സൊനോറ സംസ്ഥാനത്തിലെ ഹെര്‍മോസിലോയിലെ ”വാള്‍ഡോസ്” എന്ന കടയിലാണ് തീപിടിത്തം ഉണ്ടായത് എന്ന് സംസ്ഥാന ഗവര്‍ണര്‍ അല്‍ഫോന്‍സോ ഡുറാസോ അറിയിച്ചു.
ഗവര്‍ണര്‍ സോഷ്യല്‍ മീഡിയയില്‍ പോസ്റ്റ് ചെയ്ത വീഡിയോ സന്ദേശത്തില്‍, ”തീപിടിത്തത്തില്‍ 23 പേര്‍ മരിച്ചു, 11 പേര്‍ക്ക് പരിക്കേറ്റു,” എന്ന വിവരമാണ് പങ്കുവെച്ചത്.

‘ദുരന്തത്തില്‍ കുട്ടികളും ഉള്‍പ്പെട്ടത് അത്യന്തം വേദനാജനകമാണ്. പരിക്കേറ്റവരെ വിവിധ ആശുപത്രികളില്‍ ചികിത്സയ്ക്കായി മാറ്റിയിട്ടുണ്ട്,” ഗവര്‍ണര്‍ ഡുറാസോ പറഞ്ഞു.

അപകടത്തിന്റെ കാരണം വ്യക്തമാക്കുന്നതിനായി അന്വേഷണം ആരംഭിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.

മെക്‌സിക്കന്‍ റെഡ് ക്രോസ് പ്രസിഡന്റ് കാര്‍ലോസ് ഫ്രാനറിന്റെ വിവരമനുസരിച്ച്, മരണപ്പെട്ടവരില്‍ 12 സ്ത്രീകളും 5 പുരുഷന്മാരും 4 ആണ്‍കുട്ടികളും 2 പെണ്‍കുട്ടികളും ഉള്‍പ്പെടുന്നു.

അതേസമയം, തീപിടിത്തത്തെത്തുടര്‍ന്ന് രൂപപ്പെട്ട വിഷവാതകം ശ്വസിച്ചതാണ് ഭൂരിഭാഗം പേരുടെയും മരണകാരണം എന്ന് സംസ്ഥാന അറ്റോര്‍ണി ജനറല്‍ ഗുസ്താവോ സാലാസ് വ്യക്തമാക്കി.

തീപിടിത്തത്തിന്റെ ഭീകര ദൃശ്യങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിച്ചു. കടയ്ക്ക് പുറത്ത് പാര്‍ക്ക് ചെയ്തിരുന്ന വാഹനങ്ങളും തീയില്‍ കത്തിനശിച്ചു.

ഏകദേശം 1,000 വീടുകള്‍, 59 ആശുപത്രികളും ക്ലിനിക്കുകളും, 308 സ്‌കൂളുകളും കേടുപാടുകള്‍ക്ക് ഇരയായതായി അധികൃതര്‍ അറിയിച്ചു. പതിനായിരക്കണക്കിന് ആളുകളെ സുരക്ഷിത കേന്ദ്രങ്ങളിലേക്ക് മാറ്റിയിട്ടുണ്ട്. ശക്തമായ ഒഴുക്കില്‍ വാഹനങ്ങളും വീടുകളും വെള്ളത്തില്‍ മുങ്ങുന്ന ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിക്കുന്നു.

മധ്യ മെക്‌സിക്കോയിലെ ഹിഡാല്‍ഗോ സംസ്ഥാനമാണ് ഏറ്റവും കൂടുതല്‍ നാശനഷ്ടമേറ്റത്. അവിടെ മാത്രം 16 പേര്‍ മരണപ്പെട്ടതായി സംസ്ഥാന ആഭ്യന്തര സെക്രട്ടറി സ്ഥിരീകരിച്ചു.

പ്രളയബാധിത പ്രദേശങ്ങളില്‍ രക്ഷാപ്രവര്‍ത്തനങ്ങള്‍ ശക്തമാക്കാന്‍ സര്‍ക്കാര്‍ ആയിരക്കണക്കിന് സൈനികരെയും അടിയന്തര രക്ഷാപ്രവര്‍ത്തകരെയും വിന്യസിച്ചിട്ടുണ്ടെന്ന് റിപ്പോര്‍ട്ടുകള്‍ പറയുന്നു.

അപകടസ്ഥലത്ത് രക്ഷാപ്രവര്‍ത്തനം തുടരുന്നതായി സ്‌റ്റേറ്റ് പ്രോസിക്യൂട്ടര്‍ ഓഫിസ് അറിയിച്ചു. അന്വേഷണം ആരംഭിച്ചതായും അധികൃതര്‍ അറിയിച്ചു. ഹെറാഡുറ ഡി പ്ലാറ്റ ലൈനില്‍ നിന്നുള്ള ബസ് കൂട്ടിയിടിയില്‍ തകര്‍ന്നു.

പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു. മെക്‌സിക്കോയിലെ കനേഡിയന്‍ പസഫിക് കന്‍സാസ് സിറ്റി ട്രെയിന്‍ ലൈന്‍ അപകടം സ്ഥിരീകരിച്ച് ഇരകളുടെ കുടുംബങ്ങളെ അനുശോചനം അറിയിച്ചു. കനഡ ആസ്ഥാനമായുള്ള ‘കാല്‍ഗറി’ കമ്പനി തങ്ങളുടെ ജീവനക്കാര്‍ സ്ഥലത്തുണ്ടെന്നും അധികൃതരുമായി സഹകരിക്കുന്നുണ്ടെന്നും അറിയിച്ചു.

സോഷ്യല്‍ മീഡിയ പ്ലാറ്റ്‌ഫോമുകളില്‍ പ്രചരിച്ച അപകട വിഡിയോയില്‍, അതിവേഗത്തില്‍ എത്തിയ ട്രെയിന്‍ ബസിനെ ഇടിച്ചുതെറിപ്പിക്കുന്നതു കാണാം. ബസിന്റെ മധ്യഭാഗത്താണ് ട്രെയ്ന്‍ ഇടിച്ചത്. ബസിന്റെ മേല്‍ക്കൂര പൂര്‍ണമായും ഇല്ലാതായി. അപകടത്തിനു തൊട്ടുമുമ്പ് വാഹനങ്ങള്‍ പാളം മുറിച്ചുകടക്കുന്നത് കാണാം. ക്രോസിങ് ഗേറ്റുകളോ മറ്റ് സിഗ്‌നലുകളോ വിഡിയോയില്‍ ദൃശ്യമല്ല.

സംഭവത്തില്‍ അന്വേഷണം നടക്കുന്നതായി മെക്‌സിക്കന്‍ പ്രസിഡന്റ് ക്ലോഡിയ ഷെയിന്‍ബോം അറിയിച്ചു. കഴിഞ്ഞ മാസം ഗ്വാനഹാറ്റോയിലെ കത്തോലിക്കാ പള്ളിയിലെ പരിപാടിക്കിടെ ഏഴ് പേര്‍ കൊല്ലപ്പെട്ട ദുരന്തത്തിന് പിന്നാലെയാണ് ഈ സംഭവം.

ശനിയാഴ്ച ഒരു പൊതുപരിപാടിയില്‍ സംസാരിക്കവേ, സംഘടിത കുറ്റകൃത്യങ്ങള്‍ക്കെതിരെ പോരാടാന്‍ എങ്ങനെ സഹായിക്കാമെന്ന് ട്രംപ് തന്നോട് ഒരു കോളിനിടെ ചോദിച്ചതായും യുഎസ് സൈനികരെ അയയ്ക്കാന്‍ നിര്‍ദ്ദേശിച്ചതായും ഷെയ്ന്‍ബോം പറഞ്ഞു.

‘ഞങ്ങളുടെ പ്രദേശത്ത് അമേരിക്കന്‍ സൈന്യത്തിന്റെ സാന്നിധ്യം ഞങ്ങള്‍ ഒരിക്കലും അംഗീകരിക്കില്ല’ എന്ന് ട്രംപിനോട് പറഞ്ഞുകൊണ്ട് താന്‍ നിരസിച്ചതായി മെക്‌സിക്കന്‍ നേതാവ് പറഞ്ഞു.

‘ഞാന്‍ അദ്ദേഹത്തോട് പറഞ്ഞു, ‘ഇല്ല, പ്രസിഡന്റ് ട്രംപ്, ഞങ്ങളുടെ പ്രദേശം അലംഘനീയമാണ്, നമ്മുടെ പരമാധികാരം അലംഘനീയമാണ്, ഞങ്ങളുടെ പരമാധികാരം വില്‍പനയ്ക്കുള്ളതല്ല,’ ഷെയ്ന്‍ബോം പറഞ്ഞു.

മയക്കുമരുന്ന് കാര്‍ട്ടലുകള്‍ക്കെതിരായ പോരാട്ടത്തില്‍ ‘ആഴത്തിലുള്ള യുഎസ് സൈനിക ഇടപെടല്‍’ അനുവദിക്കാന്‍ ട്രംപ് മെക്‌സിക്കോയില്‍ സമ്മര്‍ദ്ദം ചെലുത്തുന്നുവെന്ന് വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്തതിന് ഒരു ദിവസത്തിന് ശേഷമാണ് ഇത്.

ഫെന്റനൈല്‍ ഉല്‍പ്പാദിപ്പിക്കുകയും യുഎസിലേക്ക് കടത്തുകയും ചെയ്യുന്ന മെക്‌സിക്കന്‍ മയക്കുമരുന്ന് സംഘങ്ങളെ നേരിടാന്‍ യുഎസ് സായുധ സേനയെ ട്രംപ് പ്രേരിപ്പിച്ചതിനാല്‍ ഏപ്രില്‍ 16 ന് ഇരു നേതാക്കളും തമ്മിലുള്ള സംഭാഷണത്തിനിടെ ”പിരിമുറുക്കം വര്‍ധിച്ചു” എന്ന് പേരിടാത്ത ആളുകളെ ഉദ്ധരിച്ച് വാര്‍ത്താ ഏജന്‍സി പറഞ്ഞു.

ജനുവരിയില്‍ അധികാരമേറ്റതിനുശേഷം, മയക്കുമരുന്ന് കടത്തിന്റെ പേരില്‍ മെക്‌സിക്കോയെയും യുഎസിന്റെ മറ്റൊരു അയല്‍രാജ്യമായ കാനഡയെയും ട്രംപ് ആവര്‍ത്തിച്ച് ആക്ഷേപിച്ചു.

ഇരു രാജ്യങ്ങളും തങ്ങളുടെ അതിര്‍ത്തികളിലൂടെ യുഎസിലേക്ക് ഒഴുകാന്‍ നിയമവിരുദ്ധമായ മയക്കുമരുന്ന്, പ്രത്യേകിച്ച് ഫെന്റനൈല്‍ അനുവദിച്ചതായി അദ്ദേഹം ആരോപിച്ചു.

ട്രംപിന്റെ ഭരണകൂടം മെക്‌സിക്കന്‍, കനേഡിയന്‍ ചരക്കുകള്‍ക്ക് കുത്തനെയുള്ള തീരുവ ചുമത്താനുള്ള ശ്രമവും ഫെന്റനൈല്‍ കടത്തുമായി ബന്ധപ്പെട്ടിരിക്കുന്നു.

ട്രംപുമായുള്ള ചര്‍ച്ചയില്‍ കൂടുതല്‍ വിവരങ്ങള്‍ പങ്കുവെക്കുന്നതുള്‍പ്പെടെ യുഎസുമായി സഹകരിക്കാന്‍ താന്‍ വാഗ്ദാനം ചെയ്തതായി ശനിയാഴ്ച ഷെയിന്‍ബോം പറഞ്ഞു.

അതേസമയം, രണ്ട് പതിറ്റാണ്ടായി മെക്സിക്കോയില്‍ 450,000-ത്തിലധികം പേര്‍ കൊല്ലപ്പെട്ട അക്രമത്തിന് കാരണമായ അതിര്‍ത്തി കടന്നുള്ള ആയുധക്കടത്ത് അവസാനിപ്പിക്കാന്‍ ട്രംപിനോട് ആവശ്യപ്പെട്ടതായി മെക്സിക്കന്‍ പ്രസിഡന്റ് പറഞ്ഞു.

”അമേരിക്കയില്‍ നിന്ന് നമ്മുടെ രാജ്യത്തേക്ക് ആയുധങ്ങള്‍ കടക്കുന്നത് തടയാന്‍ ആവശ്യമായതെല്ലാം നിലവിലുണ്ടെന്ന് ഉറപ്പാക്കാന്‍” ട്രംപ് വെള്ളിയാഴ്ച ഉത്തരവിട്ടതായും അവര്‍ കൂട്ടിച്ചേര്‍ത്തു.

‘ഈ സംഘങ്ങളെയും കാര്‍ട്ടലുകളെയും നേരിടാന്‍ മെക്സിക്കോ കൂടുതല്‍ കാര്യങ്ങള്‍ ചെയ്യണമെന്നും ഇരു രാജ്യങ്ങളും തമ്മിലുള്ള അടുത്ത സഹകരണം വിപുലീകരിക്കാനും സഹായിക്കാനും അമേരിക്ക തയ്യാറാണെന്നും’ ട്രംപ് വ്യക്തമായിരുന്നുവെന്ന് യുഎസ് നാഷണല്‍ സെക്യൂരിറ്റി കൗണ്‍സിലിന്റെ വക്താവ് റോയിട്ടേഴ്സ് വാര്‍ത്താ ഏജന്‍സിയോട് പറഞ്ഞു.

‘ചരിത്രത്തിലെ ഏറ്റവും സുരക്ഷിതമായ തെക്കുപടിഞ്ഞാറന്‍ അതിര്‍ത്തി” കൈവരിക്കാന്‍ ട്രംപ് ഷെയ്ന്‍ബോമുമായി ചേര്‍ന്ന് പ്രവര്‍ത്തിച്ചിട്ടുണ്ടെന്നും വക്താവ് കൂട്ടിച്ചേര്‍ത്തു.

എന്നാല്‍ ‘അപകടകരമായ വിദേശ തീവ്രവാദ സംഘടനകള്‍ നമ്മുടെ പങ്കിട്ട സുരക്ഷയെ ഭീഷണിപ്പെടുത്തുന്നത് തുടരുന്നു, അവര്‍ പ്രചരിപ്പിക്കുന്ന മയക്കുമരുന്നുകളും കുറ്റകൃത്യങ്ങളും രാജ്യത്തുടനീളമുള്ള അമേരിക്കന്‍ സമൂഹങ്ങളെ ഭീഷണിപ്പെടുത്തുന്നു’, വക്താവ് പറഞ്ഞു.

അതേസമയം, തന്റെ കടുത്ത കുടിയേറ്റ വിരുദ്ധ നയങ്ങള്‍ക്കെതിരെ നിരവധി നിയമപരമായ വെല്ലുവിളികള്‍ ഉണ്ടായിട്ടും, യുഎസ് ചരിത്രത്തിലെ ‘ഏറ്റവും വലിയ നാടുകടത്തല്‍ ഓപ്പറേഷന്‍’ നടത്താനുള്ള തന്റെ പദ്ധതിയുമായി ട്രംപ് മുന്നോട്ട് പോയി.

ഇമിഗ്രേഷന്‍ നിയമങ്ങള്‍ നടപ്പിലാക്കുന്നതിനായി മെക്‌സിക്കോയുമായുള്ള അതിര്‍ത്തിയിലെ രണ്ടാമത്തെ സ്‌ട്രെച്ച് സൈനിക മേഖലയായി നിശ്ചയിച്ചതായി യുഎസ് പ്രതിരോധ വകുപ്പ് ഈ ആഴ്ച ആദ്യം പറഞ്ഞിരുന്നു.

ഏറ്റവും പുതിയ പ്രദേശം യുഎസ് സ്റ്റേറ്റായ ടെക്‌സാസിലാണ്, എല്‍ പാസോയിലെ ഫോര്‍ട്ട് ബ്ലിസ് ആര്‍മി ബേസുമായി ബന്ധിപ്പിച്ചിരിക്കുന്നു.

ന്യൂ മെക്‌സിക്കോയില്‍ കഴിഞ്ഞ മാസം സ്ഥാപിതമായ ആദ്യത്തെ സോണ്‍ പോലെ, യുഎസ് ആഭ്യന്തര സുരക്ഷാ വകുപ്പിലെ സിവിലിയന്‍ അധികാരികള്‍ക്ക് കൈമാറുന്നതുവരെ ക്രമരഹിതമായി അതിര്‍ത്തി കടക്കുന്ന കുടിയേറ്റക്കാരെ കസ്റ്റഡിയില്‍ എടുക്കാന്‍ സൈനിക ഉദ്യോഗസ്ഥര്‍ക്ക് അധികാരമുണ്ട്.

മെക്‌സിക്കോ പ്രസിഡന്റ് ക്ലോഡിയ ഷെയ്ന്‍ബോമുമായി ട്രംപ് ഫോണില്‍ സംസാരിക്കുകയും ഇതേത്തുടര്‍ന്ന് ധൊരണയിലെത്തുകയും ചെയ്തുവെന്നാണ് സൂചന. ഇന്ന് മുതല്‍ തീരുവ വര്‍ധന നിലവില്‍ വരാനിരുന്നതായിരുന്നു. എന്നാല്‍ ലഹരിക്കടത്തും അനധികൃതകുടിയേറ്റവും തടയാന്‍ ഇരുരാജ്യങ്ങളും പതിനായിരം പൊലീസുകാരെ അതിര്‍ത്തിയില്‍ വിന്യസിക്കാമെന്ന് സമ്മതിച്ചതോടെ തീരുമാനം ആവുകയായിരുന്നു. ഇന്ന് മുതല്‍ തീരുവ വര്‍ധന നിലവില്‍ വരാനിരിക്കെയാണ് നടപടി മരവിപ്പിച്ചത്.

കാനഡയുടെ തീരുവ വര്‍ധനയുമായി ബന്ധപ്പെട്ട് കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോയുമായും ട്രംപ് ചര്‍ച്ച നടത്തുമെന്നാണ് വിവരം. അമേരിക്കന്‍ ചരക്കുകള്‍ക്ക് 25% ഇറക്കുമതി തീരുവ ഏപ്പെടുത്താന്‍ കാനഡ തീരുമാനിച്ചിരുന്നു. രേഖകളില്ലാതെ കുടിയേറ്റക്കാരും മയക്കുമരുന്നും യുഎസിലേക്ക് ഒഴുകുന്നത് അനുവദിക്കില്ലെന്ന് ചൂണ്ടിക്കാട്ടിയാണ് മെക്‌സിക്കോ, കാനഡ തുടങ്ങിയ രാജ്യങ്ങള്‍ക്കെതിരെ 25 ശതമാനം ഇറക്കുമതി തീരുവ ഏര്‍പ്പെടുത്താന്‍ തീരുമാനമായത്.

45 ബാഗുകളാണ് അന്വേഷണസംഘം കാട്ടില്‍നിന്ന് കണ്ടെത്തിയത്. സ്ത്രീകളുടെയും പുരുഷന്മാരുടെയും ശരീരാവശിഷ്ടങ്ങള്‍ ഇതിലുണ്ടെന്ന് പൊലീസ് പറയുന്നു. എന്നാല്‍, ഇത് ആരുടെ മൃതദേഹങ്ങളാണെന്ന് ഇതുവരെ തിരിച്ചറിയാനായിട്ടില്ല. ദുഷ്‌ക്കരമായ മേഖലയായതിനാല്‍ അടുത്ത ദിവസങ്ങളിലും തിരച്ചില്‍ തുടരുമെന്നാണ് റിപ്പോര്‍ട്ട്.

മെക്‌സിക്കോ സംസ്ഥാനമായ ഹലിസ്‌കോയിലെ സപോപന്‍ നഗരത്തിലാണ് കഴിഞ്ഞാഴ്ച 8പേരെ കാണാതയത്. ഒരേ കോള്‍ സെന്ററില്‍ ജോലി ചെയ്യുന്നവരാണ് എല്ലാവരും. രണ്ട് സ്ത്രീകളും 6ുരുഷന്മാരുമാണ് കൂട്ടത്തിലുണ്ടായിരുന്നത്. കഴിഞ്ഞ മെയ് 20 മുതലാണ് ഇവരെ കാണാതായത്. എന്നാല്‍, വിവിധ ദിവസങ്ങളിലാണ് ജീവനക്കാരെ കാണാതായതായി എന്ന പരാതി ലഭിച്ചത്.

സംഭവത്തില്‍ ദുരൂഹത ശക്തമായതോടെയാണ് സമീപപ്രദേശങ്ങളിലെല്ലാം പൊലീസ് തിരച്ചില്‍ ശക്തമാക്കിയത്. ഇതിനിടെയാണ് ഗ്വാദലഹാരയിലെ വ്യവസായമേഖലയായ സപോപനിലെ ഒരു മലഞ്ചെരുവില്‍നിന്ന് ദുരൂഹമായ സാഹചര്യത്തില്‍ 50ഓളം ബാഗുകള്‍ കണ്ടെത്തിയത്.
ഇവര്‍ ജോലി ചെയ്തിരുന്ന കോള്‍ സെന്റര്‍ നിയമവിരുദ്ധ പ്രവര്‍ത്തനങ്ങളുടെ കേന്ദ്രമായിരുന്നതായി സംശയിക്കുന്നുണ്ടെന്നാണ് അന്വേഷണ സംഘം സൂചിപ്പിക്കുന്നത്. സ്ഥാപനത്തില്‍നിന്ന് കഞ്ചാവും രക്തക്കറയുള്ള വസ്ത്രങ്ങളും കണ്ടെടുത്തു. സാമ്പത്തിക ഇടപാടുകളുമായി ബന്ധപ്പെട്ട രേഖകളും പൊലീസ് ഇവിടെ നിന്ന് പിടിച്ചെടുത്തിട്ടുണ്ട്.

ലെ-മെരിഡിയന്‍ വെസ്റ്റ് വിംഗില്‍ പ്രവര്‍ത്തിക്കുന്ന റാഹയുടെ ഇന്‍ര്‍ഗ്രേറ്റഡ് റിഹാബ് സെന്ററില്‍ ചികിത്സക്ക് വിധേയനായ അദ്ദേഹം ആയുര്‍വേദ ചികിത്സയില്‍ പൂര്‍ണ്ണ സംതൃപ്തി രേഖപ്പെടുത്തി. മെഡിക്കല്‍ അഡ്മിന്‍ ഡോ. ജിജിപ്രസാദിന്റെ നേതൃത്വത്തിലുള്ള വിദഗ്ദ്ധ ഡോക്ടര്‍മാരുടെ സംഘമാണ് ചികിത്സക്ക് നേതൃത്വം നല്‍കിയത്. അറ്റാഷെ റികാര്‍ഡോ ഡാനിയേല്‍ ജെല്‍ഗാദോ മുനോസ്, ഇന്ത്യന്‍ ഇക്കോണോമിക് ട്രേഡ് ഓര്‍ഗനൈസേഷന്‍ ഡയറക്ടര്‍ മോഹിത് ശ്രീവാസ്തവ എന്നിവരും അദ്ദേഹത്തോടൊപ്പമുണ്ടായിരുന്നു. നയതന്ത്രവിദഗദ്ധര്‍ ഉള്‍പ്പെടെയുള്ള അന്താരാഷ്ട്ര സമൂഹത്തിന്റെ അംഗീകാരം ആയുര്‍വ്വേദത്തിന്റെ ആഗോളവളര്‍ച്ചക്ക് പ്രയോജനം ചെയ്യുമെന്ന് റാഹ മെഡിക്കല്‍ ഡയറക്ടര്‍ ഡോ.എഎം അന്‍വര്‍ പറഞ്ഞു.

അനധികൃതമായി അമേരിക്കയിലേക്ക് കടക്കുന്നവരെ കണ്ടെത്തണമെന്ന് നേരത്തെ യു.എസ് നിര്‍ദേശം നല്‍കിയിരുന്നു. അമേരിക്കന്‍ സമ്മര്‍ദ്ദത്തെ തുടര്‍ന്നാണ് അയല്‍രാജ്യമായ മെക്‌സികോയുടെ നടപടിയെന്നാണ് റിപ്പോര്‍ട്ട്. മെക്‌സികോയില്‍ താമസിക്കാനുള്ള വിസ കാലാവധി കഴിഞ്ഞും ഇവിടെ തുടരുന്നവരെയാണ് തിരിച്ചയച്ചിരിക്കുന്നത്. ബോയിങ് 747 വിമാനത്തില്‍ തൊലുക സിറ്റി വിമാനത്താവളത്തില്‍ നിന്ന് ഡല്‍ഹി വിമാനത്താവളത്തിലേക്കാണ് ഇവരെ അയച്ചത്.

മെക്‌സികോയിലൂടെ അമേരിക്കയിലേക്കുള്ള അനധികൃത കുടിയേറ്റം അവസാനിപ്പിക്കാന്‍ കടുത്ത നടപടികളാണ് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് നടപ്പാക്കുന്നത്. അമേരിക്കയുടെ സമ്മര്‍ദ്ദത്തിന് പിന്നാലെ മെക്‌സികോയില്‍ കനത്ത സുരക്ഷാ പരിശോധനകള്‍ അതിര്‍ത്തിയിലെമ്പാടും ഏര്‍പ്പെടുത്തിയിട്ടുണ്ട്.

ഇന്ത്യാക്കാരെ കയറ്റി അയക്കുന്ന കാര്യത്തില്‍ മെക്‌സിക്കോയിലെ ഇന്ത്യന്‍ എംബസിയുടെ ഭാഗത്ത് നിന്ന് മികച്ച സഹകരണമാണുണ്ടായതെന്ന് മെക്‌സികോ പുറത്തുവിട്ട പത്രക്കുറിപ്പില്‍ പറയുന്നു.

മഹാരാഷ്ട്രയില്‍ നടന്ന തെരഞ്ഞെടുപ്പ് റാലിയില്‍ ആഗോളതലത്തില്‍ ഇന്ത്യയുടെ പ്രശസ്തി അതിന്റെ ഉന്നതിയില്‍ എത്തിയതായി പ്രധാനമന്ത്രി നരേന്ദ്ര മോദി അവകാശപ്പെട്ടിരുന്നു.

തന്റെ നേതൃത്വത്തില്‍ ഇന്ത്യയുടെ അഭിമാനം പുതിയ ഉയരങ്ങളിലേക്ക് എത്തിയിരിക്കുന്നതായാണ്, പ്രധാനമന്ത്രി നരേന്ദ്ര മോദി പന്‍വേലില്‍ നടന്ന തിരഞ്ഞെടുപ്പ് റാലിയില്‍ പറഞ്ഞത്. ഇന്ത്യ ഇന്ന് വലിയ വെല്ലുവിളികള്‍ ഏറ്റെടുക്കുകയാണെന്നം ഇന്ത്യയെക്കുറിച്ച് നിങ്ങള്‍ക്കുള്ള ഇന്ന് അഭിമാനിക്കാമെന്നും മോദി പറഞ്ഞു