എജുക്കേഷന്‍ സിറ്റിയില്‍ നടന്ന ആവേശകരമായ പ്രീ ക്വാര്‍ട്ടര്‍ മത്സരം നിശ്ചിത സമയവും അധിക സമയവും ഗോള്‍രഹിത സമനിലയില്‍ പിരിഞ്ഞതോടെയാണ് പെനാല്‍റ്റി ഷൂട്ടൗട്ട് വിധി നിര്‍ണയിച്ചത്. സ്‌പെയിന്‍ താരങ്ങള്‍ക്ക് ഒരു പെനാല്‍റ്റി പോലും ഗോളാക്കാനായില്ല. മൊറോക്കോ നിരയില്‍ സാബിരി, ഹകീം സിയേഷ്, അഷ്‌റഫ് ഹക്കീമി എന്നിവര്‍ പന്ത് വലയിലെത്തിച്ചു.

‘മത്സരം അവസാനിക്കുന്നതിന് മുമ്ബ് തന്നെ ഡസന്‍ കണക്കിന് ആളുകള്‍ പൊലീസുമായി ഏറ്റുമുട്ടാന്‍ ആരംഭിച്ചു. ഇത് പൊതു സുരക്ഷയ്ക്ക് ഭീഷണിയുയര്‍ത്തി.’ എന്ന് പൊലീസ് പ്രസ്താവനയില്‍ പറഞ്ഞു.

ആരാധകരുടെ ആക്രമണത്തില്‍ ഒരു മാധ്യമ പ്രവര്‍ത്തകന് പരുക്കേറ്റതായും റിപ്പോര്‍ട്ടുണ്ട്. പ്രക്ഷോഭത്തെ തുടര്‍ന്ന് ബ്രസല്‍സില്‍ മെട്രോ സ്റ്റേഷന്‍ അടച്ചിട്ടു, നഗരത്തിന്റെ ചില ഭാഗങ്ങളില്‍ നിരോധനാജ്ഞ പ്രഖ്യാപിച്ചു. പ്രദേശത്ത് നൂറിലേറെ പൊലീസുകാരെ വിന്യസിച്ചിട്ടുണ്ട്.
ഗ്രൂപ്പ് ഇ മത്സരത്തില്‍ മൊറോക്കോ 2-0 ത്തിന് ബെല്‍ജിയത്തെ തോല്‍പ്പിച്ചിരുന്നു.ഇതാണ് ആരാധകരെ ചൊടിപ്പിച്ചത്.