സംസ്ഥാന കമ്മിറ്റി ഓഫീസില്‍ പ്രത്യേകം സജ്ജമാക്കിയ വാര്‍ റൂം വഴി തികച്ചും ശാസ്ത്രീയമായിട്ടാണ് ഇത്തവണ മുസ്ലിംലീഗ് അംഗത്വ ക്യാമ്പയിന്‍ പൂര്‍ത്തീകരിച്ചത്. മെമ്പര്‍ഷിപ്പ് സ്വീകരിച്ച വ്യക്തിയുടെ പേര്, ശാഖ, പഞ്ചായത്ത്/ മുനിസിപ്പാലിറ്റി/ കോര്‍പ്പറേഷന്‍, മണ്ഡലം, മൊബൈല്‍ നമ്പര്‍ എന്നിവയെല്ലാം ആപ്ലിക്കേഷനില്‍ അപ്്‌ലോഡ് ചെയ്യല്‍ നിര്‍ബന്ധമാണ്. എന്നാല്‍ പ്രചരിക്കുന്ന സ്‌ക്രീന്‍ ഷോട്ടില്‍ കോര്‍പ്പറേഷന്റെ പേരില്ല എന്ന് മാത്രമല്ല കോര്‍പറേഷന്‍ എന്ന ഇംഗ്ലീഷ് വാചകം പോലും തെറ്റായിട്ടാണ് നല്‍കിയിരിക്കുന്നത്. മൊബൈല്‍ നമ്പറും അപ്ലോഡ് ചെയ്തതായി കാണുന്നില്ല.

ഒരേ ശാഖയില്‍ ക്രമനമ്പര്‍ ഉള്ള ബുക്കില്‍ നിന്ന് മുറിച്ചു കൊടുക്കുന്ന നമ്പര്‍ ഒരേ ശ്രേണിയില്‍ ഉള്ളതായിരിക്കും. എന്നാല്‍ ഈ സ്‌ക്രീന്‍ ഷോട്ടില്‍ വ്യത്യസ്ത ശ്രേണിയിലുള്ള നമ്പറുകളാണ്. ഓണ്‍ലൈനില്‍ അപ്്‌ലോഡ് ചെയ്തത് പ്രചരിക്കുന്ന ക്രമനമ്പറിലുള്ള വ്യക്തികളുടെ പേരല്ല. ഒറ്റ നോട്ടത്തില്‍തന്നെ വ്യാജമെന്ന് വ്യക്തമാകുന്ന സ്‌ക്രീന്‍ഷോട്ടുമായാണ് മുസ്‌ലിംലീഗ് അഭിമാനകരമായി പൂര്‍ത്തിയാക്കിയ അംഗത്വ ക്യാമ്പയിനെതിരെ വ്യാജ പ്രചാരണം അഴിച്ചുവിടുന്നത്.

24,33295 പേരാണ് ഇത്തവണ മുസ്ലിംലീഗില്‍ അംഗത്വം പുതുക്കുകയും പുതുതായി അംഗങ്ങളായി ചേരുകയും ചെയ്തത്. 23,3295 അംഗങ്ങളുടെ വര്‍ദ്ധനവ് ഉണ്ടായി. അംഗത്വമെടുത്ത 61 ശതമാനം അംഗങ്ങളും 35 വയസ്സില്‍ താഴെയുള്ളവരാണ്. രാഷ്ട്രീയ പാര്‍ട്ടികളുടെ ചരിത്രത്തില്‍ ഒരുപക്ഷേ ആദ്യമായിട്ടാണ് ഇത്രയും ശാസ്ത്രീയായമായും സാങ്കേതിക വിദ്യയെ ഉപയോഗപ്പെടുത്തിയും അംഗത്വ കാമ്പയിന്‍ നടന്നത്. മുസ്‌ലിംലീഗിന്റെ രാഷ്ട്രീയത്തെ നെഞ്ചോടു ചേര്‍ക്കാന്‍ ലക്ഷങ്ങള്‍ അണിനിരന്നതില്‍ വിറളിപൂണ്ടവരാണ് വ്യാജ വാര്‍ത്തയുമായി ഇറങ്ങിയിരിക്കുന്നതെന്ന് സലാം പറഞ്ഞു.

61 ശതമാനം അംഗങ്ങളും 35 വയസ്സില്‍ താഴെ യുള്ളവരാണ്അംഗത്വമെടുത്തിരിക്കുന്നത്. കാമ്പയിന്‍ ഡിജിറ്റല്‍ വിദ്യയിലാണ് പൂര്‍ത്തിയാക്കിയത്. മാര്‍ച്ച് 10ന് ദേശീയ സമ്മേളനം ചെന്നൈയില്‍ നടക്കുമെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ വാര്‍ത്താ സമ്മേളനത്തില്‍ അറിയിച്ചു.

ചന്ദ്രിക ഫണ്ട് ശേഖരണം, യൂത്ത് ലീഗ് ദോത്തി ചലഞ്ച് എന്നീ പദ്ധതികള്‍ വിജയമായി. കോളേജ് തിരഞ്ഞെടുപ്പുകളില്‍ എം.എസ്.എഫ് വിജയവും അഭിനന്ദനാര്‍ഹമായി. എല്ലാ വിഭാഗം ആളുകളും ജാതി മത ഭേദമെന്യേ ദോത്തി ചലഞ്ചില്‍ അംഗങ്ങളായി.

മുസ്ലിം ലീഗിനെതിരെ വന്നവരൊക്കെ ഉദിച്ചിടത്ത് അവസാനിച്ചെന്ന് തങ്ങള്‍ പറഞ്ഞു. ബൈത്തു റഹ്മ യില്‍ എട്ടായിരം വീടുകള്‍ നിര്‍മിച്ച് നല്‍കി. കെ.എം.സി.സി പ്രവര്‍ത്തനങ്ങളും വന്‍ വിജയമായിരുന്നു നിശ്ചയിച്ച പ്രകാരം പൂര്‍ത്തിയാക്കാന്‍ കഴിഞ്ഞതായി ജന.സെക്രട്ടറി പി. എം എ സലാം പറഞ്ഞു. ഡിസംബര്‍ 31 നകം വാര്‍ഡ് കമ്മിറ്റികളായി. വനിതാ ലീഗ്, കര്‍ഷക സംഘം, ദലിത് ലീഗ് അംഗത്വ കാമ്പയിനും നടന്നു വരുന്നു.

ലീഗിന്റെ കഴിഞ്ഞ കാല ചരിത്രം തുറന്ന പുസ്തകമാണെന്ന് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി പറഞ്ഞു. കേരളത്തില്‍ തീവ്രവാദം വേര് പിടിക്കാതെ നോക്കിയത് ലീഗിന്റെ വിജയമാണ്. വിദ്യാഭ്യാസ പുരോഗതിയിലും ലീഗ് വലിയ സാന്നിധ്യമായി. മുസ് ലിം ലീഗ് മുന്നേറ്റത്തില്‍ പിന്നാക്ക ദലിത് സമൂഹത്തിനും നേട്ടമുണ്ടായി. ജീവകാരുണ്യ പ്രവര്‍ത്തനങ്ങളിലും ലീഗ് രാജ്യത്തിന് മാതൃകയായി. ചടയനെ പോലുള്ള നേതാക്കള്‍ ലീഗിന്റെ ഭാഗമായി. രാഷ്ട്രീയ എതിരാളികള്‍ പോലും ഇത് സമ്മതിക്കുന്നു.കുഞ്ഞാലിക്കുട്ടി പറഞ്ഞു.

രണ്ടാം പിണറായി സര്‍ക്കാര്‍ പിന്നാക്ക പ്രദേശങ്ങളെ പൂര്‍ണമായും അവഗണിച്ചു. പ്ലസ് ടു പ്രവേശനത്തിലെ സീറ്റ്കുറവ് ഉദാഹരമാണ്. കമ്മിറ്റികളില്‍ യുവജനങ്ങള്‍ക്കും സ്ത്രീകള്‍ക്കും മതിയായ പ്രാതിനിധ്യമുണ്ടാകുമെന്ന് കുഞ്ഞാലിക്കുട്ടി പറഞ്ഞു. വനിതകളുടെ എണ്ണം 51 ശതമാനമാണ്. സ്‌കൂള്‍ കലോത്സവത്തില്‍ തീവ്രവാദിയായി മുസ്‌ലിം വേഷം അവതരിപ്പിച്ചത് സര്‍ക്കാരിന്റെ വീഴ്ചയാണെന്ന് കുഞ്ഞാലിക്കുട്ടി ചൂണ്ടിക്കാട്ടി. അതിന് നിയോഗിക്കപ്പെട്ടത് സംഘ പരിവാറുമായി ബന്ധമുള്ളയാളാണെന്ന് വാര്‍ത്തകള്‍ വന്നതെന്നും അദേഹം കൂട്ടിച്ചേര്‍ത്തു.

മുസ്‌ലിംലീഗ് ദേശീയ അസിസ്റ്റന്റ് സെക്രട്ടറി സി.കെ സുബൈര്‍, ജില്ലാ ജനറല്‍ സെക്രട്ടറി എം.എ റസാഖ് മാസ്റ്റര്‍, വനിതാലീഗ് സംസ്ഥാന ജനറല്‍ സെക്രട്ടറി അഡ്വ. പി കുല്‍സു തുടങ്ങിയവര്‍ സംബന്ധിക്കും. എല്ലാ വാര്‍ഡ്/ ശാഖകളിലും സമവായത്തിലൂടെയാണ് പഞ്ചായത്തില്‍ കമ്മിറ്റി രൂപീകരണം പൂര്‍ത്തിയായത്. പഞ്ചായത്തിലേക്ക് നിയോഗിക്കപ്പെട്ട നിരീക്ഷകന്‍ സി.കെ നാസര്‍, മണ്ഡലം നിരീക്ഷകന്‍ പി അമ്മദ് മാസ്റ്റര്‍ എന്നിവരുടെ നേതൃത്വത്തിലാണ് പഞ്ചായത്തിലെ മെമ്പര്‍ഷിപ്പ് പ്രവര്‍ത്തനം പൂര്‍ത്തിയാക്കിയത്. മണ്ഡലം പ്രസിഡണ്ട് സൂപ്പി നരിക്കാട്ടേരി, ജനറല്‍ സെക്രട്ടറി എന്‍.കെ മൂസ്സ മാസ്റ്റര്‍ എന്നിവരുടെ മേല്‍നോട്ടത്തിലാണ് കാമ്പയിന്‍ പൂര്‍ത്തീകരിച്ചത്. വാര്‍ഡ്/ ശാഖാ കമ്മിറ്റി രൂപീകരണം പൂര്‍ത്തിയാക്കിയ ഘടകങ്ങള്‍ ഉടനെ തന്നെ വിവരങ്ങള്‍ ആപ്ലിക്കേഷനില്‍ അപ്‌ലോഡ് ചെയ്യണം.

ജനുവരി 15 വരെയാണ് പഞ്ചായത്ത്/ മുനിസിപ്പല്‍/ മേഖല കമ്മിറ്റികള്‍ രൂപീകരിക്കാനുള്ള സമയ പരിധി. കാലാവധിക്ക് മുമ്പ് തന്നെ കമ്മിറ്റി രൂപീകരണം പൂര്‍ത്തിയാക്കി വിവരങ്ങള്‍ അപ്‌ലോഡ് ചെയ്യണമെന്ന് സംസ്ഥാന ജനറല്‍ സെക്രട്ടറി അഡ്വ. പി എം എ സലാം അഭ്യര്‍ത്ഥിച്ചു.

വിവരങ്ങള്‍ അപ്‌ലോഡ് ചെയ്ത ശേഷം ഫീസടയ്ക്കാത്ത അംഗത്വ അപേക്ഷകള്‍ പരിഗണിക്കില്ല. ഫീസടച്ച അംഗങ്ങളുടെ എണ്ണം അനുസരിച്ചുള്ള പ്രാതിനിധ്യമാണ് അതത് വാര്‍ഡുകള്‍ക്ക് പഞ്ചായത്ത് കൗണ്‍സിലുകളില്‍ ഉണ്ടാവുക. നടപടികള്‍ പൂര്‍ത്തിയാക്കാത്ത എല്ലാ വാര്‍ഡ് കമ്മിറ്റികളും ഇന്നും നാളെയുമായി മുഴുവന്‍ ഫീസും അടച്ച് അംഗത്വവും കൗണ്‍സില്‍ പ്രാതിനിധ്യവും ഉറപ്പ്‌വരുത്തണമെന്ന് സംസ്ഥാന ജനറല്‍ സെക്രട്ടറി പി.എം.എ സലാം അറിയിച്ചു. 15ന് ശേഷം ഒരു കാരണവശാലും ഫീസടയ്ക്കാനോ അംഗത്വം പുതുക്കാനോ അവസരം ഉണ്ടാകില്ല. ഒന്നിച്ച് ഫീസ് അടയ്ക്കുമ്പോള്‍ പരമാവധി 800 അംഗങ്ങളുടെ ഫീസടയ്ക്കാനുള്ള സാങ്കേതിക സൗകര്യമാണുള്ളത്. കൂടുതല്‍ അംഗങ്ങളെ ചേര്‍ത്തിയവര്‍ രണ്ടോ മൂന്നോ ഗഡുക്കളായി ഫീസ് അടയ്ക്കാവുന്നതാണ്. ബാങ്ക് വഴി പണം അടക്കുന്നവര്‍ക്കും യു.പി.ഐ പേയ്‌മെന്റ് നടത്തുന്നവര്‍ക്കും ഈ നിബന്ധന ബാധകമാണ്. ഡിസംബര്‍ ഒന്ന് മുതല്‍ വാര്‍ഡ് സമ്മേളനങ്ങളും കമ്മിറ്റി രൂപീകരണവും നടന്നുവരികയാണ്. ഡിസംബര്‍ 31നകം വാര്‍ഡ് കമ്മിറ്റി രൂപീകരണം പൂര്‍ത്തിയാകും. ജനുവരി ഒന്ന് മുതല്‍ പഞ്ചായത്ത് കമ്മിറ്റികള്‍ നിലവില്‍ വരും.

ഏഴരപ്പതിറ്റാണ്ടിന്റെ ചരിത്രത്തില്‍ കുതിപ്പും കിതപ്പുമുണ്ടായിട്ടുണ്ട്. രാഷ്ട്രീയമായി ചേര്‍ത്തു നിര്‍ത്തലിനും മുഖ്യധാരയില്‍ അംഗീകരിക്കപ്പെടുന്നതിനും മുമ്പ് മാറ്റി നിര്‍ത്തലിന്റേയും ഒറ്റപ്പെടുത്തലിന്റേയും അനുഭവ ചരിത്രവുമുണ്ട് ലീഗിന്. കേരളത്തിലെ പ്രധാനപ്പെട്ട ജനാധിപത്യ രാഷ്ട്രീയ സംഘടനകളുമായി സഖ്യമുണ്ടാക്കിയിട്ടുണ്ട്. നിയമസഭകളിലും പാര്‍ലമെന്റിലും പ്രധാനപ്പെട്ട വകുപ്പുകള്‍ കൈകാര്യം ചെയ്ത മന്ത്രിമാരുമുണ്ടായിട്ടുണ്ട്. സ്വാതന്ത്ര്യ ലബ്ദിക്കു ശേഷം നടന്ന എല്ലാ പാര്‍ലമെന്റ് തിരഞ്ഞെടുപ്പുകളിലും അംഗങ്ങളുണ്ടായിട്ടുണ്ട്. ഇന്ത്യയെ പ്രതിനിധീകരിച്ച് ഐക്യരാഷ്ട്രസഭയിലെത്തിയവരിലും മുസ്‌ലിം ലീഗുകാരായ അംഗങ്ങള്‍ ഉണ്ടായിട്ടുണ്ട്. രാജ്യത്തെ മതേതര ചേരിക്ക് ശക്തി പകരാനുള്ള പ്രവര്‍ത്തനത്തിന്റെ കൂടി ചരിത്രമാണ് പ്ലാറ്റിനം ജൂബിലിയില്‍ എത്തി നില്‍ക്കുന്ന ഇന്ത്യന്‍ യൂണിയന്‍ മുസ്‌ലിം ലീഗിനുള്ളത്. രാഷ്ട്രീയ മുന്നേറ്റങ്ങള്‍ക്കൊപ്പം വിദ്യാഭ്യാസ പ്രവര്‍ത്തനം, കാരുണ്യ പ്രവര്‍ത്തനം, സമുദായ ഐക്യവും സഹോദര സമുദായങ്ങളോട് സാഹോദര്യ ബന്ധവും നിലനിര്‍ത്തുന്നതിനുള്ള കര്‍മപദ്ധതികള്‍ എന്നിവക്കും ലീഗ് നേതൃത്വം നല്‍കിയിട്ടുണ്ട്. രാജ്യത്തിന്റെ വികസനത്തിനും മുന്നേറ്റങ്ങള്‍ക്കും മതേതരത്വവും ജനാധിപത്യവും സംരക്ഷിക്കപ്പെടുന്നതിനും നിയമ നിര്‍മാണ സഭകള്‍ക്കുള്ളിലും പുറത്തും പോരാട്ടം നടത്തി. ഒന്നാം ലോക്‌സഭയില്‍ സ്‌പെഷ്യല്‍ മാരേജ് ആക്ട് ചര്‍ച്ചയില്‍ ന്യൂനപക്ഷ ശബ്ദമായി സഭയില്‍ ബി.പോക്കര്‍ സാഹിബിന്റെ പോരാട്ടം മുതല്‍ പൗരത്വ ഭേദഗതി നിയമത്തിനെതിരെ സഭയില്‍ മുസ്‌ലിം ലീഗ് പ്രതിനിധികള്‍ നടത്തിയ പോരാട്ടവും അനന്തരം സഭക്ക് പുറത്ത് ജനകീയ സമരത്തിനു നേതൃത്വം നല്‍കിയതും നീതി പീഠത്തിനു മുന്നില്‍ പരാതി ബോധിപ്പിച്ച നിയമ പോരാട്ടവും തുടങ്ങി ദേശീയ തലത്തില്‍ നീണ്ടു കിടക്കുന്ന സമര പോരാട്ടങ്ങളുമുണ്ട്. കേരളത്തില്‍ നിയമസഭക്കകത്ത് ന്യൂനപക്ഷ സംവരണത്തിനും, ന്യൂനപക്ഷ അവകാശങ്ങള്‍ക്കും വേണ്ടി ഒന്നാം സഭയില്‍ തന്നെ സി.എച്ച് മുഹമ്മദ് കോയാ സാഹിബ് ആരംഭിച്ച പോരാട്ടം ഭാഷാസമരത്തിലൂടെ അവസാനം വഖഫ് നിയമ ഭേദഗതിക്കെതിരെ സഭക്കകത്തും പുറത്തും നടത്തിയ സമരങ്ങള്‍ തുടങ്ങിയവല്ലെം അവകാശ സമരത്തിന്റെ ആവേശകരമായ ചരിത്രത്തിന്റെ ഭാഗമാണ്. വര്‍ത്തമാനത്തിന്റെ ഈ സമ്പന്നതയില്‍ ജീവിതം സമര്‍പ്പിച്ച് കടന്നു പോയ ചരിത്രത്തിലെ നേതാക്കളേയും പ്രവര്‍ത്തകരേയും ആദരവോടെ ഓര്‍ക്കുന്നു അദ്ദേഹം ചൂണ്ടിക്കാട്ടി.

ആദര്‍ശ വഴിയില്‍ ജീവന്‍ സമര്‍പ്പിച്ച നിരവധി രക്തസാക്ഷികളുമുണ്ട്. മൈലപ്പുറത്തെ അബ്ദുല്‍ മജീദും, തേഞ്ഞിപ്പലത്തെ അബ്ദുല്‍ റഹിമാനും കാളികാവിലെ അബ്ദുള്ള എന്ന കുഞ്ഞിപ്പയും അവകാശ സമരഭൂമിയിലെ ധീര രക്തസാക്ഷികളാണ്. അവരുടെ ഓര്‍മകള്‍ കര്‍മരംഗം സജീവമാക്കുകയും പ്രാര്‍ത്ഥനകളായി മാറുകയും ചെയ്യുന്നു. സമ്പന്നമായൊരു പൈതൃകത്തിന്റെ തണലുണ്ട് ലീഗിന്. അവകാശബോധവും ബാധ്യതാ ബോധവും സമൂഹത്തെ ബോധ്യപ്പെടുത്തിയ കാലം കൂടിയാണ് കഴിഞ്ഞ ഏഴരപ്പതിറ്റാണ്ട്. പരീക്ഷണങ്ങളുടേതാണെകിലും പ്രതീക്ഷകളുടേതു കൂടിയാണ് പുതിയ കാലം. കാലത്തിന്റെ വേഗതയറിഞ്ഞ് ആദര്‍ശത്തിന്റെ മൂല്യം ചോരാതെ ഉയര്‍ത്തിപ്പിടിക്കുന്ന ആശയങ്ങളില്‍ ഉറച്ചു നിന്ന് ഇന്നലെകളില്‍ പരിഷ്‌ക്കരണങ്ങള്‍ ഉണ്ടായിട്ടുണ്ട്. പുതിയ കാലത്തും പുതിയ കാല്‍വെപ്പുകളും കാലോചിത ആലോചനകളും, ചര്‍ച്ചകളും സജീവമാണ്. പാര്‍ട്ടിയുടെ പ്രയാണത്തില്‍ നല്ല മനസുകളുടെ അഭിപ്രായവും സ്വീകാര്യമാണ്. കാറ്റ് കേറാത്ത നിഗൂഢതകളുടെ ഇരുമ്പുമറയല്ല മുസ്‌ലിം ലീഗ് രാഷ്ട്രീയം. മുസ്‌ലിം ലീഗ് ഒരു തുറന്ന പുസ്തകമാണ്, വായിക്കേണ്ടവര്‍ വെളിച്ചത്തിലേക്ക് വരൂ അദ്ദേഹം വ്യക്തമാക്കി.