കഴിഞ്ഞ മാസം 13നാണ് ഹൈക്കോടതി നിസാമിന് ഇടക്കാല ജാമ്യം അനുവദിച്ചത്. ആരോഗ്യ കാരണങ്ങള്‍ ചൂണ്ടിക്കാട്ടിയായിരുന്നു ജാമ്യം. ആദ്യം 15 ദിവസത്തേക്ക് നേടിയ ജാമ്യം പിന്നീട് നീട്ടുകയായിരുന്നു. സര്‍ക്കാര്‍ ആശുപത്രിക്ക് പകരം സ്വകാര്യ ആശുപത്രിയില്‍ ചികിത്സയില്‍ പോകരുത് എന്നതുള്‍പ്പെടെ നിരവധിയായിരുന്നു ജാമ്യ വ്യവസ്ഥകള്‍.

ഇതുള്‍പ്പെടെയുള്ളവ നിസാം ലംഘിച്ചുവെന്നാണ് കണ്ടെത്തല്‍. കൊച്ചിയിലെ സ്വകാര്യ ആശുപത്രിയില്‍ നിസാം ചികിത്സ തേടിയതായും ജയില്‍ ഡിജിപിയുടെ അന്വേഷണത്തില്‍ ബോധ്യപ്പെട്ടു. ഇതിനെത്തുടര്‍ന്നാണ് ജാമ്യം റദ്ദാക്കണമെന്ന് ജയില്‍ ഡിജിപി റിഷിരാജ് സിംഗ് ആവശ്യപ്പെട്ടത്. തുടര്‍ നടപടികള്‍ ആവശ്യപ്പെട്ട് സര്‍ക്കാരിനും എജിക്കും കത്ത് നല്‍കി . 2016 ല്‍ സെക്യൂറിറ്റി ജീവനക്കാരനെ കാറിടിച്ച് കൊലപ്പെടുത്തിയ കേസില്‍ ജീവപര്യന്തം തടവിന് കഴിയുകയാണ് നിസാം.

നിസാം ജയിലിനുള്ളില്‍ ഫോണ്‍ ഉപയോഗിച്ചിട്ടില്ലെന്നും എന്നാല്‍ ബംഗളൂരു യാത്രക്കിടെ ഫോണ്‍ ഉപയോഗിച്ചതായി തെഴിഞ്ഞിട്ടുണ്ട് ജയില്‍ ഡി.ഐ.ജി ശിവദാസന്‍ തൈപ്പറമ്പില്‍ അറിയിച്ചു. ഇത് പൊലീസിന്റെ വീഴ്ചയാണെന്നും ജയില്‍ വകുപ്പിന് ഇതില്‍ ഉത്തരവാദിത്തമില്ലെന്നും ഡി.ഐ.ജി വ്യക്തമാക്കി.

Dont miss: ചന്ദ്രബോസ് വധക്കേസിലെ പ്രതി നിസാമിന് ജയിലില്‍ ഫോണ്‍

നിഷാം ഫോണ്‍ ഉപയോഗിച്ചുവെന്ന പരാതിയെ കുറിച്ച് അന്വേഷിക്കാന്‍ കണ്ണൂര്‍ സെന്‍ട്രല്‍ ജയില്‍ സന്ദര്‍ശിച്ച്് സംസാരിക്കികയായിരുന്നു ഡി.ഐ.ജി.