കഴിഞ്ഞ ചൊവ്വാഴ്ചയാണ് റസീനയെ മരിച്ച നിലയിൽ കണ്ടെത്തിയത്. സദാചാര ആക്രമണമെന്നരോപിച്ച് മൂന്ന് പേരെ പൊലീസ് അറസ്റ്റ് ചെയ്തിരുന്നു. പൊലീസ് അറസ്റ്റ് ചെയ്തവരെല്ലാം യുവതിയുടെ ബന്ധുക്കളാണ്. സദാചാര ആക്രമണം തന്നെയെന്നും തെളിവുണ്ടെന്നും പൊലീസ് വ്യക്തമാക്കി.

പറമ്പായി സ്വദേശികളായ വി.സി.മുബഷിർ, കെ.എ.ഫൈസൽ, വി.കെ.റഫ്നാസ് എന്നിവരെയാണ് പൊലീസ് അറസ്റ്റ് ചെയ്തത്. ആൺസുഹൃത്തുമായി കാറിൽ ഒരുമിച്ച് കണ്ടതിന്റെ പേരിൽ പരസ്യ വിചാരണ നടത്തിയ മനോവിഷമത്തിലാണ് പറമ്പായി സ്വദേശി റസീന ആത്മഹത്യ ചെയ്തതെന്നാണ് പരാതി. എന്നാൽ ആൺ സുഹൃത്ത് പണവും സ്വർണവും തട്ടിയെടുത്തതിൽ മനംനൊന്താണ് യുവതിയുടെ ആത്മഹത്യ എന്നും ആരോപണമുണ്ട്.

മയ്യിൽ സ്വദേശിയായ യുവാവിനൊപ്പം അച്ചങ്കര പള്ളിക്ക് സമീപം കാറിൽ സംസാരിച്ചിരിക്കുകയായിരുന്നു റസീന. നിലവിൽ അറസ്റ്റിലായ പ്രതികൾ ഇരുവരെയും ചോദ്യം ചെയ്തു. കൂടുതൽ ആൾക്കാരെ വിളിച്ചുവരുത്തി പരസ്യമായി അപമാനിച്ചെന്നും റസീനയുടെ ആത്മഹത്യ കുറിപ്പിൽ പറയുന്നു. തുടർന്ന് യുവാവിനെ സമീപത്തെ മൈതാനത്ത് എത്തിച്ച് ക്രൂരമായി മർദിച്ചെന്നും മൊബൈൽ ഫോണും ടാബും പ്രതികൾ കൈക്കലാക്കിയെന്നും പരാതിയുണ്ട്. പിന്നാലെയാണ് റസീനയെ മരിച്ച നിലയിൽ കണ്ടെത്തിയത്.

ആത്മഹത്യ കുറിപ്പിലെ വിവരങ്ങളുടെ അടിസ്ഥാനത്തിലാണ് മൂന്ന് പേരെ പിണറായി പൊലീസ് അറസ്റ്റ് ചെയ്തത്. റസീനയുടെ കുടുംബത്തിന്റെ പരാതിയിൽ തലശേരി ACP യുടെ മേൽനോട്ടത്തിൽ വിശദമായ അന്വേഷണം ആരംഭിച്ചിട്ടുണ്ട്.

സംഭവത്തില്‍ കണ്ടിയൂര്‍ സ്വദേശികളായ കണ്ണന്‍, അനന്തു, വസിഷ്ഠ്, അനൂപ്, മിഥുന്‍ എന്നിവരെ പോലീസ് അറസ്റ്റ് ചെയ്തു. പരിക്കേറ്റ ദമ്പതികളെ കണ്ടിയൂരിലെ സ്വകാര്യ ആസ്പത്രിയില്‍ പ്രവേശിപ്പിച്ചു.

ഇന്നലെ വൈകിട്ടോടെ അച്ചന്‍കോവിലാറിന്റെ തീരത്തെ കണ്ടിയൂര്‍ കടവിലാണ് സംഭവം നടന്നത്. വിദേശത്തു ജോലി ചെയ്യുന്ന ശിവപ്രസാദ് ഫ്‌ളൈറ്റ് ടിക്കറ്റ് ബുക്ക് ചെയ്യാനായി ഭാര്യയ്ക്കും ഭാര്യാസഹോദരനുമൊപ്പം മാവേലിക്കരയിലെത്തിയതായിരുന്നു. ടിക്കറ്റ് ലഭിക്കാന്‍ വൈകിയതോടെയാണ് ഇവര്‍ പുഴയോരത്തേക്ക് നീങ്ങിയത്.

ഇതോടെ സ്ഥലത്ത് തമ്പടിച്ചിരുന്ന അക്രമികളിലൊരാള്‍ കമിതാക്കളെന്ന് ആരോപിച്ച് ഇവരെ ചോദ്യം ചെയ്യുകയും വിവാഹഫോട്ടോ ആവശ്യപ്പെടുകയുമായിരുന്നു. വിവാഹഫോട്ടോ കാണിച്ചിട്ടും ആധിക്ഷേപം തുടര്‍ന്നതോടെ തര്‍ക്കമാവുകയും പിന്നാലെയെത്തിയ നാലുപേര്‍ കൂടി ദമ്പതികളെ മര്‍ദിക്കുകയായിരുന്നു.

സാജിദിനെ പൊലീസിന് കൈമാറിയെങ്കിലും ആര്‍ക്കും പരാതിയില്ലാത്തതിനാല്‍ കേസെടുത്തിരുന്നില്ല. പിന്നീട് യുവാവിനെ മര്‍ദിക്കുന്ന ദൃശ്യങ്ങള്‍ വാട്‌സ്ആപ്പില്‍ പ്രചരിച്ചതോടെയാണ് യുവാവ് ആത്മഹത്യ ചെയ്തതെന്നാണ് കരുതുന്നത്.

സംഭവത്തില്‍ മനുഷ്യാവകാശ കമ്മീഷന്‍ സ്വമേധയാ കേസെടുത്തു. മലപ്പുറം ജില്ലാ പൊലീസ് സൂപ്രണ്ടിനോട് 15 ദിവസത്തിനകം റിപ്പോര്‍ട്ട് നല്‍കാന്‍ കമ്മീഷന്‍ നിര്‍ദേശിച്ചു.

അതിനിടെ, മര്‍ദ്ദിക്കപ്പെട്ട വിദ്യാര്‍ത്ഥിക്ക് ഐക്യദാര്‍ഢ്യവുമായി സഹപാഠികള്‍ രംഗത്തെത്തി. വിദ്യാര്‍ത്ഥികള്‍ നടക്കാവ് പൊലീസ് സ്റ്റേഷന് മുന്നില്‍ പ്രതിഷേധം പ്രകടനം നടത്തി.

എരഞ്ഞിപ്പാലത്തെ ലേഡീസ് ഹോസ്റ്റലില്‍ കഴിയുന്ന നവവധുവിനെ കാണാന്‍ എത്തിയപ്പോഴാണ് എസ്.ഐ ചോദ്യംചെയ്യലിന് വിധേയമായത്.

വെള്ളിയാഴ്ച രാത്രി 10.30നാണ് സംഭവം. ഹോസ്റ്റലിന് സമീപത്തുള്ള ഇടവഴിയില്‍ വെച്ച് ഇരുവരും സംസാരിക്കുമ്പോഴാണ് എസ്.ഐ.യെ ചോദ്യംചെയ്തത്.

നിലവില്‍ യുവതിയുമായുള്ള എസ്.ഐയുടെ നിക്കാഹ് കഴിഞ്ഞതാണ്. തുടര്‍ന്ന് ചോദ്യംചെയ്യുന്നത് എസ്.ഐ. എതിര്‍ത്തതോടെ സ്ഥലത്തേക്ക് കൂടുതല്‍ ആളുകളെത്തുകയായിയിരുന്നു. വിവാഹം നിശ്ചയിച്ചവരാണെന്ന് അറിയിച്ചെങ്കിലും ആളുകള്‍ പിന്മാറാന്‍ തയ്യാറായില്ലെന്ന് എസ്.ഐ. പറഞ്ഞു.

നവംബര്‍ ഒമ്പതിനാണ് ഇരുവരും തമ്മിലുള്ള വിവാഹസത്കാരം. ഇതുമായി ബന്ധപ്പെട്ട് വാങ്ങിയ സാധനങ്ങള്‍ നല്‍കാന്‍ എത്തിയതായിരുന്നു എസ്.ഐ ഹബീബുള്ള.

ഭാര്യയായ യുവതി താമസിക്കുന്ന ഹോസ്റ്റലിന് സമീപത്തെ ഇടവഴിയില്‍ വെച്ചായിരുന്നു ഇരുവരും സംസാരിച്ചത്. എന്നാല്‍ സംഭവ സ്ഥലത്തേക്ക് കൂടുതല്‍ ആളുകള്‍ എത്തിയതോടെ എസ്.ഐ തിരിച്ചുപോവുകയായിരുന്നു. ഔദ്യോഗിക വാഹനത്തില്‍ യൂണിഫോമിലെത്തിയ എസ്.ഐ.യെയാണ് ഒരുസംഘം ചോദ്യംചെയ്തത്.

അതേസമയം, ചോദ്യംചെയ്യാനെത്തിയ പതിനാറുകാരനെ എസ്.ഐ. മര്‍ദിച്ചതായും പരാതിയുണ്ട്.

യുവതിയെക്കൂടാതെ വീട്ടിലുണ്ടായിരുന്ന മകന്റെ സുഹൃത്തിനേയും സദാചാര ഗുണ്ടകള്‍ മരത്തില്‍ കെട്ടിയിടുകയും മര്‍ദ്ദിക്കുകയും ചെയ്തുവെന്നും യുവതി പറയുന്നു. ആക്രമണത്തിന് ശേഷം യുവതിയുടെ ചിത്രങ്ങളെടുത്ത് പ്രചരിപ്പിക്കുന്നതായി യുവതി പറഞ്ഞു. എന്നാല്‍ സംഭവത്തെക്കുറിച്ച് പോലീസില്‍ പരാതി പറഞ്ഞിട്ടും പോലീസ് കേസെടുത്തില്ലെന്നും അവര്‍ ആരോപിക്കുന്നു.

നേരത്തേയും കൊല്ലത്ത് സദാചാര ആക്രമണങ്ങള്‍ ഉണ്ടായിട്ടുണ്ട്. അഴീക്കലില്‍ സദാചാര ഗുണ്ടകള്‍ ആക്രമിച്ച യുവാവ് ആത്മഹത്യ ചെയ്തിരുന്നു. കൂട്ടുകാരിക്കൊപ്പം പിടിച്ചുനിര്‍ത്തിയ യുവാവിന്റെ ചിത്രം തെറ്റായ രീതിയില്‍ പ്രചരിപ്പിച്ചതില്‍ മനംനൊന്തായിരുന്നു ആത്മഹത്യ.

വിദേശത്തുനിന്ന് അവധിക്കു നാട്ടിലെത്തിയ മുബഷിര്‍ സുഹൃത്തുക്കളുടെ സഹായത്തോടെ ഉത്സവം കാണാനെത്തുകയായിരുന്നു. ഇടക്ക് വഴി അന്വേഷിച്ച മുബഷിറിന്റെ വാഹനത്തിന്റെ നമ്പര്‍ ഒരു യുവാവ് പകര്‍ത്തുകയായിരുന്നു. ഇത് വാട്‌സ്അപ്പിലൂടെ പ്രചരിപ്പിച്ചായിരുന്നു ആക്രമണം നടത്തിയത്. പിന്നീട് നാട്ടുകാര്‍ ചേര്‍ന്ന് ഇവരെ മര്‍ദ്ദിച്ചു. അക്രമം തടയാനെത്തിയ എസ്.ഐക്കും സി.പി.ഒക്കും മര്‍ദ്ദനമേറ്റു. സ്റ്റീല്‍ കമ്പികളടക്കമുള്ള മാരകായുധങ്ങളായാണ് ആക്രമിച്ചതെന്ന് മുബഷിര്‍ പറയുന്നു.