പ്രധാനമന്ത്രി നരേന്ദ്ര മോദി അധ്യക്ഷനായ സാമ്പത്തിക കാര്യ കാബിനറ്റ് കമ്മിറ്റിയില്‍ നിന്ന് ഇതുവരെ അനുമതി ലഭിച്ചിട്ടില്ലെന്ന് മന്ത്രാലയം അറിയിച്ചു. മുന്‍ വര്‍ഷങ്ങളില്‍, തിരഞ്ഞെടുത്ത എല്ലാ ഉദ്യോഗാര്‍ത്ഥികള്‍ക്കും അവരുടെ സ്‌കോളര്‍ഷിപ്പ് ലെറ്ററുകള്‍ ഒരേസമയം ലഭിച്ചിരുന്നു, എന്നാല്‍ ഈ വര്‍ഷം, ഫണ്ടിംഗ് അനിശ്ചിതത്വം കാരണം മന്ത്രാലയം ഘട്ടം ഘട്ടമായി കത്തുകള്‍ അയയ്ക്കുന്നു.

1954-55-ല്‍ ആരംഭിച്ച NOS പ്രോഗ്രാം, പട്ടികജാതി (എസ്സി), ഡിനോട്ടിഫൈഡ് നാടോടി ഗോത്രങ്ങള്‍ (ഡിഎന്‍ടി), അര്‍ദ്ധ നാടോടികളായ ഗോത്രങ്ങള്‍, ഭൂരഹിതരായ കര്‍ഷകത്തൊഴിലാളികള്‍, പരമ്പരാഗത കൈത്തൊഴിലാളി കുടുംബങ്ങള്‍ എന്നിവയില്‍ നിന്നുള്ള വിദ്യാര്‍ത്ഥികള്‍ക്ക് 8 ലക്ഷത്തില്‍ താഴെ വാര്‍ഷിക വരുമാനമുള്ള വിദ്യാര്‍ത്ഥികള്‍ക്ക് സാമ്പത്തിക സഹായം വാഗ്ദാനം ചെയ്യുന്നു.

അതേസമയം ഫണ്ട് ലഭ്യമാണെന്നും എന്നാല്‍ അന്തിമ വിതരണത്തിന് കാബിനറ്റ് പാനലിന്റെ അനുമതി ആവശ്യമാണെന്നും മന്ത്രാലയത്തിലെ ഒരു ഉദ്യോഗസ്ഥന്‍ പറഞ്ഞു. ”ഞങ്ങള്‍ക്ക് പണമുണ്ട്, പക്ഷേ അത് നല്‍കാന്‍ മുകളില്‍ നിന്നുള്ള ഗ്രീന്‍ സിഗ്‌നലും ഞങ്ങള്‍ക്ക് ആവശ്യമാണ്,” ഉദ്യോഗസ്ഥന്‍ പറഞ്ഞു.

ആവര്‍ത്തിച്ചുള്ള സ്‌കോളര്‍ഷിപ്പ് തടസ്സങ്ങള്‍

മൗലാനാ ആസാദ് നാഷണല്‍ ഫെലോഷിപ്പ് (MANF) സ്‌കീമിന് കീഴിലുള്ള 1,400-ലധികം പിഎച്ച്ഡി പണ്ഡിതന്മാര്‍ക്ക് 2025 ജനുവരി മുതല്‍ സ്‌റ്റൈപ്പന്‍ഡ് കാലതാമസം നേരിടേണ്ടി വന്നിട്ടുണ്ട്. ചില സന്ദര്‍ഭങ്ങളില്‍, 2024 അവസാനം മുതല്‍ പേയ്മെന്റുകള്‍ നല്‍കിയിട്ടില്ല. മുസ്ലീം, ക്രിസ്ത്യന്‍, സിഖ്, പാഴ്സി, ജയിന്‍ എന്നീ ആറ് ന്യൂനപക്ഷ സമുദായങ്ങളില്‍ നിന്നുള്ള ഗവേഷകരെ MANF പിന്തുണയ്ക്കുന്നു.

കാലതാമസവും ആശയക്കുഴപ്പവും പട്ടികജാതിക്കാര്‍ക്കുള്ള ദേശീയ ഫെലോഷിപ്പിനെയും ബാധിച്ചു. നാഷണല്‍ ടെസ്റ്റിംഗ് ഏജന്‍സി 2025 മാര്‍ച്ചില്‍ തിരഞ്ഞെടുത്ത 865 ഉദ്യോഗാര്‍ത്ഥികളുടെ ഒരു ലിസ്റ്റ് ആദ്യം പുറത്തിറക്കി. എന്നിരുന്നാലും, ഏപ്രിലില്‍, പുതുക്കിയ പട്ടിക 805 ആയി വെട്ടിക്കുറയ്ക്കുകയും മുമ്പ് ഉള്‍പ്പെടുത്തിയിരുന്ന 487 പേരുകള്‍ നീക്കം ചെയ്യുകയും ചെയ്തു.

രാഹുല്‍ ഗാന്ധി പ്രധാനമന്ത്രിക്ക് കത്തെഴുതി

ഹോസ്റ്റലുകളുടെ മോശം അവസ്ഥയും സ്‌കോളര്‍ഷിപ്പ് വിതരണത്തിലെ ക്രമക്കേടുകളും ചൂണ്ടിക്കാട്ടി പ്രതിപക്ഷ നേതാവ് രാഹുല്‍ ഗാന്ധി ജൂണ്‍ 10 ന് പ്രധാനമന്ത്രി മോദിക്ക് കത്തെഴുതിയിരുന്നു. ദളിത്, ആദിവാസി, ഇബിസി, ഒബിസി, ന്യൂനപക്ഷ സമുദായങ്ങളില്‍ നിന്നുള്ള വിദ്യാര്‍ത്ഥികളെ അനുപാതമില്ലാതെ ബാധിച്ചതായി അദ്ദേഹം ചൂണ്ടിക്കാട്ടി.

ബിഹാറിന്റെ ഉദാഹരണം അദ്ദേഹം ഉദ്ധരിച്ചു, അവിടെ സംസ്ഥാന സ്‌കോളര്‍ഷിപ്പ് പോര്‍ട്ടല്‍ തുടര്‍ച്ചയായി മൂന്ന് വര്‍ഷം നിഷ്‌ക്രിയമായി തുടര്‍ന്നു, ഇത് 2021-22 അധ്യയന വര്‍ഷത്തില്‍ വിതരണം ചെയ്യാത്തതിലേക്ക് നയിച്ചു. സ്‌കോളര്‍ഷിപ്പ് ലഭിക്കുന്ന ദളിത് വിദ്യാര്‍ത്ഥികളുടെ എണ്ണം ഏകദേശം പകുതിയായി കുറഞ്ഞു-23 സാമ്പത്തിക വര്‍ഷത്തില്‍ 1.36 ലക്ഷത്തില്‍ നിന്ന് 24 സാമ്പത്തിക വര്‍ഷത്തില്‍ 69,000 ആയി-ഗാന്ധി സൂചിപ്പിച്ചു, നിലവിലെ സ്‌കോളര്‍ഷിപ്പ് തുക ‘അപമാനകരമാംവിധം കുറവാണ്’ എന്ന് വിശേഷിപ്പിച്ചു.

’12 വര്‍ഷമായി ഞങ്ങള്‍ ബിജെപിയെ പിന്തുണയ്ക്കുന്നു. എന്നാല്‍ ഞങ്ങളുടെ ആവശ്യങ്ങളും ഉറപ്പുകളും പാലിക്കപ്പെട്ടില്ല. വാഗ്ദാനങ്ങള്‍ യാഥാര്‍ത്ഥ്യമായില്ല. 2021ലെ നിയമസഭാ തെരഞ്ഞെടുപ്പില്‍ മമത ബാനര്‍ജിയെ പിന്തുണയ്ക്കുമെന്ന് ഞാന്‍ പ്രഖ്യാപിക്കുന്നു. എന്‍ഡിഎയെ ഒരുകാലത്തും ഇനി പിന്തുണയ്ക്കില്ല’ – കൊല്‍ക്കത്തയില്‍ വിളിച്ചു ചേര്‍ത്ത പത്ര സമ്മേളനത്തില്‍ അദ്ദേഹം വ്യക്തമാക്കി.

പ്രത്യേക ഗൂര്‍ഖാലാന്‍ഡിനു വേണ്ടി പ്രക്ഷോഭം ചെയ്യുന്ന കക്ഷിയാണ് ജെജിഎം. ഗുരുങ്ങിനെതിരെ യുഎപിഎ അടക്കം 150 ഓളം കേസുകളുണ്ട്. എന്നാല്‍ സാല്‍ട്ട് ലേക്കിലെ ഗൂര്‍ഖ ഭവനില്‍ നടത്തിയ പത്ര സമ്മേളനത്തില്‍ പൊലീസ് ഹാജരായിരുന്നിട്ടും അദ്ദേഹത്തെ അറസ്റ്റു ചെയ്തില്ല.

2017ലെ ഡാര്‍ജിലിങ് പ്രക്ഷോഭത്തിന് ശേഷം ആദ്യമായാണ് ഗുരുങ് പൊതുവേദിയില്‍ പ്രത്യക്ഷപ്പെടുന്നത്. അറസ്റ്റ് ഒഴിവാക്കാന്‍ ഇതുവരെ ഒളിവില്‍ കഴിയുകയായിരുന്നു അദ്ദേഹം. പൊലീസ് പ്രത്യേക സിഐഡികളും ഇദ്ദേഹത്തിനായി പലയിടങ്ങളില്‍ വല വീശിയിരുന്നു എങ്കിലും അദ്ദേഹം രക്ഷപ്പെടുകയായിരുന്നു.

പ്രത്യേക ഗൂര്‍ഖാലാന്‍ഡ് ആവശ്യം ഉന്നയിച്ച് 2017 ജൂലൈ-സെപ്തംബര്‍ കാലയളവില്‍ 104 ദിവസം ബന്ദ് ആചരിച്ചിരുന്നു. ഇതിനിടെയുണ്ടായിരുന്ന സംഘര്‍ഷത്തില്‍ രണ്ട് പൊലീസുകാര്‍ അടക്കം 13 പേരാണ് കൊല്ലപ്പെട്ടിരുന്നത്.

ഡാര്‍ജിലിങ് അടക്കമുള്ള പ്രദേശങ്ങളില്‍ വന്‍ സ്വാധീനമുള്ള കക്ഷിയാണ് ജെജിഎം. 2011ലെ നിയമസഭാ തെരഞ്ഞെടുപ്പില്‍ ഡാര്‍ജിലിങ് ഹില്‍സിലെ മൂന്ന് മണ്ഡലങ്ങളിലാണ് പാര്‍ട്ടി ജയിച്ചിരുന്നത്.

2019ലെ തെരഞ്ഞെടുപ്പ് വിജയത്തിന് ശേഷം അധികാരമേറ്റ രണ്ടാം മോദി മന്ത്രിസഭയില്‍ കാബിനറ്റ് പദവിയുള്ള മൂന്ന് ഘടകകക്ഷി മന്ത്രിമാരാണ് ഉണ്ടായിരുന്നത്. ഒന്ന് ശിരോമണി അകാലിദളിന്റെ ഹര്‍സിമത്രത് കൗര്‍ ബാദല്‍. ഇവര്‍ കേന്ദ്രം പാസാക്കിയ കാര്‍ഷിക ബില്ലുകളില്‍ പ്രതിഷേധിച്ച് ഈയിടെ മന്ത്രിസ്ഥാനം രാജിവച്ചു. രണ്ടാമത്തേത്, ലോക്ജന്‍ശക്തിയുടെ രാം വിലാസ് പാസ്വാന്‍, മൂന്നാമത്തേത് ശിവസേനയുടെ അരവിന്ദ് സാവന്ത്. മഹാരാഷ്ട്രയിലെ സര്‍ക്കാര്‍ രൂപീകരണവുമായി ബന്ധപ്പെട്ട അഭിപ്രായ വ്യത്യാസങ്ങളില്‍ നേരത്തെ ശിവസേന ബിജെപി വിട്ടിരുന്നു. 2019 അവസാനത്തിലാണ് സേന പതിറ്റാണ്ടുകള്‍ നീണ്ട എന്‍ഡിഎ ബന്ധം അവസാനിപ്പിച്ചത്.

എന്‍ഡിഎയിലെ മറ്റൊരു പ്രധാന ഘടക കക്ഷിയായ ജെഡി(യു) മന്ത്രിസഭയില്‍ ചേര്‍ന്നിട്ടില്ല. പ്രധാനമന്ത്രി നരേന്ദ്രമോദിക്ക് പുറമേ, 24 കാബിനറ്റ് മന്ത്രിമാരും ഒമ്പത് സ്വതന്ത്ര ചുമതലയുള്ള സഹമന്ത്രിമാരും 24 സഹമന്ത്രിമാരുമാണ് രണ്ടാം എന്‍ഡിഎ മന്ത്രിസഭയില്‍ സത്യപ്രതിജ്ഞ ചെയ്ത് അധികാരമേറ്റിരുന്നത്. ഇപ്പോള്‍ കാബിനറ്റ് മന്ത്രിമാരുടെ എണ്ണം 21 ആയി ചുരുങ്ങി. റെയില്‍വേ സഹമന്ത്രി സുരേഷ് അന്‍ഗാഡിയുടെ മരണത്തോടെ സഹമന്ത്രിമാര്‍ 23 ആയി.

ഡാര്‍ജിലിംഗ് ആസ്ഥാനമായ ഗൂര്‍ഖാലാന്‍ഡ് എന്ന പുതിയ സംസ്ഥാന രൂപികരണത്തിനാണ് മോദി ഭരണകൂടം ലക്ഷ്യമിടുന്നത്. ഇതുമായി ബന്ധപ്പെട്ട് ഒക്ടോബര്‍ 7 ന് കേന്ദ്ര ആഭ്യന്തര മന്ത്രാലയം ഡല്‍ഹിയില്‍ വിളിച്ചു. പശ്ചിമ ബംഗാള്‍ സര്‍ക്കാരിനെയും ഗോര്‍ഖ ടെറിട്ടോറിയല്‍ അഡ്മിനിസ്‌ട്രേഷനെയും (ജിടിഎ) ഗോര്‍ഖ ജന്‍മുക്തി മോര്‍ച്ചയെയും (ജിജെഎം) യോഗത്തിലേക്ക് ക്ഷണിച്ചിട്ടുണ്ട്. ”ഗോര്‍ഖാലാന്‍ഡുമായി ബന്ധപ്പെട്ട വിഷയങ്ങള്‍ ചര്‍ച്ചചെയ്ത് അടുത്ത പാര്‍ലമെന്റ് സമ്മേളനത്തില്‍ ബില്‍ അവതരിപ്പിക്കാനാണ് കേന്ദ്രസര്‍ക്കാര്‍ നീക്കം.

ആഭ്യന്തര സഹമന്ത്രി ജി കിഷന്‍ റെഡ്ഡിയുടെ അധ്യക്ഷതയില്‍ യോഗം ചേരുമെന്ന് കേന്ദ്രം വ്യത്തങ്ങള്‍ അറിയിച്ചു. സംസ്ഥാന ആഭ്യന്തര സെക്രട്ടറി, ഡാര്‍ജിലിംഗ് ജില്ലാ മജിസ്ട്രേറ്റ്, ജിടിഎ പ്രിന്‍സിപ്പല്‍ സെക്രട്ടറി, ജിജെഎം പ്രസിഡന്റ് എന്നിവരെയാണ് യോഗത്തിലേക്ക് ക്ഷണിച്ചത്. നേപ്പാള്‍ അതിര്‍ത്തിയോട് ചേര്‍ന്നു കിടക്കുന്ന പശ്ചിമബംഗാളിലെ വടക്കന്‍ ഭാഗങ്ങള്‍ ഉള്‍പ്പെടുന്ന ഗൂര്‍ഖാലാന്‍ഡ് പുതിയ സംസ്ഥാനമാക്കി മാറ്റുകയാണ് ലക്ഷ്യം. ഇരുപതാം നൂറ്റാണ്ടില്‍ ആരംഭിച്ച ഗൂര്‍ഖാലാന്‍ഡ് ആവശ്യം അംഗീകരിച്ച് അതുവഴി രാഷ്ട്രീയ നേട്ടം നേടാനുള്ള ശ്രമം കൂടിയാണ് കേന്ദ്രസര്‍ക്കാരിന്റേത്. ചൊവ്വാഴ്ച നടക്കുന്ന യോഗത്തില്‍ കോവിഡ് മുക്തനായ ആഭ്യന്തരമന്ത്രി അമിത്ഷായും പങ്കെടുക്കുമെന്ന് സൂചനയുണ്ട്.

നേപ്പാളിന്റെ പൈതൃകം ഗൂര്‍ഖ വംശജര്‍ ആണ് ഈ മേഖലയില്‍ ഉള്ളത്. പശ്ചിമ ബംഗാളിന്റെ മറ്റു ഭാഗങ്ങളില്‍ നിന്ന് വ്യത്യസ്ത ഭാഷ സംസാരിക്കുന്നവരും വ്യത്യസ്തമായ സംസ്‌കാര രീതി പുലര്‍ത്തുന്നവരുമാണ് ഇവരെന്ന വസ്തുത മുന്‍ നിര്‍ത്തിയാണ് സംസ്ഥാന വിഭജന നീക്കത്തിന് കേന്ദ്രം കാരണമാക്കുന്നത്. ഡാര്‍ജിലിംഗില്‍ നിന്നുള്ള ബിജെപി എംപി രാജു ബിസ്ത ഗോര്‍ഖലാന്റ് വിഷയം കഴിഞ്ഞ പാര്‍ലമെന്റിന്റെ മണ്‍സൂണ്‍ സെഷനില്‍ ഉന്നയിച്ചിരുന്നു.

അതേസമയം, അടുത്ത വര്‍ഷം നടത്തുന്ന സംസ്ഥാന തെരഞ്ഞെടുപ്പിന് മുന്നോടിയായി സംസ്ഥാനത്തെ ഭിന്നിപ്പിക്കാനുള്ള ശ്രമമാണ് കേന്ദ്രം നടത്തുന്നതെന്ന വിര്‍ശനവുനായി മുതിര്‍ന്ന തൃണമൂല്‍ (ടിഎംസി) നേതാവ് ഗൗതം ഡെബ് രംഗത്തെത്തി.
2021 ലെ നിയമസഭാ തെരഞ്ഞെടുപ്പിന് മുന്നോടിയായി സംസ്ഥാനത്തെ ഭിന്നിപ്പിക്കാന്‍ ബിജെപി ശ്രമിക്കുന്നു. സംസ്ഥാനത്തെ ഭിന്നിപ്പിക്കാന്‍ ഞങ്ങള്‍ ആരെയും അനുവദിക്കില്ല. എന്ത് വില കൊടുത്തും ബിജെപിയുടെ ഗൂഢാലോചന ഞങ്ങള്‍ അവസാനിപ്പിക്കും, ഗൗതം ഡെബ് പ്രതികരിച്ചു.

243 ആണ് ഉപരിസഭയിലെ അംഗബലം. ഇതില്‍ 122 പേരുടെ പിന്തുണയാണ് ബില്‍ പാസാക്കാനായി വേണ്ടത്. ബിജെപി നേതൃത്വം നല്‍കുന്ന എന്‍ഡിഎയ്ക്ക് 105 സീറ്റുകളാണ് ഉള്ളത്. പ്രതിപക്ഷത്തിന് നൂറും.

രാജ്യസഭയിലെ പത്ത് എംപിമാര്‍ കോവിഡ് കാലം പങ്കെടുക്കുന്നില്ല. മുന്‍ പ്രധാനമന്ത്രി ഡോ മന്‍മോഹന്‍സിങ്, മുന്‍ ധനമന്ത്രി പി ചിദംബരം എന്നിവര്‍ അടക്കം 15 പേര്‍ ഈ സെഷനില്‍ നിന്ന് അവധിയെടുത്തിട്ടുണ്ട്. അംഗങ്ങള്‍ കുറയുന്ന വേളയില്‍ ഭൂരിപക്ഷത്തിനു വേണ്ട അംഗ ബലത്തിലും കുറവുണ്ടാകും. ബിജെപിക്ക് മാത്രമായി 86 പേരാണ് ഉപരിസഭയിലുള്ളത്. ബാക്കിയുള്ളവര്‍ സഖ്യകക്ഷി അംഗങ്ങളും.

ഇതില്‍ ശിരോമണി അകാലിദളിന്റെ മൂന്ന് എംപിമാര്‍ ബില്ലുകള്‍ക്കെതിരെ വോട്ടു ചെയ്യുമെന്ന് പ്രഖ്യാപിച്ചിട്ടുണ്ട്. അംഗങ്ങള്‍ക്ക് പാര്‍ട്ടി വിപ്പും നല്‍കിയിരുന്നു. ബില്‍ കൊണ്ടുവന്നതില്‍ പ്രതിഷേധിച്ച് കഴിഞ്ഞ ദിവസം ഏക പാര്‍ട്ടി മന്ത്രി ഹര്‍സിമ്രത് കൗര്‍ ബാദല്‍ രാജിവയ്ക്കുകയും ചെയ്തിരുന്നു. ബില്ലുകള്‍ കര്‍ഷക വിരുദ്ധമാണ് എന്നാണ് അകാലിദള്‍ ആരോപിക്കുന്നത്.

ബിജെപിയോട് സൗഹൃദം പുലര്‍ത്തുന്ന ബിജെഡി, വൈഎസ്ആര്‍ കോണ്‍ഗ്രസ്, ടിആര്‍എസ് എന്നിവയുടെ നിലാപടുകള്‍ ബില്ലില്‍ നിര്‍ണായകമാകും. വൈഎസ്ആര്‍ കോണ്‍ഗ്രസിന് ആറും ടിആര്‍എസിന് ഏഴും ബിജെഡിക്ക് ഒമ്പതും സീറ്റാണ് ഉള്ളത്. 135 വോട്ടുകള്‍ ബില്ലുകള്‍ക്ക് അനുകൂലമായി ലഭിക്കും എന്നാണ് സര്‍ക്കാറിന്റെ പ്രതീക്ഷ.

എന്നാല്‍ കോണ്‍ഗ്രസിന്റെ നേതൃത്വത്തില്‍ പ്രതിപക്ഷ നിരയെ ഒന്നിപ്പിക്കാനുള്ള ശ്രമങ്ങള്‍ സജീവമാണ്. കോണ്‍ഗ്രസിന് സ്വന്തമായി രാജ്യസഭയില്‍ 40 അംഗങ്ങളാണ് ഉള്ളത്. ബിഎസ്പിക്ക് നാലും എസ്പിക്ക് എട്ടും എഎപിക്ക് മൂന്നും സീറ്റുകളുണ്ട്. എന്‍സിപിക്ക് നാലും ശിവസേനയ്ക്ക് മൂന്നും സീറ്റുണ്ട്.

രണ്ടാം നരേന്ദ്രമോദി സര്‍ക്കാറിന്റെ സത്യപ്രതിജ്ഞ ഇന്ന് രാഷ്ട്രപതി ഭവന്‍ അങ്കണത്തില്‍ നടക്കും. വൈകീട്ട് ഏഴ് മണിക്ക് നടക്കുന്ന ചടങ്ങിന് സാക്ഷിയാകാന്‍ 8000ത്തോളം പേര്‍ അതിഥികളായി എത്തുമെന്നാണ് വിവരം. രാഷ്ട്രപതി ഭവനില്‍ നടക്കുന്ന ഏറ്റവും വലിയ ചടങ്ങായി ഇതോടെ എന്‍.ഡി.എ സര്‍ക്കാറിന്റെ സ്ഥാനാരോഹണം മാറും. മോദിക്കൊപ്പം മന്ത്രിസഭയിലെ പ്രമുഖരും ഇന്ന് ചുമതലയേല്‍ക്കും. അതേസമയം മന്ത്രിസഭാ വികസനവും വകുപ്പ് വിഭജനവും പിന്നീടേ ഉണ്ടാകൂവെന്നാണ് സൂചന. വിപുലമായ ഒരുക്കങ്ങളാണ് സത്യപ്രതിജ്ഞാ ചടങ്ങിനായി നടക്കുന്നത്.
പ്രൗഢമായ സദസ്സിനു മുന്നില്‍ രാഷ്ട്രപതി രാംനാഥ് കോവിന്ദ് സത്യവാചകം ചൊല്ലിക്കൊടുക്കും. മുതിര്‍ന്ന ബി. ജെ.പി നേതാക്കള്‍ക്കും സംസ്ഥാന മുഖ്യമന്ത്രിമാര്‍ക്കും പുറമെ മൗറീഷ്യസ് പ്രധാനമന്ത്രി പ്രവിന്ദ് ജഗ്‌നദ്, ഷാങ്ഹായ് കോര്‍പ്പറേഷന്‍(എസ്.സി.ഒ) അധ്യക്ഷന്‍ കൂടിയായ കിര്‍ഗിസ്ഥാന്‍ പ്രസിഡണ്ട് സൊറോന്‍ബേ ജീന്‍ബെക്കോവ് എന്നിവരേയും ബിംസ്റ്റെക് രാഷ്ട്ര തലവന്മാരേയും ചടങ്ങിലേക്ക് ക്ഷണിച്ചിട്ടുണ്ട്. യു.പി.എ അധ്യക്ഷ സോണിയാ ഗാന്ധിയും കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും സത്യപ്രതിജ്ഞാ ചടങ്ങില്‍ പങ്കെടുക്കുമെന്ന് അറിയിച്ചിട്ടുണ്ട്. ആരോഗ്യ പ്രശ്‌നങ്ങളെതുടര്‍ന്ന് രണ്ടാം മോദി മന്ത്രിസഭയിലേക്കില്ലെന്ന് നിലവില്‍ ധനമന്ത്രിയായ അരുണ്‍ ജെയ്റ്റ്‌ലി ഇതിനകം വ്യക്തമാക്കിയിട്ടുണ്ട്. അതേസമയം വകുപ്പില്ലാ മന്ത്രിയായി തുടണമെന്ന് ജെയ്റ്റ്‌ലിയോട് മോദി നേരിട്ട് ആവശ്യപ്പെട്ടതായാണ് വിവരം. മോദി ഇന്നലെ രാത്രി ജെയ്റ്റ്‌ലിയെ സന്ദര്‍ശിച്ചിരുന്നു.
നിലവിലെ മന്ത്രിസഭാംഗങ്ങളില്‍ സീനിയര്‍ അംഗങ്ങളെ നിലനിര്‍ത്തിയും കൂടുതല്‍ പുതുമുഖങ്ങളെ ഉള്‍പ്പെടുത്തിയുമാവും രണ്ടാം മോദി സര്‍ക്കാറിന്റെ സ്ഥാനാരോഹണമെന്നാണ് റിപ്പോര്‍ട്ട്. ബി.ജെ.പി ദേശീയ പ്രസിഡണ്ട് അമിത് ഷാ മന്ത്രിസഭയില്‍ ചേരില്ലെന്നാണ് ഒടുവില്‍ ലഭിക്കുന്ന സൂചന. അദ്ദേഹം ബി.ജെ.പി അധ്യക്ഷനായി തുടര്‍ന്നേക്കും. അങ്ങനെയെങ്കില്‍ അധ്യക്ഷ സ്ഥാനത്തേക്ക് അമിത് ഷാക്ക് പകരക്കാരനായി പരിഗണിച്ചിരുന്ന ജെ.പി നദ്ദ മന്ത്രിസഭയില്‍ തുടരും. നിലവില്‍ കേന്ദ്രമന്ത്രിമരായ രാജ്‌നാഥ് സിങ്, നിതിന്‍ ഗഡ്കരി, നിര്‍മ്മലാ സീതാരാമന്‍, രവിശങ്കര്‍ പ്രസാദ്, ധര്‍മ്മേന്ദ്ര പ്രഥാന്‍, നരേന്ദ്രസിങ് തോമര്‍, അര്‍ജുന്‍ റാം മേഘ്‌വാള്‍, പ്രകാശ് ജാവദേക്കര്‍ എന്നിവരും തുടരും. അമേഠിയില്‍ രാഹുല്‍ ഗാന്ധിയെ പരാജയപ്പെടുത്തിയ സ്മൃതി ഇറാനിക്ക് സുപ്രധാന വകുപ്പ് നല്‍കിയേക്കുമെന്നും സൂചനയുണ്ട്. ഘടക കക്ഷികളായ ജെ.ഡി.യുവിനും ശിവസേനക്കും രണ്ടു വീതം മന്ത്രിപദവികള്‍ ലഭിക്കും. എസ്.എ.ഡി, അപ്‌നാദള്‍, എല്‍. ജെ.പി, അണ്ണാഡി.എം. കെ എന്നീ കക്ഷികള്‍ക്ക് ഓരോ മന്ത്രിമാര്‍ വീതമുണ്ടാകും.
മന്ത്രിസഭാ രൂപീകരണം സംബന്ധിച്ച മാരണത്തണ്‍ ചര്‍ച്ചകളാണ് നടന്നുവരുന്നത്. മോദി, അമിത് ഷാ എന്നിവരുടെ സാന്നിധ്യത്തില്‍ നടന്ന യോഗം അഞ്ചു മണിക്കൂറിലേറെ നീണ്ടു നിന്നിരുന്നു. ഇന്നു കാലത്തു ചേരുന്ന ഉന്നതതല യോഗം സത്യപ്രതിജ്ഞ ചെയ്യുന്ന മന്ത്രിമാരുടെ ഔദ്യോഗിക പട്ടികക്ക് അംഗീകാരം നല്‍കി രാഷ്ട്രപതി ഭവനു കൈമാറും.

ആഭ്യന്തര സഹമന്ത്രി ഹന്‍സ് രാജ് ഗംഗാറാം ആഹിര്‍ ലോക്‌സഭയില്‍ ഈ മാസം അഞ്ചിന് നല്‍കിയ മറുപടി അനുസരിച്ച് ജമ്മുകശ്മീരില്‍ കഴിഞ്ഞ അഞ്ചുവര്‍ഷത്തിനിടെ 1708 ഭീകരാക്രമണമാണ് നടന്നത്. ഇതില്‍ 339 സുരക്ഷാ സൈനികരാണ് കൊല്ലപ്പെട്ടത്.
2014ല്‍ 47 സുരക്ഷാ സൈനികര്‍ കൊല്ലപ്പെട്ട സ്ഥാനത്ത് 2018ല്‍ ഇത് 91 ആയി ഉയര്‍ന്നു. 94 ശതമാനത്തിന്റെ വര്‍ധനവാണിത്. 2014ല്‍ 222 ഭീകരാക്രമണങ്ങള്‍ നടന്ന സ്ഥാനത്ത് 2018ല്‍ മാത്രം 614 ആയാണ് ഉയര്‍ന്നത്. ഭീകരാക്രമണങ്ങളുടെ എണ്ണത്തില്‍ നാലു വര്‍ഷത്തിനിടെ 177 ശതമാനം വര്‍ധനവാണുണ്ടായത്. അഞ്ചുവര്‍ഷത്തിനിടെ കൊല്ലപ്പെട്ട ഭീകരരുടെ എണ്ണത്തിലും വര്‍ധനവുണ്ടായിട്ടുണ്ട്. 2014ല്‍ 110 ഭീകരര്‍ കൊല്ലപ്പെട്ട സ്ഥാനത്ത് 2018ല്‍ 257 ആയി ഉയര്‍ന്നു, 134 ശതമാനം വര്‍ധനവ്. അഞ്ചു വര്‍ഷത്തിനിടെ 838 ഭീകരരാണ് ജമ്മുകശ്മീരില്‍ കൊല്ലപ്പെട്ടത്. അഞ്ചു വര്‍ഷത്തിനിടെ രാജ്യത്ത് ഏറ്റവും കൂടുതല്‍ ഭീകരാക്രമണം നടന്നത് 2018ലാണ്.

2017നെ അപേക്ഷിച്ച് ഭീകരാക്രമണങ്ങളുടെ എണ്ണത്തില്‍ 70 ശതമാനം വര്‍ധനവാണുണ്ടായിരിക്കുന്നത്. 2017 വരെയുള്ള കണക്കുകള്‍ പ്രകാരം 28 വര്‍ഷത്തിനിടെ 70,000 ഭീകരാക്രമണമാണ് ജമ്മുകശ്മീരില്‍ നടന്നത്. ഇതില്‍ 22,143 ഭീകരരും 13,976 സിവിലിയന്‍മാരും 5,123 സൈനികരുമാണ് കൊല്ലപ്പെട്ടത്.

കഴിഞ്ഞ നാല് വര്‍ഷങ്ങളിലായി ഇന്ത്യന്‍ സുരക്ഷാ സേനക്ക് നേരെയുണ്ടായ പ്രധാന ആക്രമണങ്ങള്‍

2014 ഡിസംബര്‍ 5:

ആയുധാരികളായ ആറു ഭീകരര്‍ ഉറിയിലെ മോഹ്‌റ ര്‍മി ക്യാമ്പ് അക്രമിച്ചു. നേരിട്ടുള്ള വെടിവെപ്പ് ആക്രമത്തില്‍ പത്ത് സൈനികരാണ് കൊല്ലപ്പെട്ടത്.

25 ജൂണ്‍ 2016:

ശ്രീനഗര്‍-ജമ്മു നാഷണല്‍ ഹൈവേയില്‍ പാമ്പോറില്‍ വെച്ച് സിആര്‍പിഎഫ് ബസിന് നേരെ വെടി തീവ്രവാദികളുടെ വെടിവെപ്പ്. അക്രമണ്തതില്‍ എട്ട് സൈനികരാണ് കൊല്ലപ്പെട്ടത്.

18 സെപ്റ്റംബര്‍ 2016:

ബാരാമുള്ള ജില്ലയിലെ ഉറിയില്‍ നടന്ന ഭീകരാക്രമണം. നുഴഞ്ഞു കയറിവന്ന പാക് തീവ്രവാദികളുടെ വെടിവയ്പില്‍ 18 സൈനികരാണ് കൊല്ലപ്പെട്ടത്. സൈനികര്‍ ഉറങ്ങികിടക്കുമ്പോഴായിരുന്നു അപ്രതീക്ഷിത അക്രമം. ഇതിനെ തുടര്‍ന്ന് പാകിസ്താന്‍ അധിനിവേശ കശ്മീരില്‍ ഇന്ത്യന്‍ സൈന്യത്തിന്റെ സര്‍ജിക്കല്‍ സ്‌ട്രൈക്ക് തിരിച്ചടിയുണ്ടായി.

29 നവംബര്‍ 2016:

ജമ്മുവിലെ നഗ്‌റോട്ടയിലെ ആര്‍മി ക്യാമ്പില്‍ വെടിവെപ്പ്. ഏഴ് സൈനികര്‍ കൊല്ലപ്പെട്ടു.

26 ആഗസ്റ്റ് 2017:

പുല്‍വാമയിലെ ജില്ലാ പോലീസ് ലൈനുകളില്‍ മൂന്ന് ജെയ്ഷ് ഭീകരരുടെ ആക്രമം. കൊലപ്പെടുംമുന്നേ ഇന്ത്യയുടെ എട്ട് സുരക്ഷാ സേനക്കാരെ ഭീകരര്‍ കൊലപ്പെടുത്തി.

ത്രിപുരയില്‍ മോദി പങ്കെടുത്ത പൊതു ചടങ്ങിലാണ് കായികമന്ത്രി മനോജ് കാന്തി ദേബ് വനിതാ മന്ത്രിയോട് അപമര്യാദയായി പെരുമാറിയത്. ദിവസങ്ങള്‍ക്ക് മുമ്പ് നടന്ന സംഭവത്തിന്റെ വീഡിയോ ദൃശ്യങ്ങള്‍ സാമൂഹികമാധ്യമങ്ങളില്‍ വ്യാപകമായി പ്രചരിച്ചതോടെ മന്ത്രിക്കെതിരേ പ്രതിഷേധവും ശക്തമായി.ചടങ്ങില്‍ പ്രധാനമന്ത്രി ഉദ്ഘാടനം നിര്‍വഹിക്കുന്നതിനിടെ വേദിയുടെ വലതുവശത്തായി നില്‍ക്കുകയായിരുന്ന മനോജ് കാന്തി ദേബ് വനിതാ മന്ത്രിയെ മോശമായരീതിയില്‍ സ്പര്‍ശിക്കുകയായിരുന്നു.

വനിതാമന്ത്രിയുടെ പിന്നില്‍നിന്ന് അവരുടെ ശരീരത്തില്‍ കയറിപിടിച്ച മനോജ് കാന്തി ദേബിനെതിരേ വനിതാമന്ത്രി ചെറുത്തുനില്‍പ്പ് നടത്തുന്നതും വീഡിയോ ദൃശ്യങ്ങളിലുണ്ട്. വേദിയില്‍ തിക്കോ തിരക്കോ ഇല്ലാതിരുന്നിട്ടും മന്ത്രി ബോധപൂര്‍വ്വം വനിതാമന്ത്രിയെ കയറിപിടിക്കാന്‍ ശ്രമിക്കുന്നതും വീഡിയോദൃശ്യങ്ങളില്‍നിന്ന് വ്യക്തമാണ്. മന്ത്രി മനോജ് കാന്തി ദേബിനെതിരേ നടപടി സ്വീകരിക്കണമെന്നാണ് പ്രതിപക്ഷത്തിന്റെ ആവശ്യം.

‘ഞാന്‍ ബി.ജെ.പിക്ക് വേണ്ടിയും രാജ്യത്തിനായും ജീവിതം മാറ്റിവെച്ച ഒരുപാട് പേരെ കണ്ടിട്ടുണ്ട്. ഞാനൊരിക്കല്‍ ഒരു പ്രവര്‍ത്തകനോട് എന്ത് ചെയ്യുന്നുവെന്നും വീട്ടില്‍ ആരൊക്കെയുണ്ടെന്നും ചോദിച്ചു. അദ്ദേഹം മറുപടി തന്നത് ലാഭമില്ലാത്തതിനാല്‍ കട അടച്ചു വീട്ടില്‍ ഭാര്യയും മകനുമുണ്ട് എന്നാണ്’.

ഞാന്‍ അദ്ദേഹത്തോട് പറഞ്ഞത് നിങ്ങള്‍ കുടുംബത്തെ മാന്യമായി നോക്കാനാണ്. അങ്ങനെ ഒരാള്‍ക്കെ രാജ്യത്തെ പുരോഗതിയിലേക്ക് നയിക്കാനാകുകയുള്ളുവെന്നും ഞാന്‍ അയാളെ ഓര്‍മപ്പെടുത്തി. ‘ആദ്യം കുടുംബത്തേയും മക്കളേയും നോക്കിയതിന് ശേഷം രാജ്യം നോക്കുക’ ഗഡ്കരി പറഞ്ഞു.

മോദി-അമിത് ഷാ കൂട്ടുകെട്ടിനെതിരെ ഗഡ്കരിയുടെ നേതൃത്വത്തില്‍ പടയൊരുക്കം നടക്കുന്നതായി വാര്‍ത്തകളുണ്ടായിരുന്നു. രാഷ്ട്രീയപ്രവര്‍ത്തകര്‍ നടപ്പാക്കാന്‍ കഴിയാത്ത വാഗ്ദാനങ്ങള്‍ നല്‍കരുതെന്ന ഗഡ്കരിയുടെ പ്രസ്താവന വിവാദമായിരുന്നു.

ഇതോടെ പ്രധാനമന്ത്രിയുടെ നേതൃത്വത്തില്‍ ഇന്ന് വീണ്ടും യോഗം ചേര്‍ന്നു. മോദിക്കു പുറമെ ധനമന്ത്രി അരുണ്‍ ജെയ്റ്റ്‌ലി, പെട്രോളിയം മന്ത്രി ധര്‍മേന്ദ്ര പ്രധാന്‍ എന്നിവരും യോഗത്തില്‍ പങ്കെടുത്തു. അതേ സമയം യോഗത്തില്‍ എണ്ണ വില നിയന്ത്രിക്കുന്നതിനായി പ്രത്യേകിച്ച് ഫോര്‍മുലകളൊന്നും തന്നെ ഉരുത്തിരിഞ്ഞിട്ടില്ലെന്നാണ് വിവരം.

അഞ്ചു സംസ്ഥാനങ്ങളിലെ നിയമസഭാ തെരഞ്ഞെടുപ്പ് നടക്കാനിരിക്കെ എണ്ണ വില കുതിച്ചുയരുന്നത് സര്‍ക്കാറിന് തിരിച്ചടിയാകുമെന്ന ഭീതിയിലാണ് ബി.ജെ.പി. എണ്ണക്കമ്പനികളോട് ഇനിയും സബ്‌സിഡി വെട്ടിക്കുറക്കാന്‍ ആവശ്യപ്പെടേണ്ടതില്ലെന്നാണ് ഇന്നലത്തെ യോഗത്തിന്റെ തീരുമാനം. ഡീസലിന് തെലുങ്കാനയിലെ അദിലാബാദിലാണ് ഏറ്റവും കൂടിയ വില. ഇവിടെ ലിറ്ററിന് 82.88 രൂപയാണ് ഇന്നത്തെ വില.

മഹാരാഷ്ട്രയിലെ അമരാവതിയിലാണ് പെട്രോളിന് കൂടിയ വില. ലിറ്ററിന് 89.25 രൂപയാണ് വില. സംസ്ഥാനത്തും എണ്ണ വില കുതിച്ചുയരുകയാണ്. തിരുവനന്തപുരത്ത് പെട്രോള്‍ ലിറ്ററിന് 85.98 രൂപയും കോഴിക്കോട് 84.80 രൂപയും കൊച്ചിയില്‍ 84.55 രൂപയുമാണ്. ഡീസലിന് തിരുവനന്തപുരത്ത് 80.21 രൂപയും കോഴിക്കോട് 79.22 രൂപയും കൊച്ചിയില്‍ 78.95 രൂപയുമാണ് ഇന്നത്തെ വില.