മെമ്പര്‍ഷിപ്പ് ക്യാമ്പയിന്റെ ഒരുക്കങ്ങള്‍ക്ക് കൗണ്‍സില്‍ അന്തിമ രൂപം നല്‍കി. ശാഖാ കമ്മിറ്റികളുടെ നേതൃത്വത്തില്‍ നടക്കുന്ന അംഗത്വ വിതരണ കാമ്പയിന്‍ മെയ് 30ന് അവസാനിക്കും. ഡിജിറ്റല്‍ സംവിധാനത്തിലാണ് ഇത്തവണ മെമ്പര്‍ഷിപ്പ് കാമ്പയിന്‍ സജ്ജമാക്കിയിരിക്കുന്നത്. മെമ്പര്‍ഷിപ്പ് ഫോറത്തില്‍ അപേക്ഷ സ്വീകരിച്ച് പ്രത്യേക ആപ്പില്‍ എന്‍ട്രി ചെയ്യുകയും ആയതിന് സംസ്ഥാന കമ്മിറ്റി അംഗീകാരം നല്‍കുയും ചെയ്യും. പഞ്ചായത്ത് മുതല്‍ സംസ്ഥാന തലം വരെയുള്ള ഭാരവാഹികള്‍, കമ്മിറ്റി അംഗങ്ങള്‍ കൗണ്‍സില്‍ അംഗങ്ങള്‍ തുടങ്ങിയ എല്ലാ വിവരങ്ങളും സംസ്ഥാന കമ്മിറ്റിയുടെ ഔദ്യോഗിക ആപ്പില്‍ ലഭ്യമാകും.

സംസ്ഥാന കൗണ്‍സില്‍ തീരുമാനപ്രകാരം ജില്ലാ പ്രവര്‍ത്തക സമിതി യോഗങ്ങള്‍ ഇന്നും (വെള്ളി) നാളെയും (ശനി) മറ്റന്നാളുമായി (ഞായര്‍) ചേരും, തുടര്‍ന്ന് 21,22 തിയ്യതികളില്‍ മണ്ഡലം യോഗങ്ങളും 23,24 തിയ്യതികളില്‍ പഞ്ചായത്ത് യോഗങ്ങളും റിട്ടേണിംഗ് ഓഫീസര്‍മാരുടെ സാന്നിദ്ധ്യത്തില്‍ ചേരും. യോഗത്തില്‍ വെച്ച് മെമ്പര്‍ഷിപ്പ് കൂപ്പണും പ്രമേയം അലേഖനം ചെയ്ത പോസ്റ്ററും കീഴ്ഘടകങ്ങള്‍ക്ക് കൈമാറും. 25 ന് കാമ്പയിന്‍ പ്രചാരണത്തിന്റെ ഭാഗമായി പോസ്റ്റര്‍ ഡേ ആചരിക്കും. 28,29 തിയ്യതികളില്‍ ശാഖതലത്തില്‍ യോഗങ്ങള്‍ ചേര്‍ന്ന് മെമ്പര്‍ഷിപ്പ് ക്യാമ്പയിന്‍ വിജയപ്പിക്കുന്നതിനായി സ്‌ക്വോഡുകള്‍ക്ക് രൂപം നല്‍കും.

സംസ്ഥാന കമ്മിറ്റി ഓഫീസില്‍ നടന്ന കൗണ്‍സില്‍ മീറ്റ് മുസ്‌ലിം ലീഗ് സംസ്ഥാന പ്രസിഡന്റ് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു. മുസ്‌ലിം ലീഗ് അഖിലേന്ത്യ ജനറല്‍ സെക്രട്ടറി പി.കെ കുഞ്ഞാലിക്കുട്ടി മുഖ്യ പ്രഭാഷണം നടത്തി. സംസ്ഥാന സെക്രട്ടറി കെ.എം ഷാജി, രാജ്യസഭ എം.പി അഡ്വ. ഹാരിസ് ബീരാന്‍ കൗണ്‍സിലിനെ അഭിവാദ്യം ചെയ്തു. മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങള്‍ അധ്യക്ഷത വഹിച്ച യോഗത്തില്‍ സംസ്ഥാന ജനറല്‍ സെക്രട്ടറി പി.കെ ഫിറോസ് സംഘടന കാര്യങ്ങള്‍ വിശദീകരിച്ചു. സംസ്ഥാന ട്രഷറര്‍ പി. ഇസ്മായീല്‍, വൈസ് പ്രസിഡന്റ്മാരായ മുജീബ് കാടേരി, അഷ്‌റഫ് എടനീര്‍, കെ..എ മാഹിന്‍ സെക്രട്ടറിമാരായ സി.കെ മുഹമ്മദലി, അഡ്വ. നസീര്‍ കാര്യറ, ഗഫൂര്‍ കോല്‍ക്കളത്തില്‍, ടി.പി.എം ജിഷാന്‍, ഫാത്തിമ തെഹ്ലിയ, മുസ്‌ലിം യൂത്ത് ലീഗ് ദേശീയ ഓര്‍ഗനൈസിങ് സെക്രട്ടറി ടിപി അഷ്‌റഫലി, എം. എസ് എഫ് സംസ്ഥാന പ്രസിഡന്റ് പി. കെ നവാസ്, യുത്ത് ലീഗ് ദേശീയ ഭാരവാഹികളായ സാജിദ് നടുവണ്ണൂര്‍, ആഷിഖ് ചെലവൂര്‍, സി.കെ ഷാക്കിര്‍, എം.എസ്.എഫ് ദേശീയ പ്രസിഡന്റ് പി. വി അഹമ്മദ് സാജു, പി.ജി മുഹമ്മദ് പ്രസംഗിച്ചു.

ജൂണ്‍ 1 മുതല്‍ 30 വരെ നടക്കുന്ന ശാഖാ സമ്മേളനത്തോടെ പുതിയ കമ്മിറ്റികള്‍ നിലവില്‍ വരും. ജൂലായ് 1 മുതല്‍ ഓഗസ്റ്റ് 15 വരെ പഞ്ചായത്ത്/മുന്‍സിപ്പല്‍/മേഖല സമ്മേളനവും പുതിയ കമ്മിറ്റി രൂപീകരണവും നടക്കും. ഓഗസ്റ്റ് 16 മുതല്‍ സെപ്തം 15 മണ്ഡലം സമ്മേളനവും പുതിയ കമ്മിറ്റി രൂപീകരണവും ജനുവരി ഒന്ന് മുതല്‍ 20 വരെ ജില്ലാ സമ്മേളനവും കമ്മിറ്റി രൂപീകരണവും നടക്കും . ശാഖാ തലത്തില്‍ മെമ്പര്‍മാരുടെ സംഗമവും പഞ്ചായത്ത് /മുന്‍സിപ്പല്‍ തലങ്ങളില്‍ യുവജനറാലിയും പൊതുസമ്മേളനവുമാണ് സംഘടിപ്പിക്കുക. മണ്ഡലം,ജില്ലാ തലങ്ങളില്‍ പ്രതിനിധി സമ്മേളനങ്ങളായിരിക്കും. സംസ്ഥാന സമ്മേളനം ജനുവരി 30,31 ഫെബ്രുവരി ഒന്ന് തിയ്യതികളില്‍ എരണാകുളത്ത് വെച്ചു നടക്കും.

ജില്ലാ റിട്ടേണിംഗ് ഓഫീസര്‍മാരെയും പാനല്‍ കമ്മിറ്റി അംഗങ്ങളെയും സംസ്ഥാന കമ്മിറ്റി ചുമതലപ്പെടുത്തി. കാസര്‍ക്കോട്- ഫാത്തിമ തഹ്ലിയ (റിട്ടേണിംഗ് ഓഫീസര്‍), കെ.എം.എ റഷീദ്, അല്‍ത്താഫ് മാങ്ങാടന്‍ (പാനല്‍ കമ്മിറ്റി അഗങ്ങള്‍). കണ്ണൂര്‍ – അഷറഫ് എടനീര്‍ (റിട്ടേണിംഗ് ഓഫീസര്‍), സഹീര്‍ ആസിഫ്, റഫീഖ് കൂടത്തായി (പാനല്‍ കമ്മിറ്റി അഗങ്ങള്‍). കോഴിക്കോട് – ഗഫൂര്‍ കോല്‍കളത്തില്‍ (റിട്ടേണിംഗ് ഓഫീസര്‍) ,നസീര്‍ നെല്ലൂര്‍, അസീസ് കളത്തൂര്‍ (പാനല്‍ കമ്മിറ്റി അഗങ്ങള്‍). വയനാട് – മുജീബ് കടേരി (റിട്ടേണിംഗ് ഓഫീസര്‍), മിസ്ഹബ് കീഴരിയൂര്‍, ഷരീഫ് കുറ്റൂര്‍ (പാനല്‍ കമ്മിറ്റി അഗങ്ങള്‍). മലപ്പുറം – പി. ഇസ്മായില്‍ (റിട്ടേണിംഗ് ഓഫീസര്‍), ടി മൊയ്തീന്‍ കോയ, എം.പി നവാസ് (പാനല്‍ കമ്മിറ്റി അഗങ്ങള്‍). പാലക്കാട് – സി.കെ മുഹമ്മദലി (റിട്ടേണിംഗ് ഓഫീസര്‍), ഹാരിസ് കരമന, സി.എച്ച് ഫസല്‍ (പാനല്‍ കമ്മിറ്റി അഗങ്ങള്‍). തൃശൂര്‍ – ടി.പി.എം ജിഷാന്‍ (റിട്ടേണിംഗ് ഓഫീസര്‍), മുസ്തഫ അബ്ദുല്‍ ലത്തീഫ്, പി.സി നസീര്‍ (പാനല്‍ കമ്മിറ്റി അഗങ്ങള്‍). എര്‍ണാകുളം – ഫൈസല്‍ ബാഫഖി തങ്ങള്‍ (റിട്ടേണിംഗ് ഓഫീസര്‍), ഗുലാം ഹസന്‍ ആലംഗീര്‍, റിയാസ് നാലകത്ത് (പാനല്‍ കമ്മിറ്റി അഗങ്ങള്‍). കോട്ടയം – അഷറഫ് എടനീര്‍ (റിട്ടേണിംഗ് ഓഫീസര്‍), എ എം സനൗഫല്‍, പി.എം മുസ്തഫ തങ്ങള്‍ (പാനല്‍ കമ്മിറ്റി അഗങ്ങള്‍). ആലപ്പുഴ – അഡ്വ നസീര്‍ കാര്യറ (റിട്ടേണിംഗ് ഓഫീസര്‍), എന്‍.കെ ഹഫ്സല്‍ റഹ്മാന്‍, സി. ജാഫര്‍ സാദിഖ് (പാനല്‍ കമ്മിറ്റി അഗങ്ങള്‍). ഇടുക്കി – കെ.എ മാഹീന്‍ (റിട്ടേണിംഗ് ഓഫീസര്‍) , പി.എ സലീം, കുരിക്കള്‍ മുനീര്‍ (പാനല്‍ കമ്മിറ്റി അഗങ്ങള്‍). പത്തനംതിട്ട – ടി.പി.എം ജിഷാന്‍ (റിട്ടേണിംഗ് ഓഫീസര്‍), നൗഷാദ് തെരുവത്ത്, ഷാഫി കാട്ടില്‍ (പാനല്‍ കമ്മിറ്റി അഗങ്ങള്‍). കൊല്ലം – സി.കെ മുഹമ്മദലി (റിട്ടേണിംഗ് ഓഫീസര്‍), ടി.ഡി കബീര്‍, ഇ.എ.എം അമീന്‍ (പാനല്‍ കമ്മിറ്റി അഗങ്ങള്‍). തിരുവനന്തപുരം – ഗഫൂര്‍ കോല്‍കളത്തില്‍ (റിട്ടേണിംഗ് ഓഫീസര്‍), ബാവ വിസപ്പടി , എ.എം അലി അസ്ഗര്‍ (പാനല്‍ കമ്മിറ്റി അഗങ്ങള്‍).

മാര്‍ച്ച് 10 നകം ജില്ലാ പ്രവര്‍ത്തക സമിതിയോഗം ചേര്‍ന്ന് മണ്ഡലം ക്വാട്ട നിര്‍ണയവും റിട്ടേണിംഗ് ഓഫീസര്‍മാരുടെ നിയമനവും നടത്തും. മാര്‍ച്ച് 20-22 ന് ചേരുന്ന മണ്ഡലം പ്രവര്‍ത്തക സമിതി യോഗം പഞ്ചായത്ത്/മുന്‍സിപ്പല്‍/മേഖല ക്വാട്ട നിര്‍ണയവും റിട്ടേണിംഗ് ഓഫീസര്‍മാരുടെ നിയമനവും നടക്കും. ഏപ്രില്‍ 25,- 27പഞ്ചായത്ത് പ്രവര്‍ത്തക സമിതിയോഗങ്ങള്‍ ചേര്‍ന്ന് ശാഖകളിലേക്കുള്ള റിട്ടേണിംഗ് ഓഫീസര്‍മാരെ നിയമിച്ച് മെമ്പര്‍ഷിപ്പ് വിതരണം ചെയ്യും.
യൂത്ത് ലീഗ് ഭരണഘടനാ പരിഷ്‌കരണത്തിനായി സംസ്ഥാന സെക്രട്ടറി ഗഫൂര്‍ കോല്‍കളത്തില്‍ കണ്‍വീനറും അഷറഫ് എടനീര്‍, എന്‍.കെ ഹഫ്‌സല്‍ റഹ്മാന്‍ എന്നിവര്‍ അംഗങ്ങളായും സബ് കമ്മിറ്റി രൂപീകരിച്ചു. മാര്‍ച്ച് 10 – ഭരണഘടനാ ഭേദഗതി കരട് തയ്യാറാക്കും. 16ന് ചേരുന്ന സംസ്ഥാന പ്രവര്‍ത്തക സമിതി യോഗം കരട് ചര്‍ച്ച ചെയ്യും. തുടര്‍ന് ഏപ്രില്‍ 12ന് ചേരുന്ന സംസ്ഥാന കൗണ്‍സില്‍ യോഗം ഭരണഘടന ഭേദഗതിക്ക് അന്തിമ രൂപംനല്‍കും. മെമ്പര്‍ഷിപ്പ് കാമ്പയിനും മുന്നൊരുക്ക പ്രവര്‍ത്തനങ്ങളും സമയബന്ധിതമായി വിജയിപ്പിക്കാന്‍ നേതാക്കള്‍ അഭ്യര്‍ത്ഥിച്ചു.