പുതിയ വഖഫ് ബില്‍ പാസായി വന്നാല്‍ വഖഫ് സ്വത്തുക്കള്‍ കയ്യേറ്റക്കാര്‍ക്ക് സ്വന്തമാക്കാന്‍ കഴിയുമെന്ന് ഇ.ടി മുഹമ്മദ് ബഷീര്‍ എം.പി പറഞ്ഞു. ഏറ്റവും വലിയ കയ്യേറ്റക്കാര്‍ സര്‍ക്കാര്‍ തന്നെയാണ്. വഖഫ് സ്വത്തിന്റെ അന്തഃസത്ത തകര്‍ക്കുന്ന ബില്ലാണ് ഇപ്പോള്‍ കൊണ്ടുവരുന്നത്. ആരൊക്കെ കയ്യേറ്റം നടത്തിയിട്ടുണ്ടോ അതെല്ലാം അംഗീകരിക്കുന്നതാണ് ബില്‍ എന്നും അദ്ദേഹം പറഞ്ഞു.

മതപരമായ സ്ഥാപനത്തില്‍ വിശ്വാസിയല്ലാത്തവരെ കൂടി ഉള്‍പ്പെടുത്താനുള്ള നീക്കമാണ് നടക്കുന്നത്. അഡ്മിനിസ്ട്രേറ്റീവ് ബോര്‍ഡില്‍ രണ്ട് മുസ്ലിം ഇതര വിഭാഗക്കാരെ കൂടി നിയമിക്കും. സര്‍ക്കാരിന്റെ ജല്‍പ്പനത്തിന് വഴങ്ങുന്ന ഒരാള്‍ സി.ഇ.ഒ ആവാനാണ് സാധ്യത. വഖഫ് ബോര്‍ഡിനെ ഇല്ലാതാക്കുന്ന നിയമമാണ് വരുന്നത്. രാജ്യത്തിന്റെ ചരിത്രത്തില്‍ ഇത്രയധികം ആരാധനാലയങ്ങളെ ചവിട്ടിയരക്കുന്ന നിയമമില്ലെന്നും ഇ.ടി പറഞ്ഞു.

ടിഎംസി നേതാവ് കല്യാണ്‍ ബാനര്‍ജി രാജ്യസഭാ അധ്യക്ഷനെ അനുകരിക്കുന്ന വീഡിയോ താന്‍ ഷെയര്‍ ചെയ്തിട്ടില്ല. താന്‍ എടുത്ത വീഡിയോ തന്റെ ഫോണില്‍ തന്നെ ഉണ്ട്. ആരും അദ്ദേഹത്തെ അപമാനിച്ചിട്ടില്ല. എന്നാല്‍ ദേശീയ മാധ്യമങ്ങളാണ് ആ ദൃശ്യങ്ങള്‍ ഇപ്പോഴും കാണിക്കുന്നതും അതില്‍ ചര്‍ച്ചനടത്തുന്നതും.

രാജ്യത്തിന്റെ ചരിത്രത്തിലാദ്യമായി ഇത്രയുമധികം എം.പി മാരെ സസ്പെന്‍ഡ് ചെയ്തത് പ്രധാന വാര്‍ത്തയാവുകയോ ചര്‍ച്ചയാവുകയോ ചെയ്യുന്നില്ല. പ്രതിപക്ഷം ഉന്നയിക്കുന്ന വിഷയങ്ങള്‍ ഉയര്‍ത്താനോ ചര്‍ച്ച ചെയ്യാനോ മാധ്യമങ്ങള്‍ തയാറാകുന്നില്ലെന്നും അദ്ദേഹം കുറ്റപ്പെടുത്തി.

ന്യൂഡല്‍ഹി: ജനപ്രതിനിധികള്‍ അഭിഭാഷകരായി പ്രാക്ടീസ് ചെയ്യുന്നത് വിലക്കണമെന്ന നിര്‍ദേശം ബാര്‍ കൗണ്‍സില്‍ ഓഫ് ഇന്ത്യയുടെ പരിഗണനയില്‍.
എംപിമാരും എംഎല്‍എമാരും അഭിഭാഷകരായി പ്രാക്ടീസ് ചെയ്യുന്നതു ഇന്ത്യന്‍ ഭരണഘടനയുടെ 14, 15 അനുച്ഛേദത്തിനു എതിരാണെന്നാണ് വാദം.
ഇക്കാര്യത്തില്‍ അഭിഭാഷകനായ അശ്വനി ഉപാധ്യായ് കൊണ്ടുവന്ന പരാതി വിദഗ്ധ സമിതി പരിശോധിക്കുകയാണെന്നു ബാര്‍ കൗണ്‍സില്‍ ഓഫ് ഇന്ത്യ ചെയര്‍മാന്‍ മനന്‍ കുമാര്‍ പറഞ്ഞു. മൂന്നംഗ കമ്മിറ്റിയാണ് പരാതി പരിഗണിക്കുന്നത്. ഒരാഴ്ചയ്ക്കുള്ളില്‍ റിപ്പോര്‍ട്ട് ലഭിക്കും. അതിനുശേഷം അന്തിമ തീരുമാനം ഉണ്ടാകുമെന്നും അദ്ദേഹം അറിയിച്ചു.
ബാര്‍ കൗണ്‍സില്‍ ഓഫ് ഇന്ത്യയുടെ മുതിര്‍ന്ന അഭിഭാഷകരായ ഭോജ് ചന്ദര്‍ ഠാക്കൂര്‍, രമേശ്ചന്ദ്ര ജി ഷാ, ഡി.പി. ധാല്‍ എന്നിവരാണു വിദഗ്ധ കമ്മിറ്റിയിലുള്ളത്. എംപിമാര്‍ക്കും എംഎല്‍എമാര്‍ക്കും സര്‍ക്കാര്‍ ശമ്പളം കൊടുക്കുന്നുണ്ട്. അവര്‍ രാജ്യസേവകരാണ്.
എന്നാല്‍ പാര്‍ലമെന്റ്, നിയമസഭാ സമ്മേളനങ്ങളുടെ സമയത്ത് സ്വന്തം സാമ്പത്തിക ലാഭത്തിനായി എംപിമാരും എംഎല്‍എമാരും സ്വകാര്യ പ്രാക്ടീസായി കോടതിയില്‍ ഹാജരാകാറുണ്ട്. സാമാജികര്‍ക്കു മികച്ച ശമ്പളവും അലവന്‍സും വിരമിച്ചതിനുശേഷമുള്ള ആനുകൂല്യങ്ങളുമുണ്ട്. ഇവയെല്ലാം ഉദ്യോഗസ്ഥ, ജുഡീഷ്യല്‍ തലത്തില്‍ ജോലി ചെയ്യുന്നവരെക്കാള്‍ കൂടുതലുമാണ്.
ഈ സാഹചര്യത്തില്‍ എംപിമാരുടെയും എംഎല്‍എമാരുടെയും അഭിഭാഷകവൃത്തി തുടരാന്‍ അനുവദിക്കരുതെന്നുമാണ് ഉപാധ്യായയുടെ വാദം. എംപി, എംഎല്‍എ എന്നുപറയുന്നത് മുഴുവന്‍സമയ ജോലിയാണ്. ജനങ്ങളുടെ ക്ഷേമത്തിനുവേണ്ടി പൂര്‍ണസമയം മാറ്റിവയ്‌ക്കേണ്ടതുമാണ്. അതേസമയം, അഭിഭാഷകവൃത്തിയുടെ കുലീനതയും സംരക്ഷിക്കപ്പെടേണ്ടതുണ്ടെന്നും ഉപാധ്യായുടെ പരാതിയില്‍ പറയുന്നു. 2012ലെ സുപ്രീം കോടതി വിധിയില്‍ അഡ്വക്കേറ്റ്‌സ് ആക്ട്, ബാര്‍ കൗണ്‍സില്‍ റൂള്‍ എന്നിവ പ്രകാരം എംപി, എംഎല്‍മാരായവര്‍ക്ക് അഭിഭാഷകവൃത്തി തുടരാമെന്നു വ്യക്തമാക്കിയിരുന്നു.