ലണ്ടന്‍: ആഴ്‌സണല്‍ ഫുട്‌ബോള്‍ താരങ്ങളായ മസൂദ് ഓസിലിനും സീഡ് കൊളാസിനാക്കിനും നേരെ ബൈക്കിലെത്തിയ സംഘങ്ങളുടെ ആക്രമണം. കാര്‍ തടഞ്ഞുനിര്‍ത്തി കത്തി കാട്ടി ഇരുവരെയും കൊള്ളയടിക്കാന്‍ ശ്രമിച്ചു. രണ്ടു പേരും ചെറുത്തുനിന്നതോടെ അക്രമികള്‍ ഓടി രക്ഷപ്പെട്ടു. വ്യാഴാഴ്ച ലണ്ടനിലെ ഗോള്‍ഡേഴ്‌സ് ഗ്രീന്‍ ഡിസ്ട്രിക്ടിലേക്ക് കാറില്‍ പോവുമ്പോഴാണ് സംഭവം.

കൊളാസിനാക്ക് അക്രമികളെ നേരിടുന്ന വീഡിയോ സമൂഹമാധ്യമങ്ങളില്‍ പ്രചരിച്ചിരുന്നു. കത്തി കാട്ടി ഭീക്ഷണിപ്പെടുത്തുന്ന അക്രമികളെ കാറില്‍ നിന്നിറങ്ങി കൊളാസിനാക്ക് തുരത്തിയോടിക്കുന്നത് ദൃശ്യങ്ങളില്‍ കാണാം. ഓസിലിന്റെ കറുത്ത മെഴ്‌സിഡസിലാണ് ഇരുവരും യാത്ര ചെയ്തിരുന്നത്. കാര്‍ തടഞ്ഞു നിര്‍ത്തിയശേഷം കാറിന്റെ ചില്ല് അക്രമികള്‍ കല്ലുവെച്ച് തകര്‍ക്കാന്‍ ശ്രമിച്ചിരുന്നു.

സംഭവത്തില്‍ ഇരുതാരങ്ങള്‍ക്കും പരിക്കൊന്നുമില്ലെന്നും ഇരുവരും സുരക്ഷിതരാണെന്നും ആഴ്‌സണല്‍ വക്താവ് അറിയിച്ചു. സംഭവത്തില്‍ അന്വേഷണം തുടങ്ങിയെങ്കിലും ഇതുവരെ ആരെയും അറസ്റ്റ് ചെയ്തിട്ടില്ല. ഇതാദ്യമായല്ല ലണ്ടനിലെ തെരുവില്‍ ഫുട്‌ബോള്‍ താരങ്ങള്‍ അക്രമണത്തിന് ഇരയാകുന്നത്. 2016ല്‍ മുന്‍ വെസ്റ്റ് ഹാം താരം ആന്‍ഡി കാരളിനെ അക്രമികള്‍ തോക്കുചൂണ്ടി ഭീഷണിപ്പെടുത്തിയിരുന്നു.

Get yourself a friend that fights for you the way Sead Kolasinac fights and defends Mesut Ozil.
Give this guy a medal! pic.twitter.com/jzWSSuWMPA

— ThatNaijaYarn (@Thatnaijayarn) July 25, 2019

ഓസിലും സഹതാരം ഇല്‍ക്കെ ഗുണ്ടോകനും ജര്‍മനിയുടെ ലോകകപ്പ് ടീം പ്രഖ്യാപിക്കുന്നതിന് തൊട്ട് മുമ്പാണ് ഉര്‍ദുഗാനുമായി കൂടിക്കാഴ്ച്ച നടത്തിയത്. ഇരു താരങ്ങളും തുര്‍ക്കി വംശജരാണ്. എന്നാല്‍ കൂടിക്കാഴ്ച്ച യാതൊരു രാഷ്ട്രീയ പ്രധാന്യവുമില്ലെന്ന് ഗുണ്ടോകന്‍ വ്യക്തമാക്കിയിരുന്നു. എന്നാല്‍ കൂടിക്കാഴ്ചയെ കുറിച്ച് പ്രതികരിക്കാന്‍ ഓസില്‍ ഇതുവരെ തയ്യാറായിട്ടില്ല.

ഉര്‍ദുഗാനുമായി കൂടിക്കാഴ്ച്ച നടത്തിയ ഓസിലിനെ ജര്‍മന്‍ ടീമില്‍ ഉള്‍പ്പെടുത്തരുതായിരുന്നു എന്ന് ജര്‍മന്‍ ടീം മാനേജര്‍ ഒലിവര്‍ ബീര്‍ഹോഫ് പറഞ്ഞിരുന്നു. സംഭവത്തെ കുറിച്ച് വിശദീകരിക്കാന്‍ ഓസില്‍ തയ്യാറാവണം. ജര്‍മന്‍ ആരാധകരും മാനേജ്‌മെന്റും ഓസിലിന്റെ വിശദീകരണത്തിനായി കാത്തിരിക്കുകയാണ്-ഗ്രിന്‍ഡല്‍ പറഞ്ഞു. ഓസിലിന്റെ ഭാവി സംബന്ധിച്ച് തീരുമാനമെടുക്കേണ്ടത് കോച്ചാണെന്നും ഗ്രിന്‍ഡല്‍ വ്യക്തമാക്കി.

അതേസമയം മാനേജര്‍ ഒലിവര്‍ ബീര്‍ഹോഫിന്റെ പ്രസ്താവനക്കെതിരെ രൂക്ഷ വിമര്‍ശനവുമായി ഓസിലിന്റെ പിതാവ് രംഗത്തെത്തി. പരാജയത്തിന്റെ ഉത്തരവാദിത്തത്തില്‍ നിന്ന് രക്ഷപ്പെടാന് ഓസിലിനെ കുറ്റപ്പെടുത്തുകയാണ്. കഴിഞ്ഞ ഒമ്പത് വര്‍ഷമായി ഓസില്‍ ജര്‍മന്‍ ടീമിന് വേണ്ടി കളിക്കുന്നുണ്ട്. ലോകകപ്പ് നേടിയതടക്കം നിരവധി നേട്ടങ്ങളില്‍ അവന്‍ പങ്കാളിയായിരുന്നു. ടീം വിജയിക്കുമ്പോള്‍ എല്ലാവരുടേയും വിജയവും പരാജയപ്പെടുമ്പോള്‍ ഓസിലിന്റെ മാത്രം കുറ്റവുമാകുന്നതെങ്ങിനെയാണ്-മുസ്തഫ ചോദിച്ചു.

നിലവിലെ ലോക ചാമ്പ്യന്‍മാരായ ജര്‍മനി റഷ്യന്‍ ലോകകപ്പില്‍ ഗ്രൂപ്പ് ഘട്ടത്തില്‍ തന്നെ പുറത്തായിരുന്നു. ഈ സാഹചര്യത്തിലാണ് ഓസിലിനെ കുറിച്ചുള്ള വിവാദം ഉയര്‍ന്നു വന്നിരിക്കുന്നത്.