ശബരിമല വിഷയത്തില്‍ പൊലീസിനെ വെല്ലുവിളിച്ച് ബിജെപി നേതാവ് എംടി രമേശ്. കെ സുരേന്ദ്രന് പുറത്തുനടക്കാന്‍ അവകാശമില്ലെങ്കില്‍ പൊലീസിനെയും പുറത്തിറക്കാതിരിക്കാന്‍ ബിജെപിക്ക് അറിയാം. ഇത്തരം സമരങ്ങള്‍ വരുംദിവസങ്ങളിലും ഉണ്ടാകും. നാളെ നിലയ്ക്കലില്‍ ബിജെപി നിരോധനാജ്ഞ ലംഘിക്കുമെന്നും രമേശ് തൃശൂരില്‍ പറഞ്ഞു.

ഇതാദ്യമായല്ല എം ടി രമേശ് പൊലീസിനെ വെല്ലുവിളിക്കുന്നത്. പ്രകോപനപരമായ പ്രസംഗം നടത്തിയതിന് ജാമ്യമില്ലാവകുപ്പുകള്‍ ചുമത്തി കേസെടുത്ത ബിജെപി അധ്യക്ഷന്‍ ശ്രീധരന്‍പിള്ളയെ അറസ്റ്റ് ചെയ്യാന്‍ വെല്ലുവിളിച്ചും രമേശ് രംഗത്തെത്തിയിരുന്നു.

യോഗത്തില്‍ സംസ്ഥാന അധ്യക്ഷന്‍ കുമ്മനം രാജശേഖരനെതിരെ രൂക്ഷമായ വിമര്‍ശനമാണ് ഉയര്‍ന്നത്. കോഴ ആരോപണം അന്വേഷിക്കാന്‍ മറ്റ് നേതാക്കളെ അറിയിക്കാതെ കമ്മീഷനെ നിയോഗിച്ച നടപടിയാണ് കുമ്മനത്തിനെതിരായ വിമര്‍ശനം ഉയരാന്‍ കാരണം്. അതേസമയം കോര്‍ കമ്മിറ്റി യോഗത്തില്‍ പാര്‍ട്ടിയെ പിടിച്ചുലക്കിയ കോഴ വിഷയത്തേക്കാക്കാള്‍ കമ്മീഷന്‍ റിപ്പോര്‍ട്ട് ചോര്‍ച്ചയാണ് ചര്‍ച്ചയായത്.

മുന്‍ സംസ്ഥാന അധ്യക്ഷന്‍ കൂടിയായ പിഎസ് ശ്രീധരന്‍ പിള്ളയാണ് കുമ്മനത്തിനെതിരെ വിമര്‍ശനമുന്നയിച്ചത്. നേതൃത്വത്തെ അറിയിക്കാതെ കോഴ ആരോപണം അന്വേഷിക്കാന്‍ തീരുമാനിച്ചത് തെറ്റിദ്ധാരണക്ക് ഇടയാക്കിയെന്ന് ശ്രീധരന്‍ പിള്ള അഭിപ്രായപ്പെട്ടു. അന്വേഷണം അഴിമതി നടന്നുവെന്ന് പാര്‍ട്ടി സ്ഥിരീകരിച്ചത് പോലെയായെന്നും അദ്ദേഹം കുറ്റപ്പെടുത്തി.

അതേസമയം നേതൃയോഗത്തില്‍ വികാരാധീതനായ സംസ്ഥാന ജനറല്‍ സെക്രട്ടറി എം.ടി രമേശ് പൊട്ടിക്കരഞ്ഞു. ഒപ്പമുള്ളവര്‍തന്നെ തനിക്കെതിരെ ഗൂഢാലോചന നടത്തിയെന്ന് ആരോപിച്ചാണ് എം.ടി രമേശ് യോഗത്തില്‍ വികാരാപരിതനായിത്. തന്നെ തകര്‍ക്കാന്‍ ലക്ഷ്യമിട്ടവര്‍ പാര്‍ട്ടിയെ ഒന്നാകെയാണ് തകര്‍ത്തതെന്നും കുറ്റക്കാര്‍ക്കെതിരെ നടപടിയെടുത്തില്ലെങ്കില്‍ താന്‍ ഇനി പാര്‍ട്ടിയില്‍ ഉണ്ടാകില്ലെന്നും എംടി രമേശ് യോഗത്തില്‍ പറഞ്ഞു. ഗൂഢാലോചനയെ കുറിച്ച് പാര്‍ട്ടി അന്വേഷിക്കണമെന്ന് രമേശ് ആവശ്യപ്പെട്ടു.

സ്വാശ്രയ മെഡിക്കല്‍ കോളേജിന് കേന്ദ്ര അനുമതി ലഭിക്കാന്‍ കോഴ വാങ്ങിയെന്ന ബി.ജെ.പി അന്വേഷണക്കമ്മീഷന്‍ റിപ്പോര്‍ട്ട് പുറത്തുവന്നതാണ് സംസ്ഥാനത്തെ ബി.ജെ.പിയെ പ്രതിസന്ധിയിലാക്കിയിരിക്കുന്നത്. സംസ്ഥാന ജനറല്‍ സെക്രട്ടറി എം.ടി രമേശിനെതിരെയും അന്വേഷണ റിപ്പോര്‍ട്ടില്‍ പരാമര്‍ശമുണ്ടായിരുന്നു

കോഴയിടപാട് പ്രധാനമന്ത്രിക്ക് അപമാനമാണ്. കേരളത്തിലെ ബി.ജെ.പി അഴിമതിയില്‍ മുങ്ങുമ്പോള്‍ നാറുന്നത് മോദിയാണ്. അദ്ദേഹത്തോട് നീതിയോ മര്യാദയോ കേരളത്തിലെ നേതാക്കള്‍ കാണിച്ചില്ല. കോടികള്‍ മറിഞ്ഞെന്ന് നാട്ടുകാര്‍ വിശ്വസിക്കുന്നു. മോദിയും അമിത്ഷായും കേരളഘടകത്തെ അഴിച്ചുപണിത് ശുദ്ധീകരിക്കണമെന്നും വെള്ളാപ്പള്ളി പറഞ്ഞു.

അതേസമയം കോഴ ആരോപണത്തില്‍ എം.ടി രമേഷ് പ്രതികരിച്ചു. തനിക്ക് ആരും പണം വാഗ്ദാനം ചെയ്തിട്ടില്ലെന്നും സംഭവത്തില്‍ തനിക്ക് ബന്ധമില്ലെന്നും എം.ടി രമേശ് പറഞ്ഞു. നഴ്‌സറി സ്‌കൂളിനു പോലും അനുമതി നല്‍കാന്‍ കഴിയാത്ത ആളാണ് താന്‍. കോഴ നല്‍കി എന്നു പറയുന്നവരെ താന്‍ ജീവിതത്തില്‍ ഒരിക്കല്‍ പോലും കണ്ടിട്ടില്ല. മറിച്ചുള്ള പ്രചാരണങ്ങളെല്ലാം വസ്തുതാവിരുദ്ധവും അടിസ്ഥാനരഹിതവുമാണെന്നും എം.ടി രമേശ് പറഞ്ഞു.

തനിക്ക് ആരും പണം വാഗ്ദാനം ചെയ്തിട്ടില്ലെന്നും സംഭവത്തില്‍ തനിക്ക് ബന്ധമില്ലെന്നും എം.ടി രമേശ് പ്രതികരിച്ചു. നഴ്‌സറി സ്‌കൂളിനു പോലും അനുമതി നല്‍കാന്‍ കഴിയാത്ത ആളാണ് താന്‍. കോഴ നല്‍കി എന്നു പറയുന്നവരെ താന്‍ ജീവിതത്തില്‍ ഒരിക്കല്‍ പോലും കണ്ടിട്ടില്ല. മറിച്ചുള്ള പ്രചാരണങ്ങളെല്ലാം വസ്തുതാവിരുദ്ധവും അടിസ്ഥാനരഹിതവുമാണെന്നും എം.ടി രമേശ് മാധ്യമപ്രവര്‍ത്തകരോട് പറഞ്ഞു.

സമാധാന ശ്രമങ്ങള്‍ക്ക് തങ്ങളുടെ കാല് പിടിക്കട്ടെയെന്ന നിലപാട് പഴയ മാടമ്പിത്ത ഭാഷയാണെന്ന് ബിജെപി സംസ്ഥാന ജനറല്‍ സെക്രട്ടറി എം.ടി. രമേശ് തുറന്നടിച്ചു. മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. എ.കെ.ജി സെന്ററില്‍ കേറി യാചിക്കേണ്ട ആവശ്യം ബി.ജെ.പിക്കോ ആര്‍.എസ്.എസിനോ ഇല്ലെന്നും രമേശ് പറഞ്ഞു.
കണ്ണൂര്‍ ജില്ലയില്‍ സമാധാനം ആഗ്രഹിക്കുന്നെങ്കില്‍ ആര്‍എസ്എസ്, മുഖ്യമന്ത്രി പിണറായി വിജയനെ അങ്ങോട്ടു സമീപിക്കണമെന്നും അങ്ങനെയെങ്കില്‍ മുഖ്യമന്ത്രിയും സര്‍ക്കാരും സമാധാന ചര്‍ച്ചകള്‍ക്കു മുന്‍കൈയെടുക്കുമെന്നായിരുന്നു കോടിയേരിയുടെ പ്രതികരണം.

എന്നാല്‍ മുഖ്യമന്ത്രി പാര്‍ട്ടി സെക്രട്ടറിയെപ്പോലെയാണ് പെരുമാറുന്നത് രമേശ് കുറ്റപ്പെടുത്തി. കഴിഞ്ഞ ദിവസം കണ്ണൂരിലുണ്ടായിരുന്ന മുഖ്യമന്ത്രി കൊല്ലപ്പെട്ട രമിത്തിന്റെ വീടിന് മുന്നിലൂടെ യാത്ര ചെയ്തിട്ടും ആ വീട്ടില്‍ കയറാന്‍ മുഖ്യമന്ത്രി തയാറായില്ല. ഒട്ടേറെ ബിജെപി പ്രവര്‍ത്തകരുടെ വീടുകള്‍ സിപിഎമ്മുകാര്‍ തകര്‍ത്തിട്ടുണ്ട്. ഈ വീടുകള്‍ സന്ദര്‍ശിക്കാനും മുഖ്യമന്ത്രി തയാറായിട്ടില്ലെന്നും അദ്ദേഹം ആരോപിച്ചു.
കണ്ണൂരില്‍ സമാധാനം ഉറപ്പാക്കുന്നതില്‍ മുഖ്യമന്ത്രിക്ക് പരാജയമാണെന്ന് സമ്മതിച്ചാല്‍ തങ്ങള്‍ കേന്ദ്രത്തെ സമീപിക്കാമെന്നും രമേശ് വ്യക്തമാക്കി. കേന്ദ്ര ഇടപെടലിനെ സി.പി.എം അംഗീകിരക്കുന്നുണ്ടോ എന്ന് വ്യക്തമാക്കണമെന്നും എം.ടി രമേശ് ചോദിച്ചു.

സമാധാനത്തിന് ചര്‍ച്ചയാകാമെന്ന നിലപാടില്‍ നിന്ന് ആര്‍എസ്എസ് പുറകോട്ട് പോയിട്ടില്ല. സിപിഎം ആണ് പുറകോട്ട് പോയത്. അവര്‍ അക്രമം നടത്തിയവര്‍ക്ക് പ്രോല്‍സാഹനം നല്‍കുന്ന നിലപാടാണ് സ്വീകരിക്കുന്നത്. കണ്ണൂരില്‍ സമാധാനം ഉണ്ടാകാന്‍ പാടില്ലെന്നാണ് അവരുടെ ആഗ്രഹമെന്നും അദ്ദേഹം കുറ്റപ്പെടുത്തി. കോടിയേരിയുടെ പരാമര്‍ശത്തോട് എല്‍ഡിഎഫിലെ മറ്റുകക്ഷികള്‍ നിലപാട് വ്യക്തമാക്കണമെന്നും രമേശ് ആവശ്യപ്പെട്ടു.