mevani – Chandrika Daily https://www.chandrikadaily.com Thu, 03 May 2018 15:51:49 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg mevani – Chandrika Daily https://www.chandrikadaily.com 32 32 പൊലീസ് വേദി നിഷേധിച്ചു; തെരുവിലേക്കിറങ്ങി പ്രകാശ് രാജും ജിഗ്നേഷ് മേവാനിയും – കേള്‍ക്കാനെത്തിയത് വന്‍ ജനക്കൂട്ടം https://www.chandrikadaily.com/police-denies-ground-for-mevani-and-prakash-raj-01.html https://www.chandrikadaily.com/police-denies-ground-for-mevani-and-prakash-raj-01.html#respond Thu, 03 May 2018 15:42:29 +0000 http://www.chandrikadaily.com/?p=83116 ചിക്മംഗ്ലൂര്‍: കര്‍ണാടകയില്‍ ബി.ജെ.പിക്കെതിരെ ശക്തമായ പ്രചരണം നടത്തുന്ന നടന്‍ പ്രകാശ് രാജിനും ദളിത് നേതാവ് ജിഗ്‌നേഷ് മേവാനിക്കും പ്രസംഗിക്കാനുള്ള വേദി നിഷേധിച്ച് പൊലീസ്. ബി.ജെ.പി കര്‍ണാടക ഘടകം നല്‍കിയ പരാതിയെ തുടര്‍ന്നാണ് ചിക്മംഗ്ലൂരില്‍ ഇരുവരും സംസാരിക്കാനിരുന്ന മൈതാനം നിഷേധിച്ചത്. എന്നാല്‍, പിന്മാറാന്‍ തയ്യാറാവാതെ ഇരുവരും തെരുവിലേക്കിറങ്ങിയപ്പോള്‍ കേള്‍ക്കാന്‍ വന്‍ ജനക്കൂട്ടം തന്നെ തടിച്ചുകൂടി.

തെരഞ്ഞെടുപ്പ് കഴിയും വരെ പൊതുയോഗങ്ങളില്‍ സംസാരിക്കാന്‍ പ്രകാശ് രാജിനെയും മേവാനിയെയും അനുവദിക്കരുതെന്നാവശ്യപ്പെട്ട് ബി.ജെ.പി തെരഞ്ഞെടുപ്പ് കമ്മീഷന് പരാതി നല്‍കിയിരുന്നു. മേവാനി ദളിതരുടെ രോഷം ആളിക്കത്തിക്കുകയും പ്രകാശ് രാജ് ജനങ്ങള്‍ക്കിടയില്‍ ഭിന്നത സൃഷ്ടിക്കുകയും ചെയ്യുന്നു എന്നാരോപിച്ചായിരുന്നു ഇത്. ഇതിനിടയിലാണ് ഇരുവരും സംസാരിക്കാനിരുന്ന ചിക്മംഗ്ലൂരിലെ പൊതുയോഗത്തിന് പൊലീസ് അനുമതി നിഷേധിച്ചത്.

രൂക്ഷമായ ഭാഷയിലാണ് ഇതിനോട് ഇരുവരും പ്രതികരിച്ചത്.
‘നമ്മെ നിശ്ശബ്ദമാക്കാനുള്ള മറ്റൊരു ബാലിശമായ ശ്രമമാണിത്. ചിക്മംഗ്ലൂരില്‍ സംസാരിക്കാന്‍ എന്നെയും പ്രകാശ് രാജിനെയും അനുവദിച്ചില്ല. കാരണം എന്താണെന്ന് കര്‍ണാടകയിലെ കാവിവല്‍ക്കരിക്കപ്പെട്ട പോലീസിന് നന്നായറിയാം. ഞങ്ങളെ അവഗണിക്കാന്‍ അവര്‍ക്ക് കഴിയുന്നില്ല എന്നതാണ് യാഥാര്‍ത്ഥ്യം. തൊഴില്‍ അടക്കമുള്ള വിഷയങ്ങള്‍ ശക്തമായി ഉന്നയിക്കുന്ന പൗരന്മാരെ ബി.ജെ.പിക്ക് പേടിയാണ്.’ മേവാനി ട്വിറ്ററില്‍ കുറിച്ചു.

താന്‍ പങ്കെടുത്ത പൊതുയോഗങ്ങളിലെ ചിത്രങ്ങള്‍ പങ്കുവെച്ചു കൊണ്ടാണ് പ്രകാശ് രാജ് പൊലീസ് നടപടിയോട് പ്രതികരിച്ചത്. ‘പൊതുമൈതാനങ്ങളില്‍ സംസാരിക്കുന്നതില്‍ നിന്ന് ഞങ്ങളെ തടയാന്‍ നിങ്ങള്‍ ശ്രമിച്ചേക്കാം. പക്ഷേ, തെരുവിലിറങ്ങി ജനങ്ങളിലേക്ക് ചെല്ലുന്നത് തടയാന്‍ കഴിയില്ലല്ലോ. നിങ്ങള്‍ക്ക് ഒരു വേദി നിഷേധിക്കാന്‍ കഴിയും. എന്റെ ശബ്ദം മൂടിക്കെട്ടാനാവില്ല.’ പ്രകാശ് രാജ് പ്രതികരിച്ചു.

‘എന്നെ നിശ്ശബ്ദനാക്കുന്നതില്‍ നിങ്ങള്‍ പരാജയപ്പെട്ടു. അതുകൊണ്ട് ഇപ്പോള്‍ ഞാന്‍ ജനങ്ങളിലേക്കെത്തുന്നത് തടയാന്‍ ശ്രമിക്കുകയാണ്. നിങ്ങള്‍ക്കൊരു നദിയെ തടഞ്ഞുനിര്‍ത്താനാവുമോ? തോല്‍വി നിങ്ങളെ തുറിച്ചു നോക്കുകയാണ്.’ പ്രകാശ് രാജ് ട്വീറ്റ് ചെയ്തു.

]]> https://www.chandrikadaily.com/police-denies-ground-for-mevani-and-prakash-raj-01.html/feed 0 ‘ഇത് ഫാസിസത്തിന്റെ ആഴ്ച’ ജുഡീഷ്വറിക്കെതിരെ തുറന്നടിച്ച് ജിഗ്നേഷ് മേവാനി https://www.chandrikadaily.com/mevani-hits-out-against-judiciary.html https://www.chandrikadaily.com/mevani-hits-out-against-judiciary.html#respond Fri, 20 Apr 2018 12:47:17 +0000 http://www.chandrikadaily.com/?p=81337 ഇന്ത്യയിലെ നിയമ വ്യവസ്ഥയില്‍ ഒരാഴ്ചക്കിടെയുണ്ടായ ‘ഫാസിസ്റ്റ്’ സംഭവങ്ങള്‍ക്കെതിരെ തുറന്നടിച്ച് ഗുജറാത്ത് എം.എല്‍.എയും ദളിത് നേതാവുമായ ജിഗ്‌നേഷ് മേവാനി ട്വിറ്ററിലൂടെയാണ് മേവാനി തന്റെ അഭിപ്രായം വെട്ടിത്തുറന്നു പറഞ്ഞത്. 2014-നു ശേഷം ജനാധിപത്യത്തെ തകര്‍ക്കാനുള്ള ശ്രമം വ്യവസ്ഥാപിതമായി നടക്കുന്നുണ്ടെന്നും 2019-ല്‍ ബി.ജെ.പി പരാജയപ്പെടുത്തുക അനിവാര്യമാണെന്നും മേവാനി പറയുന്നു.

സാമൂഹ്യ മാധ്യമമായ ട്വിറ്ററില്‍ മേവാനി കുറിച്ചതിങ്ങനെ:

ഫാസിസത്തിന്റെ ഈയാഴ്ച:
– കോടതി അസീമാനന്ദിനെ വെറുതെ വിടുന്നു. ‘കാവി ഭീകരത’ എന്നൊന്ന് ഇല്ല. അദ്ദേഹം ഇനി ബി.ജെ.പിക്കു വേണ്ടി പ്രചരണം നടത്തും.
– ജഡ്ജി ലോയയെ ആരും കൊന്നതല്ല. ആരെങ്കിലും അമിത് ഷായ്‌ക്കെതിരെ ചോദ്യങ്ങളുയര്‍ത്തുമ്പോള്‍ അവര്‍ സ്വയം അങ്ങ് മരിച്ചുപോവുകയാണ്.
– മായാ കോട്‌നാനിയെ വെറുതെ വിട്ടു. നരോദാ പാട്യയിലെ 97 പേരെ ആരും കൊന്നതല്ല.

കലാപ കേസിലെ പ്രതി മായാ കോട്‌നാനിയെ വെറുതെ വിട്ടത് നിരാശാജനകമാണെങ്കിലും നമുക്കതില്‍ അത്ഭുതമില്ല. 2014-നു ശേഷം ജനാധിപത്യത്തെ വ്യവസ്ഥാപിതമായി തന്നെ തകര്‍ത്തു കൊണ്ടിരിക്കുകയാണ്. 2019-ല്‍ ഫാസിസ്റ്റ് ശക്തികളെ അധികാരത്തില്‍ നിന്ന് മാറ്റിനിര്‍ത്തുക എന്നതു മാത്രമാണ് ഒരേയൊരു പരിഹാരം; ഗണ്യമായൊരു മാറ്റത്തിന് അത് കാരണമായേക്കില്ല എങ്കില്‍പ്പോലും.

]]> https://www.chandrikadaily.com/mevani-hits-out-against-judiciary.html/feed 0 ജിഗ്‌നേഷ് മേവാനിയുടെ റാലിയെപ്പറ്റി വ്യാജ വാര്‍ത്ത: റിപ്പബ്ലിക് ടി.വി മാപ്പു പറഞ്ഞു https://www.chandrikadaily.com/republic-tv-apologises-for-news-about-abp-reporter.html https://www.chandrikadaily.com/republic-tv-apologises-for-news-about-abp-reporter.html#respond Thu, 11 Jan 2018 09:47:33 +0000 http://www.chandrikadaily.com/?p=64466 ന്യൂഡല്‍ഹി: ദളിത് നേതാവും എം.എല്‍.എയുമായ ജിഗ്നേഷ് മേവാനി ഡല്‍ഹിയില്‍ നടത്തിയ ‘ഗൗരവ് യാത്ര’ സംബന്ധിച്ച് മോശം വാര്‍ത്ത നല്‍കിയ റിപ്പബ്ലിക് ടി.വി പരസ്യമായി മാപ്പു പറഞ്ഞു. റാലിക്കിടെ, തങ്ങളുടെ വനിതാ ന്യൂസ് എഡിറ്ററെ ജിഗ്‌നേഷ് മേവാനിയുടെ അനുയായി ശല്യം ചെയ്തുവെന്ന പേരില്‍ നടത്തിയ പ്രചരണത്തിന്റെ പേരിലാണ് റിപ്പബ്ലിക് ടി.വിക്കും അര്‍ണാബിനും മാപ്പു പറയേണ്ടി വന്നത്. തങ്ങള്‍ക്കു വേണ്ടി ജിഗ്നേഷിന്റെ റാലി റിപ്പോര്‍ട്ട് ചെയ്യാന്‍ പോയ ശിവാനി ഗുപ്തയെ ‘ശല്യം ചെയ്യുന്നു’ എന്ന പേരില്‍ റിപ്പബ്ലിക് ടി.വി പുറത്തു വിട്ടത് എ.ബി.പി ന്യൂസ് ഹിന്ദിയുടെ റിപ്പോര്‍ട്ടര്‍ ജൈനേന്ദ്ര കുമാറിന്റേതാണെന്ന് തെളിഞ്ഞതോടെ റിപ്പബ്ലിക് ടി.വി പുലിവാല്‍ പിടിക്കുകയായിരുന്നു.

റാലിക്കിടെ ശിവാനി ഗുപ്തയും ജൈനേന്ദ്ര കുമാറും തമ്മില്‍ സംസാരിക്കുന്നതിന്റെ വിഷ്വല്‍ ‘ജിഗ്നേഷിന്റെ തനിനിറം പുറത്ത്’ എന്ന പേരിലാണ് റിപ്പബ്ലിക് ടി.വി പുറത്തുവിട്ടത്. ശിവാനി ഗുപ്തയെ ‘ഭീഷണിപ്പെടുത്താന്‍ ശ്രമിച്ച് പരാജയപ്പെടുത്താന്‍ ശ്രമിച്ച ഗുണ്ട’ എന്നാണ് ജൈനേന്ദ്രയെ വിശേഷിപ്പിച്ചത്.

ജൈനേന്ദ്രക്കു പുറമെ പ്രമുഖ കോളമിസ്റ്റ് പ്രതിഷ്ഠാ സിങിന്റെ ഭര്‍ത്താവിനെയും റിപ്പബ്ലിക് ടി.വി ഗുണ്ട എന്നു വിശേഷിപ്പിച്ചു. ജിഗ്നേഷ് മേവാനിയുടെ റാലിയില്‍ പങ്കെടുത്ത അനുയായികളെന്നു തെറ്റിദ്ധരിച്ചായിരുന്നു അര്‍ണബിന്റെ ചാനലിന്റെ അഭ്യാസം മുഴുവനും. ഇതിന്റെ പേരില്‍ രാഹുല്‍ ഗാന്ധി മാപ്പു പറയുമോ എന്നുവരെ റിപ്പബ്ലിക് ടി.വി ചോദിച്ചു. ഇതിന്റെ പേരില്‍ രാത്രി ഒമ്പതു മണി ചര്‍ച്ച വരെ റിപ്പബ്ലിക് സംഘടിപ്പിച്ചു.

എന്നാല്‍, തങ്ങളുടെ റിപ്പോര്‍ട്ടറെ മോശമായി ചിത്രീകരിച്ച റിപ്പബ്ലിക് ടി.വിക്കെതിരെ എ.ബി.പി പരസ്യമായി രംഗത്തു വന്നതോടെ കഥ മാറി. ജൈനേന്ദ്ര കുമാറിനെ അപമാനിച്ചതില്‍ റിപ്പബ്ലിക് ടി.വി മാപ്പു പറയണമെന്ന് ചാനല്‍ ആവശ്യപ്പെട്ടു. ഇതിനൊപ്പം നിരവധി പേര്‍ സോഷ്യല്‍ മീഡിയയിലും അര്‍ണബിനെതിരെ രംഗത്തെത്തി.

പ്രതിഷേധം ശക്തമായതോടെ റിപ്പബ്ലിക് ടി.വി ലൈവ് സ്‌ക്രീനില്‍ മാപ്പപേക്ഷ നടത്തുകയായിരുന്നു. തങ്ങളുടെ വീഡിയോ എഡിറ്റര്‍ക്ക് തെറ്റു പറ്റിയതാണെന്നും മാപ്പു പറയുന്നതായും ഇക്കാര്യം ശ്രദ്ധയില്‍പ്പെട്ട ഉടന്‍ എ.ബി.പി ന്യൂസിലെ എഡിറ്റര്‍മാരെ വിളിച്ച് അര്‍ണബ് ഗോസ്വാമി മാപ്പു പറഞ്ഞിട്ടുണ്ടെന്നും ചാനല്‍ എഴുതിക്കാണിച്ചു.

]]> https://www.chandrikadaily.com/republic-tv-apologises-for-news-about-abp-reporter.html/feed 0 മേവാനിയും ഉമര്‍ ഖാലിദും പങ്കെടുക്കാനിരുന്ന യോഗം പൊലീസ് തടഞ്ഞു; മുംബൈയില്‍ സംഘര്‍ഷം https://www.chandrikadaily.com/police-detains-omar-khalid-and-mewani-in-mumbai.html https://www.chandrikadaily.com/police-detains-omar-khalid-and-mewani-in-mumbai.html#respond Thu, 04 Jan 2018 14:30:39 +0000 http://www.chandrikadaily.com/?p=63081 മുംബൈ: ദളിത് ആക്ടിവിസ്റ്റ് ജിഗ്നേഷ് മേവാനി എം.എല്‍.എയും ജെ.എന്‍.യു വിദ്യാര്‍ത്ഥി നേതാവ് ഉമര്‍ ഖാലിദും പങ്കെടുക്കേണ്ടിയിരുന്ന യോഗം മുംബൈ പൊലീസ് ഇടപെട്ട് തടഞ്ഞു. വൈല്‍ പാര്‍ലെയിലെ ഭായ്ദാസ് ഹാളില്‍ യോഗം സംഘടിപ്പിച്ച സംഘാടകരെ പൊലീസ് കസ്റ്റഡിയിലെടുക്കുകയും മേഖലയില്‍ 144 വകുപ്പു പ്രകാരം നിരോധനാജ്ഞ ഏര്‍പ്പെടുത്തുകയും ചെയ്തിട്ടുണ്ട്.

എന്നാല്‍, പൊലീസ് നടപടിയില്‍ വന്‍ പ്രതിഷേധമുയര്‍ന്നു. നേതാക്കളെ തടഞ്ഞുവെച്ച ജുഹു പൊലീസ് സ്റ്റേഷനു മുന്നില്‍ ദളിത് വിഭാഗക്കാരും പ്രക്ഷോഭകരും പ്രതിഷേധ പ്രകടനം നടത്തി. വിദ്യാര്‍ത്ഥികള്‍ക്കും സ്വതന്ത്രമായി ചിന്തിക്കുന്നവര്‍ക്കുമെതിരെ പൊലീസ് ഏകപക്ഷീയമായി നീങ്ങുകയാണെന്ന് പ്രതിഷേധക്കാര്‍ പറയുന്നു.

നഗരത്തില്‍ പ്രകോപനപരമായ പ്രസംഗങ്ങള്‍ നടത്തുന്നുവെന്നാരോപിച്ച് മേവാനിക്കും ഉമര്‍ ഖാലിദിനുമെതിരെ പൂനെ പൊലീസ് കേസെടുത്തിട്ടുണ്ട്. ഭീമ കൊറേഗാവില്‍ ഒരാളുടെ മരണത്തിനിടയാക്കിയ സംഘര്‍ഷത്തെ തുടര്‍ന്ന് ദളിത് നേതാക്കള്‍ക്കെതിരെയും പൊലീസ് കേസെടുത്തിട്ടുണ്ട്. അതേസമയം, പൊലീസ് പക്ഷപാതിത്വം കാണിക്കുകയാണെന്ന് സാമൂഹ്യ പ്രവര്‍ത്തകര്‍ ആരോപിക്കുന്നു.

പൊലീസ് നടപടിയില്‍ പ്രതിഷേധിച്ച് ദളിത് സംഘടനയായ ഛത്ര ഭാരതി പ്രവര്‍ത്തകര്‍ ഭായ്ദാസ് ഹാളിലേക്ക് തള്ളിക്കയറാന്‍ ശ്രമിച്ചു. പൊലീസ് അനുമതി നല്‍കിയില്ലെങ്കിലും യോഗവുമായി മുന്നോട്ടു പോകുമെന്ന് പ്രഖ്യാപിച്ചതിനെ തുടര്‍ന്ന് ഛത്ര ഭാരതി പ്രസിഡണ്ട് ദത്ത ധാഗെയെയും മറ്റ് അംഗങ്ങളെയും പൊലീസ് പിടികൂടി. ഛത്ര ഭാരതി മുംബൈ യൂണിറ്റ് പ്രസിഡണ്ട് സച്ചിന്‍ ഭന്‍സോഡെയും പൊലീസ് കസ്റ്റഡിയിലാണ്.

ബുധനാഴ്ച മുംബൈയില്‍ ദളിത് വിഭാഗക്കാര്‍ നടത്തിയ പ്രക്ഷോഭത്തില്‍ നഗരം ഏറെക്കുറെ സ്തംഭിച്ചിരുന്നു. എന്നാല്‍, പ്രക്ഷോഭവുമായി ഭായ്ദാസ് ഹാളിലെ യോഗത്തിന് ബന്ധമൊന്നുമില്ലെന്നും മേവാനി, ഉമര്‍ ഖാലിദ് എന്നിവരുമായി സദസ്യര്‍ക്ക് സംവദിക്കാനുള്ള അവസരമൊരുക്കുക മാത്രമാണ് ചെയ്തതെന്നും സച്ചിന്‍ ഭന്‍സോഡെ പറഞ്ഞു.

ഉയര്‍ന്ന ജാതിക്കാരായ പേഷവകള്‍ക്കെതിരെ ദളിത് സൈന്യം വിജയിച്ച ഭീമ-കൊറേഗാവ് യുദ്ധത്തിന്റെ വാര്‍ഷികം ജനുവരി ഒന്നിന് ദളിത് വിഭാഗക്കാര്‍ ആഘോഷിച്ചതിനെ തുടര്‍ന്നാണ് നിലവിലെ പ്രശ്‌നങ്ങളുടെ തുടക്കം. സവര്‍ണ വിഭാഗക്കാരും ആര്‍.എസ്.എസ്സും ഇതിനെതിരെ രംഗത്തു വന്നിരുന്നു. ബ്രാഹ്മണ്യത്തിനെതിരെ ദളിതുകളുടെ വിജയമായാണ് ഭീമ കൊറേഗാവ് ഓര്‍മിക്കപ്പെടുന്നത്.

]]> https://www.chandrikadaily.com/police-detains-omar-khalid-and-mewani-in-mumbai.html/feed 0 മേവാനിയേയും പട്ടേലിനേയും മത്സരിക്കാന്‍ വെല്ലുവിളിച്ച് ഗുജറാത്ത് മുഖ്യമന്ത്രി https://www.chandrikadaily.com/%e0%b4%ae%e0%b5%87%e0%b4%b5%e0%b4%be%e0%b4%a8%e0%b4%bf%e0%b4%af%e0%b5%87%e0%b4%af%e0%b5%81%e0%b4%82-%e0%b4%aa%e0%b4%9f%e0%b5%8d%e0%b4%9f%e0%b5%87%e0%b4%b2%e0%b4%bf%e0%b4%a8%e0%b5%87%e0%b4%af%e0%b5%81.html https://www.chandrikadaily.com/%e0%b4%ae%e0%b5%87%e0%b4%b5%e0%b4%be%e0%b4%a8%e0%b4%bf%e0%b4%af%e0%b5%87%e0%b4%af%e0%b5%81%e0%b4%82-%e0%b4%aa%e0%b4%9f%e0%b5%8d%e0%b4%9f%e0%b5%87%e0%b4%b2%e0%b4%bf%e0%b4%a8%e0%b5%87%e0%b4%af%e0%b5%81.html#respond Mon, 02 Oct 2017 08:41:53 +0000 http://www.chandrikadaily.com/?p=46107 അഹമ്മദാബാദ്: പട്ടിദാര്‍ പ്രക്ഷോഭ നായകന്‍ ഹര്‍ദിക് പട്ടേലിനേയും ദളിത് നേതാവ് ജിഗ്നേഷ് മേവാനിയേയും ഒ.ബിസി നേതാവ് അല്‍പേഷ് താക്കൂറിനേയും തെരഞ്ഞെടുപ്പില്‍ മത്സരിക്കാന്‍ വെല്ലുവിളിച്ച് ഗുജറാത്ത് മുഖ്യമന്ത്രി വിജയ് രൂപാണി. മൂവരും തങ്ങളുടെ ജനപിന്തുണ തെരഞ്ഞെടുപ്പില്‍ മത്സരിച്ചാണ് കാണിക്കേണ്ടതെന്നും രൂപാണി പറഞ്ഞു. ഒരു ദേശീയ ദിനപത്രം അഹമ്മദാബാദില്‍ സംഘടിപ്പിച്ച ചടങ്ങിനിടെയാണ് മൂവരേയും കുറിച്ചുള്ള ചോദ്യത്തിന് മൂവരും ചേര്‍ന്ന് രാഷ്ട്രീയ പാര്‍ട്ടി രൂപീകരിക്കാന്‍ പോകുന്നോ എന്നും തെരഞ്ഞെടുപ്പില്‍ മത്സരിക്കുമോ എന്നും മുഖ്യമന്ത്രി ചോദിച്ചത്. തെരഞ്ഞെടുപ്പില്‍ മത്സരിച്ചെങ്കില്‍ മാത്രമേ ഇവരുടെ ജനപിന്തുണയെ കുറിച്ച് എന്തെങ്കിലും പറയാനാവൂ. ഇവര്‍ക്ക് പിന്നില്‍ കോണ്‍ഗ്രസാണ്, ഹര്‍ദിക് പട്ടേല്‍ ട്വിറ്ററില്‍ ബി.ജെ.പി വിരുദ്ധനാണ്. ഇന്നുവരെ പട്ടേലിന്റെ മുഴുവന്‍ ട്വീറ്റുകളും അതാണ് തെളിയിക്കുന്നതെന്നും അദ്ദേഹം പറഞ്ഞു. ഇവര്‍ മൂവരും കോണ്‍ഗ്രസിന് എതിരായി ഒന്നും പറയുന്നില്ല.
കോണ്‍ഗ്രസില്‍ എല്ലാം ശരിയാണോ എന്നും മുതിര്‍ന്ന ബി.ജെ.പി നേതാവു കൂടിയായ രൂപാണി ചോദിച്ചു. പട്ടേല്‍ സംവരണ പ്രക്ഷോഭത്തിന്റെ പശ്ചാതലത്തിലാണ് രൂപാണിയെ ഗുജറാത്ത് മുഖ്യമന്ത്രിയാക്കിയത്. മുഖ്യമന്ത്രിയുടെ വെല്ലുവിളി ഏറ്റെടുത്ത് മൂവരും തെരഞ്ഞെടുപ്പില്‍ മത്സരിക്കുമോ എന്നാണ് ഇനി അറിയാനുള്ളത്. പട്ടേല്‍ സംവരണ പ്രക്ഷോഭത്തിന് പിന്നാലെ ഗുജറാത്ത് സന്ദര്‍ശനത്തിനെത്തിയ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിക്ക് പട്ടീദാറുമാര്‍ക്കിടയില്‍ ലഭിച്ച സ്വീകാര്യതയും ബി.ജെ.പിയെ അലട്ടുന്നുണ്ട്. ഇത് മറികടക്കുന്നതിനായി പട്ടിദാര്‍ സമുദായാംഗങ്ങളുമായി കഴിഞ്ഞ ദിവസം മുഖ്യമന്ത്രി കൂടിക്കാഴ്ച നടത്തിയിരുന്നു.

]]> https://www.chandrikadaily.com/%e0%b4%ae%e0%b5%87%e0%b4%b5%e0%b4%be%e0%b4%a8%e0%b4%bf%e0%b4%af%e0%b5%87%e0%b4%af%e0%b5%81%e0%b4%82-%e0%b4%aa%e0%b4%9f%e0%b5%8d%e0%b4%9f%e0%b5%87%e0%b4%b2%e0%b4%bf%e0%b4%a8%e0%b5%87%e0%b4%af%e0%b5%81.html/feed 0