mother and child – Chandrika Daily

വർക്കലയിൽ അമ്മയും കുഞ്ഞും ട്രെയിൻ തട്ടി മരിച്ച നിലയിൽ

webdesk13 — Wed, 28 Feb 2024 09:35:15 +0000

തിരുവനന്തപുരം വർക്കലയിൽ ട്രെയിൻ തട്ടി അമ്മയും കുഞ്ഞും മരിച്ചു. ഇന്ന് ഉച്ചയ്ക്ക് തിരുവനന്തപുരത്തേക്ക് പോകുന്ന റെയിൽവേ ട്രാക്കിലാണ് മൃതദേഹം കണ്ടെത്തിയത്. കൊല്ലത്തു നിന്നും തിരുവനന്തപുരത്തേക്ക് പോയ മെമു ട്രെയിൻ തട്ടിയതെന്നാണ് പൊലീസ് നിഗമനം.

മൃതദേഹങ്ങൾ വർക്കല താലൂക്ക് ആശുപത്രിയിലേക്ക് മാറ്റി. മരിച്ചവരെ തിരിച്ചറിഞ്ഞിട്ടില്ല.ഇന്ന് ഉച്ചയ്ക്ക് 12.30 നാണ് സംഭവം. മാതാവിന് 25 വയസും കുഞ്ഞിന് 5 വയസുമാണ് പ്രായമെന്ന് പൊലീസ് അറിയിച്ചു. അംഗൻ വാടിയിലെ പുസ്തകത്തിൽ മിഥുൻ എന്നാണ് പേര് രേഖപ്പെടുത്തിയിരിക്കുന്നത്. അപകടത്തിലേക്ക് നയിച്ച കാരണം വ്യക്തമല്ല. അന്വേഷണം നടക്കുന്നുവെന്നും പൊലീസ് വ്യക്തമാക്കി.

അമ്മ മരിച്ചത് അറിയാതെ മകൻ രണ്ട് ദിവസം മൃതദേഹത്തിനോടൊപ്പം കഴിഞ്ഞു.

webdesk13 — Fri, 03 Mar 2023 05:54:49 +0000

അസുഖമായതിനാൽ ‘അമ്മ ഉറങ്ങുകയാണെന്ന് കരുതിയാണ് പതിനൊന്നുകാരനായ മകൻ മൃതദേഹത്തിനോടൊപ്പം കഴിഞ്ഞത്. മൃതദേഹത്തിൽ നിന്നും ദുർഗന്ധം വമിച്ചു തുടങ്ങിയതോടെയാണ് സംഭവം നാട്ടുകാർ അരിഞ്ഞത്. സംസാര ശേഷിയില്ലാത്ത അന്നമ്മ എന്ന സ്ത്രീയാണ് മരിച്ചത്. ഭർത്താവ് മരിച്ചതിനെത്തുടർന്ന് അമ്മയും മകനും മാത്രമാണ് വീട്ടിൽ താമസിച്ചിരുന്നത്.കർണ്ണാടകയിലെ ഗംഗാനഗറിലാണ് സംഭവം.

സിസേറിയന് പിന്നാലെ അമ്മയും കുഞ്ഞും മരിച്ച സംഭവം: രണ്ട് ഡോക്ടര്‍മാര്‍ക്കെതിരെ കേസ്

webdesk12 — Fri, 10 Feb 2023 04:08:22 +0000

തൃശ്ശൂര്‍: പ്രസവ ശസ്ത്രക്രിയയ്ക്ക് പിന്നാലെ അമ്മയും കുഞ്ഞും മരിച്ച സംഭവത്തില്‍ രണ്ട് ഡോക്ടര്‍മാര്‍ക്കെതിരെ കേസെടുത്തു.ചിറ്റൂര്‍ താലൂക്ക് ആശുപത്രിയിലെ ഡോ.കൃഷ്ണനുണ്ണി, ഡോ. ദീപിക എന്നിവര്‍ക്കെതിരെയാണ് കേസെടുത്തത്. മനപ്പൂര്‍വമല്ലാത്ത നരഹത്യാക്കുറ്റമാണ് ഇരുവര്‍ക്കുമെതിരെ ചുമത്തിയിരിക്കുന്നത്. നല്ലേപ്പുള്ളി സ്വദേശി അനിത ഇന്നലെയാണ് തൃശ്ശൂര്‍ മെഡിക്കല്‍ കോളജ് ആശുപത്രിയില്‍ മരിച്ചത്. തിങ്കളാഴ്ചയാണ് അനിതയെ ചിറ്റൂര്‍ താലൂക്ക് ആശുപത്രിയില്‍ പ്രവേശിപ്പിച്ചത്.

പ്രസവവേദന വരാത്തതിനെ തുട‍ര്‍ന്നാണ് ഇന്നലെ അനിതക്ക് സിസേറിയന്‍ നടത്തിയത്. കുഞ്ഞിനെ പുറത്തെടുത്തതിനെ തുടര്‍ന്ന് അമിതമായ രക്തസ്രാവമുണ്ടായതോടെ അമ്മയേയും കുഞ്ഞിനെയും തൃശൂര്‍ മെ‍ഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. അനിതയുടെ പ്രസവ ശസ്ത്രക്രിയയില്‍ ഡോക്ടര്‍മാര്‍ക്ക് അനാസ്ഥയും അശ്രദ്ധയും ഉണ്ടായെന്നാണ് പ്രാഥമിക വിലയിരുത്തല്‍. ഇന്ന് ഡോക്ടര്‍മാരുടെ വിശദമൊഴി എടുക്കും.