കണ്ണൂര്‍ ജില്ലയിലെ സര്‍സയ്യിദ് കോളേജ് തളിപ്പറമ്പ് ,സര്‍സയ്യിദ് ഇന്‍സ്റ്റിറ്റ്യൂട്ട്, കല്ലിക്കണ്ടി എന്‍.എ.എം കോളേജ്, എന്‍.ഐ.എ.കടവത്തൂര്‍ എന്നീ കോളേജുകളില്‍ സമഗ്രാധിപത്യത്തോടെ എം.എസ്.എഫ് ഒറ്റയ്ക്ക് വിജയം നേടി.ഇരിക്കൂര്‍ സിബ്ഗ കോളേജ്, കോണ്‍കോര്‍ഡ് മട്ടന്നൂര്‍, എന്നിവിടങ്ങളില്‍ എം.എസ്.എഫ് മുന്നണിയായും വിജയിച്ചു.

കാസര്‍കോട് വിദ്യാര്‍ത്ഥി യൂണിയന്‍ തെരഞ്ഞെടുപ്പില്‍ കാസര്‍കോട് കോളജ് എം.എസ്.എഫ്- കെ.എസ്.യു സഖ്യത്തിന് ലഭിച്ചു. ഒമ്പത് മേജര്‍ സീറ്റുകളും സ്വന്തമാക്കിയാണ് എം.എസ്.എഫ്- കെ.എസ്.യു സഖ്യം വിജയക്കൊടി പാറിച്ചത്. ടാസ്‌ക് തൃക്കരിപ്പൂര്‍ , ഷറഫ് കോളേജ് പടന്ന എന്നിവടങ്ങിലും എം എസ് എഫിന് മികച്ച വിജയം നേടാന്‍ സാധിച്ചു.

സംഘടനയില്‍ ആന്തരികമായി ചര്‍ച്ച ചെയ്യേണ്ട കാര്യങ്ങള്‍ സോഷ്യല്‍ മീഡിയയില്‍ പ്രചരിപ്പിച്ചതിന്റെ പേരില്‍ സ്വീകരിച്ച നടപടികള്‍ ഹരിതയില്‍ വിഭാഗീയതയാണെന്ന തരത്തിലുള്ള ചില മാധ്യമ വാര്‍ത്തകള്‍ നിക്ഷിപ്ത താല്പര്യക്കാരുടെ കുപ്രചരണങ്ങള്‍ മാത്രമാണ്. വിദ്യാര്ഥിനികള്‍ക്കിടയില്‍ ഹരിത നടത്തി വരുന്ന പ്രവര്‍ത്തനങ്ങള്‍ക്കു ലഭിക്കുന്ന അംഗീകാരങ്ങളില്‍ വിറളി പൂണ്ടവരാണ് ഇത്തരം വാര്‍ത്തകള്‍ക്കു പിന്നിലുള്ളത് എം.സ്.എഫ് സംസ്ഥാന പ്രസിഡണ്ട് മിസ്ഹബ് കീഴരിയൂര്‍ പറഞ്ഞു.

മെയ് 12 നു ആലപ്പുഴയില്‍ നടക്കുന്ന എം.എസ്.എഫ് ദക്ഷിണ കേരള റാലിമായി ബന്ധപ്പെട്ടു വളരെ സജീവമായ പ്രവര്‍ത്തനങ്ങളാണ് കൊല്ലം ജില്ലയില്‍ നടന്നു കൊണ്ടിരിക്കുന്നത്. കൊല്ലം ജില്ലയിലെ
എം.എസ്.എഫ്് പ്രവര്‍ത്തനങ്ങളെ അസഹിഷ്ണുതയോടെ നോക്കി കാണുന്ന ചില ത്രീവ ആശയക്കാരുടെ പ്രചാരണമാണ് കൊല്ലം ജില്ലയില്‍ എം എസ് എഫ് രാജിവെച്ചു എന്ന വാര്‍ത്തകള്‍ക്കു പിന്നിലുള്ളതെന്നും നിലവില്‍ ഒരു നിയോജക മണ്ഡലം കമ്മിറ്റിയും രാജിവെച്ചിട്ടില്ല എന്നും എം എസ് എഫ് നേതാക്കള്‍ അറിയിച്ചു.

വടകര : മടപ്പള്ളി ഗവണ്‍മെന്റ് കോളേജില്‍ നടക്കുന്ന കാലിക്കറ്റ് യൂണിവേഴ്‌സിറ്റി ബി സോണ്‍ കലോത്സവത്തിനിടെ എസ്.എഫ്.ഐ പ്രവര്‍ത്തകരുടെ അഴിഞ്ഞാട്ടത്തില്‍ എം എസ് എഫ് പ്രവര്‍ത്തകര്‍ത്ത് പരിക്കേറ്റു. വടകര എം.എച്ച്.ഇ.എസ് കോളേജിലെ എം.എസ്.എഫ് പ്രവര്‍ത്തകര്‍ക്കാണ് പരിക്കേറ്റത്. കോളേജിലെ യു.യു.സി മുര്‍ഷിദ് (21), ചെയര്‍മാന്‍ സുഫൈദ് (21) എന്നിവരെ വടകര ജില്ലാ ഗവണ്‍മെന്റ് ആസ്പത്രിയില്‍ പ്രവേശിപ്പിച്ചു.