ശിക്ഷിക്കപ്പെടുന്ന വിദ്യാര്‍ഥികളുടെ പേര് പ്രധാനാധ്യാപകന്‍ സ്‌കൂള്‍ അസംബ്ലികളില്‍ എടുത്തു പറയുകയും, തുടര്‍ന്ന് ചെരിപ്പ് മാലയിട്ട് പരേഡ് നടത്തുകയും ചെയ്യുകയാണ് പതിവെന്ന് വിദ്യാര്‍ഥികള്‍ പറയുന്നു. ഒന്നിടവിട്ട ദിവസങ്ങളില്‍ ഈ ശിക്ഷാ രീതി നടക്കാറുണ്ടെന്നും വിദ്യാര്‍ഥികള്‍ പറഞ്ഞു. ചവറ്റുകൊട്ടയില്‍ നിന്ന് എടുത്ത ചെരിപ്പുകളാണ് മാലയാക്കുന്നതെന്നും ഇവര്‍ പരാതിപ്പെടുന്നു. ചവറ്റുകൊട്ടകള്‍ നക്കിപ്പിക്കുക, ശാരീരികമായി വേദനിപ്പിക്കുക, മുടി വെട്ടല്‍ തുടങ്ങി നിരവധി മനുഷ്യത്വരഹിതമായ ശിക്ഷകള്‍ സ്‌കൂളില്‍ നടക്കുന്നുണ്ടെന്നും പരാതിയില്‍ പറയുന്നു.

അധ്യാപകര്‍ക്കെതിരെ കര്‍ശന നടപടിയെടുക്കാനും ഇത്തരത്തില്‍ മാനസികമായും ശാരീരികമായും പീഡിപ്പിക്കുന്നതും അവസാനിപ്പിക്കണമെന്നും നിരപരാധികളായ വിദ്യാര്‍ഥികള്‍ക്ക് നീതി നല്‍കണമെന്നും പരാതിയിലുണ്ട്. സംഭവത്തില്‍ പ്രതികരണവുമായി സംസ്ഥാന വിദ്യാഭ്യാസ മന്ത്രി റക്കം എ സാങ്മ ബന്ധപ്പെട്ട ജില്ലയിലെ ഡെപ്യൂട്ടി കമ്മീഷണറോടും വിദ്യാഭ്യാസ വകുപ്പിനോടും റിപ്പോര്‍ട്ട് തേടിയിട്ടുണ്ട്. സംഭവം ദൗര്‍ഭാഗ്യകരമാണെന്നും മന്ത്രി ജില്ലാ മജിസ്‌ട്രേറ്റിന്റെ റിപ്പോര്‍ട്ട് ലഭിച്ച ശേഷം ഇക്കാര്യം പരിശോധിക്കുമെന്നും മന്ത്രി പറഞ്ഞു.ഖാസി, ഗാരോ, ജയന്തിയ എന്നിവയാണ് മേഘാലയയില്‍ പ്രധാനമായും സംസാരിക്കുന്ന ഭാഷകള്‍.

കോണ്‍റാഡ് സാങ്മയുടെ നാഷണല്‍ പീപ്പിള്‍സ് പാര്‍ട്ടി(എന്‍.പി. പി)ക്കാണ് നിലവില്‍ മേഘാലയയില്‍ ഭരണം. ഇവര്‍ക്ക് പുറമെ ബി.ജെ.പി, കോണ്‍ഗ്രസ്, തൃണമൂല്‍ കോണ്‍ഗ്രസ് എന്നീ പാര്‍ട്ടികളും മത്സര രംഗത്തുണ്ട്. നാഗാലാന്റില്‍ നിലവിലെ ഭരണ സഖ്യമായ യുണൈറ്റഡ് ഡമോക്രാറ്റിക് അലയന്‍സില്‍ പ്രാദേശിക കക്ഷികളായ എന്‍.ഡി.പി.പിയും നാഗാ പീപ്പിള്‍സ് ഫ്രണ്ടിനും പുറമെ ബി.ജെ.പിയും കണ്ണിയാണ്.

എന്‍.ഡി.പി.പി നേതാവ് നെഫിയു റിയോയാണ് നിലവിലെ മുഖ്യമന്ത്രി. കോണ്‍ഗ്രസും പ്രാദേശിക കക്ഷികളുമാണ് മറുപക്ഷത്തുള്ളത്. ഇതിനൊപ്പം തിരഞ്ഞെടുപ്പ് പ്രഖ്യാപിച്ച ത്രിപുരയില്‍ വിധിയെഴുത്ത് നേരത്തെ പൂര്‍ത്തിയായിരുന്നു. മേഘലായ, നാഗാലാന്റ് പോളിങ് അവസാനിക്കുന്നതിനു പിന്നാലെ മൂന്നു സംസ്ഥാനങ്ങളിലേയും തിരഞ്ഞെടുപ്പ് സാധ്യതകള്‍ വിലയിരുത്തുന്ന എക്സിറ്റ് പോള്‍ ഫലങ്ങള്‍ പുറത്തു വരും. മാര്‍ച്ച് രണ്ടിനാണ് മൂന്നു സംസ്ഥാനങ്ങളിലേയും വോട്ടെണ്ണല്‍.

സംസ്ഥാനത്ത് നിയമസഭ തെരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെയാണ് ബി.ജെ.പി തലവന്‍ ബീഫ് വിഷയത്തില്‍ ഈ നിലപാടെടുത്തത്. ‘ബീഫ് വിഷയത്തില്‍ മറ്റു സംസ്ഥാനങ്ങളെടുത്ത തീരുമാനങ്ങളെക്കുറിച്ച് അഭിപ്രായം പറയാനില്ല. ഇവിടെ മേഘാലയയില്‍ എല്ലാവരും ബീഫ് കഴിക്കുന്നവരാണ്.

ഒരു നിയന്ത്രണവും ഇല്ല. ഞാനും ബീഫ് കഴിക്കാറുണ്ട്. മേഘാലയയില്‍ നിരോധനമില്ല. ഇത് ജനങ്ങളുടെ ജീവിത രീതിയാണ്. ആര്‍ക്കും അത് തടയാനാകില്ല. ഇന്ത്യയിലും അത്തരം നിയമമില്ല. ചില സംസ്ഥാനങ്ങള്‍ ചില നിയമങ്ങള്‍ പാസ്സാക്കിയിട്ടുണ്ട്. മേഘാലയയില്‍ ഞങ്ങള്‍ക്ക് അറവുശാലയുണ്ട്. പശുവിനെയോ പന്നിയെയോ എടുത്ത് ചന്തയില്‍ കൊണ്ടുവരുന്നു. അതാണ് ആളുകളുടെ ശീലം’. മാധ്യമങ്ങളോട് ബി.ജെ.പി നേതാവ് പറഞ്ഞു.

മണ്ണിന്റെ മക്കളാണ് സംസ്ഥാനം ഭരിക്കുന്നതെന്നും മേഘാലയയിലെ ജനങ്ങളെ സഹായിക്കാന്‍ തന്റെ പാര്‍ട്ടി ആഗ്രഹിക്കുന്നുവെന്നും മമത ബാനര്‍ജി പറഞ്ഞു. പാര്‍ട്ടി പ്രവര്‍ത്തകരുടെ സമ്മേളനത്തെ അഭിസംബോധ ചെയ്ത് സംസാരിക്കുകയായിരുന്നു അവര്‍. കേന്ദ്രത്തിലെ ബിജെപി സര്‍ക്കാര്‍ മേഘാലയയെയും മറ്റ് വടക്കുകിഴക്കന്‍ സംസ്ഥാനങ്ങളെയും അവഗണിക്കുകയാണെന്ന് അവര്‍ ആരോപിച്ചു.

പുരോഗതിയുടെ പാതയില്‍ നമുക്ക് ഒരുമിച്ച് നടക്കാം. എന്തിനാണ് ജാതിയുടെയും മതത്തിന്റെയും അടിസ്ഥാനത്തില്‍ ജനങ്ങളെ ഭിന്നിപ്പിക്കുന്നതെന്നും മമത ബാനര്‍ജി ചോദിച്ചു. മേഘാലയയുടെ ഭൂമി ബിജെപി തട്ടിയെടുത്തെന്നും മമത ബാനര്‍ജി ആരോപിച്ചു.

ഇപ്പോള്‍ ഹരിയാന മുതല്‍ കേരളം വരെ ബംഗാളി യുവാക്കള്‍ വീടുകളില്‍ തറ തുടയ്ക്കുകയാണ്. ബംഗാളി പെണ്‍കുട്ടികളാവട്ടെ മുംബൈയിലെ ബാറുകളില്‍ ഡാന്‍സ് ചെയ്യുകയാണെന്നും തഥാഗത് റോയ് അഭിപ്രായപ്പെട്ടു. ട്വീറ്റിനെ പിന്തുണച്ചും എതിര്‍ത്തും നിരവധി പേരാണ് രംഗത്തെത്തിയിരിക്കുന്നത്. ഇത്തരം ജോലികള്‍ ചെയ്യുന്നത് ബംഗാളികള്‍ മാത്രമല്ലെന്ന് ഒരുവിഭാഗം ചൂണ്ടിക്കാട്ടുന്നു.

ഹിന്ദി അറിയാത്തതുകൊണ്ടല്ല വിദ്യാഭ്യാസമില്ലാത്തതും തൊഴിലവസരങ്ങള്‍ കുറഞ്ഞതുമാണ് ബംഗാളികള്‍ മറ്റ് സംസ്ഥാനങ്ങളില്‍ ജോലി ചെയ്യേണ്ടി വരുന്നതിന് കാരണമെന്ന് അവര്‍ അഭിപ്രായപ്പെടുന്നു. തന്നെ വിമര്‍ശിച്ചുള്ള കമന്റുകളോട്് തരംതാണ രീതിയിലാണ് ഗവര്‍ണര്‍ പ്രതികരിച്ചതെന്നും ആരോപണം ഉയരുന്നുണ്ട്.

നിയമസഭാ തെരഞ്ഞെടുപ്പില്‍ രണ്ടു സീറ്റുമാത്രം ലഭിച്ച ബി.ജെ.പി മറ്റു പ്രതിപക്ഷ പാര്‍ട്ടികളെ ഒപ്പം നിര്‍ത്തി മേഘാലയയില്‍ സര്‍ക്കാര്‍ രൂപികരിക്കുകയായിരുന്നു. 20 സീറ്റുള്ള നാഷണല്‍ പീപ്പിള്‍സ് പാര്‍ട്ടിക്ക് മുഖ്യമന്ത്രി സ്ഥാനം നല്‍കിയ ബി.ജെ.പി, യു.ഡി.പി (ആറ് സീറ്റ്) പി.ഡി.എഫ് (നാല്) എന്നിവരെ ഒപ്പം നിര്‍ത്തിയാണ് മന്ത്രിസഭ രൂപികരിച്ചത്. നിലവില്‍ കോണ്‍ഗ്രസ് സഖ്യത്തിന് 23 എം.എല്‍.എമാരുണ്ട്. എതിര്‍പാളയത്തില്‍ നിന്ന് എട്ട് അംഗങ്ങളെ അടര്‍ത്തിയെടുക്കാനായാല്‍ കോണ്‍ഗ്രസിന് കേവല ഭൂരിപക്ഷത്തിനുള്ള സംഖ്യയാവും.

അതേസമയം കര്‍ണാടകയിലേതുപോലെ ബി.ജെ.പിയെ അധികാരത്തില്‍ നിന്ന് മാറ്റി നിര്‍ത്താന്‍ മുഖ്യമന്ത്രിപദം സഖ്യകക്ഷികള്‍ക്ക് നല്‍കാന്‍ കോണ്‍ഗ്രസ് തയ്യാറാണെന്ന റിപ്പോര്‍ട്ടുകള്‍ പുറത്തു വരുന്നുണ്ട്. മേഘാലയയില്‍ സര്‍ക്കാര്‍ താഴെ വീണാല്‍ അത് ബി.ജെ.പിക്ക് വലിയ തിരിച്ചടിയാവും.

നിയമസഭാ തെരഞ്ഞെടുപ്പില്‍ കോണ്‍ഗ്രസ് നേതാവും മുന്‍ മുഖ്യമന്ത്രിയുമായ മുകുള്‍ സാഗ്മയാണ് അമ്പാട്ടിയില്‍ വിജയിച്ചത്. ഇതുകൂടാതെ അദ്ദേഹം സോങ്‌സാക്ക് മണ്ഡലത്തിലും വിജയിച്ചിരുന്നു. പിന്നീട് അമ്പാട്ടിയിലെ എംഎല്‍എ പദവി രാജിവച്ചു. തുടര്‍ന്നാണ് ഉപതെരഞ്ഞെടുപ്പ് വേണ്ടി വന്നത്. മുകുള്‍ സാഗ്മയുടെ മകളായ മിയാനി ഡി ഷിറയാണ് ഉപതെരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥിയായി നിര്‍ത്തിയത്.

ശക്തമായ പോരാട്ടത്തിനൊടുവില്‍ നാഷണല്‍ പീപിള്‍സ് പാര്‍ട്ടിയിലെ ക്ലെമന്റ് ജി മോമിനെ പരാജയപ്പെടുത്തുകയായിരുന്നു മിയാനി. മൂന്ന് സ്ഥാനാര്‍ഥികളായിരുന്നു പ്രധാനമായും മല്‍സര രംഗത്തുണ്ടായിരുന്നത്. എന്‍.പി.പിയുടെ ക്ലെമന്റ് ജി മോമിന്‍, സ്വതന്ത്രന്‍ സുബന്‍കര്‍ കോക് എന്നിവരാണ് നേരിട്ട് മത്സരിച്ചത്. വോട്ട് എണ്ണല്‍ ആരംഭിച്ചത് മുതല്‍ എന്‍.പി.പിയുടെ മോമിനി മുന്നിട്ടു നിന്നെങ്കിലും അവസാന റൗണ്ടില്‍ കോണ്‍ഗ്രസ് മുന്നേറുകയായിരുന്നു.

സഖ്യകക്ഷിയില്‍ നിന്ന് ബിജെപിയെ പുറത്താക്കണമെന്നും അല്ലാതെ തന്നെ കേവല ഭൂരിപക്ഷം ഉണ്ടെന്നും കാണിച്ചാണ് ഹില്‍ സ്‌റ്റേറ്റ് പീപ്പിള്‍സ് ഡെമോക്രാറ്റിക് പാര്‍ട്ടി നിലപാട് തിരുത്തി രംഗത്ത് വന്നത്. മുഖ്യമന്ത്രിയെ അംഗീകരിക്കില്ലെന്ന് വ്യക്തമാക്കിയ എച്ച്.എസ്.പി.ഡി.പി സത്യപ്രതിജ്ഞ ചടങ്ങ് ബഹിഷ്‌കരിച്ചതായാണ് വിവരം.

തങ്ങളുടെ തീരുമാനത്തിന് മറ്റ് സഖ്യകക്ഷികളുടെ പിന്തുണ ഉറപ്പാക്കാന്‍ എച്ച്.എസ്.പി.ഡി.പി ശ്രമം തുടങ്ങിയിട്ടുണ്ട്. ഇന്നലെ രാത്രി തന്നെ യുണൈറ്റഡ് ഡെമോക്രാറ്റിക് പാര്‍ട്ടി നേതാക്കളുമായി ഇവര്‍ ചര്‍ച്ച നടത്തിയതായാണ് വിവരം.

#Meghalaya: Visuals of preparation of oath taking ceremony of Meghalaya CM elect Conrad Sangma & others in Shillong pic.twitter.com/QpgBNpSoOk

— ANI (@ANI) March 6, 2018

#WATCH Oath taking ceremony of Meghalaya CM elect Conrad Sangma and others in Shillong https://t.co/uraKkvfdhQ

— ANI (@ANI) March 6, 2018

അതേസമയം മേഘാലയയില്‍ സത്യപ്രതിജ്ഞാ ചടങ്ങിനായുള്ള ഒരുക്കങ്ങള്‍ പുരോഗമിക്കുകയാണ്. സര്‍ക്കാര്‍ രൂപീകരിക്കാന്‍ ഗവര്‍ണര്‍ ക്ഷണിച്ചതായും ഇന്ന് തന്നെ സത്യപ്രതിജ്ഞ ചെയ്യുമെന്നും നാഷണല്‍ പീപ്പിള്‍സ് പാര്‍ട്ടി (എന്‍. പി.പി) അധ്യക്ഷന്‍ കോണ്‍റാഡ് സാങ്മ നേരത്തെ വ്യക്തമാക്കിയിരുന്നു. രാവിലെ 10.30നാണ് സത്യപ്രതിജ്ഞാ ചടങ്ങുകള്‍.

അതേസമയം ബി.ജെ.പിക്കും എച്ച്.എസ്.പി.ഡി.പിക്കും രണ്ട് അംഗങ്ങള്‍ വീതമാണ് ഉളളത്. ഈ രണ്ടു മുന്നണികള്‍ ഇല്ലാതെ തന്നെ 32 അംഗങ്ങളുടെ പിന്തുണ എന്‍.പി.പിക്ക് ഉണ്ട്.
എന്നാല്‍ എച്ച്.എസ്.പി.ഡി.പി പിന്തുണ പിന്‍വലിച്ചാലും എന്‍.പി.പി-ബി.ജെ.പി സഖ്യത്തിന് ഭരണം നേടാന്‍ തടസമാകില്ല. 60 അംഗ നിയമസഭയില്‍ എന്‍.പി.പിക്ക് 19 ഉം ബി.ജെ.പിക്ക് രണ്ടും യുണൈറ്റഡ് ഡെമോക്രാറ്റിക് പാര്‍ട്ടിക്ക് ആറും പീപ്പിള്‍സ് ഡെമോക്രാറ്റിക് ഫ്രണ്ടിന് നാലും അംഗങ്ങളുണ്ട്. ഇതിനു പുറമെ എന്‍.പി.പി-ബി.ജെ.പി മുന്നണിക്ക് ഒരു സ്വതന്ത്രനും പിന്തുണ പ്രഖ്യാപിച്ചിട്ടുണ്ട്.

അതേസമയം ഏറ്റവും വലിയ ഒറ്റകക്ഷിയായ കോണ്‍ഗ്രസിനെ സര്‍ക്കാരുണ്ടാക്കാന്‍ ക്ഷണിക്കാത്ത ഗവര്‍ണറുടെ നടപടിയില്‍ പ്രതിഷേധമുയര്‍ന്നിട്ടുണ്ട്. ബി.ജെ.പി പണം വാരിയെറിയുകയാണെന്നും മറ്റു പാര്‍ട്ടികളുടെ തോളില്‍ കയറിയിരുന്ന് വെടിയുതിര്‍ക്കാനാണ് ബിജെപിയുടെ ശ്രമമെന്നും മുന്‍ മുഖ്യമന്ത്രിയും കോണ്‍ഗ്രസ് നേതാവുമായ മുകുള്‍ സാങ്മ പ്രതികരിച്ചു.

മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ മുകുള്‍ സാങ്മ ഇന്നലെ കാലത്ത് ഗവര്‍ണറെ കണ്ട് സര്‍ക്കാര്‍ രൂപീകരിക്കാന്‍ അവകാശവാദം ഉന്നയിച്ചിരുന്നു. ഇതോടെ മേഘാലയയില്‍ കോണ്‍ഗ്രസ് വീണ്ടും അധികാരത്തില്‍ എത്തുമെന്ന വാര്‍ത്തകള്‍ പുറത്തുവന്നു. എന്നാല്‍ വൈകീട്ടോടെ കോണ്‍ഗ്രസിതര പാര്‍ട്ടികള്‍ സര്‍ക്കാര്‍ രൂപീകരിക്കാന്‍ തീരുമാനിച്ചതായി നാഷണല്‍ പീപ്പിള്‍സ് പാര്‍ട്ടി(എന്‍.പി.പി) പ്രഖ്യാപിച്ചതോടെയാണ് കാര്യങ്ങള്‍ കീഴ്‌മേല്‍ മറിഞ്ഞത്. എന്‍.പി.പി തലവന്‍ കോണ്‍റാഡ് സാങ്മ മുഖ്യമന്ത്രിയാകുമെന്ന സൂചനയും പാര്‍ട്ടി നല്‍കി.

NPP’s Conrad Sangma met #Meghalaya Governor to stake claim to form government. Oath ceremony to take place on 6th March at 10.30 am. pic.twitter.com/27NaL1UAwV

— ANI (@ANI) March 4, 2018

രണ്ട് അംഗങ്ങള്‍ മാത്രമുള്ള ബി.ജെ.പിയാണ് കരു നീക്കത്തിനു പിന്നിലെന്നാണ് റിപ്പോര്‍ട്ട്. ഏതു വിധത്തിലും കോണ്‍ഗ്രസിനെ അധികാരത്തിനു പുറത്തിരിത്തുക എന്ന ലക്ഷ്യത്തോടെയാണ് എന്‍.പി.പി ഉള്‍പ്പെടെയുള്ള കക്ഷികളെ ബി.ജെ.പി കൂട്ടുപിടിക്കുന്നത്. മേഘാലയ നിയമസഭാ തെരഞ്ഞെടുപ്പില്‍ കോണ്‍ഗ്രസിനെ വീഴ്ത്താന്‍ എല്ലാ അടവുകളും ബി.ജെ.പി പുറത്തെടുത്തെങ്കിലും ഫലം കണ്ടിരുന്നില്ല. വടക്കുകിഴക്കന്‍ സംസ്ഥാനങ്ങളില്‍ പൂര്‍ണമായി ആധിപത്യമുറപ്പിക്കുക എന്ന ബി.ജെ.പിയുടെ മോഹത്തിനാണ് ഇതോടെ തിരിച്ചടിയേറ്റത്. ഇത് മറികടക്കുന്നതിനാണ് ചെറു കക്ഷികളെ കൂട്ടുപിടിച്ച് ബി.ജെ.പി അധികാരത്തിലേക്ക് കുറുക്കുവഴി തേടുന്നത്.

59 അംഗ സഭയില്‍ 29 അംഗങ്ങളുടെ പിന്തുണയാണ് സര്‍ക്കാര്‍ രൂപീകരിക്കാന്‍ വേണ്ടത്. എന്‍.പി.പിക്ക് 19 എം.എല്‍.എമാരാണുള്ളത്. ബി.ജെ.പിക്കും എച്ച്.എസ്.പി.ഡി.പിക്ക് രണ്ടു വീതവും അംഗങ്ങളുണ്ട്. ഇവര്‍ക്കു പുറമെ ആറ് അംഗങ്ങളുള്ള യു.ഡി.പിയുടെ പിന്തുണയും തങ്ങള്‍ക്കുണ്ടെന്നാണ് എന്‍.പി.പി അവകാശപ്പെടുന്നത്. എന്നാല്‍ ഇന്നലെ കാലത്ത് മാധ്യമങ്ങളെ കണ്ട മുകുള്‍ സാങ്മ യു.ഡി.പി പിന്തുണ കോണ്‍ഗ്രസിനാണെന്ന് വ്യക്തമാക്കിയിരുന്നു. ഇതോടെ യു.ഡി.പി മേഘാലയ രാഷ്ട്രീയത്തിലെ കിങ്‌മേക്കറാകുമെന്ന് ഉറപ്പായി. ഇതിനിടെ എന്‍.പി.പി നേതൃത്വത്തില്‍ രൂപീകരിച്ച പീപ്പിള്‍സ് ഡമോക്രാറ്റിക് ഫ്രണ്ടിനെ(പി.ഡി.എഫ്) പിന്തുണക്കാന്‍ തീരുമാനിച്ചതായി യു.ഡി.പി പ്രസിഡണ്ട് ദോങ്കുപാര്‍ റോയ് പറഞ്ഞു. കോണ്‍ഗ്രസ് പിന്തുണ തേടിയിരുന്നെങ്കിലും ഭരണ സ്ഥിരത ഉറപ്പാക്കുന്നതിനാണ് പി.ഡി.എഫിനെ പിന്തുണക്കുന്നതെന്ന് ദോങ്കുപാര്‍ റോയ് കൂട്ടിച്ചേര്‍ത്തു.

ഇക്കാര്യം കമല്‍നാഥ് സ്ഥിരീകരിച്ചു. 60 അംഗ നിയമസഭയില്‍ 21 അംഗങ്ങളാണ് കോണ്‍ഗ്രസിനുളളത്. 10 അംഗങ്ങളുടെ പിന്തുണ കൂടിയുണ്ടെങ്കില്‍ സര്‍ക്കാര്‍ രുപീകരിക്കാന്‍ കോണ്‍ഗ്രസ്സിന് സാധിക്കും.

അതേസമയം രണ്ട് സീറ്റില്‍ വിജയിച്ച ബിജെപി ഇവിടെ പിഎ സാംഗ്മയുടെ നേതൃത്വത്തിലുളള നാഷണല്‍ പീപ്പിള്‍സ് പാര്‍ട്ടിയുമായി ചേര്‍ന്ന് സര്‍ക്കാര്‍ രൂപീകരിക്കാന്‍ ശ്രമം തുടങ്ങിയിട്ടുണ്ട്. 19 സീറ്റാണ് ഇവര്‍ക്കുളളത്. ബിജെപിയുടെ 2 സീറ്റ് കൂടിയാകുമ്പോള്‍ സഖ്യത്തിന് 21 അംഗങ്ങളുടെ പിന്തുണയുണ്ട്.

അതേസമയം ചെറുകക്ഷികളായ യുണൈറ്റഡ് ഡെമോക്രാറ്റിക് പാര്‍ട്ടി, പീപ്പിള്‍സ് ഡെമോക്രാറ്റിക് ഫ്രണ്ട് എന്നിവരുടെ നിലപാട് സംസ്ഥാനത്ത് നിര്‍ണ്ണായകമാകും. യുഡിപിക്ക് ആറും പിഡിഎഫിന് നാലും സീറ്റുകളാണ് ഉളളത്. മൂന്ന് സ്വതന്ത്രരും മറ്റ് കക്ഷികളില്‍ നിന്നായി നാല് അംഗങ്ങളും തിരഞ്ഞെടുക്കപ്പെട്ടിട്ടുണ്ട്.

മൂന്നു സംസ്ഥാനങ്ങളിലെയും വോട്ടെണ്ണല്‍ മാര്‍ച്ച് മൂന്നിന് നടക്കും. ഈ സംസ്ഥാനങ്ങളില്‍ ഇന്നു മുതല്‍ തെരഞ്ഞെടുപ്പ് പെരുമാറ്റ ചട്ടം നിലവില്‍ വന്നു. ഇലക്ട്രോണിക് വോട്ടിങ് മെഷീനുകളും വിവിപാറ്റും ഉപയോഗിച്ചായിരിക്കും തെരഞ്ഞെടുപ്പ്.