞ്ഞത് കോണ്‍ഗ്രസിന് ആത്മവിശ്വാസം നല്‍കുന്നതാണ്. മുകുള്‍ സാങ്മയില്‍ ഹിമാലയന്‍ ജനത ഒരിക്കല്‍കൂടി വിശ്വാസമര്‍പ്പിച്ചതിന്റെ തെളിവാണ് തെരഞ്ഞെടുപ്പ് ഫലം. എന്നാല്‍ മറ്റു കക്ഷികളുടേയും സ്വതന്ത്രരുടേയും പിന്തുണ ഉറപ്പാക്കി സര്‍ക്കാര്‍ രൂപീകരിക്കാന്‍ കഴിഞ്ഞെങ്കില്‍ മാത്രമേ കോണ്‍ഗ്രസിന് ഇതിന്റെ നേട്ടം സ്വന്തമാക്കാനാകൂ.

പാര്‍ട്ടി ഭരണത്തിലുള്ള സംസ്ഥാനങ്ങളുടെ എണ്ണം ഉയര്‍ത്താന്‍ കഴിഞ്ഞുവെന്നതില്‍ ബി.ജെ.പിക്ക് സന്തോഷിക്കാന്‍ വകയുണ്ട്. കോണ്‍ഗ്രസ് മുക്ത ഭാരതത്തിലേക്കുള്ള ചവിട്ടുപടി എന്നാണ് തെരഞ്ഞെടുപ്പ് ഫലത്തെ കേന്ദ്രമന്ത്രി രവിശങ്കര്‍ പ്രസാദ് വിശേഷിപ്പിച്ചത്. നാലു സംസ്ഥാനങ്ങളില്‍ മാത്രമാണ് നിലവില്‍ കോണ്‍ഗ്രസ് അധികാരത്തിലുള്ളത്. ബി.ജെ.പി 20ലധികം സംസ്ഥാനങ്ങളിലും. എന്നാല്‍ ഈ വര്‍ഷം നടക്കാനിരിക്കുന്ന ശേഷിക്കുന്ന നിയമസഭാ തെരഞ്ഞെടുപ്പുകള്‍ കൂടി പൂര്‍ത്തിയായാലേ ഇക്കാര്യത്തില്‍ ബി.ജെ.പിക്കും സന്തോഷത്തിന് വകയുള്ളൂ.

കര്‍ണാടകയില്‍ 2018 പകുതിയോടെ തെരഞ്ഞെടുപ്പ് നടക്കും. ഇപ്പോള്‍ ഫലം പുറത്തുവന്ന മൂന്നു സംസ്ഥാനങ്ങളിലെയും മൊത്തം നിയമസഭാ മണ്ഡലങ്ങള്‍ കൂട്ടിയാല്‍ 180 സീറ്റേ ആകുന്നുള്ളൂ. എന്നാല്‍ കര്‍ണാടകയില്‍ മാത്രം 244 സീറ്റുണ്ട്. ഇവിടെ തെരഞ്ഞെടുപ്പ് പ്രചാരണങ്ങള്‍ക്ക് ഇരു പക്ഷവും മൂര്‍ച്ച കൂട്ടിക്കഴിഞ്ഞു. 2018 അവസാനത്തോടെ മധ്യപ്രദേശിലും രാജസ്ഥാനിലും തെരഞ്ഞെടുപ്പ് നടക്കുന്നുണ്ട്. രണ്ടും ബി.ജെ.പി ഭരിക്കുന്ന സംസ്ഥാനങ്ങളാണ്. നവംബര്‍-ഡിസംബര്‍ മാസങ്ങളിലായിരിക്കും ഇവിടെ തെരഞ്ഞെടുപ്പ്. മധ്യപ്രദേശില്‍ 230ഉം രാജസ്ഥാനില്‍ 200ഉം നിയമസഭാ സീറ്റുകളുണ്ട്. രണ്ടും ബി.ജെ.പി ഭരിക്കുന്ന സംസ്ഥാനങ്ങളാണ്. അടുത്തിടെ നടന്ന ഉപതെരഞ്ഞെടുപ്പുകളില്‍ അതിദയനീയ തോല്‍വിയാണ് രണ്ട് സംസ്ഥാനങ്ങളിലും ബി.ജെ.പി നേരിട്ടത്. അതുകൊണ്ടുതന്നെ ഈ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം എന്താവുമെന്നത് നിര്‍ണായകമാണ്.

രാജസ്ഥാന്‍, മധ്യപ്രദേശ് നിയസമഭാ തെരഞ്ഞെടുപ്പുകള്‍ക്കൊപ്പം ലോക്‌സഭയിലേക്കുള്ള പൊതുതെരഞ്ഞെടുപ്പ് കൂടി നടത്താന്‍ ബി.ജെ.പി ശ്രമിക്കുന്നതായി വാര്‍ത്തകള്‍ പുറത്തുവരുന്നുണ്ട്. എന്നാല്‍ അടിസ്ഥാന സൗകര്യങ്ങളിലെ പരിമിതി ചൂണ്ടിക്കാട്ടി തെരഞ്ഞെടുപ്പ് കമ്മീഷന്‍ ഇതിനോട് യോജിച്ചിട്ടില്ല. നിയമസഭാ തെരഞ്ഞെടുപ്പില്‍ തിരിച്ചടി നേരിട്ടാല്‍ തൊട്ടു പിന്നാലെ വരുന്ന പൊതുതെരഞ്ഞെടുപ്പിനെയും അത് ബാധിക്കുമെന്ന തിരിച്ചറിവാണ് തെരഞ്ഞെടുപ്പ് നേരത്തെയാക്കാന്‍ കേന്ദ്ര സര്‍ക്കാറിനെ പ്രേരിപ്പിക്കുന്നത്.

ഷില്ലോങ്: മേഘാലയയില്‍ വോട്ടെണ്ണല്‍ പുരോഗമിക്കുമ്പോള്‍ പുതിയ അധ്യക്ഷനായി തെരഞ്ഞെടുക്കപ്പെട്ട രാഹുല്‍ ഗാന്ധിക്ക് ശക്തിപകര്‍ന്ന് ഭരണകക്ഷിയായ കോണ്‍ഗ്രസ് മുന്നേറുന്നു. 60 അംഗ സഭയില്‍ വോട്ടെടുപ്പ് നടന്ന 59 മണ്ഡലങ്ങളില്‍ ലീഡ് നില അറിവായപ്പോള്‍ 22 സീറ്റിലും കോണ്‍ഗ്രസാണ് മുന്നിട്ട് നില്‍ക്കുന്നത്. ക്രിസ്തീയ വോട്ടുകളുള്ള മേഘാലയയില്‍ കേന്ദ്രമന്ത്രി അല്‍ഫോണ്‍സ് കണ്ണന്താനത്തെ ഇറക്കി വന്‍ പ്രചാരണം കാഴ്ചവെച്ചിട്ടും ആറ് സീറ്റില്‍ മാത്രമാണ് ബി.ജെ.പിക്ക് ഇതുവരെ മുന്നേറാനായത്. ഭരണവിരുദ്ധ വികാരം പ്രതിഫലിക്കാന്‍ സാധ്യതയുള്ളിടത്ത് കോണ്‍ഗ്രസിന്റെ മുന്നേറ്റം ദേശീയ അധ്യക്ഷന് വന്‍ പ്രതീക്ഷയാണ് നല്‍കുന്നത്.

INC rally for Jopthiaw Lyngdoh, candidate from Nartiang. Music, peace & love! @INCIndia @INCMeghalaya @sushmitadevmp @GauravGogoiAsm pic.twitter.com/L7ZM1oneBc

— Dr. Ampareen Lyngdoh (@AmpareenL) February 25, 2018

നേരത്തെ മേഘായയില്‍ തെരഞ്ഞെടുപ്പ് പ്രചരണത്തിന് ഇറങ്ങിയ രാഹുല്‍ ഗാന്ധി വലിയ പ്രതീക്ഷകളോടെയാണ് സംസ്ഥാനത്ത് നിന്നും മടങ്ങിയത്. മേഘാലയയില്‍ വിജയം ഉറപ്പിക്കുന്ന തരത്തില്‍ പ്രചരണ ശേഷം ഫെബ്രുവരി 22ന് രാഹുല്‍ ട്വീറ്റ് ചെയ്യുകയുമുണ്ടായി.

Thank you Meghalaya! I’m truly touched by your affection and enthusiasm. I promise, I will be back soon. pic.twitter.com/U6KpOih0cw

— Office of RG (@OfficeOfRG) February 22, 2018

“മേഘാലയക്ക് നന്ദി! തീര്‍ച്ചയായും ഞാന്‍ നിങ്ങളുടെ സ്‌നേഹവും ഉത്സാഹവും തൊട്ടറിഞ്ഞിരിക്കുന്നു. ഞാന്‍ ഉടനെ തിരിച്ചു വരുമെന്ന് വാഗ്ദാനം ചെയ്യുന്നു” എന്നായിരുന്നു രാഹുലിന്റെ ട്വീറ്റ്.

Rain of blessings on the Congress President Rahul Gandhi during the road show in Shillong today. #OneMeghalaya pic.twitter.com/PLENsShI2T

— Meghalaya Congress (@INCMeghalaya) February 21, 2018

രാഹുല്‍ ഗാന്ധിയുടെ ഈ വാക്കുകള്‍ സത്യമായിരിക്കുകയാണിപ്പോള്‍. ജാക്കറ്റ് വിവാദവും ക്രിസ്തീയ കാര്‍ഡിറക്കിയിട്ടും മേഘാലയയില്‍ ബിജെപിക്ക് ഭരണ വിരുദ്ധ വികാരം കത്തിക്കാന്‍ സാധിച്ചിട്ടില്ല. കേവല ഭൂരിപക്ഷം ലഭിച്ചില്ലെങ്കിലും സര്‍ക്കാറുണ്ടാക്കാന്‍ കഴിയുമെന്ന പ്രതീക്ഷയിലാണ്‌ കോണ്‍ഗ്രസ്.

2013-ലെ പ്രകടനത്തില്‍ നിന്ന് കാര്യമായ തിരിച്ചടിയേല്‍ക്കാതെയാണ് മേഘാലയയില്‍ കോണ്‍ഗ്രസിന്റെ വിജയം. ഒരു സീറ്റുമില്ലാതിരുന്ന ബി.ജെ.പി 2സീറ്റുകള്‍ നേടിയെങ്കിലും പ്രതിപക്ഷമായ എന്‍.പി.പി 18 സീറ്റുകള്‍ നേടി. മറ്റുള്ള പാര്‍ട്ടികളും നിര്‍ണായക പ്രകടനം കാഴ്ചവെക്കുന്നുണ്ട്.

അധികാരം നിലനിര്‍ത്താനുള്ള സാധ്യത ശക്തമായതോടെ കോണ്‍ഗ്രസ് ദേശീയ നേതാക്കളായ കമല്‍നാഥ്, അഹ്മദ് പട്ടേല്‍ എന്നിവര്‍ ഷില്ലോങിലേക്ക് പുറപ്പെട്ടിട്ടുണ്ട്.

The trends in all three states point to a new political direction, it will have an effect on national politics as well. We are confident of forming Govt in all three: Kiren Rijiju,MoS Home #Tripura #Meghalaya #Nagaland pic.twitter.com/QYnbZWGVOq

— ANI (@ANI) March 3, 2018

അതേസമയം മേഘാലയയില്‍ വോട്ടെണ്ണല്‍ പുരോഗമിക്കുമ്പോള്‍ പ്രതിപക്ഷമായ എന്‍.പി.പി 18 സീറ്റില്‍ മുന്നിലുണ്ട്. വടക്ക് കിഴക്കന്‍ സംസ്ഥാനങ്ങളിലെ പാര്‍ട്ടികളെ ചേര്‍ത്ത് ബി.ജെ.പി രൂപവത്കരിച്ച നാഷണല്‍ ഡെമോക്രാറ്റിക് സഖ്യത്തിന്റെ ഭാഗമാണ് എന്‍.പി.പി. ബി.ജെ.പി മറ്റു പ്രാദേശിക പാര്‍ട്ടികളുമായി ചേര്‍ന്ന് ഭരണം വിലക്കെടുക്കുമോ എന്നും രാഷ്ട്രീയ നിരീക്ഷകര്‍ നോക്കികാണുകയാണ്.

Visuals from inside a counting centre in Agartala #TripuraElection2018 pic.twitter.com/bl6vg5nErc

— ANI (@ANI) March 3, 2018

പോസ്റ്റല്‍ ബാലറ്റ് വോട്ടുകള്‍ എണ്ണിതുടങ്ങിയപ്പോള്‍ മൂന്ന് സംസ്ഥാനങ്ങളിലും വ്യത്യസ്തമായ തരംഗമാണ് കാണുന്നത്.
വോട്ടെണ്ണല്‍ പുരോഗമിക്കുമ്പോള്‍ മാണിക് സര്‍ക്കാറിന്റെ സി.പി.എം സംസ്ഥാനമായ ത്രിപുരയിലേക്കാണാണ് രാഷ്ട്രീയ നിരീക്ഷകര്‍ ഉറ്റുനോക്കുന്നത്. എക്‌സിറ്റ് പോള്‍ ഫലങ്ങളെ തള്ളി ത്രിപുരയില്‍ മാണിക് സര്‍ക്കാര്‍ പിടിച്ചുനില്‍ക്കുന്ന കാഴ്ചയാണ് കാണുന്നത്. എന്നാല്‍ കമ്മ്യൂണിസ്റ്റ് സര്‍ക്കാറിനെ വെല്ലുവിളിച്ച് കടുത്ത പോരാട്ടമാണ് സംസ്ഥാനത്ത് ഫലത്തില്‍ ബിജെപി നടത്തുന്നത്. പോസ്റ്റല്‍ ബാലറ്റുകള്‍ എണ്ണി തീരുമ്പോള്‍ ആകെയുള്ള 59 സീറ്റില്‍ 25 നെതിരെ 31 ഇടത്താണ് ബി.ജെ.പി സഖ്യം മുന്നേറുന്നത്. അതേസമയം ത്രിപുരയില്‍ കോണ്‍ഗ്രസിന് സീറ്റൊന്നുമില്ലാത്ത നിലയാണ്‌.

#WATCH: Huge crowd at Shillong Polo ground where people can see counting trends through a projector #MeghalayaElection2018 pic.twitter.com/iBHVpy2pvl

— ANI (@ANI) March 3, 2018

അതേസമയം മേഘാലയയില്‍ ഭരണം നിലനിര്‍ത്താന്‍ കോണ്‍ഗ്രസിനാകുമോ എന്നാണ് വോട്ടെണ്ണല്‍ കേന്ദ്രത്തില്‍ നിന്നും വരുന്ന വിവരങ്ങളില്‍ നോക്കുന്നത്. എന്നാല്‍ മോദി നേതൃത്വം ഇത്തവണയുണ്ടാക്കിയ രാഷ്ട്രീയ സഖ്യങ്ങള്‍ ബി.ജെ.പി തിരിച്ചടിയായന്നാണ് റിപ്പോര്‍ട്ട്. ആകെയുള്ള 59 സീറ്റില്‍ 23 എണ്ണത്തില്‍ കോണ്‍ഗ്രസ് മുന്നേറുമ്പോള്‍ 14 ഇടത്ത് എന്‍.പി.പി മുന്നേറുന്ന കാഴ്ചയാണ് കാണുന്നത്. ബിജെപി 5 സീറ്റില്‍ മുന്നേറി മൂന്നാം സ്ഥാനത്താണ്.

Seeing the earlier trends:, I feel that in Tripura BJP is going to do very well In Nagaland too, our alliance is doing very well and Congress is trailing in Meghalaya. The three results of North East are going to be very good for BJP: Ram Madhav, BJP pic.twitter.com/66V7BPCXDn

— ANI (@ANI) March 3, 2018

ഇലക്ഷന്‍ കമ്മീഷന്‍ പുറത്തു വിടുന്ന റിസല്‍റ്റ് കാണാം…

http://eciresults.nic.in/

കടുത്ത പോരാട്ടം നടന്ന നാഗാലാന്റില്‍ 75 ശതമാനം പോളിങ് രേഖപ്പെടുത്തി. സംസ്ഥാനത്തെ ഉയര്‍ന്ന പോളിങ് ശതമാനമാണിത്. മേഘാലയയിലും റെക്കോര്‍ഡ് പോളിങാണ് രേഖപ്പെടുത്തിയത്. 67 ശതമാനത്തിന് മുകളിലാണ് മേഘാലയയിലെ പോളിങ്. ഇരു സംസ്ഥാനത്തെയും പോളിങ് ശതമാനം ഇനിയും ഉയരാന്‍ സാധ്യതയുണ്ടെന്ന് തെരഞ്ഞെടുപ്പ് കമ്മീഷന്‍ വക്താക്കള്‍ അറിയിച്ചു.

60 മണ്ഡലങ്ങളിയായി ഇരു സംസ്ഥാനത്തും 59 സീറ്റുകളിലേക്കാണ് തെരഞ്ഞെടുപ്പ്. മേഘാലയയിലും നാഗാലാന്‍ഡിലും വാശിയേറിയ മത്സരമാണ് ഇത്തവണ നടക്കുന്നത്. മേഘാലയയില്‍ കഴിഞ്ഞ 15 വര്‍ഷമായി ഭരണത്തിലിരിക്കുന്ന കോണ്‍ഗ്രസിന് ശക്തമായ വെല്ലുവിളിയുയര്‍ത്തുകയാണ് ബിജെപിയും ഗോത്ര വര്‍ഗ പാര്‍ട്ടികളുടെ സഖ്യവും. മേഘാലയയില്‍ മത്സര രംഗത്തുള്ള 370 സ്ഥാനാര്‍ത്ഥികളുടെ വിധി നിര്‍ണയിക്കുക 18.4 ലക്ഷം വോട്ടര്‍മാരാണ്. ക്രൈസ്തവ വോട്ടര്‍മാരുടെ സാന്നിധ്യം കൂടുതലുള്ളതിനാല്‍ ഇവരുടെ പിന്തുണലക്ഷ്യമിട്ടായിരുന്നു ബിജെപിയുടേയും കോണ്‍ഗ്രസിന്റേയും പ്രചാരണം.

കേരളത്തില്‍ നിന്ന് ഉമ്മന്‍ ചാണ്ടി അടക്കമുള്ള നേതാക്കളെ ഇതിനായി കോണ്‍ഗ്രസ് രംഗത്തിറക്കിയപ്പോള്‍ ബിജെപി പ്രചാരണത്തിന്റെ ചുമതല കേന്ദ്രമന്ത്രി അല്‍ഫോണ്‍സ് കണ്ണന്താനത്തിനായിരുന്നു. മേഘാലയയിലും നാഗാലാന്‍ഡിലും സ്വാധീനമുണ്ടാക്കാനുള്ള ശ്രമത്തിലാണ് ബിജെപി. ഫലപ്രഖ്യാപനം മാര്‍ച്ച് മൂന്നിനാണ്.

We expect that polling will finish smoothly & we will get absolute majority as per voice of the people. We hope peace will prevail in the state & we will move for Naga political solution: Nagaland CM TR Zeliang #NagalandElection2018 pic.twitter.com/SssyvKQP3J

— ANI (@ANI) February 27, 2018

അതേസമയം ഒറ്റപ്പെട്ട ഈ അക്രമം ഒഴിച്ചു നിര്‍ത്തിയാല്‍ തെരഞ്ഞെടുപ്പ് സമാധാനപരമായാണ് പുരോഗമിക്കുന്നത്. 60 നിയമസഭാ സീറ്റുകളാണ് ഇരു സംസ്ഥാനങ്ങളിലും ഉള്ളത്. ഇതില്‍ 59 വീതം സീറ്റുകളിലാണ് ഇന്ന് വോട്ടെടുപ്പ് നടക്കുന്നത്. എന്‍.സി.പി സ്ഥാനാര്‍ത്ഥി ജൊനാഥന്‍ എന്‍ സാങ്മയെ നക്‌സലുകള്‍ കൊലപ്പെടുത്തിയതിനെതുടര്‍ന്നാണ് മേഘാലയയിലെ വില്ല്യംനഗര്‍ മണ്ഡലത്തില്‍ വോട്ടെടുപ്പ് മാറ്റിവെച്ചത്.

നാഗാലാന്റില്‍ ഉത്തര അംഗാമി രണ്ട് മണ്ഡലത്തില്‍ എന്‍.ഡി.പി.പി പ്രതിനിധിയും മുന്‍ മുഖ്യമന്ത്രിയുമായ നെപ്യൂ റിയോ എതിരില്ലാതെ തെരഞ്ഞെടുക്കപ്പെട്ടിരുന്നു. ക്രൈസ്തവ ഭൂരിപക്ഷ സംസ്ഥാനങ്ങളില്‍ കേന്ദ്ര സര്‍ക്കാറിന്റെ ന്യൂനപക്ഷ വിരുദ്ധ നിലപാടുകളാണ് ബി.ജെ.പിക്ക് വെല്ലുവിളിയാകുന്നത്. നാഗാലാന്റില്‍ എന്‍.പി.എഫിനെതിരായ ഭരണവിരുദ്ധ വികാരം മുതലെടുക്കാന്‍ കഴിയുമെന്ന പ്രതീക്ഷയിലാണ് ബി.ജെ.പി. മേഘാലയയില്‍ കോണ്‍ഗ്രസ് തന്നെ അധികാരത്തില്‍ തിരിച്ചെത്തുമെന്നാണ് കണക്കുകൂട്ടല്‍.
ത്രിപുര നിയമസഭാ വോട്ടെടുപ്പ് ഫെബ്രവുരി 18ന് പൂര്‍ത്തിയായിരുന്നു. മാര്‍ച്ച് മൂന്നിനാണ് മൂന്ന് സംസ്ഥാനങ്ങളിലേയും വോട്ടെണ്ണല്‍.

സ്വപ്നങ്ങള്‍ കൊണ്ടുണ്ടാക്കിയത് എന്ന അവകാശവാദത്തോടെയാണു നീരവ് മോദി വജ്രം വില്‍ക്കുന്നത്. സര്‍ക്കാര്‍ ഉള്‍പ്പെടെയുള്ള ജനങ്ങളെ സ്വപ്നങ്ങള്‍ നല്‍കി ഉറക്കിക്കിടത്തി പൊതുപണവുമായി അയാള്‍ കടന്നുകളഞ്ഞു. വര്‍ഷങ്ങള്‍ക്കു മുന്‍പു മറ്റൊരു മോദി (പ്രധാനമന്ത്രി) ഇന്ത്യക്കാര്‍ക്കു സ്വപ്നങ്ങള്‍ വിറ്റു. ‘അച്ഛേ ദിന്‍’, എല്ലാവരുടെ ബാങ്ക് അക്കൗണ്ടിലും 15 ലക്ഷം, രണ്ടു കോടി തൊഴിലവസരം.. അങ്ങനെ നിരവധി സ്വപ്നങ്ങള്‍ രാഹുല്‍ വിശദീകരിച്ചു.

ജനങ്ങളുടെ പണം ബാങ്കിലിടാന്‍ നിര്‍ബന്ധിച്ച പ്രധാനമന്ത്രി ആ പണം കൊള്ളയടിച്ചിട്ടും മറുപടി പറയുന്നില്ലെന്നു കഴിഞ്ഞ ദിവസവും രാഹുല്‍ ആരോപിച്ചിരുന്നു. അതേസമയം, പഞ്ചാബ് നാഷനല്‍ ബാങ്ക് സാമ്പത്തികത്തട്ടിപ്പു നടന്നത് യുപിഎ സര്‍ക്കാരിന്റെ കാലത്താണെന്നും കോണ്‍ഗ്രസ് നുണ പ്രചരിപ്പിക്കുകയാണെന്നും കേന്ദ്രമന്ത്രി നിര്‍മല സീതാരാമന്‍ പറഞ്ഞു.

മേഘാലയയില്‍ മുഖ്യമന്ത്രി മുകുള്‍ സാങ്മയുടെ നേതൃത്വത്തില്‍ വലിയ വികസനമാണു നടന്നിട്ടുള്ളത്. രാജ്യത്തെ കഠിനാധ്വാനികളായ മുഖ്യമന്ത്രിമാരില്‍ ഒരാളാണു സാങ്മ. ബിജെപിയുടെ ബി ടീമായ നാഷനല്‍ പീപ്പിള്‍സ് പാര്‍ട്ടിക്കു (എന്‍പിപി) ജനം വോട്ടു ചെയ്യരുതെന്നും രാഹുല്‍ ഓര്‍മിപ്പിച്ചു. ഈമാസം 27നാണു മേഘാലയയില്‍ തിരഞ്ഞെടുപ്പ്.

മേഘാലയ തെരഞ്ഞെടുപ്പില്‍ കോണ്‍ഗ്രസും ബി.ജെ.പി.യും പ്രചാരണത്തിന്റെ ചുമതല കോട്ടയത്തുനിന്നുളള നേതാക്കളെയാണ് ഏല്‍പ്പിച്ചിരിക്കുന്നത്. ബി.ജെ.പി.യുടെ തെരഞ്ഞെടുപ്പു പ്രചരണപരിപാടികളുടെ മേല്‍നോട്ടം കേന്ദ്രമന്ത്രി അല്‍ഫോന്‍സ് കണ്ണന്താനത്തിനാണ്. ഉമ്മന്‍ ചാണ്ടിയും കെ.സി.ജോസഫും കൂടാതെ കോട്ടയം കാരായ ആന്റോ ആന്റണി എം.പി., ജോസഫ് വഴയ്ക്കന്‍, അഡ്വ. ടോമി കല്ലാനി, മധു ഏബ്രഹാം, സുനു ജോര്‍ജ് എന്നീ കോണ്‍ഗ്രസ് നേതാക്കളെയാണ് എ.ഐ.സി.സി.പ്രചരണത്തിനായി നിയോഗിച്ചിട്ടുള്ളത്.

കോട്ടയത്ത് നിന്നുളള നേതാക്കളെ കൂടാതെ ലാലി വിന്‍സന്റ്, ഡൊമനിക് പ്രസന്റേഷന്‍, അഡ്വ: ജോര്‍ജ് മേഴ്‌സിയര്‍, ഇ.എം. അഗസ്തി എന്നിവരും മേഘാലയില്‍ പ്രചാരണത്തിനെത്തും. ഈ മാസം 27-നാണു മേഘാലയ നിയമസഭയിലേക്കുളള തെരഞ്ഞെടുപ്പ്. അറുപതംഗ നിയമസഭയിലേക്ക് 377 പേരാണു ജനവിധി തേടുന്നത്. മേഘാലയിലെ ജനസംഖ്യയില്‍ 74.59 ശതമാനവും ക്രിസ്ത്യന്‍ വിഭാഗമാണ്. മുകള്‍ സംഗ്മയുടെ നേത്വത്തിലുളള കോണ്‍ഗ്രസ് സര്‍ക്കാരാണ് നിലവില്‍ മേഘാലയ ഭരിക്കുന്നത്. 29 എം.എല്‍.എ.മാരാണു കോണ്‍ഗ്രസിനുളളത്. സ്വതന്ത്ര എം.എല്‍.എ.മാരുടെ പിന്തുണയോടെയാണു കോണ്‍ഗ്രസിന്റെ ഭരണം. നിലവില്‍ രണ്ടു എം.എല്‍.എ.മാര്‍ മാത്രമാണു ബി.ജെ.പിക്കുണ്ടായിരുന്നത്. മേഘാലയില്‍ ബി.ജെ.പിക്ക് ഇതുവരെയും പ്രതിപക്ഷ സ്ഥാനം പോലും കിട്ടിയിട്ടില്ല. യു.ഡി.പി.യാണു നിലവിലുളള പ്രതിപക്ഷ പാര്‍ട്ടി. ഇവര്‍ക്ക് 9 എം.എല്‍.എമാരാണുളളത്.എന്‍.സി.പി.ക്ക് രണ്ടു എം.എം.എല്‍.എ.മാരുണ്ട്. ഈ പാര്‍ട്ടികള്‍ക്ക് പുറമേ നോര്‍ത്ത് ഈസ്റ്റ് ഇന്ത്യ ഡവലപ്‌മെന്റ് പാര്‍ട്ടി ,ആംആദ്മി പാര്‍ട്ടി എന്നിവരും മത്സരരംഗത്തുണ്ട്. അല്‍ഫോന്‍സ് കണ്ണന്താനം കേന്ദ്രമന്ത്രിയായി ചുമതലയേറ്റെടുത്ത ഉടന്‍ തന്നെ മേഘാലയിലെ ബി.ജെ.പി.യുടെ ചുമതലയും നല്‍കിയിരുന്നു.