ആറോളം പേര്‍ യുവതിയോട് മോശമായി പെരുമാറിയെന്നും ഇവരുടെ ലൈസന്‍സ് റദ്ദാക്കുമെന്നും മന്ത്രി പറഞ്ഞു. ഊബര്‍ ഇന്ത്യയിലോ കേരളത്തിലോ നിരോധിച്ചിട്ടില്ലെന്നും മൂന്നാറില്‍ ഗുണ്ടായിസം നടത്തുകയാണെന്നും മന്ത്രി കുറ്റപ്പെടുത്തി.

മേുംബൈയിലെ അസിസ്റ്റന്റ് പ്രൊഫസറായ ജാന്‍വി ഓണ്‍ലൈന്‍ ടാക്സി വഴി യാത്ര ചെയ്യുന്നതിനിടെ നേരിട്ട ദുരനുഭവം സാമൂഹ്യമാധ്യമങ്ങളില്‍ വീഡിയോ ആയി പങ്കുവെച്ചതോടെയാണ് സംഭവം വലിയ വിവാദമായത്. കൊച്ചി, ആലപ്പുഴ എന്നിവിടങ്ങളിള്‍ സന്ദര്‍ശിച്ച ശേഷം ജാന്‍വിയും സുഹൃത്തുക്കളും മൂന്നാറിലെത്തിയപ്പോള്‍ പ്രാദേശിക ടാക്സി യൂണിയന്‍ അംഗങ്ങള്‍ ‘ ഓണ്‍ലൈന്‍ ടാക്സികള്‍ക്ക് നിരോധനമുണ്ട് ‘. എന്ന് പറഞ്ഞ് ഇവരെ തടഞ്ഞു ഭീഷണിപ്പെടുത്തുകയായിരുന്നു. സഹായം തേടി പൊലീസിനെ സമീപിച്ചെങ്കിലും സ്ഥലത്തെത്തിയ ഉദോഗ്യസ്ഥരും ടാക്സി യൂണിയന്റെ നിലപാട് തന്നെയാണ് പിന്തുടര്‍ന്നതെന്ന് ജാന്‍വി ആരോപിച്ചു. സുരക്ഷിതത്വം നഷ്ടപ്പെട്ടതിനെ തുടര്‍ന്ന് അവര്‍ കേരളയാത്ര അവസാനിപ്പിച്ച് മടങ്ങുകയായിരുന്നു. സംഭവം വൈറലായതിനെ തുടര്‍ന്ന് എഎസ്ഐ സാജു പൗലോസിനെയും ഗ്രേഡ് എസ്ഐ ജോര്‍ജ് കുര്യനെയും സസ്പെന്‍ഡ് ചെയ്തിരുന്നു. യുവതിയെ ഭീഷണിപ്പെടുത്തിയ സംഘത്തില്‍പ്പെട്ട മറ്റുള്ളവരെ തിരിച്ചറിയാനുള്ള അന്വേഷണം തുടരുന്നതായി പൊലീസ് അറിയിച്ചു.

വിനോദസഞ്ചാര പ്രവര്‍ത്തനങ്ങള്‍ക്ക് നിരോധനം ഏര്‍പ്പെടുത്തിയ ഉത്തരവ് ലംഘിക്കുന്നവര്‍ക്കെതിരെ കര്‍ശന ശിക്ഷാനടപടി സ്വീകരിക്കുമെന്ന് ജില്ല കലക്ടര്‍ വി. വിഘ്‌നേശ്വരി അറിയിച്ചു. ജീപ്പ് സവാരിയും, ജീപ്പ് ട്രക്കിങ്ങും ഉള്‍പ്പടെയുള്ള എല്ലാവിധ വിനോദസഞ്ചാര പ്രവര്‍ത്തനങ്ങളും കര്‍ശനമായി തടയാനാണ് തീരുമാനം.

വീഴ്ച വരുത്തുന്ന വാഹനം, സ്ഥാപനം എന്നിവ പിടിച്ചെടുക്കും. വാഹനയുടമ, ഡ്രൈവര്‍, സ്ഥാപനയുടമ എന്നിവര്‍ക്കെതിരെ ദുരന്തനിവാരണ നിയമപ്രകാരമായിരിക്കും നടപടി.

അലക്ഷ്യമായി വാഹനമോടിക്കല്‍, മനപ്പൂര്‍വമല്ലാത്ത നരഹത്യ തുടങ്ങി വിവിധ വകുപ്പുകള്‍ ചുമത്തിയാണ് കേസ്. നാഗര്‍കോവില്‍ സ്‌കോട്ട് ക്രിസ്ത്യന്‍ കോളേജ് വിദ്യാര്‍ഥികളായ ആദിക, വേണിക, സുതന്‍ എന്നിവരാണ് അപകടത്തില്‍ മരിച്ചത്. അടിമാലി താലൂക്ക് ആശുപത്രിയില്‍ പോസ്റ്റ്‌മോര്‍ട്ടത്തിനുശേഷം മൃതദേഹങ്ങള്‍ ബന്ധുക്കള്‍ക്ക് വിട്ടു നല്‍കും.

അതേസമയം മൂന്നാര്‍ ടാറ്റ ജനറല്‍ ആശുപത്രിയില്‍ ചികിത്സയിലുള്ളവര്‍ അപകടനില തരണം ചെയ്തു. സംഭവത്തില്‍ മോട്ടോര്‍ വാഹന വകുപ്പും അന്വേഷണം തുടങ്ങി.

ചൊവ്വാഴ്ചയാണ് അധ്യാപകരും വിദ്യാര്‍ഥികളുമടങ്ങുന്ന 40 അംഗ സംഘം നാഗര്‍കോവില്‍ നിന്ന് മൂന്നാറിലെത്തിയത്. മാട്ടുപ്പെട്ടി സന്ദര്‍ശിച്ച് കുണ്ടള ഡാമിലേക്കുള്ള യാത്രക്കിടെയാണ് വാഹനം നിയന്ത്രണം നഷ്ടപ്പെട്ട് മറിഞ്ഞ് അപകടത്തില്‍ പെടുന്നത്.

മാലിന്യ സംസ്‌കരണ കേന്ദ്രത്തിലെ തൊഴിലാളികളാണ് പരിക്കേറ്റ രണ്ടുപേരും. രാവിലെ ജോലിക്കെത്തിയ ഇരുവരെയും കാട്ടാന ആക്രമിക്കുകയായിരുന്നു.

മാര്‍ച്ച് 17ന് പുലര്‍ച്ചെ കുണ്ടളക്ക് സമീപം ചെണ്ടുവരൈ ഹയര്‍സെക്കന്‍ഡറി സ്‌കൂള്‍ പരിസരത്ത് നിന്നാണ് ഇവര്‍ 600 കിലോവീതം തൂക്കം വരുന്ന രണ്ട് കാട്ടുപോത്തുകളെ വെടിവെച്ച് കൊന്ന് രണ്ട് വാഹനത്തിലായി ഇറച്ചി കടത്തിയത്.

തിരുവനന്തപുരം: മൂന്നാര്‍ മേഖലയിലെ നിര്‍മാണപ്രവൃത്തികള്‍ക്ക് നിയന്ത്രണം ഏര്‍പ്പെടുത്തിയ റവന്യുവകുപ്പിന്റെ ഉത്തരവ് പിന്‍വലിക്കില്ലെന്ന് സര്‍ക്കാര്‍ വ്യക്തമാക്കിയപ്പോള്‍ വിരുദ്ധാഭിപ്രായവുമായി ഭരണകക്ഷി എം.എല്‍.എമാര്‍. ഇടുക്കി ജില്ലയില്‍ നിന്നുളള സി.പി.എം അംഗം എസ്.രാജേന്ദ്രനും സി.പി.ഐയിലെ ഇ.എസ് ബിജിമോളുമാണ് ഉത്തരവിന് എതിരായി രംഗത്തുവന്നത്. പ്രതിപക്ഷം സഭയില്‍ അവതരിപ്പിച്ച അടിയന്തരപ്രമേയ നോട്ടീസിനെ തുടര്‍ന്നാണ് ഭരണകക്ഷയിലെ വൈരുധ്യം പ്രകടമായത്.
ഭരണകക്ഷി അംഗങ്ങള്‍ വരെ ആവശ്യപ്പെടുന്ന സ്ഥിതിക്ക് ഉത്തരവ് പിന്‍വലിക്കണമെന്ന് പ്രതിപക്ഷം ആവശ്യപ്പെട്ടു. എന്നാല്‍ ഉത്തരവ് പിന്‍വലിക്കില്ലെന്ന നിലപാടില്‍ മുഖ്യമന്ത്രിയും റവന്യുമന്ത്രിയും ഉറച്ചുനിന്നതോടെ പ്രതിപക്ഷം ഇന്നലെ നിയമസഭയില്‍ നിന്നും ഇറങ്ങിപ്പോകുകയായിരുന്നു. മൂന്നാര്‍ മേഖലയിലെ എട്ടു വില്ലേജുകളില്‍ വീട് നിര്‍മാണത്തിനായി റവന്യു അധികാരികളുടെ എന്‍.ഒ.സി വേണമെന്ന നിര്‍ദ്ദേശത്തിന്റെ മറവില്‍ സാധാരണക്കാരായ കര്‍ഷക ജനതയെ ദുരിതത്തിലാക്കുകയാണെന്ന് അടിയന്തരപ്രമേയത്തിന് അനുമതി തേടിയ കേരള കോണ്‍ഗ്രസ് ചെയര്‍മാന്‍ കെ.എം മാണി പറഞ്ഞു. ഇടുക്കിയിലെ കര്‍ഷകരുടെ പ്രതിസന്ധി മുന്‍നിര്‍ത്തി യു.ഡി.എഫ് ഹര്‍ത്താല്‍ ആചരിക്കുന്ന പശ്ചാത്തലത്തില്‍ ഇടുക്കിയിലെ കാര്‍ഷിക പ്രശ്‌നങ്ങള്‍ പരിഹരിക്കാന്‍ സര്‍ക്കാര്‍ അടിയന്തര ഇടപെടല്‍ നടത്തണം. മൂന്നാര്‍ മേഖലയില്‍ മാത്രം നോ ഒബ്ജക്ഷന്‍ സര്‍ട്ടിഫിക്കറ്റ് വേണമെന്ന ഹൈക്കോടതി നിര്‍ദേശമുണ്ടായപ്പോള്‍ 50 കിലോമീറ്റര്‍ അകലെ വരെയുള്ള പ്രദേശത്ത് നോ ഒബ്ജക്ഷന്‍ സര്‍ട്ടിഫിക്കറ്റ് വേണമെന്ന വാദം മുന്നോട്ടുവെച്ച കളക്ടര്‍ രാജാവിനേക്കാള്‍ വലിയ രാജഭക്തിയാണ് കാട്ടുന്നതെന്നും കെ.എം മാണി പറഞ്ഞു. വന്‍കിടക്കാര്‍ ഇടുക്കിയില്‍ നിര്‍മിച്ച കെട്ടിടങ്ങള്‍ ക്രമപ്പെടുത്തിക്കൊടുക്കുമ്പോള്‍ സാധാരണക്കാരായ പത്തു സെന്റിനുള്ളില്‍ വസിക്കുന്ന കുടുംബങ്ങള്‍ക്ക് വീട് നിര്‍മിക്കാന്‍ കഴിയാത്ത സാഹചര്യമാണെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു.
കസ്തൂരിരംഗന്‍ അന്തിമ റിപ്പോര്‍ട്ട് ആയിട്ടില്ലെന്ന് പറഞ്ഞ് ആള്‍ക്കാരെ ഓഫീസുകളില്‍ കയറ്റിയിറക്കുകയാണ്. കാര്‍ഷിക മേഖല കടുത്ത പ്രതിസന്ധിയില്‍ നില്‍ക്കുമ്പോള്‍ പതിറ്റാണ്ടുകളായി തങ്ങള്‍ വസിക്കുന്ന ഭൂമിയില്‍ വീടു നിര്‍മിക്കാന്‍ കഴിയാത്ത മറ്റൊരു സ്ഥിതിയാണ് ഇവിടെ വന്നിരിക്കുന്നതെന്നും രമേശ് പറഞ്ഞു. എന്നാല്‍ കേരളാ ഹൈക്കോടതിയുടെ ഇടക്കാല വിധിയുടെ അടിസ്ഥാനത്തിലാണ് ഈ മേഖലയില്‍ കെട്ടിട നിര്‍മാണത്തിന് എന്‍.ഒ.സി വേണമെന്ന സര്‍ക്കുലര്‍ ഇറക്കിയതെന്നു റവന്യ മന്ത്രി ഇ.ചന്ദ്രശേഖരന്‍ പറഞ്ഞു. ആര്‍.ഡി.ഒ മാര്‍ക്കായിരുന്നു ചുമതല നല്‍കിയിരുന്നത്. എന്നാല്‍ വനം, റവന്യു മന്ത്രിമാരുടെ യോഗത്തിന്റെ കൂടി അടിസ്ഥാനത്തില്‍ മൂന്നാറിലെ എട്ടു വില്ലേജുകളിലെ കെട്ടിട നിര്‍മാണത്തിനുള്ള എന്‍.ഒ.സി നല്‍കാനുള്ള ചുമതല അതാത് വില്ലേജ് ഓഫീസര്‍മാരെ ചുമതലപ്പെടുത്തി.ഇത് ജനങ്ങള്‍ക്ക് പരമാവധി സഹായം നല്‍കുക എന്നു മുന്നില്‍ കണ്ടാണെന്നും ഈ ഉത്തരവ് പിന്‍വലിക്കാന്‍ കഴിയില്ലെന്നും മന്ത്രി പറഞ്ഞു. റവന്യൂ വകുപ്പിന്റെ എന്‍.ഒ.സി.യും പഞ്ചായത്തിന്റെ അനുമതിയില്ലാതെയും ഒരു നിര്‍മാണപ്രവര്‍ത്തനവും മൂന്നാര്‍ മേഖലയില്‍ നടത്തുന്നില്ല എന്ന് ഉറപ്പാക്കാന്‍ ഹൈക്കോടതി നിര്‍ദേശമുള്ളതായും ജനങ്ങള്‍ക്ക് പ്രയാസമനുഭവപ്പെടാതെ മൂന്നാര്‍ മേഖലയില്‍ നിര്‍മാണപ്രവര്‍ത്തനത്തിന് എന്‍.ഒ.സി. നല്‍കണമെന്ന് കളക്ടര്‍ക്ക് നിര്‍ദ്ദേശം നല്‍കിയിട്ടുണ്ടെന്നും മുഖ്യമന്ത്രി പിണറായി വിജയന്‍ പറഞ്ഞു.

ഇടുക്കി പാപ്പാത്തിചോലയില്‍ സിപിഐ പ്രവര്‍ത്തകര്‍ക്കും ഭൂമിയുണ്ടെന്നാണ് സിപിഎം ഇടുക്കി ജില്ലാ സെക്രട്ടറി കെകെ ജയചന്ദ്രന്റെ പുതിയ വെളിപ്പെടുത്തല്‍. ഇടുക്കിയില്‍ സിപിഐയും സിപിഎമ്മും തമ്മില്‍ ശത്രുത ഇല്ല. എന്നാല്‍ സിപിഐയുടെ ചില നിലപാടുകളോട് യോജിപ്പില്ല!. സിപിഐ പ്രവര്‍ത്തകര്‍ കൈവശം വെച്ചിരിക്കുവന്ന ഭൂമി എന്തുകൊണ്ടാണ് വിട്ടുനല്‍കാത്തതെന്നും ജയചന്ദ്രന്‍ ചോദിച്ചു.

ഇടുക്കിയിലെ പ്രശ്‌നങ്ങള്‍ ചര്‍ച്ച ചെയ്യാന്‍ വിളിച്ചു ചേര്‍ത്ത യോഗത്തില്‍ റവന്യൂ ഉദ്യോഗസ്ഥര്‍ക്ക് കടുത്ത വിമര്‍ശം. റവന്യൂ വകുപ്പ് മന്ത്രി ഇ.ചന്ദ്രശേഖരനും പ്രാദേശിക സി.പി.ഐ നേതാക്കളും വിട്ടു നിന്ന യോഗത്തിലാണ് മുഖ്യമന്ത്രി ഉദ്യോഗസ്ഥരെ വിമര്‍ശിച്ചത്. സര്‍ക്കാര്‍ എടുക്കുന്ന തീരുമാനങ്ങള്‍ ഉദ്യോഗസ്ഥര്‍ നടപ്പാക്കുന്നില്ലെന്നായിരുന്നു മുഖ്യമന്ത്രി പിണറായി വിജയന്റെ പരാതി.
ദേവികുളം സബ്കലക്ടര്‍ ശ്രീറാം വെങ്കിട്ടറാമിന്റെ നേതൃത്വത്തില്ഡ നടക്കുന്ന മൂന്നാര്‍ ഒഴിപ്പിക്കിലുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിനായിരുന്നു മുഖ്യമന്ത്രി യോഗം വിളിച്ചു ചേര്‍ത്തത്. സര്‍ക്കാര്‍ ഭൂമിയില്‍ ഉണ്ടായിരുന്ന സര്‍ക്കാര്‍ കെട്ടിടം പുതുക്കിപ്പണിത് അവിടെ ഹോംസ്‌റ്റെ നടത്തുന്നയാള്‍ക്ക് സബ്കലക്ടര്‍ നോട്ടീസ് നല്‍കിയിരുന്നു. ഇതിനെതിരെ ഇടതു നേതാക്കള്‍ മുഖ്യമന്ത്രിയെ സമീപിച്ചതാണ് യോഗം വിഴിക്കാനുണ്ടായ സാഹചര്യം.