ചിത്രത്തിലെ ജിഎസ്ടി വിരുദ്ധ സംഭാഷണങ്ങള്‍ നീക്കണമെന്നും മെര്‍സലിന് സെന്‍സര്‍ സര്‍ട്ടിഫിക്കറ്റ് നല്‍കിയ നടപടി പുനഃപരിശോധിക്കണമെന്നും ആവശ്യപ്പെട്ട് എ.അശ്വത്ഥമാന്‍ എന്ന അഭിഭാഷകന്‍ നല്‍കിയ പൊതുതാത്പര്യ ഹര്‍ജിയാണ് ജസ്റ്റിസ് എം.എം.സുന്ദരേഷും എം.സുന്ദറും തള്ളിയത്.

ജി.എസ്.ടി സംബന്ധിച്ച പരാമര്‍ശങ്ങള്‍ നീക്കണമെന്ന സംഘപരിവാര്‍ ആവശ്യം ദേശീയ തലത്തില്‍ വിവാദമായിരിക്കെ കോടതി വിധി ബിജെപിക്ക് തിരിച്ചടിയായിരിക്കുകയാണ്.
‘സിനിമയെ സിനിമയായി കാണണമെന്നും, സിനിമയിലെ കാര്യങ്ങള്‍ യഥാര്‍ത്ഥ ജീവിതമല്ലെന്നും, ഹരജി വിഷയത്തില്‍ കോടതി പറഞ്ഞു. സിനിമകള്‍ വിവിധ വിഷയങ്ങള്‍ കൈകാര്യം ചെയ്യുന്നുണ്ടെന്നും. അവയെല്ലാം ജനങ്ങളെ ബാധിക്കുമെന്നു പറയാനാകില്ലെന്നും കോടതി പറഞ്ഞു.
ശക്തമായ ഒരു ജനാധിപത്യ രാജ്യത്ത് ന്യൂനപക്ഷത്തിന്റെ അഭിപ്രായത്തെ അടിച്ചമര്‍ത്താനാകില്ലെന്നും കോടതി വിധിയില്‍ നിരീക്ഷിച്ചു.

മോദി സര്‍ക്കാരിന്റെ ജിഎസ്ടിയെയും നോട്ട് അസാധുവാക്കല്‍ നടപടിയേയും വിമര്‍ശിച്ചതാണ് മെര്‍സലിനെതിരെ തിരിയാന്‍ ബിജെപിയെ പ്രേരിപ്പിച്ചത്. ചിത്രത്തില്‍ നിന്നും പ്രസ്തുത സീനുകള്‍ നീക്കം ചെയ്യണമെന്നായിരുന്നു ബി.ജെ.പിയുടെ ആവശ്യം. വിജയ് ക്രിസ്ത്യന്‍ മതവിഭാഗത്തില്‍പ്പെട്ടയാളായതുകൊണ്ടാണ് ഇങ്ങനെ പറയുന്നതെന്ന് തമിഴ്‌നാട്ടിലെ ബിജെപി നേതാവ് എച്ച്.രാജ വിമര്‍ശിച്ചിരുന്നു.

തന്റെ കത്തിനു മുകളില്‍ ജീസസ് രക്ഷിക്കട്ടെ എന്നും സി. ജോസഫ് വിജയ് എന്ന പൂര്‍ണ്ണരൂപം എഴുതിയതിലൂടെയും വിമര്‍ശിച്ചവര്‍ക്കുള്ള ചുട്ട മറുപടിയാണ് താരം നല്‍കിയിരിക്കുന്നത്.  രജിനി കാന്ത്, കമല്‍ഹാസന്‍, വിശാല്‍, സംവീധായകന്‍ പാ.രഞ്ജിത്ത് തുടങ്ങി നിരവധിപേരും രാഹുല്‍ ഗാന്ധിയടക്കമുള്ള രാഷ്ട്രീയ നേതാക്കളും മെര്‍സലിന് പിന്തുണ അറിയിച്ച് രംഗത്ത് വന്നിരുന്നു.

കത്തിന്റെ പൂര്‍ണ്ണരൂപം

ദീപാവലി ഉത്സവ സമയത്ത് പുറത്തിറങ്ങിയ മെര്‍സല്‍ ഇപ്പോള്‍ തിയറ്ററുകളില്‍ വിജയകരമായി ഓടുകയാണ്. ചിത്രത്തിന് നേരെ ചില എതിരഭിപ്രായങ്ങള്‍ വന്നിരുന്നു. എന്നാല്‍ സിനിമാ മേഖലയില്‍ നിന്നുമുള്ള എന്റെ സുഹൃത്തുക്കള്‍, സഹനടന്മാര്‍, സംവിധായകര്‍, നടിഗര്‍ സംഘം, പ്രൊഡ്യൂസേഴ്‌സ് കൗണ്‍സില്‍, നേതാക്കന്മാര്‍, പാര്‍ട്ടി പ്രതിനിധികള്‍, മാധ്യമ സുഹൃത്തുക്കള്‍, എന്റെ ആരാധകര്‍ (നന്‍പര്‍), സാധാരണക്കാര്‍, എല്ലാവരും ഒന്നിച്ച് ചേര്‍ന്ന് മെര്‍സലിന്റെ മുഴുവന്‍ ടീമിനും വേണ്ട സഹായം നല്‍കി.
മെര്‍സല്‍ വിജയമാക്കി മാറ്റിയ നിങ്ങള്‍ക്കെല്ലാവര്‍ക്കും എന്റെ ഹൃദയം നിറഞ്ഞ നന്ദി, എല്ലാ പ്രതിസന്ധികളിലും നല്‍കിയ പിന്തുണയ്ക്കും നന്ദി. നന്ദി,

നിങ്ങളുടെ വിജയ്

#Vijay thanks #FilmFraternity #PoliticalLeaders &Parties #Fans #Media #Fans #Public for their support to #Mersal pic.twitter.com/XmPs3Hq4Kq

— Kollywood Times (@kollywoodtimes) October 25, 2017

വിജയ് സിനിമയുമായി ബന്ധപ്പെട്ട് ബി.ജെ.പി നേതൃത്വത്തെ ശക്തമായി വിമര്‍ശിച്ച് രംഗത്തു വന്നതിന്റെ പിറ്റേന്നാണ് റെയ്ഡ് നടന്നതെന്നത് കൗതുകമുണര്‍ത്തുന്നതാണ്.

വിശാലിന്റെ വടപളനിയിലുള്ള ഓഫീസായ വിശാല്‍ ഫിലിം ഫാക്ടറിയില്‍ ഉച്ചയ്ക്ക് രണ്ട് മണിയോടെയാണ് റെയ്ഡ് നടന്നത്്. ചരക്കു സേവന നികുതി വിഷയത്തില്‍ ക്രമക്കേടുണ്ടോ എന്ന് കണ്ടെത്താനാണ് റെയ്ഡ് നടത്തിയതെന്നാണ് ഔദ്യോഗിക വിശദീകരണം.

അതേസമയം, വിശാലിന്റെ ബാങ്ക് അക്കൗണ്ടുകള്‍ മരവിപ്പിച്ചതായി സ്ഥിരീകരിക്കാത്ത റിപ്പോര്‍ട്ടുകളുണ്ട്. അഭിനേതാക്കളുടെ സംഘടനയായ നടികര്‍ സംഘത്തിന്റെ സെക്രട്ടറിയും നിര്‍മാതാക്കളുടെ സംഘടനയായ തമിഴ്നാട് ഫിലിം പ്രൊഡ്യൂസേഴ്സ് കൗണ്‍സില്‍ പ്രസിഡന്റുമാണ് വിശാല്‍.

#TFPC President #Vishal is dismayed at BJP Leader #HRaja for watching #Mersal illegally on Net.. Questions him for doing that.. pic.twitter.com/3xXhPkWrle

— Ramesh Bala (@rameshlaus) October 22, 2017

മെര്‍സല്‍ ഇന്റര്‍നെറ്റിലാണ് കണ്ടതെന്ന ബി.ജെ.പി ദേശീയ സെക്രട്ടറി എച്ച്.രാജക്കെതിരെയാണ്, കഴിഞ്ഞ ദിവസം വിശാല്‍ രംഗത്തെത്തിത്.

watch video: 

Important topic addressed… Well done !!! Congratulations team #Mersal

— Rajinikanth (@superstarrajini) October 22, 2017

സെപ്തംബറില്‍ സ്വച്ഛ് ഭാരതുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്ക് പ്രശംസ അറിയിച്ച് ട്വീറ്റ് ചെയ്ത രജനികാന്തിന്റെ, കൃത്യം ഒരു മാസത്തിനു ശേഷമാണ് മെര്‍സലിനെ പുകഴ്ത്തിയും ബി.ജെ.പിയെ പരോക്ഷമായി കുറ്റപ്പെടുത്തിയും അഭിപ്രായം രേഖപ്പെടുത്തിയിരിക്കുന്നത്. ബി.ജെ.പി നയിക്കുന്ന എന്‍.ഡി.എ സര്‍ക്കാറിന്റെ നോട്ട് നിരോധനം, ജി.എസ്.ടി നടപ്പാക്കല്‍, ബി.ജെ.പി ഭരിക്കുന്ന ഉത്തര്‍പ്രദേശിലെ ശിശു മരണങ്ങള്‍ തുടങ്ങിയ കാര്യങ്ങളാണ് വിജയ് നായകനായ മെര്‍സലില്‍ പരാമര്‍ശിക്കുന്നത്. ഇതിനെതിരെ ബി.ജെ.പി രംഗത്തു വന്നതോടെ തമിഴ് ചലച്ചിത്ര ആരാധകര്‍ പ്രകോപിതരാവുകയും സാമൂഹ്യ മാധ്യമങ്ങളില്‍ ബി.ജെ.പിക്കും നരേന്ദ്ര മോദിക്കുമെതിരെ ശക്തമായ പ്രചരണങ്ങള്‍ അഴിച്ചു വിടുകയും ചെയ്തു.

Mersal was certified. Dont re-censor it . Counter criticism with logical response. Dont silence critics. India will shine when it speaks.

— Kamal Haasan (@ikamalhaasan) October 20, 2017

രാഷ്ട്രീയത്തില്‍ പ്രവേശിക്കുമെന്ന് പ്രഖ്യാപിച്ച മറ്റൊരു സൂപ്പര്‍ താരം കമല്‍ ഹാസന്‍ കഴിഞ്ഞ ദിവസം, മെര്‍സലിനെ പിന്തുണച്ചും ബി.ജെ.പിയെ കുറ്റപ്പെടുത്തിയും ട്വീറ്റ് ചെയ്തിരുന്നു. രജനിയും കമലും അടക്കമുള്ള സിനിമാ താരങ്ങള്‍ ഒന്നിച്ചായിരിക്കും രാഷ്ട്രീയ പാര്‍ട്ടി രൂപീകരിക്കുക എന്ന റിപ്പോര്‍ട്ടുകള്‍ ശരിവെക്കുന്നതാണ് ഇപ്പോള്‍ രജനിയുടെ ട്വീറ്റ്. നേരത്തെ, രജനിയെ തങ്ങളുടെ പക്ഷത്ത് ഉറപ്പിച്ചു നിര്‍ത്താന്‍ ബി.ജെ.പി ശ്രമം നടത്തിയിരുന്നെങ്കിലും കമലിന്റെ ഇടപെടല്‍ കാരണം അത് മുടങ്ങിയിരുന്നു.

വിജയ് സിനിമയിലെ രണ്ടേ രണ്ട് ഡയലോഗുകളെ ഇവന്മാർ ഇത്രമാത്രം പേടിക്കുന്നുവെങ്കിൽ ഒരു കാര്യം ഉറപ്പിക്കുക, ഇന്ത്യയിൽ ഏറ്റവും കുറഞ്ഞ ആത്മവിശ്വാസത്തോടെ ജീവിക്കുന്ന ഒരേ ഒരു വർഗം സംഘികളാണ്. പ്രതിഷേധ ശബ്ദങ്ങളെ അത്രമാത്രം പേടിച്ചാണ് ഇവന്മാർ ജീവിക്കുന്നത്.

‘സന്ദേശം’ എന്ന സിനിമയെ ഇപ്പോൾ ഓർത്ത് പോകുന്നത് അതുകൊണ്ടാണ്. മെർസൽ എന്ന ഒരു തട്ടുപൊളിപ്പൻ സിനിമയിലെ രണ്ട് ഡയലോഗിനെപ്പോലുള്ള സാമൂഹ്യ വിമർശനമല്ല, സന്ദേശം ഉയർത്തിയത്. ചിത്രത്തിലുടനീളം സി പി എമ്മിനേയും കോൺഗ്രസിനേയും കൊന്ന് കൊലവിളിക്കുകയായിരുന്നു. എന്നാൽ ഈ രണ്ട് പാർട്ടികളുടെയും അനുയായികളായ കേരളത്തിലെ ബഹുഭൂരിപക്ഷം ജനങ്ങളും കയ്യടിച്ചും പ്രോത്സാഹിപ്പിച്ചുമാണ് ആ സിനിമയെ ചരിത്രവിജയമാക്കിയത്. ഒരു സിനിമ കൊണ്ട് തകരുന്നതല്ല തങ്ങളുടെ പാർട്ടികൾ എന്ന് അവർക്ക് തികഞ്ഞ ബോധ്യവും ആത്മവിശ്വാസവും ഉണ്ടായിരുന്നത് കൊണ്ടാണത്. ക്രിയാത്മകമായ വിമർശനങ്ങളെ ഉൾക്കൊള്ളാനുള്ള സഹൃദയത്വവും ജനാധിപത്യ ബോധവും ഉള്ളത് കൊണ്ട് കൂടിയാണത്. ഇത് രണ്ടും തൊട്ട് തീണ്ടാത്ത ഇവറ്റകളോട് സംസാരിച്ചിട്ടും സംവദിച്ചിട്ടും കാര്യമില്ല.

ബഷീര്‍ വള്ളിക്കുന്ന്‌

ഒരു കാര്യം ഉറപ്പ്. മെർസൽ എന്തൊരു കളക്ഷനാണോ അർഹിക്കുന്നത് മിനിമം അതിന്റെ രണ്ടിരട്ടി കളക്ഷനെങ്കിലും ആ സിനിമ ഈ വിവാദത്തിലൂടെ നേടും. ആ രംഗങ്ങൾ സിനിമയിൽ നിന്ന് നീക്കം ചെയ്താലും ഇല്ലെങ്കിലും സോഷ്യൽ മീഡിയയിലൂടെ സിനിമ കാണുന്നതിന്റെ എത്രയോ ഇരട്ടി ആളുകൾ ആ രംഗങ്ങൾ കാണും. ഞാൻ തന്നെ അതിനൊരു ഉദാഹരണമാണ്  ഈ സിനിമ കാണാൻ വളരെ കുറഞ്ഞ സാധ്യതയുള്ള ഞാൻ ഇതിനകം ആ രംഗങ്ങൾ ഒന്നിലധികം തവണ കണ്ടു.

ഈ സിനിമ കാണാനും ഡയലോഗ് കേൾക്കാനും സാധ്യതയില്ലാത്തവർക്ക് വേണ്ടി വിജയിന്റെ ആ കിടിലൻ ഡയലോഗ് ഇവിടെ ഇവിടെ പകർത്താം.

“ഏഴു ശതമാനം ജിഎസ്ടിയുള്ള സിംഗപ്പൂരിൽ ചികിൽസ സൗജന്യം. 28% വരെ ജിഎസ്ടിയുള്ള നമ്മുടെ നാട്ടിൽ അതല്ല സ്ഥിതി. അമ്മമാരുടെ താലിയറുക്കുന്ന ചാരായത്തിനു ജിഎസ്ടിയില്ല. അതേസമയം, ജീവൻരക്ഷാ മരുന്നുകൾക്കു 12 ശതമാനമാണു ജിഎസ്ടി”

കയ്യടിക്കടാ..

Mr. Modi, Cinema is a deep expression of Tamil culture and language. Don’t try to demon-etise Tamil pride by interfering in Mersal

— Office of RG (@OfficeOfRG) October 21, 2017

‘മിസ്റ്റര്‍ മോദി. സിനിമ തമിഴ് സംസ്‌കാരത്തിന്റെയും ഭാഷയുടെയും ആഴത്തിലുള്ള പ്രകടനമാണ്. മെര്‍സലില്‍ ഇടപെടുക വഴി തമിഴ് ജനതയുടെ ആത്മാഭിമാനത്തെ പൈശാചികവല്‍ക്കരിക്കരുത്.’ രാഹുല്‍ ട്വിറ്ററില്‍ കുറിച്ചു.

കേന്ദ്ര സര്‍ക്കാര്‍ തിടുക്കപ്പെട്ട് നടപ്പിലാക്കിയ നോട്ട് നിരോധനം, ചരക്കു സേവന നികുതി, ഡിജിറ്റല്‍ പേമെന്റ് പദ്ധതി, ബി.ജെ.പി ഭരിക്കുന്ന ഉത്തര്‍ പ്രദേശില്‍ ഓക്‌സിജന്‍ ലഭ്യമാക്കാത്തതിനെ തുടര്‍ന്ന് നിരവധി കുഞ്ഞുങ്ങള്‍ മരിച്ച സംഭവം തുടങ്ങിയവ പരാമര്‍ശിച്ചതാണ് ബി.ജെ.പിയെ മെര്‍സലിനെതിരെ തിരിച്ചത്. തമിഴ്‌നാട് ബി.ജെ.പി അധ്യക്ഷ തമിഴിസൈ സൗന്ദര്‍രാജനാണ് സംഭാഷണങ്ങള്‍ നീക്കണമെന്നാവശ്യപ്പെട്ട് രംഗത്തു വന്നത്.

‘മെര്‍സല്‍ സര്‍ട്ടിഫിക്കറ്റ് നേടിയതാണ്. വീണ്ടും സെന്‍സര്‍ ചെയ്യേണ്ടതില്ല. യുക്തിപരമായ പ്രതികരണത്തിലൂടെ വിമര്‍ശനത്തെ നേരിടുക. വിമര്‍ശകരെ നിശ്ശബ്ദരാക്കുകയല്ല വേണ്ടത്. സംസാരിക്കുമ്പോഴാണ് ഇന്ത്യ തിളങ്ങുന്നത്.’ എന്നായിരുന്നു കമലിന്റെ ട്വീറ്റ്.

Mersal was certified. Dont re-censor it . Counter criticism with logical response. Dont silence critics. India will shine when it speaks.

— Kamal Haasan (@ikamalhaasan) October 20, 2017

ബി.ജെ.പി തമിഴ്‌നാട് പ്രസിഡണ്ട് തമിഴിസൈ സൗന്ദര്‍രാജനാണ് മെര്‍സലിലെ ചില ഡയലോഗുകള്‍ നീക്കണമെന്നാവശ്യപ്പെട്ട് രംഗത്തു വന്നത്. നോട്ട് നിരോധനം, ഡിജിറ്റല്‍ ഇന്ത്യ, ജി.എസ്.ടി, ബി.ജെ.പി ഭരിക്കുന്ന സംസ്ഥാനങ്ങളിലെ ആസ്പത്രികളില്‍ അടിസ്ഥാന സൗകര്യങ്ങള്‍ നിഷേധിക്കപ്പെട്ടതു മൂലമുണ്ടായ ശിശു മരണങ്ങള്‍ തുടങ്ങിയവ ഉള്‍പ്പെടുന്നതാണ് ഈ സംഭാഷണങ്ങള്‍. എന്നാല്‍, വിജയ് ആരാധകര്‍ ഇതിനെതിരെ ശക്തമായി രംഗത്തു വന്നു.

Related:

മെര്‍സല്‍ വിവാദം ബി.ജെ.പിയെ തിരിഞ്ഞു കുത്തുന്നു; #MersalVsModi സോഷ്യല്‍ മീഡിയയില്‍ തരംഗം