motorvehicle – Chandrika Daily

ഇരുചക്രവാഹനത്തില്‍ രണ്ട് പേർക്കേ യാത്ര ചെയ്യാനാകൂ എന്നത് കേന്ദ്ര നിയമമാണെന്ന് ഗതാഗത മന്ത്രി

webdesk15 — Thu, 27 Apr 2023 08:23:44 +0000

ഇരുചക്രവാഹനത്തില്‍ രണ്ട് പേർക്കേ യാത്ര ചെയ്യാനാകൂ എന്നത് കേന്ദ്ര നിയമമാണെന്ന് ഗതാഗത മന്ത്രി ആന്‍റണി രാജു പറഞ്ഞു.കുട്ടികളെ കൂടി ബൈക്കിൽ അനുവദിക്കണമെങ്കിൽ കേന്ദ്ര നിയമത്തിലാണ് മാറ്റം വരേണ്ടത്. ഇളവ് വേണം എന്ന ആവശ്യം കേരളം കേന്ദ്രത്തോട് ഉന്നയിക്കുമെന്നും മന്ത്രി പറഞ്ഞു.കേന്ദ്രത്തോട് ഇക്കാര്യം ആവശ്യപ്പെടുന്നത് ചർച്ച ചെയ്യാനായി ഉദ്യോഗസ്ഥരുടെ യോഗം വിളിച്ചിട്ടുണ്ടെന്നും അദ്ദേഹം അറിയിച്ചു.

പ്രതിഷേധം: എ . ഐ ക്യാമറയിലെ പിഴയീടാക്കൽ നീട്ടി

webdesk15 — Thu, 20 Apr 2023 10:46:16 +0000

ക്യാമറകൾ കണ്ടെത്തുന്ന നിയമലംഘനങ്ങൾക്ക് പിഴ ഈടാക്കുന്നത് ഒരു മാസത്തേക്ക് നീട്ടിയാതായി ഗതാഗത മന്ത്രി അറിയിച്ചു. വ്യാപകമായി പ്രതിഷേധം ഉയർന്ന സാഹചര്യത്തിലാണ് നടപടി.
പദ്ധതിയിൽ ആദ്യത്തെ ഒരു മാസം ബോധവത്കരണം നൽകും മെയ് 19 വരെ പിഴയീടാക്കില്ലെന്നാണ് തീരുമാനം. വേണ്ടത്ര ബോധവത്കണം ഉണ്ടായില്ലെന്ന പരാതിയെ തുടർന്നാണ് ഒരു മാസം ബോധവത്കരണത്തിനായി മാറ്റിവെക്കുന്നതെന്നും അദ്ദേഹം പറഞ്ഞു.

ഇനി വാഹന പരിശോധനയില്‍ ബുക്കും പേപ്പറും കാണിക്കേണ്ട..പകരം മറ്റൊരു വഴിയുണ്ട്‌

ചന്ദ്രിക വെബ് ഡെസ്‌ക്‌ — Mon, 24 Aug 2020 15:05:18 +0000

വാഹനം ഓടിക്കുന്ന എല്ലാവരും ഒരിക്കലെങ്കിലും പൊലീസ് പരിശോധനയിൽ പെട്ടുപോയിട്ടുണ്ടാവും. വാഹനം തടയുന്ന പൊലീസ് ആദ്യം പറയുന്നത് ‘പോയി ബുക്കും പേപ്പറും എടുത്തോണ്ട് വാ’ എന്ന് തന്നെയാകും. കൈയിൽ ഇവയിൽ ഏതെങ്കിലും ഒന്ന് ഇല്ലെങ്കിൽ പോലും വലിയ പിഴ അടയ്ക്കേണ്ടിയും വരും. എന്നാൽ ബുക്കും പേപ്പറും കൈയ്യിൽ ഇല്ലെങ്കിലും ഇനി പൊലീസിനെ പേടിക്കാത വാഹനം നിരത്തിലോടിക്കാം. പകരം ഇങ്ങനെ ചെയ്താൽ മാത്രം മതി.

നാഷണൽ ഇൻഫോമാറ്റിക് സെന്റർ വികസിപ്പിച്ചെടുത്ത എം പരിവാഹൻ എന്ന മൊബൈൽ ആപ്ലിക്കേഷൻ പ്ലേസ്റ്റോറിൽ നിന്നും ഡൗൺലോഡ് ചെയ്യുക. ഇതിൽ നമ്മുടെ വാഹനത്തിന്റെ വിവരങ്ങള്‍ നൽകിയാൽ ആർ.സി, ലൈസന്‍സ്, ഇൻഷുറൻസ് തുടങ്ങിയ എല്ലാ വിവരങ്ങളും ലഭിക്കും. ഏത് പരിശോധനയിലും ഈ ആപ്പിലൂടെ ലഭിക്കുന്ന വിവരങ്ങൾ പങ്കുവെച്ചാൽ മതിയാകും.

ഈ ആപ്പിലൂടെ ലഭിക്കുന്ന വിവരങ്ങൾ പരിശോധന ഉദ്യോഗസ്ഥർക്ക് നൽകിയാലും ഔദ്യോഗികമായ രേഖകൾ സമർപ്പിക്കുന്ന ഫലം ഉണ്ടാകും. ഇനി ബുക്കും പേപ്പറും ഇല്ലെന്ന പേരിൽ പിഴ നൽകേണ്ട. പകരം എം പരിവാഹൻ ആപ്പ് ഉണ്ടായാലും മതി.

മാന്ദ്യം രൂക്ഷം; വാഹനങ്ങളുടെ ജിഎസ്ടി കുറയ്ക്കാനൊരുങ്ങി കേന്ദ്രം

Test User — Tue, 17 Sep 2019 05:05:14 +0000

രാജ്യത്ത് മാന്ദ്യം രൂക്ഷമാണെന്ന് വീണ്ടും തെളിയുകയാണ്. കാര്‍-ബൈക്ക് വിപണിയെ ഉത്തേജിപ്പിക്കാന്‍ നികുതി കുറയ്ക്കാനൊരുങ്ങി കേന്ദ്രം. എന്നാല്‍ തീരുമാനത്തില്‍ എതിര്‍പ്പുമായി കേരളം ഉള്‍പ്പെടെയുള്ള സംസ്ഥാനങ്ങള്‍ എത്തിയിട്ടുണ്ട്. . ജി.എസ്.ടി. 28ല്‍ നിന്ന് 18 ശതമാനമാക്കാനാണ് ഉദ്ദേശിച്ചിരിക്കുന്നത്. ഇതുവഴി രാജ്യത്ത് ഈ വര്‍ഷം മാത്രം 50,000 കോടിയുടെ നികുതിനഷ്ടമുണ്ടാകുമെന്നാണ് കണക്ക്. അത് തങ്ങളുടെ കണക്കില്‍പ്പെടുത്തരുതെന്നാണ് സംസ്ഥാനങ്ങളുടെ ആവശ്യം.

20ന് ഗോവയില്‍ ചേരുന്ന ജി.എസ്.ടി. കൗണ്‍സിലില്‍ നികുതി കുറയ്ക്കുന്നതുസംബന്ധിച്ച തീരുമാനമുണ്ടാകും. പത്തുശതമാനം ജി.എസ്.ടി. കുറയ്ക്കുക വഴി വാഹനങ്ങളുടെ ഓണ്‍ റോഡ് വിലയില്‍ എട്ടു ശതമാനം വരെ കുറവ് വരും. അതുവഴി വില്പനമാന്ദ്യത്തിന് അറുതി വരുത്താമെന്നാണ് കണക്കുകൂട്ടല്‍. വാഹനവിപണിയിലെ മാന്ദ്യത്തില്‍നിന്ന് കരകയറാന്‍ വിവിധ നടപടികള്‍ സ്വീകരിച്ചെങ്കിലും ഫലം ഉണ്ടായിട്ടില്ല.