ഇതോടെ പൊലീസ് നടത്തിയ അന്വേഷണത്തില്‍ കക്കോടി പൊലീസ് സ്റ്റേഷന്‍ പരിധിയില്‍ പാറന്നൂര്‍ ഭാഗത്ത് വെച്ച് മോഷ്ടിച്ചതാണെന്ന് വ്യക്തമായി. രജിസ്‌ട്രേഷന്‍ നമ്പറില്‍ മാറ്റം വരുത്തിയാണ് ഇരുവരും ബൈക്കുമായി സഞ്ചരിച്ചിരുന്നത്. മോഷ്ടിച്ച ബൈക്ക് രാത്രിയില്‍ ഭവനഭേദനം, ബൈക്ക് മോഷണം ഉള്‍പ്പെടെയുള്ള കുറ്റകൃത്യങ്ങള്‍ക്ക് ഉപയോഗിച്ചതായി പൊലീസിനോട് സമ്മതിച്ചു. ഇരുവരെയും കൂടുതല്‍ ചോദ്യം ചെയ്തതിലാണ് നഗരത്തിലെ മറ്റു ബൈക്ക് കൂട്ടാളികളെക്കുറിച്ച് പൊലീസിന് വിവരം ലഭിച്ചത്. വെള്ളിമാടുകുന്ന് നമ്പൂതിരികണ്ടി അനീസ്‌റഹ്മാന്‍(20), എരഞ്ഞിക്കല്‍ പടിയേരിതാഴം ഫര്‍ദീന്‍(19), പറമ്പില്‍ബസാര്‍ അലീമ മന്‍സില്‍ എം.ആഷിക്(19), തടമ്പാട്ട്താഴം ഇഖ്ബാല്‍ നവാസില്‍ ഷാജഹാന്‍(23), കാമ്പുറം ബീച്ച് തെങ്ങില്‍ ഹൗസില്‍ സൈദ്മുഹമ്മദ്(23), കണ്ണാടിക്കല്‍ തോട്ടുകടവ് ഹൗസില്‍ ഷാജി(39) എന്നിവരാണ് പിടിയിലായത്. കൂട്ടത്തിലെ പ്രധാനിയായ കണ്ണാടിക്കല്‍ സ്വദേശി ഷാജിക്കെതിരെ ഭവനഭേദനം, കുറ്റകൃത്യം അടക്കം വിവിധ സ്റ്റേഷന്‍ പരിധിയില്‍ നിരവധി കേസുകള്‍ നിലവിലുണ്ട്.

എട്ടംഗ സംഘത്തില്‍ നടത്തിയ അന്വേഷണത്തില്‍ ആറുമാസത്തിനിടെ നഗരത്തില്‍ നടന്ന നിരവധി വാഹന മോഷണകേസുകളെ കുറിച്ച് പൊലീസിന് വിവരം ലഭിച്ചു. നല്ലളത്ത്് പാഷന്‍പ്ലസ് ബൈക്ക് മോഷണം, മെഡി:കോളജ് പരിധിയില്‍ ബജാജ് അവന്‍ച്വര്‍ ബൈക്ക്, രണ്ട് പള്‍സര്‍ ബൈക്ക്, രണ്ട് പാഷന്‍ പ്ലസ് ബൈക്ക്, പാഷന്‍ പ്രോ, മാനാഞ്ചിറക്ക് സമീപത്തുവെച്ച് പാഷന്‍ പ്ലോ ബൈക്ക്്, കാക്കൂര്‍, നല്ലളം പൊലീസ് സ്റ്റേഷന്‍ പരിധിയില്‍ മൊബൈല്‍ ഫോണ്‍ മോഷണം എന്നിവയെല്ലാം ഈ സംഘം നടത്തിയതാണെന്ന് തെളിഞ്ഞു.

തിരുവനന്തപുരം: ഇരുചക്ര വാഹനങ്ങളുടെ മത്സരയോട്ടത്തെപറ്റിയും അമിത വേഗതയെക്കുറിച്ചും ഒട്ടനവധി പരാതികളാണ് അധികൃതര്‍ക്ക് ലഭിക്കുന്നത്. രാത്രികാലങ്ങളിലടക്കം പ്രധാന പാതകളില്‍ ബൈക്ക് അപകടങ്ങള്‍ വര്‍ധിച്ചിട്ടുണ്ട്. ബൈക്കുകളുടെ വിവിധ ഭാഗങ്ങള്‍ രൂപമാറ്റം വരുത്തി അമിത ശബ്ദത്തോടെ നിരത്തുകളില്‍ ഉപയോഗിക്കുന്നതും വര്‍ധിച്ചതായാണ് കണക്കുകള്‍. ഇത്തരങ്ങളില്‍ വാഹനങ്ങള്‍ രൂപമാറ്റം വരുത്തുന്നത് നിയമവിരുദ്ധമാണെന്ന് അറിഞ്ഞുതന്നെയാണ് പലരും ഇതിന് പിന്നാലെ പോകുന്നതെന്ന് അധികൃതര്‍ പറയുന്നു.
നിരത്തുകളിലെ മത്സരയോട്ടങ്ങളില്‍ പങ്കെടുക്കുന്ന 18 വയസിന് താഴെയുള്ളവരുടെ രക്ഷിതാക്കളെ വിവരം അറിയിക്കണമെന്ന് ഗതാഗത കമ്മീഷണര്‍ നിര്‍ദേശിച്ചിട്ടുണ്ട്. പൊതുനിരത്തുകളിലെ ചീറിപ്പായലുകള്‍ ശ്രദ്ധയില്‍പ്പെട്ടാല്‍ പൊതുജനങ്ങള്‍ക്ക് ഇക്കാര്യം 7025950100 എന്ന നമ്പര്‍ വഴിയും അറിയിക്കാം. മോട്ടോര്‍ വാഹന നിയമത്തിലെ 52ാം വകുപ്പ് അനുസരിച്ച് വാഹനങ്ങളില്‍ ആള്‍ട്രേഷന്‍ നടത്തുന്നത് കുറ്റകരമാണ്. റജിസ്‌ട്രേഷന്‍ സര്‍ട്ടിഫിക്കറ്റില്‍ നിര്‍മാതാക്കള്‍ നല്‍കിയിരിക്കുന്ന അവസ്ഥയില്‍ നിന്ന് മാറ്റം വരുത്തി ഉപയോഗിക്കാന്‍ വാഹന ഉടമസ്ഥന് അവകാശമില്ല.
ഇരുചക്രവാഹനങ്ങളില്‍ സൈലന്‍സറില്‍ മാറ്റങ്ങള്‍ വരുത്തി ശബ്ദം കൂട്ടി നല്‍കുന്നതും ഹാന്‍ഡില്‍ അടക്കം രൂപാന്തരപ്പെടുത്തി നല്‍കുന്ന നിരവധി വര്‍ക്ക് ഷോപ്പുകള്‍ സംസ്ഥാനത്ത് പ്രവര്‍ത്തിക്കുന്നുണ്ട്. ഇത്തരം വര്‍ക്ക് ഷോപ്പുകള്‍ക്കെതിരെ കര്‍ശന നടപടിയെടുക്കണമെന്നാണ് ഗതാഗത കമ്മീഷണറുടെ നിര്‍ദേശം. ഇത്തരം നിയമവിരുദ്ധ ലംഘനങ്ങള്‍ ശ്രദ്ധയില്‍പ്പെട്ടാല്‍ അത്തരം വര്‍ക്ക്‌ഷോപ്പുകള്‍ക്ക് നോട്ടീസ് നല്‍കുകയും ലൈസന്‍സ് റദ്ദാക്കണമെന്നുമാണ് നിര്‍ദേശം. സൈലന്‍സറുകളും ഹാന്‍ഡില്‍ ബാറുകളും മഡ് ഗാര്‍ഡുകളും ടയറുകളുമാണ് ഇത്തരത്തില്‍ രൂപമാറ്റം വരുത്തി നല്‍കുന്നത്. ഇത് വാഹനത്തിന്റെ സ്വാഭാവികമായ ബാലന്‍സിംഗിനെ ബാധിക്കുകയും അപകടങ്ങള്‍ക്ക് കാരണമാവുകയും ചെയ്യുന്നു.
എന്നാല്‍ പരിശോധനയുടെ പേരില്‍ ഇരുചക്ര യാത്രികരെ പിന്തുടര്‍ന്ന് പിടിക്കേണ്ടതില്ലെന്നും പ്രത്യേക നിര്‍ദേശമുണ്ട്. വാഹന പരിശോധനക്കിടെ രക്ഷപ്പെട്ടുപോകുന്നവരെ പിന്തുടര്‍ന്ന് പിടിക്കുന്നത് അപകടങ്ങള്‍ക്ക് വഴിവെക്കുന്ന സാഹചര്യത്തിലാണ് നിര്‍ദേശം. അത്തരം വാഹനങ്ങളുടെ നമ്പര്‍ എഴുതിയെടുക്കുകയും ഫോട്ടോയോ വീഡിയോ ചിത്രീകരിക്കുകയും വേണം. ഇതുപയോഗിച്ച് നിയമനടപടികള്‍ സ്വീകരിക്കണമെന്ന നിര്‍ദേശമാണ് നല്‍കിയിരിക്കുന്നത്.
രൂപമാറ്റം വരുത്തിയ വാഹനങ്ങള്‍ നിരത്തിലിറങ്ങുന്നതിനെതിരെ 2016 ഫെബ്രുവരിയില്‍ ഹൈക്കോടതി മോട്ടോര്‍വാഹന വകുപ്പിനും പൊലീസിനും കര്‍ശന നിര്‍ദേശം നല്‍കിയിരുന്നു. ഇത്തരം വാഹനങ്ങള്‍ പൊതുജനങ്ങളുടെ ജീവന് തന്നെ ഭീഷണിയാണെന്നും നിയമത്തിലെ 52ാംവകുപ്പ് അനുസരിച്ച് കര്‍ശന നടപടികള്‍ സ്വീകരിക്കണമെന്നുമായിരുന്നു നിര്‍ദേശം.

അധ്യക്ഷന്റെ പുതിയ ഉത്തരവു പ്രകാരം ഇരുചക്രവാഹനങ്ങളില്‍ നിരീക്ഷണം ശക്തമാക്കി മുന്നോട്ട് പോകുമെന്നാണ് റിപ്പോര്‍ട്ട്. ഇങ്ങനെയുള്ള വാഹനങ്ങള്‍ പരിശോധനയില്‍ കണ്ടെത്തുകയാണെങ്കില്‍ അവ പിടിച്ചെടുക്കുകയും പിഴ ഈടാക്കുകയും ചെയ്യും. എന്നാല്‍ ഇതുകൊണ്ടൊന്നും നില്‍ക്കില്ല പരിപാടി. വാഹനങ്ങളുടെ സൈലന്‍സറുകള്‍ പഴയപടിയാക്കുകയും വേണമെന്നാണ് ട്രാഫിക് കമ്മീഷ്ണര്‍ക്ക് നല്‍കിയിരിക്കുന്ന നിര്‍ദ്ദേശം. നഗരത്തിലെ റസിഡന്‍ഷ്യല്‍ ഏരിയകളില്‍ കാതടിപ്പിക്കുന്ന ശബ്ദത്തിലുള്ള ഹോണുകള്‍ നിരോധിക്കുവാനും ഉത്തരവില്‍ പറയുന്നു. മേരിക്കുന്ന് സ്വദേശിയായ എസ് ശിവരാമകൃഷ്ണന്‍ നല്‍കിയ പരാതിയിലാണ് പുതിയ നടപടികള്‍ കൈക്കൊള്ളാന്‍ കമ്മീഷന്‍ ഉത്തരവിട്ടത്. ഹൃദ്യോഗികളായവരെ കാതടിപ്പിക്കുന്ന ശബ്ദം ഗുരുതരമായ ആരോഗ്യപ്രശ്‌നങ്ങളിലേക്ക് നയിക്കുന്നുവെന്നാണ് പരാതിയില്‍ പറയുന്നത്.

ഹോണുകള്‍ നിരോധിച്ച വിവരം ഡ്രൈവര്‍മാരെ അറിയിക്കാന്‍ സിഗന്ല്‍ ബോര്‍ഡുകള്‍ സ്ഥാപിക്കണം. കൂടാതെ ഡ്രൈവര്‍മാര്‍ക്ക് നിര്‍ദ്ദേശം നല്‍കാന്‍ ട്രാഫിക് ഉദ്യോഗസ്ഥര്‍ക്ക് പരിശീലനം നല്‍കണമെന്നും ജില്ലാ പോലീസ് മേധാവിയോട് നിര്‍ദ്ദേശിച്ചിട്ടുണ്ട്.

ഇടതുവശം ചേര്‍ന്ന് പോവുകയായിരുന്നു ഡോക്ടറുടെ ഇരുചക്രവാഹനത്തിലേക്ക് അമിതവേഗതയില്‍ എതിര്‍ ഭാഗത്തുനിന്നു വന്ന പതിനേഴുകാരന്റെ കാര്‍ വശതെറ്റി ഡോക്ടര്‍ ദമ്പതികളുടെ വാഹനത്തെ ഇടിച്ചുവീഴ്ത്തുകയായിരുന്നു. നഗരത്തിലെ ചക്കാന്തറയില്‍ ഉണ്ടായ അപകടത്തിന്റെ സി.സി.ടി.വി ദൃശ്യങ്ങള്‍ പൊലീസിന് ലഭിച്ചു.

നിയന്ത്രണം വിട്ട് ഇരുചക്രവാഹനത്തെ ഇടിച്ച കാര്‍ തുടര്‍ന്ന് നടപ്പാതയിലേക്ക് പാഞ്ഞുകയറി സമീപത്തെ മതിലില്‍ ഇടിച്ച് നില്‍ക്കുകയായിരുന്നു. കുറിശ്യാംകുളം സ്വദേശിയായ പതിനേഴുവയസ്സുകാരനാണ് വാഹനം ഓടിച്ചത്. രാത്രി 10 മണിയോടെയായിരുന്നു അപകടം.

മോട്ടോര്‍ വാഹന രാജാവായ ബി.എം.ഡബ്ല്യൂവാണ് പുതിയ കണ്ടുപിടുത്തുവമായി രംഗത്ത് എത്തിയിരിക്കുന്നത്. ബൈക്ക് തന്നെ അതിനെ സ്വയം ബാലന്‍സ് ചെയ്യുന്ന രീതിയാണ് ആശയം. സാധാരണ ഇരുചക്ര വാഹനം നേരിടുന്ന ബാലന്‍സിങ് കുറവ് ഇതിലെ കൃത്രിമ ബാലന്‍സ് സിസ്റ്റം ഇല്ലാതാക്കും. പരിസരവുമായി ഘടിപ്പിച്ച വിവിധ ക്രമീകരണങ്ങളാല്‍ ബൈക്കിനെ സ്വയം ബാലന്‍സ് ചെയ്യുന്നതാണ് രീതി. ഈ ക്രമീകരണം ബൈക്കിന് സ്വമേധയാ ഒരു ബാലന്‍സ് നല്‍കി വീഴ്ചയില്‍ നിന്നും രക്ഷിക്കുന്നതാണ് സംവിധാനം.

ഇത്തരം ബൈക്കില്‍ ഹെല്‍മെറ്റ് ഇല്ലാതെതന്നെ സുരക്ഷിതമായി സഞ്ചരിക്കാന്‍ സാധിക്കുമെന്നാണ് കമ്പനി അവകാശപ്പെടുന്നത്. ഗതാഗതത്തിന്റെ വരും കാലത്ത് വിപ്ലകരമായ മാറ്റം കൊണ്ടുവരുന്ന കണ്ടുപിടുത്തമായി ഈ ആശയം മാറുമെന്നും കമ്പനി അധികൃതര്‍ വ്യക്തമാക്കുന്നുണ്ട്.

ബൈക്ക് ബാലന്‍സിങ്ങിനായി ഓടിക്കുന്ന ആള്‍ക്ക് പ്രത്യേക കണ്ണടയും കമ്പനി ഒരുക്കുന്നുണ്ട്. ഈ നൂതന കണ്ണട സണ്‍ഗ്ലാസിലുപരി ഡ്രൈവര്‍ക്ക് പല ഉപകാരവും തരുന്നതാണ്. ഗ്ലാസിന്റെ ഒരു ഭാഗത്ത് തെളിയുന്ന മാപിങിലൂടെ പോകേണ്ട വഴിയുടെകള്‍ കൃത്യമായി കാണിച്ചു തരുന്നു. കൂടാതെ കാലാവസ്താ വ്യതിയാനവും ഒരു ബാക്ക് മിററില്‍ ഉപരിയായിി പിറകു വശത്തെ കാഴ്ചകള്‍ ശേഖരിച്ചു വെക്കുകകൂടി കണ്ണട നടത്തും. ഒരുപക്ഷേ ബാന്റ്മാന്റെ അത്യാധുനിക ബൈക്കിനെ പോലെയാവും ഈ ബി.എം.ഡബ്ല്യൂവിന്റെ പ്രകടനം.

വര്‍ഷങ്ങള്‍ക്ക് ശേഷം വരാന്‍ സാധ്യതയുള്ള ഒരു ആശയം എന്നാവും എല്ലാവരും കരുതിയിരിക്കുക. എന്നാല്‍ ഇത്തരമൊരു സാഹചര്യമൊരുക്കാന്‍ മറ്റു വാഹന നിര്‍മാതാക്കള്‍ കൂടി തയ്യാറായാല്‍ ഹെല്‍മറ്റില്ലാതെ തന്നെ സുരക്ഷിതമായ ബൈക്ക് യാത്രകളാവും.

എന്നാല്‍ എത്ര സൂക്ഷിച്ചാലും മറ്റു വാഹനങ്ങള്‍ വന്നിടിക്കുന്ന നമ്മുടെ ഗതാഗത ലോകത്ത് ഈ കണ്ടുപിടുത്തം എത്രത്തോണം വിജയകരമാവുമെന്ന കണ്ടറിയണം.