ആദ്യം ഡ്രൈവറുടെ പെരുമാറ്റം അവഗണിച്ചെങ്കിലും വീണ്ടും കാറിനെ ഓവര്‍ടേക്ക് ചെയ്തു മോശമായി ആംഗ്യം കാണിച്ചതോടെ എംപി ഡ്രൈവറെ പിന്തുടരുകയും ടാക്‌സി നമ്പര്‍ അടക്കം വിവരങ്ങള്‍ പൊലീസിനു കൈമാറുകയായിരുന്നു. തുടര്‍ന്നു നടത്തിയ അന്വേഷണത്തിലാണു കൊല്‍ക്കത്ത പൊലീസ് പ്രതിയെ പിടികൂടിയത്.

ലൈംഗിക കുറ്റകൃത്യം തടയല്‍ നിയമപ്രകാരമാണ് കേസ്. ഐപിസി സെക്ഷന്‍ 354, 354 എ, 354 ഡി, 509 എന്നീ വകുപ്പുകളാണു ടാക്‌സി ഡ്രൈവര്‍ക്കെതിരേ ചുമത്തിയിരിക്കുന്നത്. താന്‍ ഇപ്പോള്‍ ഇത് അവഗണിക്കുകയാണെങ്കില്‍, മറ്റൊരു സ്ത്രീ ആ ടാക്‌സിയില്‍ യാത്ര ചെയ്താല്‍ ഉപദ്രവമുണ്ടാകുമെന്നു തോന്നിയതുകൊണ്ടാണ് പൊലീസിനെ സമീപിച്ചതെന്നു മിമി ചക്രബര്‍ത്തി പറഞ്ഞു. ജാദവ്പുര്‍ മണ്ഡലത്തില്‍ നിന്നാണ് മിമി ചക്രബര്‍ത്തി എംപിയായി ലോക്‌സഭയിലെത്തിയത്.

വ്യവസായി നിഖില്‍ ജെയിനുമായുള്ള വിവാഹത്തിനായി തുര്‍ക്കിയിലായിരുന്നതിനാല്‍ ലോക്‌സഭാസമ്മേളനത്തിന്റെ ആദ്യദിനം നുസ്രത്ത് ജഹാന് സത്യപ്രതിജ്ഞ ചെയ്യാന്‍ സാധിച്ചിരുന്നില്ല. വിവാഹത്തില്‍ പങ്കെടുക്കാന്‍ പോയതിനാല്‍ മിമി ചക്രബര്‍ത്തിയും സത്യപ്രതിജ്ഞ ചെയ്തിരുന്നില്ല. തെരഞ്ഞെടുപ്പ് പ്രചാരണവേളയിലുള്‍പ്പെടെ വേഷത്തിന്റെ കാര്യത്തില്‍ ഇരുവരും വിമര്‍ശിക്കപ്പെട്ടിരുന്നു. സത്യപ്രതിജ്ഞക്കു ശേഷം സ്പീക്കര്‍ ഓംബിര്‍ളയെ ഇരുവരും വണങ്ങിയിരുന്നു.