തെരഞ്ഞെടുപ്പ് നടക്കുന്ന ഏറ്റവും ചെറിയ സംസ്ഥാനമായ മിസോറാമില്‍ 40 നിയമസഭാ സീറ്റിലേക്ക് വോട്ടെടുപ്പ് നടക്കും. 90 നിയമസഭാ സീറ്റുകളുള്ള ഛത്തീസ്ഗഢില്‍ ആദ്യഘട്ട വോട്ടെടുപ്പാണിന്ന്. 20 സീറ്റില്‍ ഇന്ന് ജനവിധി നടക്കും. തെരഞ്ഞെടുപ്പ് നടക്കാനിരിക്കെ ഛത്തീസ്ഗഢിലെ കാംകെറില്‍ ഇന്നലെ സ്‌ഫോടനം ഉണ്ടായി. ഒരു ബിഎസ്എഫ് കോണ്‍സ്റ്റബിളിനും രണ്ട് തിരഞ്ഞെടുപ്പ് ഉദ്യോഗസ്ഥര്‍ക്കും പരിക്കേറ്റു.

അര്‍ദ്ധ സൈനികവിഭാഗങ്ങളും സംസ്ഥാന പൊലീസും ഈ ജില്ലകളില്‍ പൂര്‍ണ്ണമായും വിന്യസിച്ചിരിക്കുകയാണ്. ഡ്രോണ്‍ നിരീക്ഷണം ഉള്‍പ്പടെ പ്രശ്‌നബാധിത ബൂത്തുകളില്‍ ഒരുക്കിയിട്ടുണ്ട്.

കുമ്മനം മിസോറാമിന് ചേര്‍ന്ന ഗവര്‍ണറല്ലെന്നും അദ്ദേഹം ആര്‍.എസ്.എസിന്റെയും ഹിന്ദു ഐക്യവേദിയുടെയും സജീവ പ്രവര്‍ത്തകനാണെന്നും പി.ആര്‍.ഐ.എസ്.എം ഇറക്കിയ വാര്‍ത്താ കുറിപ്പില്‍ പറയുന്നു. കുമ്മനത്തെ മാറ്റി പകരം സൗമ്യനായ ഒരാളെ ഗവര്‍ണറാക്കണമെന്നാണ് െ്രെകസ്തവ സംഘടന ആവശ്യപ്പെടുന്നത്.

അതിനിടെ, കുമ്മനം രാജശേഖരന്‍ മിസോറാം ഗവര്‍ണറായി സത്യപ്രതിജ്ഞ ചെയ്തു. ഡല്‍ഹിയില്‍ നിന്നും വിമാനമാര്‍ഗം ഗുവാഹത്തിയില്‍ എത്തിയ അദ്ദേഹം അവിടെ നിന്നും ഐസോളിലേക്ക് തിരിക്കുകയായിരുന്നു. കഴിഞ്ഞ ദിവസമാണ് ബി.ജെ.പി സംസ്ഥാന അദ്ധ്യക്ഷനായ കുമ്മനം രാജേശഖരനെ മിസോറാം ഗവര്‍ണറായി രാഷ്ട്രപതി നിയമിച്ചത്. സത്യപ്രതിജ്ഞാ ചടങ്ങില്‍ ബി.ജെ.പി സംസ്ഥാന നേതൃത്വത്തില്‍ നിന്നാരും പങ്കെടുത്തിട്ടില്ല.

രാഷ്ട്രപതി ഭവനാണ് ഉത്തരവിറക്കിയത്. ബി.ജെ.പി സംസ്ഥാന അദ്ധ്യക്ഷ പദവിയും അപ്രതീക്ഷിതമായിട്ടായിരുന്നു കുമ്മനത്തെ തേടിയെത്തിയത്. ബി.ജെ.പി ദേശീയ അദ്ധ്യക്ഷന്‍ അമിത് ഷായുടെ പ്രത്യേക നിര്‍ദ്ദേശ പ്രകാരമാണ് കുമ്മനത്തിന്റെ പേര് പരിഗണിച്ചത്.1987ല്‍ സര്‍ക്കാര്‍ സര്‍വീസില്‍ നിന്ന് രാജിവച്ച അദ്ദേഹം രാഷ്ട്രീയ സ്വയം സേവക സംഘത്തിന്റെ മുഴുവന്‍ സമയ പ്രവര്‍ത്തകനായി.