അതുവരെയുള്ള ആഖ്യാനരീതികളെ മാറ്റിമറിയ്ക്കുന്നതായിരുന്നു ഈ സിനിമ. പിന്‍കാലത്ത് റോഡ് മാര്‍ഗം നിരവധി അവയവമാറ്റം സാധ്യമാക്കുന്നതിനും അധികൃതരെ മാറിചിന്തിക്കുന്നതിനുമെല്ലാം ഈ സിനിമ കാരണമായി.
ഒറ്റദിവസം പലജീവിതങ്ങളില്‍ സംഭവിക്കുന്നതെല്ലാം ഒറ്റതന്തുവിലേക്കെത്തിച്ച സംവിധായകന്റെ കൈയടക്കം ട്രാഫിക്കില്‍ പ്രകടമായിരുന്നു. പലഭാഷകളില്‍ പിന്നീട് നിര്‍മിക്കപ്പെട്ട സിനിമ ആസിഫലി അടക്കമുള്ള താരങ്ങളുടെ തിരിച്ചുവരവ് കൂടിയായിരുന്നു.

സിനിമാരംഗം പ്രതിസന്ധി നേരിടുന്ന കാലത്താണ് വമ്പന്‍താരനിരയില്ലാതെ, ആരുംപറയാന്‍ ധൈര്യപ്പെടാത്ത ആഖ്യാനരീതിയുമായി രാജേഷ് പിള്ളയെന്ന സംവിധായകന്‍ മുന്നോട്ട് വന്നത്. അടുത്തകാലത്തായി വ്യത്യസ്ത പുലര്‍ത്തുന്ന നിരവധി ചിത്രങ്ങള്‍ മലയാളത്തില്‍ എത്തിയെങ്കിലും ഇതിന്റെയെല്ലാം തുടക്കം ട്രാഫിക്കായിരുന്നു. സിനിമ പത്തുവര്‍ഷം പിന്നിടുമ്പോഴും സംവിധായകന്‍ രാജേഷ് പിള്ളയുടെ വിയോഗം നൊമ്പരമായി നിലനില്‍ക്കുന്നു

ഏപ്രില്‍ 27. ലോകമെമ്പാടുമുള്ള സിനിമാ പ്രേമികള്‍ പ്രത്യേകിച്ച് മാര്‍വല്‍ ആരാധകര്‍ ആ ദിവസത്തിനായി കാത്തിരിക്കുകയാണ്. അന്നാണ് സര്‍വ്വ ലോകത്തെയും തകര്‍ത്ത് തരിപ്പണമാക്കാന്‍ താനോസ് ഭൂമിയിലേക്ക് വരുന്നത്.. ആ ഒന്നൊന്നര വില്ലനെ എതിരിടാനായി അവഞ്ചേഴ്സ് തയ്യാറെടുത്തുകഴിഞ്ഞു.

ലോകമെമ്പാടുമുള്ള തിയേറ്ററുകളില്‍ മാര്‍വല്‍ സ്റ്റുഡിയോയുടെ ഏറ്റവും പുതിയ ചിത്രമായ അവഞ്ചേഴ്സ് ഇന്‍ഫിന്റി വാര്‍ റിലീസിന് ഒരുങ്ങുമ്പോള്‍ പ്രതീക്ഷകള്‍ വാനോളമാണ്. എന്നാല്‍ ഇനിയും അവഞ്ചേഴ്‌സിനെയും എം.സി.യു (മാര്‍വല്‍ സിനിമാറ്റിക് യൂണിവേഴ്സ്) വിനെക്കുറിച്ചും അറിയാത്തവര്‍ക്കായി.

നമ്മള്‍ അറിയുന്ന പ്രധാനപ്പെട്ട സൂപ്പര്‍ ഹെറോകളെല്ലാം പിറന്നത് രണ്ട് കോമിക്ക് പ്രസാധകരില്‍ നിന്നുമാണ്. ഒന്ന് മാര്‍വല്‍ കോമിക്സും രണ്ടാമത്തേത് ഡി.സി കോമിക്സും. അയേണ്‍മാന്‍, ക്യാപ്റ്റന്‍ അമേരിക്ക, തോര്‍, ഹള്‍ക്ക്, സ്‌പൈഡര്‍മാന്‍, ഡോക്ടര്‍ സ്ട്രേഞ്ച്, ആന്റ്മാന്‍, ബ്ലാക്പാന്തര്‍ എന്നിരാണ് മാര്‍വല്‍ ലോകത്തിലെ പ്രധാനപ്പെട്ട ചില ഹീറോകള്‍. സൂപ്പര്‍മാന്‍, ബാറ്റ്മാന്‍, ഫ്‌ലാഷ്, വണ്ടര്‍വുമണ്‍, ഫാന്റം മുതലായവര്‍ ഡി.സി കോമിക്‌സിന്റെ സൃഷ്ടികളും.

10 വര്‍ഷം മുന്‍പ് 2008ലാണ് ഹോളിവുഡിന്റെ ചരിത്രം മാറ്റിയെഴുതി മാര്‍വല്‍ സിനിമാറ്റിക് യൂണിവേഴ്‌സിന് തുടക്കമാകുന്നത്.
മാര്വല്‍ കോമിക് ഹീറോ ആയ അയേണ്‍മാനെ നായകനാക്കി മാര്വല്‍ സ്റ്റുഡിയോ നിര്‍മിച്ച സിനിമ 2008 ലെ ഏറ്ററ്വും വലിയ വിജയങ്ങളില്‍ ഒന്നായിരുന്നു. ആ വര്‍ഷം തന്നെ ‘ദി ഇന്‍ക്രെഡിബിള്‍ ഹള്‍ക്ക്’ ഇറങ്ങിയെങ്കിലും അത് വിജയം കാണാതെ പോയി. ഈ സിനിമ മാത്രമാണ് വന്‍ വിജയം കൈവരിക്കാതെ പോയ മാര്വല്‍ സിനിമ. എന്നാല്‍ തുടര്‍ന്നുള്ള വര്‍ഷങ്ങളില്‍ അയേണ്‍മാന്റെ രണ്ടാം ഭാഗവും (2010), തോര്‍ (2011), ക്യാപ്റ്റന്‍ അമേരിക്ക (2011) എന്നിവ കൂടി വന്നതോടെ സിനിമാ മേഖലയില്‍ എം.സി.യുവിന്റെ ശക്തി വര്‍ധിച്ചു തുടങ്ങി. കഴിഞ്ഞ 10 വര്‍ഷങ്ങളിലായി എം.സി.യുവില്‍ നിന്ന് 18 ചലച്ചിത്രങ്ങളാണ് പുറത്തിറങ്ങിയത്.
ലോക ബോക്‌സോഫീസുകളില്‍ നിന്നായി 14.8 ബില്യണ്‍ ഡോളറാണ് ഈ ചിത്രങ്ങള്‍ എല്ലാംകൂടി വാരികൂട്ടിയത്. അതോടെ സൂപ്പര്‍ ഹീറോ ചിത്രങ്ങളുടെ സീക്വലുകളും സൂപ്പര്‍ വില്ലന്മാരുമായി എം.സി.യു ഹോളിവുഡ് ബോക്‌സ് ഓഫീസ് അടക്കിവാണു. വ്യക്തമായ പ്ലാനോട് കൂടി ഘട്ടം ഘട്ടമായായിരുന്നു മാര്വാലിന്റെ സിനിമാറ്റിക് യൂണിവേഴ്‌സിന്റെ നിര്‍മിതി. ആദ്യം ഘട്ടം പൂര്‍ത്തിയാകുന്നത് 2012ലെ അവഞ്ചേഴ്സ് ഒന്നാം ഭാഗത്തോട് കൂടിയാണ്. ക്രോസ്സോവറുകള്‍ എന്നു വിളിക്കുന്ന ഈ സൂപ്പര്‍ ഹീറോ സംഗമമായ അവഞ്ജേഴ്സിന്റെ ആദ്യപതിപ്പ് എക്കാലത്തെയും വലിയ പണംവാരിപ്പടങ്ങളില്‍ ഒന്നായിമാറി.

തോര്‍: ദി ഡാര്‍ക്ക് വേള്‍ഡ്‌

ഭൂമിയെ തകര്‍ക്കാന്‍ വരുന്ന ശക്തികള്‍ ഒരു നായകനെകൊണ്ടു ‘താങ്ങാവുന്നതിലും’ അപ്പുറമാണെങ്കില്‍ തങ്ങളുടെ സൂപ്പര്‍ ഹീറോകളെ മുഴുവന്‍ ഒന്നിച്ച് അവരെ നേരിടുക. അവരാണ് അവഞ്ചേഴ്സ് എന്ന വിളിപ്പേരുള്ള ഈ സംഘം. ഷീല്‍ഡ് എന്ന സീക്രട്ട് സംഘത്തിന്റെ തലവന്‍ നിക്ക് ഫ്യൂരി മുന്‍കൈ എടുത്താണ് സൂപ്പര്‍ ഹീറോകളെ ഒത്തുചേര്‍ക്കുന്നത്.

ദി അവഞ്ചേര്‍സ് (2012)

പ്രേക്ഷകര്‍ ഇവരെ ഇരുകയ്യും നീട്ടി സ്വീകരിച്ചതോടെ എം.സി.യുവില്‍ നിന്ന് കൂടുതല്‍ സിനിമകളും കഥാപാത്രങ്ങളും വന്നുകൊണ്ടിരുന്നു. അതോടൊപ്പം തന്നെ അവഞ്ചേഴ്‌സിന്റെ അംഗബലവും കൂടിക്കൊണ്ടിരുന്നു. ആദ്യത്തെ അവഞ്ചേഴ്‌സില്‍ ആറു പ്രധാന നായകന്മാരാണ് ഉണ്ടായിരുന്നതെങ്കില്‍ ഇപ്പോള്‍ ഇറങ്ങുന്ന മൂന്നാം ഭാഗമായ ഇന്‍ഫിനിറ്റി വാഴ്‌സില്‍ ഇരുപതിലേറെ നായകന്മാരാണ് രംഗത്തെത്തുന്നത്.

അവഞ്ചേഴ്സ് ഇന്‍ഫിനിറ്റി വാഴ്‌സിനെ പറ്റി.

അവഞ്ചേഴ്സ് ആദ്യ ഭാഗം മുതല്‍ എംസിയു തയ്യാറെടുത്തത് ഈ രാജ വില്ലന് വേണ്ടിയായിരുന്നു. മാര്‍വല്‍ കോമിക്ക് ലോകത്തെ ഏറ്റവും ശക്തനായ വില്ലന്‍. കഴിഞ്ഞ 18 ചലച്ചിത്രങ്ങളിലായി ആകെ 4 മിനുട്ടാണ് താനോസ് പ്രത്യക്ഷപ്പെട്ടത്. ആദ്യത്തെ അവഞ്ചേഴ്‌സിന്റെ(2012) പോസ്റ്റ് ക്രെഡിറ്റ് സീനില്‍ കാണിക്കുന്നുണ്ടെങ്കിലും ഗാര്‍ഡിയന്‍ ഓഫ് ദി ഗലക്‌സിയിലാണ്(2015) തനോസിനെ കുറിച്ച് കൂടുതല്‍ പറയുന്നത്. ശനിയുടെ ഉപഗ്രഹമായ ടൈറ്റാനില്‍ ജനിച്ചത്‌കൊണ്ട് മാഡ് ടൈറ്റാന്‍ എന്ന വിളിപ്പേര് സ്വന്തമാക്കിയ താനോസിന്റെ ലക്ഷ്യം പ്രപഞ്ചത്തിലെ പകുതി ജീവനേയും ഇല്ലാതാക്കി മരണ ദേവതയെ തൃപ്തിപ്പെടുത്തുക എന്നതാണ്. അതിനായി താനോസ് തേടുന്നത് ഇനിഫിന്റി സ്റ്റോണ്‍സ് എന്നു പറയപ്പെടുന്ന 6 വ്യത്യസ്ത തരം അദ്ബുദ്ധ ശക്തിയുള്ള കല്ലുകളാണ്.
സ്‌പേസ് സ്റ്റോണ്‍, റിയാലിറ്റി സ്റ്റോണ്‍, പവര്‍ സ്റ്റോണ്‍, മൈന്‍ഡ്‌സ്റ്റോണ്‍, ടൈം സ്റ്റോണ്‍, സോള്‍ സ്റ്റോണ്‍ എന്നിങ്ങനെ വ്യത്യസ്തമായ ശക്തികളുള്ള ഊര്‍ജ രൂപമായ അവയെ കല്ലാക്കി രൂപപ്പെടുത്തി തന്റെ ഇന്‍ഫിനിറ്റി കയ്യുറയില്‍ ഘടിപ്പിച്ചാല്‍ ഒരു വിരല്‍ ഞൊടികൊണ്ടു തന്നെ ലോകത്തെ മുഴുവന്‍ ഇല്ലാതാക്കാന്‍ തക്ക സര്‍വ്വശക്തനാകാന്‍ താനോസിന് സാധിക്കും. അതിനായി മാര്‍വല്‍ സിനിമകളിലെ മറ്റുവില്ലന്മാരെ തന്റെ സഹായികളാക്കി ബ്ലാക്ക് ഓര്‍ഡര്‍ എന്ന സംഘത്തെയും അണിനിരത്തിയാണ് അവഞ്ചേഴ്‌സിനെ താനോസ് നേരിടുന്നത്.

ഈ ഇന്‍ഫിനിറ്റി സ്റ്റോണുകളില്‍ നാലെണ്ണവും ഭൂമിയിലും പുറത്തുമായി സൂക്ഷിക്കപ്പെട്ടിട്ടുണ്ട്. അഞ്ചാമത്തെ സ്റ്റോണ്‍ ആയ മൈന്‍ഡ് സ്റ്റോണ്‍ അവഞ്ചേഴ്‌സിലെ അംഗമായ ‘വിഷന്‍’ന്റെ നെറ്റിയില്‍ പിടിപ്പിച്ച നിലയിലും. അതിനാല്‍ ആ സ്റ്റോണ്‍ എടുക്കുക എന്നത് വിഷനിന്റെ ജീവന്‍ തന്നെ ഇല്ലാതാക്കുന്ന ഒന്നായിരിക്കും. ഇനി ആറാമത്തെ സ്റ്റോണ്‍ ആയ സോള്‍ സ്റ്റോണ്‍ എവിടെയെന്ന് ഇതുവരെ ഒരു ചിത്രത്തിലും പറഞ്ഞിട്ടില്ല.. അതുകൊണ്ട് അത് ഒരു രഹസ്യമായി തുടരുന്നു.

തന്റെ മുന്നില്‍ വരുന്ന ഏത് നായകനെയും ഒരു ഈച്ചയെ കൊല്ലുന്ന ലാഘവത്തോടെ ഇല്ലാതാക്കാന്‍ തക്ക ശക്തനായ തനോസിനെ അതുകൊണ്ട് തന്നെ എതിരിടാന്‍ അവഞ്ചേഴ്സ് സര്‍വ്വസന്നാഹങ്ങളുമായി തയ്യാറെടുക്കുമ്പോള്‍ മാര്‍വല്‍ ആരാധകര്‍ ഇതുവരെ കാണാത്തൊരു ദൃശ്യ വിരുന്നാകും അത് സമ്മാനിക്കുക. 10 വര്‍ഷത്തോളമുള്ള ഈ സൂപ്പര്‍ ഹീറോ സിനിമകളില്‍ ഇതുവരെ ഒരു പ്രധാന ഹീറോയും കൊല്ലപ്പെട്ടിട്ടില്ല.. എന്നാല്‍ ഇനിഫിനിറ്റി വാഴ്‌സില്‍ അതായിരിക്കില്ല എന്ന സൂചനയും സംവിധായകരായ റൂസോ സഹോദരങ്ങള്‍ നല്‍കിയിട്ടുണ്ട്. തങ്ങളുടെ ഏതൊക്കെ പ്രിയപ്പെട്ട കഥാപാത്രങ്ങളാണ് താനോസിന്റെ കയ്യാല്‍ ഇല്ലാതാകാന്‍ പോകുന്നത് എന്ന് ആരാധകര്‍ ആകാംക്ഷയോടെ ഉറ്റുനോക്കുന്നത്.

രണ്ടു ഭാഗങ്ങളായി പുറത്തിറങ്ങുന്ന അവഞ്ചേഴ്‌സിന്റെ ആദ്യ പതിപ്പിന് ഏതാണ്ട് ഒരു ബില്യണ്‍ ഡോളര്‍ ബഡ്ജറ്റ് വന്നതായാണ് അണിയറ വാര്‍ത്തകള്‍. എങ്കില്‍ ലോകത്ത് ഇതുവരെ ഇറങ്ങിയതില്‍ ഏറ്റവും ചിലവേറിയ ചിത്രമായിരിക്കും ഇത്. മുഴുവന്‍ ചിത്രീകരണവും പൂര്‍ത്തിയായ ഇനിഫിനിറ്റി വാഴ്‌സിന്റെ ആദ്യഭാഗം ഈ ഏപ്രില്‍ 27നും അടുത്ത ഭാഗം 2019 മേയ് മാസത്തിലും റിലീസ് ചെയ്യും.

ടൂററ്റ് സിന്‍ഡ്രം എന്ന സംസാര വൈകല്യമുള്ള, എന്നാല്‍ അധ്യാപികയാവുകായണ് തന്റെ ജന്മലക്ഷ്യം എന്നു കരുതുന്ന നൈന മാഥൂര്‍ എന്ന യുവതിയായാണ് റാണി മുഖര്‍ജി ചിത്രത്തില്‍ വേഷമിടുന്നത്. കുസൃതികളായ 14 വിദ്യാര്‍ത്ഥികളടങ്ങുന്ന ഒരു ക്ലാസിന്റെ ചുമതല ലഭിക്കുന്ന കഥാപാത്രം കടന്നുപോകുന്ന സംഘര്‍ഷങ്ങളാണ് ചിത്രത്തിന്റെ ഇതിവൃത്തം എന്നാണ് ട്രെയ്‌ലര്‍ നല്‍കുന്ന സൂചന. പുറത്തിറങ്ങി അഞ്ച് മണിക്കൂറിനകം എട്ട് ലക്ഷം പേര്‍ ട്രെയ്‌ലര്‍ യൂട്യൂബില്‍ മാത്രം കണ്ടു കഴിഞ്ഞു.

തിരക്കു കാരണം പ്രിയങ്ക ചോപ്ര ഉപേക്ഷിച്ച റോള്‍ ആണ് ഹിച്കിയില്‍ റാണി ചെയ്യുന്നത്. നല്ല സിനിമകള്‍ തന്റെ വഴിക്കു വരാതിരുന്നതാണ് മൂന്നു വര്‍ഷത്തെ ഇടവേളയെടുക്കാന്‍ കാരണമെന്നും ഹിച്കി ഏറെ വെല്ലുവിളി ഉയര്‍ത്തിയ ചിത്രമാണെന്നും റാണി പറയുന്നു. 2014-ല്‍ പുറത്തിറങ്ങി പ്രദീപ് സര്‍ക്കാറിന്റെ മര്‍ദാനി ആണ് ഇതിനു മുമ്പ് അവര്‍ അഭിനയിച്ച ചിത്രം.

‘സെക്‌സി ദുര്‍ഗ’ എന്ന പേരില്‍ നിരവധി അന്താരാഷ്ട്ര പുരസ്‌കാരങ്ങള്‍ നേടിയ ചിത്രം മന്ത്രാലയത്തിന്റെ ഇടപെടലിനെ തുടര്‍ന്നാണ് എസ്. ദുര്‍ഗയെന്ന് പേരുമാറ്റിയതെന്ന് സംവിധായകന്‍ വ്യക്തമാക്കിയിരുന്നു. കഴിഞ്ഞ മാസം 13 അംഗ സെലക്ഷന്‍ കമ്മിറ്റിയാണ് ഗോവ ഫെസ്റ്റിവലില്‍ ചിത്രം പ്രദര്‍ശനത്തിന് തെരഞ്ഞെടുത്തത്. എന്നാല്‍, കാരണങ്ങള്‍ വ്യക്തമാക്കാതെ എസ് ദുര്‍ഗയും രവി ജാദവിന്റെ ന്യൂഡും പ്രദര്‍ശിപ്പിക്കേണ്ടതില്ലെന്ന് സ്മൃതി ഇറാനിയുടെ നേതൃത്വത്തിലുള്ള മന്ത്രാലയം തീരുമാനിക്കുകയായിരുന്നു. ഇതില്‍ പ്രതിഷേധിച്ച് ജൂറി തലവന്‍ സുജോയ് ഘോഷും അപൂര്‍വ അസ്രാണി, ജ്ഞാന്‍ കൊറയ എന്നിവരും രാജിവെച്ചു.

സനല്‍ കുമാര്‍ ശശിധരന്റെ ചിത്രത്തിന്റെ യഥാര്‍ത്ഥ പേര് വികാരം വ്രണപ്പെടുത്തുന്നതാണെന്നും സെന്‍സര്‍ ചെയ്യാത്ത ഭാഗമാണ് മേളയില്‍ പ്രദര്‍ശിപ്പിക്കാന്‍ തീരുമാനിച്ചത് എന്നുമാണ് മന്ത്രാലയത്തിനു വേണ്ടി ഹാജരായ അഭിഭാഷകന്‍ കോടതിയെ ബോധിപ്പിച്ചത്. എന്നാല്‍ കേന്ദ്ര ചലച്ചിത്ര സെന്‍സര്‍ ബോര്‍ഡ് അംഗീകാരം നല്‍കിയ ചിത്രം മന്ത്രാലയത്തിന് ഒഴിവാക്കാന്‍ കഴിയില്ലെന്ന് ഹൈക്കോടതി വ്യക്തമാക്കി.

കേന്ദ്ര ഇടപെടലില്‍ സനല്‍ കുമാര്‍ ശശിധരന് മലയാള ചലച്ചിത്ര ലോകത്തുനിന്ന് കാര്യമായ പിന്തുണ ലഭിച്ചിരുന്നില്ല. ഹൈക്കോടതി വിധി സന്തോഷം പകരുന്നതാണെന്നും ഇത് ചലച്ചിത്രത്തിന്റെയും ജനാധിപത്യത്തിന്റെയും സ്ഥാനങ്ങള്‍ ത്യജിച്ച ജൂറി അംഗങ്ങളുടെയും വിജയമാണെന്നും ഓസ്‌ട്രേലിയയിലെ ബ്രിസ്‌ബെയ്‌നില്‍ ചലച്ചിത്ര മേളയില്‍ പങ്കെടുക്കുന്ന സനല്‍ പ്രതികരിച്ചു.

നാല് സഹോദരങ്ങളുടെ കഥപറയുന്ന ചിത്രമായ ബിഗ് ബിയില്‍, മമ്മൂട്ടി അനുകരിച്ച ബിലാല്‍ എന്ന മൂത്ത സഹോദരനായിരുന്നു കേന്ദ്രകഥാപാത്രം. മമ്മൂട്ടിയുടെ കഥാപാത്രത്തിന്റെ പേരാണ് രണ്ടാം ഭാഗത്തിന് നല്‍കിയിരുന്നതും. ആദ്യഭാഗം പുറത്തിറങ്ങി പത്ത് വര്‍ഷം പിന്നിടുമ്പോഴാണ് സിനിമയുടെ രണ്ടാം ഭാഗവുമായി അമല്‍ നീരദ് എത്തുന്നത്.
അതിനിടെ സിനിമയെ കുറിച്ച് കൂടുതല്‍ പ്രതികരണവുമായി സംവിധായകന്‍ അമല്‍ നീരദ് രംഗത്തെത്തി.

ബിഗ് ബിയിലെ ചില കഥാപാത്രങ്ങള്‍ ബിലാലിലുണ്ടാവും എന്നല്ലാതെ പുതിയ പ്രൊജക്ടിനെ സംബന്ധിച്ച് മറ്റൊന്നും ഇത് വരെ തീരുമാനമായിട്ടില്ലെന്ന്, അമല്‍ നീരദ് പറഞ്ഞു. ആദ്യ ഭാഗത്തേക്കാള്‍ മികച്ച രീതിയില്‍ ‘ബിലാലി’നെ കൊണ്ട് വരാനാണ് താന്‍ ശ്രമിക്കുന്നതെന്നും എന്നാല്‍ പുതിയ സിനിമക്കായി എനിക്ക് കുറച്ചു സമയം വേണമെന്നും സംവിധായകന്‍ വ്യക്തമാക്കി.

സിനിമക്കു കിട്ടിയ വന്‍ വരവേല്‍പ്പിന് സംവിധായകന്‍ നന്ദി അറിയിച്ചു. ഈ സിനിമക്ക് മലയാളികളുടെ ഹൃദയത്തില്‍ ഇത്ര വലിയൊരു സ്ഥാനം ഉണ്ടെന്നത് എനിക്ക് അറിയില്ലായിരുന്നെന്നും. ബിലാലിന് കിട്ടിയ ഹൈപ്പ് പ്രൊജക്ടിനോടുള്ള ഉത്തരവാദിത്തവും വര്‍ധിച്ചിട്ടുണ്ടെന്നും, അമല്‍ നീരദ് പറഞ്ഞു.
ആദ്യ ഭാഗം മാസ്സായി ആഘോഷിക്കപ്പെട്ടത് കൊണ്ട് മാത്രം ആ സിനിമയുടെ രണ്ടാം ഭാഗം എടുക്കണം എന്ന് ആലോചിച്ചിട്ടില്ല. രണ്ടാം ഭാഗം എടുക്കണം എന്ന പദ്ധതിയായിരുന്നെങ്കില്‍ അത് എനിക്ക് നേരത്തെ തന്നെ ആവാമായിരുന്നു. അങ്ങനെ സംഭവിച്ചാല്‍ ആദ്യ ഭാഗത്തിന്റെ സൗന്ദര്യം കൂടി ഇല്ലാതാകുകയേ ഉള്ളൂ. എന്നാല്‍ 10 വര്‍ഷങ്ങള്‍ക്ക് ശേഷം ബിലാലിനെക്കുറിച്ച് ഒരു സിനിമ എടുക്കുന്നതിന് കാരണമുണ്ട്. അത്തരം ഒരു ഭാഗത്തിനായി മികച്ച കഥാതന്തു ലഭിച്ചതാണ് കാരണം. ‘2018ല്‍ തന്നെ ‘ബിലാല്‍’ സംഭവിക്കുമെന്നും, അമല്‍ നീരദ് പറഞ്ഞു.

ഞാനിപ്പോള്‍ ഫഹദ് ചിത്രമായ ട്രെന്‍സിന്റെ തിരക്കിലാണ്. എന്നാല്‍ ബിലാലിന്റെ പ്രീ പ്രൊഡക്ഷന്‍ ആരംഭിച്ചിട്ടുണ്ട്. ‘ട്രെന്‍സ്’ പൂര്‍ത്തിയായതിന് ശേഷമേ പുതിയ സിനിമയിലേക്ക് കടക്കൂവെന്നും’അമല്‍ കൂട്ടിച്ചേര്‍ത്തു.

ഫഹഹദ് ഫാസിലിനെ നായകനാക്കി അന്‍വര്‍ റഷീദ് സംവിധാനം ചെയ്യുന്ന ചിത്രമാണ് ട്രാന്‍സ്. അമല്‍ നീരദ് ആണ് ഛായാഗ്രഹണം.

പ്രേക്ഷകര്‍ മാത്രമല്ല മലയാളതാരങ്ങളും ആവേശത്തോടെയാണ് ബിലാലിന്റെ രണ്ടാം വരവിനെ ഏറ്റെടുത്തത്. മറ്റൊരു സിനിമയ്ക്കും ലഭിക്കാത്ത സ്വീകരണമാണ് സമൂഹമാധ്യമങ്ങളില്‍ ബിഗ് ബി 2വിന് ലഭിച്ചത്.

അതേസമയം, ബിലാല്‍ എന്ന് പേരിട്ടിരിക്കുന്ന ചിത്രത്തില്‍ മമ്മൂട്ടിക്കൊപ്പം പ്രണബ് മോഹന്‍ലാല്‍ ഉണ്ടാകുമെന്നാണ് പുതിയ വാര്‍ത്ത. ദുല്‍ഖറിനായിരുന്നു സാധ്യത കല്‍പിച്ചിരുന്നതെങ്കിലും നറുക്ക് വീണത് പ്രണവിനാണെന്ന് അറിയുന്നു. ഇതുസംബന്ധിച്ച് ഔദ്യോഗിക സ്ഥിരീകരണമുണ്ടായിട്ടില്ല.

‘നീലാകാശം പച്ചക്കടല്‍ ചുവന്ന ഭൂമി’ക്കു ശേഷം ഹാപ്പി ഹവേഴ്‌സ് എന്റര്‍ടെയ്ന്‍മെന്റ്‌സിനു വേണ്ടി സമീര്‍ താഹിറും ഷൈജു ഖാലിദുമാണ് ചിത്രം നിര്‍മിക്കുന്നത്. ഷൈജു ഖാലിദ് ക്യാമറ കൈകാര്യം ചെയ്യുന്ന ചിത്രത്തിനു വേണ്ടി തിരക്കഥ ഒരുക്കുന്നത് ‘കെ.എല്‍10 പത്തി’ലൂടെ ശ്രദ്ധേയനായ മുഹ്‌സിന പരാരിയും സംവിധായകന്‍ സകരിയ്യയുമാണ്. റെക്‌സ് വിജയന്‍ ആണ് സംഗീതം. ചിത്രത്തിന്റെ ക്രെഡിറ്റ് ലൈന്‍ പോസ്റ്റര്‍ ദുല്‍ഖര്‍ സല്‍മാന്‍ ഷെയര്‍ ചെയ്തു.

വാള്‍ട്ട് ഡിസ്‌നിയുടെ ‘ഡെസ്പറേറ്റ് ഹൗസ്‌വൈവ്‌സ് ആഫ്രിക്ക’, ‘ടിന്‍സല്‍’, എം.ടി.വിയുടെ ‘ഷുഗ’ തുടങ്ങിയ ആഫ്രിക്കന്‍ ചിത്രങ്ങളിലൂടെ ശ്രദ്ധേയനാണ് സൗബിനാപ്പം പ്രധാന താരമായി അഭിനയിക്കുന്ന സാമുവല്‍ അബിയോള റോബിന്‍സണ്‍. മലപ്പുറത്ത് സെവന്‍സ് കളിക്കാനെത്തുന്ന ‘സുഡാനി’യായാണ് 19-കാരനായ റോബിന്‍സണ്‍ വേഷമിടുന്നത്.

#sudaanifromnigeria

A post shared by Soubin Shahir (@soubinshahir) on Oct 30, 2017 at 10:11pm PDT

സൗബിനും സമീര്‍ താഹിറിനും ഷൈജു ഖാലിദിനുമൊപ്പം കോഴിക്കോട് നഗരത്തില്‍ നിന്നുള്ള ദൃശ്യങ്ങള്‍ സാമുവല്‍ റോബിന്‍സണ്‍ ഫേസ്ബുക്കില്‍ പങ്കുവെച്ചിരുന്നു. മെഡിക്കല്‍ കോളേജ് ബൈപാസിലുള്ള ഒരു റസ്‌റ്റോറന്റിലും നഗരത്തിലെ മറ്റിടങ്ങളിലുമുള്ള ചിത്രങ്ങലാണ് റോബിന്‍സണ്‍ പുറത്തുവിട്ടത്. ചിത്രത്തിനു വേണ്ടി താരം ഫുട്‌ബോള്‍ പരിശീലനം നടത്തുന്നുണ്ട്.

To reinvent yourself as an actor is to challenge yourself. Looking forward to portraying #DrManmohanSingh in #TheAccidentalPrimeMinister.:) pic.twitter.com/PsVdkpjZWY

— Anupam Kher (@AnupamPkher) June 7, 2017

ബൊഹ്‌റ ബ്രദേഴ്‌സിന്റെ നിര്‍മാണത്തില്‍ വിജയ് രത്‌നാകര്‍ ആണ് ചിത്രം സംവിധാനം ചെയ്യുന്നത്. 2004 മുതല്‍ 2008 വരെ പ്രധാനമന്ത്രിയുടെ ഉപദേശകനായിരുന്ന സഞ്ജയ് ബാരു വിവാദമായ നിരവധി വെളിപ്പെടുത്തലുകള്‍ പുസ്തകത്തിലൂടെ നടത്തിയിരുന്നു. പ്രധാനമന്ത്രിയുടെ ചുമതല പൂര്‍ണമായി ഡോ. സിങിനല്ലെന്നും കോണ്‍ഗ്രസ് പ്രസിഡണ്ട് സോണിയ ഗാന്ധിയായിരുന്നു യഥാര്‍ത്ഥത്തില്‍ അധികാരം കൈയാളിയിരുന്നത് എന്നും പുസ്തകത്തില്‍ പറയുന്നു. ഡോ. സിങും പ്രധാനമന്ത്രിയുടെ ഓഫീസും പുസ്തകത്തിന്റെ ഉള്ളടക്കത്തെപ്പറ്റി പ്രതികരിച്ചിരുന്നില്ല.

ബി.ജെ.പി സഹയാത്രികനായ അനുപം ഖേര്‍, കോണ്‍ഗ്രസ് പ്രധാനമന്ത്രിയുടെ ജീവചിത്രത്തില്‍ അഭിനയിക്കുന്നതിനെതിരെ സാമൂഹ്യ മാധ്യമങ്ങളില്‍ പ്രതിഷേധം ഉയര്‍ന്നിട്ടുണ്ട്.

‘ഒമ്പത് വര്‍ഷം മുമ്പ് കാവേരി ജലപ്രശ്‌നത്തില്‍ കര്‍ണാടകത്തില്‍ തമിഴര്‍ ആക്രമിക്കപ്പെടുകയും തമിഴ് സിനിമകളുടെ പ്രദര്‍ശം ബലമായി തടയുകയും ചെയ്തിരുന്നു. അതിനെ തുടര്‍ന്ന് തമിഴ് സിനിമയിലെ പല പ്രമുഖരും പ്രസ്താവനകള്‍ നടത്തിയിരുന്നു. അവരിലൊരാളായിരുന്നു ഞാനും. അതിനു മറുപടിയായി എന്റെ കോലം കര്‍ണാടകയില്‍ കത്തിക്കപ്പെട്ടിരുന്നു. കര്‍ണാടകയില്‍ നടന്ന പ്രതിഷേധങ്ങളില്‍ കന്നട സിനിമാ പ്രവര്‍ത്തകരും ചൂടേറിയ പ്രസ്താവനകള്‍ നടത്തുകയുണ്ടായി.

എന്റെ ചില വാക്കുകള്‍ കന്നട ജനതയില്‍ ചിലരെ വേദനിപ്പിച്ചതായി അറിയുന്നു. ഞാന്‍ കന്നട മക്കള്‍ക്ക് എതിരല്ല. 35 വര്‍ഷത്തോളമായി എന്റെ സഹായിയായി ജോലി ചെയ്യുന്ന ശേഖര്‍ കന്നടക്കാരനാണ്. കഴിഞ്ഞ ഒമ്പത് വര്‍ഷങ്ങള്‍ക്കിടെ ബാഹുബലി ഒന്നാം ഭാഗം ഉള്‍പ്പെടെ എന്റെ 30 സിനിമകള്‍ കര്‍ണാടകത്തില്‍ റിലീസ് ചെയ്തിരുന്നു. ഒരു പ്രശ്‌നവും ഉണ്ടായില്ല. ചില കന്നട സിനിമകളില്‍ നിന്ന് ക്ഷണം ഉണ്ടായിരുന്നെങ്കിലും സമയം ഇല്ലാത്തതിനാല്‍ അത് സ്വീകരിക്കാന്‍ കഴിഞ്ഞില്ല.

ഒമ്പത് വര്‍ഷം മുമ്പ് ഞാന്‍ നടത്തിയ പ്രസ്താവനയുടെ വീഡിയോ ഇപ്പോള്‍ യൂട്യൂബിലും മറ്റും വീണ്ടും ഉയര്‍ന്നുവന്നിരിക്കുന്നു. കന്നടക്കാരില്‍ ചിലര്‍ക്ക് അതുകൊണ്ട് വിഷമമുണ്ടെന്നും അറിയുന്നു. അതിനാല്‍ ഞാന്‍ മാപ്പു പറയുന്നു.’ – സോഷ്യല്‍ മീഡിയയില്‍ അപ്‌ലോഡ് ചെയ്ത വീഡിയോയില്‍ സത്യരാജ് പറയുന്നു.

തമിഴ്‌നാടുമായി ബന്ധപ്പെട്ട വിഷയങ്ങളില്‍ ഇനിയും സജീവമായി ഇടപെടുമെന്നും സത്യരാജിനെ വെച്ച് പടംചെയ്താല്‍ ഭാവിയില്‍ തിരിച്ചടിയുണ്ടാകുമെന്ന് ഭയപ്പെടുന്നവര്‍ തന്നെ സമീപിക്കരുതെന്നും സത്യരാജ് പറയുന്നു. നടന്‍ ആയിരിക്കുന്നതിനേക്കാള്‍ അഭിമാനം തമിഴന്‍ ആയിരിക്കുന്നതിലാണെന്നും അദ്ദേഹം കൂട്ടിച്ചേര്‍ക്കുന്നു.