ഓണ്‍ലൈന്‍ ട്രേഡിങ്ങിലൂടെ സാമ്പത്തിക ലാഭമുണ്ടാക്കി കൊടുക്കാമെന്ന് വാഗ്ദാനം നല്‍കിയാണ് ശബരിനാഥ് തട്ടിപ്പ് നടത്തിയത്. 2024 ജനുവരി മുതലാണ് പണം വാങ്ങി തുടങ്ങിയത്. പിന്നീട് മുടക്കിയ തുകയോ അതിനുള്ള ലാഭമോ നല്‍കിയില്ല. ഈ കൊമേഴ്‌സ് ബിസിനസ് എന്നപേരില്‍ ഒരു സ്ഥാപനം ഇതിനായി തുടങ്ങുകയും രജിസ്റ്റര്‍ ചെയ്യുകയും ചെയ്തു. എന്നാല്‍ തുടര്‍നടപടികളിലേക്ക് പോകാതെ വന്നതോടെയാണ് അഭിഭാഷകനായ സഞ്ജയ് പരാതി നല്‍കിയത്.

ഡല്‍ഹി ഐസിഐസിഐ ബാങ്കില്‍ പരാതിക്കാരിയുടെ പേരില്‍ അക്കൗണ്ട് ഉണ്ടെന്നും ഈ അക്കൗണ്ട് സന്ദീപ് എന്നയാള്‍ ലഹരിക്കടത്തിന്റെ ഭാഗമായി ഉപയോഗിച്ചെന്നും പറഞ്ഞായിരുന്നു തട്ടിപ്പ്. കേസില്‍ നിന്നും ഒഴിവാക്കി തരുന്നതിനാണ് പണം ആവശ്യപ്പെട്ടത്. മൂന്ന് അക്കൗണ്ടുകളില്‍ നിന്ന് നാല് കോടി 11 ലക്ഷം 9094 രൂപയ പരാതിക്കാരിക്ക് നഷ്ടമായി. പിടിയിലായ മുഹമ്മദ് മുഹസില്‍, മിഷാബ് എന്നിവര്‍ തട്ടിപ്പിന്റെ ഇടനിലക്കാരാണെന്നാണ് വിവരം. ഇവരുടെ അക്കൗണ്ടിലേക്കാണ് തട്ടിപ്പ് തുക എത്തിയത്. ഇവരില്‍ ഇന്നും ഇനോവ ക്രിസ്റ്റയും ഒരു ലക്ഷം രൂപയും പിടിച്ചെടുത്തു.

തട്ടിപ്പിനായി അക്കൗണ്ട് നല്‍കുന്നവര്‍ക്ക് 25000 രൂപ മുതല്‍ 30000 വരെ ലഭിക്കുമെന്നും കണ്ടെത്തി. തട്ടിപ്പ് പണം എടിഎമ്മില്‍ നിന്നും പണം പിന്‍വലിച്ച് നല്‍കുന്നതിനും കമ്മീഷനും ലഭിക്കും. കേസിലെ മുഖ്യപ്രതി ഉടന്‍ പിടിയിലാകുമെന്ന് എറണാകുളം സൈബര്‍ പോലീസ് പറഞ്ഞു.