കേരളത്തിലെ ഏറ്റവും അറിയപ്പെടുന്ന ഇസ്‌ലാം വിമര്‍ശകനാണ് ഇ.എ ജബ്ബാര്‍. മൂന്ന് പതിറ്റാണ്ടിലേറേയായി ഇസ്‌ലാമിനെയും ഖുര്‍ആനിനെയും വിമര്‍ശിക്കുക എന്നത് ജീവിതദൗത്യമായി ഏറ്റെടുത്ത് ഇസ്‌ലാം വിമര്‍ശനരംഗത്ത് സജീവമാണ് അദ്ദേഹം. ‘ഖുര്‍ആനിലെ അബദ്ധങ്ങള്‍, അശാസ്ത്രീയതകള്‍, അധാര്‍മികതകള്‍, പ്രവാചകന്റെ വിവാഹം, യുദ്ധം…’ എന്നിങ്ങനെ അദ്ദേഹം ഇസ്‌ലാമിനെ വിമര്‍ശിക്കാത്ത മേഖലകളില്ല എന്ന്തന്നെ വേണമെങ്കില്‍ പറയാം. മതപണ്ഡിതര്‍ക്കും ഇസ്‌ലാമിക പ്രബോധകര്‍ക്കുമൊന്നും ഖുര്‍ആനും ഇസ്‌ലാമും മനസ്സിലായിട്ടില്ല, മറിച്ച് ഇദ്ദേഹമാണ് അവയെല്ലാം ഗവേഷണംചെയ്ത് മുങ്ങിത്തപ്പി കാര്യങ്ങള്‍ മനസ്സിലാക്കിയ ഏക വ്യക്തി എന്നതാണ് അനുയായികളുടെ ധാരണ.
ഇദ്ദേഹവുമായാണ് കേരളത്തിലെ അറിയപ്പെടുന്ന ഇസ്‌ലാമിക പ്രബോധകനായ എം. എം അക്ബര്‍ നേരിട്ടൊരു സംവാദത്തിന് തയാറാകുന്നതും അതിന് മലപ്പുറത്തെ റോസ് ലോഞ്ച് ഹാള്‍ വേദിയാകുന്നതും. ഇരു ഭാഗത്തും ഏറ്റവും അറിയപ്പെടുന്ന വ്യക്തിത്വങ്ങളാണ് എന്നത് കൊണ്ടുതന്നെ കേരളം മുഴുക്കെ ശ്രദ്ധിക്കുന്ന സംവാദമായി അത് മാറുകയും ചെയ്തു. പതിനായിരങ്ങളാണ് വിവിധ ഓണ്‍ലൈന്‍ പ്ലാറ്റ്‌ഫോമുകളിലൂടെ സംവാദം തത്സമയം വീക്ഷിച്ചത്.
ഖുര്‍ആനില്‍ അവതരണ കാലഘട്ടമായ ആറാം നൂറ്റാണ്ടിലുള്ള ആളുകള്‍ക്ക് അറിവില്ലാത്ത, പിന്നീട് ശാസ്ത്രം കണ്ടെത്തിയ എന്തെങ്കിലും ഒരു അറിവ് കാണിച്ചുതന്നാല്‍ താന്‍ ഇസ്‌ലാം വിമര്‍ശനം അവസാനിപ്പിച്ച് മുസ്‌ലിമാകാന്‍ തയാറാണ് എന്ന ഇ.എ ജബ്ബാറിന്റെ വെല്ലുവിളിയായിരുന്നു സംവാദത്തിലേക്ക് നയിച്ചത്. അങ്ങനെ തെളിയിക്കാന്‍ താന്‍ ഒരുക്കമാണെന്നും താന്‍ പറയുന്ന ശാസ്ത്രീയ അറിവ് കൃത്യമാണോ എന്ന് പരിശോധിക്കാന്‍ ശാസ്ത്രജ്ഞന്മാരുടെ പാനലിനെ അടക്കം നിയോഗിക്കണം എന്നുമാവശ്യപ്പെട്ടാണ് എം.എം അക്ബര്‍ വെല്ലുവിളി ഏറ്റെടുത്തത്. എന്നാല്‍ അത്തരം ഒരു പാനല്‍ ആവശ്യമില്ലെന്ന് പറഞ്ഞ് യുക്തിവാദിപക്ഷം അതിനെ എതിര്‍ക്കുകയായിരുന്നു. സംവാദ സംഘാടകര്‍ കേരള യുക്തിവാദി സംഘം ആയതുകൊണ്ട്തന്നെ തികച്ചും ഏകപക്ഷീയമായ രീതിയിലായിരുന്നു സംവാദഘടന നിശ്ചയിക്കപ്പെട്ടത്. മുസ്‌ലിം പക്ഷത്ത് നിന്ന് ആവര്‍ത്തിച്ച് ആവശ്യപ്പെട്ടിട്ടും സംവാദഘടനയില്‍ യാതൊരു മാറ്റവും വരുത്താന്‍ യുക്തിവാദി സംഘം തയാറായില്ല. എന്നാല്‍ തങ്ങളുടെ നിബന്ധനകള്‍ പൂര്‍ണമായും അവഗണിക്കപ്പെട്ടെങ്കിലും സംവാദത്തിന് പങ്കെടുക്കാന്‍തന്നെ തീരുമാനിക്കുകയായിരുന്നു മുസ്‌ലിം പക്ഷം.
സംവാദവേദിയില്‍ ആദ്യം വിഷയം അവതരിപ്പിച്ചത് വെല്ലുവിളി ഉയര്‍ത്തിയ ഇ.എ ജബ്ബാറായിരുന്നു. ഒരു മണിക്കൂര്‍ അവതരണത്തില്‍ പകുതിയിലേറെ സമയം അദ്ദേഹം ചെലവഴിച്ചത് തന്റെ വെല്ലുവിളി ഒരു സംവാദ വെല്ലുവിളി ആയിരുന്നില്ല എന്നും തന്റെ യുക്തിവാദി സുഹൃത്തുക്കള്‍ പോലും ഈ വെല്ലുവിളി യുക്തിരഹിതമാണെന്ന് തന്നോട് ബോധ്യപ്പെടുത്തി എന്നുമെല്ലാം വിശദീകരിക്കാനായിരുന്നു. ബാക്കി സമയം താന്‍ ഇത്രയുംകാലം ഉന്നയിച്ചുകൊണ്ടിരുന്ന ഖുര്‍ആന്‍ ശാസ്ത്ര വിഷയത്തിലെ വിമര്‍ശനങ്ങളുടെ പവര്‍പോയിന്റ് പ്രസന്റേഷന്‍ പ്രദര്‍ശിപ്പിക്കാനും അദ്ദേഹം വിനിയോഗിച്ചു. ഖുര്‍ആനില്‍ എല്ലാ ശാസ്ത്രവും ഉണ്ട് എന്നാണ് മുസ്‌ലിംകളുടെ വാദമെന്നും അത് അബദ്ധമാണ് എന്നുമാണ് അദ്ദേഹം പറഞ്ഞുവെക്കാന്‍ ശ്രമിച്ചത്.
എം.എം അക്ബറിന്റെ വിഷയാവതരണത്തില്‍ ആദ്യം തന്നെ അദ്ദേഹം ചെയ്തത് ഖുര്‍ആനില്‍ എല്ലാ ശാസ്ത്രവും ഉണ്ട് എന്നോ ഖുര്‍ആന്‍ ശാസ്ത്രം പഠിപ്പിക്കാനിറങ്ങിയ ഗ്രന്ഥമാണെന്നോ മുസ്‌ലിംകള്‍ക്ക് വാദമില്ലെന്നും, മറിച്ച് ശാസ്ത്രം ഏറെ മുന്നോട്ടു കുതിച്ച ഈ കാലഘട്ടത്തിലും ഒരു അബദ്ധം പോലും ഖുര്‍ആനിലില്ല എന്നതാണ് അതിന്റെ അമാനുഷികത എന്നും പറഞ്ഞുകൊണ്ടായിരുന്നു. അതുകൊണ്ട് തന്നെ ഇ.എ ജബ്ബാര്‍ നടത്തിയ പ്രസന്റേഷന്‍ മുസ്‌ലിംകള്‍ക്ക് ഇല്ലാത്ത വാദം അവരുടെമേല്‍ വെച്ചുകെട്ടി മറുപടി പറയല്‍ മാത്രമാണെന്നും അക്ബര്‍ വാദിച്ചു.
അതിന് ശേഷം തന്നെ ഏല്‍പ്പിക്കപ്പെട്ട ദൗത്യം ഖുര്‍ആനില്‍ നിന്ന് ആറാം നൂറ്റാണ്ടിലുള്ള മനുഷ്യര്‍ക്ക് അറിവില്ലാത്ത, പിന്നീട് ശാസ്ത്രം കണ്ടെത്തിയ ഒരറിവ് സമര്‍ത്ഥിക്കലാണെന്നും അതിലേക്ക് കടക്കുകയാണെന്നും പറഞ്ഞുഖുര്‍ആനിലെ സൂറത്തുന്നൂറിലെ 40 ാം ആയത്ത് സദസ്സിനെ കേള്‍പ്പിച്ചു. ആഴക്കടലിലെ അന്ധകാരങ്ങളെപറ്റിയും ആന്തരിക തിരമാലകളെ പറ്റിയുമെല്ലാം ഖുര്‍ആന്‍ പരാമര്‍ശിക്കുന്നുണ്ടെന്ന് അദ്ദേഹം അര്‍ത്ഥസഹിതം വിശദീകരിച്ചു. ഈ ആയത്തിന് താന്‍ സ്വന്തം വകയില്‍ അര്‍ത്ഥം പറയുന്നതല്ലെന്നും അതിനായി ഇംഗ്ലീഷ് അറബിക് ലെക്‌സിക്കോണുകള്‍ എതിര്‍ സംവാദകനോ മറ്റുള്ളവര്‍ക്കോ പരിശോധിക്കാം എന്നുപറഞ്ഞു എട്ടു വാല്യങ്ങള്‍ അടങ്ങിയ ലക്‌സിക്കോണുകള്‍ മേശപ്പുറത്ത് സമര്‍പ്പിക്കുകയും ശേഷം ഖുര്‍ആന്‍ ഈ പറഞ്ഞ കാര്യങ്ങള്‍ പൂര്‍ണമായും കൃത്യമാണ് എന്നതിന് ഓഷ്യനോളജിയിലെ ഏറ്റവും പുതിയ പഠനങ്ങള്‍ സ്‌ക്രീനില്‍ പ്രദര്‍ശിപ്പിച്ചുകൊണ്ടായിരുന്നു എം. എം അക്ബര്‍ വിഷയം അവതരിപ്പിച്ചത്. ഇക്കാര്യങ്ങള്‍ ആറാം നൂറ്റാണ്ടിലേതെന്നല്ല ഒരു നൂറ്റാണ്ടിലെയും നാടോടികള്‍ക്ക് അറിവില്ലായിരുന്നുവെന്നും ഇരുപതാം നൂറ്റാണ്ടില്‍ മാത്രം നാം മനസ്സിലാക്കിയ വസ്തുതകളാണെന്നും മറിച്ച് തെളിയിക്കാന്‍ എതിര്‍ സംവാദകന് ബാധ്യതയുണ്ടെന്നും പറഞ്ഞു എം.എം അക്ബര്‍ നാല്പത് മിനുട്ടില്‍ വിഷയാവതരണം അവസാനിപ്പിച്ചപ്പോള്‍ എല്ലാ ശ്രദ്ധയും ഇ.എ ജബ്ബാറിലേക്ക് തിരിയുകയായിരുന്നു.
അക്ബര്‍ ഉദ്ധരിച്ച കാര്യം അബദ്ധമാണെന്നോ, അതല്ലെങ്കില്‍ ആറാം നൂറ്റാണ്ടിലുള്ളവര്‍ക്ക് അറിവുണ്ടെന്നോ സമര്‍ത്ഥിക്കാന്‍ ഇ.എ ജബ്ബാറിന് കഴിയുമോ എന്ന ആകാംക്ഷയില്‍ കാത്തിരുന്ന സദസ്സിനെ പൂര്‍ണ നിരാശയിലേക്ക് തള്ളിവിട്ടു ‘അക്ബര്‍ ഉദ്ധരിച്ചതിന് താന്‍ ഇപ്പോള്‍ മറുപടി പറയുന്നില്ല, അടുത്ത അവസരത്തില്‍ ചെയ്യാം’ എന്നു പറഞ്ഞ് താന്‍ നേരത്തെ പ്രദര്‍ശിപ്പിച്ച പവര്‍പോയിന്റ് പ്രസന്റേഷന്‍ തുടരുകയായിരുന്നു അദ്ദേഹം! നേര്‍ക്കുനേര്‍ സംവാദവേദിയില്‍ എതിരാളിയെ ലഭിച്ചിട്ടും ഖണ്ഡിക്കാനുള്ള അവസരമായിരുന്നിട്ടും അതിന് ശ്രമിക്കുകപോലും ചെയ്യാതെ മുന്‍പേ തയാറാക്കി കൊണ്ടുവന്ന കാര്യം അവതരിപ്പിക്കുന്ന സംവാദകനെ സംവാദചരിത്രത്തില്‍തന്നെ കാണാന്‍ സാധിക്കുമോ എന്നത് സംശയമാണ്. ഇദ്ദേഹത്തെ പോലുള്ളവരുടെ മുന്നില്‍ ഇസ്‌ലാം മതപണ്ഡിതരെ നേരിട്ട് സംവാദത്തിന് കിട്ടിയാല്‍ പലതും സംഭവിക്കും എന്ന് കരുതിയ അനുയായികള്‍പോലും ഒരുവേള മൂക്കത്ത് കൈവെച്ച് ഇരുന്നിട്ടുണ്ടാകാം!
തന്റെ ഒന്നാം ഖണ്ഡന വേളയില്‍ എം.എം അക്ബര്‍ വസ്തുനിഷ്ഠമായി ജബ്ബാറിന്റെ വാദങ്ങളെ ഖണ്ഡിക്കാന്‍തന്നെ തയാറായപ്പോള്‍ തെളിവുകളും രേഖകളും ഉന്നയിക്കാന്‍ കഴിയുന്നവരും കേവലം ഇസ്‌ലാം വിമര്‍ശന സൈറ്റുകളില്‍ ഉള്ളത് അപ്പടി വിഴുങ്ങാന്‍ മാത്രമറിയാവുന്ന എതിര്‍ സംവാദകന്‍ ഉന്നയിക്കുന്ന വാദങ്ങളോട് പ്രതികരിക്കാന്‍ പോലുമാകാത്തവരും തമ്മിലുള്ള അന്തരം പ്രേക്ഷകര്‍ തിരിച്ചറിയുകയായിരുന്നു.
തന്റെ രണ്ടാം ഖണ്ഡന അവസരമായപ്പോഴേക്ക് എം.എം അക്ബര്‍ ഉദ്ധരിച്ച വിഷയത്തിന് ഒരു പ്രമുഖ ഇസ്‌ലാം വിമര്‍ശന വെബ്‌സൈറ്റില്‍ കൊടുത്ത മറുപടി അപ്പടി ഉദ്ധരിക്കാന്‍ ശ്രമിച്ചു ഇ.എ ജബ്ബാര്‍. ബൈബിളില്‍ തിരമാല, അഴക്കടല്‍ എന്നീ പദങ്ങള്‍ ഒരുമിച്ച് ഒരു വാചകത്തില്‍ വന്നിട്ടുണ്ടെന്നും അതുകൊണ്ട് ഇത് ഖുര്‍ആനില്‍ മാത്രമുള്ള അത്ഭുതമല്ലെന്നും പറയാന്‍ ശ്രമിച്ചു അദ്ദേഹം. എന്നാല്‍ ആ വെബ്‌സൈറ്റ് അടക്കം പരിശോധിച്ചിട്ടാണ് താന്‍ വരുന്നതെന്നും ബൈബിളിലെ യോനായിലെ പ്രസ്തുത വാചകത്തില്‍ ഖുര്‍ആനിലേത് പോലെ ആഴക്കടലിലെ അടുക്കുകളുള്ള ഇരുട്ടിനെ പറ്റിയോ, അവിടേക്ക് പ്രകാശം എത്താത്തതിനെ പറ്റിയോ ആന്തരിക തിരമാലകളെ പറ്റിയോ ഒന്നും സൂചന പോലുമില്ലെന്നും കേവലം തിരമാല എന്നും ആഴക്കടല്‍ എന്നുമുള്ള പദങ്ങള്‍ ഉണ്ട് എന്നത്‌കൊണ്ട് മാത്രം വെബ്‌സൈറ്റ് നോക്കി അത് പൊക്കിപ്പിടിച്ചുവരുന്നത് നാണക്കേടാണെന്നും എം.എം അക്ബര്‍ പറഞ്ഞതോടെ ഖണ്ഡിക്കാനുള്ള ചെറുശ്രമവും ജബ്ബാറിന് ഉപേക്ഷിക്കേണ്ടിവന്നു.
ഇത്രയും കാലം കേരളത്തില്‍ ഖുര്‍ആനിനെ പറ്റി ആധികാരികമായി പറയാന്‍ അര്‍ഹതയുള്ള വ്യക്തിയെന്ന് വാദിച്ചു നടന്ന ഇസ്‌ലാം വിമര്‍ശകന്റെ അനിവാര്യമായ പതനത്തിനായിരുന്നു മലപ്പുറം റോസ് ലോഞ്ച് ഓഡിറ്റോറിയവും ഓണ്‍ലൈനിലൂടെ പതിനായിരങ്ങളും സാക്ഷിയായത്. ഇസ്‌ലാമിനെ വിമര്‍ശിക്കാന്‍ ജീവിതം ഒഴിഞ്ഞുവെച്ചവര്‍ക്ക് ഖുര്‍ആനിനെ പറ്റിയോ ആധുനിക ശാസ്ത്രത്തെ പറ്റിയോ ഒരുവേള താന്‍ ഉന്നയിക്കുന്ന വിമര്‍ശനങ്ങളെപറ്റി പോലുമോ ഉള്ള പ്രാഥമിക വിവരം പോലുമില്ലെന്ന് നിഷ്പക്ഷര്‍ക്ക്‌പോലും ബോധ്യപ്പെടുന്ന തരത്തിലായിരുന്നു സംവാദം അവസാനിച്ചത്. ഇസ്‌ലാം വിരോധം തലയില്‍ കയറി വിഭ്രാന്തി പിടിച്ചവരെപോലെ പെരുമാറുന്ന ഇസ്‌ലാം വിരുദ്ധ പക്ഷത്തെ സദസ്യരുടെ വികാരപ്രകടനങ്ങളും ഒച്ചവെക്കലുകളും അക്ബറിന്റെ സംസാരത്തിനിടയില്‍ പോലുമുള്ള ഉച്ചത്തിലുള്ള കമന്റടികളും രണ്ട് സംസ്‌കാരങ്ങള്‍ തമ്മിലുള്ള വ്യത്യാസംകൂടി വിളിച്ചുപറയുന്നതായിരുന്നു. ‘ഞങ്ങളുടെ കയ്യിലുള്ളത് തെളിവുകളാണ്, നിങ്ങളുടെ കൈമുതല്‍ വികാരം മാത്രമാണ്’ എന്നായിരുന്നു അക്ബര്‍ അതിനോട് പ്രതികരിച്ചത്.
ഇത് സത്യാന്വേഷികള്‍ക്കുള്ള ചൂണ്ടുപലകയാണെന്നും ദൈവികമാണെന്നുറപ്പുള്ള ഖുര്‍ആന്‍ കയ്യിലുള്ള കാലത്തോളം ആര്‍ക്കുമുന്നിലും അത് തെളിയിക്കാന്‍ മുസ്‌ലിംകള്‍ക്ക് ലവലേശം പ്രയാസമില്ലെന്നുമുള്ള പ്രഖ്യാപനത്തോടെ സംവാദത്തിന് തിരശീല വീണതോടെ കേരളത്തിലെ സംവാദ ചരിത്രത്തില്‍ സമാനതകളില്ലാത്ത ഒരാധ്യായം രചിക്കപ്പെട്ടുകഴിഞ്ഞിരുന്നു.

പീസ് ഇന്റര്‍നാഷണല്‍ സ്‌കൂളിലെ പാഠ പുസ്തകവുമായി ബന്ധപ്പെട്ടാണ് എം എം അക്ബറിനെ ഹൈദരാബാദ് വിമാനത്തവാളത്തില്‍ വെച്ച് പോലീസ് കസ്റ്റഡിയില്‍ എടുക്കുകയായിരുന്നു.

മത വിദ്വേഷം വളര്‍ത്തുന്ന പാഠപുസ്തകങ്ങള്‍ പഠിപ്പിച്ചുവെന്ന പേരില്‍ അന്വേഷണം നേരിടുന്ന പ്രമുഖ മതപ്രഭാഷകനും പീസ് എഡ്യുക്കേഷണല്‍ ഫൗണ്ടേഷന്‍ ചെയര്‍മാനുമായ എം എം അക്ബറിനെ ഹൈദരാബാദില്‍ വെച്ചാണ് അറസ്റ്റ് ചെയ്തത്. ഇന്തോനേഷ്യയില്‍ നിന്നും ദോഹയിലേക്കുള്ള യാത്രാമധ്യേ ഹൈദരാബാദ് വിമാനത്താവളത്തില്‍ യാദൃശ്ചികമായി ഇറങ്ങിയപ്പോള്‍ ഹൈദരാബാദ് ഇമിഗ്രേഷന്‍ വിഭാഗത്തിന്റെ ശ്രദ്ധയില്‍പെടുകയും തുടര്‍ന്ന് അവിടെ തടഞ്ഞുവച്ച് കേരള പൊലീസില്‍ വിവരമറിയിക്കുകയുമായിരുന്നു.

എറണകുളം നോര്‍ത്ത് എസ്‌ഐ വിപിന്‍ദാസിന്റെ നേതൃത്വത്തിലുള്ള സംഘം ഹൈദരാബാദിലെത്തി അക്ബറിനെ കൊച്ചിയിലേക്ക് കൊണ്ടുപോരുകയായിരുന്നു. ഞായറാഴ്ച രാത്രി വിമാനമാര്‍ഗം കൊച്ചിയിലെത്തിച്ച ശേഷം എ.സി പി കെ ലാല്‍ജിയുടെ നേതൃത്വത്തില്‍ അക്ബറിന്റെ അറസ്റ്റ് രേഖപ്പെടുത്തി. ജാമ്യമില്ലാത്ത വകുപ്പിലായിരുന്നു കേസ്. തുടര്‍ന്ന് ഇന്ന് കോടതിയില്‍ ഹാജരാക്കുകയായിരുന്നു.

ഇദ്ദേഹത്തിന് എതിരെ എൻ.ഐ.എ കേസുകൾ ഒന്നുമില്ല. മുംബൈയിലെ അൽ ബുറൂജ് പബ്ലിക്കേഷൻ തയ്യാറാക്കിയ മതസ്പർദ്ധ കാരണമാകുന്ന വിവാദ പാഠപുസ്തകം എറണാകുളം പീസ് സ്കൂളിൽ പഠിപ്പിച്ചു എന്ന പരാതിയിൽ കേരളാ പൊലീസ് രജിസ്റ്റർ ചെയ്ത കേസിൽ എം.എം. അക്ബറിനെയും ഉൾപ്പെടുത്തിയിട്ടുണ്ട്. കേസില്‍ എം എം അക്ബറിനെതിരെ കേരള പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഓസ്‌ട്രേലിയയിലെ മെല്‍ബണില്‍ നിന്നും ഇന്തോനേഷ്യ വഴി ദോഹയിലേക്ക് പോകുന്നതിനിടെ അക്ബര്‍ ഹൈദരാബാദിലിറങ്ങുകയായിരുന്നുവെന്ന് പൊലീസ് പറഞ്ഞു.

ലുക്കൗട്ട് നോട്ടീസുള്ളതിനാല്‍ കഴിഞ്ഞ ഒരുവര്‍ഷമായി ദോഹ, ഖത്തര്‍ എന്നിവിടങ്ങളില്‍ താമസിക്കുകയായിരുന്നു ഇദ്ദേഹം. പാഠ പുസ്തകങ്ങളില്‍ ദേശവിരുദ്ധവും മതസ്പര്‍ധ വളര്‍ത്തുന്നതുമായ പാഠഭാഗങ്ങള്‍ ഉണ്ടെന്ന് ജില്ലാ വിദ്യാഭ്യാസ ഓഫീസര്‍ 2016ല്‍ റിപ്പോര്‍ട്ട് നല്‍കിയതിനെ തുടര്‍ന്ന് പാലാരിവട്ടം പൊലീസ് കേസെടുത്തിരുന്നു. പീസ് സ്‌കൂള്‍ എം.ഡി എം.എം അക്ബറിനെ അറസ്റ്റ് ചെയ്യാന്‍ നീക്കം നടത്തിയിരുന്നുവെങ്കിലും അക്ബര്‍ വിദേശത്തായതിനാല്‍ വിവിധ വിമാനത്താവളങ്ങളില്‍ ലുക്ക് ഔട്ട് നോട്ടീസ് നല്‍കി. എറണാകുളത്ത് ചക്കരപറമ്പിലുള്ള പീസ് സ്‌കൂളിന്റെ മൂന്ന് മാനേജിങ് ട്രസ്റ്റികള്‍, അഡ്മിനിസ്‌ട്രേറ്റര്‍, പ്രിന്‍സിപ്പല്‍ എന്നിവര്‍ക്കെതിരെയും കേസെടുത്തിരുന്നു. മതസ്പര്‍ധ വളര്‍ത്തിയതിന് സെക്ഷന്‍ 153 എ വകുപ്പാണ് ചുമത്തിയത്. പുസ്തകത്തിന്റെ പ്രസാധകരായ മുംബൈയിലെ ബുറൂജ് റിയലൈസേഷന്റെ ജീവനക്കാരായ നവി മുംബയ് സ്വദേശികളായ സൃഷ്ടി ഹോംസില്‍ ദാവൂദ് വെയ്ത്, സമീദ് അഹമ്മദ് ഷെയ്ക് (31), സഹില്‍ ഹമീദ് സെയ്ദ് (28) എന്നിവരെ കൊച്ചി പൊലീസ് 2016 ഡിസംബര്‍ രണ്ടിന് അറസ്റ്റ് ചെയ്തിരുന്നു. വിവാദ പാഠഭാഗം അനുചിതമാണെന്ന് കണ്ടെത്തിയിരുന്നതിനാല്‍ പഠിപ്പിക്കേണ്ടതില്ലെന്ന് നേരത്തേ തന്നെ അധ്യാപകര്‍ക്ക് നിര്‍ദ്ദേശം നല്‍കിയിരുന്നുവെന്ന് എം.എം അക്ബര്‍ നേരത്തേ വ്യക്തമാക്കിയിരുന്നു.

പീസ് സ്‌കൂളില്‍ നേരത്തേ അധ്യാപകരായിരുന്ന ചിലര്‍ക്ക് തീവ്രവാദ ബന്ധമുണ്ടായിരുന്നുവെന്നും സ്‌കൂളില്‍ മതേതര വിരുദ്ധമായ പാഠങ്ങളാണ് പഠിപ്പിച്ചിരുന്നതെന്നും പൊലീസ് റിപ്പോര്‍ട്ട് നല്‍കിയിരുന്നു. കോഴിക്കോട് ആസ്ഥാനമായ പീസ് ഫൗണ്ടേഷന് കീഴില്‍ കേരളത്തില്‍ മാത്രം പത്ത് സ്‌കൂളുകളുണ്ട്. ഇസ്‌ലാമിക മത പ്രഭാഷകനായ എം.എം അക്ബര്‍ സ്ഥാപിച്ച നിച്ച് ഓഫ് ട്രൂത്ത് എന്ന സ്ഥാപനവും മത പ്രബോധനരംഗത്താണ് പ്രവര്‍ത്തിക്കുന്നത്

കൊച്ചി: എറണാകുളത്തെ പീസ് സ്‌കൂള്‍ അടച്ചു പൂട്ടാനുള്ള ഉത്തരവ് സംബന്ധിച്ച വിവരാവകാശ അപേക്ഷക്ക് വിചിത്ര മറുപടിയുമായി ആഭ്യന്തര വകുപ്പ്. വിവരാവകാശ പ്രവര്‍ത്തകന്‍ നാസിം പുളിക്കല്‍ സമര്‍പ്പിച്ച വിവരാവകാശ അപേക്ഷക്കാണ് മുഖ്യമന്ത്രിയുടെ ഓഫീസ് വിചിത്രമായ മറുപടി നല്‍കിയത്. എറണാകുളത്തെ പീസ് സ്‌കൂള്‍ അടച്ചു പൂട്ടാനുള്ള മുഖ്യമന്ത്രിയുടെ ഉത്തരവിന്റെ പകര്‍പ്പ്, പീസ് സ്‌കൂളുകളെ സംബന്ധിച്ച് ലഭിച്ചിട്ടുള്ള പരാതികളുടെ പകര്‍പ്പ്, അവയില്‍ അന്വേഷണം നടത്തിയിട്ടുണ്ടെങ്കില്‍ അന്വേഷണ റിപ്പോര്‍ട്ടുകളുടെ പകര്‍പ്പ് എന്നിവ ആവശ്യപ്പെട്ടായിരുന്ന വിവരാവകാശ അപേക്ഷ.

അപേക്ഷയില്‍ സൂചിപ്പിച്ചിരിക്കുന്ന രേഖകളും വിവരങ്ങളും ഏതാണെന്നു വ്യക്തമാകുന്നില്ലെന്നും ആയതിനാല്‍ എറണാകുളം പീസ് സ്‌കൂളിനെ സംബന്ധിച്ച് ആരെല്ലാം സമര്‍പ്പിച്ച അപേക്ഷകളാണെന്നോ, ഏത് ഫയലിലെ വിവരങ്ങളാണെന്നോ വ്യക്തത വരുത്തി അറിയിക്കണമെന്നുമായിരുന്നു വിവരാവകാശ അപേക്ഷക്ക് മറുപടിയായി ആഭ്യന്തര വകുപ്പിലെ അണ്ടര്‍ സെക്രട്ടറി കൂടിയായ ബി.സുധയുടെ വിചിത്ര മറുപടി. ആരെല്ലാമാണ് പീസ് സ്‌കൂളിനെ സംബന്ധിച്ച് പരാതി നല്‍കിയിട്ടുള്ളത് എന്നറിയാനാണ് അപേക്ഷ നല്‍കിയതെന്നും അപേക്ഷകനോട് തന്നെ ആ വിവരം തിരിച്ച് ചോദിക്കുന്നത് വിവരാവകാശ നിയമത്തെ പരിഹസിക്കലാണെന്നും നാസിം അറിയിച്ചു. മറുപടി സംബന്ധിച്ച് അപ്പീല്‍ നല്‍കുമെന്നുംം ഇതിനെതിരെ ഉദ്യോഗസ്ഥക്കെതിരെ വിവരാവകാശ കമ്മീഷനില്‍ പ്രത്യേകം പരാതി നല്‍കുമെന്നും നാസിം പുളിക്കല്‍ പറഞ്ഞു. മതസ്പര്‍ധ പുസ്തകങ്ങള്‍ പഠിപ്പിച്ചുവെന്ന് ആരോപിച്ച് പീസ് ഇന്റര്‍നാഷണല്‍ സ്‌കൂളിനെതിരെ പൊലീസ് കേസെടുക്കുകയും മാനേജിങ് ഡയറക്ടര്‍ എം.എം അക്ബറിനെ അറസ്റ്റ് ചെയ്യുകയും ചെയ്തിരുന്നു. അറസ്റ്റില്‍ ദുരൂഹതകളുണ്ടെന്ന് വ്യാപകമായി വിമര്‍ശനം ഉയരുമ്പോഴാണ് കേസിനെ സംബന്ധിച്ച് ആഭ്യന്തര വകുപ്പിന്റെ അവ്യക്തമായ മറുപടി.

എം എം അക്ബറിന്റെ ജാ്യാപേക്ഷ വിധി പറയാന്‍ മാറ്റി. ചൊവ്വാഴ്ച വിധി പറയും. പോലീസ് കസ്റ്റഡി കാലാവധി അവസാനിച്ചതിനാല്‍ അദ്ദേഹത്തെ ജുഡീഷ്യല്‍ കസ്റ്റഡിയില്‍ വിട്ടു.

പീസ് ഇന്റര്‍നാഷണല്‍ സ്‌കൂളിലെ പാഠ പുസ്തകവുമായി ബന്ധപ്പെട്ടാണ് എം എം അക്ബറിനെ ഹൈദരാബാദ് വിമാനത്തവാളത്തില്‍ വെച്ച് പോലീസ് കസ്റ്റഡിയില്‍ എടുക്കുകയായിരുന്നു.

(മുസ്ലിം ലീഗ് കേരള സംസ്ഥാന ജനറല്‍ സെക്രട്ടറി)

‘നിങ്ങളുടെ സഹപാഠി ഇസ്‌ലാം മതം സ്വീകരിക്കാന്‍ തീരുമാനിച്ചാല്‍ അവര്‍ക്ക് എന്ത് ഉപദേശമാണ് നല്‍കുക’. ഖുര്‍ആനും ബൈബിളും ഗീതയുമെല്ലാം പഠിക്കുകയും സ്‌നേഹ സംവാദങ്ങളിലൂടെ തീവ്രവാദത്തിനും ഭീകരതക്കുമെതിരായി വര്‍ഷങ്ങളായി പ്രവര്‍ത്തിക്കുകയും ചെയ്യുന്ന നിച്ച് ഓഫ് ട്രൂത്ത് എന്ന സംഘടനയുടെ തലവനും പീസ് ഇന്റര്‍ നാഷണല്‍ സ്‌കൂള്‍ ഡയറക്ടറുമായ എം.എം അക്ബര്‍ എന്ന ഇസ്‌ലാമിക പണ്ഡിതനെ കാരാഗൃഹത്തില്‍ തള്ളാന്‍ കമ്യൂണിസ്റ്റ് ഭരണകൂടം ചികഞ്ഞെടുത്തതാണ് മുകളില്‍ പറഞ്ഞ വാചകം. ഇസ്‌ലാം എന്നോ മുസ്‌ലിം എന്നോ ആദിവാസിയെന്നോ ദലിതനെന്നോ കേട്ടാല്‍ കലി തുള്ളുന്ന അവസ്ഥയിലേക്ക് കേരള പൊലീസ് മാറുമ്പോള്‍, പിണറായി വിജയന്‍ എന്ന ആഭ്യന്തര മന്ത്രിയുടെ നാട്ടില്‍ ന്യൂനപക്ഷം ആശങ്കയിലാവുകയാണ്. ഇസ്‌ലാമോഫോബിയ ബാധിച്ച ആഗോള കമ്യൂണിസ്റ്റ്-സയണിസ്റ്റ് ലോബിയുടെ ലക്ഷണമൊത്ത മനോവിഭ്രാന്തിയാണിത്.
പീസ് സ്‌കൂളുകളിലെ രണ്ടാം ക്ലാസ് പുസ്തകത്തില്‍ ഒരു ആക്റ്റിവിറ്റിയുടെ ഭാഗമായി അതു ചേര്‍ത്തത് തെറ്റിദ്ധാരണയുണ്ടാക്കുമോയെന്ന് സംശയിച്ച് അവര്‍ തന്നെ നീക്കം ചെയ്തതാണ്. ‘ഇസ്‌ലാം മതം സ്വീകരിക്കാന്‍ തീരുമാനിച്ചാല്‍ എന്തുപദേശമാണ് അവര്‍ക്ക് നല്‍കുക’യെന്ന ചോദ്യം, ഒരാള്‍ ഇസ്‌ലാം സ്വീകരിക്കണമെങ്കില്‍ അല്ലാഹു അല്ലാതെ ആരാധ്യനില്ലെന്നും മുഹമ്മദ് നബി അല്ലാഹുവിന്റെ പ്രവാചകനാണെന്നും മനസ്സറിഞ്ഞ് പ്രതിജ്ഞയെടുക്കുക (കലിമത്തു ശഹാദ) എന്നതാണെന്നും നിര്‍ബന്ധിച്ച് മതം മാറ്റാനാവില്ലെന്നുമായിരുന്നു പാഠഭാഗത്തിന്റെ ഉദ്ദേശമെന്നാണ് അവരുടെ വിശദീകരണം.
എല്ലാ മത-ജാതിയിലുംപെട്ടവര്‍ പഠിക്കുന്ന പീസ് സ്‌കൂളുകളില്‍ അതൊരു തെറ്റിദ്ധാരണക്ക് ഹേതുവാകേണ്ടെന്ന് കണ്ട് സ്വയം ഒഴിവാക്കിയെന്നും സ്ഥാപന അധികാരികള്‍ തന്നെ വ്യക്തമാക്കുന്നു. പാഠഭാഗങ്ങളില്‍ തെറ്റുവരുന്നതും തിരുത്തുന്നതും സ്വാഭാവികമാണ്. എന്നാല്‍, സി.പി.എം അധ്യാപക സംഘടനക്കാരനായ എറണാകുളം ജില്ല വിദ്യാഭ്യാസ ഓഫീസര്‍ ആ പരാമര്‍ശം ദുരുദ്ദേശപരമാണെന്നും കേസെടുക്കണമെന്നും റിപ്പോര്‍ട്ട് നല്‍കിയതോടെ ന്യൂനപക്ഷ-ദലിത് വേട്ടയുടെ പുതിയ പര്യായമായിമാറിയ കേരള പൊലീസ് ചാടിവീഴുകയായിരുന്നു. നീക്കം ചെയ്ത പാഠഭാഗം മതസ്പര്‍ദ്ധ വളര്‍ത്തുന്ന പ്രചാരണമാണെന്നാണ് പിണറായി പൊലീസ് കണ്ടുപിടിച്ചത്.
ഓസ്‌ട്രേലിയയിലെ മെല്‍ബണില്‍ നിന്നും ഇന്തോനേഷ്യ വഴി ദോഹയിലേക്ക് പോകുന്നതിനിടെ ഹൈദരാബാദിലിറങ്ങുമ്പോള്‍ ലുക്ക്ഔട്ട് നോട്ടീസില്‍ ഉള്‍പ്പെട്ട എം.എം അക്ബറിനെ എമിഗ്രേഷന്‍ തടയുകയായിരുന്നു. നിലവില്‍ അദ്ദേഹത്തിനെതിരെ എന്‍.ഐ.എ കേസുകള്‍ ഒന്നുമില്ല. ഇന്നേവരെ ഒരു പെറ്റിക്കേസില്‍ പോലും പ്രതിയുമായിട്ടില്ല. മുംബൈയിലെ അല്‍ ബുറൂജ് പബ്ലിക്കേഷന്‍ തയ്യാറാക്കിയ വിവാദ ഭാഗങ്ങള്‍ അടങ്ങിയ പാഠപുസ്തകം അക്ബറിന്റെ നേതൃത്വത്തിലുള്ള പീസ് സ്‌കൂളില്‍ പഠിപ്പിച്ചു എന്നു മാത്രമാണ് പരാതി. പുസ്തകത്തിന്റെ പ്രസാധകരായ മുംബൈയിലെ ബുറൂജ് റിയലൈസേഷന്റെ ജീവനക്കാരായ അറസ്റ്റിലായ നവി മുംബയ് സ്വദേശികളായ സൃഷ്ടി ഹോംസില്‍ ദാവൂദ് വെയ്ത്, സമീദ് അഹമ്മദ് ഷെയ്ക് (31), സഹില്‍ ഹമീദ് സെയ്ദ് (28) എന്നിവര്‍ക്ക് ഹൈക്കോടതിയാണ് ജാമ്യം നല്‍കിയത്. ഒരു പാഠഭാഗത്തിലെ പിന്‍വലിക്കപ്പെട്ട പരാമര്‍ശത്തിന്റെ പേരില്‍ പീസ് സ്‌കൂളുകള്‍ അടച്ചു പൂട്ടാനുള്ള സംസ്ഥാന സര്‍ക്കാര്‍ ഉത്തരവ് പോലും ഹൈക്കോടതി റദ്ദാക്കിയതാണ്. എന്നിട്ടും, കേരള പൊലീസ് എറണാകുളത്തെത്തിച്ച് കോടതിയില്‍ ഹാജരാക്കിയപ്പോള്‍ കൊടും ഭീകരനെ കൈകാര്യം ചെയ്യുന്ന രീതിയിലാണ് സമീപനം. പീസ് സ്‌കൂളില്‍ നേരത്തേ അധ്യാപകരായിരുന്ന ചിലര്‍ക്ക് തീവ്രവാദ ബന്ധമുണ്ടായിരുന്നുവെന്നും സ്‌കൂളില്‍ മതേതര വിരുദ്ധമായ പാഠങ്ങളാണ് പഠിപ്പിച്ചിരുന്നതെന്നുമാണ് പൊലീസിന്റെ പുതിയ റിപ്പോര്‍ട്ട്. എം.എം അക്ബറിനെ പൊലീസ് കസ്റ്റഡിയില്‍ റിമാന്റ് ചോദിച്ചു വാങ്ങിയ സംസ്ഥാന സര്‍ക്കാറിന്റെ മനസ്സിലിരിപ്പ് എന്താണെന്ന് പറയാനാവില്ല. ദേശാഭിമാനി വാര്‍ത്തയുടെ വരികള്‍ക്കിടയില്‍ മറ്റൊരു മഅ്ദനിയോ സഖരിയ്യയോ വായിക്കാനാവുന്നുവെന്ന ആശങ്കയുമുണ്ട്. ഹാദിയ കേസുപോലെ സംസ്ഥാന പൊലീസ് നാടകം എന്‍.ഐ.എയും കേന്ദ്രവും ഏറ്റുപിടിപ്പിപ്പിക്കുന്നതിനുള്ള അണിയറ നീക്കങ്ങള്‍ സജീവമാണ്. ഭീകരതാവകുപ്പുകള്‍ ചേര്‍ത്ത് കേന്ദ്രത്തിന്റെ കോര്‍ട്ടിലേക്ക് എറിഞ്ഞ് കൊടുത്ത് സി.പി.എം ലക്ഷ്യം നേടിയതാണ് ചരിത്രം. മഅ്ദനിയെ കോയമ്പത്തൂര്‍ കേസില്‍ തമിഴ്‌നാട് സര്‍ക്കാറിന് പിടിച്ചുകൊടുത്തത് നായനാര്‍ സര്‍ക്കാറിന്റെ ഭരണ നേട്ടമാക്കിയതും ബാംഗ്ലൂര്‍ കേസില്‍ കര്‍ണ്ണാടകക്ക് പിടിച്ചു കൊടുത്ത വി.എസ് സര്‍ക്കാറും കമ്യൂണിസ്റ്റ് ഭരണകൂടങ്ങളുടെ തനിസ്വരൂപമായി മുമ്പിലുണ്ട്.
മതസ്പര്‍ദ്ധ വളര്‍ത്തിയെന്ന കുറ്റം ചുമത്തി 153 (എ) വകുപ്പു പ്രാകാരം പിണറായി പൊലീസ് കേസെടുത്ത ആദ്യത്തെ ആളല്ല എം.എം അക്ബര്‍. ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍, ഹിന്ദു ഐക്യവേദി സംസ്ഥാന അധ്യക്ഷ ശശികല, എസ്.എന്‍.ഡി.പി പ്രസിഡന്റ് വെള്ളാപ്പള്ളി നടേശന്‍, മുന്‍ ഡി.ജി.പി ടി.പി സെന്‍കുമാര്‍, ആര്‍.എസ്.എസ് നേതാവ് എന്‍ ഗോപാലകൃഷ്ണന്‍, സംസ്ഥാന മുന്നോക്ക വികസന കോര്‍പറേഷന്‍ ചെയര്‍മാന്‍ ആര്‍ ബാലകൃഷ്ണപിള്ള, ഇസ്‌ലാമിക പ്രഭാഷകന്‍ ഷംസുദ്ദീന്‍ പാലത്ത് എന്നിവരെല്ലാം അത്തരം വകുപ്പു പ്രകാരമുള്ള കേസില്‍ പെട്ടവരാണ്.
ഇതില്‍, ശശികലയും എന്‍ ഗോപാലകൃഷ്ണനും മതസ്പര്‍ദ്ധാ പ്രസംഗം അഭംഗുരം തുടര്‍ന്ന് സംസ്ഥാനത്തിന്റെ സമാധാനത്തിനും സഹിഷ്ണുതക്കും നേരെ യുദ്ധം പ്രഖ്യാപിക്കുന്ന വാര്‍ത്തകള്‍ തുടരുകയുമാണ്. യു.എ.പി.എ കരിനിയമത്തിലെന്ന പോലെ 153(എ)യും മുസ്‌ലിം വേട്ടയുടെ ഉപകരണമാക്കുകയാണ് കേരള പൊലീസ്. യു.എ.പി.എ പ്രകാരം കേരളത്തില്‍ അറസ്റ്റ് ചെയ്യപ്പെട്ട 124 മലയാളികളില്‍ 98 പേരും (75 ശതമാനം) മുസ്‌ലിംകളാണ് എന്ന ആരോപണം ഗൗരവതരമാണ്. 153(എ) പ്രകാരം കേസെടുക്കപ്പെട്ടവരില്‍ നാലിലൊന്നു പോലുമില്ലെങ്കിലും മുസ്‌ലിംകളെ മാത്രമെ (100 ശതമാനം) അറസ്റ്റ് ചെയ്തിട്ടുള്ളൂ.
കരിനിയമങ്ങള്‍ പ്രയോഗിക്കുമ്പോള്‍ ദലിതര്‍ക്കും മുസ്‌ലിം വിഭാഗങ്ങള്‍ക്കും മുന്‍ഗണന നല്‍കുകയും അവകാശങ്ങള്‍ ലഭിക്കുമ്പോള്‍ അവഗണിക്കപ്പെടുകയും ചെയ്യുന്നത് ആകസ്മികമല്ല. ഏക സിവില്‍ കോഡ് അടിച്ചേല്‍പ്പിക്കാനുള്ള നീക്കത്തിനെതിരെ രാജ്യത്താകമാനം മുസ്‌ലിംകള്‍ ചെറുതും വലുമായ പ്രക്ഷോഭനത്തിനിറങ്ങിയിട്ടും കേസില്‍ ഉള്‍പ്പെട്ടത് കേരളത്തില്‍ മാത്രമാണ്. സംസ്ഥാനത്തെ ഏറ്റവും വലിയ മത സംഘടനയായ സമസ്ത മാസങ്ങള്‍ക്ക് മുമ്പ് എല്ലാ ജില്ലകളിലും ശരീഅത്ത് സംരക്ഷണ പ്രക്ഷോഭം സംഘടിപ്പിച്ചപ്പോള്‍, മോദിക്കെതിരെ മുദ്രാവാക്യം വിളിച്ചതിന് രാജ്യദ്രോഹ കുറ്റം ചുമത്തിയാണ് കാസര്‍ക്കോട്ട് പണ്ഡിതന്മാര്‍ക്കെതിരെ കേസെടുത്തത്. വയനാട്ടില്‍ അനുമതിയില്ലാതെ പ്രകടനം നടത്തിയെന്ന കേസില്‍ സമസ്ത നേതാക്കള്‍ക്ക് പിണറായി സര്‍ക്കാര്‍ ശിക്ഷയും വാങ്ങിനല്‍കി.
കോഴിക്കോട്ട് കേന്ദ്ര സര്‍ക്കാറിനെതിരെ ഹെഡ് പോസ്റ്റോഫീസ് മാര്‍ച്ച് സംഘടിപ്പിച്ച ജമാഅത്തെ ഇസ്‌ലാമി വിദ്യാര്‍ത്ഥി നേതാക്കളെ തല്ലിച്ചതച്ച പൊലീസ് ചുമത്തിയതും രാജ്യദ്രോഹ കുറ്റമായിരുന്നു. മോദിക്കെതിരെയും ഹിന്ദുത്വ ഫാഷിസത്തിനെതിരെയും മുദ്രാവാക്യം വിളിക്കുന്നത് ദേശദ്രോഹ കുറ്റമാക്കി പൊലീസ്. ഹിന്ദുത്വത്തിന് എതിരായ മുദ്രാവാക്യം ഹിന്ദുസ്ഥാന് എതിരായി വ്യാഖ്യാനിക്കുന്ന പൊലീസിനെ ഒരിക്കല്‍ പോലും പിണറായി തിരുത്തിയില്ല. കൊടിഞ്ഞിയിലെ ഫൈസല്‍ വധക്കേസിലും പഴയ ചൂരിയിലെ മദ്രസാ അധ്യാപകന്‍ മുഹമ്മദ് റിയാസ് മൗലവി കൊലക്കേസിലും പൊലീസ് കാണിച്ച ഉദാസീനതയും നാം കണ്ടു.
ജില്ലാ കലക്ടറുടെ അഭ്യര്‍ത്ഥനയുണ്ടായിട്ടും ഫൈസലിന്റെ കുടുംബത്തിന് ധനസഹായം നല്‍കാതെ ആര്‍.എസ്.എസ് കൊലയാളികള്‍ക്ക് ഒത്താശ ചെയ്യുകയും ഇരകളുടെ അടുപ്പക്കാരെ പ്രകോപിപ്പിക്കുകയുമായിരുന്നു. ഫൈസല്‍ വധക്കേസില്‍പെട്ട ഒരാള്‍ കൊല്ലപ്പെട്ട നിര്‍ഭാഗ്യകരമായ സംഭവത്തിലും പൊലീസ് പിടിപ്പുകേടും നിഗൂഢതയുമാണ് നിഴലിക്കുന്നത്. ആ സംഭവത്തിലെ പ്രതിയെ തേടി വീട്ടിലെത്തിയ പൊലീസ് ‘പര്‍ദ്ദയിട്ട ഭാര്യയെ’ അറസ്റ്റ് ചെയ്തത് ഉത്തരേന്ത്യയിലെ ഏതോ ഗ്രാമത്തിലെ വില്ലന്‍ പൊലീസിനെ പോലും നാണിപ്പിക്കുന്ന വിധത്തിലായിരുന്നു. കഴിഞ്ഞയാഴ്ച, റിയാസ് മൗലവിയുടെ ഭാര്യ കുടക് ജില്ല ഹൊഡബയിലെ എം.ഇ സെഹീദ കാസര്‍കോട് ജില്ലാ സെഷന്‍സ് കോടതിയില്‍ നീതി തേടി സമര്‍പ്പിച്ച ഹരജിയില്‍ സംഘ്പരിവാര്‍ കൊലയാളികള്‍ക്കെതിരെ ഭീകരപ്രവര്‍ത്തനം തടയല്‍ നിയമം (യു.എ.പി.എ) ചുമത്തണമെന്ന ആവശ്യത്തെ സര്‍ക്കാരിന് വേണ്ടി ഹാജരായ ജില്ലാ പബ്ലിക്ക് പ്രോസികൂട്ടര്‍ എതിര്‍ത്ത് തോല്‍പ്പിച്ചതും നാം കണ്ടു.
യു.എ.പി.എ ഉള്‍പ്പെടെയുള്ള കരിനിയമങ്ങള്‍ ആര്‍ക്കെതിരെ ചുമത്തുന്നതിനും മുസ്‌ലിംലീഗ് എതിരാണ്. യു.ഡി.എഫ് ഭരണകാലത്ത് ചില സംഭവങ്ങളില്‍ യു.എ.പി.എ ചുമത്തിയപ്പോഴും ശക്തമായി എതിര്‍ത്തത് ആ നയത്തിന്റെ ഭാഗമാണ്. പക്ഷെ, യു.എ.പി.എയും 153(എ) അറസ്റ്റും ന്യൂനപക്ഷ-ദലിത് വേട്ടക്ക് ചട്ടുകമാക്കുകയാണ് കമ്യൂണിസ്റ്റ് ഭരണകൂടം. കാസര്‍ക്കോട്ടെ അഡ്വ. സി ഷുക്കൂര്‍ നല്‍കിയ ഒരേ സ്വഭാവമുള്ള പരാതികളില്‍ ശശികലക്ക് ചുവപ്പു പരവതാനിയും ഷംസുദ്ദീന്‍ പാലത്തിന് കാരാഗൃഹവുമെന്നത് എന്തു നീതിയാണ്. #ാഗ് പ്രോട്ടോകോള്‍ ലംഘിച്ച് ഒന്നിലേറെ തവണ പാലക്കാട്ട് ആര്‍.എസ്.എസ് ദേശീയ അധ്യക്ഷന്‍ മോഹന്‍ ഭാഗവത് ഇന്ത്യന്‍ പതാക ഉയര്‍ത്തി നിയമത്തെ വെല്ലുവിളിച്ചിട്ടും അറസ്റ്റ് ചെയ്യാതെ വാക്കുകള്‍ അണ്ണാക്കില്‍ വിഴുങ്ങി പിണറായി വിജയന്‍. നടപടിയെടുക്കാന്‍ ശിപാര്‍ശ ചെയ്ത ജില്ലാ മജിസ്‌ട്രേറ്റ് കൂടിയായ ജില്ലാ കലക്ടറെ നാടുകടത്തിയാണ് സംഘ്പരിവാര്‍ ഭക്തി പിണറായി പ്രകടിപ്പിച്ചത്.
മന്ത്രിമാരും സാംസ്‌കാരിക നായകരും പ്രകാശനം ചെയ്ത ലഘുലേഖ പറവൂരില്‍ വിതരണം ചെയ്ത പ്രബോധകരെ പൊലീസ് സ്റ്റേഷന് മുമ്പില്‍ വെച്ചു പോലും സംഘ്പരിവാല്‍ ഗുണ്ടകള്‍ ആക്രമിച്ചു എന്നതിന്റെ ഗൗരവം വര്‍ധിപ്പിക്കുന്നതാണ് അക്രമികകളെ വെറുതെവിട്ട് ഇരകളെ അറസ്റ്റ് ചെയ്ത് ജയിലില്‍ തള്ളിയത്. നിയമവാഴ്ചയെ വെല്ലുവിളിച്ച ഈ സംഘ് ഭീകരതയെ പോലും നിയമസഭയില്‍ ന്യായീകരിക്കുന്ന മുഖ്യമന്ത്രിയില്‍ നിന്ന് എന്തു പ്രതീക്ഷിക്കാനാണ്.
എതിരാളികളെ മാനസികവും ശാരീരികവുമായ ഉന്മൂലനം ചെയ്യുകയും അരുംകൊലയും മുഖമുദ്രയാക്കുകയാണ് പിണറായി സര്‍ക്കാറും സി.പി.എമ്മും. ഇതിനെതിരെ പ്രതികരിക്കാതെ മാളത്തിലൊളിക്കാന്‍ ആത്മാഭിമാനമുള്ളവര്‍ക്ക് സാധ്യമല്ല. മോദിക്കെതിരെ മുദ്രാവാക്യം വിളിച്ച് ശരീഅത്ത് സംരക്ഷണത്തിന് തെരുവിലിറങ്ങിയ സമസ്ത നേതാക്കള്‍ക്കെതിരെ ദേശദ്രോഹ കുറ്റം ചുമത്തിയപ്പോള്‍ ശക്തമായി രംഗത്തു വന്ന മുസ്‌ലിംലീഗിന്, കാന്തപുരം വിഭാഗം സംസ്ഥാന നേതാവ് അഡ്വ.ഇസ്മായില്‍ വഫക്കെതിരെ നടന്ന പൊലീസ് അതിക്രമത്തെ തള്ളിപ്പറയാനും അദ്ദേഹത്തിന്റെ വസതി സന്ദര്‍ശിക്കാനും അമാന്തമുണ്ടായിട്ടില്ല. വിവിധ മുസ്‌ലിം സംഘടനകളെ പൊതു വിഷയത്തില്‍ ഒന്നിച്ചിരുത്തി തുടര്‍ന്നും വെല്ലുവിളികളെ അതിജീവിക്കാനാവുമെന്ന ഉറച്ച ബോധ്യമുണ്ട്.
രാഷ്ട്രീയമായി എന്നും എതിര്‍ ചേരിയിലായിട്ടും മഅ്ദനിക്കെതിരായ മനുഷ്യാവകാശ ലംഘനത്തിനെതിരെ പാര്‍ലമെന്റിന് അകത്തും പുറത്തും ജനാധിപത്യപരമായ പോരാട്ടം നയിച്ചത് മുസ്‌ലിംലീഗാണ്. രാജ്യത്താകമാനം മുസ്‌ലിം ചെറുപ്പക്കാരെ വേട്ടയാടി കള്ളക്കേസില്‍ ജയിലിലടച്ചപ്പോള്‍ അരുതെന്ന് പാര്‍ലമെന്റില്‍ പറയാന്‍ കൂടെയുണ്ടാവുമെന്ന് കരുതിയ ആരെയും മുസ്‌ലിംലീഗിനൊപ്പം കണ്ടില്ല. 2012 സെപ്തംബറില്‍ പ്രസിദ്ധീകരിച്ച നാഷണല്‍ ക്രൈം റെക്കോര്‍ഡ് ബ്യൂറോയുടെ റിപ്പോര്‍ട്ടില്‍ 2011ല്‍ രാജ്യത്തെ ആകെ 1382 ജയിലുകളിലായി 372926 പേരാണുള്ളത്. ഇതില്‍ 75053ഉം മുസ്‌ലിംകളാണ്. 22943 പേരാണ് ഇതില്‍ ശിക്ഷിക്കപ്പെട്ടവര്‍. അറുപത് ശതമാനത്തിലേറെ മുസ്‌ലിം തടവുകാരും വിചാരണ കൂടാതെ ജയിലുകളിലടക്കപ്പെട്ടവരാണെന്നര്‍ത്ഥം.
രാജ്യത്ത് ന്യൂനപക്ഷങ്ങള്‍ക്കു നേരെ അക്രമം വര്‍ധിച്ചപ്പോള്‍, 2015 മാര്‍ച്ച് 23ന് പാര്‍ലമെന്റില്‍ കേന്ദ്ര ആഭ്യന്തര മന്ത്രി രാജ്‌നാഥ് സിങ് പാര്‍ലമെന്റില്‍ നടത്തിയൊരു പ്രസംഗമുണ്ട്. ന്യൂനപക്ഷക്കാരുടെ സംരക്ഷണത്തിന് ഏതറ്റം വരെയും പോകുമെന്നും ന്യൂനപക്ഷങ്ങള്‍ക്കിടയിലുള്ള അരക്ഷിതാവസ്ഥ പരിഹരിക്കുന്നതിന് എല്ലാ നടപടികളും സ്വീകരിക്കുമെന്നുമായിരുന്നു പ്രഖ്യാപനത്തിന്റെ സത്ത. തുടര്‍ന്നും സംഘ്പരിവാര്‍ ആക്രമണവുമായി ചോരപ്പുഴയൊഴുക്കുന്നത് തുടരുന്നു. എന്നാല്‍, അത്തരം ആശ്വാസ വാക്കുപോലും പലപ്പോഴും കമ്യൂണിസ്റ്റ് മുഖ്യമന്ത്രിയില്‍ നിന്നുണ്ടായില്ല.
മാണിക്യമലര്‍ ഗാനത്തിനെതിരെ ഏതോ ഒരാള്‍ ആന്ധ്ര പൊലീസില്‍ പരാതി നല്‍കിയ വാര്‍ത്തയുടെ #ാഷ് മിന്നുമ്പോഴേക്കും ആവിഷ്‌കാരത്തിന്റെ മതമൗലികവാദ വിരുദ്ധ പ്രതികരണവുമായി ചാടിപ്പുറപ്പെട്ട പിണറായി, ഷുഹൈബിന്റെ കൊലയെ അപലപിക്കുന്നത് കാണാന്‍ ഒരാഴ്ചയോളം കാത്തിരിക്കേണ്ടി വന്നു. 20 വര്‍ഷം കഴിയുമ്പോള്‍ കേരളത്തില്‍ മുസ്‌ലിംകള്‍ ഭൂരിപക്ഷമാകുമെന്ന് വി.എസ് അച്യുതാനന്ദന്‍ എന്ന മുഖ്യമന്ത്രിയില്‍ നിന്ന് കേട്ടതാണ്. കമ്യൂണിസത്തിന്റെ മതത്തിന് എതിരായ താത്വിക എതിര്‍പ്പും മുസ്‌ലിംകളോടുള്ള അടവുനയവും വോട്ടു ബാങ്ക് രാഷ്ട്രീയത്തിനപ്പുറം ആത്മാര്‍ത്ഥമല്ല.
ദലിത്-ന്യൂനപക്ഷ വേട്ടയുടെ പാപക്കറ മായ്ക്കാന്‍ രണ്ട് കിലോ പോത്തിറച്ചി വരട്ടിയും ജുനൈദിന്റെ കുടുംബത്തോടൊപ്പമുള്ള ഫോട്ടോ സോഷ്യല്‍ മീഡയയില്‍ പോസ്റ്റ് ചെയ്തും ഗിമ്മിക്കു കളിക്കുകയാണ്. ഒരു സമുദായത്തെ ഉന്നം വെച്ചാണ് കേന്ദ്ര ഭരണത്തിന്റെ താളമൊപ്പിച്ച് കേരള പൊലീസും പ്രവര്‍ത്തിക്കുന്നതെന്ന വസ്തതുതയെ വഴിതിരിച്ചുവിടാന്‍ ഒരു ന്യായീകരണവും മതിയാവില്ലെന്നര്‍ത്ഥം. ബംഗാളില്‍ മൂന്നര പതിറ്റാണ്ട് ഇടതടവില്ലാതെ അധികാരം കയ്യാളിയപ്പോള്‍ സംഭവിച്ചതു വലിയ പാഠമാണ്. ആദിവാസി-ദലിത്-മുസ്‌ലിം-പിന്നാക്ക വിഭാഗങ്ങള്‍ നീതിക്കായി കൈകോര്‍ക്കുമ്പോള്‍ അതിനെ ദുര്‍ബലപ്പെടുക്കാന്‍ നടക്കുന്ന ശ്രമങ്ങളും തിരിച്ചറിയണം. മുസ്‌ലിംലീഗ് ഇക്കാര്യത്തില്‍ സ്വീകരിക്കുന്ന നിലപാട് സുതാര്യമാണ്.
സംഘ്പരിവാര്‍ ഫാഷിസത്തിന്റെ ഇരകള്‍ക്ക് അത്താണിയായി മുസ്‌ലിംലീഗ് പിന്തുണയും നിയമ പോരാട്ടവുമായി നിലയുറപ്പിക്കുമ്പോള്‍ കേരളത്തില്‍ കാവി-ചുകപ്പന്‍ ഭീകരതയുടെ ഇരകള്‍ക്ക് വേണ്ടി കൂട്ടായ്മകള്‍ രൂപപ്പെടുത്തുന്നതിനും തടസ്സമില്ല. ഭരണഘടന ഉറപ്പാക്കുന്ന സാമുദായിക സംവരണം അട്ടിമറിച്ച് സാമ്പത്തിക സംവരണത്തിന് തുടക്കമിട്ടത് ബി.ജെ.പി ഭരിക്കുന്ന സംസ്ഥാനങ്ങളിലല്ല, സി.പി.എം ഭരിക്കുന്ന കേരളത്തിലാണ്. ക്രീമിലെയര്‍ പരിധി രാജ്യത്താകെ എട്ടു ലക്ഷമായി ഉയര്‍ത്തിയപ്പോള്‍ ആറില്‍ ഒതുക്കി പിന്നാക്കക്കാരന്റെ ജോലി തട്ടിയെടുക്കുന്ന ഒരു സംസ്ഥാനമെയുള്ളൂ, കമ്യൂണിസ്റ്റുകാര്‍ ഭരിക്കുന്ന കേരളം.

കേസിലെ ഏഴാം പ്രതിയായ അക്ബറിനെ അന്വേഷണത്തിന്റെ ഭാഗമായി വിവിധ സ്ഥലങ്ങളില്‍
കൊണ്ടുപോവാനായാണ് കസ്റ്റഡില്‍ വിട്ടത്. ഏഴ് ദിവസത്തെ കസ്റ്റഡിയായിരുന്നു പോലീസ് കോടതിയില്‍ ആവശ്യപ്പെട്ടത്. ്അതേസമയം കേസില്‍ പൊലീസിനെതിരെ പരാതിയില്ലെന്നും അന്വേഷണവുമായി സഹകരിക്കുമെന്നും എം.എം കോടതിയെ അറിയിച്ചു.

മത വിദ്വേഷം വളര്‍ത്തുന്ന പാഠപുസ്തകങ്ങള്‍ പഠിപ്പിച്ചുവെന്ന പേരില്‍ അന്വേഷണം നേരിടുന്ന പ്രമുഖ മതപ്രഭാഷകനും പീസ് എഡ്യുക്കേഷണല്‍ ഫൗണ്ടേഷന്‍ ചെയര്‍മാനുമായ എം എം അക്ബറിനെ ഹൈദരാബാദില്‍ വെച്ചാണ് അറസ്റ്റ് ചെയ്തത്. ഇന്തോനേഷ്യയില്‍ നിന്നും ദോഹയിലേക്കുള്ള യാത്രാമധ്യേ ഹൈദരാബാദ് വിമാനത്താവളത്തില്‍ യാദൃശ്ചികമായി ഇറങ്ങിയപ്പോള്‍ ഹൈദരാബാദ് ഇമിഗ്രേഷന്‍ വിഭാഗത്തിന്റെ ശ്രദ്ധയില്‍പെടുകയും തുടര്‍ന്ന് അവിടെ തടഞ്ഞുവച്ച് കേരള പൊലീസില്‍ വിവരമറിയിക്കുകയുമായിരുന്നു.

എറണകുളം നോര്‍ത്ത് എസ്‌ഐ വിപിന്‍ദാസിന്റെ നേതൃത്വത്തിലുള്ള സംഘം ഹൈദരാബാദിലെത്തി അക്ബറിനെ കൊച്ചിയിലേക്ക് കൊണ്ടുപോരുകയായിരുന്നു. ഞായറാഴ്ച രാത്രി വിമാനമാര്‍ഗം കൊച്ചിയിലെത്തിച്ച ശേഷം എ.സി പി കെ ലാല്‍ജിയുടെ നേതൃത്വത്തില്‍ അക്ബറിന്റെ അറസ്റ്റ് രേഖപ്പെടുത്തി. ജാമ്യമില്ലാത്ത വകുപ്പിലായിരുന്നു കേസ്. തുടര്‍ന്ന് ഇന്ന് കോടതിയില്‍ ഹാജരാക്കുകയായിരുന്നു.

ഇദ്ദേഹത്തിന് എതിരെ എൻ.ഐ.എ കേസുകൾ ഒന്നുമില്ല. മുംബൈയിലെ അൽ ബുറൂജ് പബ്ലിക്കേഷൻ തയ്യാറാക്കിയ മതസ്പർദ്ധ കാരണമാകുന്ന വിവാദ പാഠപുസ്തകം എറണാകുളം പീസ് സ്കൂളിൽ പഠിപ്പിച്ചു എന്ന പരാതിയിൽ കേരളാ പൊലീസ് രജിസ്റ്റർ ചെയ്ത കേസിൽ എം.എം. അക്ബറിനെയും ഉൾപ്പെടുത്തിയിട്ടുണ്ട്. കേസില്‍ എം എം അക്ബറിനെതിരെ കേരള പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഓസ്‌ട്രേലിയയിലെ മെല്‍ബണില്‍ നിന്നും ഇന്തോനേഷ്യ വഴി ദോഹയിലേക്ക് പോകുന്നതിനിടെ അക്ബര്‍ ഹൈദരാബാദിലിറങ്ങുകയായിരുന്നുവെന്ന് പൊലീസ് പറഞ്ഞു.

ലുക്കൗട്ട് നോട്ടീസുള്ളതിനാല്‍ കഴിഞ്ഞ ഒരുവര്‍ഷമായി ദോഹ, ഖത്തര്‍ എന്നിവിടങ്ങളില്‍ താമസിക്കുകയായിരുന്നു ഇദ്ദേഹം. പാഠ പുസ്തകങ്ങളില്‍ ദേശവിരുദ്ധവും മതസ്പര്‍ധ വളര്‍ത്തുന്നതുമായ പാഠഭാഗങ്ങള്‍ ഉണ്ടെന്ന് ജില്ലാ വിദ്യാഭ്യാസ ഓഫീസര്‍ 2016ല്‍ റിപ്പോര്‍ട്ട് നല്‍കിയതിനെ തുടര്‍ന്ന് പാലാരിവട്ടം പൊലീസ് കേസെടുത്തിരുന്നു. പീസ് സ്‌കൂള്‍ എം.ഡി എം.എം അക്ബറിനെ അറസ്റ്റ് ചെയ്യാന്‍ നീക്കം നടത്തിയിരുന്നുവെങ്കിലും അക്ബര്‍ വിദേശത്തായതിനാല്‍ വിവിധ വിമാനത്താവളങ്ങളില്‍ ലുക്ക് ഔട്ട് നോട്ടീസ് നല്‍കി. എറണാകുളത്ത് ചക്കരപറമ്പിലുള്ള പീസ് സ്‌കൂളിന്റെ മൂന്ന് മാനേജിങ് ട്രസ്റ്റികള്‍, അഡ്മിനിസ്‌ട്രേറ്റര്‍, പ്രിന്‍സിപ്പല്‍ എന്നിവര്‍ക്കെതിരെയും കേസെടുത്തിരുന്നു. മതസ്പര്‍ധ വളര്‍ത്തിയതിന് സെക്ഷന്‍ 153 എ വകുപ്പാണ് ചുമത്തിയത്. പുസ്തകത്തിന്റെ പ്രസാധകരായ മുംബൈയിലെ ബുറൂജ് റിയലൈസേഷന്റെ ജീവനക്കാരായ നവി മുംബയ് സ്വദേശികളായ സൃഷ്ടി ഹോംസില്‍ ദാവൂദ് വെയ്ത്, സമീദ് അഹമ്മദ് ഷെയ്ക് (31), സഹില്‍ ഹമീദ് സെയ്ദ് (28) എന്നിവരെ കൊച്ചി പൊലീസ് 2016 ഡിസംബര്‍ രണ്ടിന് അറസ്റ്റ് ചെയ്തിരുന്നു. വിവാദ പാഠഭാഗം അനുചിതമാണെന്ന് കണ്ടെത്തിയിരുന്നതിനാല്‍ പഠിപ്പിക്കേണ്ടതില്ലെന്ന് നേരത്തേ തന്നെ അധ്യാപകര്‍ക്ക് നിര്‍ദ്ദേശം നല്‍കിയിരുന്നുവെന്ന് എം.എം അക്ബര്‍ നേരത്തേ വ്യക്തമാക്കിയിരുന്നു.

പീസ് സ്‌കൂളില്‍ നേരത്തേ അധ്യാപകരായിരുന്ന ചിലര്‍ക്ക് തീവ്രവാദ ബന്ധമുണ്ടായിരുന്നുവെന്നും സ്‌കൂളില്‍ മതേതര വിരുദ്ധമായ പാഠങ്ങളാണ് പഠിപ്പിച്ചിരുന്നതെന്നും പൊലീസ് റിപ്പോര്‍ട്ട് നല്‍കിയിരുന്നു. കോഴിക്കോട് ആസ്ഥാനമായ പീസ് ഫൗണ്ടേഷന് കീഴില്‍ കേരളത്തില്‍ മാത്രം പത്ത് സ്‌കൂളുകളുണ്ട്. ഇസ്‌ലാമിക മത പ്രഭാഷകനായ എം.എം അക്ബര്‍ സ്ഥാപിച്ച നിച്ച് ഓഫ് ട്രൂത്ത് എന്ന സ്ഥാപനവും മത പ്രബോധനരംഗത്താണ് പ്രവര്‍ത്തിക്കുന്നത്.

എറണകുളം നോര്‍ത്ത് എസ്‌ഐ വിപിന്‍ദാസിന്റെ നേതൃത്വത്തിലുള്ള സംഘം ഹൈദരാബാദിലെത്തി അക്ബറിനെ കൊച്ചിയിലേക്ക് കൊണ്ടുപോരുകയായിരുന്നു. ഞായറാഴ്ച രാത്രി വിമാനമാര്‍ഗം കൊച്ചിയിലെത്തിച്ച ശേഷം എ.സി പി കെ ലാല്‍ജിയുടെ നേതൃത്വത്തില്‍ അക്ബറിന്റെ അറസ്റ്റ് രേഖപ്പെടുത്തി. നാളെ കോടതിയില്‍ ഹാജരാക്കും.  ഇദ്ദേഹത്തിന് എതിരെ എൻ.ഐ.എ കേസുകൾ ഒന്നുമില്ല. മുംബൈയിലെ അൽ ബുറൂജ് പബ്ലിക്കേഷൻ തയ്യാറാക്കിയ മതസ്പർദ്ധ കാരണമാകുന്ന വിവാദ പാഠപുസ്തകം എറണാകുളം പീസ് സ്കൂളിൽ പഠിപ്പിച്ചു എന്ന പരാതിയിൽ കേരളാ പൊലീസ് രജിസ്റ്റർ ചെയ്ത കേസിൽ എം.എം. അക്ബറിനെയും ഉൾപ്പെടുത്തിയിട്ടുണ്ട്. കേസില്‍ എം എം അക്ബറിനെതിരെ കേരള പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഓസ്‌ട്രേലിയയിലെ മെല്‍ബണില്‍ നിന്നും ഇന്തോനേഷ്യ വഴി ദോഹയിലേക്ക് പോകുന്നതിനിടെ അക്ബര്‍ ഹൈദരാബാദിലിറങ്ങുകയായിരുന്നുവെന്ന് പൊലീസ് പറഞ്ഞു.

ലുക്കൗട്ട് നോട്ടീസുള്ളതിനാല്‍ കഴിഞ്ഞ ഒരുവര്‍ഷമായി ദോഹ, ഖത്തര്‍ എന്നിവിടങ്ങളില്‍ താമസിക്കുകയായിരുന്നു ഇദ്ദേഹം. പാഠ പുസ്തകങ്ങളില്‍ ദേശവിരുദ്ധവും മതസ്പര്‍ധ വളര്‍ത്തുന്നതുമായ പാഠഭാഗങ്ങള്‍ ഉണ്ടെന്ന് ജില്ലാ വിദ്യാഭ്യാസ ഓഫീസര്‍ 2016ല്‍ റിപ്പോര്‍ട്ട് നല്‍കിയതിനെ തുടര്‍ന്ന് പാലാരിവട്ടം പൊലീസ് കേസെടുത്തിരുന്നു. പീസ് സ്‌കൂള്‍ എം.ഡി എം.എം അക്ബറിനെ അറസ്റ്റ് ചെയ്യാന്‍ നീക്കം നടത്തിയിരുന്നുവെങ്കിലും അക്ബര്‍ വിദേശത്തായതിനാല്‍ വിവിധ വിമാനത്താവളങ്ങളില്‍ ലുക്ക് ഔട്ട് നോട്ടീസ് നല്‍കി. എറണാകുളത്ത് ചക്കരപറമ്പിലുള്ള പീസ് സ്‌കൂളിന്റെ മൂന്ന് മാനേജിങ് ട്രസ്റ്റികള്‍, അഡ്മിനിസ്‌ട്രേറ്റര്‍, പ്രിന്‍സിപ്പല്‍ എന്നിവര്‍ക്കെതിരെയും കേസെടുത്തിരുന്നു. മതസ്പര്‍ധ വളര്‍ത്തിയതിന് സെക്ഷന്‍ 153 എ വകുപ്പാണ് ചുമത്തിയത്. പുസ്തകത്തിന്റെ പ്രസാധകരായ മുംബൈയിലെ ബുറൂജ് റിയലൈസേഷന്റെ ജീവനക്കാരായ നവി മുംബയ് സ്വദേശികളായ സൃഷ്ടി ഹോംസില്‍ ദാവൂദ് വെയ്ത്, സമീദ് അഹമ്മദ് ഷെയ്ക് (31), സഹില്‍ ഹമീദ് സെയ്ദ് (28) എന്നിവരെ കൊച്ചി പൊലീസ് 2016 ഡിസംബര്‍ രണ്ടിന് അറസ്റ്റ് ചെയ്തിരുന്നു. വിവാദ പാഠഭാഗം അനുചിതമാണെന്ന് കണ്ടെത്തിയിരുന്നതിനാല്‍ പഠിപ്പിക്കേണ്ടതില്ലെന്ന് നേരത്തേ തന്നെ അധ്യാപകര്‍ക്ക് നിര്‍ദ്ദേശം നല്‍കിയിരുന്നുവെന്ന് എം.എം അക്ബര്‍ നേരത്തേ വ്യക്തമാക്കിയിരുന്നു.

പീസ് സ്‌കൂളില്‍ നേരത്തേ അധ്യാപകരായിരുന്ന ചിലര്‍ക്ക് തീവ്രവാദ ബന്ധമുണ്ടായിരുന്നുവെന്നും സ്‌കൂളില്‍ മതേതര വിരുദ്ധമായ പാഠങ്ങളാണ് പഠിപ്പിച്ചിരുന്നതെന്നും പൊലീസ് റിപ്പോര്‍ട്ട് നല്‍കിയിരുന്നു. കോഴിക്കോട് ആസ്ഥാനമായ പീസ് ഫൗണ്ടേഷന് കീഴില്‍ കേരളത്തില്‍ മാത്രം പത്ത് സ്‌കൂളുകളുണ്ട്. ഇസ്‌ലാമിക മത പ്രഭാഷകനായ എം.എം അക്ബര്‍ സ്ഥാപിച്ച നിച്ച് ഓഫ് ട്രൂത്ത് എന്ന സ്ഥാപനവും മത പ്രബോധനരംഗത്താണ് പ്രവര്‍ത്തിക്കുന്നത്.

പോസ്റ്റിന്റെ പൂര്‍ണ്ണരൂപം:

ന്യൂനപക്ഷങ്ങള്‍ക്കെതിരെയുള്ള കാര്യമാണെങ്കില്‍ കേന്ദ്രവും കേരളവും ഒരേ പാതയില്‍ തന്നെയാണ് സഞ്ചരിക്കുന്നതെന്നതിനുള്ള ഒടുവിലത്തെ തെളിവാണ് എം.എം അക്ബറിന്റെ അറസ്‌റ്റോടെ വ്യക്തമായിരിക്കുന്നത്. യാത്രാമധ്യേ എയര്‍പോര്‍ട്ടില്‍ വെച്ച് മതപ്രബോധകനായ അക്ബറിനെ അറസ്റ്റ് ചെയ്തത് എന്തിനാണെന്ന് കേരള ഗവണ്‍മെന്റ് വ്യക്തമാക്കണം. ഏത് മതത്തില്‍ വിശ്വസിക്കാനും അതാചരിക്കാനും, എന്ന് മാത്രമല്ല അത് പ്രബോധനം ചെയ്യാനും നമ്മുടെ ഭരണഘടന തന്നെ ഓരോ പൗരനും മൗലികാവകാശമായി പ്രഖ്യാപിക്കുമ്പോള്‍ എന്തിന് ഇദ്ധേഹത്തെ അറസ്റ്റ് ചെയ്തു എന്ന് പറയാന്‍ ആഭ്യന്തര വകുപ്പിന് ഉത്തരവാദിത്തമുണ്ട്.

സമുദായ സുഹൃത്തുക്കളോട്,

അക്ബറിന്റെ ആശയങ്ങളോട് നമുക്ക് യോജിക്കാം വിയോക്കാം. പക്ഷേ അദ്ധേഹത്തിന് അദ്ധേഹത്തിന്റെ ആശയങ്ങള്‍ പ്രചരിപ്പിക്കാനുള്ള അവകാശത്തോടൊപ്പം നാം നിലയുറപ്പിക്കേണ്ടതുണ്ട്. ആഗോള തലത്തില്‍ ഇസ്‌ലാമിന്റെ പേരില്‍ ഭീകരവാദ പ്രവര്‍ത്തനങ്ങളുണ്ടായപ്പോഴും കേരളത്തില്‍ എന്‍.ഡി.എഫ് അടക്കമുള്ള തീവ്രവാദികള്‍ തല പൊക്കിയപ്പോഴും അതിനെതിരെ പ്രഭാഷണങ്ങളിലൂടെ ശക്തമായ നിലപാട് സ്വീകരിച്ച വ്യക്തിയാണ് എം.എം അക്ബര്‍. ഇപ്പോള്‍ കര്‍മ്മശാസ്ത്രപരമായ ഭിന്നതകള്‍ പറയേണ്ട സമയമല്ല. നിമുള്ളര്‍ പറഞ്ഞത് പോലെ, ആദ്യം അവര്‍ അക്ബറിനെ തേടിയെത്തി എന്നേയുള്ളൂ. നാളെ നമ്മുടെ വീട്ടുപടിക്കല്‍ അവരെത്തുമ്പോ നിലവിളി കേള്‍ക്കാന്‍ ആളുണ്ടാവണമെങ്കില്‍ നമ്മളിപ്പോള്‍ ശബ്ദിച്ചേ മതിയാവൂ.

സോഷ്യല്‍ മീഡിയ സുഹൃത്തുക്കളോട്,

ദളിതുകള്‍ക്കും ആദിവാസികള്‍ക്കും സ്ത്രീകള്‍ക്കും പീഢനമനുഭവിക്കുന്ന മറ്റനേകം പേര്‍ക്കും വേണ്ടി ശബ്ദിച്ചവരാണ് നാം. മുസ്‌ലിംകളും സ്വത്വ പ്രതിസന്ധി നേടുന്ന ഇക്കാലത്ത് അക്ബറിന് വേണ്ടി എല്ലാവരുടെയും ശബ്ദമുയരേണ്ടതുണ്ട്. അത് നീതിക്കു വേണ്ടിയുള്ള നിലപാട് കൂടിയാണ്.

അവസാനമായി ശ്രീ. പിണറായി വിജയനോട്,

ഇന്നാട്ടില്‍ ജീവിക്കാന്‍ കൊള്ളില്ലെന്ന് പ്രചരിപ്പിക്കുന്ന ഒരു കൂട്ടരുണ്ടിവിടെ. എണ്ണത്തില്‍ കുറവാണെങ്കിലും, ഹിജ്‌റ പോകണമെന്നും ആയുധമെടുക്കണമെന്നുമൊക്കെ പറയുന്ന കൂട്ടര്‍. മുസ്‌ലിംകള്‍ക്കിടയില്‍ അരക്ഷിതബോധം സൃഷ്ടിച്ച് ഇക്കൂട്ടര്‍ക്ക് ആളെ കൂട്ടുന്ന പണി ഭരണകൂടം ചെയ്യരുത്. ഒരഭ്യര്‍ത്ഥനയാണ്.

പോസ്റ്റിന്റെ പൂര്‍ണ്ണരൂപം:

മതപ്രബോധകരെ തീവ്രവാദികളാക്കാനുള്ള പിണറായി സര്‍ക്കാറിന്റെ നീക്കത്തിന്റെ ഭാഗമാണ് എം എം അക്ബറിന്റെ അറസ്റ്റ്. അക്ബറിനെതിരായ നീക്കം ഉണ്ടായ സമയത്ത് തന്നെ മുഖ്യമന്ത്രിയോടും, ഡി ജി പിയോടും ന്യൂനപക്ഷ വേട്ടയുടെ അപകടത്തെ കുറിച്ച് പറഞ്ഞിട്ടുള്ളതാണ്. കേന്ദ്രം ഭരിക്കുന്ന സംഘ്പരിവാറിനെ പോലെ തന്നെ സംസ്ഥാന സര്‍ക്കാറും പെരുമാറുകയാണെങ്കില്‍ ശക്തമായ ജനാധിപത്യ പ്രതിഷേധം ഉയരുക തന്നെ ചെയ്യും.

അടുത്ത ദിവസം നിയമസഭാ സമ്മേളനം ആരംഭിക്കുകയാണ്.നിയസഭയില്‍ എം എം അക്ബറിനെതിരായ പോലീസ് നടപടി ചോദ്യം ചെയ്യും.ഫാഷിസ്റ്റുകളുടെ താത്പര്യത്തിനനുസരിച്ചു മാത്രമേ പോലീസ് പെരുമാറൂ എന്ന അപകടകരമായ അവസ്ഥയാണ് സംസ്ഥാനത്തുള്ളത്.ഈ കേസ്സും എന്‍ഐഎക്കു കൈമാറിയത് ബീഫ് വിളംബരം നടത്തി അധികാരത്തില്‍ വന്ന പിണറായിയുടെ പോലീസ് ആണെന്നതാണ് ഐറണി.

നേരത്തെ ഷംസുദ്ധീനും ശശികലയും തമ്മിലുണ്ടായിരുന്ന അന്തരത്തിന്റെ ഭീകരമായ തുടര്‍ച്ച മാത്രമാണ് ഇതും.
സംഘ്പരിവാറിനെ കാണുമ്പോള്‍ കുനിഞ്ഞു നില്‍ക്കുകയും ന്യൂനപക്ഷങ്ങളെ കാണുമ്പോള്‍ അറസ്റ്റ് ചെയ്യുകയും ചെയ്യുന്ന പോലീസ് നയം ഭരണകൂട ഭീകരതയുടെ ഇസ്ലാമോഫോബിക് വേര്‍ഷനാണ്.ഇത്തരം നടപടികളിലൂടെ ന്യൂനപക്ഷങ്ങള്‍ക്കിടയില്‍ അരാജകത്വം സൃഷ്ടിച്ചു അതുവഴിയുള്ള രാഷ്ട്രീയ മുതലെടുപ്പാണ് സിപിഎമ്മിന്റെയും ബിജെപിയുടെയും ലക്ഷ്യമെങ്കില്‍ അതനുവദിക്കുന്ന പ്രശ്‌നമില്ല!