റിപ്പോര്‍ട്ട് പ്രകാരം, വേണുവിന്റെ ക്രിയാറ്റിന്‍ ലെവല്‍ സാധാരണ നിലയിലായിരുന്നു ശരീരത്തില്‍ സാധാരണയായി കാണേണ്ട 1.4 എന്ന അളവില്‍ നിന്നും ചെറുതായി മാത്രമേ വ്യത്യാസമുണ്ടായിരുന്നുള്ളൂ. അതിനാല്‍ ആന്‍ജിയോഗ്രാം ചെയ്യുന്നതില്‍ സാങ്കേതിക തടസ്സമൊന്നും ഉണ്ടായിരുന്നില്ല.

എന്നിട്ടും, ചികിത്സ ലഭിച്ചില്ലെന്നും അനാസ്ഥയാണ് ഭര്‍ത്താവിന്റെ മരണത്തിന് കാരണം എന്നാരോപിച്ച് വേണുവിന്റെ ഭാര്യ സിന്ധു മുമ്പ് രംഗത്തെത്തിയിരുന്നു. ”നിലത്ത് തുണി വിരിച്ച് ഭര്‍ത്താവിനെ കിടത്തേണ്ടി വന്നു, കട്ടില്‍ പോലും നിഷേധിച്ചു,” എന്നായിരുന്നു അവരുടേതായ ഗുരുതര ആരോപണം.

അതേസമയം, ഹൃദ്രോഗ വിഭാഗം ഈ ആരോപണങ്ങള്‍ നിഷേധിച്ചു. രോഗി ഗുരുതരാവസ്ഥയിലാണ് എത്തിയത്, ശ്വാസകോശത്തില്‍ പെട്ടെന്നുണ്ടായ നീര്‍ക്കെട്ടാണ് മരണത്തിന് കാരണമെന്ന് അവര്‍ വ്യക്തമാക്കി.

എന്നാല്‍, പുതിയ റിപ്പോര്‍ട്ടിലൂടെ മെഡിക്കല്‍ കോളജ് അധികൃതരുടെ വാദം തള്ളിക്കളയപ്പെട്ടതോടെ, ചികിത്സാ വീഴ്ചയുണ്ടായോയെന്ന ചര്‍ച്ച വീണ്ടും ശക്തമാകുകയാണ്.

മെഡലുകളില്‍ മുഖ്യമന്ത്രിയുടെ എന്നതിന് പകരം ‘മുഖ്യമന്ത്രയുടെ’ എന്നാണ് രേഖപ്പെടുത്തിയത്. പൊലീസ് മെഡല്‍ എന്നത് തെറ്റായി ‘പോലസ് മെഡന്‍’ എന്നും രേഖപ്പെടുത്തിയിട്ടുണ്ട്. മെഡല്‍ ജേതാക്കളായ പൊലീസുകാര്‍ ഇത്തരം അക്ഷരത്തെറ്റുകള്‍ കണ്ടെതിനെ തുടര്‍ന്ന് മേലധികാരികളോട് വിവരം അറിയിക്കുകയായിരുന്നു. പിന്നാലെ ഡിജിപി വിഷയത്തില്‍ ഇടപെട്ട് എത്രയും പെട്ടെന്ന് മെഡലുകള്‍ തിരിച്ചുവാങ്ങാന്‍ നിര്‍ദേശം നല്‍കി. കൂടാതെ, അക്ഷരത്തെറ്റുകള്‍ തിരുത്തി പുതിയ മെഡലുകള്‍ നല്‍കാന്‍ മെഡലുകള്‍ നിര്‍മിക്കാന്‍ കരാറെടുത്ത സ്ഥാപനത്തോടും നിര്‍ദ്ദേശിച്ചിട്ടുണ്ട്.

കഴിഞ്ഞ ദിവസം തിരുവനന്തപുരം എസ്എപി ഗ്രൗണ്ടില്‍ നടന്ന ചടങ്ങില്‍ 264 ഉദ്യോഗസ്ഥര്‍ക്കാണ് മെഡല്‍ ലഭിച്ചത്. ഇതില്‍ പകുതിയോളം മെഡലുകളിലും അക്ഷരത്തെറ്റുകള്‍ കണ്ടെത്തിയിട്ടുണ്ട്.

ഗുരുതരമായ പിഴവ് സംഭവിച്ചിട്ടും അത് കണ്ടെത്താനോ പരിഹരിക്കാനോ മുഖ്യമന്ത്രിയുടെ തന്നെ കീഴിലുള്ള ആഭ്യന്തര വകുപ്പിന് കഴിഞ്ഞില്ല. തിരുവനന്തപുരത്ത് എസ്.എ.പി ഗ്രൗണ്ടിൽ നടന്ന ചടങ്ങിലാണ് അക്ഷര തെറ്റുകൾ നിറഞ്ഞ മെഡൽ വിതരണം നടന്നത്.264 പൊലീസ് ഉദ്യോഗസ്ഥർക്കാണ് മുഖ്യമന്ത്രി മെഡൽ സമ്മാനിച്ചത്.

കേരളപ്പിറവി ദിനാഘോഷത്തിന്‍റെ ഭാഗമായാണു കഴിഞ്ഞ ദിവസം 264 പൊലീസുകാർക്ക് മെഡൽ വിതരണം ചെയ്തത്. ഇതില്‍ നിരവധി പേര്‍ക്ക് ലഭിച്ച മെഡലുകളിലാണു അക്ഷരത്തെറ്റുള്ളത്. പകരം മെഡലുകൾ നൽകാൻ ടെൻഡർ എടുത്ത സ്ഥാപനത്തിന് ഡിജിപി നിർദേശം നല്‍കി.

അവരോട് ചോദിച്ചറിഞ്ഞത് ലൈംഗിക അതിക്രമങ്ങളെക്കുറിച്ച് മാത്രമാണെന്ന് പറഞ്ഞ ഭാഗ്യലക്ഷ്മി സിനിമാ മേഖലയില്‍ വേറെയും പ്രശ്‌നങ്ങളുണ്ടെന്നും വാര്‍ത്താ സമ്മേളനത്തില്‍ പറഞ്ഞു.

സിനിമയില്‍ സ്ത്രീകള്‍ക്കെതിരെ സ്ത്രീകളുടെ തന്നെ കൂട്ടായ്മകള്‍ പ്രവര്‍ത്തിക്കുന്നുണ്ടെന്ന് പറഞ്ഞ ഇവര്‍ ഫെഫ്ക പോലുള്ള സംഘടനകളെ തകര്‍ക്കാന്‍ ഈ കൂട്ടായ്മകള്‍ ശ്രമിക്കുന്നുണ്ടെന്നും പറഞ്ഞു. കൂടാതെ ഡബ്ല്യു.സിസി അംഗങ്ങള്‍ക്കെതിരെ ഉയര്‍ന്ന ആരോപണങ്ങളിലും അന്വേഷണം വേണമെന്നും ഭാഗ്യലക്ഷ്മി ആവശ്യപ്പെട്ടിട്ടുണ്ട്.

‘ആ റിപ്പോര്‍ട്ട് പുറത്ത് വന്ന അന്ന് മുതല്‍ സിനിമാ ലോകത്ത് ഉള്ള എല്ലാ സ്ത്രീകളും അപമാനിക്കപ്പെട്ടുകൊണ്ടിരിക്കുകയാണ്. കേവലം നടി നടന്മാരെ മാത്രമാണ് നിങ്ങള്‍ കണ്ടത്. എന്റെ കൂടെ ഇവിടെയുള്ള ആരെയെങ്കിലും നിങ്ങള്‍ മുമ്പ് കണ്ടിട്ടുണ്ടോ?.

ഇവര്‍ക്കെല്ലാവര്‍ക്കും മാധ്യമങ്ങളുടെ മുന്നില്‍ വരാന്‍ ഭയമാണ് കാരണം ഇവരെയും നിങ്ങള്‍ മാധ്യമങ്ങള്‍ പീഡിപ്പിക്കപ്പെട്ടവരായി ചിത്രീകരിക്കുമോ എന്ന പേടിയുണ്ട് ഇവര്‍ക്ക്,’ ഭാഗ്യലക്ഷ്മി വാര്‍ത്താ സമ്മേളനത്തില്‍ പറഞ്ഞു.

കഴിഞ്ഞ ദിവസം ഭാഗ്യലക്ഷ്മിക്കെതിരെ ഷൂട്ടിങ് സെറ്റിലെ ചില ആരോപണങ്ങള്‍ ഉന്നയിച്ച് മൂന്ന് ജൂനിയര്‍ ആര്‍ട്ടിസ്റ്റുകള്‍ രംഗത്തെത്തിയിരുന്നു. ഈ പശ്ചാത്തലത്തില്‍ നടന്ന പത്രസമ്മേളനത്തില്‍ ആണ് ഭാഗ്യലക്ഷ്മിയുടെ പ്രതികരണം. ഓഗസ്റ്റ് 31ന് ഹേമ കമ്മിറ്റി റിപ്പോര്‍ട്ട് ചര്‍ച്ച ചെയ്യാന്‍ ഫെഫ്കയിലെ വനിത അംഗങ്ങള്‍ ഉള്‍പ്പെടുന്ന ഒരു യോഗം വിളിച്ച് ചേര്‍ത്തിരുന്നെന്നും ആ സമ്മേളനത്തില്‍ രണ്ട് വ്യക്തികള്‍ മനപ്പൂര്‍വ്വം പ്രശ്‌നങ്ങള്‍ സൃഷ്ടിക്കാന്‍ ശ്രമിച്ചന്നെ് പറഞ്ഞ ഭാഗ്യലക്ഷ്മി അത് ഫെഫ്കയെ തകര്‍ക്കാനുള്ള ശ്രമത്തിന്റെ ഭാഗമാണെന്നും കൂട്ടിച്ചേര്‍ത്തു.

ഹേമ കമ്മിറ്റി സെലക്ടീവായി അഭിനേതാക്കളുടെ അഭിപ്രായം രേഖപ്പെടുത്തിയപ്പോള്‍ മേക്ക് അപ്പ് ആര്‍ട്ടിസ്റ്റ്, ഡബ്ബിങ് ആര്‍ട്ടിസ്റ്റ് എന്നീ മേഖലകളിലെ വിരലിലെണ്ണാവുന്ന ആളുകളുടെ മൊഴി മാത്രം ആണ് രംഗപ്പെടുത്തിയത്. അതിനപ്പുറത്തോക്ക് ഈ മേഖലയിലെ സ്ത്രീകളുടെ അഭിപ്രായം തേടാന്‍ കമ്മിറ്റി ശ്രമിച്ചില്ലെന്നും ഭാഗ്യലക്ഷ്മി കുറ്റപ്പെടുത്തി.

എന്നാൽ കോടതിവിധി നടപ്പിലാക്കാൻ ശ്രമിച്ച പൊലീസ് ആളുമാറി വടക്കേപ്പുറത്ത് അബൂബക്കറിന് പകരം ആലുങ്ങൽ അബൂബക്കറെ അറസ്റ്റ് ചെയ്യുകയായിരുന്നു. കോടതി അറസ്റ്റ് ചെയ്യാൻ ആവശ്യപ്പെട്ട വടക്കേപ്പുറത്ത് അബൂബക്കർ നിലവിൽ ഗൾഫിലാണ്. ആളുമാറിയെന്ന് വ്യക്തമായതോടെ തിരൂർ കുടുംബ കോടതി അബൂബക്കർ ആലുങ്ങലിനെ ജയിൽ മോചിതനാക്കി.

ചോറ്റി സ്വദേശി ശോശാമ്മയുടെ മൃതദേഹത്തിന് പകരം ചിറക്കടവ് സ്വദേശി കമലാക്ഷിയുടെ മൃതദേഹമായിരുന്നു ബന്ധുക്കള്‍ക്ക് നല്‍കിയത്. മോര്‍ച്ചറിയില്‍ അടുത്തടുത്ത അറകളിലാണ് ഇരുവരുടെയും മൃതദേഹം സൂക്ഷിച്ചിരുന്നത്. വിശദീകരണം തേടിയപ്പോള്‍ ശോശാമ്മയുടെ മൃതദേഹം ആളുമാറി ദഹിപ്പിച്ചെന്നായിരുന്നു ആശുപത്രി അധികൃതരുടെ മറുപടി.

കൂട്ടിക്കല്‍ സെന്റ് ലൂപ്പസ് സിഎസ്‌ഐ പള്ളിയില്‍ വ്യാഴാഴ്ച രാവിലെ പത്തുമണിയോടെയായിരുന്നു ശോശാമ്മ ജോണിന്റെ സംസ്‌കാരം നടത്തേണ്ടിയിരുന്നത്. അതിന്റെ ഭാഗമായി എട്ടുമണിയോടെ മൃതദേഹം ഏറ്റുവാങ്ങുന്നതിനായി കുടുംബാംഗങ്ങള്‍ എത്തിയപ്പോഴാണ് മൃതദേഹം മാറിപ്പോയതായി തിരിച്ചറിഞ്ഞത്.

ഇതോടെ ആശുപത്രി പരിസരത്ത് ബന്ധുക്കള്‍ ബഹളം വച്ചു. പൊലീസെത്തി പ്രശ്‌ന പരിഹാര ചര്‍ച്ചകള്‍ നടത്തി. വീഴ്ച്ച സംഭവിച്ചതിന് ആശുപത്രി മാനേജ്‌മെന്റ് മാപ്പു പറഞ്ഞു. ശോശാമ്മയുടെ മൃതദേഹം ദഹിപ്പിച്ച സ്ഥലത്ത് നിന്ന് ഭസ്മം ശേഖരിച്ച് കല്ലറയില്‍ നിക്ഷേപിക്കാന്‍ തയ്യാറാണെന്ന് മക്കള്‍ സമ്മതിച്ചു. കമലാക്ഷിയുടെ മൃതദേഹം മക്കള്‍ ഏറ്റുവാങ്ങി ചിറക്കടവിലേക്ക് കൊണ്ടുപോയി.

പനൈയൂരില്‍ നിന്ന് നീലാംഗരെയിലെ വസതിയിലേക്കെത്തിയ താരത്തിനെ വന്‍ വരവേല്‍പ്പോടെയാണ് ആരാധകര്‍ അനുഗമിച്ചിരുന്നത്. ഇതിനു ശേഷം പനൈയൂരിലെ ഗസ്റ്റ് ഹൗസിലെ കൂടിക്കാഴ്ചയ്ക്ക് ശേഷം സ്വന്തം വാഹനത്തില്‍ വീട്ടിലേക്ക് മടങ്ങുന്നതിനിടെയാണ് ഗതാഗത നിയമലംഘനം നടത്തിയത്. എന്നാല്‍ ആരാധകര്‍ പിന്നാലെ കൂടുകയായിരുന്നു. ഇതിനു പിന്നാലെയാണ് വിജയയുടെ െ്രെഡവര്‍ ചുവന്ന സിഗ്‌നല്‍ രണ്ടിലധികം സ്ഥലങ്ങളില്‍ തെറ്റിച്ചത്. സിഗ്‌നലുകളില്‍ വിജയ്യുടെ കാര്‍ നിര്‍ത്താതെ പോകുന്ന വീഡിയോകള്‍ സമൂഹമാധ്യമങ്ങളില്‍ വൈറലാവുകയും ചെയ്തിരുന്നു. ഇതിന് പിന്നാലെയാണ് താരത്തിന് ഗതാഗത നിയമലംഘനത്തിന് പിഴയിട്ടത്.

പ്രത്യേക ഉത്തരവിറക്കാതെ കുറെ ഉദ്യോഗസ്ഥര്‍ക്കു വാട്‌സാപ് സന്ദേശവും കൈമാറി. സേഫ് കേരള എന്‍ഫോഴ്സ്മെന്റ് സ്‌ക്വാഡിലുള്ള എംവിഐമാരെയും എഎംവിഐമാരെയും കണ്‍ട്രോള്‍ റൂമില്‍ നിയോഗിച്ച് ഓരോ കുറ്റവും എഎംവിഐമാരെയും കണ്‍ട്രോള്‍ റൂമില്‍ നിയോഗിച്ച് ഓരോ കുറ്റവും പരിശോധിച്ച് ഉറപ്പാക്കണമെന്നും നിര്‍ദേശമുണ്ട്. ശരാശരി 1000 ചിത്രങ്ങള്‍ വരെയേ പരമാവധി ഓരോ കണ്‍ട്രോള്‍ റൂമിലും പ്രതിദിനം പരിശോധിക്കാന്‍ കഴിയൂവെന്ന് ഉദ്യോഗസ്ഥര്‍ അറിയിച്ചിട്ടുണ്ട്.

ചൊവ്വാഴ്ച ഒരു കണ്‍ട്രോള്‍ റൂമില്‍ കംപ്യൂട്ടറില്‍ വിവരങ്ങള്‍ അപ്ലോഡ് ചെയ്തപ്പോള്‍ ഹെല്‍മറ്റ് ഇല്ലാത്ത കുറ്റത്തിന്
മണിക്കൂറില്‍ 1240 കിലോമീറ്റര്‍ വേഗത്തില്‍ വാഹനം ഓടിച്ചു എന്നാണു ചലാന്‍ തയാറായത്. അപ്പോള്‍തന്നെ എല്ലാ ചലാനും റദ്ദാക്കി ഉദ്യോഗസ്ഥര്‍ തടിയൂരി. ഹെല്‍മറ്റ് ഇല്ലെന്നും സീറ്റ് ബെല്‍റ്റ് ഇല്ലെന്നും ക്യാമറയുടെ എഡ്ജ് കംപ്യൂട്ടിങ്ങില്‍ രണ്ടിടത്ത് കണ്ടെത്തിയെങ്കിലും കണ്‍ട്രോള്‍ റൂമിലെ വിശദപരിശോധനയില്‍ രണ്ടും തെറ്റായിരുന്നെന്നു വ്യക്തമായി. നമ്പര്‍ പ്ലേറ്റില്‍ ഒരു സ്‌ക്രൂ ഉണ്ടെങ്കില്‍ അതു പൂജ്യമായാണ് ക്യാമറ വിലയിരുത്തുന്നത്.

എണ്ണം പെരുപ്പിച്ചുകാട്ടുന്നെങ്കിലും ഇതുവരെ ഒരു ഇ-ചലാന്‍ പോലും ക്യാമറ വഴി ജനറേറ്റ് ചെയ്തിട്ടില്ലാത്ത ജില്ലകളുണ്ട്.
സംസ്ഥാനത്തൊട്ടാകെയുള്ള ക്യാമറകളില്‍നിന്നു കണ്‍ട്രോള്‍ റൂമിലേക്കുള്ള ഡേറ്റാ ട്രാന്‍സ്ഫറിനു വേഗം തീരെയില്ല.
തലേദിവസത്തെ ചിത്രങ്ങളാണ് ഓരോ ദിവസവും കണ്‍ട്രോള്‍ റൂമില്‍ ലഭിക്കുന്നത്.

എന്നാല്‍ നോട്ടീസില്‍ പറയുന്ന ദിവസം തന്റെ വിവാഹ വാര്‍ഷികം ആയിരുന്നുവെന്നും അന്ന്് പുറത്തിറങ്ങിയിട്ടില്ലെന്നും അരവിന്ദാക്ഷന്‍ പറഞ്ഞു. കൂടാതെ പൊലീസ് അയച്ചു തന്ന ചിത്രത്തില്‍ കാണുന്നത് തന്റെ വാഹനമല്ല. അടുത്ത കാലത്തൊന്നും താന്‍ ആ പ്രദേശത്ത് പോയിട്ടില്ലെന്നും അദ്ദേഹം പറഞ്ഞു.

ഏപ്രില്‍ ഒമ്പതിന് കൊച്ചിന്‍ ഷിപ്‌യാര്‍ഡിന് സമീപം ഹെല്‍മറ്റ് വെക്കാതെ വണ്ടിയോടിച്ചെന്ന് കാണിച്ചാണ് എറണാകുളം സൗത്ത് സ്‌റ്റേഷനിലെ ട്രാഫിക് വിഭാഗം അരവിന്ദാക്ശപണിക്കര്‍ക്ക് നോട്ടീസ് അയച്ചത്. നോട്ടീസുള്ള ചിത്രത്തില്‍ വണ്ടി മാത്രമേയുള്ളൂ. ഹെല്‍മിറ്റില്ലാത്ത് ആളെപ്പറ്റി ഒരു സൂചനയുമില്ല.

ചെയ്യാത്ത തെറ്റിന് പിഴ അടക്കില്ലെന്ന നിലപാടിലാണ് മുന്‍ തപാല്‍ ജീവനക്കാരന്‍ കൂടിയായ അരവിന്ദാക്ഷ പണിക്കര്‍. പിഴയിട്ട നടപടി പൊലീസ് പിന്‍വലിച്ചില്ലെങ്കില്‍ കോടതിയെ സമീപിക്കാനാണ് തീരുമാനം.

ഒരു യാത്രക്കാരന്‍ ജക്കാര്‍ത്തയില്‍ നിന്നും ടോക്കിയോ വഴി കരീബിയനിലേക്കും തിരിച്ചും യാത്ര ചെയ്യുന്നതിന് ടിക്കറ്റ് ബുക്ക് ചെയ്തത് 73,000 രൂപയ്ക്കാണ്. സാധാരണ ഗതിയില്‍ ഈ ടിക്കറ്റുകള്‍ക്ക് 6.8 ലക്ഷം മുതല്‍ 8.5 ലക്ഷം വരെയാണ് ചാര്‍ജ് ഈടാക്കുന്നത്.

അതേ സമയം എയര്‍ലൈനിന്റെ വിയറ്റ്‌നാം വെബ്‌സൈറ്റില്‍ കറന്‍സി കൈമാറ്റം നടത്തിയപ്പോള്‍ മൂല്യ നിര്‍ണയത്തില്‍ വന്ന പിഴവാണ് നിസ്സാര വിലയ്ക്ക് ടിക്കറ്റ് വിറ്റുപോകാന്‍ കാരണമെന്ന് കമ്പനി അധികൃതര്‍ അറിയിച്ചു. എത്ര യാത്രക്കാര്‍ക്ക് ഇത്തരത്തില്‍ നിസ്സാര വിലയ്ക്ക് ടിക്കറ്റ് ലഭ്യമായി എന്ന് വ്യക്തമാക്കാന്‍ കമ്പനി തയാറായിട്ടില്ല.