കേന്ദ്രസര്‍ക്കാറിന്റെ രാഷ്ട്രീയ അജണ്ടയുടെ ഭാഗമായി ഇന്ത്യയില്‍ ന്യൂനപക്ഷങ്ങള്‍ക്ക് ലഭിച്ചുകൊണ്ടിരുന്ന സ്‌കോളര്‍ഷിപ്പുകള്‍ എല്ലാം റദ്ദാക്കുന്നനടപടി അംഗീകരിക്കാന്‍ കഴിയില്ല. ഇതില്‍ പ്രതിഷേധിച്ച് നിയോജകമണ്ഡലം തലങ്ങളില്‍ നാളെ കേന്ദ്രസര്‍ക്കാര്‍ ഓഫീസുകളിലേക്ക് നടത്തുന്ന മാര്‍ച്ച് തുടക്കം മാത്രമാണ്. കേന്ദ്ര സംസ്ഥാന സര്‍ക്കാരുകളുടെ ന്യൂനപക്ഷ, വിദ്യാര്‍ത്ഥി വിരുദ്ധതക്കെതിരെ രാഷ്ട്രീയപരവും നിയമപരവുമായ പോരാട്ടത്തിന് എം.എസ്.എഫ് നേതൃത്വം നല്‍കുമെന്നും സംസ്ഥാന പ്രസിഡന്റ് പി.കെ നവാസും ജനറല്‍ സെക്രട്ടറി സി.കെ നജാഫും അറിയിച്ചു.